ဇူလိုင် ၃၀၊ ၂၀၁၉
M-Media
-တမန်တော် မိုဟမ္မဒ်ဟာ လူနည်းစုတွေအပေါ်မှာ ကာကွယ်ပေးခဲ့ပြီး၊ လွတ်လပ်စွာ ကိုးကွယ်ခွင့်လည်း ပေးခဲ့တာကြောင့် မိမိအနေနဲ့လည်း တိုင်းပြည်အတွင်းက လူနည်းစုတွေကို ပိုမိုကာကွယ်ပေးသွားမယ်လို့ ပါကစ္စတန်ဝန်ကြီးချုပ် အင်မရန်းခန်းက ပြောကြားလိုက်ပါတယ်။
မနေ့က မြို့တော် အစ္စလာမ် မာဘတ်က သမ္မတအိမ်တော်မှာ ပြုလုပ်တဲ့ လူနည်းစုများနေ့ National Minorities အခမ်းအနားမှာ အင်မရန်းခန်က ဒီလိုပြောကြားလိုက်တာပါ။ လူနည်းစုတွေအတွက် ၀တ်ပြုရာနေရာတွေကို ပိုမို ဖော်ဆောင်ပေးသွားမယ်လို့ သူက ဆိုပါတယ်။
“မွတ်စလင်မဟုတ်တဲ့ အမျိုးသမီးတွေကို လက်ထပ်တာမျိုး၊ သေနတ်ထောက်ပြီး ဘာသာမပြောင်းရင် သတ်မယ်လို့ ခြိမ်းခြောက်တာမျိုးနဲ့ အဓမ္မ ဘာသာပြောင်းခိုင်းတာ လုပ်လို့မှ မရတာဗျ။ ဒါတွေအားလုံးဟာ အစ္စလာမ်နဲ့ဆန့်ကျင်တဲ့ လုပ်ရပ်တွေပါပဲ။ လူတွေကို အဓမ္မနည်းနဲ့ ဘာသာထဲသွတ်သွင်းဖို့ အလ္လာဟ်အရှင်မြတ်က တမန်တော်ကိုတောင် ခွင့်မပြုထားဘူး။ ကျွန်တော်တို့က ဘာမို့လို့လဲ”
ပြည်သူအားလုံးကို တန်းတူအခွင့်အရေးပေးပြီး၊ တရားဥပဒေစိုးမိုးတဲ့ မဒီနာအခြေပြု မြို့ပြနိုင်ငံတစ်ခုကို တမန်တော် မုဟမ္မဒ်က ထူထောင်ခဲ့ပြီး၊ အဲဒီပုံစံအတိုင်း ပါကစ္စတန်မှာ ဆောင်ရွက်ချင်တယ်လို့လည်း ၀န်ကြီးချုပ် အင်မရန်းခန်းက ပြောကြားခဲ့ပါတယ်။
ဆစ်ခ်ဘာသာကို ထူထောင်ခဲ့သူ ဂုရုနာနက်ရဲ့ ၅၅၀ နှစ်မြောက် မွေးနေ့မင်္ဂလာ အထိမ်းအမှတ်အဖြစ် ဆစ်ခ်ဘာသာဝင်တွေ လွတ်လပ်စွာ ဘုရားဖူးနိုင်မယ့် Katarpur စင်္ကြန်ဒေသတစ်ခုကို အိန္ဒိယနဲ့ ပါကစ္စတန်အကြားမှာ ဖန်တီပေးမယ်လို့လည်း သူက ထည့်သွင်းပြောဆိုခဲ့ပါတယ်။
ဆင်းဒ်ပြည်နယ်မှာ ဟိန္ဒူအမျိုးသမီးတွေနဲ့ ခရစ်ယာန် အမျိုးသမီးတွေကို အိမ်ထောင်ပြုကာ အစ္စလာမ်ဘာသာထဲ ကူးပြောင်းခိုင်းနေတယ်ဆိုတဲ့သတင်းတွေ ကျယ်ကျယ်ပြန့်ပြန့် ထွက်လာပြီးတဲ့နောက်ပိုင်းမှာ ၀န်ကြီးချုပ် အမီးရ်ခန်းက ဒီလို လုပ်ရပ်အမှားတွေကို ထောက်ပြခဲ့တာဖြစ်ပါတယ်။
ပါကစ္စတန်ရဲ့ ပြိုင်ဘက် အိန္ဒိယမှာလည်း ဟိန္ဒူအခြေခံဝါဒီ အုပ်စုတွေက မွတ်စလင်တွေနဲ့ ခရစ်ယာန်တွေကို ဟိန္ဒူဘာသာထဲ အဓမ္မ ဘာသာပြောင်းခိုင်းတာတွေ ရှိနေပြီး ဒီလုပ်ငန်းကို ghar vapasi လို့ ခေါ်ဆိုပါတယ်။
Ref: Times of India
