Tag: Pakistan

ဖေဖော်ဝါရီ ၂၂၊ ၂၀၁၉
M-Media

– အိမ်နီးချင်း အိန္ဒိယနိုင်ငံက တိုက်ခိုက်တာတွေ လုပ်လာမယ်ဆိုရင် ပြန်လည် လက်တုန့်ပြန်ဖို့အတွက် စစ်တပ်ကို ခွင့်ပြုချက် ပေးထားပြီးဖြစ်တယ်လို့ ပါကစ္စတန်အစိုးရက မနေ့မှာ ကြေငြာလိုက်ပါတယ်။

ပြီးခဲ့တဲ့တစ်ပတ် အိန္ဒိယကထိန်းချုပ်ထားတဲ့ ကက်ရ်ှမီးယားဒေသမှာ အသေခံ ကားဗုံးခွဲမှုတစ်ခု ဖြစ်ပေါ်ခဲ့ပြီးတဲ့နောက် အိန္ဒိယနဲ့ ပါကစ္စတန်အကြား တင်းမာမှုတွေ မြင့်တက်လာတာ ဖြစ်ပါတယ်။ အဲဒီတိုက်ခိုက်မှုအတွင်း အိန္ဒိယစစ်သား ၄၂ ဦး သေဆုံးခဲ့ပြီး ၁၉၈၉ ခုနှစ် ကက်ရ်ှမီးယားသူပုန်ထမှု စတင်ကတည်းက အဆိုးဝါးဆုံ တိုက်ခိုက်မှုလည်း ဖြစ်ပါတယ်။

ပါကစ္စတန်အခြေစိုက် Jaish-e-Mohammed (JeM) အဖွဲ့က တိုက်ခိုက်မှုကို သူတို့လုပ်တာလို့ ထုတ်ပြန်ပါတယ်။ အိန္ဒိယက ဒီကိစ္စမှာ ပါကစ္စတန်လည်း ပါဝင်နေတယ်လို့ စွပ်စွဲပြီး ထိထိရောက်ရောက် တုန့်ပြန်မယ်လို့ ပြောကြားထားပါတယ်။

မနေ့က ပါကစ္စတန်အစိုးရရဲ့ ထုတ်ပြန်ချက်မှာ ပြီးခဲ့တဲ့တစ်ပတ် အသေခံဗုံးခွဲတိုက်ခိုက်မှုမှာ မိမိတို့ ပါဝင်ပတ်သက်ခြင်းမရှိဘဲ၊ လူမျိုးစုတွေက စီစဉ်လုပ်ဆောင်တာဖြစ်ကြောင်း ဖော်ပြထားပါတယ်။ ၀န်ကြီးချုပ် အင်မရန်းခန်းနဲ့ ပါကစ္စတန်အမျိုးသား လုံခြုံရေးကော်မတီတို့ အစည်းအဝေးလုပ်ပြီနောက်ပိုင်းမှာ ဒီကြေငြာချက် ပေါ်ထွက်လာတာ ဖြစ်ပါတယ်။

အိန္ဒိယက တိုက်ခိုက်လာရင် ပြန်လည်တုန့်ပြန်ဖို့ ၀န်ကြီးချုပ်က စစ်တပ်ကို ခွင့်ပြုချက်ပေးခဲ့ကြောင်း၊ တိုက်ခိုက်မှုအတွက် စုံစမ်းစစ်ဆေးမှုမှာ ကူညီဖို့ရှိပြီး ပါကစ္စတန်မြေကို အသုံးပြုပြီး အိန္ဒိယမှာ တိုက်ခိုက်မှုလုပ်တဲ့ဘယ်သူ့ကိုမဆို အရေးယူသွားမှာဖြစ်ကြောင်း ကြေငြာချက်မှာ ဖော်ပြထားပါတယ်။

အကြမ်းဖက်ဝါဒအပါအ၀င် ပြဿနာအားလုံးကို ဆွေးနွေးဖို့အတွက်လည်း ပါကစ္စတန်က အိန္ဒိယကို ကမ်းလှမ်းခဲ့ပါတယ်။

နျူလက်နက်တွေ ပိုင်ဆိုင်ထားကြတဲ့ အိန္ဒိယနဲ့ ပါကစ္စတန်တို့ဟာ ကက်ရ်ှမီးယားဒေသ ပိုင်ဆိုင်မှုကိစ္စအတွက် နှစ် ၇၀ လောက် အငြင်းပွားနေကြတာဖြစ်ပြီး စစ်ပွဲ ၂ ကြိမ် ဖြစ်ပွားခဲ့ပါတယ်။

အိန္ဒိယက သူတို့ထိန်းချုပ်ထားတဲ့ ဒေသက သူပုန်တွေကို ပါကစ္စတန်က ခိုလှုံခွင့်ပေးထားပြီး တိုက်ခိုက်မှုတွေကို ကူညီပေးနေတယ်လို့ စွပ်စွဲပြောဆိုထားပါတယ်။ ပါကစ္စတန်က ဒီစွပ်စွဲချက်တွေကို ငြင်းဆိုခဲ့ပြီး အိန္ဒိယက ကက်ရ်ှမီးယားကို စစ်အင်အားသုံးပြီး သိမ်းပိုက်တဲ့အတွက် သူပုန်ထမှု ဖြစ်လာတာလို့ တုန့်ပြန့်ခဲ့ပါတယ်။

ပြီးခဲ့တဲ့တစ်ပတ် တိုက်ခိုက်မှုဖြစ်ပွားခဲ့ပြီးနောက်မှာ အိန္ဒိယဟာ ပါကစ္စတန်က ထိန်းချုပ်ထားတဲ့ ကက်ရ်ှမီးယားဒေသနဲ့ ကုန်သွယ်မှု၊ ဘတ်စ်ကားပြေးဆွဲမှုတွေကို ရပ်ဆိုင်းခဲ့ပါတယ်။

Ref: Aljazeera

ဖေဖော်ဝါရီ ၁၁၊ ၂၀၁၉
M-Media

– သာသနာညှိုးနွမ်းစေမှုနဲ့ သေဒဏ်ချမှတ်ခံရပြီးတဲ့နောက် တရားရုံးချုပ်ရဲ့ ပြန်လည်ကြားနာမှုကနေတစ်ဆင့် လွတ်မြောက်လာခဲ့တဲ့ ပါကစ္စတန်က ခရစ်ယာန်အမျိုးသမီး အာဆီယာဘီဘီဟာ နိုင်ငံအတွင်းကနေ မထွက်ခွာနိုင်သေးဘဲ လျှို့ဝှက်နေရာတစ်ခုမှာ နေထိုင်နေရဆဲဖြစ်တယ်လို့ နီးစပ်သူတွေက ပြောပါတယ်။

အာဆီယာဘီဘီနဲ့ သောကြာနေ့က ဖုန်းပြောခဲ့သူ မိတ်ဆွေ အေမန်အွလ္လာက သူမဟာ ကရာချီမြို့က နေရာတစ်ခုမှာ နေထိုင်နေရတယ်လို့ ဆိုပါတယ်။

အိမ်နီးချင်းတစ်ဦးနဲ့ စကားများရာကနေ အစ္စလာမ်ဘာသာကို စော်ကားတယ်စွဲချက်နဲ့ အာဆီယာဘီဘီတစ်ယောက် ၂၀၀၉ ခုနှစ်မှာ ဖမ်းဆီးတရားစွဲဆိုခံရပြီး သေဒဏ် ချမှတ်ခံခဲ့ရတာပါ။

ဒါပေမယ့် ပါကစ္စတန်တရားရုံးချုပ်က ပြန်လည်စစ်ဆေးရာမှာ အာဆီယာဘီဘီဟာ ကြားနားမှုတစ်လျှောက်လုံး တရားမျှတစွာ ဆက်ဆံခံရခြင်းမရှိသလို၊ သူမကို စွဲချက်တင်သူတွေရဲ့ ထွက်ဆိုချက်တွေကလည်း ကွဲလွဲမှုရှိတယ်လို့ ဆုံးဖြတ်ခဲ့ပါတယ်။ အဲဒီနောက် ပြီးခဲ့တဲ့နှစ် အောက်တိုဘာလမှာ တရားရုံးချုပ်က အာဆီယာဘီဘီကို တရားသေ လွှတ်ပေးခဲ့ပြီး ဒီအမိန့်ကို ဇန်န၀ါရီလမှာ ထပ်မံ အတည်ပြုခဲ့ပါတယ်။

ဆုံးဖြတ်ချက်ကို မကျေနပ်သူတွေက ပါကစ္စတန်နိုင်ငံတစ်ဝှမ်း ဆန္ဒပြမှုတွေ ဖြစ်ပေါ်ခဲ့ပြီး အာဆီယာဘီဘီ၊ သူမရဲ့ရှေ့နေနဲ့ သူမကို ကူညီသူတွေကို အသက်အန္တရာယ် ခြိမ်းခြောက်တာတွေလည်း လုပ်ဆောင်ခဲ့ပါတယ်။

သမီးတွေရှိတဲ့ ကနေဒါမှာ အာဆီယာဘီဘီ အခြေချနိုင်ရေး သံတမန်တွေနဲ့ ချိတ်ဆက်ဆောင်ရွက်ပေးနေတဲ့ အေမန်အွလ္လာက အာဆီယာဘီဘီဟာ ကြောက်ရွံ့ စိတ်ပျက်နေပြီး ပါကစ္စတန်ကနေ ဘယ်တော့မှ ထွက်သွားခွင့်ရမလဲဆိုတာ မသေချာတဲ့အနေအထား ဖြစ်နေတယ်လို့ ပြောပါတယ်။

အေမန်အွလ္လာကတော့ အသက်အန္တရာယ် ခြိမ်းခြောက်ခံရတာကြောင့် ပြီးခဲ့တဲ့သောကြာနေ့က ပါကစ္စတန်ကနေ နိုင်ငံခြားကို ထွက်သွားခဲ့ပါတယ်။

အာဆီယာဘီဘီဟာ ကရာချီမြို့က အခန်းတစ်ခုမှာ ခင်ပွန်းဖြစ်သူနဲ့အတူ နေထိုင်နေရပြီး အခန်းတံခါးကို အမြဲတမ်းပိတ်ထားကာ အစားအသောက် လာပိုတဲ့အချိန်သာ ဖွင့်တယ်လို့ အေမန်အွလ္လာက ပြောပါတယ်။

ပါကစ္စတန်ပြန်ကြားရေးဝန်ကြီး ဖာဝဒ် ချောင်ဒရီက အာဆီယာဘီဘီနဲ့ သူမရဲ့မိသားစုကို ကာကွယ်ဖို့ အစိုးရက တာဝန်အပြည့်အ၀ယူထားကြောင်း၊ တရားသေလွတ်မြောက်သွားတဲ့သူမဟာ လွတ်လပ်တဲ့နိုင်ငံသားတစ်ယောက်ဖြစ်ပြီး ပြည်တွင်းနဲ့ ပြည်ပ ဘယ်နေရာကိုမဆို လွတ်လပ်စွာ သွားလာနိုင်ကြောင်း ပြောကြားခဲ့ပါတယ်။

အာဆီယာဘီဘီက သူမ ဘာ့ကြောင့် ဒီလိုပိတ်လှောင်ခံနေရလဲဆိုတာ လုံခြုံရေးအစောင့်တွေကို မေးခဲ့ပေမယ့် အဖြေမရခဲ့ဘူးလို့ အေမန်အွလ္လာကို ပြောကြားခဲ့ပါတယ်။

အမြင့်ဆုံး သေဒဏ်အထိ ပေးလို့ရတဲ့ ပါကစ္စတန်ရဲ့ ဘာသာသာသနာညှိုးနွမ်းစေမှုဥပဒေကို တစ်လွဲအသုံးချမှုတွေ ရှိတာကြောင့် ပြည်တွင်းနဲ့ ပြည်ပက ဝေဖန်မှုတွေလည်း ရှိနေပါတယ်။

Ref: Aljazeera