News @ M-Media

Tag: philippines muslim

  • IS လက်မှ ခရစ်ယာန်များကို ကယ်ထုတ်ပေးခဲ့သူ ဖိလစ်ပိုင်မွတ်စလင်တစ်ဦး၏ ရင်ဖွင့်သံ

    IS လက်မှ ခရစ်ယာန်များကို ကယ်ထုတ်ပေးခဲ့သူ ဖိလစ်ပိုင်မွတ်စလင်တစ်ဦး၏ ရင်ဖွင့်သံ

    သြဂုတ် ၁၀၊ ၂၀၁၇
    M-Media

    – ဖိလစ်ပိုင်နိုင်ငံတောင်ပိုင်းက မွတ်စလင်အများစုရှိရာ မာရာဝီမြို့လေးကို IS အကြမ်းဖက်သမားတွေ သိမ်းပိုက်ထားတာ ၃ လကျော်လောက် ရှိလာပါပြီ။

    IS က လက်မရွံ့လူသတ်သမားတွေရဲ့ရန်၊ အစိုးရတပ်ဖွဲ့တွေရဲ့ ဗုံးကြဲမှုဒဏ်တွေကြောင့် မြို့နေပြည်သူအများစုဟာ မြို့ကနေ တိမ်းရှောင်ထွက်ပြေးနေရပါတယ်။

    IS က ခရစ်ယာန်တွေကို ရှာဖွေပြီး သတ်ဖြတ်တာမျိုးတွေရှိနေပြီး၊ တကယ်တော့ သူ့တို့အမိန့်ကို မနာခံတဲ့သူ ဘယ်သူ့ကိုမဆို ချမ်းသာမပေးပါဘူး။

    ဒီဗီဒီယိုဟာ ခရစ်ယာန် တစ်ဒါဇင်လောက်ကို အိမ်မှာဖွက်ထားပြီး ဘေးလွတ်ရာကို ကယ်ထုတ်ပေးခဲ့တဲ့ မာရာဝီက အစ္စလာမ့်ဓမ္မပညာရှင် နူရ်ဒင် လွတ်ကမန်က သူကြုံတွေ့ခဲ့ရတာကို ကိုယ်တိုင်ပြောပြထားတဲ့ ဗီဒီယိုဖြစ်ပါတယ်။

    လွတ်ကမန်တင်မကဘဲ မာရာဝီက မွတ်စလင်တွေဟာ အိမ်နီးချင်း ခရစ်ယာန်တွေကို ဘေးလွတ်ရာ ကယ်ထယ်ပေးခဲ့တဲ့ အခြားအဖြစ်အပျက်တွေလည်း များစွာ ရှိနေပါတယ်။

  • ဖိလစ်ပိုင်တွင် ခရစ်ယာန်များကို မွတ်စလင်များက ဟီဂျဘ်ခေါင်းဆောင်ပုဝါ ၀တ်ဆင်စေကာ IS လက်မှ ကယ်ထုတ်ပေးနေ

    ဖိလစ်ပိုင်တွင် ခရစ်ယာန်များကို မွတ်စလင်များက ဟီဂျဘ်ခေါင်းဆောင်ပုဝါ ၀တ်ဆင်စေကာ IS လက်မှ ကယ်ထုတ်ပေးနေ

    ဇွန် ၂၁၊ ၂၀၁၇
    M-Media

    – ဖိလစ်ပိုင်နိုင်ငံတောင်ပိုင်း မာရာဝီမြို့မှာ IS ကို လိုလားသူ အကြမ်းဖက်သမားတွေ ၀င်ရောက်စီးနင်းခဲ့ပြီးတဲ့နောက် ကြောက်ရွံ့နေတဲ့ ခရစ်ယာန်တွေကို မွတ်စလင် အမျိုးသမီးတွေက ဟီဂျဘ်ခေါင်းဆောင်းပုဝါတွေငှားကာ ကာကွယ်ပေးပြီး ထွက်ပြေးလွတ်မြောက်အောင် ကူညီပေးနေကြပါတယ်။

    မေနှောင်းပိုင်းကတည်းက စစ်သွေးကြွတွေ စီးနင်းထားတဲ့ အဲဒီမြို့ထဲမှာ ပြည်သူ ၁၅၀၀ ၀န်းကျင်လောက် ပိတ်မိနေကြပါတယ်။ ကုန်းကြောင်းကနေ ထွက်ပြေးလွတ်မြောက်လာသူတွေလည်းရှိသလို၊ ရေကြောင်းကနေ ထွက်ပြေးရသူတွေလည်း ရှိနေပါတယ်။

    “ခရစ်ယာန်အလုပ်သမားတွေကို မွတ်စလင်တွေက ဟီဂျဘ်တွေငှားရမ်းကာ ကာကွယ်ပေးနေကြတယ်လို့ ပြောကြားမှုတွေ ရှိပါတယ်” လို့ ထွက်ပြေးလာသူတွေကို ကျန်းမာရေးစောင့်ရှောက်မှုပေးနေတဲ့ အဖွဲ့ ခေါင်းဆောင် ဒေါက်တာ ဂျီယိုအာ အန်ချီတာက ပြောကြားခဲ့ပါတယ်။

    ပိတ်မိနေသူတွေဟာ အစားအသောက်ပြတ်လတ်တာမျိုး၊ စစ်သွေးကြွတွေရဲ့ လူသားတံတိုင်းအဖြစ် အသုံးချခံရတာမျိုး ရှိရှိနေပါတယ်။

    အခုလဆန်းပိုင်းလောက်ကလည်း မာရာဝီမြို့က ဗလီဆရာတစ်ဦးဟာ ခရစ်ယာန် ၆၀ လောက်ကို IS တွေမသိအောင် ၀ှက်ထားပေးပြီး မြို့ပြင်ကို ကယ်ထုတ်လာနိုင်ခဲ့ပါတယ်။

    လွန်ခဲ့တဲ့ ၄ ပတ်က စစ်သွေးကြွတွေ စီးနင်းခဲ့ပြီးနောက်ပိုင်း မာရာဝီမြို့မှာ အစိုးရစစ်တပ်နဲ့ တိုက်ပွဲတွေ ဖြစ်ပွားခဲ့ပြီး စစ်သွေးကြွ ၂၀၅ ဦး အပါအ၀င် လူ ၃၀၀ နီးပါးလောက် သေဆုံးခဲ့ပါတယ်။

    လက်ရှိမှာတော့ မာရာဝီမြို့တည်ရှိရာ မင်ဒါနာအိုကျွန်းကို သမ္မတ ဒူတာတေးက စစ်အုပ်ချုပ်ရေးဥပဒေ ထုတ်ပြန်ထားပါတယ်။

    Ref: Independent

     

  • ဖိလစ်ပိုင်တွင် အစ္စလာမ့်ဓမ္မပညာရှင်တစ်ဦးက ခရစ်ယာန် ၆၀ ကျော်ကို IS လက်မှ ကယ်ထုတ်

    ဖိလစ်ပိုင်တွင် အစ္စလာမ့်ဓမ္မပညာရှင်တစ်ဦးက ခရစ်ယာန် ၆၀ ကျော်ကို IS လက်မှ ကယ်ထုတ်

    ဇွန် ၅၊ ၂၀၁၇
    M-Media

    ခရစ်ယာန် ၆၄ ဦးကို IS လက်မှ ကယ်ထုတ်ခဲ့သည့် အစ္စလာမ့်ဓမ္မပညာရှင် နူရ် လူစ်မန်

    – ဖိလစ်ပိုင်နိုင်ငံတောင်ပိုင်း မင်ဒါနာအိုကျွန်းက မာရာဝီမြို့မှာ အစိုးရတပ်ဖွဲ့တွေနဲ့ IS အကြမ်းဖက်သမားတွေအကြား တိုက်ခိုက်မှုတွေအတွင်း ဒေသတွင်းက ဘာသာမတူသူတွေဟာ အချင်းချင်း ဖေးမကူညီနေကြပါတယ်။

    စနေနေ့မှာ မာရာဝီမြို့ကနေ ကလေးငယ် ၅၀ နီးပါအ၀င် လူပေါင်း ၁၆၀ ကျော်လောက်ကို ကယ်တင်နိုင်ခဲ့တယ်လို့ စစ်တပ်က ပြောကြားခဲ့ပါတယ်။ တိုက်ပွဲတွေကြောင်း သေဆုံးသူဟာ အရပ်သား ၂၀၊ စစ်သား ၃၈ ဦးနဲ့ အကြမ်းဖက်သမား ၁၂၀ လောက်ရှိတယ်လို့ ဆိုပါတယ်။

    လက်ရှိမှာတော့ မရာဝီမြို့ဟာ တိုက်ပွဲဇုန်ဖြစ်နေပြီး အစိုးရကလည်း လေကြောင်းကနေ တိုက်ခိုက်မှုတွေ ပြုလုပ်နေပါတယ်။

    အရပ်သားတွေကို ကယ်ထုတ်ဖို့ စနေနေ့က အပစ်ရပ်မှုအပြီးမှာ အစိုးရ တိုက်လေယာဉ်တွေဟာ မြို့လယ်ကောင်ကို ဗုံးတွေ ကြဲချခဲ့ပါတယ်။

    “ရဟတ်ယာဉ်က ကျွန်တော်တို့ကို ပစ်လိုက်မလား၊ ဂျီဟတ်ဝါဒီတွေက ကျွန်တော်တို့ သတ်လိုက်မလားဆိုပြီး စိုးရိမ်နေရပါတယ်” လို့ ဒေသခံတစ်ဦးက ပြောကြားခဲ့ပါတယ်။

    ဒီတစ်ပတ်အတွင်း လွတ်မြောက်လာတဲ့ သူတွေထဲမှာ အစ္စလာမ့်ရေးရာ စာရေးဆရာတစ်ဦးဖြစ်ပြီး နိုင်ငံရေးသမားတစ်ဦးလည်းဖြစ်တဲ့ နူရ် လူစ်မန်လည်း ပါဝင်ခဲ့ပါတယ်။ သူဟာ ဆော်ဒီမှာ အိုစမာဘင်လာဒင်နဲ့အတူ ပညာသင်ဖူးပြီး မာရာဝီမြို့က ခရစ်ယာန်တွေကို သူ့အိမ်မှာဖွက်ထားကာ၊ အကြမ်းဖက်သမားတွေကို လှည်
့ဖျားပြီး ကယ်ထုတ်လာခဲ့တဲ့ အကြောင်းကို ဖွင့်ဟခဲ့ပါတယ်။

    တိုက်ခိုက်မှုတွေမဖြစ်ပွားခင် သူ့အိမ်နားမှာ ခရစ်ယာန် ဆောက်လုပ်ရေးလုပ်သားတွေ အလုပ်လုပ်ကိုင်နေကြပြီး၊ အဲဒီလူတွေက ‘မြို့ထဲကနေ အပြင်ထွက်လို့မရတာကြောင့် သူတို့ကို ကာကွယ်ဖို့ဟာ ကျွန်တော့်တာဝန် ဖြစ်လာတယ်’ လို့ လူစ်မန်က ဆိုပါတယ်။

    “တိုက်ခိုက်မှုဖြစ်ပွားပြီး နောက်နေ့တွေမှာ ခရစ်ယာန်အလုပ်သမားတွေက ကျွန်တော့်အိမ်မှာ လာပုန်းနေကြပါတယ်။ ၆၄ ယောက်ရှိပါတယ်။ သူတို့ကို ဘာမှမဖြစ်အောင် စောင့်ရှောက်ဖို့ ကျွန်တော် ဆုံးဖြတ်ထားတယ်” လို့ လူစ်မန်က ပြောကြားခဲ့ပြီး ဒီလူတွေကိုကယ်တင်ရေး သူ့ရဲ့အသက်ကို အသေခံဖို့အထိ တွေး
    ထားတယ်လို့ ဆိုပါတယ်။

    “IS တွေလာတဲ့အခါမှာ သူတို့ ကျွန်တော့်ကို မှတ်မိသွားတယ်။ သူတို့ကို ထွက်သွားဖို့ပြောတော့ ကျွန်တော့်ကို လေးစားတာကြောင့် ထွက်သွားကြတယ်။ ကျွန်တော် ခရစ်ယာန်တွေကို ဖွက်ထားတယ်ဆိုတာ သူတို့ မသိပါဘူး။ ခရစ်ယာန်တွေ ကျွန်တော့်အိမ်မှာ ရှိနေတယ်ဆိုတာသိရင် သူတို့ အားလုံးကို ခေါင်းဖြတ်သတ်လို
    က်ကြမှာ”

    အစားအသောက်တွေ ပြတ်လတ်လာပြီ စစ်တပ်ကလည်း တစ်မြို့လုံးကို ဗုံးကြဲတော့မယ်လို့ ကြားတဲ့အခါ လူစ်မန်က ဒီခရစ်ယာန်တွေနဲ့အတူ မြို့ထဲကနေထွက်ဖို့ ကြိုးစားခဲ့ပါတယ်။

    “ဒီလူတွေကို အိမ်ထဲကနေ ခေါ်ထုတ်မသွားဘူးဆိုရင် အစာငတ်ပြီး သေသွားလိမ့်မယ်လို့ ကျွန်တော်တွေးတယ်။ ဒါ့ကြောင့် ဘာပဲဖြစ်ဖြစ် ထွက်လာဖို့ ကြိုးစားခဲ့ပါတယ်။ လမ်းတစ်လျှောက်မှာ စနိုက်ပါသမားတွေလည်း အများကြီးပဲ။ ဒီလူတွေဟာ ခရစ်ယာန်လား၊ မွတ်စလင်လားဆိုပြီး သူတို့ မမေးပါစေနဲ့လို့ ကျွန်တော်တို့ ဆုတောင်းလာရပါတယ်” လို့ လူစ်မန်က ပြောကြားခဲ့ပြီး ‘ကုရ်အာန်ဖတ်ခိုင်းလို့ မဖတ်တတ်ဘူးဆိုရင် သူတို့ သတ်ပစ်မှာ’ လို့လည်း ဆိုပါတယ်။

    လက်ရှိ မာရာဝီမြို့မှာ လူပေါင်း ၂၀၀၀ ကျော်လောက် ပိတ်မိနေပြီး အကြမ်းဖက်သမား ၂၅၀ လောက်က မြို့ကို စီးထားပါတယ်။

    စစ်တပ်ကလည်း ထိုးစစ်ဆင်ဖို့အခြေအနေရှိနေပြီး အကြမ်းဖက်သမားတွေဟာ ဖိလစ်ပိုင်ဒေသခံတွေအပြင် ဆော်ဒီ၊ ပါကစ္စတန်၊ ချေချင်းညာနဲ့ မော်ရိုကိုတို့ကလူတွေလည်း ပါဝင်တယ်လို့ အာဏာပိုင်တွေက ပြောကြားထားပါတယ်။

    Ref: RT

  • အရှေ့တောင်အာရှက IS ရဲ့ သားကောင်အသစ် (သို့မဟုတ်) ဖိလစ်ပိုင်မွတ်စလင်များ

    အရှေ့တောင်အာရှက IS ရဲ့ သားကောင်အသစ် (သို့မဟုတ်) ဖိလစ်ပိုင်မွတ်စလင်များ

    ဇွန် ၄၊ ၂၀၁၇
    M-Media

    IS ရန်ကြောင့် အိုးအိမ်စွန့်ခွာ ထွက်ပြေးရသည့် ဖိလစ်ပိုင် မွတ်စလင်များ

     

    – ဖိလစ်ပိုင်နိုင်ငံ တောင်ပိုင်း မြို့တစ်မြို့မှာ ပြင်းထန်တဲ့ တိုက်ပွဲတွေကြား ပိတ်မိနေခဲ့တဲ့ ဒါဇင်နဲ့ချီတဲ့ အရပ်သားတွေဟာ စနေနေ့က အစိုးရစစ်တပ်ရဲ့ လေကြောင်းတိုက်ခိုက်မှုတွေ၊ တိုက်ခိုက်ရေးသမားတွေရဲ့ရန်ကနေ လွတ်အောင်ရှောင်ပြီး ဘေးကင်းရာနေရာကို ရောက်သွားခဲ့ပါတယ်။ ဒါပေမယ့် လူ ၂၀၀၀ လော
    က်တော့ ဆိုးရွားတဲ့ အခြေအနေမျိုးမှာ ဆက်လက် ပိတ်မိနေဆဲပါ။

    IS အကြမ်းဖက်အဖွဲ့နဲ့ အဆက်အသွယ်ရှိတဲ့ တိုက်ခိုက်ရေးသမားတွေ ထိန်းချုပ်ထားတဲ့ မာရာဝီမြို့ရဲ့ တစ်နေရာမှာ ပုန်းအောင်ပြီး ထွက်ပြေးလာရတဲ့ လူ ၃၈ ယောက်က အရပ်သားတွေ အန္တရာယ်ကင်းစွာ ဖြတ်သန်းဖို့အတွက် စစ်တပ်ဟာ အဓိက တံတားတစ်ခုကို သိမ်းဆည်းနိုင်ခဲ့တယ်လို့ ဆိုပါတယ်။

    မင်ဒါနာအိုကျွန်းက မာရာဝီမြိုမှာဖြစ်ပွားနေတဲ့ တိုက်ပွဲဟာ လွန်ခဲ့တဲ့ ၂ ပတ်နီးပါးလောက် စတင်ခဲ့တာဖြစ်ပြီး၊ သမ္မတ ဒူတာတေးက နိုင်ငံတောင်ပိုင်းတစ်ခုလုံးကို စစ်အုပ်ချုပ်ရေးအမိန့် ထုတ်ပြန်ခဲ့ပါတယ်။

    “သေနတ်သံတွေ၊ ပေါက်ကွဲသံတွေ ကြားရင် ညတိုင်း မှောင်မှောင်မဲမဲထဲ ကြမ်းပြင်မှာ ၀ပ်နေရပါတယ်။ တံခါးတွေကို ပရိဘောဂတွေ၊ ရေခဲသေတ္တာတွေနဲ့ ပိတ်ထားရတယ်” လို့ အသက် ၂၇ နှစ်အရွယ် အထက်တန်းပြဆရာမ ဂျီရိုနာ ဆီဒရုမ်းက ပြောကြားခဲ့ပါတယ်။

    “IS တွေက အိမ်ထဲကနေ အတင်းဖြတ်ဖို့လုပ်တယ်။ ဒုတိယအကြိမ်မှာတော့ ကျွန်မတို့ဟာ အိမ်အောက်က လှိုဏ်ခေါင်းထဲမှာ ပုန်းနေရပါတယ်”

    တိုက်ပွဲကြောင့် သေဆုံးသူအရေအတွက်ဟာ အနည်းဆုံး ၁၇၅ ဦး ရှိလာခဲ့ပြီး အများစုက တိုက်ခိုက်ရေးသမားတွေဖြစ်ကာ၊ စစ်သားနည်းနည်း၊ ဒါဇင်နဲ့ချီတဲ့ အရပ်သားတွေ ပါဝင်ပါတယ်။

    လူပေါင်း ၂ သိန်းလောက်နေထိုင်ပြီး မွတ်စလင်အများစုရှိရာ ဒီ မာရာဝီမြို့ကို သေနတ်သမားတွေက မေလ ၂၃ ရက်နေ့မှာ ၀င်ရောက်စီးနင်းတိုက်ခိုက်ခဲ့ပြီး၊ အစိုးရတပ်ဖွဲ့က သူတို့ရဲ့ခေါင်းဆောင် အစ္စနီလွန် ဟာပီလွန်ကို ဖမ်းဆီးဖို့ ကြိုးစားခဲ့ပြီးတဲ့နောက်ပိုင်း ပေါ်ထွက်လာတာ ဖြစ်ပါတယ်။

    မာရာဝီမြို့လယ်ကောင်ကို သေနတ်သမား ၅၀ က ၂ ပတ်နီးပါးလောက် သိမ်းထားခဲ့ပြီး ခရစ်ယာန်ကသလစ်ဘုန်းတော်ကြီး တစ်ဦးအပါအ၀င် ဓားစားခံ အနည်းဆုံး ၁၅ ယောက်လောက်ကို နောက်ပိုင်းမှာ ဖမ်းဆီးခဲ့ပါတယ်။ အဲဒီထဲက တစ်ချို့ကို လူသားတံတိုင်းအဖြစ် အသုံးပြုတယ်လို့ ဖိလစ်ပိုင်စစ်တပ်က
    ပြောကြားခဲ့ပါတယ်။

    လူသားချင်းစာနာထောက်ထားမှုဆိုင်ရာ စိုးရိမ်မှုများ

    မွတ်စလင်အများစုရှိရာ မာရာဝီမြို့က ထောင်နဲ့ချီတဲ့လူတွေဟာ ထွက်ပြေးခဲ့ရပြီး အာဏာပိုင်တွေကတော့ မြို့ထဲမှာ လူ ၂၀၀၀ လောက် ပိတ်မိနေတယ်လို့ ယုံကြည်ကြောင်း ပြောကြားခဲ့ပါတယ်။ အများစုကတော့ သေနတ်သမားတွေ ထိန်းချုပ်ထားတဲ့ ဒေသတွေမှာ ဖြစ်ပါတယ်။ အဲဒီ ပိတ်မိသူတွေဟာ အစားအသော
    က်၊ ရေတွေ ရရှိပုံမပေါ်ဘဲ၊ အချို့တွေက ဒဏ်ရာရတာတွေ၊ နေမကောင်းဖြစ်နေတာတွေ ရှိနေပါတယ်။ လုံခြုံရေးတပ်ဖွဲ့တွေကတော့ သူတို့ရဲ့ စစ်ဆင်ရေးကို တိုးမြှင့်ပြုလုပ်နေပါတယ်။

    “အာဏာပိုင်တွေက လွတ်မြောက်လာသူ ရုတ်တရက်မြင့်တက်လာမှုကို အလျင်မီအောင်လုပ်နေရချိန် အစားအစာ၊ သန့်ရှင်းတဲ့ရေ၊ ကျန်းမာရေးစောင့်ရှောက်မှု၊ တစ်ကိုယ်ရေသန့်ရှင်းရေးလိုအပ်ချက်တွေဟာ မြင့်တက်လာနေပါတယ်” လို့ နိုင်ငံတကာ ကြက်ခြေနီအဖွဲ့က သောကြာနေ့မှာ ပြောကြားခဲ့ပါတယ်။

    “မာရာဝီ တိုက်ပွဲတွေကနေ လွတ်မြောက်အောင် ကြိုးစားကြတဲ့သူတွေမှာ သွားဖို့လာဖို့ စီးစရာ မရှိပါဘူး။ လုံခြုံရေးမြှင့်ထားတာကြောင့် အများပြည်သူသုံး ယာဉ်တွေ မြို့ထဲသွားတာကို ပိတ်ထားပါတယ်” လို့ ကြက်ခြေနီအဖွဲ့က ထည့်သွင်းပြောဆိုခဲ့ပြီး NGO တွေကို မှီခိုနေရသူတွေကတော့ မြို့ကနေ ထွက်သွားနိုင်မယ်လို့ ဆု
ိပါတယ်။

    ဖိလစ်ပိုင်စစ်တပ်က လေကြောင်းကနေ လက်နက်ကြီးတွေ၊ ဒုံးကျည်တွေနဲ့ တိုက်ခိုက်တာ၊ ဗုံးချတာတွေ လုပ်နေတယ်လို့ ဆိုပြီး၊ မြေပြင်တပ်ဖွဲ့တွေကလည်း စနိုက်ပါတွေ၊ လက်လုပ်ဗုံးတွေ၊ တင့်ဖျက်ဒုံးကျည်တွေကို ရှောင်ရှားကာ ရှင်းလင်းရေးတွေ ဆက်လက်လုပ်ဆောင်နေပါတယ်။

    တိုက်ခိုက်မှုတွေ ဆက်လက်ဖြစ်ပွားနေတဲ့အချိန် စနေနေ့က အနည်းဆုံး လူ ၇၀ လောက်ကို ကယ်ထုတ်နိုင်ခဲ့ပြီး အဲဒီအထဲမှာ Dansalan ကောလိပ်က ဆရာ၊ ဆရာမှ ၂၃ ယောက်၊ အသက် ၁ နှစ်အရွယ် ကလေးငယ်တစ်ယောက်၊ အခြား ကလေးငယ် ၇ ယောက်နဲ့ အရွယ်ရောက်ပြီးသူ ၇ ယောက်တို့ ပါဝင်ပါတယ်။

    တိုက်ပွဲပထမနေ့မှာပဲ သေနတ်သမားတွေဟာ ကောလိပ်ကို မီးရှို့ခဲ့ပြီး၊ သူတို့ပုန်းနေတဲ့ အိမ်တစ်ဝိုက်က အိမ်တော်တော်များများကို ဗုံးတွေ၊ သေနတ်တွေနဲ့ ပစ်ခတ်ဖျက်ဆီးခဲ့တယ်လို့ ဆရာတွေက ပြောကြားခဲ့ပါတယ်။

    အဲဒီကောလိပ်ဟာ ခရစ်ယာန် ကက်သလစ်အသင်းတော်ရဲ့ ကြီးကြပ်မှုနဲ့ ကက်သလစ်ဘုန်းကြီးတစ်ပါးက အုပ်ချုပ်နေတာဖြစ်ပြီး ဆရာ၊ ဆရာမတွေအားလုံးက ခရစ်ယာန်တွေဖြစ်ပါတယ်။

    အဲဒီ ဆရာ၊ ဆရာမတွေဟာ အစိုးရ ကယ်ဆယ်ရေးသမားတွေနဲ့ ဖုန်းမက်ဆေ့ခ်ျ လျှို့ဝှက်ဆက်သွယ်မှုကနေ လွတ်မြောက်လာတာဖြစ်ပါတယ်။

    ရေခဲမုန့်စက်ရုံ အလုပ်သမား အသက် ၂၈ နှစ်အရွယ် အာနိုး ဘာလိုက သူ့အနေနဲ့ တစ်ဖက်မှာ ကလေးငယ်ကိုချီပြီး တစ်ဖက်မှာ မီတာဝက်လောက်ရှည်တဲ့ ဓားတစ်ချောင်းကို ကိုင်ကာ ပြေးလာခဲ့ရတယ်လို့ဆိုပါတယ်။

    အဲဒီအချိန်မှာ အဆောက်အဦးတစ်ခုပေါ်က သေနတ်သမားတစ်ယောက်ဟာ သူ့ထံကို စနိုက်ပါချိန်ပြီး ဓားချဖို့ အမိန့်ပေးခဲ့ပါတယ်။

    “ခင်ဗျားခိုင်းတဲ့အတိုင်း လုပ်ပါ့မယ်ဗျာ။ ကျွန်တော်တို့ကို မသတ်ပါနဲ့” လို့ ဘာလိုက သေနတ်သမားကို ပြောကြားခဲ့ပါတယ်။ အဲဒီနောက် သူဟာ ဓားရှည်ကို အောက်ချလိုက်ပြီး သေနတ်သမားကလည်း သူတို့အုပ်စုကို သွားခွင့်ပေးခဲ့တယ်လို့ ဆိုပါတယ်။

    IS ရန်ကြောင့် အိုးအိမ်စွန့်ခွာ ထွက်ပြေးရသည့် ဖိလစ်ပိုင် မွတ်စလင်များ
    IS ရန်ကြောင့် အိုးအိမ်စွန့်ခွာ ထွက်ပြေးရသည့် ဖိလစ်ပိုင် မွတ်စလင်များ

    Ref : Aljazeera

  • ဖိလစ်ပိုင်တွင် ခရစ်ယာန်များကို အကြမ်းဖက်များလက်မှ မွတ်စလင်များက သက်စွန့်ဆံဖျား ကယ်တင်

    ဖိလစ်ပိုင်တွင် ခရစ်ယာန်များကို အကြမ်းဖက်များလက်မှ မွတ်စလင်များက သက်စွန့်ဆံဖျား ကယ်တင်

    မေ ၂၉၊ ၂၀၁၇
    M-Media

    မွတ်စလင်များ ကယ်တင်ပေးခဲ့သည့် ခရစ်ယာန်များကို တွေ့ရစဉ်

    – IS ကို သစ္စာခံတဲ့ အကြမ်းဖက်သမားတွေနဲ့ အစိုးရတပ်ဖွဲ့တွေ တိုက်ခိုက်မှုဖြစ်ပွားနေတဲ့ ဖိလစ်ပိုင်နိုင်ငံတောင်ပိုင်း မာရာဝီမြို့က ရွာတစ်ရွာမှာ ပိတ်မိနေတဲ့ ခရစ်ယာန်တွေကို မွတ်စလင်မိသားစုက သက်စွန့်ဆံဖျား ကယ်တင်ပေးခဲ့ပါတယ်။

    Lanao del Sur ပြည်နယ် သတင်းအချက်အလက်ဆိုင်ရာ အရာရှိ ဆလ်မာ ဂျေနီ တာမာနိုနဲ့ သူ့ရဲ့ ဆွေမျိုးတွေက ခရစ်ယာန် ၃၉ ဦးကို ကယ်တင်ပေးခဲ့တာဖြစ်ပြီး ဒီကိစ္စကို လက်ထောက် ပြည်နယ်အုပ်ချုပ်ရေးမှူး မမ်မင်တဲလ် အဒီအွန်ကလည်း အတည်ပြုခဲ့ပါတယ်။

    “ဒါဟာ ကမ္ဘာကြီးကို မျှဝေဖို့ ထိုက်တန်တဲ့ မွတ်စလင်-ခရစ်ယာန် စည်းလုံးမှု ပြယုဂ်တစ်ခုပါပဲ” လို့ အဒီအွန်က ပြောကြားခဲ့ပါတယ်။

    အဲဒီ ခရစ်ယာန် ၃၉ ဦးဟာ အကြမ်းဖက်သမားတွေရှိနေတဲ့နေရာက တိုက်ခန်းတစ်ခုမှာ အနည်းဆုံး ၃၆ နာရီကျော်လောက် ပိတ်မိနေခဲ့ပြီး အစားအသောက် မစားရတာလည်း ရက်တော်တော်ကြာနေပြီလို့ ရဲတပ်ဖွဲ့က ဆိုပါတယ်။

    တိုက်ခိုက်မှုတွေဖြစ်ပွားနေတဲ့အချိန် ခရစ်ယာန်တွေကို ဘေးလွတ်ရာနေရာမှာ ဖွက်ထားပေးတာကလည်း မွတ်စလင် သက်ကြီးရွယ်အို နှစ်ဦးဖြစ်ပြီး တာမာနိုတို့အဖွဲ့က အဲဒီ မွတ်စလင်နှစ်ဦးကိုလည်း ကယ်ထုတ်ခဲ့ပါတယ်။

    အဒီအွန်ကတော့ တိုက်ပွဲတွေ ပြင်းပြင်းထန်ထန်ဖြစ်ပွားနေတဲ့ ကြားထဲကပဲ ခရစ်ယာန် ၃၉ ဦးကို ကာကွယ်ပေးခဲ့တဲ့ မွတ်စလင်ရွာသားတွေကို ကျေးဇူးတင်တယ်လို့ ပြောကြားခဲ့ပါတယ်။

    ပြန်လည်နေရာချထား

    တိုက်ပွဲဖြစ်ပွားနေတဲ့ မာရာဝီမြို့ဟာ မွတ်စလင်အမျာစု နေထိုင်ရာမြို့ဖြစ်ပြီး မြို့သားတွေဟာ လွန်ခဲ့တဲ့ ၄ ရက်အတွင်းမှာ ခရစ်ယာန်တွေကို လုံခြုံတဲ့ ပြောင်းရွှေ့နေရာချထားမှုတွေ ပြုလုပ်ပေးခဲ့တယ်လို့ မင်ဒါနာအို ကိုယ်ပိုင်အုပ်ချုပ်ခွင့်ရဒေသ အကူအညီပေးရေးအဖွဲ့ HEART က ပြောကြားခဲ့ပါတယ်။

    “မွတ်စလင်မဟုတ်တဲ့သူတွေရဲ့ အသက်တွေကို ကူညီကယ်တင်ပေးခဲ့တဲ့ မာရာဝီက မွတ်စလင်တွေကို အစိုးရအနေနဲ့ ကျေးဇူးတင်ပါတယ်။ HEART ဟာ သူတို့တွေကို နေထိုင်ခဲ့တဲ့ ပြည်နယ်တွေကို ပြန်ပို့ပေးဖို့ စီစဉ်ပေးခဲ့ပါတယ်” လို HEART က ဆက်သွယ်ရေးအရာရှိ မာရ်နာ ဂျိုဆီလင် ဟင်နရီက ပြောကြားခဲ့ပါတယ်။

    စာသင်ကျောင်းတစ်ကျောင်းကို သေနတ်သမားတွေက မီးရှို့တဲ့အချိန် ပိတ်မိနေတဲ့ ခရစ်ယာန် ၄၂ ယောက်ကို မွတ်စလင် အစိုးရရှေ့နေတစ်ဦးက ကယ်တင်ပေးခဲ့တယ်လို့လည်း ဟင်နရီက ထည့်သွင်းပြောဆိုခဲ့ပါတယ်။

    ဒီရှေ့နေဟာ ခရစ်ယာန်တွေကို မာရာဝီမြို့ထဲက တစ်နေရာမှာ ဖွက်ထားပြီး နောက်ပိုင်းမှာ ကယ်ထုတ်ပေးခဲ့ပါတယ်။

    “ဘယ်လို ကယ်ဆယ်ခဲ့လဲဆိုတဲ့ အသေးစိတ်အချက်အလက်ကို ကျွန်မတို့ မရပါဘူး။ ဒီလို ကူညီမှုကြီးအတွက် ကျေးဇူးတင်ပါတယ်။ HEART ကလည်း ဒီ ၄၂ ယောက်အတွက် ပြန်လည်ထူထောင်ရေးလုပ်ငန်းကို ထပ်မံဆောင်ရွက်ပေးဖို့ အဆင်သင့် ရှိနေပါတယ်” လို့ ဟင်နရီက ထည့်သွင်း ပြောကြားခဲ့ပါတယ်။

    အစ္စလာမ်က အကြမ်းဖက်ဝါဒကို တားမြစ်

    ပြည်နယ်အုပ်ချုပ်ရေးမှူး မူဂျစ် ဟာတာမန်က အစိုးရတပ်ဖွဲ့တွေနဲ့ တိုက်ပွဲဖြစ်နေတဲ့ အဘူ ဆယက်ဖ်အဖွဲ့နဲ့ အခြား IS လက်ဝေခံ အကြမ်းဖက်အုပ်စုတွေကို မေလ ၂၃ ရက်နေ့က စိန်ခေါ်လိုက်ပြီး လက်ရှိ ကျရောက်နေတဲ့ ရမ်ဇာန်ဥပုသ်လမှာ မိမိကိုယ်ကို ပြန်လည်သုံးသပ်ဖို့လည်း တိုက်တွန်းခဲ့ပါတယ်။

    “(ဂျီဟတ်၊ အကြမ်းဖက်ဝါဒနဲ့ပတ်သက်ပြီး) သူတို့ယုံကြည်နေတာတွေဟာ အမှားတွေဆိုတာ သူတို့ နားလည်လိမ့်မယ်လို့ ကျွန်တော် မျှော်လင့်ပါတယ်။ သူတို့လုပ်နေတာတွေက သူတို့ကိုသာ ပိုပြီး ထိုခိုက်စေတာကြောင့် လုပ်ရပ်တွေက မှားယွင်းနေပါတယ်။ သူတို့ဟာ အခြားသူတွေရဲ့ ဘ၀တွေကို ဖျက်ဆီးနေတာပါ” လို့
    ဟတာမန်က ပြောကြားခဲ့ပါတယ်။

    မင်ဒါနာအို ကိုယ်ပိုင်အုပ်ချုပ်ခွင့်ဒေသ အစ္စလာမ့်ဓမ္မသတ်ခုံရုံးက ၂၀၁၅ ခုနှစ်မှာ ဖသ်ဝါ ဓမ္မသတ်တစ်ခုကို ထုတ်ပြန်ခဲ့ပြီး အဲဒီ ဓမ္မသတ်မှာ “ဂျီဟတ် ဒါမှမဟုတ် ဒုက္ခကနေ လွတ်မြောက်ရာလွတ်မြောက်ကြောင်း ကြိုးပမ်းအားထုတ်မှုတွေကို အကြမ်းဖက်ဝါဒ၊ ထိခိုက်နစ်နာစေခြင်းနဲ့ တွဲသုံးတာမျိုး လက်ခံမှာမဟုတ်ဘဲ မိမိတို့ရဲ့
    သာသနာဟာ ကမ္ဘာမြေပေါ်မှာရှိတဲ့ သက်ရှိသတ္တ၀ါအားလုံးကို သနားကြင်နာရမယ်လို့ သင်ပေးထားတာကြောင့် ဖြစ်တယ်” လို့ ဖော်ပြထားပါတယ်။

    “အစ္စလာမ်သာသနာဟာ ရာဇ၀တ်လုပ်ရပ်တွေ၊ အကြမ်းဖက်လုပ်ရပ်တွေကို လက်မခံပါဘူး။ ဘာ့ကြောင့်လည်းဆိုတော့ အပြစ်မဲ့တဲ့ လူသားတွေကို သတ်ဖြတ်ခြင်း၊ သူတို့ရဲ့ ငွေကြေဥစ္စာတွေကို ဓားပြတိုက်ခြင်း၊ သူတို့ရဲ့ အသက်တွေကို မတရားသဖြင့် တိုက်ခိုက်ခြင်း၊ ယုံကြည်သူတွေရဲ့ စိတ်နှလုံးသားထဲမှာ အကြမ်းဖက်မှု၊ ကြောက်ရွံ့မှုတွေ ပြန့်နှံ့စေခြင်းတွေဟာ အစ္စလာမ်နဲ့ အစ္စလာမ့်တရားတော်မှာ တားမြစ်ပိတ်ပင်ထားတာကြောင့် ဖြစ်တယ်” လို့လည်း ဓမ္မသတ်ခုံရုံးက ထုတ်ပြန်ခဲ့ပါတယ်။

    Ref: Phil Star