Tag: Pakistan

မတ် ၅၊ ၂၀၁၉
M-Media

– မနေ့က နယ်ကျော်လာတဲ့ ပါကစ္စတန်ဒရုန်းတစ်စင်းကို အိန္ဒိယလေတပ်က ပစ်ချခဲ့တယ်လို့ အိန္ဒိယ ပြည်တွင်းမီဒီယာတွေက ဖော်ပြခဲ့ကြပြီး ရန်ဖက်နှစ်နိုင်ငံအကြား တင်းမာမှုတွေ ဆက်လက်ရှိနေတယ်ဆိုတဲ့ ပြယုဂ်လည်း ဖြစ်ပါတယ်။

ပါကစ္စတန်နယ်စပ်နဲ့ သိပ်မဝေးတဲ့ ရာဂျက်စသန်ပြည်နယ်မှာ အိန္ဒိယ Sukhoi-30 တိုက်လေယာဉ်ဟာ ပါကစ္စတန် မောင်းသူမဲ့ လေယာဉ်တစ်စင်းကို ဝေဟင်က ဝေဟင်ပစ်ဒုံးကျည်နဲ့ ပစ်ချခဲ့တာဖြစ်တယ်လို့ Press Trust of India (PTI) မီဒီယာက ဖော်ပြတာပါ။

အမည်မဖော်လိုတဲ့ ရင်းမြစ်တွေကို ကိုးကားဖော်ပြတာဖြစ်ပြီး အိန္ဒိယနဲ့ ပါကစ္စတန် နှစ်နိုင်ငံစလုံးက ဒီကိစ္စအတွက် မှတ်ချက်ပေးတာမျိုး မရှိသေးပါဘူး။ ဖေဖော်ဝါရီ ၂၇ ရက်နေ့ကလည်း ပါကစ္စတန် ဒရုန်းတစ်စင်းကို အိန္ဒိယက ပစ်ချခဲ့တယ်လို့ PTI သတင်းဌာနက ဖော်ပြခဲ့ပါတယ်။

ဖေဖော်ဝါရီလ ၁၂ ရက်နေ့က အိန္ဒိယကထိန်းချုပ်ထားတဲ့ ကက်ရ်ှမီးယားဒေသမှာ အသေခံ ကားဗုံးခွဲမှုတစ်ခု ဖြစ်ပွားပြီးနောက်ပိုင်း အိန္ဒိယနဲ့ ပါကစ္စတန်တို့အကြား တင်းမာမှုတွေ မြင့်တက်လာတာပါ။ အိန္ဒိယ ပြည်သူ့စစ် ၄၂ ဦးသေဆုံးခဲ့တဲ့ အဲဒီတိုက်ခိုက်မှုဟာ သူတို့လက်ချက်ဖြစ်တယ်လို့ ပါကစ္စတန်အခြေစိုက် သူပုန်အဖွဲ့တစ်ခုက ပြောကြားခဲ့ပါတယ်။ အိန္ဒိယက ဒီကိစ္စမှာ ပါကစ္စတန်ပါတယ်လို့ စွပ်စွဲကာ ပါကစ္စတန်က ထိန်းချုပ်ထားတဲ့ ကက်ရ်ှမီးယားဒေသဖက်ကို ကျူးကျော်ဝင်ရောက်ကာ ဗုံးကြဲမှုတွေ ပြုလုပ်ခဲ့ပါတယ်။

အဲဒီအဖြစ်အပျက်နောက်ပိုင်း ပါကစ္စတန်က အိန္ဒိယ တိုက်လေယယာဉ်နှစ်စင်းကို ပစ်ချနိုင်တယ်လို့ ထုတ်ပြန်ခဲ့ပြီး လေယာဉ်ပျက်ကျမှုမှာ ဖမ်းဆီးရမိတဲ့ လေယာဉ်မှူးကို အိန္ဒိယထံ ပြီးခဲ့တဲ့တစ်ပတ်မှာ ပြန်လည်လွှဲပြောင်းပေးခဲ့ပါတယ်။

ဖေဖော်ဝါရီ အလယ်ပိုင်းကစလို့ အိန္ဒိနဲ့ ပါကစ္စတန်တို့ဟာ ကက်ရ်ှမီးယားဒေသက ထိန်းချုပ်စည်းမျဉ်း (LoC) နားမှာ လက်နက်ကြီးတွေ၊ မော်တာတွေနဲ့ အပြန်အလှန်ပစ်ခတ်မှု ဖြစ်ပွားခဲ့တာကြောင့် နှစ်ဖက် အရပ်သားတွေ သေဆုံးခဲ့ပါတယ်။ အိန္ဒိယနဲ့ ပါကစ္စတန်တို့ဟာ စစ်ပွဲ ၃ ကြိမ် ဖြစ်ပွားခဲ့ပြီး ၂ ကြိမ်ဟာ ကက်ရ်ှမီးယားဒေသကို ပိုင်ဆိုင်လိုမှုအတွက် ဖြစ်ပါတယ်။

Ref: CNA

မတ် ၁၊ ၂၀၁၉
M-Media

– ယခုတစ်ပတ် အိန္ဒိယ တိုက်လေယာဉ်တွေကို ပစ်ချမှုအတွင်း ဖမ်းဆီးနိုင်ခဲ့တဲ့ လေယာဉ်မှူးတစ်ဦးကို ငြိမ်းချမ်းရေး ပြယုဂ်အနေနဲ့ သောကြာနေ့မှာ လွှတ်ပေးမယ်လို့ ပါကစ္စတန်ဝန်ကြီးချုပ် အင်မရန်းခန်းက မနေ့မှာ ပြောကြားလိုက်ပါတယ်။

ကက်ရ်ှမီးယားမှာ ဗုဒ္ဓဟူးနေ့မနက်ပိုင်းက အိန္ဒိယတိုက်လေယာဉ် ၂ စင်းကို ပစ်ချနိုင်ခဲ့တယ်လို့ ပါကစ္စတန်က ထုတ်ပြန်ခဲ့ပြီး ပါကစ္စတန်ဘက်ခြမ်းကို ပျက်ကျခဲ့တဲ့ လေယာဉ်က လေယာဉ်မှူး အဘ်ဟီနန်ဒန် ဗာသာမန်ကို အသက်ရှင်လျက် ဖမ်းဆီးနိုင်ခဲ့ပါတယ်။

မနေ့က လွှတ်တော်အစည်းအဝေးမှာ ပါကစ္စတန်ဝန်ကြီးချုပ် အင်မရန်းခန်းက လေယာဉ်မှူးကို သောကြာနေ့မှာ လွှတ်ပေးမယ်လို့ ပြောကြားခဲ့ပြီး၊ ဗုဒ္ဓဟူးနေ့ညက အိန္ဒိယ၀န်ကြီးချုပ် မိုဒီကို ဖုန်းခေါ်ဖို့ ကြိုးစားခဲ့ပေမယ့် မရခဲ့ဘူးလို့လည်း ဆိုပါတယ်။

“ကျွန်တော်တို့မှာ အိန္ဒိယ လေယာဉ်မှူးတစ်ဦး ရှိနေတယ်။ ငြိမ်းချမ်းရေး ပြယုဂ်အနေနဲ့ သူ့ကို မနက်ဖြန်မှာ လွှတ်ပေးပါမယ်။ မနေ့က နရန်ဒရာမိုဒီကို ကျွန်တော် ဖုန်းခေါ်ခဲ့ပါတယ်။ နောက်ထပ် တင်းမာမှုတွေ ထပ်မဖြစ်ချင်တော့ဘူးဆိုတာ ရှင်းအောင် ပြောပြချင်တာပါ”

အိန္ဒိယလေတပ် ဒုတိယဗိုလ်ချုပ် အာရ်ဂျီကေ ကပူးရ်က ပါကစ္စတန်ရဲ့ ဒီလုပ်ရပ်ကို ကြိုဆိုခဲ့ပေမယ့် ပါကစ္စတန်ဟာ နိုင်ငံတကာ သတ်မှတ်ချက်၊ စစ်သုံ့ပန်းစည်းမျဉ်းတွေကို လိုက်နာတာသာ ဖြစ်တယ်လို့ ပြောကြားခဲ့ပါတယ်။

“ကျွန်တော်တို့လူကို ပြန်ရမှာဖြစ်တဲ့အတွက် တော်တော်လေး ပျော်ရွှင်မိပါတယ်။ ဒီလို ပြန်လွှတ်ပေးတာဟာ ဂျီနီဗာ သဘောတူညီချက်နဲ့ ကိုက်ညီတဲ့ လုပ်ဆောင်ချက်မျိုးဖြစ်တယ်လို့ ကျွန်တော်တို့ မြင်ပါတယ်”

အခုလအစောပိုင်းက အိန္ဒိယက ထိန်းချုပ်ထားတဲ့ ကက်ရ်ှမီးယားဒေသမှာ ပါကစ္စတန်အခြေစိုက် သူပုန်အဖွဲ့ JeM က အသေခံ ကားဗုံးခွဲတိုက်ခိုက်မှု ပြုလုပ်ပြီးနောက်ပိုင်း အိန္ဒိယနဲ့ ပါကစ္စတန်အကြား တင်းမာမှုတွေ မြင့်တက်လာတာ ဖြစ်ပါတယ်။

အိန္ဒိယ ပြည်သူ့စစ် ၄၂ ဦး သေဆုံးခဲ့တဲ့ အဲဒီဖြစ်ရပ်မှာ ပါကစ္စတန်လက်ချက်မကင်းဘူးလို့ အိန္ဒိယက စွပ်စွဲခဲ့တာပါ။ အိန္ဒိယက သူတို့တိုက်လေယာဉ်တွေဟာ ပါကစ္စတန်က ထိန်းချုပ်ထားတဲ့ ကက်ရ်ှမီးယားဘက်ခြမ်းကို ၀င်ရောက်ပြီး စစ်သွေးကြွတွေကို ဗုံးကြဲခဲ့တယ်လို့ အင်္ဂါနေ့က ထုတ်ပြန်ပါတယ်။ နောက်တစ်နေ့မှာပဲ ပါကစ္စတန်က အိန္ဒိယတိုက်လေယာဉ်တွေကို ပစ်ချခဲ့ပါတယ်။

Ref: Aljazeera