Tag: Palestine

M-Media

ဟစ်ဇ်ဘိုလာ၏ လက်တုန့်ပြန်တိုက်ခိုက်မှု ၂ ဦးသေဆုံး
————
ပြီးခဲ့တဲ့ရက်ပိုင်းက အစ္စရေးမြောက်ပိုင်းကို ဟစ်ဇ်ဘိုလာရဲ့ ဒုံးကျည်တွေနဲ့ ပစ်ခတ်တိုက်ခိုက်မှုအတွင်း အနည်းဆုံး ၂ ဦး သေဆုံးခဲ့ပါတယ်။ ဟစ်ဇ်ဘိုလာက သူတို့ဟာ လက်ဘနွန်ထဲ၀င်လာတဲ့ အစ္စရေးတပ်တွေကို ခုခံတိုက်ထုတ်နေတယ်လို့ ထုတ်ပြန်ထားပါတယ်။

လက်ဘနွန်ကိစ္စ ကျူးကျော်မှုဟု စပိန်၀န်ကြီးချုပ်ပြော
———–
လက်ဘနွန်ကို အစ္စရေးရဲ့ တိုက်ခိုက်မှုဟာ အချုပ်အခြာအာဏာပိုင် နိုင်ငံတစ်ခုကို ကျူးကျော်တိုက်ခိုက်မှုဖြစ်ပြီး နိုင်ငံတကာအသိုင်းအ၀ိုင်းက တားဆီးဖို့ ဆောင်ရွက်ရမယ်လို့ စပိန်၀န်ကြီးချုပ် ပက်ဒရိုဆန်းချက်က ပြောပါတယ်။ ယူကရိန်းကို ရုရှားက ကျူးကျော်မှု၊ ဂါဇာကို အစ္စရေးက ကျူးကျော်မှုတွေကို မိမိတို့က ရှုတ်ချခဲ့သလို လက်ဘနွန်ကိစ္စကိုလည်း ရှုတ်ချတယ်လို့ ၀န်ကြီးချုပ်က ဆိုပါတယ်။

ဂျာဘာလီယာ ဒုက္ခသည်စခန်းတွင် လူ ၄၀ ကျော် အသတ်ခံရ
———-
ဂါဇာကမ်းမြှောင် မြောက်ပိုင်း ဂျာဘာလီယာ ဒုက္ခသည်စခန်းမှာ ၅ ရက်ကြာမြင့်နေပြီဖြစ်တဲ့ အစ္စရေးရဲ့ တိုက်ခိုက် သတ်ဖြတ်မှုမှာ သေဆုံးသူအရေအတွက်ဟာ ၄၃ ဦး ရှိလာပြီ ဖြစ်ပါတယ်။ ဒီ ဒုက္ခသည်စခန်းဟာ အစ္စရေးရဲ့ အကြိမ်ကြိမ် စီးနင်းတိုက်ခိုက်မှုကို ခံနေရတဲ့စခန်း ဖြစ်ပါတယ်။ ဂါဇာမှာ တစ်နှစ်အတွင်း အစ္စရေးရဲ့ သတ်ဖြတ်မှုကိုခံရသူ ၄၂၀၀၀ ကျော်လာပြီ ဖြစ်ပါတယ်။

Ref: Aljazeera

M-Media

အစ္စရေးအတွင်းပိုင်းကို ဟစ်ဇ်ဘိုလာက တိုက်ခိုက်
—————-
ဟိုင်ဖာမြို့နဲ့ တိုက်ဘေးရီးယက်မြို့မှာရှိတဲ့ အစ္စရေးရဲ့ စစ်စခန်းတွေကို ဟစ်ဇ်ဘိုလာက Fadi 1 ဒုံးကျည်တွေနဲ့ ပစ်ခတ်တိုက်ခိုက်ခဲ့ပြီး အနည်းဆုံး ၁၁ ဦး ဒဏ်ရာရခဲ့ပါတယ်။ နိုင်ငံအတွင်းပိုင်းအထိ ကျလာတဲ့ ဒုံးကျည်တွေကို အစ္စရေးရဲ့ နာမည်ကျော် ဒုံးခွင်းစနစ်တွေက ဘာ့ကြောင့် မဖျက်ချခဲ့သလဲဆိုတာ တိတိကျကျ မသိရပါဘူး။

ဂျာဘာလီယာက လူသတ်ပွဲ
———
ဂါဇာကမ်းမြှောင် ဂျာဘာလီယာဒုက္ခသည်စခန်းကို အစ္စရေးက မနေ့ကစတင်ကာ စီးနင်းသတ်ဖြတ်မှုတွေ လုပ်ဆောင်နေပြီး အနည်းဆုံး ၁၇ ဦး သေဆုံးခဲ့ပါတယ်။ အစ္စရေးရဲ့ အသက်အန္တရာယ် ခြိမ်းခြောက်မှုကို ခံထားရသူ အသက် ၁၉ နှစ်အရွယ် ဂျာနယ်လစ် ဟာဆန်ဟာမဒ်လည်း အသတ်ခံခဲ့ရပါတယ်။

ဘေရွတ်မှာ အကြမ်းဖက်မှုတွေ ရှိနေဆဲ
————-
လက်ဘနွန်မြို့တော် ဘေရွတ်တောင်ပိုင်းက မြို့တွေကို အစ္စရေးက လေကြောင်းကနေ တိုက်ခိုက်သတ်ဖြတ်မှု လုပ်ဆောင်ရာမှာ မနေ့က အနည်းဆုံး ၁၂ ဦး ထပ်မံသေဆုံးခဲ့ပါတယ်။ အဲဒီအထဲက ၇ ဦးဟာ ကလေးငယ်တွေ ဖြစ်ပြီး ဒဏ်ရာရရှိသူ ၂၀ ကျော် ရှိပါတယ်။ လက်ဘနွန်မှာ အစ္စရေးရဲ့ သတ်ဖြတ်မှုကို ခံရသူ အရေအတွက်က ၂ ထောင်ကျော် ရှိနေပါပြီ။

Ref: Aljazeera

M-Media

ကျူးကျော်အစ္စရေးတပ်များကို တိုက်ထုတ်ခဲ့ဟု ဟစ်ဇ်ဘိုလာ ထုတ်ပြန်
—————
လက်ဘနွန်နိုင်ငံတောင်ပိုင်းက ဗျူဟာကျတဲ့ အိုဒိုက်ဆာမြို့မှာ ကျူးကျော်၀င်ရောက်လာတဲ့ အစ္စရေးတပ်တွေကို တိုက်ထုတ်နိုင်ခဲ့တယ်လို့ ဟစ်ဇ်ဘိုလာက ထုတ်ပြန်ပါတယ်။ ကျူးကျော်တပ်တွေကို အနည်းငယ် ၀င်ခွင့်ပေးပြီး ကြားဖြတ် ချုံခိုတိုက်တဲ့နည်းကို ဟစ်ဇ်ဘိုလာက သုံးတာဖြစ်ပြီး အစ္စရေးဟာ ယခင်ကလိုပဲ မြေပြင်က၀င်ရင် ထိခိုက်သေဆုံးမှုတွေ များပြားမယ်လို့ ကျွမ်းကျင်သူတွေက သုံးသပ်ပါတယ်။ အစ္စရေးဟာ လေကြောင်းတိုက်ခိုက်မှုတွေကိုလည်း အဆက်မပြတ် ပြုလုပ်နေပါတယ်။
ပါလက်စတိုင်းများကို လူသားတံတိုင်းအဖြစ်အသုံးပြုနေတဲ့ အစ္စရေး
—————
ပါလက်စတိုင်းပိုင် အနောက်ဖက်ကမ်း အလ်အင် ဒုက္ခသည်စခန်းနဲ့ ဘုရ်ကာမြို့တွေကို ၀င်ရောက်စီးနင်းတိုက်ခိုက်မှုအတွင်း အရပ်သားတွေကို လူသားတံတိုင်းအဖြစ် အစ္စရေးတပ်တွေက အသုံးပြုနေပါတယ်။ အဲဒီမြို့တွေမှာ ပါလက်စတိုင်းလွတ်မြောက်ရေးအဖွဲ့တွေကလည်း အစ္စရေးစစ်တပ်ကို တုန့်ပြန်တိုက်ခိုက်မှုတွေ လုပ်ဆောင်နေပါတယ်။
ဂါဇာဒုက္ခသည်စခန်း တိုက်ခိုက်ခံရ
————–
အစ္စရေးဟာ ဂါဇာကမ်းမြှောင် အလယ်ပိုင်းမှာ တိုက်ခိုက်မှုတွေ တိုးမြှင့်ပြုလုပ်နေပြီး နူဆီရတ် ဒုက္ခသည်စခန်းကို ပစ်မှတ်ထားတိုက်ခိုက်မှုအတွင်း အနည်းဆုံး ၇ ဦး သေဆုံးခဲ့ပါတယ်။ နူဆီရတ် ဒုက္ခသည်စခန်းဟာ အစ္စရေးရဲ့ အကြိမ်ကြိမ် တိုက်ခိုက်သတ်ဖြတ်မှုကို ခံရတဲ့ နေရာတစ်ခုလည်း ဖြစ်ပါတယ်။
Ref: Aljazeera

အောက်တိုဘလာ ၄၊ ၂၀၂၄
M-Media

အနောက်ဖက်ကမ်းတိုက်ခိုက်မှု အနည်းဆုံး ၁၈ ဦး သေဆုံး

ပါလက်စတိုင်းပိုင် အနောက်ဖက်ကမ်း တူလ်ကရင်ဒုက္ခသည်စခန်းက လူနေအဆောက်အဦးတစ်ခုကို အစ္စရေးက တိုက်လေယာဥ်နဲ့ တိုက်ခိုက်မှုအတွင်း မိခင်နဲ့ ကလေး ၂ ဦးပါတဲ့ မိသားစုတစ်ခုအပါအ၀င် လူ ၁၈ ဦး သေဆုံးခဲ့ပါတယ်။ တိုက်ခိုက်မှုကြောင့် အဆောက်အဦးတစ်ခုလုံး ပြိုကျသွားခဲ့ပြီး သေဆုံးဒဏ်ရာရသူအရေအတွက် တိုးလာနိုင်တယ်လို့ ပါလက်စတိုင်း မီဒီယာတွေက ဖော်ပြပါတယ်။

လက်ဘနွန်တွင် အသတ်ခံရသူများ မြင့်တက်လာ

အောက်တိုဘာ ၃ ရက်နေ့ ညပိုင်း မြို့တော်ဘရွတ်ကို အစ္စရေးရဲ့ အကြီးအကျယ် ဗုံးကြဲတိုက်ခိုက်မှုအတွင်း အနည်းဆုံး ၃၇ ဦးသေဆုံးကာ ၁၅၁ ဦး ဒဏ်ရာရရှိခဲ့ပါတယ်။ ပြီးခဲ့တဲ့ ၂၄ နာရီအတွင်း ဘက်ဘနွန်ကို အစ္စရေးက အကြိမ် ၂၀ ကျော် ကျူးကျော်တိုက်ခိုက်ခဲ့ပါတယ်။ လက်ဘနွန်မှာ အစ္စရေးရဲ့ သတ်ဖြတ်မှုခံရသူ ၂၀၀၀ နီးပါး ရှိလာခဲ့ပြီး ၁၂၇ ဦးက ကလေးငယ်တွေ ဖြစ်ပါတယ်။

ဂါဇာတွင် အသတ်ခံရသူ ၄၂၀၀၀ နီးပါး ရှိလာ

အစ္စရေးဟာ ဂါဇာမှာ တိုက်ခိုက်တွေ ဆက်လက်ပြုလုပ်နေပြီး အသတ်ခံရသူ ပါလက်စတိုင်းအရေအတွက်က ၄၁၇၈၈ ဦး ရှိလာပြီဖြစ်ပါတယ်။ အဲဒီအထဲမှာ ကလေးငယ် ၁၆၅၀၀ ပါ၀င်ပါတယ်။ တိုက်ခိုက်မှုတွေကြောင့် ပျောက်ဆုံးနေသူအရေအတွက်က ၁၀၀၀၀ ကျော် ရှိနေပါတယ်။
Ref: Aljazeera

M-Media

လက်ဘနွန်တွင် အစ္စရေးက ထပ်တိုးတိုက်ခိုက်
———-
မြို့တော်ဘေရွတ်အပြင် ကိုလာခရိုင်ကို မနေ့က အစ္စရေးရဲ့ တိုက်ခိုက်မှုအတွင်း ၁၀၅ ဦးထက်မနည်း သေဆုံးကာ ၃၅၉ ဦး ဒဏ်ရာရခဲ့တယ်လို့ လက်ဘနွန်က ထုတ်ပြန်ပါတယ်။ ပြီးခဲ့တဲ့တစ်ပတ်က စတင်တဲ့ လက်ဘနွန်တစ်၀ှမ်း အစ္စရေးရဲ့ ဗုံးကြဲတိုက်ခိုက်မှုအတွင်း သေဆုံးသူအရေအတွက်က ၁၀၀၀ နီးပါး ရှိလာပြီဖြစ်ပါတယ်။

ဂါဇာစာသင်ကျောင်းတစ်ခု တိုက်ခိုက်ခံရ
———–
ဂါဇာမြောက်ပိုင်း ဘိုက်လာဟီယာရပ်ကွက်က စစ်ရှောင်တွေ ခိုလှုံနေတဲ့ Abu Jaafar စာသင်ကျောင်းကို အစ္စရေးက လေကြောင်းကနေ တိုက်ခိုက်ခဲ့တာကြောင့် အနည်းဆုံး ၂ ဦး သေဆုံးပြီး အများအပြား ဒဏ်ရာရရှိခဲ့ပါတယ်။ ဟားမက်စ်ရဲ့ ဌာနချုပ်တွေဆိုပြီး အစ္စရေးဟာ စစ်ရှောင်စခန်းတွေကို တိုက်ခိုက်မှု ခပ်စိပ်စိပ် ပြုလုပ်လာပါတယ်။ တနင်္ဂနွေနေ့ မနက်ပိုင်းမှာပဲ ဂါဇာတစ်၀ှမ်း အစ္စရေးက အနည်းဆုံး ပါလက်စတိုင်း ၂၈ ဦးကို သတ်ဖြတ်ခဲ့ပါတယ်။

အမေရိကန်က အစ္စရေးကို အပြည့်အ၀ ထောက်ခံပေးထား
————-
တိုက်ခိုက်မှုတွေကို ဂါဇာကနေ လက်ဘနွန်အထိ ချဲ့ထွင်လာတဲ့ အစ္စရေးရဲ့ လုပ်ရပ်တွေကို ထောက်ခံတယ်လို့ သမ္မတ ဂျိုးဘိုင်ဒန်အပါအ၀င် ကန် နိုင်ငံရေးသမားတွေ အသီးသီးထုတ်ပြန်ပါတယ်။ အထူးသဖြင့် ဟစ်ဇ်ဘိုလာ ခေါင်းဆောင် ဟာဆန် နာဆာရက်လာကို သတ်ဖြတ်မှုဖြစ်ပါတယ်။ အဲဒီသတ်ဖြတ်မှုမှာ ဘေရွတ်မြို့က လူနေ အထပ်မြင့်တိုက် ၂ လုံး လုံး၀ပြိုကျပျက်ဆီးသွားပြီး အပြစ်မဲ့အရပ်သား ရာနဲ့ချီ သေဆုံးခဲ့ပါတယ်။

Ref: Aljazeera