Tag: Palestine

ဒီဇင်ဘာ ၂၂၊ ၂၀၁၇
M-Media

– အမေရိကန်ရဲ့ ဂျေရုစလင်ရပ်တည်ချက်ကို ကုလမှာ ကမ္ဘာ့နိုင်ငံတွေက ဆန့်ကျင်လိုက်တာနဲ့ပတ်သက်ပြီး ပါလက်စတိုင်းခေါင်းဆောင်ပိုင်းက ချီးကျူးပြောဆိုလိုက်ပါတယ်။

“ခြိမ်းခြောက်လို့မရဘူး၊ အကြပ်ကိုင်လို့မရဘူးဆိုတဲ့အကြောင်း၊ အဖွဲ့ဝင်နိုင်ငံတွေဟာ ကမ္ဘာ့စည်းမျဉ်းစည်းကမ်းတွေကို ကာကွယ်သွားမယ်ဆိုတဲ့အကြောင်း နိုင်ငံတကာအသိုင်းအ၀ိုင်းက တစ်ညီတစ်ညွတ်တည်း သက်သေပြလိုက်တာပါ” လို့ ကုလဆုံးဖြတ်ချက်အပြီး ပါလက်စတိုင်းလွတ်မြောက်ရေးအဖွဲ့ရဲ့ မနေ့က ထုတ်ပြတ်တဲ့ကြေငြာချက်မှာ အကြီးတန်းတာဝန်ရှိသူ ဟာနန် အက်ရ်ှရာဝီက ပြောကြားခဲ့ပါတယ်။

ဂျေရုစလင်ကို အစ္စရေးမြို့တော်အဖြစ် ဒီဇင်ဘာ ၆ ရက်နေ့မှာ အမေရိကန်သမ္မတ ဒေါ်နယ်ထရမ့်က ကြေငြာခဲ့ပြီး ကမ္ဘာ့နိုင်ငံတွေကတော့ ဝေဖန်ရှုတ်ချခဲ့ပါတယ်။ ဒီကိစ္စကို ဆန့်ကျင်တဲ့ ဆုံးဖြတ်ချက်မူကြမ်းတစ်ခုကို အင်္ဂါနေ့က ကုလလုံခြုံရေးကောင်စီမှာ မဲခွဲခဲ့ပေမယ့် အမေရိကန်တစ်နိုင်ငံတည်းရဲ့ ဗီတိုကြောင့် အတည်မဖြစ်ခဲ့ပါဘူး။

ဒါပေမယ့် မနေ့က ကုလရဲ့ အရေးပေါ် အထွေထွေညီလာခံမှာ အမေရိကန်ရဲ့လုပ်ရပ်ကို ဆန့်ကျင်တဲ့ ဆုံးဖြတ်ချက်ကို အဖွဲ့ဝင်နိုင်ငံ ၁၂၈ နိုင်ငံရဲ့ ထောက်ခံမှုနဲ့ အတည်ပြုနိုင်ခဲ့ပါတယ်။ ကန့်ကွက်တဲ့နိုင်ငံက ၉ နိုင်ငံရှိခဲ့ပြီး ကြားနေ ၃၉ နိုင်ငံ ရှိပါတယ်။

ကုလရဲ့ဆုံးဖြတ်ချက်ဟာ မဖြစ်မနေ လိုက်နာမယ့် ဥပဒေပြဌာန်းချက်မျိုးမဟုတ်ဘဲ နှစ်နိုင်ငံတည်ရှိရေးအပါအ၀င် အရင်က ကုလရဲ့ ဆုံးဖြတ်ချက်တွေကလည်း ပါလက်စတိုင်းပိုင်နက်တွေအပေါ် အစ္စရေးရဲ့ ကျူးကျော်သိမ်းပိုက်မှုတွေကို မဟန့်တားနိုင်တာကြောင့် အခုဆုံးဖြတ်ချက်ဟာ မြေပြင်အခြေအနေကို ပြောင်းလဲစေမှာမဟုတ်ဘူးလို့ ပါလက်စတိုင်း နိုင်ငံရေးကျွမ်းကျင်သူတစ်ချို့က သုံးသပ်ပါတယ်။

အမေရိကန်သမ္မတ ဒေါ်နယ်ထရမ့်က ကုလမှာ သူတို့ကိုဆန့်ကျင်ပြီး မဲပေးတဲ့သူတွေကို အကူအညီတွေ ဖြတ်တောက်သွားမယ်လို့ ခြိမ်းခြောက်ထားပါတယ်။

Ref: Aljazeera

ဒီဇင်ဘာ ၂၁၊ ၂၀၁၇
M-Media

– ဂျေရုစလင်အား အစ္စရေးမြို့တော်အဖြစ် အမေရိကန်၏ အသိအမှတ်ပြုမှုကို ဆန့်ကျင်သော ကုလ၏ ဆုံးဖြတ်ချက်အား ထောက်ခံသည့် နိုင်ငံများကို အကူအညီဖြတ်တောက်မည်ဟု အမေရိကန်သမ္မတ ဒေါ်နယ်ထရမ့်က ခြိမ်းခြောက်လိုက်သည်။

ထိုကိစ္စနှင့်ပတ်သက်၍ ယနေ့တွင်ပြုလုပ်ရန်ရှိနေသည့် ကုလ၏ အရေးပေါ် အစည်းအဝေးတွင် အမေရိကန်၏ တစ်ဖက်သတ်ကြေငြာမှုကို အဖွဲ့ဝင်နိုင်ငံများက ပယ်ချမည့် အလားအလာများနေပြီး ထရမ့်က မိမိအနေဖြင့် ဖိုအစည်းအဝေးကို စောင့်ကြည့်သွားမည်ဟု အိမ်ဖြူတော်တွင် ယမန်နေ့က ပြောကြားခဲ့သည်။

“ကျွန်တော်တို့ဆီက ဒေါ်လာသန်းချီ၊ ဘီလီယံချီယူပြီး ကျွန်တော်တို့ကို ဆန့်ကျင်မယ်ဟုတ်လား။ အဲဒီမဲပေးမှုကို ကျွန်တော်တို့ စောင့်ကြည့်နေပါတယ်။ ကျွန်တော်တို့ကိုဆန့်ကျင်တဲ့မဲ ပေးပါစေ။ ဂရုမစိုက်ဘူး။ ပိုက်ဆံတွေ အများကြီး ပြန်ရတာပေါ့ဗျာ” ဟု ထရမ့်၏ ပြောဆိုမှုကို Reuters သတင်းဌာနက ဖော်ပြခဲ့သည်။

ဂျေရုစလင်အား အစ္စရေးမြို့တော်အဖြစ် အမေရိကန်က ဒီဇင်ဘာ ၆ ရက်နေ့တွင် ကြေငြာမှုမှာ အမေရိကန်ကိုယ်တိုင် ထောက်ခံထားသည့် ကုလ၏ ယခင်ဆုံးဖြတ်ချက်များ၊ နိုင်ငံတကာဥပဒေများနှင့် ဆန့်ကျင်နေသည်။

ကမ္ဘာနိုင်ငံများကလည်း ထိုကိစ္စကို ဆန့်ကျင်ကန့်ကွက်ခဲ့ပြီး ထိုဆုံးဖြတ်ချက်ကို ပယ်ချရန် မူကြမ်းကို အင်္ဂါနေ့တွင် လုံခြုံရေးကောင်စီတွင် မဲခွဲရာ အဖွဲ့ဝင် ၁၅ နိုင်ငံတွင် ၁၄ နိုင်ငံက ထောက်ခံခဲ့ပြီး အမေရိကန်၏ ဗီတိုဖြင့် ပယ်ချခံခဲ့ရသည်။

ထို့ကြောင့် ကုလအထွေထွေညီလာခံတွင် ထိုကိစ္စအတွက် အဖြေထွက်ရန် ကမ္ဘာ့နိုင်ငံများက ကြိုးစားလာခြင်းဖြစ်သည်။

ကုလဆိုင်ရာ အမေရိကန်သံအမတ် နစ်ကီဟာလေးကလည်း ထိုကိစ္စနှင့်ပတ်သက်၍ အဖွဲ့ဝင်နိုင်ငံများအား ခြိမ်းခြောက်စာတစ်စောင်ကို ယမန်နေ့တွင် ကုလသို့ ပေးပို့ခဲ့သည်။

Ref: Aljazeera