ဒီဇင်ဘာ ၁၆ ၊ ၂၀၁၄
M-Media
အနောက်တိုင်းမှာ ဘားမားလို့သာသိရှိကြတဲ့ မြန်မာနိုင်ငံကို တိုင်းတစ်ပါးဂုဏ်သရေရှိသူများ အလည်အပတ်လာရောက်ကြတဲ့အခါ . . . . .
ဗဟိုအစိုးရနဲ့ တိုင်းရင်း အုပ်စုတွေ ဆယ်စုနှစ်များစွာ လက်နက်ကိုင်တိုက်ခိုက်နေတဲ့ နေရာဒေသတွေဆီ သွားရောက်လေ့ မရှိကြပါဘူး။ ဥပမာ ကရင်ပြည်နယ်ထဲက ဝေါ်လေကျေးရွာလို ကုန်းတစ်တန်လှေတစ်တန်နဲ့ ခရီးကြမ်းနှင်ရတဲ့နေရာမျိုးတွေပေါ့။
ဝေါ်လေကျေးရွာကို မဟာရန်ကုန်တို့ နေပြည်တော်တို့ကလူတွေ သိတောင်သိကြမှာ မဟုတ်ဘူးထင်ပါတယ်။ ကျွန်တော်ဟာ ပစ်ခတ်ခံရတဲ့အန္တရာယ်မရှိဘဲ သွားရောက်နိုင်ခဲ့မယ်ဆိုရင် မြန်မာ့အပြောင်းအလဲရဲ့ အရေးပါတဲ့အထောက်အထားတစ်ရပ် ဖြစ်လာနိုင်ပါလိမ့်မယ်။ မြန်မာစစ်တပ်နဲ့ ကရင်အမျိုးသား လွတ်မြောက်ရေး တပ်မတော်တို့က ၃ နှစ်တာ အပစ်အခတ်ရပ်စဲရေးကို ဆောင်ရွက်နိုင်ခဲ့ကြတယ်။ အဲ့ဒီအခါ ဆယ်စုနှစ်များစွာ အတွင်း ကရင်ကလေးငယ်တွေအဖို့ ငြိမ်းချမ်းစွာကြီးပြင်းရေး မျှော်လင့်ချက်ရောင်ခြည်သန်း လာခဲ့တယ်။ ကောင်းမွန်လှပတဲ့ အနာဂတ်ကိုပင်လျှင် အိပ်မက် ရဲရဲမက်လာနိုင်ကြတယ်။
ကမ္ဘာ့မျက်နှာစာက မြန်မာ့ပုံရိပ် ဘာတွေရှိနေသလဲ ကြည့်ကြရအောင်။ နိုဗယ်လ်ဆုရှင် သူရဲကောင်း ဒေါ်အောင်ဆန်းစုကြည်ဟာ ၁၉၉၀ ခုနှစ်ရွေးကောက်ပွဲကို လွတ်လွတ်ကျွတ်ကျွတ် အောင်နိုင်ခဲ့တယ်။ အရှက်တကွဲအကျိုးနည်းဖြစ်သွားတဲ့ စစ်အစိုးရက အဲ့ဒီရလဒ်ကို မဆိုင်းမတွ ပယ်ချခဲ့တယ်။ နိုင်ငံတော်လုပ်ငန်းစဉ်ကို ဆန့်ကျင်တဲ့စွဲချက်နဲ့ နှစ်များစွာ နေအိမ်အကျယ်ချုပ်ခံရပြီး လွတ်မြောက်လာတယ်။ လာမယ့်နှစ် ရွေးကောက်ပွဲမှာ သူမအနေနဲ့ သမ္မတနေရာဝင်အရွေးခံရင် သေချာပေါက် ရနိုင်ချေရှိတယ်။ ဒါပေမယ့် ဒီအခွင့်အရေးကို တားမြစ်ပိတ်ဆို့ထားတယ်။ ဒါဟာ မြန်မာ့အကူးပြောင်းကာလအတွက် လက်ရှိစိန်ခေါ်ချက်တွေကို ရုပ်လုံးဖော်ပြနေခြင်းဖြစ်တယ်။
ဒုတိယကမ္ဘာစစ်နောက်ပိုင်း မြန်မာနိုင်ငံဟာ ဗြိတိသျှကိုလိုနီဘ၀ကနေ လွတ်မြောက်ခဲ့တယ်။ ဗြိတိသျှတွေ ကတိက၀တ်ပြုထားခဲ့တဲ့အတိုင်း တိုင်းရင်းအုပ်စုအသီးသီးက ကိုယ်ပိုင်အုပ်ချုပ်ခွင့်ရဖို့တောင်းဆိုတော့ ဗဟိုအစိုးရသစ် ပယ်ချလိုက်တဲ့အတွက် ပဋိပက္ခဇာတ်လမ်း စတင်ခဲ့တယ်။ တိုင်းပြည်ရဲ့ သွေးနုသားနု ဒီမိုကရေစီစနစ်က ၁၉၆၂ ခုနှစ်မှာ ဗိုလ်ချုပ်နေ၀င်းလက်ချက်နဲ့ ဇာတ်သိမ်းသွားရတယ်။ နှစ်ပေါင်းများစွာ ဗိုလ်ချုပ်တွေရဲ့အမည်နာမတွေ၊ အုပ်ချုပ်ရေးအဖွဲ့နာမည်အတိုကောက် စာလုံးတွေ ပြောင်းလဲသွားတာကလွဲလို့ ဘာမှ မထူးခြားခဲ့ပါဘူး။ ဥပမာ SLORC (State Law and Order Restoration Council) ကနေ SPDC (State Peace and Development Council) ဖြစ်သွားတာမျိုးပေါ့။
ပြည်သူ့ချဉ်ဖတ် စစ်အစိုးရက ရန်ကုန်မြို့နဲ့အတန်လှမ်းကွာတဲ့နေရာမှာ နေပြည်တော်ကို တည်ဆောက်တယ်။ နာဂစ်မုန်တိုင်းဒဏ်သင့်ခံရပြီးနောက်ပိုင်း အနောက်တိုင်းရဲ့အကူအညီကို ငြင်းဆန်ခဲ့ကြတယ်။ တိုင်းရင်းအုပ်စုအသီးသီးတွေအပေါ် သွေးချောင်းစီးစေခြင်း၊ ဒီမိုကရေစီနည်းကျ ရွေးကောက်ပွဲကို တားဆီးပြီး ကမောက်ကမဖြစ်စေခြင်း၊ လူထုဆန္ဒပြမှုကို ကြမ်းကြုတ်စွာ ဖြိုခွင်းခြင်း၊ အခြေခံလွတ်လပ်မှုအပေါ် ဖိနှိပ်ခြင်း စသဖြင့် ပြည်သူလူထုကို အာဏာရအစိုးရအစဉ် အဆက်ကလည်း စစ်ဆင်ခဲ့ကြတယ်။ တစ်ချိန်တည်းမှာပဲ မြန်မာလူထုတွေဟာ ဆင်းရဲတွင်းထဲ ပိတ်မိကုန်ကြတယ်။ အပြောင်းအလဲဟာ သိမ်သိမ်မွေ့မွေ့ဖြစ်မယ်လို့ မျှော်လင့်ထားတဲ့ သုတေသီဆိုလို့ မဆိုစလောက်သာ ရှိကြတယ်။
အဲ့ဒီနောက်မှာ စစ်တပ်က ခပ်ကြမ်းကြမ်း ပြန်ကိုင်တွယ်ခဲ့တယ်။ စစ်အစိုးရက ဖွဲ့စည်းပုံအခြေခံဥပဒေသစ်တစ်ရပ်ကို ရေးဆွဲတယ်။ အရင်လေးနှစ်မှာ ရွေးကောက်ပွဲ ကျင်းပပြီး အာဏာကို ပြောင်ပြောင်တင်းတင်း ပြန်ယူထိန်းချုပ်ခဲ့တယ်။ စနစ်တစ်ခုလုံးကို ကောက်ကျစ်စွာနဲ့ စီမံခဲ့ကြတယ်။ ဒေါ်စုကြည်နဲ့ အခြား အတိုက်အခံတွေ ကောင်းကောင်း မလှုပ်ရှားနိုင်အောင် လွှတ်တော်အမတ်နေရာရဲ့ လေးပုံတစ်ပုံကို စစ်တပ်အတွက် နေရာပေးခန့်အပ်ကြတယ်။ ဒေါ်စုကြည်ရဲ့ ခင်ပွန်းနဲ့သားများက ဗြိတိသျှနိုင်ငံသားများဖြစ်နေတယ်ဆိုတဲ့အချက်နဲ့ သူမရဲ့သမ္မတ၀င်ရွေးခံခွင့်ကို တားမြစ်ကန့်သတ်ထားတယ်။ သိပ်မကြာခင်မှာ နိုင်ငံရေး အကျဉ်းသားတွေကို လွှတ်ပေးတယ်၊ မီဒီယာတင်းကြပ်မှုကို ဖြေလျော့ပေးတယ်၊ ဒေါ်စုကြည်ရဲ့ NLD ပါတီကိုလည်း တရားဝင်မှတ်ပုံတင်ခွင့်ပေးလိုက်တယ်။ ဗိုလ်ချုပ်ဟောင်းသိန်းစိန်က အရပ်သားသမ္မတအဖြစ် ခံယူပြီး နိုင်ငံရေးပြုပြင်ပြောင်းလဲမှုကို ခြေလှမ်းကျယ်ကျယ်နဲ့ တရားဝင်ရှေ့တန်းတင် ပြုလုပ်လာတယ်။
အမေရိကန်နဲ့ဥရောပက စီးပွားရေးပိတ်ပင်မှုတွေရုပ်သိမ်း၊ အပြန်အလှန်လည်ပတ်မှုခရီးစဉ်တွေနဲ့ အားတက်သရော တုန့်ပြန်ခဲ့ကြတယ်။ အိုဘားမား အစိုးရအဖွဲ့အတွက် နိုင်ငံခြားရေးမူဝါဒမှာ အကောင်းဆုံး၊ အထင်ရှားဆုံး အောင်မြင်မှုရတဲ့ တစ်ခုတည်းသောနိုင်ငံဟာ မြန်မာနိုင်ငံမှာလို့ ဆိုရမလောက်ပါပဲ။ ဒီလောက်အောင်မြင်မှုကို အာဖဂန်နစ္စတန်၊ လစ်ဗျား၊ အီရတ်၊ မြောက်ကိုးရီးယား၊ အီဂျစ်၊ ဆီးရီးယား၊ ယူကရိန်း၊ ပါကစ္စတန်၊ ဘာရိန်း၊ အစ္စရေး၊ ပါလက်စတိုင်း၊ ရုရှားတွေမှာ လုံးဝ မရရှိသလောက်ဖြစ်ခဲ့တယ်။ ဒီအောင်မြင်မှုရှေ့ဆက်နိုင်ခဲ့ရင် မြန်မာနိုင်ငံဟာ အပြည်ပြည်ဆိုင်ရာအသိုင်းအ၀ိုင်းကြားထဲ ၀င်ဆန့်အောင် တွန်းပို့နိုင်လိမ့်မယ်လို့ မျှော်လင့်စရာ ရှိပါတယ်။
သို့ပေမယ့် အတားအဆီးတွေကတော့ မြင့်မားနေဆဲပါ။ မြန်မာနိုင်ငံအနေနဲ့ စစ်ရေးပဋိပက္ခ အစဉ်အလာရှေ့ဆက်နေခြင်း၊ နိုင်ငံရေးလက်ဝါးကြီးအုပ်မှု၊ စီးပွာရေးချွတ်ခြုံကျမှု၊ နိုင်ငံတကာ့ချဉ်ဖတ်ဖြစ်ခြင်း စတာတွေကို ထိပ်တိုက်ရင်ဆိုင်သွားရမှာဖြစ်ပါတယ်။ ဆိုဗီယက်ယူနီယံဟောင်းမှာ ရက်စက်ကြမ်းကြုတ်တဲ့ အာဏာရှင်စနစ်ကနေ ဒီမိုကရေစီ အရင်းရှင်စနစ်ဆီ ကူးပြောင်းတဲ့ လုပ်ငန်းစဉ်က အနောက်တိုင်းသားတွေ ထင်မြင်ထားတာထက် ဆိုးဆိုးရွားရွား ခဲယဉ်းခဲ့တယ်။ အကြွင်းမဲ့လွတ်မြောက်ရေးနည်းစဉ်၊ ဗဟိုချုပ်ကိုင်မှုလျှော့ချရေးတွေဟာ လူထုလက်ထဲ အစစ်အမှန် အာဏာရောက်ရှိမယ့် ဒီမိုကရေစီပုံသွင်းမှုကို ဖြစ်ပေါ်စေမှာ မဟုတ်ဘူးလို့ သုတေသီအချို့က သုံးသပ်လာကြတယ်။
အရပ်သားအစိုးရလို့အရေခွံလဲထားလင့်ကစား မြန်မာ့ အာဏာချုပ်ကိုင်မှု လမ်းကြောင်းက တကယ်တမ်းမှာတော့ ရှုပ်ထွေးနေဆဲဖြစ်တယ်။ စစ်တပ်က လူထုရဲ့ထိန်းချုပ်မှု လမ်းကြောင်းကိုတော့ ဖော်ဆောင်ပါတယ်၊ ဒါပေမယ့် အာဏာကို လက်မလွှတ်ပါဘူး၊ အရေးကြီးဆုံးဖြတ်ချက်တွေအပေါ်မှာ တစ်ချက်လွှတ်ဗီတိုအာဏာနဲ့ အထိမခံ စွဲကိုင်ထားဆဲဖြစ်ပါတယ်။ ဒါဟာ လူထု ဆန္ဒတွေကို ဗိုလ်ချုပ်တွေက နောက်ဆုတ်လိုက်လျောခြင်းနဲ့ မတူပါဘူး။ စစ်ခေါင်းဆောင်များဟာ သူတို့ရဲ့ ကြွယ်ဝမှုနဲ့ သြဇာတွေကို ကြိုတင်ကာကွယ်ထားနိုင်ဖို့ ပုံပြောင်းဆင်ယင်ခြင်း တစ်မျိုးသာဖြစ်နိုင်တယ်လို့ အများက ယုံကြည်ယူဆနေကြပါတယ်။ မြန်မာအုပ်ချုပ်သူများဟာ တရုတ်နဲ့အနီးကပ်ဆက်ဆံရေးမှာလည်း မပြေလည်မှုတွေ ရှိလာပါတယ်။ တရုတ်ကျောထောက်နောက်ခံဖွံ့ဖြိုးရေးပရောဂျက်တွေအပေါ် လူထုရဲ့ မနှစ်မြို့မှုတွေ၊ ဆန့်ကျင်ကန့်ကွက်မှုတွေ ထင်ထင်ရှားရှား ပေါ်ထွက်လာတာကြောင့် ဖြစ်ပါတယ်။ မြန်မာစစ်အစိုးရဟာ ပထ၀ီနိုင်ငံရေးအရ ချိန်ခွင်လျှာထိန်းညှိဖို့ အမေရိကနဲ့ ဥရောပ ဆက်ဆံရေးကို လက်မလွှတ်နိုင်သလို ယခင်ထိန်းချုပ်ချက်တွေကိုလည်း စွန့်လွှတ်လိုစိတ် မရှိကြဘူး။
ကံမကောင်းအကြောင်းမလှစွာနဲ့ လက်ရှိလပိုင်းများမှာ ပြန်လည်ပြုပြင်ရေးလုပ်ငန်းစဉ်တွေက အလုပ်မဖြစ်လို့ နောက်ကြောင်းပြန်လှည့်မယ့် သဘော ပေါ်လွင်လာပါတယ်။
နိုင်ငံအရှေ့ပိုင်းဒေသများမှာ ရံဖန်ရံခါ တိုက်ပွဲငယ်လေးများဖြစ်တာက လွဲလို့ စစ်ရေးတိုက်ခိုက်မှု အများစု နည်းပါးလာသော်လည်း ကချင်၊ ရှမ်း၊ တအောင်းတွေနဲ့ ပဋိပက္ခများကတော့ ရှိနေဆဲဖြစ်တယ်။ ပြီးခဲ့တဲ့လ သမ္မတအိုဘားမား အလည်အပတ်ရောက်ရှိစဉ်ကလည်း တိုင်းရင်းသားနယ်ပယ်တွေထဲမှာ တရားလက်လွှတ် သတ်ဖြတ်ခြင်း၊ မုဒိန်းမှု၊ မတရားလုပ်သားခိုင်းစေမှုဆိုင်ရာ ဖိနှိပ်စော်ကားခြင်းအစီရင်ခံချက်တွေအပါအ၀င် အခြေခံလူ့အခွင့်အရေးချိုးဖောက်မှုတွေ ရှိနေဆဲဖြစ်ကြောင်း ဖွင့်ဟပြောဆိုသွားခဲ့တယ်။
အပစ်အခတ်ရပ်စဲရေးကိစ္စမှန်သမျှ ထာဝရငြိမ်းချမ်းရေးဖက်ကို အသွင်မပြောင်းနိုင်သေးပါဘူး။ ၂၀၀၃ ခုနှစ်နှောင်းပိုင်းမှာ ကရင်တိုက်ခိုက်ရေးသမားတစ်ဦးက Economist ကို ဒီလိုပြောကြားခဲ့တယ်။ “တိုက်ခိုက်မှုတွေ အဆုံးသတ်ချင် သတ်သွားနိုင်ပါတယ်။ ပြီးဆုံးချင်မှလည်း ပြီးဆုံးလိမ့်မယ်။ ကျွန်တော်တို့ကတော့ လက်နက်ကို စွဲကိုင်ထားရဦးမှာပါပဲ”။ အောက်တိုဘာလက ရန်ကုန်မှာကျင်းပတဲ့ တိုင်းရင်းသားများဖိုရမ်ကနေ “အကောင်းဖက်ဦးတည်လာတဲ့ အပြောင်းအလဲတွေကို မဆိုစလောက်သာ တွေ့ရတယ်၊ အချို့ကိစ္စများရဲ့ အနေအထားကတော့ ယခင်အတိုင်း ထူးမခြားနားပါ”ဆိုတဲ့ သဘောထားထုတ်ပြန်ခဲ့တယ်။ ရင်းနှီးမြှုပ်နှံမှုတွေ ၀င်ရောက်လာတဲ့ လက်နက်ကိုင်များထိန်းချုပ်ဒေသခံ လူ့အဖွဲ့အစည်းအများစုကတော့ ခိုင်မာသောငြိမ်းချမ်းရေးနဲ့ ရေရှည်ဖွံ့ဖြိုးမှုကို ငံ့လင့်နေကြပါတယ်။
အလားတူပြဿနာမျိုးလည်း ရခိုင်ပြည်နယ်မှာ ဖြစ်နေပါတယ်။ ပြည်နယ်လူဦးရေပမာဏာ ၆၀ ရာခိုင်နှုန်းအထိရှိတဲ့ ဗုဒ္ဓဘာသာဝင်ရခိုင်များဟာ ရိုဟင်ဂျာတွေကို ပြစ်မှတ် ထားပြီး လူမျိုးရေးအကြမ်းဖက်မှုတွေ ပြုလုပ်နေကြတဲ့အတွက် ဒေသနစ်နာမှု များစွာ ဖြစ်ပေါ်ရတယ်။ တိုက်ခိုက်မှုများအတွင်း ဒေသခံရဲ၊ လုံထိန်း၊ နယ်ခြားစောင့်တပ်၊ စစ်တပ် စတဲ့ နိုင်ငံ့လုံခြုံရေးအင်အားစုတွေပင်လျှင် အလှမ်းကျယ်ကျယ် ပါဝင်ပူးပေါင်းပြုလုပ်နေကြတယ်။ ရိုဟင်ဂျာလူဦးရေ အနည်းဆုံး ၂၀၀ သေဆုံးပြီး ခန့်မှန်းချေ တစ်သိန်းလေးသောင်းလောက်က အိုးအိမ်မဲ့ဘ၀ရောက်သွားရတယ်။ လူ့အခွင့်အရေးစောင့်ကြည့်မှုအဖွဲ့က ဒီပြဿနာကို “လူမျိုးသုဉ်းရှင်းလင်းမှု” အဖြစ် ဖော်ပြထားပါတယ်။
အဲ့ဒီဒေသက လူများစုဝင်ရခိုင်များကိုယ်တိုင်ကလည်း ဗဟိုအစိုးရရဲ့ ဖိနှိပ်မှုကို ရေရှည်ခံစားလာရသူတွေဖြစ်တယ်။ ခွဲခြားချိုးနှိမ်ခြင်းနဲ့ နိုင်ငံသားအဖြစ်လက်မခံခြင်းအထိ ရိုဟင်ဂျာတွေအပေါ် ဗုဒ္ဓဘာသာဝင်တွေက နိုင်ငံ့အန္တရာယ်အဖြစ် အမြင်ထားရှိကြတယ်။ သမ္မတဦးသိန်းစိန်က အပြစ်မဲ့ဓားခံတွေကိုယ်စား တစ်စုံတစ်ရာ ဆောင်ရွက်ပေးခြင်း မရှိပါဘူး။ ဒါ့အပြင် အဲ့ဒီအကြမ်းဖက်မှုကြီးကို ဖော့ထားပြီး လုံခြုံရေးတပ်ဖွဲ့ဝင်တွေကိုလည်း ကာကွယ်ဖုံးဖိပေးခဲ့တယ်။
နိုင်ငံရေးပြုပြင်ပြောင်းလဲမှုဆိုတာကလည်း တောမရောက် တောင်မရောက် ဖြစ်နေဆဲ။ Diplomat က Luke Hunt ကတော့ “ပြုပြင်ပြောင်းလဲကာလ လေးနှစ်တာ လွန်မြောက်ခဲ့ပါပြီ။ နောက်ကြောင်းပြန်လှည့်လိုတဲ့ ပုံဟန်ကိုလည်း အကျည်းတန်စွာ တရွေ့ရွေ့မြင်နေရပြီ” လို့ ဆိုပါတယ်။ ထို့အတူ မီဒီယာ လွတ်လပ်ခွင့် ကလည်း ခေတ် တစ်ပတ်ပြန်လည်လို့ တင်းကြပ်သွားပြီဖြစ်ပါတယ်။ စာနယ်ဇင်းသမား ၁၀ ဦးကို ထောင်သွင်း အကျဉ်းချခဲ့တယ်၊ အောက်တိုဘာလ အတွင်း အောင်ကျော်နိုင် (ကိုပါကြီး) အမည်ရှိသူက စစ်တပ်ထိန်းသိမ်းမှုအောက်မှု သေဆုံးသွားခဲ့တယ်။ Human rights Watch အဖွဲ့ဝင် David Mathieson က ဒါကို “သတင်းစာလွတ်လပ်ခွင့် ဖျက်ဆီးခြင်းရဲ့ အထင်ရှားဆုံးမြင်ကွင်း” လို့ ဝေဖန်ခဲ့ပါတယ်။
နိုင်ငံရေးအကျဉ်းသားအချို့ကိုတော့ ထိန်းသိမ်းထားဆဲဖြစ်တယ်။ ပြီးခဲ့တဲတစ်နှစ်လုံးမှာ အစိုးရဆန့်ကျင်သူအချုို့ကိုလည်း ထပ်မံ ဖမ်းဆီးခဲ့ပြန်တယ်။ ဒီမိုကရေစီအရေးလှုပ်ရှားသူ အချို့မှာလည်း ဥပဒေကြောင်းအရ လွတ်မြောက်ခွင့်ကို ရင်ဆိုင်နေရတုန်းပါ။ “နောက်ယောက်ခံလိုက်ခြင်း၊ စစ်ဆေးသတင်းနှိုက်ခြင်း၊ ခြိမ်းခြောက်မှု၊ အကြပ်ကိုင်မှုတွေ ရှိနေတယ်။ ပြန်လည်ပြုပြင်ရေးလုပ်ငန်းစဉ်က အရှိန်အဟုန်နှောင့်နှေးနေတယ် လို့ ဒေါ်အောင်ဆန်းစုကြည် က ပြောကောင်းပြောပါလိမ့်မယ်။ ဒါပေမယ့် တကယ့် အဖြစ်မှန်က လမ်းဟောင်းလမ်းဆိုးကို ပြန်လှည့်နေခြင်းသာဖြစ်ပါတယ်” ဆိုပြီး အရပ်သားလူ့အဖွဲ့အစည်းကွန်ရက် လှုပ်ရှားသူ ဒေါ်ခင်ဥမ္မာက Time ကို ပြောကြားခဲ့ပါတယ်။
၂၀၀၈ ခြေဥကတော့ စစ်တပ်ကြီးစိုးရေး၊ လွတ်လပ်စွာတရားစီရင်မှုမရှိခြင်း၊ ဥပဒေပြုအမတ်တွေရဲ့ဆန္ဒအရ ဒေါ်စုကြည်ကို သမ္မတနေရာဝင်ပြိုင်ခွင့် ပိတ်ပင်ထားခြင်းတွေနဲ့အတူ နဂိုရ် အတိုင်း မပြောင်းမလဲ ပန်းပန်မြဲရှိနေဆဲပါ။ ဖွဲ့ခြေဥဆိုင်ရာ ပြည်သူ့ဆန္ဒခံယူပွဲကို လာမယ့် မေလမှာ ကျင်းပပြီး နောက်နှစ်ရွေးကောက်ပွဲ မတိုင်မီအထိ မည်သည့် အကျိုးသက်ရောက်မှုမှ မရှိသေးပါဘူးလို့ လွှတ်တော်အကြီးအမှူး သူရဦးရွှေမန်းကလည်း မကြာသေးမီက ကြေငြာထားပါတယ်။ “ခုအချိန်မှာ လက်ရှိ နိုင်ငံရေးနဲ့ အုပ်ချုပ်ရေးယန္တရားထဲ ဥပဒေပြင်ဆင်ပြဋ္ဌာန်းမှုမှာ ဘာအမှားအယွင်းမှ အဖြစ်မခံနိုင်ပါဘူး” ဆိုတဲ့စကားမျိုးကို အခိုင်အမာ ဆိုပါတယ်။
ဦးရွှေမန်းမှာလည်း သမ္မတဖြစ်ရေး ကိုယ်ပိုင် ရည်မှန်းချက် ရှိနေတယ်လို့ ဆိုကြတာ တိုက်ဆိုင်မှုတော့ မဟုတ်နိုင်ပါဘူး။ သမ္မတဦးသိန်းစိန်က ရွေးကောက်ပွဲ ထပ်မံမ၀င်ရေး စကားကို စွန့်လွှတ်လိုက်ပြီး သမ္မတနေရာ ထပ်မံအရွေးခံဖို့ မျှော်လင့်လာတာ ထင်ထင်ရှားရှားတွေ့ရတယ်။ တစ်ချိန်တည်းမှာပဲ အဲ့ဒီနေရာကို ကျားကန်ပေးနေတဲ့ စစ်တပ် အလိုကျ ပြန်လည်ပြုပြင်ရေး လမ်းကြောင်းကနေ ပြန်လည်ဆုတ်ခွာလာပါတယ်။ စစ်ဦးစီးချုပ် မင်းအောင်လှိုင်ကလည်း သမ္မတနေရာကို မျက်စောင်းထိုးနေပြန်ပါတယ်။
ဒေါ်စုကြည်ကို ပိတ်ပင်တားဆီးမှုဟာ ပုဂ္ဂလ ရည်မှန်းချက်ထက် ပိုပါတယ်။ တိုင်းပြည်ရဲ့ ရေပန်းအစားဆုံး နိုင်ငံရေးပြယုဂ်အပေါ် ထိပ်တန်း အာဏာပိုင်အဆင့်ကနေ တစ်ဖက်စောင်းနင်း ထာဝရ ပိတ်ပင်ခြင်းဟာ တရားဥပဒေစိုးမိုးမှုလက္ခဏာ ထွက်ရှိလာမယ့် အရိပ်အယောင် မမြင်တော့ပါဘူး။ ပြည်တွင်းပြည်ပ အကူးအပြောင်း အနေအထားကို ချည့်နဲ့သွားစေပါတယ်။ ပိုပြီးဆိုးတာက စစ်တပ်ထိန်းချုပ်မှု လျှော့ချကန့်သတ်ခြင်း ကဲ့သို့ နောက်ထပ်လာမယ့် အခြေခံပြုပြင်ပြောင်းလဲမှုတွေလိုမျိုး အဓိကအားပြိုင်မှုကဏ္ဍများအဖို့ ဖိနှိပ်ခံရကိန်းဆိုက်နေပါတယ်။
စီးပွားရေး လွတ်လပ်ခွင့်ပင်လျှင် တုန့်ဆိုင်းလာနေပါတယ်။ ဆဲလ်ဖုန်းတွေ ကျယ်ကျယ်ပြန့်ပြန့် အသုံးပြုနိုင်လာတယ်၊ အသစ်အသစ်သောဆောက်လုပ်ရေးလုပ်ငန်းတွေ မျက်မြင်ထင်ရှား ဖြစ်နေတယ်၊ နိုင်ငံခြားသွင်းကုန်တွေက အားကောင်းကောင်းနဲ့ ၀င်ရောက်ဆဲ စတဲ့ လုပ်ငန်းစဉ်ကတော့ အဟုတ်ရှိနေတယ်။ ဒါပေမယ့် စီးပွားရေးလုပ်ငန်း အများစုက နိုင်ငံတော် သို့တည်းမဟုတ် စစ်တပ်ထိန်းချုပ်မှုလက်အောင်မှာ ကျန်ရှိနေဆဲပါ။ ရင်းနှီးမြှုပ်နှံမှုဆိုင်ရာဥပဒေသစ်ကိုလည်း ရေးဆွဲတဲ့အဆင့် မရောက်သေးပါဘူး။ ပွင့်လင်းမြင်သာမှုမရှိတဲ့ ဆုံးဖြတ်ချက်ချမှတ်မှုနဲ့ပတ်သက်လို့ အဓိကရင်းနှီးမြှုပ်သူများဖက်က စောဒကတွေလည်း တက်နေပါတယ်။ ကဏ္ဍအများစုမှာ အပြောင်းအလဲလုပ်တယ်ဆိုတာက ခွင့်ပြုချက်နဲ့လုပ်ပိုင်ခွင့်လက်တံတွေ ဆန့်တန်းပေးခြင်း မျှသာဖြစ်ပါတယ်။ ပွင့်လင်း လွတ်လပ်တဲ့ ဈေးကွက်ပြုပြင်ရေး စနစ် မဟုတ်ပါဘူး။ ဒီလိုလုပ်ခြင်းက စီးပွားရေးကဏ္ဍကို ကြီးစိုးထားတဲ့ ခရိုနီတွေကို ပိုမိုခိုင်မာတောင့်တင်းသွားစေလျက်သာ ရှိနေပါတယ်” လို့ သြစတေးလျ Macquarie တက္ကသိုလ်က Sean Turnell မှ ရှင်းပြခဲ့ပါတယ်။ အနောက်တိုင်းရင်းနှီးမြှုပ်နှံသူများဟာ အစပိုင်းမှာ အလားအလာကောင်းရဲ့ဆွဲဆောင်မှုကို ခံရပေမယ့် နောက်ပိုင်းမှာ ဈေးကွက်ထဲဝင်ရောက်ဖို့ တွန့်ဆုတ်သွားပါတယ်။
ဒီပြဿနာတွေထဲမှာ အတိုက်အခံများရဲ့အခြေအနေများကလည်း ရောနှောပါဝင်နေပါတယ်။ လူတွေရဲ့လေးစားအားကျမှုကို အင်မတန် ရရှိထားပြီး ရှေ့ထွက်ခေါင်းဆောင် အဖြစ် အမြင်ထားရှိခံရတဲ့ ဒေါ်စုကြည်လည်း ဝေဖန်မှုတွေ ခံနေရတယ်။ သူမဟာ နေပြည်တော်မှာ အချိန်များစွာ ပေးနေပြီး သူမရဲ့ပါတီနဲ့ ကင်းကွာနေခဲ့တဲ့အပြင် ပါတီကိုကိုယ်စားမပြုသယောင် ဖြစ်လာပါတယ်။ သူမရဲ့ထင်ပေါ်ကျော်ကြားမှုထိခိုက်ခံရမှာစိုးလို့ ရက်စက်ကြမ်းကြုတ်စွာ ဆက်ဆံခံနေရတဲ့ ရိုဟင်ဂျာတွေအပေါ် တစ်လုံးတစ်ပါဒမျှ ရင်ဆိုင်စကား မဆိုခဲ့တဲ့အတွက် အဝေဖန်ခံထားရပါတယ်။ သမ္မတနေရာအတွက် အတိုက်အခံပြုမှုကိုလျှော့ချရင်း ဗိုလ်ချုပ်တွေနဲ့ အနီးကပ်ဆက်ဆံမှုတွေကို တည်ထောင်နေပါတယ်။ သို့သော်လည်း ဒီအချက်တွေအပေါ် စိတ်အပျက်ကြီးပျက်နေကြသူတွေပင်လျှင် သူမကို ထောက်ခံနေဆဲပါလို့ ဆိုကြတယ်။ တကယ်လို့ သူမဟာ ထိပ်သီးနိုင်ငံရေးခေါင်းဆောင်တစ်ဦးအဖြစ် တက်လှမ်းနိုင်ခဲ့ရင်လည်း သူမကို စောင့်ကြိုနေတဲ့ စိန်ခေါ်ချက်အသစ်တွေ ရှိနေဦးမှာပါ။ NLD မှာ အနာဂတ်အတွက် ဦးဆောင်သူအသစ် မမွေးထုတ်ပေးနိုင်သေးပါဘူး။
အတိုချုပ်ဆိုရရင် မကြာသေးမီက ကျယ်လောင်လာခဲ့တဲ့ မြန်မာပြည်အတွက် မျှော်လင့်ချက်တွေဟာ လက်တွေ့ဖြစ်ရေးအဆင့်ကနေ ပြိုလဲခဲ့ပါပြီ။ စိတ်ပျက်စရာတွေ မလွဲမသွေ ကြုံဆုံဖို့များနေပါတယ်။ National Security Council က Ben Rhodes အနေနဲ့ ဒီလိုသုံးသပ်ထားပါတယ်။
“နိုင်ငံတကာ အသိုင်းအ၀ိုင်းကနေ လုံးဝ ပိတ်ပင်ခံထားရတဲ့ တိုင်းပြည်၊ ကိုယ့်နိုင်ငံရေးလမ်းကြောင်းထဲ လုံးဝ ပိတ်မိနေတဲ့တိုင်းပြည်၊ စစ်တပ်က လုံးဝ ကြီးစိုးခဲ့တဲ့ တိုင်းပြည်၊ ဒေါ်အောင်ဆန်းစုကြည်ကို နှစ်ပေါင်းများစွာ နေအိမ်အကျယ်ချုပ်နဲ့ ပိတ်လှောင်ထားခဲ့တဲ့တိုင်းပြည် … ဒီတိုင်းပြည်ဟာ ရုတ်ခြည်း တံခါးဖွင့်ပြီး လမ်းကြောင်းပြောင်းလိုက်တယ်။ ပြီးတော့ အကူးအပြောင်းကာလကို နှစ်အနည်းငယ်အတွင်း ဖြတ်သန်းနေတယ်။ ဒီလိုနေရာမှာ ကျွန်တော်တို့ အမြင်တစ်မျိုး ထားရှိဖို့လိုအပ်ပါတယ်။ ဒီလိုအဆင့်တွေကို မြန်မြန်ဆန်ဆန် သို့မဟုတ် ချောချောမွေ့မွေ့ ဖြတ်သန်းနိုင်တဲ့ နိုင်ငံဆိုတာ မရှိသေးပါဘူး”။
သေချာတာကတော့ ထပ်တိုးပြုပြင်ပြောင်းလဲမှုတွေ လိုအပ်နေပါတယ်။ မကြာသေးမီက ၀ါရှင်တန်ကနေ လူတစ်ဦးကို အမည်ပျက် စာရင်းထည့်မှုဟာ ပြုပြင်ပြောင်းလဲမှု လုပ်ငန်းစဉ် အရှိန်လျော့သွားစေမယ်လို့ ယူဆကြတယ်။ စီးပွားရေးပိတ်ဆို့ရေးအတွက် အချက်ပြသလိုမျိုး ဖြစ်နိုင်ပါတယ်။ မည်သို့ပင်ဆိုစေ အတိတ်ကာလမူဝါဒဖက် ပြန်လှည့်ခြင်းက အဆုံးသတ်မှု ဆိုးဝါးစေပါလိမ့်မယ်။ ဘာဖြစ်လို့လဲဆိုတော့ အာဏာရအုပ်စုဟာ သာယာဝပြောရေးထက် အာဏာလက်မလွှတ်ရေးကိုသာ အစဉ်သဖြင့် အလေးထားကြလို့ဘဲ ဖြစ်ပါတယ်။ ဗိုလ်ချုပ်တွေ အတွက် အပြောင်းအလဲဖြစ်လာလိမ့်မယ်လို့ တွက်ချက်ယူဆနိုင်စရာ ဘာအကြောင်းမှ မရှိပါဘူး။ ထပ်တိုးပြုပြင်ပြောင်းလဲမှုအလို့ငှာ နိုင်ငံရေးအပြောင်းအလဲကို ထပ်တိုးအကူအညီနဲ့ ၀ယ်ယူမယ့် ၀ါရှင်တန့်ချဉ်းကပ်မှုက အလုပ်မဖြစ်နိုင်ပါဘူး။ နေပြည်တော်ကတော့ ဘယ်သူ့ဆီကမဆို ငွေကြေးနဲ့အကူအညီကို အိတ်ကပ်ထဲ အမိအရထည့်လိုက်ဖို့ ပြင်ဆင်ထားဟန်ရှိပါတယ်။
အာဏာရှင်စနစ်နဲ့ ကိုင်တွယ်ထိန်းချုပ်ရေးဆိုတာ ဗမာဗိုလ်ချုပ်များရဲ့ ကန့်လန့်ကာနောက်ကွယ်က ကျင့်သုံးဆဲ နည်းလမ်းဖြစ်နေတဲ့အတွက် တကယ့် အထိမခံ ကဏ္ဍတစ်ခုပါ။ အာဏာပိုင်တွေအနေနဲ့လည်း ဒီမိုကရေစီနှင်တံ အဖြစ် စစ်တပ်ပါဝင်မှုကို မျှော်လင့်နေတယ်။ မြန်မာ့ပြုပြင်ပြောင်းလဲရေး လုပ်ငန်းစဉ်က ဆက်လက်နှောင့်နှေးနေဦးမယ်ဆိုရင် အနိဌာရုံတွေ ဖြစ်ပေါ်လာနိုင်ပါတယ်။ ဒါပေမယ့်လည်း တွန်းအားပေးနိုင်တဲ့ မှော်ကျည်ဆံ မရှိနေဘူး။ ၀ါရှင်တန်အဖို့ မိမိရဲ့အတိုင်းအတာကို သတိကြီးစွာထားပြီး မရေရာမှုကိုရှောင်လို့ စိတ်ရှည်ရှည်နဲ့ ဆက်ဆံသွားရမှာဖြစ်တယ်။ ၀ါရှင်တန်နဲ့ အပေါင်းအပါတွေဟာ နေပြည်တော်ရဲ့ ပကတိနိုင်ငံရေး အနေအထားကို လက်ခံရပါလိမ့်မယ်။ အကူးအပြောင်းကာလထဲက စစ်တပ်ရဲ့အကြပ်အတည်းကိုလည်း အသိအမှတ်ပြုရမှာဖြစ်ပါတယ်။
ကမ္ဘာ့စီးပွားရေး လက်တံ အကြီးမားဆုံးလေးခုမှာ ပါဝင်နေတဲ့ အမေရိကန်၊ ဥရောပ၊ ဂျပန် အနေနဲ့ မြန်မာနိုင်ငံထဲ စစ်မှန်သောဈေးကွက် အသွင်ကူးပြောင်းမှုဖြစ်လာအောင် ညီညွတ်စွာ တွန်းအားပေးသင့်တယ်။ သို့အားဖြင့် လက်ရှိစီးပွားရေး လက်ကြီးသမားတွေ အခြေအနေ ပိုကောင်းလာနိုင်သလို ပြည်သူ တစ်ရပ်လုံး အဖို့လည်း ငွေကြေးချောင်လည် မှုဖြစ် လာနိုင်တဲ့ အကြောင်း ထောက်ပြသင့်တယ်။ ပြည်သူတွေချဉ်ခြင်းတပ်နေတဲ့ ပြုပြင်ပြောင်းလဲမှုသက်သက်အပေါ် အာရုံစိုက်အလေးထားခြင်းက စစ်ဗိုလ်ချုပ်တွေကို အန္တရာယ်ထဲ တွန်းပို့ရာရောက်တဲ့အတွက် နောက်ကြောင်းပြန်မှုဖြစ်အောင် တွန်းပို့သလိုမျိုး ဖြစ်သွားပါတယ်။
ကမ္ဘာတစ်ဝှမ်းက လွတ်မြောက်ရေးဘက်တော်သားများဟာ ရှင်သန်ဆဲ အာဏာရှင်စနစ်ကို အသွင်ပြောင်းဖို့ ကြိုးစားနေတဲ့ မြန်မာ့အရေး လှုပ်ရှားနေသူတွေကို ထောက်ပံ့ ကူညီမှုတွေ ပေးနေသင့်ပါတယ်။ ဒီအကူအညီဟာ အမေရိကန် အစိုးရပြင်ပဖက်ကနေ လာတာမျိုးက အကောင်းဆုံးပါ။ အမေရိကန်တွေအနေနဲ့ မူဝါဒရေးရာမျိုး မဟုတ်ပဲ ကူညီအားပေးခြင်းကို ဆိုလိုတာဖြစ်တယ်။
သမ္မတအိုဘားမား အလည်အပတ်ရောက်လာစဉ်က “အပြောင်းအလဲဖြစ်ဖို့ မလွယ်ကူဘူး၊ ထာဝစဉ်ချောမွေ့ဖြောင့်တန်းအောင် မလုပ်နိုင်ဘူးဆိုတာ ကျွန်တော် လက်ခံနားလည်ပါတယ်။ ကျွန်တော်ကတော့ အကောင်းမြင်ပေးပါတယ်”လို့ ဆိုခဲ့တယ်။ ဒါဟာ နိမ့်ကျနေဆဲနိုင်ငံတစ်ခုအနေနဲ့ လမ်းဆုံးရောက်ဖို့ ဝေးနေသေးကြောင်း ၀ါရှင်တန်ဖက်က အကောင်းဆုံးတုန့်ပြန်ချက်လို့ ယူဆလို့ရပါတယ်။ အမေရိကဟာ လက်တွေ့ကျသောမျှော်လင့်ချက်သစ်နဲ့အတူ နေပြည်တော်အစိုးရနဲ့ နောက်ကွယ်က စစ်ဗိုလ်ချုပ်တွေကို ဆက်လက်ထိတွေ့ပတ်သက်ဖို့ လိုအပ်ပါကြောင်း သုံးသပ်တင်ပြလိုက်ရပါတယ်။
xxxxxxxxxxxxxxxxxxxxxxxx
Doug Bandow ရေးသားသော Myanmar Reforms Slip Into Reverse: Can Burma’s Democracy And Obama’s Number One Foreign Policy Success Be Saved? ဆောင်းပါးကို နဒီဦး(စွယ်တော်မြေ)မှ မြန်မာမှုပြု ပြန်ဆိုပါသည်။
——————
*** စာရေးသူ Doug Bandow သည် Cato Institute တွင် အကြီးတန်းအဖွဲ့ဝင်၊ သမ္မတဟောင်းရော်နယ်ရေဂင်၏ အထူးလက်ထောက်အရာရှိ၊ International Religious Persecution with the Institute on Religion and Public Policy ၏ အကြီးတန်းအဖွဲ့ဝင်၊ Foreign Follies ၊ The Politics of Plunder ၊ Beyond Good Intentions အပါအ၀င် စာအုပ်များစွာကို ပါဝင်ရေးသားတည်းဖြတ်သူ၊ Florida State University နှင့် Stanford Law School မှ ဘွဲ့ရရှိထားသူပညာရှင်တစ်ဦးဖြစ်သည်။
