Tag: Pakistan

ဒရုန်းဖြင့်တိုက်ခိုက်မှု ဆန့်ကျင်သူအား ဖမ်းထားပါက ပြန်လွှတ်ရန် ပါကစ္စတန် တရားရုံး အမိန့်ချ

ဖေဖော်ဝါရီ ၁၃၊ ၂၀၁၄
M-Media

အစ္စလာမ်မာဘတ်၊။ ပြီးခဲ့သည့် သီတင်းပတ်က ပြန်ပေးဆွဲခံခဲ့ရသည့် အမေရိကန်၏ ဒရုန်းလေယာဉ်များဖြင့် တိုက်ခိုက်မှု ဆန့်ကျင်ရေး လှုပ်ရှားသူ ကရင်မ်ခန်းအား လာမည့် ၂၀ ရက်နေ့မတိုင်မီ ထုတ်ပေးရန် သို့မဟုတ် ၎င်းအား ထိန်းသိမ်းထားခြင်း မရှိကြောင်းကို ပြတ်ပြတ်သားသား ငြင်းဆိုရန် ပါကစ္စတန် တရားရုံးတစ်ခုက နိုင်ငံ၏ ထောက်လှမ်းရေး အေဂျင်စီများကို အမိန့်ပေးခဲ့သည်ဟု သိရသည်။

အဆိုပါ အမိန့်အား ယမန်နေ့တွင် ချမှတ်ခဲ့ခြင်းဖြစ်ပြီး ကရင်မ်ခန်း၏ ဥပဒေအ ကျိုးဆောင်အဖွဲ့ အကြီးအကဲ ရှာဇဒ် အက်ဘာက ဖေဖော်ဝါရီ ၅ ရက်နေ့ညပိုင်းက ရာဝါလ်ပင်ဒီမြို့ရှိ နေအိမ်မှ ခန်းပျောက်ဆုံးသွားမှုမှာ အစိုးရမှ ပြန်ပေးဆွဲခြင်း လက္ခဏာဖြစ်ပြီး၊ ထိုအဖြစ်အပျက် အတွက် ပါကစ္စတန်ရှိ ထောက်လှမ်းရေး အေဂျင်စီများတွင် တာဝန်ရှိသည်ဟု စွပ်စွဲပြောဆိုခဲ့သည်။ ခန်း၏ နေအိမ်အတွင်းသို့ လူ ၂၀ ခန့်က လက်နက်များ ကိုင်ဆောင်၍ ၀င်ရောက်ကာ ခန်းအား ဖမ်းဆီးသွားခြင်းဖြစ်သည်။

၂၀၀၉ ခုနှစ် ဒီဇင်ဘာ ၃၁ ရက်နေ့က အမေရိကန်တို့ပြုလုပ်သော ဒရုန်းလေယာဉ်ဖြင့် တိုက်ခိုက်မှုတွင် ခန်း၏ ဆယ်ကျော်သက် သားငယ်နှစ်ဦးမှာ သေဆုံးခဲ့ရပြီးနောက် ခန်းမှာ အမေရိကန်၏ ဒရုန်းလေယာဉ် အသုံးပြု တိုက်ခိုက်မှုများအား ဥပဒေအကြောင်းအရ ဆန့်ကျင်ခဲ့သည်။

ပါကစ္စတန်ရှိ လူမျိုးစုဒေသများတွင် အမေရိကန်မှ ဒရုန်းလေယာဉ်ဖြင့် တိုက်ခိုက်မှုများနှင့် ပတ်သက်၍ ဥရောပ ပါလီမန်အဖွဲ့ဝင်များ၊ ယူကေ ဥပဒေပြုအမတ်များအား ဘရပ်ဆဲလ်နှင့် လန်ဒန်တို့တွင် ဆွေးနွေးရန်နှင့် နိုင်ငံတာ ရာဇ၀တ်ခုံရုံးတွင် သက်သေခံရန် အတွက် ဖေဖော်ဝါရီ ၁၅ ရက်နေ့၌ ခရီးသွားရန် ရှိနေချိန်တွင် ယခုကဲ့သို့ ပြန်ပေးဆွဲခံခဲ့ရခြင်းဖြစ်သည်။

သို့သော်လည်း ပါကစ္စတန်ရဲတပ်ဖွဲ့ကမူ ခန်းအား ပြန်ပေးဆွဲမှုနှင့် ပက်သက်၍ ၎င်းတို့သိရှိခြင်း မရှိဟု ယမန်နေ့တွင် တရားရုံး၌ ထွက်ဆိုခဲ့သည်။
Ref:aljazeera

Photo-AFP

February 13, 2014
ပါကစ္စတန်နှင့် တာလီဘန်တို့ ငြိမ်းချမ်းရေးဆွေးနွေးပွဲ စတင်၊ တိုးတက်မှုများရှိနေ

ဖေဖော်ဝါရီ ၈ ၊ ၂၀၁၄
M-Media

– ပါကစ္စတန်အစိုးရနှင့် တာလီဘန်တို့အကြား ဆွေးနွေးပွဲ အောင်မြင်နိုင်မည့် အခွင့်အလမ်းအပေါ် နှစ်ဦးနှစ်ဘက် သံသယရှိနေသောကြောင့် ကာလကြာရှည် မသေမချာဖြစ်နေသည့် ငြိမ်းချမ်းရေးဆွေးနွေးပွဲပထမအဆင့်အား ယမန်နေ့က အစ္စလာမ်မာဘတ်တွင် စတင်ခဲ့သည်ဟု သိရသည်။

ငြိမ်းချမ်းရေးဖော်ဆောင်မှု မူဝါဒလမ်းစဉ်များ ချမှတ်ရန်အတွက် ရည်ရွယ်ခဲ့သည့် အဆိုပါဆွေးနွေးပွဲသို့ ပါကစ္စတန်အစိုးရဘက်မှ ကိုယ်စားလှယ် ၄ ဦးနှင့် တာလီဘန်တို့ဘက်မှ ကိုယ်စားလှယ် ၃ ဦးတို့ တက်ရောက်ခဲ့ကြပြီး ၃ နာရီကျော်ကြာ ဖော်ဖော်ရွေရွေ ရင်းရင်းနှီးနှီး ဆွေးနွေးခဲ့ကြခြင်းဖြစ်သည်။

ဆွေးနွေးပွဲအပြီး ကြေညာချက်ထုတ်ပြန်ရာတွင် နှစ်ဘက်စလုံးက အကြမ်းဖက် လုပ်ရပ်များကို ရှုတ်ချကြောင်းနှင့် ဆွေးနွေးပွဲအား ပျက်ပြားစေနိုင်သည့် လုပ်ရပ်များကို နှစ်ဖက်စလုံးမှ ရှောင်ကျဉ်ကြမည့်အကြောင်း စသည့် အချက်များပါဝင်သော ကြေညာချက်တစ်စောင်ကို ထုတ်ပြန်ခဲ့သည်။ ထိုဆွေးနွေးပွဲမှာ တိုးတက်မှုများရှိနေပြီး ယနေ့တွင် အသေးစိတ် ဆက်လက် ဆွေးနွေးရန်လည်း ရှိနေသည်။

တာလီဘန်တို့မှာ ပါကစ္စတန်အတွင်း ဆယ်စုနှစ်တစ်ခုအကြာ အစိုးရဆန့်ကျင်ရေး တိုက်ခိုက်မှုများပြုလုပ်ခဲ့သော အဖွဲ့ဖြစ်သည်။ သို့သော်လည်း တိုက်ခိုက်မှုများ ရပ်တန့်ရေးနှင့် ပြဿနာရပ်များအား ဖြေရှင်းရေးတို့ဆောင်ရွက်ရန်အတွက် အားထုတ်မှုများမှာ အဆင်သင့်ဖြစ်နေပြီဟု ယုံကြည်ကြောင်း ပါကစ္စတန်ဝန်ကြီးချုပ် နာဝဇ်ရှရစ်ဖ်က ပြောကြားခဲ့သည်။
Ref: aljazeera

February 8, 2014
ပါကစ္စတန်အစိုးရနှင့် ငြိမ်းချမ်းရေးဆွေးနွေးရန် ကိုယ်စားလှယ်အဖွဲ့ ပါကစ္စတန်အခြေစိုက် တာလီဘန်အဖွဲ့မှ ဖွဲ့စည်း

ဖေဖော်ရီ ၂၊ ၂၀၁၄
M-Media

– နိုင်ငံအတွင်း အကြမ်းဖက်မှုများ ပပျောက်ရန်အတွက် ပါကစ္စတန်အစိုးရနှင့် ငြိမ်းချမ်းရေးဆွေးနွေး ညှိနှိုင်းမှုများပြုလုပ်ရန် ပါကစ္စတန်အခြေစိုက် တာလီဘန် အဖွဲ့က ငြိမ်းချမ်းရေး ကော်မတီ တစ်ရပ်ကို ဖွဲ့စည်းလိုက်သည်ဟုသိရသည်။

တာလီဘန်ဗဟိုကောင်စီက ယမန်နေ့တွင် ပြုလုပ်သည့် အစည်းအဝေးတွင် တစ်ညီတစ်ညွတ်တည်း သဘောတူညီခဲ့ခြင်းဖြစ်ပြီး၊ အဖွဲ့ဝင်ငါးဦးပါဝင်သည့် ငြိမ်းချမ်းရေးဆွေးနွေးမှုအဖွဲ့ကို တစ်ပါတည်း ဖွဲ့စည်းခဲ့သည်ဟု သိရသည်။

ပါကစ္စတန်နိုင်ငံအတွင်းဖြစ်ပွားသည့် အကြမ်းဖက်တိုက်ခိုက်မှုများအတွက် ပြစ်တင်ပြောဆိုခြင်းခံနေရသည့် တာလီဘန်တို့ဘက်မှ ပထမဆုံးအကြိမ် ငြိမ်းချမ်းရေးအတွက် လိုလိုလားလားဆောင်ရွက်ချက်လည်းဖြစ်သည်။ တာလီဘန်အဖွဲ့၏ ပြောရေးဆိုခွင့်ရှိသူ ရှာဟီဒွလ္လာ ရှာဟစ်က အစိုးရနှင့် ငြိမ်းချမ်ရေးဆွေးနွေးမှုများအားဆက်လုပ်ရန် အဆိုပါအဖွဲ့အား မေတ္တာရပ်ခံခဲ့ပြီး၊ ထိုအဖွဲ့ကလည်း ဆွေးနွေးမှုများပြုလုပ်ရန် အစိုးရနှင့် သဘောတူညီခဲ့သည်ဟု ဆိုသည်။

ပါကစ္စတန်ဝန်ကြီးချုပ် နာဝပ်ဇ်ရှရစ်ဖ်ကလည်း ၎င်း၏ အထူးအကြံပေး ပုဂ္ဂိုလ်ခေါင်းဆောင်ပြီး အဖွဲ့ဝင်လေးဦးပါသည့် ကိုယ်စားလှယ်အဖွဲ့ကို ဖွဲ့စည်းထားကာ တာလီဘန်တို့နှင့် ငြိမ်းချမ်းရေကိစ္စဆွေးနွေးရန် အသင့်ရှိနေသည်ဟု သိရသည်။
Ref: ဆင်ဟွာ

February 2, 2014
အသေခံ ဗုံးခွဲမှုကို အသက်စွန့် ကာကွယ်ခဲ့သူ ကျောင်းသားလေးအား နိုင်ငံ၏ အမြင့်ဆုံးဆု ပါကစ္စတန်ချီးမြှင့်မည်။

ဇန်နဝါရီ ၁၂၊ ၂၀၁၄
M-Media

– ကျောင်းအတွင်းသို့ အသေခံဗုံးခွဲရန် လာရောက်သောသူအား ခုခံခဲ့သောကြာင့် အသက်စွန့်ခဲ့ရသည့် အသက် ၁၅ နှစ်အရွယ် ကျောင်းသားတစ်ဦးအား ပါကစ္စတန်နိုင်ငံရှိ အမြင့်ဆုံး ဂုဏ်ထူးဆောင်ဘွဲ့အား ချီးမြှင့်မည်ဟု သိရသည်။

အိတ်ဇာဇ် ဟာဆန်ဟု အမည်ရသည့် အဆိုပါဆယ်ကျော်သက်မှာ နိုင်ငံအနောက်မြောက်ဘက် ခိုင်ဘာ ပက်ထွန်ဟွာပြည်နယ် ဟန်ဂူခရိုင်ရှိ အထက်တန်းကျောင်းတစ်ခုမှ ကျောင်းသားတစ်ဦးဖြစ်ပြီး ပြီးခဲ့သည့် တနင်္လာနေ့က ရာပေါင်းများစွာသော ကျောင်းသားများကိုကယ်တင်ရန်အတွက် ကျောင်းအတွင်းသို့ ၀င်ရောက်လာသော အသေခံဗုံးခွဲသမားအား ခုခံခဲ့သူဖြစ်သည်။

ထို့ကြောင့် အသေခံဗုံးခွဲသမားမှာ ကျောင်းအတွင်သို့ မ၀င်ရောက်နိုင်ခဲ့ဘဲ ကျောင်းဂိတ်ပေါက်ဝတွင် ၎င်း၏ဗုံးအား ခွဲခဲ့ပြီး ဟာဆန်မှာလည်း ဗုံးထိမှန်ခဲ့ကာ ဆေးရုံအရောက်တွင် ကွယ်လွန်သွားခဲ့သည်။

ထိုအဖြစ်အများဖြစ်ပွားပြီးနောက် ရှဟီဒ်း(အာဇာနည်) အိတ်ဇာတ် ဟာဆန်အား နိုင်ငံတော်၏ အမြင့်ဆုံး သူရဘွဲ့ဖြစ်သည့် စစ်တရာ-အီ-ရှုဂျတ်(Sitara-e-Shujjat) ဘွဲ့ချီးမြှင့်ရန် ၀န်ကြီးချုပ် နာဝဇ်ရှရစ်ဖ်က သမ္မတ မန်မွန် ဟူစိန်အား အကြံပေးခဲ့ပြီး ထိုဆုအား မတ်လ ၂၃ ရက်နေ့တွင် ကျရောက်မည့် ပါကစ္စတန် လွတ်လပ်ရေးနေ့တွင် ဟာဆန်၏ မိသားစုများအား ပေးအပ်သွားမည်ဖြစ်သည်။

“ရှဟီဒ်း အိတ်ဇာဇ်ရဲ့ ရဲစွမ်းလှတဲ့ ဒီလုပ်ရပ်က ကျောင်းသား ရာပေါင်းများစွာရဲ့အသက်ကိုကယ်တင်နိုင်ခဲ့ပါတယ်။ ပြီးတော့ ဒါဟာ ပြောင်မြောက်တဲ့ သူရသတ္တိနဲ့ တိုင်းချစ်ပြည်ချစ်စိတ်ကို ဖော်ကျူးလိုက်တဲ့ ဥပမကောင်းတစ်ခုပါပဲ” ဟု သောကြာနေ့က အစိုးရမှ ထုတ်ပြန်ခဲ့သည့် ကြေညာ ချက်တွင် ဖော်ပြထားသည်။

နိုင်ငံပိုင်ရုပ်မြင်သံကြား၊ ရေဒီယိုနှင့် မီဒီယာများက ဟာဆန်အား ဂုဏ်ပြုသော အစီအစဉ်များ ထုတ်လွှင့်ခဲ့ကြပြီး၊ ပါကစ္စတန်နိုင်ငံတစ်ဝှမ်းရှိ လူငယ်များနှင့် ကျောင်းသားကျောင်းသူများကလည်း ချီးကျူးဂုဏ်ပြုသည့်အခမ်းအနားများ၊ ဟာဆန်အတွက် ဆုမွန်ကောင်းတောင်းပေးခြင်းများကို ပြုလုပ် လျက်ရှိကြသည်။ ထို့ပြင် ဟန်ဂူဂရိုင်ရှိ ၎င်း၏ ဂူဗိန်မာန်သို့လည်း လာရောက်ကြကာ ကုရ်အာန် ကျမ်းစာ ဖတ်ရွတ်ပေးခြင်း၊ ဆုမွန်ကောင်းတောင်းခြင်းများကို ပြုလုပ်လျက်ရှိကြသည်။

Ref:aljazeera

January 12, 2014
ချာ့ခ်ျကျောင်း တိုက်ခိုက်ခံရမှု ပါကစ္စတန် မွတ်စ်လင်မ်နှင့် ခရစ်ယာန်များ ပူးပေါင်း ဆန္ဒပြကာ သွေးစည်း ညီညွတ်မှုပြသ

အောက်တိုဘာ၊ ၉
M-Media

ပြီးခဲ့သည့်တနင်္ဂနွေနေ့တွင် လူ ၃၀၀ ခန့်သည် စိန့်အန်ထော်နီဘုရားကျောင်းဘေး မှ Empress လမ်းမရှိ ခရိုင်ရဲဝန်ထမ်းများအိမ်ရာသို့ လက်ချင်းချိတ်၍ စီတန်း လမ်းလျှောက်ခဲ့ကြသည်။ လွန်ခဲ့သည့်နှစ်ပတ်က Peshawar ချာ့ခ်ျကျောင်း တိုက်ခိုက်ခံရမှု အပြီး ပါကစ္စတန် မွတ်စလင်မ်များမှ လူနည်းစု ခရစ်ယာန်များနှင့် တသားထဲ ရှိနေကြောင်း ဆန္ဒပြခဲ့ကြခြင်းဖြစ်သည်။

စိန့်အန်ထော်နီချာ့ခ်ျကျောင်းမြေကွက်လပ်ငယ်၌ရပ်လျက် မုဖ်သီ မုဟမ္မဒ် ဖာရူးက်မှ သင့်မြတ်စွာနေထိုင်ရေး နှင့် အခြားဘာသာတရားများအပေါ် ဂါရ၀ထားရှိရေးဆိုင်ရာ ကျမ်းမြတ်ကုရ်အာန်မုက္ခပါဌ်တော်အချို့ကို ထုတ်နှုတ်ကိုးကား၍ တရားဓမ္မဟောကြားခဲ့သည်။ ဖာသာ နစီးရ် ဂုလ်ဖန်သည်လည်း ချာ့ခ်ျအတွင်း နှစ်နာရီကြာဝတ်တက်မှု အစီအစဉ်အပြီး သူ့အနီးသို့ လာရောက်၍ အတူရပ်နေခဲ့သည်။ ၄င်းနောက် သူတို့နှစ်ဦးသည် လက်ချင်းချိတ် ပခုံးချင်းယှဉ်၍ လူစုစီတန်းမှု၌ ပါဝင်ခဲ့သည်။ “ တစ်နိုင်ငံတည်းသား သွေး တစ်မျိုးတည်းဖြစ်သည် ” ဟု ဆိုလျက် သွေးစည်းညီညွတ်မှုကို ပုံဖော်ခဲ့ကြသည်။

ယင်းဆောင်ရွက်ချက်က လူထု၏အထူးအာရုံစိုက်မှု ရရှိခဲ့သည်။ အလားတူစုရုံးမှုမျိုးကိုလည်း ယခင်အပတ်က ကရာချိမြို့၊ စိန့်ကက်သလစ်ကျောင်းတော်ပြင်ပ၌ ပြုလုပ်ခဲ့ကြောင်း၊ ယင်းမှာ လူနည်းစုဝင်များအား တိုက်ခိုက်မှုကြီးထွားလာခြင်းအပေါ် စိုးရိမ်ကြောင့်ကြလျက် ရှိသည့် နိုင်ငံသားတစ်စု၏ အဖွဲ့အစည်းဖြစ်သော Pakistan For All မှစီစဉ်ခဲ့ကြောင်း သိရသည်။

“ အကြမ်းဖက်သမားတွေက တနင်္ဂနွေနေ့တွေမှာ သူတို့ ဘာလုပ်ခဲ့ကြောင်း ကျွန်တော်တို့ကို ပြသတယ်။ ကျွန်တော်တို့က တနင်္ဂနွေနေ့တွေမှာ ဘာလုပ်ကြတယ်ဆိုတာ အခု သူတို့ကို ပြန်လည်ပြသနေတာပါပဲ။ ကျွန်တော်တို့ သွေးစည်းညီညွတ်တယ်ဆိုတာကိုပေါ့ ” ဟု စီစဉ်သူ မုဟမ္မဒ် ဂျိဗ်ရာန် နာစိးရ်က ဆိုရှယ်မီဒီယာတွင် ပြောကြားခဲ့သည်။

နာစိးရ်နှင့်အုပ်စုမှစတင်လိုက်သည့် ကရာချိမှ ထွက်ပေါ်လာသော လူစီတန်းစုရုံးမှုသည် ဘာသာပေါင်းစုံလူ့အဖွဲ့အစည်းဝင်တို့ သမမျှတစွာပေါင်းစည်းနေထိုင်ရေးမူ တစ်ရပ် လိုအပ်နေကြောင်း တွန်းအားပေးနေပါသည်။

“ ကျွန်တော်တို့ရဲ့ နိုင်ငံရေးသမားတွေ၊ ကျွန်တော်တို့ရဲ့(ဘာသာရေး)ခေါင်းဆောင်တွေဟာ သူတို့ရဲ့လုံခြုံဇိမ်ကျတဲ့ နေအိမ်ကနေထွက်လာပြီး သာမန်ပြည်သူတွေနဲ့အတူ ဘာလို့ စည်းစည်းလုံးလုံး ရပ်တည်မှုမပြုကြသလဲဆိုတာ ကျွန်တော် နားမလည်ဘူး ” ဟု သူမှ ဆိုခဲ့သည်။

ချာ့ခ်ျအတွင်းမှ ၀တ်တက်စဉ်ပြီးဆုံးသောအခါ ဘုရားကျောင်းကွက်လပ်သည် ကြွေးကြော်သံများဖြင့် ဖုံးလွှမ်းသွားခဲ့၏။ လူမှုလှုပ်ရှားသူ နှင့် Laal ဂီတ၀ိုင်းတော်သားအဖွဲ့ဝင်တစ်ဦးဖြစ်သူ Taimur Rahman ဦးဆောင်သောလူစုသည် မြေကွက်လပ်၌တရားဓမ္မနာကြပြီး ကြွေးကြော်နေသည်တွင် ပါဝင်သူဦးရေ များပြားကြီးထွားလာခဲ့သည်။

၎င်းနောက် ၄င်းလူအစုအရုံးသည် လမ်းပေါ်ထွက်လာပြီး ကြွေးကြော်သံများနှင့်တစ်ကွ စီတန်းချိတ်ဆက်လမ်းလျှောက်မှု ပြုလုပ်ကြသည်။ ရဲတပ်ဖွဲ့ဝင်များကလည်း ချာ့ခ်ျသွားလမ်းတစ်လျှောက် လူအစုအရုံးအတွက် ချီတက်မှုလွယ်ကူစေရန် အဆီးအတားများဖယ်ရှားစောင့်ကြည့်ပေးခဲ့ကြသည်။

သမီးငယ်များနှင့်အတူ ၀တ်တက်နေခဲ့သော Mariam Tariq သည်လည်း ချိတ်ဆက်စီတန်းမှု၌ ပါဝင်ခဲ့ပြီး “ (ဒါဟာ) လွန်ခဲ့တဲ့နှစ်အနည်းငယ်ကတည်းက ပျောက်ဆုံးသွားခဲ့တဲ့ ကျွန်မတို့ရဲ့ မြတ်နိုးတန်ဖိုးထားမှုတွေထဲက တစ်ခုပါဘဲရှင် ” ဟု မျက်ရည်ကျလျက် ပြောပြခဲ့ပါသည်။

Ref:http://tribune.com.pk
PHOTOS Credit : MALIK SHAFIQ

October 9, 2013