Tag: Palestine

နိုဝင်ဘာ ၂၃၊ ၂၀၁၇
M-Media

– ၂၀၁၈ ခုနှစ် နှစ်ကုန်ထက် နောက်မကျစေဘဲ အထွေထွေရွေးကောက်ပွဲပြုလုပ်ရန် ပါလက်စတိုင်း နိုင်ငံရေးပါတီများဖြစ်သည့် ဖာတာနှင့် ဟားမက်စ်အဖွဲ့တို့မှာ သဘောတူခဲ့ပြီး ကိုင်ရိုတွင် ပြုလုပ်ခဲ့သည့် ပြန်လည်ရင်ကြားစေ့ရေး နောက်ဆုံးအကျော့၏ တစ်စိတ်တစ်ပိုင်းလည်း ဖြစ်သည်။

မနေ့က ပြုလုပ်ခဲ့သည့် ဆွေးနွေးမှုအပြီး ထုတ်ပြန်သော ကြေငြာချက်တွင် လာမည့်နှစ်အကုန်၌ သမ္မတနှင့် ဥပဒေပြုအမတ်များ ရွေးကောက်ပွဲ ကျင်းပနိုင်ရေး ပြင်ဆင်မှုများပြုလုပ်ရန် ဗဟိုရွေးကောက်ပွဲကော်မရှင်ကို နှစ်ဖက်ကိုယ်စားလှယ်များက တိုက်တွန်းခဲ့သည်။

သဘောတူညီခဲ့ကြသည့် အဓိကအချက်များတွင် လက်ရှိ လှုပ်ရှားမှုမရှိသော ပါလက်စတိုင်းလွတ်မြောက်ရေးအဖွဲ့ (PLO)အား ပါလက်စတိုင်းပြည်သူအားလုံးကို အမှန်တကယ်ကိုယ်စားပြုသည့် အဖွဲ့မျိုး ဖြစ်လာရေး ပြင်ဆင်ဖွဲ့စည်းရန်၊ ဆယ်စုနှစ်တစ်ခုကျော်ကြာ ပိတ်ဆို့မှုများအောက်တွင် နေထိုင်ခဲ့ရသည့် ဂါဇာပြည်သူများ၏ ထိခိုက်ခံစားမှုများ အဆုံးသတ်ရေး ဆောင်ရွက်ရန်တို့လည်း ပါဝင်သည်။

နှစ်ရက်တာ ကြာမြင့်ခဲ့သည့် အဆိုပါဆွေးနွေးမှုအတွင်း ဖာတာနှင့် ဟားမက်စ်တို့အပါအ၀င် အခြားသော ပါလက်စတိုင်း နိုင်ငံရေးအသင်းအဖွဲ့များ၊ လက်နက်ကိုင်အဖွဲ့များလည်း ပါဝင်ခဲ့သည်။

အောက်တိုဘာ ၁၂ ရက်နေ့တွင် ဖာတာနှင့် ဟားမက်စ်အဖွဲ့တို့မှာ ညီညွတ်သော အစိုးရတစ်ရပ် ဖြစ်ပေါ်လာရေးကို အခြေခံကာ ရင်ကြားစေ့ရေး သဘောတူညီချက်ကို လက်မှတ်ရေးထိုးခဲ့ကြသည်။

Ref: Aljazeera

နိုဝင်ဘာ ၂၃၊ ၂၀၁၇
M-Media

– ‘၆ ရက်စစ်ပွဲ’ ပြီးဆုံးကတည်းက အစ္စရေးဟာ ပါလက်စတိုင်းပိုင်နက်တွေကို ကျူးကျော်သိမ်းပိုက်တာ၊ ထိန်းချုပ်တာတွေကို တိုးမြှင့်လုပ်ဆောင်ခဲ့ပြီး ပါလက်စတိုင်းလူဦးရေ ထိန်းချုပ်ရေး အစ္စရေးရဲ့ စနစ်တစ်ခုက နှစ်ပေါင်း ၅၀ အကြာမှာ ပုံပေါ်လာပါတော့တယ်။

၁၉၆၇ ခုနှစ် စစ်ပွဲပြီးဆုံးပြီးတဲ့နောက် သူတို့သိမ်းပိုက်ထားတဲ့ ပါလက်စတိုင်းပိုင်နက်တွေကို အစ္စရေးက ပိတ်ပင်ဒေသများအဖြစ် သတ်မှတ်ခဲ့ပြီး အဲဒီဒေသမှာနေထိုင်တဲ့ ပါလက်စတိုင်းပြည်သူတွေ ဒေသကနေထွက်ခွာဖို့၊ ပြန်ဝင်ဖို့အတွက် အစ္စရေးထံကနေ ခွင့်ပြုချက်ယူရပါတယ်။ အဲဒီအချိန်တုန်းက နိုင်ငံရပ်ခြားရောက်နေတဲ့ ပါလက်စတိုင်းတွေဟာ နောက်ပိုင်းပြုလုပ်တဲ့ လူဦးရေစစ်တမ်းကောက်ယူမှုမှာ ထည့်သွင်းမခံရဘဲ၊ တရားဝင် အထောက်အထားတွေလည်း မရတော့ပါဘူ။

ပါလက်စတိုင်းပြည်သူတွေရဲ့ အသက်ရှင်နေထိုင်မှုကို သီးခြားခွဲထုတ်လိုက်တဲ့ ဆောင်ရွက်မှုတစ်ခုက မှတ်ပုံတင်ကို အရောင်ခွဲထုတ်ပေးတဲ့စနစ်ဖြစ်ပြီး အစ္စရးစစ်တပ်နဲ့ အရပ်ဖက်စီမံခန့်ခွဲရေးဌာနတို့က ဒါကို ကိုင်တွယ်ပါတယ်။ ပါလက်စတိုင်းပိုင်အနောက်ဖက်ကမ်းနဲ့ ဂါဇာကမ်းမြှောင်တွေမှာ အသက် ၁၆ နှစ်ပြည့်တဲ့ ပါလ
က်စတိုင်းတွေကို အစ္စရေးက အစိမ်းရောင်ကဒ်ပြားတွေထုတ်ပေးပြီး အရှေ့ဂျေရုစလင်နဲ့ အစ္စရေးက ပါလက်စတိုင်းတွေကိုတော့ အပြာရောင်ကဒ်တွေ ထုတ်ပေးပါတယ်။

အဲဒီကဒ်တွေဟာ လွတ်လပ်စွာ လှုပ်ရှားသွားလာမှုကနေ မိသားစု ပြန်လည်ပေါင်းစည်မှုအထိ ပါလက်စတိုင်းပြည်သူတွေရဲ့ ဘ၀ရှင်သန်မှု အခြေအနေအားလုံးအပေါ် ရိုက်ခတ်မှုရှိပါတယ်။

ထိန်းချုပ်မှုစနစ်

ပါလက်စတိုင်းအာဏာပိုင်အဖွဲ့(PA) အစိုးရဟာ ၁၉၉၃ ခုနှစ်ကတည်းက ပါလက်စတိုင်းပိုင်နက်တွေရဲ့ အုပ်ချုပ်ရေးတာဝန်ကို ယူခဲ့ပေမယ့် မှတ်ပုံတင်တွေကို အစ္စရေးစစ်တပ်ကသာ ထုတ်ပေးနေတယ်လို့ ပါလက်စတိုင်း လူ့အအခွင့်အရေးအဖွဲ့ Al-Haq က စောင့်ကြည့်ရေးနဲ့ အချက်အလက်စုဆောင်းရေး အကြီးအကဲ တဟ်ဆင်း အီလေယန်က ပြောကြားခဲ့ပါတယ်။

“အနောက်ဖက်ကမ်းနဲ့ ဂါဇာတို့က မှတ်ပုံတင်ထုပ်ပေးတဲ့ ကိစ္စတွေမှာဆိုရင် PA ဟာ ကဒ်တွေကို ပရင့်ထုတ်ပေးရုံအဆင့်လောက်သာ ရှိပါတယ်။ အစ္စရေးရဲ့ Bet Il ကျူးကျော်အိမ်ယာမှာ အခြေစိုက်တဲ့ အရက်ဖက်စီမံခန့်ခွဲရေးအဖွဲ့က လူဦးရေစာရင်းမှာ ပါဝင်မှုအပေါ်မူတည်ပြီး ပါလက်စတိုင်းတွေကို ကဒ်ထုတ်ပေးရမလား၊ မပေးရဘူးလားဆိုတာကို ဆုံးဖြတ်တာပါ” လို့ အီလေယန်က ဆိုပါတယ်။

Gisha လူ့အခွင့်အရေးအဖွဲ့ရဲ့ နိုင်ငံတကာ ညှိနှိုင်းဆွေးနွေးရေးမှူး မီရီယန် မာရ်မူရ်က ပါလက်စတိုင်းရဲ့ လူဦးရေစာရင်းကို အစ္စရေးက ချုပ်ကိုင်ထားခြင်းဟာ ပါလက်စတိုင်းပိုင်နက်တွေမှာ သွားလာလှုပ်ရှားမှုနဲ့ လူဦးရေအချိုးအစားကို ထိန်းချုပ်ရေး သူတို့ဆောင်ရွက်မှုမှာ အခရာကျတယ်လို့ ပြောကြားခဲ့ပါတယ်။

“ပါလက်စတိုင်းတွေရဲ့ နေထိုင်ခွင့်နဲ့ပတ်သက်ပြီး ဆုံးဖြတ်ခွင့်ကို ထိန်းချုပ်မှုနည်းလမ်းတစ်ခုအဖြစ် အစ္စရေးက သုံးပါတယ်။ လူဦးရေစာရင်းထဲမှာ ပါဝင်မှသာ ပါလက်စတိုင်းတွေဟာ အသိအမှတ်ပြုကဒ်တွေ၊ နိုင်ငံကူးလက်မှတ်တွေရပါတယ်” လို့ သူမက ဆိုပါတယ်။

အနောက်ဖက်ကမ်းတစ်ခုလုံးမှာ အစ္စရေးက စစ်ဆေးရေးဂိတ်တွေ ချထားတာကြောင့် ပါလက်စတိုင်းတွေဟာ သူတို့ရဲ့ပိုက်နက်အတွင်း ခရီးသွားတာတောင်မှ အဲဒီ အသိအမှတ်ပြုကဒ်တွေ လိုတယ်လို့ မာရ်မူရ်က ထည့်သွင်း ပြောကြားခဲ့ပါတယ်။

ဒီလိုဆောင်ရွက်မှုမျိုးဟာ တောင်အာဖရိမှာ လူဖြူတွေက လူမည်းတွေနဲ့၊ ကပြားတွေရဲ့ သွားလာလှုပ်ရှားမှုကို ထိန်းချုပ်ဖို့၊ သူတို့က ပိုပြီးတော့ အခွင့်အရေးယူဖို့ ဆောင်ရွက်ခဲ့တဲ့ လူဖြူတွေရဲ့ ခွဲခြားရေးဥပဒတွေနဲ့လည်း သွားတူနေပါတယ်။

ဥပဒေဖြင့် ခွဲခြားမှု

အစ္စရေးက သိမ်းပိုက်ထားတဲ့ ပါလက်စတိုင်းပိုင် အနောက်ဖက်ကမ်းနဲ့ ဂါဇာတို့မှာ ပါလက်စတိုင်းပြည်သူတွေရဲ့ သွားလာလှုပ်ရှားမှုကို လွန်ခဲ့တဲ့ ၂၅ နှစ်အတွင် အစ္စရေးက ဆိုးဆိုးဝါးဝါးကန့်သတ်လာခဲ့ပြီး ခွဲခြားမှုဟာ ‘ဥပဒေဖြစ်လာကာ ခွင့်ပြုမှုက ခြွင်းချက်ဖြစ်လာတယ်’ လို့ မာရ်မူရ်က ဆိုပါတယ်။

အနောက်ဖက်ကမ်းက ပါလက်စတိုင်းတွေကို ဂါဇာကမ်းမြှောင်နဲ့ ဂျေရုစလင်ကို သွားခွင့်မပြုဘဲ အစ္စရေးထံကနေ အထူးဖြတ်သန်းခွင့်ရမှ သွားလို့ရပါတယ်။ အဲဒီလိုပဲ ဂါဇာက ပါလက်စတိုင်းတွေဟာလည်း အစ္စရေးစစ်တပ်ရဲ့ ခွင့်ပြုချက်မရှိဘဲ ဂျေရုစလင်နဲ့ အနောက်ဖက်ကမ်းတွေကို သွားလို့မရပါဘူး။

“အနောက်ဖက်ကမ်းနဲ့ ဂါဇာကမ်းမြှောင်မှာ အစ္စရေးစစ်တပ်က ထိန်းချုပ်ထားပြီး ဥပဒေတွေကလည်း မတူပါဘူး။ အဲဒီဒေသတစ်ခုချင်းစီကို အစ္စရေးစစ်တပ်ရဲ့ တပ်မှူးတစ်ဦးစီက စီမံခန့်ခွဲတာဖြစ်ပါတယ်။ ဒါဟာ အဲဒီဒေနှစ်ခုကို ခွဲခြားပြီး ထိန်းချုပ်ရလွယ်အောင် လုပ်တာဖြစ်ပါတယ်” လို့ အီလေယန်က ပြောကြားခဲ့ပါတယ်။

မာရ်မူရ်က အစ္စရေးဟာ မြေပြင်မှာ ၂၀၀၀ ခုနှစ်ကစပြီး အမြဲတမ်းနေထိုင်ခွင့်အတွက် နေရာပြောင်းလဲတာကို ပိတ်ပင်လိုက်တယ်လို့ ဆိုပါတယ်။

“ရလဒ်အနေနဲ့ ပါလက်စတိုင်းတော်တော်များများဟာ သူတို့နေထိုင်မယ့်နေရာကို ရွေးချယ်လို့ မရတော့သလို ပညာသင်ဖို့၊ အလုပ်လုပ်ဖို့ အခွင့်အလမ်းတွေလည်း ဆုံးရှုံးသွားပါတယ်”

ဂါဇာကကျောင်းသားတွေ အနောက်ဖက်ကမ်းမှာ သွားရောက်ပညာသင်ကြားခွင့်ကိုလည်း ပြီးခဲ့တဲ့နှစ်ကစပြီး အစ္စရေးက တားမြစ်ပိတ်ပင်လိုက်ပါတယ်။

မိသားစု ပြန်လည်ပေါင်းစည်းရေး

အဲဒီလို အရောင်ခွဲထားတဲ့ မှတ်ပုံတင်တွေကြောင့် ခင်ပွန်းနဲ့ ဇနီး ကိုင်ထားကဒ် အရောင်ခြင်းမတူရင် မိသားစု ပြန်လည်ပေါင်းစည်းခွင့်လည်း မရတော့ပါဘူး။

“အနောက်ဖက်ကမ်းကလူနဲ့ အိမ်ထောင်ကျတဲ့ ဂါဇာကလူတွေဟာ အနောက်ဖက်ကမ်းကို ပြောင်းရွှေ့ပြီး အိမ်ထောင်ဖက်နဲ့ အတူနေထိုင်လို့ မရပါဘူး” လို့ မာရ်မူရ်က ပြောကြားခဲ့ပါတယ်။

နောက်ထပ်ပိုဆိုးတာက ဒီကဒ်ကိုင်ထားတဲ့သူနဲ့ ကဒ်မရှိတဲ့သူ အိမ်ထောင်ပြုမယ်ဆိုရင် အစ္စရေးစစ်တပ်က အတင်းအဓမ္မခွဲတာနဲ့ ကြုံရပြီး မွေးလာတဲ့ကလေးတွေဟာ ကဒ်ရှိတဲ့သူတစ်ဦးရဲ့အောက်မှာပဲ စာရင်းသွင်းခံရတာပါ။

Palestinian Center for Policy and Survey Research အဖွဲ့က ၂၀၁၃ ခုနှစ်မှာပြုလုပ်တဲ့ သုတေသနအရ ဂါဇာမှာနေထိုင်သူတွေရဲ့ ၃၁ ရာခိုင်နှုန်း – သန်းဝက်ကျော်ကျော်လောက်-ဟာ အနောက်ဖက်ကမ်း၊ အရှေ့ဂျေရုစလင်နဲ့ အစ္စရေးတို့မှာ ဆွေမျိုးတွေရှိတယ်ဆိုတာ တွေ့ခဲ့ရပါတယ်။ ၂၆ ရာခိုင်နှုန်းက အနောက်ဖက်ကမ်းမှာ ဆွေမျိုးတွေ ရှိနေပါတယ်။

ဂျေရုစလင်က အပြာရောင်ကဒ်

ဂျေရုစလင်မှာ အမြဲတမ်းနေထိုင်ခွင့်ရထားတဲ့ ပါလက်စတိုင်းတွေရဲ့ လွတ်လပ်စွာသွားလာခွင့်ကို ကန့်သတ်ထားခြင်းမရှိပါဘူး။ ဂါဇာကိုသွားဖို့အတွက် ခွင့်ပြုချက်လိုပေမယ့် ပါလက်စတိုင်းပိုင် အနောက်ဖက်ကမ်းနဲ့ ခေတ်သစ် အစ္စရေးနိုင်ငံအတွင်းမှာတော့ သူတို့တွေဟာ လွတ်လပ်စွာ သွားလာနိုင်ပါတယ်။

ဒါပေမယ့် အခြားသော နည်းလမ်းတွေနဲ့ ကန့်သတ်မှု လုပ်ထားပါတယ်။

“ဂျေရုစလင်မှာ အမြဲတမ်းနေထိုင်ခွင့် ကျွန်မတို့ကို ပေးတယ်ဆိုတာ အထူးအခွင့်အရေး ပေးတယ်ဆိုတာမျိုးဖြစ်အောင် အစ္စရေးက လုပ်ထားတာပါ။ ဒါပေမယ့် ပျားရည်နဲ့ ၀မ်းချတာမျိုးပါ။ အဲလင်ဘီနယ်ခြားကို ဖြတ်တဲ့အခါမှာ ကျွန်မတို့ တန်းသိပ်မစီရဘူးဆိုတာ ဟုတ်တယ်။ (ဂါဇာကလွဲပြီး) ဒေသအတွင်းမှာ လွတ်လပ်စွာ
သွားလာခွင့်ရတယ်ဆိုတာ ဟုတ်တယ်။ ဒါပေယ့် စစ်ဆေးရေးဂိတ်တွေမှာ ကျွန်မတို့ဟာ ရှာဖွေခံနေရပြီး၊ အရှက်တကွဲအကျိုးနည်း ဖြစ်နေရတုန်းပါ” လို့ ဂျေရုစလင်က မူလန်းတန်းပြဆရာမ ဒါလီယာ နက်စ်ဟက်စ်ဟီဘီက ပြောကြားခဲ့ပါတယ်။

ဂျေရုစလင်မှတ်ပုံတင်ကိုင်ထားတဲ့ ပါလက်စတိုင်းတွေဟာ ဘယ်အချိန်မှာ ကဒ်ပြန်ရုပ်သိမ်းခံရမလဲဆိုတဲ့ စိုးရိမ်မှုတွေနဲ့ နေထိုင်နေရတာဖြစ်ပါတယ်။ အစ္စရေးက ကျူးကျော်သိမ်းပိုက်ထားတဲ့ ပါလက်စတိုင်းပိုင် အနောက်ဖက်ကမ်းအတွင်း ဂျေရုစလင်မဟုတ်ဘဲ တစ်ခြားနေရာမှာနေထိုင်မယ်ဆိုရင်လည်း အစ္စရေးက တစ်မျိုးတစ်ဖုံ ကန့်သတ်ထားပါတယ်။

စားဝတ်နေရေးနဲ့ မိသားစုအကြောင်းအရင်းတွေကြောင့် ဂျေရုစလင်က ပါလက်စတိုင်းတွေဟာ အနောက်ဖက်ကမ်းမှာ နေထိုင်နေရပေမယ့် ဂျေရုစလင်မှတ်ပုံတင် အသိမ်းမခံရဖို့အတွက် မြို့မြူနီစီပယ် နယ်နမိတ်အတွင်းမှာ ရှိနေတဲ့ အိမ်ကိုတော့ ဒီအတိုင်းထားထားရပါတယ်။ အပြာရောင်ကဒ်ရထားသူတွေဟာ အဲဒီအိမ်တွေမှာ အမှန်တကယ်နေထိုင်လားဆိုတာကို အစ္စရေးအာဏာပိုင်တွေက ရှောင်တခင်စစ်ဆေးတာမျိုး ပုံမှန်လုပ်လေ့ရှိပါတယ်။

ပါလက်စတိုင်းတွေဟာ အမျိုးသားအာမခံဆိုတဲ့ အခွန်အပြင် သူတို့ရဲ့ ပိုင်ဆိုင်မှုအတွက် အစ္စရေးကို မတော်မတရားအခွန်ငွေတွေလည်း ပေးဆောင်ရပါတယ်။ ဒါပေမယ့် မြူနီစီပယ်ဌာနရဲ့ ၀န်ဆောင်မှုကတော့ အနည်းဆုံးသာရရှိပြီး သူတို့ရပ်ကွက်တွေမှာ အခြေခံအဆောက်အဦး မပြည့်စုံတာ၊ ကျန်မာရေး၊ ပညာရေးဝန်ဆော
င်မှုတွေ အားနည်းတာကိုလည်း ခံစားနေရပါတယ်။

အီလေယန်က ဒါဟာ ဂျေရုစလင်မှာ ဂျူး ၇၀ ရာခိုင်နှုန်း၊ ပါလက်စတိုင်း ၃၀ ရာခိုင်နှုန်းရှိရေး အစ္စရေးရဲ့ ကြိုးပမ်းမှုတွေဖြစ်တယ်လို့ ဆိုပါတယ်။

“ဂျေရုစလင်မှတ်ပုံတင်ထုတ်ပေးတဲ့ လူဦးရေးစာရင်းမှာ ပါလက်စတိုင်းတွေကို နည်းအောင် သူတို့လုပ်ပြီး၊ ဂျူးတွေသာနေထိုင်တဲ့ တရားမ၀င်အိမ်ယာတွေကို မြို့တစ်ဝိုက်မှာ ဆောက်လုပ်ကာ လူဦးရေအချိုးအစား ပြောင်းလဲအောင်လည်း လုပ်ဆောင်နေပါတယ်” လို့ သူက ပြောကြားခဲ့ပါတယ်။

ဂျေရုစလင်မှတ်ပုံတင်ကိုင်ထားတဲ့ ပါလက်စတိုင်းတွေအနေနဲ့ တိုင်းပြည်ပြင်ပမှာ နေထိုင်မယ်ဆိုရင် ပိုဆိုးတဲ့အခြေအနေမျိုးနဲ့ ကြုံတွေ့ရတယ်လို့ နာရှာရှီဘီက ပြောပါတယ်။

“၃ နှစ်ကျော်လောက် နိုင်ငံခြားမှာ နေထိုင်ပြီဆိုရင် ကျွန်မတို့ရဲ့ ဂျေရုစလင်မှာ နေထိုင်ခွင့်ဟ အလိုအလျောက် ဆုံးရှုံးသွားပါတယ်။ ကျွန်မတို့ဟာ ဘက်ပေါင်းစုံကနေ ထိခိုက်ခံစားနေရတာပါ။ ဂျေရုစလင်မှတ်ပုံတင်ဟာ အကောင်းထက် အဆိုးက ပိုများပါတယ်”

Ref: Aljazeera

(Aljazeera သတင်းဌာနတွင် ဖော်ပြထားသည့် The colour-coded Israeli ID system for Palestinians ဆောင်းပါးကို လေးမောင်က ဆီလျော်အောင် ဘာသာပြန်ဆိုသည်)

 

နိုဝင်ဘာ ၁၈၊ ၂၀၁၇
M-Media

– နိုင်ငံတကာက အသိအမှတ်ပြုထားသည့် ပါလက်စတိုင်းအာဏာပိုင်အဖွဲ့၏ ထိန်းချုပ်မှုအောက်တွင် ဂါဇာကမ်းမြှောင်ရှိ အီဂျစ်-ဂါဇာနယ်ခြားကို ယနေ့တွင် ပြန်လည်ဖွင့်လှစ်ခဲ့ပြီး အစ္စရေး၏ ဖိနှိပ်ပိတ်ဆို့မှုများကြောင့် အတိဒုက္ခရောက်နေကြသည့် ပါလက်စတိုင်းပြည်သူများအတွက် မျှော်လင့်ချက်များ ရှင်သန်လာခဲ့သည်။

၂၀၀၇ ခုနှစ်တွင် ကမ်းမြှောင်အား ဟားမက်စ်အဖွဲ့က ထိန်းချုပ်ခဲ့ပြီးနောက်ပိုင်း လုံခြုံရေးအကြောင်းပြချက်ဖြင့် နယ်ခြားကို အီဂျစ်က အမြဲလိုလို ပိတ်ထားခဲ့ပြီး တစ်ခါတစ်ရံမှသာ ဖွင့်ပေးခဲ့သည်။

ပြီးခဲ့သည့်လ အီဂျစ်ကြားဝင်သည့် ဟားမက်စ်နှင့် ပါလက်စတိုင်းအာဏာပိုင်အဖွဲ့တို့၏ ရင်ကြားစေ့ရေး ကြိုးပမ်းမှု အောင်မြင်ခဲ့ပြီးနောက် ဟားမက်စ်မှာ အီဂျစ်၊ အစ္စရေးတို့နှင့် နယ်စပ်ဖြတ်ကျော်မှု စီမံခန့်ခွဲရေးကို သမ္မတ မဟ်မူးဒ်အဘတ်စ် ဦးဆောင်သည့် အစိုးရအဖွဲ့အား လွှဲအပ်ခဲ့သည်။

အစ္စရေးက ပိတ်ဆို့ထားမှု အီဂျစ်က နယ်စပ်ပိတ်ထားမှုတို့ကြောင့် ဂါဇာပြည်သူများမှာ လူသားချင်းစာနာထောက်ထားမှုဆိုင်ရာ ပြဿနာကို ဆိုးဆိုးဝါးဝါး ခံစားနေရပြီး ပါလက်စတိုင်းအာဏာပိုင်အဖွဲ့၏ ထိန်းချုပ်မှုအောက်တွင် ယခုကဲ့သို့ နယ်စပ်ပြန်ဖွင့်နိုင်မှုက ၎င်းတို့၏ ဒုက္ခသုက္ခများကို ပြေလည်စေနိုင်မည်ဟု ပြည်သူ
များက မျှော်လင့်နေကြသည်။

Ref: Alarabiya