News @ M-Media

Tag: Pakistan

  • ပါကစ္စတန်နိုင်ငံ ဆွားသ်ဒေသတွင် ဗုဒ္ဓရုပ်ပွားတော်ကို ပြန်လည်တူးဖော်မည်

    ပါကစ္စတန်နိုင်ငံ ဆွားသ်ဒေသတွင် ဗုဒ္ဓရုပ်ပွားတော်ကို ပြန်လည်တူးဖော်မည်

    သြဂုတ်လ ၁၁ ရက်၊ ၂၀၁၂

    source: http://www.aljazeera.com/video/asia/2012/08/201281118348543239.html

     

    ရပ်ဝေးဒေသနိုင်ငံများမှ ကိုးကွယ်ယုံကြည်သူများနှင့် ခရီးသွားများကို ဆွဲဆောင်နေသည့် ဗုဒ္ဓရုပ်ပွားတော် များထဲမှ တာလီဘန်များလက်ထဲတွင် မပျက်မစီးဘဲကျန်နေသေးသည့် ဆွားသ်ဒေသမှ ရုပ်ပွားတော်များကို ဆက်လက်တူးဖော်သွားမည်ဖြစ်ကြောင်း သိရသည်။

    အီတလီလူမျိုးရှေးဟောင်းသုတေသီ ပရောဖက်ဆာလူကာသည် ပါကစ္စတန်နိုင်ငံသို့ပြန်လာပြီး ထိုရုပ်ပွား တော်များ တူးဖော်ရေးကို ဦးဆောင်သွားမည်ဖြစ်သည်။ ရုပ်ပွားတော်များမှာ ရာစုနှစ်ပေါင်းများစွာ ကြာမြင့်နေပြီလည်းဖြစ်သည်။

    လွန်ခဲ့သည့်ငါးနှစ်ခန့်က ဂျဟန်ဒါဘတ်မြို့အနီးရှိ ထိုသမိုင်းဝင်လက်ရာများကို ဒေသခံတာလီဘန်များက ဖျက်ဆီးပစ်ဖို့ ကြိုးစားခဲ့ကြဖူးသည်။

    ဟိန္ဒူ၊ ဗုဒ္ဓနှင့် အာဖဂန်နိုင်ငံများကို သိမ်းပိုက်ခဲ့သည့် ဂရိလူမျိုး အလက်ဇန္ဒါးသည်ဂရိတ်က ပါကစ္စတန်နိုင်ငံ ဆွားသ်ဒေသသို့  အစ္စလာမ်သာသနာကို ဆောင်ယူလာခဲ့သူဖြစ်ပြီး ထိုဒေသ၌ပင် ၁၁ ရာစုက အာဖဂန်ဘုရင်များ တည်ဆောက်ထားသော ဒေသတွင်း သက်တမ်းအရင့်ဆုံးဗလီတစ်လုံးလည်း တည်ရှိနေပေသည်။

    ရှေးဟောင်းသုတေသီများကမူ ဆွားသ်ဒေသမှ သမိုင်းဝင်ရှေးဟောင်းအဆောက်အဦလက်ရာများထဲမှ ၁၆၀ စတုရန်းကီလိုမီတာရှိသည့် ၁ရာခိုင်နှုန်းပမာဏလောက်ကိုသာ တူးဖော်ပြီးဖြစ်သည်ဟု ယုံကြည်နေကြသည်။.ထို့ကြောင့် ရှေးဟောင်းလက်ရာအမြောက်အမြားကို ဆက်လက်တူးဖော်ရန် ကျန်ရှိနေသေးသည်။

    ရဲများနှင့်ဒေသခံ ရှေးဟောင်းသုတေသနဌာနမှ တာဝန်ရှိသူများကလည်း ထိုသမိုင်းဝင် လက်ရာများတူးဖော် ရေးကို ဆောင်ရွက်နေကြကြောင်း သိရှိရသည်။

    အလ်ဂျဇီးရားမှ ကမားလ်ဟိုင်ဒါ၏ သတင်းတင်ပြချက်ဖြစ်ပါသည်။

  • ပါကစ္စတန် သမ္မတ မြန်မာသမ္မတထံ ရိုဟင်ဂျာအရေး စာပို့

    ပါကစ္စတန် သမ္မတ မြန်မာသမ္မတထံ ရိုဟင်ဂျာအရေး စာပို့

    (ကြားဖြတ်နှင့် သတင်းကျဉ်း)
    မဇ္ဈိမသတင်းဌာန |
    အင်္ဂါနေ့၊ သြဂုတ်လ ၀၇ ရက် ၂၀၁၂ ခုနှစ် ၁၉ နာရီ ၃၆ မိနစ်

    နယူးဒေလီ (မဇ္ဈိမ) ။       ။ ရခိုင်ပြည်နယ်မှ လူမျိုးရေး ပဋိပက္ခများအတွင်း ရိုဟင်ဂျာ မူဆလင်များ သေဆုံးခဲ့ရမှုနှင့် ပတ်သက်၍ လေးနက်စွာ စိုးရိမ်ပူပန်ကြောင်း ပါကစ္စတန်သမ္မတ Asif Ali Zardari က မြန်မာသမ္မတ ဦးသိန်းစိန်ထံ အင်္ဂါနေ့က စာရေးသား ပေးပို့လိုက်သည်။

    ပါကစ္စတန် သမ္မတ Zardari

    သမ္မတ Zardari ၏ စာထဲတွင် ပြန်လည်နေရာချထားရေး လုပ်ငန်းစဉ်အား မြန်မြန်ထက်ထက် ဆောင်ရွက်ရန် တောင်းဆိုထားပြီး သို့မှသာ ရိုဟင်ဂျာများ ၎င်းတို့နေအိမ်များသို့ ပြန်သွားကာ လုံခြုံစိတ်ချရသည့်ဘဝသို့ ရောက်ရှိစေ မည်ဟု ပါရှိကြောင်း ပါကစ္စတန် အေပီ သတင်းတပုဒ်တွင် ဖော်ပြထားသည်။

    ပါကစ္စတန် အစိုးရနှင့် ပြည်သူများအနေဖြင့် မူဆလင်များ သေဆုံးကြရမှုအပေါ် များစွာ ကြေကွဲရပြီး အတိဒုက္ခရောက်မှု များ အတွက်လည်း နက်ရှိုင်းစွာ စိုးရိမ်ပူပန်လျက် ရှိကြကြောင်းလည်း Zardari က ဆိုသည်။

    ထို့အပြင် လူမှုအသိုက်အဝန်းများ ငြိမ်းချမ်းစွာ အတူနေထိုင်ခြင်းကသာလျှင် ဒီမိုကရေစီ ပြုပြင်ပြောင်းလဲရေး နောက်ကြောင်းမပြန်ရန် အာမခံပေးနိုင်မည်ဖြစ်ကြောင်းလည်း ပါကစ္စတန် သမ္မတက ဦးသိန်းစိန်ထံ စာရေးသားပေးပို့ လိုက်သည်။

    ရခိုင်ပြည်နယ်မှ လူမျိုးရေးပဋိပက္ခများအတွင်း မူဆလင် အများအပြား သေဆုံးသွားရကြောင်း သတင်းများကြောင့် ပါကစ္စတန်ရှိ လက်ျာ နိုင်ငံရေးပါတီများ၊ ဘာသာရေး အခြေခံအဖွဲ့များက ၎င်းတို့အစိုးရအား အရေးတယူ ဆောင်ရွက် ပါရန် တောင်းဆိုမှုများ ရှိနေသည်။ ထို့အပြင် ပါကစ္စတန်အခြေစိုက် တာလီဘန် အကြမ်းဖက်အဖွဲ့တခုဖြစ်သည့် (TTP)ကလည်း မြို့တော် အစ္စလာမ်မာဘတ်ရှိ မြန်မာသံရုံးအား ပိတ်ရန်နှင့် နှစ်နိုင်ငံ အဆက်အသွယ်များ
    ဖြတ်တောက်ရန် Zardari အစိုးရအား တောင်းဆိုထားပြီး သို့မဟုတ်ပါက လက်တုန့်ပြန် အကြမ်းဖက်တိုက်ခိုက်မှုများ လုပ်ဆောင်သွားမည်ဟု မြန်မာအစိုးရအား ခြိမ်းခြောက်မှုများ ရှိနေသည်။

  • တူရကီ ပညာရေးစနစ်ကို နမူနာယူဖို့ ပါကစ္စတန်ကြိုးပမ်း

    တူရကီ ပညာရေးစနစ်ကို နမူနာယူဖို့ ပါကစ္စတန်ကြိုးပမ်း

    ဘာသာရေးစာသင်ကျောင်းတွေမှာ ဘာသာရေးပညာသာမက ခေတ်ပညာပါ တွဲဖက်သင်ကြားပေးတဲ့ တူရကီ ပညာရေးစနစ်ကို နမူနာ ယူဖို့ပါကစ္စတန်က စီစဉ်နေပါသည်။  ဒီအစီအစဉ်ကို တောင်အာရှမွတ်စလင်နိုင်ငံတစ်ခုဖြစ်တဲ့ ပါကစ္စတန်ရဲ့ ကျောင်းတော်စွဲဝါဒပိုင်းဆိုင်ရာ သဘောထားတင်းမာမှုကို လျှော့ချပြီး အစ္စလာမ်က တကယ်လိုလားသော ပညာရေးစနစ်ဆီသို့ ပြန်လည်တည်ဆောက်မည့် အစီအစဉ်အဖြစ်လည်း ရှူ့မြင်ကြပါသည်။

    “သူတို့(တူရကီ) ရဲ့ပညာရေးစနစ်ကို တကယ်အားကျမိပါတယ်။ ကျတော်တို့ သူတို့ဆီကနေ သင်ယူဖို့လိုပါတယ်။ ဒီပညာရေးစနစ်က အဆင့်မြင့်ပညာကို ဆက်လက်သင်ယူမယ့် ကျောင်းသားတွေ ဟာ တက္ကသိုလ်တွေ ကောလိပ်တွေမှာ ကိုယ်သင်ယူမယ့် ဘာသာကို ရွေးချယ်လို့ရပါတယ်။” လို့ Islamic Ideological Council (IIC) ရဲ့အတွင်းရေးမှူး မိုဟမ္မဒ်အီးလီးယက်စ်ခန်း(Mohammad Ilyas Khan)က OnIslam သတင်းဌာနသို့ ပြောကြားပါသည်။

    IIC ကိုယ်စားလှယ်အဖွဲ့ ဟာ တူရကီက Imam Hatip ကျောင်းလို့ လူသိများတဲ့ ဘာသာရေးကျောင်းတွေကို ပြီးခဲ့တဲ့လက သွားရောက်လေ့လာခဲ့ကြပါသည်။ ဒီပြုပြင်ပြောင်းလဲရေး အစီအစဉ်ကို အကောင်အထည်ဖော်ဖို့ တူရကီပညာရေး ဌာနက တာဝန် ရှိသူတွေနဲ့လည်း တွေ့ဆုံးဆွေးနွေးခဲ့ကြတယ်လို့သိရပါသည်။

    “တူရကီကျောင်းတွေရဲ့ သင်ရိုးညွန်းတမ်းတွေကို နမူနာယူသင်ကြားဖို့အတွက် ကျတော်တို့ကိုတူရကီဘာသာရေး ဥက္ကဌ က ကမ်းလှမ်းထားပါတယ်။ ဒီလို ပြုပြင်ပြောင်းလဲ လိုက်မယ်ဆိုရင် ကျတော်တို့ ဘာသားရေးကျောင်းက ကလေးတွေအတွက် အခွင့်အရေးတွေပိုရလာမှာဖြစ်ပါတယ်။ အခုကျင့်သုံးနေတဲ့ လက်ရှိစနစ်အရဆိုရင် ဘာသာရေးကျောင်းတွေက ကျောင်းပြီးတဲ့ကလေးတွေဟာ ဗလီရှေ့ဆောင်ဆရာ လုပ်ရင်လုပ် မဟုတ်ရင် ဘာသာရေးကျောင်းတွေမှာပဲ ဆရာပြန်လုပ်။ ဒါပဲရှိပါတယ်။” လို့ ခန်း က ဆက်လက်ပြောကြားပါသည်။

    တူရကီရဲ့ Imam Hatip ကျောင်းတွေဟာ ဘာသာရေးပညာသာမက သိပ္ပံ၊ ၀ိဇ္ဇာ ဘာသာရပ်တွေကိုလည်း တခြား အထက်တန်းကျောင်းတွေမှာသင်သလိုပဲ သင်ကြားပေးပါသည်။ ဒီကျောင်းတွေကို ၁၉၂၀ မှာ မွတ်စလင် အီမာန်တွေကို လေ့ကျင့်ပေးဖို့အတွက် တည်ထောင်ခဲ့တာဖြစ်ပါသည်။ အခုတော့ ဒီကျောင်းတွေရဲ့ သင်ရိုးညွန်းတမ်းမှာ ၄၀% က ဘာသာရေးပညာကို သင်ယူကြရပြီး ၆၀% ကို တခြားဘာသာရပ်တွေ သင်ယူကြ ရပါသည်။

    ၂၀၀၂ မှာ အာဏာရခဲ့တဲ့ Islamist-rooted Justice and Development Party  ခေါင်းဆောင်တွေကို ဒီကျောင်းတွေကနေ မွေးထုတ်ပေးခဲ့ခြင်းဖြစ်ပါသည်။ ၀န်ကြီးချုပ် အာဒိုဂန် (Recep Tayyip Erdogan) နဲ့ သူ့အစိုးရ အဖွဲ့သုံး ပုံတစ်ပုံလောက်ဟာ ဒီကျောင်းထွက်တွေဖြစ်ပါသည်။ ၀န်ကြီးချုပ်ဟာ ဒီကျောင်းက ထွက်ပြီး စီးပွားရေးပညာကို ဆက်လက်ဆည်းပူးခဲ့ ခြင်းဖြစ်ပါသည်။

    အခုတူရကီရဲ့လက်ရှိပညာရေးစနစ်အရ မသင်မနေရအခြေခံကျောင်းမှာ ၈ နှစ်သင်ပြီးမှ Imam Hatip ကျောင်းကို ၀င်ခွင့်ရပါသည်။ ဒါပေမယ့် ဒီသက်မှတ်ချက်ကို ပြင်ဆင်ပြီး ကျောင်းသားအသက် ၁၀ နှစ်လောက်က စပြီး ဒီကျောင်းတွေမှာ ၀င်ခွင်ရဖို့အတွက် ပညာရေးဥပဒေကို ပြင်ဆင်ရန်ကြိုးစားနေပါသည်။

    “တူရကီဘာသာရေးကိုယ်စားလှယ်အဖွဲ့ မကြာမှီမှာ ပါကစ္စတန်ကိုလာဖို့ရှိပါတယ်။ ဒီက ဘာသာရေး ကျောင်းအုပ်တွေနဲ့ တွေ့ဆုံပြီး ပြုပြင်ပြောင်းလဲ ရေးအစီအစဉ်တွေကို ဆွေးနွေးကြပါမယ်။” လို့  ခန်း က ဆက်ပြောပါသည်။

    ပါကစ္စတန်မှာ မဒရက်စာ ဘာသာရေးကျောင်းပေါင်း ၂၂၀၀၀ ကျော်လောက်ရှိပြီး အများစုက အစဉ်အဆက် သင်လာခဲ့တဲ့ ဘာသာရေး ပညာတွေကိုသာ သင်ကြားကြပါသည်။ အနောက်နိုင်ငံ မီဒီယာတွေကတော့ ဒီကျောင်းတွေဟာ တာလီဘန် တွေအတွက်လူသူစုဆောင်းပေးနေတယ်လို့ စွပ်စွဲကြပါသည်။ ဒီစွပ်စွဲချက်ကို ကျောင်းတွေဘက်က ငြင်းဆိုခဲ့ပါသည်။

    အမေရိကန်ကွန်ဂရက်စုံစမ်းရေးအဖွဲ့ကတော့ ဒီကျောင်းတွေဟာ အာဖဂန်နစ္စတန်မှာ အမေရိကန်ဦးဆောင်တဲ့ တပ်ဖွဲ့ကို တိုက်ခိုက်ဖို့အတွက် လက်နက်ကိုင် တပ်သားတွေ မွေးထုတ်နေတယ်လို့ ပြစ်တင်ခဲ့ပါသည်။ တာလီဘန်ခေါင်းဆောင် မူလာအိုမာ အပါအ၀င် တာလီဘန်ခေါင်းဆောင်ပိုင်းတွေဟာ ပါကစ္စတန်က မဒ်ရက်စာ တွေမှာ ပညာသင်ကြားခဲ့ကြပါသည်။ အဲဒီအချိန်တုန်းကတော့ အာဖဂန်နစ္စတန်ကနေ ရုရှားတွေကို မောင်းထုတ် ဖို့အတွက် အမေရိကန်နဲ့ အနောက်နိုင်ငံတွေ ကိုယ်တိုင်ပဲ ဒီကျောင်းတွေကို ထောက်ပံ့ အားပေးအားမြှောက်လုပ် ခဲ့ကြတာဖြစ်ပါတယ်။

    ပါကစ္စတန်လူမျိုးအများစုကတော့ ဒီကျောင်းတွေဟာ နိုင်ငံတွင်းမှာ ပညာရေးအတွက် အကြီးဆုံး NGO အဖွဲ့အ စည်း အဖြစ်ရှူ့မြင်ကြပါသည်။ ဘာလို့လဲ ဆိုတော့ ဒီကျောင်းတွေဟာ ဆင်းရဲတဲ့ကျောင်းသားတွေအတွက် အခမဲ့ ပညာရေး ဖြစ်လို့ပါ။ နိုင်ငံအစွန်အဖျားမှာနေတဲ့ ဆင်းရဲသားတွေဟာ ဈေးကြီးတဲ့ အခြားကျောင်းတွေကို တက်ရောက်ဖို့ မတက်နိုင်ကြပါဘူး။ ဒါကြောင့် ဒီမဒ်ရက်စာတွေ သာလျှင် သူတို့အတွက် တစ်ခုတည်းသော ရွေးချယ်စရာဖြစ်နေပါသည်။

    ကမ္ဘာ့ဘဏ်ရဲ့စာရင်းဇယားတွေအရ ပါကစ္စတန်လူဦးရေရဲ့ ၃၄% ဟာ ဆင်းရဲနွမ်းပါးမှု့သက်မှတ်ချက်အောက် အောက်မှာ နေကြရပါတယ်။ ပါကစ္စတန်အစိုးရကတော့ ၁၈% နှင့် ၂၀%ကြားမှာ ရှိတယ်လို့ဆိုပါသည်။

    ပါကစ္စတန်တာဝန်ရှိသူတွေကတော့ ဒီလို သင်ရိုးညွန်းတမ်းကိုပြောင်းလဲ လိုက်ခြင်းအားဖြင့် နိုင်ငံတွင်းမှာ ရှိတဲ့ လူတန်းစားခွဲခြားမှု့ကို လျှော့ချနိုင်လိမ့်မယ်လို့ ယုံကြည်ကြပါသည်။

    Source-www.onislam.net

    ဘာသာပြန်-လူမင်းဟန်

  • ပါကစ္စတန်တက္ကသိုလ်ကျောင်းသား အခမဲ့ SMS တီထွင်

    ပါကစ္စတန်တက္ကသိုလ်ကျောင်းသား အခမဲ့ SMS တီထွင်

    ပါကစ္စတန်တွင် FACEBOOK နှင့် အင်တာနက် အသုံးပြုနိုင်မှုမှာ လူ့ချမ်းသာများအတွက်သာ ဖြစ်နေပါသည်။ Social networking များမှာ အခြေခံလူတန်းစားများအတွက် မဟုတ်သေး။

    ဤအတွက် ပထမနှစ် တက္ကသိုလ်ကျောင်းသား Shehzad Khan က အခမဲ့ SMS နတ်ဝါ့ကို တီထွင်ဖေါ်ထုတ်လိုက်သည်။ မိုဘိုင်းဖုန်းမှတဆင့် အခမဲ့ SMS ၀န်ဆောင်မှု ဖြစ်သည်။

    အချိန်ပြည့် ၀န်ထမ်း သူတစ်ဦးတည်းသာရှိသော Smile SMS ၀န်ဆောင်မှုမှာ ၃ လအတွင်း လူဦးရေ သန်းတ၀က်ခန့် (ငါးသိန်း) အတွက် အခမဲ့ ၀န်ဆောင်မှု ပေးနိုင်ပြီဖြစ်သည်။

    “လူဦးရေ သန်း ၁၈၀ ထဲမှာ သန်း ၃၀ လောက်ပဲ အင်တာနက် သုံးနိုင်တာပါ။ သန်း ၁၅၀ က အင်တာနက် မသုံးနိုင်ဘူးလေ။ အဲဒီအတွက် ကျနော် လူထုအတွက် တီထွင်လိုက်တာပါ။ SMS ၀န်ဆောင်မှုဟာ အခမဲ့ FACEBOOK ပါပဲ။” Khan က ရှင်းပြသည်။

    မြတ်ပန်းရှင်

    မောက္ခနိုင်ငံတကာသတင်း

    Source: Aljazeera

     

  • ကြွေလွင့်သွားရှာတဲ့ အသက် ၁၆ နှစ်အရွယ် ကွန်ပျူတာ ပညာရှင် Arfa Karim

        သူမ အကြောင်းကို ဖတ်လိုက်မိတော့ စိတ်ဝင်စားမိတယ်။ ဘာဖြစ်လို့လဲဆိုတော့ သူမဟာ အသက် ၉ နှစ်အရွယ်မှာ Microsoft ၏ အသိအမှတ်ပြု အောင်လက်မှတ်ရ ပရိုဖက်ရှင်နယ် ကွန်ပြူတာပညာရှင်လေး (Microsoft Certified Professional, MCP) တစ်ဦးဖြစ်နေလို့ပါပဲ။ အသက်အငယ်ဆုံး ပညာရှင်လို့လည်း သိရပါတယ်။
        Software ကုမ္ပဏီတစ်ခုဖြစ်တဲ့ Microsoft ကိုစတင်တည်ထောင်သူ ကမ္ဘာ့အချမ်းသာဆုံးစာရင်းဝင် Bill Gates ကိုယ်တိုင် အမေရိကန်နိုင်ငံ ၀ါရှင်တန်မြို့ (Washington, America) ရှိ Microsoft ၏ ပင်မရုံး တည်ရှိရာသို့ လာရောက်ရန် သူမကို ဖိတ်ခေါ်ခဲ့သည်။ အဲ့ဒီအချိန်မှာ သူမအသက်က ၁၀ နှစ်၊ ဒါပေမယ့် ကွန်ပြူတာ programming ပညာရပ်တွေမှာ အသက်အရွယ်နှင့် မလိုက်အောင် ထူးချွန်ထက်မြတ်သည့်  အရည်အချင်းတွေ ပြသခဲ့လို့ လူအများ အံ့သြကြရတယ်။  ပြည်တွင်းမှာလည်း ပါကစ္စတန် ၀န်ကြီးချုပ်ကိုယ်တိုင် သူမကို ဆုများ ချီးမြှင့်ခဲ့တယ်။
         ဒူဘိုင်း (Dubai) မှာ ကျင်းပခဲ့တဲ့ IT (Information Technology) Professionals များ၏ အခမ်းအနား တွေကိုလည်း သူမတက်ရောက်ခဲ့တယ်။ Microsoft ၏ ဖိတ်ကြားခြင်းခံရလို့ သူမ တက်ရောက်ခဲ့တဲ့ Barcelona မှာကျင်းပသည့် Teh-Ed Developers conference  တွေ့ဆုံစည်းဝေးပွဲမှာ သူမဟာ ကွန်ပြူတာ အတတ်ပညာရှင်ပေါင်း ၅၀၀၀ အထဲမှ တစ်ဦးတည်းသော ပါကစ္စတန်တစ်ယောက် ဖြစ်တယ်။

     

         Arfa Karim Randhawa (အာဖါ ကရင်မ်) အမည်ရှိ သူမကို ပါကစ္စတန်နိုင်ငံ Faisalabad မြို့နယ်အတွင်းရှိ ရွာလေးတစ်ရွာတွင် ဖေဖော်ဝါရီလ ၂ ရက်နေ့ ၁၉၉၅ ခုနှစ်တွင် မွေးဖွားခဲ့သည်။ မိသားစုတွင် သမီးကြီးဖြစ်၍ မောင်ငယ်နှစ်ယောက်ရှိကာ သူမသည် အစ္စလာမ်ဘာသာ ကိုးကွယ်သည်။ အသက် ၁၆ နှစ်တွင် နှလုံးရောဂါဖြင့် ကွယ်လွန်ခဲ့သည်။ သူမ နေထိုင်မကောင်းသည့် အချိန် ဆေးရုံတက်နေစဉ် Bill Gates    မှ ဆေးရုံကုန်ကျစရိတ်ကို ကျခံရန် သူမ၏ မိဘများကို ကမ်းလှမ်းခဲ့ပြီး ဒီ့ထက်ကောင်းမွန်တဲ့ နည်းလမ်းများဖြင့် ကုသနိုင်ရန် အမေရိကားသို့ ခေါ်ဆောင်ရန် ဆွေးနွေးခဲ့သည်။ သို့သော် အသက်ရှုစက် တပ်ဆင်ထားရသောကြောင့် အပြောင်းအရွှေ့ မပြုလုပ်လိုသောကြောင့် ထိုအကောင်အထည် အထမမြောက်ခဲ့ပေ။
       ဇန်န၀ါရီလ ၁၄ ရက်နေ့ ၂၀၁၂ ခုနှစ်တွင် Arfa သေဆုံးခဲ့ရာ အစ္စလာမ်ဘာသာဝင်များ၏ ထုံးစံအရ သေဆုံးသူအတွက် ၀တ်ပြုဆုတောင်းပွဲ (Namaz-e-Janaza, ဂျာနာဇာ နမာဇ်) ကို ပြုလုပ်ခဲ့ပြီး သူမ၏ မွေးဖွားရာဇာတိ ရွာလေးတွင် မြှုပ်နှံခဲ့သည်။ သူမ ဘ၀တွင် လူတော်တော်များများ မရရှိနိုင်သော အောင်မြင်မှု၊ ထင်ရှား လူသိများမှု၊ အသက်ငယ်ရွယ်ပေမယ့် ပညာတစ်ရပ်မှာ ထူးချွန်ပေါက်မြောက်မှုတွေ ရရှိခဲ့သည်။ Arfa အကြွေစောခဲ့ခြင်းဟာ ပါကစ္စတန်နိုင်ငံ အတွက် ဆုံးရှုံးမှုတစ်ရပ် ဖြစ်တယ်။ Arfa ဆုံးသွားတဲ့ သတင်းကြားပြီး Bill Gates ပြောခဲ့သည်မှာ  “Today is the black day of my life and same for Pakistan because I lost my princess colleague and Pakistan loss her Pakistani”
         သူမ ရရှိခဲ့သည့် ဆုများမှာ –
    – Fatimah Jinnah Gold Medal in the field of Science and Technology in August 2005, presented by the Prime Minister of Pakistan
    – Salam Pakistan Youth Award in August 2005, presented by President of Pakistan
    – Award for Pride of Performance
    – Ambassador for Pakistan Telecommunication Company
    – After her death, Lahore Technology Park would be changed to Arfa Software Technology Park
    Arfa and Bill Gates (left)
    Praying at Arfa Karim’s funeral
       *      *        *
       Arfa Karim ၏ အင်တာဗျုးလေးကို ဆက်လက် ဖတ်ရှုနိုင်ပါတယ်။
    မေး။ ။ ကမ္ဘာပေါ်မှာ အသက်ငယ်ဆုံး ကွန်ပြူတာပညာရှင် genius တစ်ယောက်အနေနဲ့ ဘယ်လိုခံစားရပါသလဲ?
    ဖြေ။ ။  သမီး အရမ်းပျော်ပါတယ်။ ဒီလိုမျိုး လူသိများလာမယ်၊ ကြီးမားတဲ့ကိစ္စ တစ်ခု ဖြစ်လာမယ်လို့ သမီး မထင်ထားခဲ့ဘူး။ ဒါပေမယ့် ကိစ္စတစ်ခုကို အောင်မြင် အထမြောက်အောင် ပြုလုပ်နိုင်လို့ အရမ်းပျော်ပါတယ်။
    မေး။  ။  အခုလိုမျိုး ဖြစ်လာတဲ့ ဇာတ်လမ်းကို ပြောပြပေးပါဦး?
    ဖြေ။   ။ သမီး မူကြိုအရွယ်တည်းက ကွန်ပြူတာအခန်းတွေ အရှေ့က ဖြတ်သွားရရင် ကျောင်းသားကြီးတွေ အသုံးပြုနေတဲ့ သေတ္တာပုံလေးထောင့်အရာနဲ့ ကလစ်နှိပ်နေတဲ့ ဘဲဥပုံသဏ္ဍန်အရာကို စိတ်ဝင်စားခဲ့တယ်။ ပြီးတော့ သူတို့တွေ ဘာတွေ လုပ်နေလဲဆိုတာကို သိပ်သိချင်ခဲ့တယ်။ အဲ့ဒီကနေ သမီးရဲ့ စိတ်ဝင်စားမှု စတင်ခဲ့ပါတယ်။ သမီးအသက် ၇ နှစ်အရွယ်မှာ အဖေက ကွန်ပြူတာတစ်လုံး ၀ယ်ပေးခဲ့ပြီး သုံးရတာကို သမီးနှစ်သက်ခဲ့ပါတယ်။ Microsoft Word၊ PowerPoint တွေကို ကိုယ့်ဘာသာ လေ့လာမှတ်ယူခဲ့ပါတယ်။ ဒါနဲ့ သမီးအဖေက ကွန်ပြူတာကျောင်း (Computer Institute) ကို ခေါ်သွားပြီး ကျောင်းမှာ စစ်ဆေးမှု လုပ်ခဲ့ပါတယ်။ အဲ့ဒီအခါမှာ သမီးက တော်တော်များများ သိထားတော့ software နဲ့ ပတ်သက်တဲ့ ပညာရပ်တွေကို တန်းပြီး လေ့ကျင့်ပေးပါတယ်။
    မေး။  ။ ဘယ်လို လေ့လာပြင်ဆင်ခဲ့ပါသလဲ?
    ဖြေ။   ။ ကျောင်းပိတ်ရက်တွေမှာ ကွန်ပြူတာကျောင်းမှာ သမီး မနက် ၉ နာရီကနေ ညနေ ၅ နာရီထိ လေ့လာသင်ယူပါတယ်။ အစပိုင်းမှာ ပျင်းစရာကောင်းတယ် ထင်ပေမယ့် Windows-based application တွေက သုံးရတာလည်း လွယ်ကူပြီး စိတ်ဝင်စားဖို့ကောင်းပါတယ်။ အဲ့ဒါနဲ့ Assignments တွေလုပ်၊ ဂိမ်းတွေကစားနဲ့ ကျောင်းမှာ ပျော်ရွှင်ခဲ့ပါတယ်။
    မေး။  ။ စာမေးပွဲ ဖြေတဲ့အခါ ဘယ်လိုပုံစံ မေးခွန်းမျိုးလဲ?
    ဖြေ။   ။  ၃ နာရီကြာ Multiple choice  (အဖြေများထဲမှ မှန်ရာကို ရွေးရခြင်း) မေးခွန်းတွေကို ၄၅ မိနစ်နဲ့ အပြီးဖြေခဲ့ပြီး အောင်ခဲ့ပါတယ်။
    မေး။   ။ အောင်မြင်မှုတွေရဖို့ ဘ၀မှာ ဘယ်လို ပြောင်းလဲခဲ့လဲ?
    ဖြေ။   ။   Microsoft Pakistan  က သမီးအကြောင်း ကြားတဲ့အခါ ၄ နာရီကြာ စာစစ်မှုမျိုးတွေ ပြုလုပ်ခဲ့ပါတယ်။ အဲ့ဒီ့နောက်ပိုင်းမှာ စည်းဝေးပွဲ conferences တွေ၊ အခမ်းအနားတွေကို ဖိတ်ခေါ်ခဲ့တယ်။ ဆုတံဆိပ်တွေလည်း အများကြီး ရခဲ့ပါတယ်၊ ဈေးဝယ်ထွက်တဲ့အခါ၊ လေယာဉ်ကွင်းမှာက အစ လူတွေက သမီးကို မှတ်မိပြီး လာနှုတ်ဆက်ကြတယ်၊ လက်မှတ်ထိုးခိုင်းတယ်။ အရမ်းပျော်ပါတယ်။ တချို့က မေးကြတယ် လွတ်လပ်တဲ့ ကလေးဘ၀ကို မရနိုင်တော့ဘူးပေါ့တဲ့။ ဒါပေမယ့် သမီးက MacDonald  မှာသွားစားတယ်၊ သူငယ်ချင်းတွေနဲ့ ဆော့တယ်။ သမီးလို အရွယ် ကလေးတွေ လုပ်တာ သမီး လွတ်လွတ်လပ်လပ် လုပ်နိုင်ပါတယ်လို့ ပြန်ဖြေခဲ့တယ်။
    မေး။   ။ သမီးလို လူသိများတဲ့ သူတစ်ယောက်ကို ကျောင်းနေဖက်တွေနဲ့ ဆရာ၊ ဆရာမတွေရဲ့ ဆက်ဆံရေးက အများနဲ့မတူဘဲ ခြားနားလား?
    ဖြေ။   ။  မရှိပါဘူး။ အိမ်မှာ သမီးက MCP တစ်ယောက် မဟုတ်ဘူးလေ။ Arfa ပဲ။ ကျောင်းမှာလည်း အပြိုင်အဆိုင် စာကြိုးစားရတာပဲ။ သမီးက ကိုယ့်ကိုယ်ကိုယ် extraordinary သာမာန်မဟုတ်ဘဲ ထူးထူးခြားခြား တော်နေတယ်လို့ မထင်ပါဘူး။  သမီးရဲ့ စိတ်ဝင်စားစရာ အသက်မွေးဝမ်းကျောင်းမှု ပညာရပ် professional field မှလွဲရင် ကျန်တဲ့နေရာတွေမှာ သာမာန်လူတစ်ယောက်ပါပဲ။ သမီးမှာ ပရောဖက်ရှင်နယ်တစ်ယောက်နဲ့ ကလေးတစ်ယောက် ဘ၀ကို အပြောင်းအလွှဲ လုပ်လို့ရမယ် ခလုတ်တစ်ခု ပါတယ်လေး)
    မေး။   ။  ဟုတ်ပါပြီ။ ဒါဆို သာမာန်  Arfa လေးက အားလပ်ချိန်မှာ ဘာတွေလုပ်တတ်လဲ?
    ဖြေ။   ။ သမီး ကဗျာရေးတယ်၊ ကွန်ပြူတာဂိမ်း ကစားတယ်၊ ကာတွန်းကား ကြည့်တယ်၊ စာဖတ်တယ်၊ ကျမ်းမြတ်ကုရ်အာန်လည်း ဖတ်တယ်၊ cricket ကစားရတာလည်း နှစ်သက်တယ်။
    မေး။   ။ ကြီးလာရင် ဘာလုပ်မယ်လို့ ရည်ရွယ်ချက် ရှိလား?
    ဖြေ။  ။ ကမ္ဘာကြီးက ကြိုးမဲ့ wireless တစ်ခု ဖြစ်လာတော့ သမီး satellite engineer တစ်ယောက် ဖြစ်ချင်ပါတယ်။ Software တွေကို အသုံးပြုပြီး တစ်ခုခု လုပ်မယ်။
    မေး။   ။   Bill Gates နဲ့ တွေ့ခဲ့ရတဲ့ အကြောင်း ပြောပြပါဦး?
    ဖြေ။   ။ သူက နူးညံ့ကြင်နာပြီး စကားကို ညင်သာစွာ ပြောတတ်တယ်၊ မာန မရှိဘူး။ သူ့ဆီက သမီး နားလည် သင်ယူလိုက်တာက အမြင့်ကို ရောက်လေ၊ ပိုပြီး ကျိုးနွံယဉ်ကျေးလေ ဆိုတာပါပဲ။
    Ref: Wikipedia, Gulf News, Daily Mail, BBC
    (ကျွန်မတို့ လူငယ်တွေ အတုယူ အားကျနိုင်စေရန် ငယ်ရွယ် ထူးချွန်သည့် ပါကစ္စတန် မိန်းကလေး Arfa Karim အကြောင်း ဘာသာပြန် ရေးလိုက်ရပါတယ်။ အသက်ငယ်ငယ်ရွယ်ရွယ်လေးနဲ့ ဆုံးပါးသွားတော့ အင်မတန်မှ နှမြောမိသလို သနားမိပါတယ်။ အစ္စလာမ်ဘာသာဝင် မွတ်စလမ် မိန်းကလေးငယ်များ၊ အမျိုးသမီးများ လောကီပညာရေးနှင့်၊ လောကုတ္ထရာ ဘာသာရေး ဗဟုသုတများကို လေ့လာသင်ယူပြီး ထူးချွန်ထက်မြတ်တဲ့ မွတ်စလမ်အမျိုးကောင်းသမီးများ ဖြစ်ကြပါစေရှင်…။ စာလာဖတ်သူများ အားလုံး ကျေးဇူးပါ။ )
    Rose
    မူရင်း http://redroseofburma.blogspot.com/2012/01/arfa-karim.html မှကူးယူဖော်ပြပါသည်။