Tag: Palestine

မေ ၂၈၊ ၂၀၂၅

M-Media 

• 

• 

• 

• 

• 

• 

• 

• 

• 

-အိုးအိမ်စွန့်ခွာ ထွက်ပြေးနေရသူတွေ ထောင်နဲ့ချီ နေထိုင်နေတဲ့ စစ်ရှောင်စခန်းတစ်ခုကို အစ္စရေးက တနင်္ဂနွေ့နေ့မှာ ဗုံးကြဲတိုက်ခိုက်ခဲ့ပြီး လူအများအပြား သေဆုံးခဲ့ပါတယ်။

ဂါဇာတောင်ပိုင်း ရာဖာမြို့ တလ်အလ်ဆူလ်တန်ရပ်ကွက်က စစ်ရှောင်စခန်းတွေဖြစ်ပြီး အစ္စရေးကိုယ်တိုင်က ဒီနေရာကို ဘေးကင်းဇုန်(Safe Zone) တွေအဖြစ် သတ်မှတ်ကြေငြာထားတာပါ။ 

အစ္စရေးရဲ့ အကြမ်းဖက်တိုက်ခိုက်မှုကြောင့် သေဆုံးသူ ၄၅ ဦးထက်မနည်း ရှိခဲ့ပြီး စခန်းက အဆောက်အဦးတွေ မီးလောင်ပြာကျခဲ့ပါတယ်။ 

သေဆုံးသူအများစုဟာ အမျိုးသမီးနဲ့ ကလေးငယ်တွေ ဖြစ်ပါတယ်။ 

ပြီးခဲ့တဲ့နှစ် အောက်တိုဘာ ၇ ရက်နေ့က စတင်တဲ့ ဂါဇာက အစ္စရေးရဲ့ တစ်ကျော့ပြန်လူသတ်ပွဲမှာ အသတ်ခံရသူအရေအတွက်ဟာ ၃၆၀၀၀ နီးပါး ရှိလာပြီ ဖြစ်ပါတယ်။

တနင်္ဂနွေနေ့က တိုက်ခိုက်မှုမှာ အရှင်လတ်လတ် မီးလောင်သေဆုံးသူ အများအပြားရှိတယ်လို့ မျက်မြင်သက်သေတွေက ပြောပါတယ်။ တိုက်ခိုက်မှုကို အရှေ့အလယ်ပိုင်းနဲ့ ကမ္ဘာ့နိုင်ငံတော်တော်များများက ရှုတ်ချခဲ့ပါတယ်။

ဒုတိယကမ္ဘာစစ်ကြောင့် ဥရောကနေ ထွက်ပြေးလာရတဲ့ ဂျူးတွေဟာ ဗြိတိသျှအကူအညီနဲ့ လက်နက်ကိုင်အဖွဲ့တွေဖွဲ့စည်းကာ ပါလက်စတိုင်းတွေကို သတ်ဖြတ်မောင်းထုတ် နယ်မြေသိမ်းပိုက်ပြီး ၁၉၄၈ ခုနှစ်မှာ အစ္စရေးနိုင်ငံအဖြစ် ထူထောင်ခဲ့ပါတယ်။ 

အဲဒီအချိန်ကစတင်ပြီး အစ္စရေးဟာ ပါလက်စတိုင်းပြည်သူတွေကို နည်းမျိုးစုံနဲ့ ပစ်မှတ်ထား အကြမ်းဖက်တိုက်ခိုက်ခဲ့တာ ဖြစ်ပါတယ်။

Ref: Aljazeera 

မေ ၂၃၊ ၂၀၂၄

M-Media 

-ပါလက်စတိုင်းကို အချုပ်အခြာအာဏာပိုင် နိုင်ငံအဖြစ် အသိအမှတ်ပြုတဲ့ နိုင်ငံပေါင်းဟာ စုစုပေါင်း ၁၄၆ နိုင်ငံ ရှိလာပြီ ဖြစ်ပါတယ်။ 

လတ်တလော အသိအမှတ်ပြုထားတဲ့ နိုင်ငံတွေက စပိန်၊ နော်၀ေနဲ့ အိုင်ယာလန်တို့ ဖြစ်ပါတယ်။ အစ္စရေးကို မျက်လုံးမှိတ် ထောက်ခံအားပေးတဲ့ ဥပရောရဲ့ ကာလရှည် မူ၀ါဒကနေ ခွဲထွက်လာတာလည်း ဖြစ်ပါတယ်။ 

ဒုတိယကမ္ဘာစစ်အတွင်း နာဇီရန်ကြောင့် ဥရောပကနေ ပါလက်စတိုင်းထဲ ထွက်ပြေးလာတဲ့ ဂျူးတွေဟာ လက်နက်ကိုင်ကာ ပါလက်စတိုင်းတွေကို သတ်ဖြတ်မောင်းထုတ် နယ်မြေလုပြီး ၁၉၄၈ ခုနှစ်မှာ အစ္စရေးနိုင်ငံအဖြစ် ထူထောင်ခဲ့ပါတယ်။ 

ဒီပြဿနာကို ဖြေရှင်းဖို့အတွက် ကုလသမဂ္ဂကအဖွဲ့ဟာ သမိုင်း၀င် ပါလက်စတိုင်းဒေသကို နှစ်ပိုင်းပိုင်းကာ ၆၀ ရာခိုင်နှုန်းကျော်ကို အစ္စရေးလို့ခေါ်တဲ့ ဂျူးနိုင်ငံ၊ ၃၀ ရာခိုင်နှုန်းကျော်ကို ပါလက်စတိုင်းနိုင်ငံအဖြစ် သတ်မှတ်ပေးခဲ့ပါတယ်။ 

အစ္စရေးဟာ ဒီဆုံးဖြတ်ချက်ကို လက်ခံခဲ့ပေမယ့် ပါလက်စတိုင်းနိုင်ငံအဖြစ် ရပ်တည်ခွင့်မပေးဘဲ ယနေ့အချိန်အထိ ပါလက်စတိုင်းတွေကို အကြမ်းဖက်သတ်ဖြတ် နယ်မြေသိမ်းပိုက်နေဆဲ ဖြစ်ပါတယ်။ 

၂၀၂၄ ခုနှစ်အတွင်း ပါလက်စတိုင်းကို အချုပ်အခြာအာဏာပိုင်အဖြစ် အသိအမှတ်ပြုတဲ့ နိုင်ငံပေါင်း ၇ နိုင်ငံအထိ ရှိလာပြီဖြစ်ပါတယ်။ 

အစ္စရေးရဲ့ အပေါင်းအပါတွေဖြစ်ကြတဲ့ အမေရိကန်နဲ့ ဥပရောပနိုင်ငံတစ်ချို့၊ အာဖရိကနဲ့ အာရှက နိုင်ငံတချို့ကတော့ ပါလက်စတိုင်းကို အသိအမှတ်မပြုသေးပါဘူး။

Ref: Aljazeera 

မေ ၁၇၊ ၂၀၂၄

M-Media 

-ပါလက်စတိုင်းတော်လှန်ရေးအဖွဲ့ ဟားမက်စ်ကို တုန့်ပြန်တယ်ဆိုတဲ့ ခေါင်းစဥ်နဲ့ ဂါဇာမှာ ၇ လအတွင်း လူ သုံးသောင်းခွဲကျော် သတ်ဖြတ်ထားတဲ့ အစ္စရေးဟာ ပါလက်စတိုင်းပိုင်နက် နောက်တစ်ခုဖြစ်တဲ့ အနောက်ဖက်ကမ်းမှာလည်း လူ ၅၀၀ ကျော် သတ်ဖြတ်ထားပါတယ်။ 

အစ္စရေးရဲ့ ဂါဇာတစ်ကျော့ပြန်လူသတ်ပွဲဟာ အောက်တိုဘာ ၇ ရက်နေ့က စတင်တာပါ။ အနောက်ဖက်ကမ်းမှာလည်း အစ္စရေးဟာ အဲဒီအချိန်ကစပြီး ပါလက်စတိုင်းတွေကို သတ်ဖြတ်မှု တိုးမြှင့် ပြုလုပ်လာပါတယ်။ 

အနောက်ဖက်ကမ်းဟာ ဟားမက်စ်အဖွဲ့ မရှိတဲ့ ဒေသတစ်ခု ဖြစ်ပါတယ်။ 

မေလ ၁၆ ရက်နေ့ အနောက်ဖက်ကမ်း တူလ်ကမ်မြို့မှာ အသက် ၂၀ ကျော်အရွယ် ပါလက်စတိုင်းအမျိုးသား ၃ ဦးကို အစ္စရေးတပ်ဖွဲ့တွေက သတ်ဖြတ်ခဲ့ပါတယ်။ 

၇ လကျော်အတွင်း အစ္စရေးတပ်ဖွဲ့တွေနဲ့ တရားမ၀င်အခြေချနေထိုင်သူ ဂျူးအစွန်းရောက်တွေ သတ်ဖြတ်မှုကြောင့် အနောက်ဖက်ကမ်းမှာ သေဆုံးသူ ပါလက်စတိုင်းအရေအတွက်ဟာ ၅၀၂ ဦး ရှိလာပြီ ဖြစ်ပါတယ်။ 

၂၀၂၂ ခုနှစ်အတွင်း အနောက်ကမ်းမှာ ပါလက်စတိုင်း ၁၅၄ ဦးကို အစ္စရေးတပ်ဖွဲ့နဲ့ ဂျူးအခြေချနေထိုင်သူတွေက သတ်ဖြတ်ခဲ့ပြီး၊ ပြီးခဲ့တဲ့နှစ် အောက်တိုဘာ ၇ ရက် မတိုင်ခင် သတ်ဖြတ်ခံရသူအရေအတွက်က ၁၉၉ ဦး ရှိပါတယ်။ 

Ref: Aljazeera 

မေ ၁၇၊ ၂၀၂၄

M-Media 

-ဂါဇာမှာ အစ္စရေးရဲ့ အကြမ်းဖက်မှုတွေကို ဆန့်ကျင်ဆန္ဒပြတဲ့ ကျောင်းသားတွေကို နှိမ်နှင်းရေး ဂျူးသူဌေးတွေက အမေရိကန် အာဏာပိုင်တွေကို ငွေကြေးနဲ့ ဖိအားပေးခဲ့ကြတယ်လို့ Washington Post သတင်းစာက ဖော်ပြပါတယ်။ 

WhatsApp မှာ ဂျူးသူဌေးတွေ ဒီကိစ္စအတွက် တိုင်ပင်ဆွေးနွေးမှု မှတ်တမ်းတွေ ပေါက်ကြားလာပြီး Washington Post သတင်းဌာနက ရရှိခဲ့တာ ဖြစ်ပါတယ်။ 

ပါလက်စတိုင်းတွေကို စာနာရေး ကျောင်းသားလှုပ်ရှားမှု စတင်ခဲ့တဲ့ ကိုလံဘီယာ တက္ကသိုလ်က ကျောင်းသားတွေကို နှိမ်နှင်းဖို့ အတွက် နယူးယောက်မြို့တော်၀န် အဲရစ် အဒမ်ကို ငွေကြေးလှူဒါန်းဖို့၊ ပုဂ္ဂလိက ထောက်လှမ်းရေးတွေကို ငွေပေးငှားပြီး ကျောင်းသားတွေကို ရှင်းလင်းဖို့ ဂျူးသူဌေးတွေက စီစဥ်ခဲ့ကြတာပါ။ 

ဆွေးနွေးမှုမှာ ပါ၀င်တဲ့ ဂျူးသူဌေးတစ်ယောက်က မြို့တော်၀န် အဒမ်ကို ကန်ဒေါ်လာ ၂၁၀၀ လှူဒါန်းခဲ့တယ်လို့ ၀ါရှင်တန်ပို့စ် သတင်းဌာနကို ပြောပါတယ်။ အမေရိကန်ဥပဒေအရ နိုင်ငံရေးသမားတစ်ယောက်ကို အများဆုံး လှူဒါန်းနိုင်တဲ့ ပမာဏ ဖြစ်ပါတယ်။ 

အခြားဂျူးသူဌေးတွေကလည်း ကျောင်းသားတွေကို နယူးယောက် ရဲတပ်ဖွဲ့က ရင်ဆိုင်ရာမှာ ကူညီနိုင်ဖို့အတွက် ပုဂ္ဂလိက ထောက်လှမ်းရေးအဖွဲ့တွေကို သူတို့ငွေကြေးနဲ့ ငှားရမ်းအသုံးပြုဖို့ ကမ်းလှမ်းခဲ့ကြပါတယ်။ 

ဒီကမ်းလှမ်းမှုကို မြို့တော်၀န် အဒမ်က လက်ခံခဲ့တယ်လို့ ဆွေးနွေးမှုမှာ ပါ၀င်သူ ဂျူးသူဌေးတစ်ယောက်က ၀ါရှင်တန်ပို့စ်ကို ပြောပါတယ်။ ကျောင်းသားလှုပ်ရှားမှုကို ကိုင်တွယ်ရာမှာ ပြင်ပ လက်နက်ကိုင်အဖွဲ့တွေကို အသုံးပြုခြင်း မရှိဘူးလို့ နယူးယောက်အာဏာပိုင်တွေက ထုတ်ပြန်ထားတာပါ။ 

ဂျူးသူဌေးတွေက တက္ကသိုလ်ဥက္ကဌနဲ့ နယူးယောက်အာဏာပိုင်တွေကို အခြားနည်းလမ်းတွေနဲ့ ဖိအားပေးနိုင်ရေးကိုလည်း ဆွေးနွေးခဲ့ကြပါတယ်။ 

ကိုလံဘီယာတက္ကသိုလ်မှာ အစ္စရေးရဲ့ အကြမ်းဖက်မှုကို ဆန့်ကျင်တဲ့ ကျောင်းသားလှုပ်ရှားမှုဟာ ပြီးဆုံးသွားခဲ့ပါပြီ။ ဒီတက္ကသိုလ်က စတင်ခဲ့တဲ့ လှုပ်ရှားမှုဟာ အမေရိကန်နိုင်ငံတစ်၀ှမ်းက တက္ကသိုလ်တွေဆီ ပြန့်နှံ့သွားခဲ့ပြီး ရဲတပ်ဖွဲ့ကလည်း အင်အားသုံး နှိမ်နှင်းမှု၊ ဖမ်းဆီးမှုတွေ ပြုလုပ်ခဲ့ပါတယ်။ 

တက္ကသိုလ်တစ်ချို့မှာတော့ ဆန္ဒပြမှုတွေ အခုအချိန်အထိ ရှိနေပါသေးတယ်။ 

ပါလက်စတိုင်းထောက်ခံသူ ကျောင်းသားတွေကို နှိမ်နှင်းဖို့ အမေရိကန်အာဏာပိုင်တွေကို ငွေးကြေးနဲ့ ဖိအားပေးရေး ကြိုးပမ်းခဲ့ကြတဲ့ သူဌေးတွေထဲမှာ Starbucks စီအီးအိုဟောင်း Howard Schultz၊ Dell ကုမ္ပဏီကိုတည်ထောင်သူ စီအီးအို Michael Dell၊ Pershing Square Capital Management ကုမ္ပဏီကို တည်ထောင်သူ Bill Ackman၊ Thrive Capital လုပ်ငန်းတည်ထောင်သူ Joshua Kushner၊ အမေရိကန်သမ္မတဟောင်း ထရမ့်ရဲ့ သားမက်နဲ့ အရှေ့အလယ်ပိုင်းဆိုင်ရာ အကြံပေး Jared Kushner တို့ ပါ၀င်ပါတယ်။ 

မုန့်လုပ်ငန်း Kind LLC ကို တည်ထောင်သူ Daniel Lubetzky၊ Third Point ငွေကြေးလုပ်ငန်းကို တည်ထောင်သူ Daniel Loeb၊ ဘီလီယံနာသူဌေး Len Blavatnik နဲ့ အိမ်ခြံမြေသူဌေး Joseph Sitt တို့ကလည်း ဧပြီလ ၂၆ ရက်နေ့ နယူးယောက်မြို့တော်၀န် အဒမ်နဲ့ အွန်လိုင်းကတစ်ဆင့်ပြုလုပ်တဲ့ အစည်းအ၀ေးကို သူတို့ တက်ရောက်ခဲ့တယ်လို့ ၀ါရှင်တန်ပို့စ် သတင်းစာကို ပြောကြားခဲ့ပါတယ်။ 

Ref: Washington Post