Tag: Palestine

အောက်တိုဘာ ၆၊ ၂၀၁၅
M-Media

– ပါလက်စတိုင်းပိုင် အနောက်ဘက်ကမ်း ဘက်သလီဟမ်ဒေသရှိ ဒုက္ခသည်စခန်းအနီးတွင် ယမန်နေ့က ဖြစ်ပွားသော ရုန်းရင်းဆန်ခတ်မှုများအတွင်း အစ္စရေးစစ်တပ်က အသက် ၁၃ နှစ်အရွယ် ပါလက်စတိုင်းကလေးငယ်တစ်ဦးကို ပစ်သတ်လိုက်သည်ဟု သိရသည်။

အဘ်ဒဲလ်ရဟ်မန် အဘ်ဒူလာဟ်ဆိုသူ လူငယ်လေးဖြစ်ပြီး ရင်ဘတ်၌ သေနတ်ဒဏ်ရာဖြင့် သေဆုံးခဲ့ခြင်းဖြစ်သည်။ ၎င်းမှာ ပါလက်စတိုင်းပိုင်နက်အတွင်း အစ္စရေးက တည်ဆောက်ထားသော တရားမ၀င်အိမ်ယာများ၌ နေထိုင်သူ ဂျူးများ ဂျေရုစလင်တွင် တိုက်ခိုက်ခံရပြီးနောက်ပိုင်း ဖြစ်ပေါ်လာသော တင်းမာမှုများအတွင်း အစ္စရေးစစ်တပ်က ပစ်ခတ် သတ်ဖြတ်ခဲ့သည့် ဒုတိယမြောက် ပါလက်စတိုင်း ပြည်သူလည်း ဖြစ်လာခဲ့သည်။ တနင်္ဂနွေနေ့က တူလ်ကာမ်မြို့တွင် အသက် ၁၈ နှစ်အရွယ် ပါလက်စတိုင်း လူငယ်တစ်ဦးကို အစ္စရေး စစ်တပ်က ပစ်သတ်ခဲ့သည်။

နိုင်ငံတကာကလေးငယ်များ ကာကွယ်ရေးအဖွဲ့မှ ပါလက်စတိုင်းဆိုင်ရာ ဒါရိုက်တာတစ်ဦးဖြစ်သူ အေယဒ် အဘူ တာအစ်ရ်ှက ပါလက်စတိုင်း ကလေးငယ်များကို ပစ်သတ်ရန်အတွက် အစ္စရေးစစ်သားများကို အထက်က ခွင့်ပြုထားသောကြောင့် မည်သည့်အရေးယူမှုမှ ခံရခြင်းမရှိဟု ပြောကြားခဲ့သည်။

Ref: Aljazeera

အောက်တိုဘာ ၅၊ ၂၀၁၅
M-Media

– ဂျူများ အသတ်ခံရပြီးနောက် ပါလက်စတိုင်းပိုင် အနောက်ဖက်ကမ်းရှိ ဂျေရုစလင်မြို့ဟောင်းအတွင်းသို့ ပါလက်စတိုင်းများ ၀င်ရောက်ခွင့်ကို အစ္စရေးက ပိတ်ပင်ခဲ့သောကြောင့် ဒေသခံများနှင့် အစ္စရေးလုံခြုံရေးတပ်ဖွဲ့များအကြား ရုန်းရင်းဆန်ခတ်မှုများ ဖြစ်ပွားခဲ့ကာ ဆယ်ကျော်သက် ပါလက်စတိုင်းလူငယ်တစ်ဦး သေဆုံးခဲ့ကာ ၂၀၀ ကျော် ဒဏ်ရာရရှိခဲ့ကြသည်။

ယမန်နေ့က ဖြစ်ပွားခဲ့သည့် ပါလက်စတိုင်းများ၏ ဆန္ဒပြမှုအတွင်း အစ္စရေးမှာ ကျည်ဆံအစစ်များ၊ ရာဘာကျည်ဆံများဖြင့် ပစ်ခတ်ခဲ့ပြီး တူလ်ကာမ် စစ်ဆေးရေးဂိတ်တွင် ရေနံဆီဗုံး ပစ်သည်ဟုဆိုကာ အသက် ၁၈ နှစ်အရွယ် ပါလက်စတိုင်းလူငယ် ဟူသိုင်ဖာ ဆူလေမန်ကို အစ္စရေးစစ်တပ်က သေနတ်ဖြင့် ပစ်သတ်ခဲ့ခြင်းဖြစ်သည်။

ဆန္ဒပြမှုအတွင်း ပါလက်စတိုင်းပြည်သူ ၄၀၀ နီးပါးခန့် ဒဏ်ရာရခဲ့ပြီး ထိုအထဲမှ ၁၅၀ ခန့်မှာ သေနတ်ဒဏ်ရာများ ဖြစ်သည်။ ၂၀၀ ကျော်မှာလည်း မျက်ရည်ယိုဗုံးဒဏ်ကြောင့် ဆေးကုသမှု ခံခဲ့ရသည်။

Ref: Aljazeera

အောက်တိုဘာ ၄၊ ၂၀၁၅
M-Media

– ပါလက်စတိုင်းပိုင်နက်အတွင်း အစ္စရေးတို့က ကျူးကျော်ဆောက်လုပ်ထားသော တရားမ၀င်အိမ်ရာများ၌ နေထိုင်သည့် ဂျူးလူမျိုးများ ၁၂ နာရီအတွင်း ဂျေရုစလင်၌ ၂ ကြိမ်တိုင်တိုင် တိုက်ခိုက်ခံရပြီးနောက်ပိုင်း ပါလက်စတိုင်းများ ဂျေရုစလင်မြို့ဟောင်းအတွင်းသို့ ၀င်ရောက်ခွင့်ကို အစ္စရေး ရဲတပ်ဖွဲ့က ပိတ်ပင်လိုက်သည်ဟု သိရသည်။

စနေနေ့ညပိုင်းက ပါလက်စတိုင်းတစ်ဦး၏ ဓားဖြင့်တိုက်ခိုက်မှုကြောင့် ဂျူးနှစ်ဦးသေဆုံးခဲ့ပြီး အမျိုးသမီးတစ်ဦးနှင့် ကလေးငယ်တစ်ဦးမှာ ဒဏ်ရာရရှိခဲ့သည်။ ထို့နောက် အစ္စရေးက ဂျေရုစလင်မြို့ဟောင်းအတွင်းသို့ အစ္စရေးဂျူးများ၊ မြို့ဟောင်းအတွင်း နေထိုင်သူများ၊ ကမ္ဘာလှည့်ခရီးသွားများ၊ စီးပွားရေးလုပ်ငန်းရှင်များနှင့် ကျောင်းသားများမှလွဲ၍ အခြားလူများ မ၀င်ရန် ကန့်သတ်ခဲ့သည်။

အလ်အက်ဆွာ ဗလီဝတ်ကျောင်းတော်ကိုလည်း အသက် ၅၀ ကျော်ပါလက်စတိုင်းအမျိုးသားများနှင့် အမျိုးသမီးများသာ ၀င်ရောက်ရမည်ဟု ကန့်သတ်ထားသည်။ ဂျေရုစလင်မြို့ဟောင်းသို့ ၀င်ရောက်မှု ကန့်သတ်ခြင်းမှာ ၂ ရက်တာကြာမည်ဟု အစ္စရေး အာဏာပိုင်များက ပြောကြားခဲ့သည်။

ပါလက်စတိုင်းပိုင်နက်အား ပိတ်ဆို့ခြင်း၊ သိမ်းပိုက်ခြင်း၊ ပါလက်စတိုင်းဒေသအတွင်း အစ္စရေးက တရားမ၀င်အိမ်ရာများ တည်ဆောက်ခြင်း၊ အလ်-အက်ဆွာ ဗလီဝတ်ကျောင်းတော်ကို ၀င်ရောက်စီးနင်းခြင်းတို့ကြောင့် ပါလက်စတိုင်းများအကြားတွင် တင်းမာမှုများ မြင့်တက်လျက်ရှိပြီး အစ္စရေး၏ ကျူးကျော်အိမ်ယာများတွင် နေထိုင်သော ဂျူးများနှင့် အစ္စရေးလုံခြုံရေးတပ်ဖွဲ့များအား ပစ်မှတ်ထားသော တိုက်ခိုက်မှုများကို မကြာခဏ ပြုလုပ်လျက် ရှိသည်။

Ref: Aljazeera

အောက်တိုဘာ ၂၊ ၂၀၁၅
M-Media

– ပါလက်စတိုင်းပိုင်းနက်ဖြစ်ပြီး အစ္စရေးက ကျူးကျော်ပိတ်ဆို့ထားသည့် အနောက်ဘက်ကမ်းတွင် ကားမောင်းသွားသည့် အစ္စရေး အခြေချနေထိုင်သူ ဇနီးမောင်နှံ ၂ ဦးမှာ သေနတ်ဖြင့် ပစ်သတ်ခံခဲ့ရသည်ဟု အစ္စရေးစစ်တပ်က ပြောကြားလိုက်သည်။

နဘ်လုပ်စ် အရှေ့တောင်ဘက် ၅ မိုင်အကွာ ဘီအစ်ဖူရစ်ရွာတွင် ယမန်နေ့က ဖြစ်ပွားခဲ့ခြင်းဖြစ်ပြီး တိုက်ခိုက်မှုဖြစ်စဉ် ထိုကားပေါ်၌ ပါလာခဲ့သည့် ကလေးငယ် ၄ ဦးမှာလည်း ပွန်းပဲ့ဒဏ်ရာများ ရရှိခဲ့သည်ဟု ဆိုသည်။

တိုက်ခိုက်သူမှာ ဘေးမှ ကားဖြင့်မောင်းစဉ် ပစ်ခတ်သွားခြင်းဖြစ်ပြီး အစ္စရေးစစ်တပ်က ထိုရွာ၌ ၀င်ရောင်စီးနင်းကာ ရှာဖွေမှုများ ပြုလုပ်နေသည်။ ပါလက်စတိုင်းပိုင်နက်များကို အစ္စရေးက ပိတ်ဆို့ထားပြီး တရားမ၀င်အခြေချအိမ်ယာများ ဆောက်လုပ်ကာ ဂျူးများအား နေရာချထားပေးခြင်းအတွက် ပါလက်စတိုင်း ပြည်သူများမှာ ကျေနပ်ခြင်းမရှိဘဲ မကြာခဏဆိုသလို အစ္စရေး လုံခြုံရေးတပ်ဖွဲ့များနှင့်
တရားမ၀င်အိမ်ယာများ၌ အခြေချ နေထိုင်သူများကို တိုက်ခိုက်မှုများ ပြုလုပ်လေ့ရှိသည်။

Ref: Aljazeera