Tag: Palestine

သြဂုတ် ၈၊ ၂၀၁၆
M-Media

– ပါလက်စတိုင်းပိုင် အနောက်ဖက်ကမ်းရှိ ပုဂ္ဂလိကပိုင်မြေများကို သိမ်းယူမှုမှတစ်ဆင့် အစ္စရေးမှာ ပါလက်စတိုင်းပိုင်နက်တစ်ခုလုံးကို သိမ်းယူရန် ဆောင်ရွက်နေသည်ဟု ပါလက်စတိုင်းလွတ်မြောက်ရေးအဖွဲ့ PLO က ပြောကြားလိုက်သည်။

PLO မှ စနေနေ့က ထုတ်ပြန်ခဲ့သည့် ကြေငြာချက်တွင် ထိုကဲ့သို့ ဖော်ပြခဲ့ခြင်းဖြစ်ပြီး အစ္စရေးက ပါလက်စတိုင်းပိုင်နက်အတွင်းရှိ Amona တရားမ၀င်အိမ်ယာများမှ လူများအား အနောက်ဖက်ကမ်းအလယ်ပိုင်းရှိ ပုဂ္ဂလိကပိုင် ပါလက်စတိုင်မြေ၌ နေရာချထားပေးရန် အစီအစဉ်ကြောင့် အန္တရာယ်ရှိသည့် နောက်ဆက်တွဲအကျိုးဆက်များ ဖြစ်လာနိုင်သည်ဟု PLO ၏ နယ်မြေကာကွယ်ရေး အမျိုးသားဗျူရိုက ထည့်သွင်းပြောဆိုခဲ့သည်။

ထို့ပြင် ထိုလုပ်ရပ်မှာ ပါလက်စတိုင်းပိုင်နက်ကို အစ္စရေးက တစ်ဖြည်းဖြည်းဝါးမြိုရန် ရည်ရွယ်နေခြင်းဖြစ်ကြောင်း PLO က ဆိုသည်။

ပါလက်စတိုင်းပိုင်နက်များတွင် အတရားမ၀င်အိမ်ယာများကို ၁၉၆၇ ခုနှစ်ကတည်းက ဆောက်လုပ်လာခဲ့သည့် အစ္စရေးမှာ လက်ရှိတွင် တရားမ၀င်အိမ်ယာ ၁၄၀ ခန့် ဆောက်လုပ်ရန် စီစဉ်နေပြီး ထိုအထဲမှ ၄၀ မှာ Amona အိမ်ယာမှ ပြောင်းရွှေ့ထားသူများကို ထားရှိရန်ဖြစ်သည်။

ပါလက်စတိုင်းပိုင်နက်အတွင်းရှိ အစ္စရေး၏ တရားမ၀င်အိမ်ယာ ၂၃၀ တွင် နေထိုင်သူအရေအတွက်မှာ သန်းဝက်ကျော် ရှိနေသည်။

Ref : Presstv

သြဂုတ် ၆၊ ၂၀၁၆
M-Media

– အစ္စရေးက ကျူးကျော်သိမ်းပိုက်ထားတဲ့ ပါလက်စတိုင်းပိုင် အနောက်ဖက်ကမ်းမှာ ဆိတ်ကျောင်းနေတဲ့ ပါလက်စတိုင်း အမျိုးသမီးငယ်တစ်ဦးကို ဂျူးအစွန်းရောက်တွေက တိုက်ခိုက်ခဲ့တာကြောင့် ဒဏ်ရာရရှိခဲ့ပြီး၊ ဆိတ် ၁၁ ကောင်ကိုလည်း အစွန်းရောက်တွေက သတ်ဖြတ်ပစ်ခဲ့ပါတယ်။

မျက်နှာဖုံးစွပ်ထားတဲ့ အမျိုးသားတွေက သောကြာနေ့မှာ ဆိတ်အုပ်ကို ဓားနဲ့ တိုက်ခိုက်ခဲ့တာဖြစ်ပြီး ရာမာလာမြို့ အရှေ့မြောက်မှာ မီးရှို့မှုတစ်ခုလည်း ပြုလုပ်ခဲ့ကြပါတယ်။ အစ္စရေးရဲတပ်ဖွဲ့က ထုတ်ပြန်တဲ့ကြေငြာချက်တစ်ခုမှာ အမျိုးသမီးငယ်လေးဟာ ဆိတ်ကျောင်းနေစဉ်အတွင်း ဒီလူအုပ်ဟာ သူ့ဆီရောက်လာကာ တိုက်ခိုက်ခဲ့တာဖြစ်တယ်လို့ ဖော်ပြထားပါတယ်။

ရဲတွေကတော့ တိုက်ခိုက်သူတွေဟာ ဘယ်သူဘယ်ဝါလဲဆိုတာ ဖော်ထုတ်မှုတွေ မလုပ်ခဲ့ဘဲ အစွန်းရောက်များသာဖြစ်မယ်လို့ ခန့်မှန်းပြောဆိုခဲ့ပါတယ်။

ပါလက်စတိုင်းပိုင် ဂျေရုဆလင်နဲ့ အနောက်ဘက်ကမ်းက အစ္စရေးရဲ့ တရားမ၀င်အိမ်ယာတွေမှာနေထိုင်တဲ့ ဂျူးတွေဟာ ပါလက်စတိုင်းတွေနဲ့ သူတို့ရဲ့ ပိုင်ဆိုင်မှုတွေကို မကြာခဏ လာရောက်တိုက်ခိုက်တာမျိုး၊ အကြမ်းဖက်တာမျိုးကို လုပ်ဆောင်လေ့ ရှိပါတယ်။

ဗုဒ္ဓဟူးနေ့ကလည်း အစ္စရေးစစ်တပ်ဟာ အနောက်ဘက်ကမ်း ဂျော်ဒန်တောင်ကြားက ပါလက်စတိုင်းလယ်သမားတွေဆီကနေ မတရားသိမ်းပိုက်ထားတဲ့ တိရိစ္ဆာန်တွေကို ပြန်လည်ရောင်းချဖို့ စီစဉ်ခဲ့ကြပါတယ်။

Ref : Presstv

ဇူလိုင် ၃၁၊ ၂၀၁၆
M-Media

– အစ္စရေးနှင့် ငြိမ်းချမ်းရေးဆွေးနွေးပွဲ ပြန်လည်စတင်ပါက ရှင်းလင်းသည့် အချိန်ကာလ သတ်မှတ်ချက်နှင့် နိုင်ငံတကာမှကြီးကြပ်မှု ပါဝင်ရမည်ဟု ပါလက်စတိုင်းသမ္မတ မဟ်မူးဒ်အဘတ်စ်က ယမန်နေ့တွင် ပြောကြားလိုက်သည်။

ပဲရစ်တွင် အမေရိကန်နိုင်ငံခြားရေးဝန်ကြီး ဂျွန်ကယ်ရီနှင့် တွေ့ဆုံပြီးနောက် ထိုကဲ့သို့ ပြောကြားလိုက်ခြင်းဖြစ်ပြီး၊ နှစ်နိုင်ငံတည်ရှိရေး ရည်ရွယ်ချက် အောင်မြင်ရန်အတွက်လည်း ပြင်သစ်နိုင်ငံခြာရေးဝန်ကြီး ဂျန် မာ့ခ် အေရော့တ်နှင့် တွေ့ဆုံဆွေးနွေးခဲ့သည်။

ပါလက်စတိုင်းအစိုးရ၏ အကြီးတန်းတာဝန်ရှိသူ ဆအစ်ဘ် အီရာကသ်ကမူ ထိုဆွေးနွေးမှုနှစ်ခုစလုံးမှာ အပြုသဘောဆောင်ခဲ့သည်ဟု ပြောကြားခဲ့သည်။

၂၀၁၄ ခုနှစ်က ပျက်ပြယ်ခဲ့သော အစ္စရေး-ပါလက်စတိုင်း ငြိမ်းချမ်းရေးဆွေးနွေးပွဲကို ပြန်လည်စတင်နိုင်ရန်အတွက် ပြင်သစ်မှာ လုပ်ငန်းစဉ်တစ်ခုကို အဆိုပြုထားပြီး ပါလက်စတိုင်းများက ထိုအစီအစဉ်ကို ကြိုဆိုသော်လည်း အစ္စရေးက သဘောကျခြင်း မရှိချေ။

အဘတ်စ်ကလည်း ပါလက်စတိုင်းကိစ္စအတွက် ယခုနှစ်နှောင်းပိုင်းတွင် နိုင်ငံတကာညီလာခံတစ်ခု ကျင်းပရေး ပြင်သစ်၏ ထိုအဆိုပြုချက်ကို အပြည့်အ၀ထောက်ခံသည်ဟု ယမန်နေ့တွင် ထပ်လောင်းပြောကြားခဲ့သည်။

“ဒီအားထုတ်မှုတွေက ၁၉၆၇ ခုနှစ် နိုင်ငံတကာအသိုင်းအ၀ိုင်းကနေ သတ်မှတ်ပေးထားတဲ့ နယ်နမိတ်တွေအတိုင်း နှစ်နိုင်ငံတည်ရှိရေးအဖြေတစ်ခု ထုတ်နိုင်ရေး၊ ငြိမ်းချမ်းရေးလုပ်ငန်းစဉ်ကို ပြန်လည်အသက်သွင်းရေး ရည်ရွယ်တာဖြစ်ပါတယ်” ဟု အဘတ်စ်က ဆိုသည်။

နိုင်ငံတကာအသိုင်းအ၀ိုင်းမှာ ထိုကဲ့သို့ နှစ်နိုင်ငံနယ်နမိတ်များ သတ်မှတ်ပေးထားသော်လည်း အစ္စရေးမှာ ပါလက်စတိုင်းပိုင်နက်များကို ၁၉၆၇ ခုနှစ်ကတည်းက ယနေ့အထိ တစ်စတစ်စ ကျူးကျော်သိမ်းပိုက်ခဲ့သည်။

Ref: alarabiya