ဒီဇင်ဘာ ၃၀၊ ၂၀၁၇
M-Media
– ကုလ၏ နိုင်ငံတကာ ပညာရေး၊ သိပ္ပံနှင့် ယဉ်ကျေးမှုဆိုင်ရာအဖွဲ့ ယူနက်စကိုမှ အမေရိကန်နှင့်အတူ နှုတ်ထွက်မည်ဟု အစ္စရေးက ယနေ့တွင် အသိပေးစာ တင်းသွင်းလိုက်သည်။
ပါလက်စတိုင်းပိုင်နက်များအား အစ္စရေးက ကျူးကျော်သိမ်းပိုက်မှုကို ယူနက်စ်ကိုက ဝေဖန်မှု၊ ပါလက်စတိုင်းအား ၂၀၁၁ ခုနှစ်တွင် တင်းပြည့်အဖွဲ့ဝင်နိုင်ငံအဖြစ် အသိအမှတ်ပြုမှုတို့ကြောင့် အစ္စရေးမှာ ပြီးခဲ့သည့်နှစ်များအတွင်း ယူနက်စကိုအား ပြင်တင်ဝေဖန်မှုများ ပြုလုပ်ခဲ့သည်။
ယူနက်စကိုအကြီးအကဲ အူဒရေ အဇူလေးက အစ္စရေးအနေဖြင့် ထိုကဲ့သို့ နှုတ်ထွက်ရန် ဆုံးဖြတ်မှုကို မိမိအနေဖြင့် အလွန် စိတ်မကောင်းဖြစ်မိသည်ဟု ပြောကြားခဲ့သည်။
အမေရိကန်က ၎င်းတို့အနေဖြင့် ယူနက်စကိုအဖွဲ့ဝင်အဖြစ်မှ နှုတ်ထွက်ကာ စောင့်ကြည့်သူနိုင်ငံအဖြစ် အမြဲတမ်း ဆက်ရှိမည်ဟု အောက်တိုဘာလတွင် ပြောကြားခဲ့သည်။ အမေရိကန်နှင့် အစ္စရေးတို့မှာ ၂၀၁၈ ခုနှစ် ဒီဇင်ဘာ ၃၁ ရက်နေ့တွင် နောက်ဆုံးထား၍ ယူနက်စကိုမှ နှုတ်ထွက်မည်ဖြစ်သည်။
ကမ္ဘာ့အမွေအနှစ်များကို ထိန်းသိမ်းစောင့်ရှောက်ရေးလုပ်ငန်းများ ဆောင်ရွက်နေသည့် ယူနက်စကိုမှာ အစ္စရေးက ပါလကစတိုင်းပိုင်နက်ဖြစ်သော အရှေ့ဂျေရုစလင်အား သိမ်းပိုက်မှုကို ဆန့်ကျင်သော ဆုံးဖြတ်ချက်တစ်ခုကို မေလတွင် အတည်ပြုခဲ့သည်။
ဇူလိုင်လတွင် အစ္စရေးက ကျူးကျော်သိမ်းပိုက်ထားသည့် ပါလက်စတိုင်းပိုင် အနောက်ဖက်ကမ်းမှ ဟီဘရွန်မြို့ဟောင်းအား ကမ္ဘာ့အမွေအနှစ်အဖြစ် ကြေငြာခဲ့ပြီး ထိုအချက်များက အစ္စရေးကို မကျေမနပ်ဖြစ်စေခဲ့သည်။
Ref: Aljazeera