Tag: Philippines

ဇန်န၀ါရီ ၃၀၊ ၂၀၁၉
M-Media

– ဖိလစ်ပိုင်နိုင်ငံတောင်ပိုင်း ဇမ်ဘိုအာဂါကျွန်းက ဗလီဝတ်ကျောင်းတော်တစ်လုံးမှာ ဒီကနေ့မနက်ပိုင်းက လက်ပစ်ဗုံးနဲ့ တိုက်ခိုက်မှု ဖြစ်ပွားခဲ့တာကြောင့် အနည်းဆုံး လူ ၂ ဦး သေဆုံးပြီး ၄ ဦး ဒဏ်ရာရရှိခဲ့ပါတယ်။

အနီးအနား ဂျိုလိုကျွန်းက ခရစ်ယာန်ဘုရားကျောင်းမှာ ဗုံးခွဲခံရပြီး ရက်ပိုင်းအကြာမှာ ဒီတိုက်ခိုက်မှု ပေါ်ထွက်လာတာပါ။ သေဆုံး ဒဏ်ရာရသူတွေဟာ ဘုရားဝတ်ပြုကြသူတွေဖြစ်တယ်လို့ အာဏာပိုင်တွေက ပြောကြားခဲ့ပါတယ်။

တိုက်ခိုက်မှုကို ဘယ်အဖွဲ့က လုပ်တယ်ဆိုတာ မသိရသေးပါဘူး။

ပြည်နယ်အုပ်ချုပ်ရေးမှူး မူဂျစ်ဗ် ဟာတာမန်က ဒါဟာ သူရဲဘောကြောင်တဲ့၊ ရိုင်းစိုင်းတဲ့လုပ်ရပ်ဖြစ်တယ်လို့ ပြောကြားခဲ့ပါတယ်။

“ဘာသာပေါင်းစုံက ပြည်သူတွေအနေနဲ့ ငြိမ်းချမ်းရေးအတွက် ဆုတောင်းပေးကြဖို့ ကျွန်တော်တို့ တိုက်တွန်းပါတယ်”

ဖိလစ်ပိုင်စစ်တပ်က တောင်ပိုင်း မင်ဒါနာအိုကျွန်းမှာရှိတဲ့ လူ့အဖွဲ့အစည်းအတွေအနေနဲ့ ညီညွတ်ကြဖို့၊ ဆိုရှယ်မီဒီယာတွေမှာ သတင်းအမှားတွေ ကောလဟာလတွေကို သတိပြုကြဖို့ တိုက်တွန်းထားပါတယ်။ ပြည်နယ်စစ်ရေးချုပ် ကာနယ် လီယွန်နယ် နီကိုလက်စ်က ဗလီကိုတိုက်ခိုက်မှုဟာ ဘုရားကျောင်းတိုက်ခိုက်မှုအတွက် လက်တုန့်ပြန်တာမျိုး မဟုတ်ဘူးလို့ ပြောကြားခဲ့ပါတယ်။

အကြမ်းဖက်များအား ချေမှုန်းမည်

ဆူးလူးပြည်နယ် ဂျိုလိုမြို့က ခရစ်ယာန်ကက်သလစ်ဘုရားကျောင်းမှာ တနင်္ဂနွေနေ့က ၀တ်ပြုဆုတောင်းနေစဉ်အတွင်း ဗုံးပေါက်ကွဲမှုနှစ်ခု ဖြစ်ပွားခဲ့တာကြောင့် လူ ၂၁ ဦးသေဆုံးကာ ၁၀၀ ကျော် ဒဏ်ရာရခဲ့ပါတယ်။

IS အကြမ်းဖက်အဖွဲ့က ဒီတိုက်ခိုက်မှုဟာ သူတို့ရဲ့လက်ချက်ဖြစ်တယ်လို့ ပြောကြားခဲ့ပါတယ်။

ဖိလစ်ပိုင်သမ္မတ ရော်ဒရီဂို ဒူတာတေးက တောင်ပိုင်းမှာအခြေစိုက်တဲ့ အဘူဆယက်ဖ် စစ်သွေးကြွအဖွဲ့ကို အပြစ်တင်ခဲ့ပြီး ချေမှုန်းသွားမယ်လို့ ပြောဆိုခဲ့ပါတယ်။ အဘူဆယက်ဖ်အဖွဲ့ဟာ ဗုံးခွဲမှုတွေ၊ ပြန်ပေးဆွဲမှုတွေ၊ ခေါင်းဖြတ်သတ်ဖြတ်မှုတွေကို လုပ်ဆောင်နေတဲ့အဖွဲ့လည်း ဖြစ်ပါတယ်။

တောင်ပိုင်းက လူမျိုးစုတွေကို အာဏာနဲ့ သယံဇာတခွဲဝေပေးမယ့် အစိုးရရဲ့ ဥပဒေတစ်ခုကို ဇန်န၀ါရီ ၂၁ ရက်နေ့မှာ ပြည်သူ့ဆန္ဒခံယူခဲ့ပြီး မိုရိုလူမျိုးစုတွေက အတည်ပြု လက်ခံခဲ့ပြီးတဲ့နောက် ဒီလို တိုက်ခိုက်မှုတွေ ပေါ်ထွက်လာတာ ဖြစ်ပါတယ်။

Ref: Ajazeera

ဇန်န၀ါရီ ၂၇၊ ၂၀၁၉
M-Media

– ဖိလစ်ပိုင်နိုင်ငံတောင်ပိုင်း ဆူးလူးပြည်နယ် ဂျိုလိုမြို့က ခရစ်ယာန် ကက်သလစ်ဘုရားကျောင်းတစ်ခုမှာ ဒီကနေ့မနက်ပိုင်းက ဗုံးခွဲမှု ဖြစ်ပွားခဲ့တာကြောင့် အနည်းဆုံး လူ ၂၀ လောက် သေဆုံးခဲ့ပါတယ်။

Our Lady of Mount Carmel ခရစ်ယာန်ဘုရားကျောင်းမှာ ၀တ်ပြုဆုတောင်းမှု ပြုလုပ်နေစဉ် ဘုရားကျောင်းဝင်းအတွင်း ဗုံးတစ်လုံးပေါက်ကွဲကာ၊ ခဏအကြာမှာတော့ ဘုရားကျောင်းအပြင်ဘက်မှာ နောက်ထပ် ဗုံးတစ်လုံး ပေါက်ကွဲခဲ့တာ ဖြစ်ပါတယ်။

ပြည်သူ ၁၅ ဦးနဲ့ လုံခြုံရေးတပ်ဖွဲ့ဝင် ၅ ဦး သေဆုံးခဲ့ပြီး ၇၀ ကျော်လောက် ဒဏ်ရာရခဲ့တယ်လို့ ရဲတပ်ဖွဲ့က ပြောကြားခဲ့ပါတယ်။

ဆူးလူးကျွန်းဟာ လက်နက်ကိုင်ခွဲထွက်ရေးအဖွဲ့ ‘အဘူဆယက်ဖ်အုပ်စု’ ကျက်စားရာဒေသ ဖြစ်ပါတယ်။ ဒါပေမယ့် ဒီဖောက်ခွဲမှုအတွက် ဘယ်အဖွဲ့ကမှ ၀န်မခံသေးပါဘူး။ အဘူဆယက်ဖက်အုပ်စုဟာ ဗုံးခွဲမှုတွေ၊ ပြန်ပေးဆွဲမှုတွေ၊ ခေါင်းဖြတ်သတ်ဖြတ်မှုတွေ လုပ်ဆောင်လေ့ရှိပြီး အမေရိကန်နဲ့ ဖိလစ်ပိုင်တို့က အကြမ်းဖက်အဖွဲ့အဖြစ် သတ်မှတ်ထားပါတယ်။

ဖိလစ်ပိုင်သမ္မတ ဒူတာတေးရဲ့ ပြောရေးဆိုခွင့်ရှိသူ ဆာလ်ဗာဒေါရ် ပါနီလိုက ဒီလုပ်ရပ်ဟာ အကြမ်းဖက်လုပ်ရပ်ဖြစ်ပြီး နောက်ကွယ်က ကြိုးကိုင်သူတွေကို လိုက်လံ နှိမ်နှင်းသွားမယ်လို့ ပြောကြားခဲ့ပါတယ်။

ဖိလစ်ပိုင်စစ်တပ်က ဖောက်ခွဲမှုတွေကို လက်လုပ်ဗုံးတွေ အသုံးပြုလုပ်ဆောင်တာဖြစ်တယ်လို့ ထုတ်ပြန်ခဲ့ပါတယ်။

တောင်ပိုင်းက မိုရိုလူမျိုးစုတွေကို အာဏာနဲ့ သယံဇာတ ခွဲဝေပေးမယ့် ဖိလစ်ပိုင်အစိုးရရဲ့ ဥပဒေသစ်တစ်ရပ်ကို အခုတစ်ပတ်အစောပိုင်းက ပြည်သူ့ဆန္ဒခံယူပွဲလုပ်ဆောင်ပြီး ရက်အနည်းအငယ်အကြာမှာ ဒီတိုက်ခိုက်မှု ပေါ်ပေါက်လာခဲ့တာ ဖြစ်ပါတယ်။

ဥပဒေသစ်ကို မင်ဒါနာအိုပြည်နယ်က လက်ခံခဲ့ပေမယ့်၊ ဆူးလူးပြည်နယ်က ကန့်ကွက်မဲ ပေးခဲ့ကြပါတယ်။

Ref: Aljazeera

ဇန်န၀ါရီ ၂၆၊ ၂၀၁၉
M-Media

– ဖိလစ်ပိုင်နိုင်ငံတောင်ပိုင်း မင်ဒါနာအိုကျွန်းကို အာဏာနဲ့ သယံဇာတ ခွဲဝေပေးမယ့် ဗဟိုအစိုးရရဲ့ ဥပဒေကို ဒေသခံ မိုရိုလူမျိုးတွေက ထောက်ခံကြောင်း ဆန္ဒမဲ ပေးခဲ့ကြပါတယ်။

Bangsamoro Organic Law (BOL) လို့ အမည်ပေးထားတဲ့ ဒီဥပဒေအတွက် အခုတစ်ပတ်အစောပိုင်းက မင်ဒါနာအိုပြည်နယ်မှာ ပြည်သူ့ဆန္ဒ ခံယူပွဲ ကျင်းပခဲ့တာဖြစ်ပြီး မဲပေးသူ ၈၅ ရာခိုင်နှုန်းက ဥပဒေကို လက်ခံခဲ့ကြတယ်လို့ ရွေးကောက်ပွဲကော်မရှင်က မနေ့ညနေပိုင်းမှာ ကြေငြာခဲ့ပါတယ်။

ဒီဥပဒေကြောင့် မိုရိုလူမျိုးတွေဟာ သူတို့ဒေသကို ကိုယ်ပိုင်အုပ်ချုပ်ခွင့် ရမှာ ဖြစ်သလို၊ သူတို့ဒေသကထွက်တဲ့ သယံဇာတ အကျိုးအမြတ်တွေကိုလည်း အချိုးကျရရှိကာ ဒေသဖွံ့ဖြိုးရေးလုပ်ငန်း လုပ်ဆောင်နိုင်မှာ ဖြစ်ပါတယ်။ ဒီတစ်ပတ် ပြည်သူဆန္ဒခံယူပွဲကို တောင်ပိုင်းက မိုရိုလူမျိုးစုတွေနေထိုင်ရာ ဒေသတော်တော်များများမှာ ပြုလုပ်ခဲ့တာဖြစ်ပြီး ကျန်ရှိတဲ့ ဒေသတွေမှာတော့ ဖေဖော်ဝါရီ ၆ ရက်နေ့မှာ ပြည်သူ့ဆန္ဒ ခံယူမှာ ဖြစ်ပါတယ်။

ဖိလစ်ပိုင် တိုင်းရင်းသားလူမျိုးစုတွေထဲမှာ ပါဝင်တဲ့ မိုရိုလူမျိုးတွေဟာ သူတို့ရဲ့ကံကြမ္မာကို ကိုယ်တိုင်ဖန်တီးခွင့်ရရေးအတွက် လက်နက်စွဲကိုင် တိုက်ပွဲဝင်ခဲ့ပြီး ဗဟိုအစိုးရနဲ့ ဆယ်စုနှစ်ချီ တိုက်ပွဲတွေ ဖြစ်ခဲ့ပါတယ်။

ပြီးခဲ့တဲ့နှစ်တွေအတွင်း မိုရိုလက်နက်ကိုင်အဖွဲ့ MILF နဲ့ ဗဟိုအစိုးရတို့အကြား ငြိမ်းချမ်းရေးဆွေးနွေးမှုတွေ အများအပြား ပြုလုပ်ခဲ့ပြီး ၂၀၁၈ ခုနှစ်မှာ BOL ဥပဒေ ပေါ်ထွက်လာခဲ့ပါတယ်။ ဒီဥပဒေအရေ မိုရိုလူမျိုးတွေဟာ အာဏာနဲ့ သယံဇာတတွေကို ပိုမိုခံစားရမှာဖြစ်ပြီး အပြန်အလှန်အားဖြင့် အင်အား ၃ သောင်းကျော်လောက်ရှိတဲ့ MILF ကလည်း လက်နက်ဖြုတ်သိမ်းရမှာပါ။

ပြည်သူဆန္ဒခံယူပွဲနောက်ပိုင်း ၃ နှစ်ကို အသွင်ကူးပြောင်းရေးကာလအဖြစ် သတ်မှတ်ထားပြီး ပြည်နယ်လွှတ်တော်အတွက် အမတ်တွေကို ပြည်သူတွေက ရွေးကောက်တင်မြှောက်ရမှာ ဖြစ်ပါတယ်။ ဗဟိုအစိုးရဟာ ပြည်နယ်ရဲ့ ကာကွယ်ရေး၊ လုံခြုံရေး၊ နိုင်ငံခြားရေးနဲ့ ဘဏ္ဍာရေးတွေကို ကြီးကြပ်မှာ ဖြစ်ပါတယ်။

ဖွံ့ဖြိုးရေး ပထမခြေလှမ်း

ဖိလစ်ပိုင် ဒုတိယသမ္မတ လီနီ ရိုဘရီဒိုက မိုရိုတွေရဲ့ဒေသ စီးပွားရေး ဖွံ့ဖြိုးတိုးတက်ဖို့နဲ့ ပြည်နယ်အစိုးရကို ထိန်းကြောင်းဖို့အတွက် ဗဟိုအစိုးရက ကူညီပေးသွားမယ်လို့ ပြောကြားခဲ့ပါတယ်။

“ငြိမ်းချမ်းရေးတိုက်ပွဲ အဆုံးမသတ်သေးတာကြောင့် ဒီလုပ်ငန်းစဉ်ကို ကျွန်တော်တို့က ထိန်းကြောင်း ပံ့ပိုးပေးသွားမှာ ဖြစ်ပါတယ်”

ငြိမ်းချမ်းရေးကြိုးပမ်းမှုကို သဘောမကျတာကြောင့် MILF ကနေ အဖွဲ့တစ်ချို့ ခွဲထွက်တာတွေ ရှိခဲ့ပြီး အီရတ်နဲ့ ဆီးရီးယားကို သွားကာ အကြမ်းဖက်အဖွဲ့တွေနဲ့ ပူးပေါင်းခဲ့သူတွေဟာ မလေးရှား၊ အင်ဒိုနီးရှားတို့က အစွန်းရောက်တွေနဲ့ ဆက်သွယ်ကာ ဒေသအတွင်း မတည်မငြိမ်ဖြစ်အောင် ဆောင်ရွက်နိုင်တဲ့ အန္တရာယ်လည်း ဖိလစ်ပိုင်တောင်ပိုင်းမှာ ရှိနေပါတယ်။

MILF ရဲ့ ငြိမ်းချမ်းရေးကိုယ်စားလှယ် မိုဟဂ်ဟာ အစ်က္ကဘာလ်က ခွဲထွက်အဖွဲ့တွေအနေနဲ့ ပြည်သူတွေရဲ့ ငြိမ်းချမ်းရေးဆန္ဒကို အသိအမှတ်ပြုလိမ့်မယ်လို့ မျှော်လင့်ကြောင်း ပြောကြားခဲ့ပါတယ်။

Ref: Reuters

ဇန်န၀ါရီ ၂၁၊ ၂၀၁၉
M-Media

– ဖိလစ်ပိုင်နိုင်ငံတောင်ပိုင်း မင်ဒါနာအိုကျွန်းကို အာဏာနဲ့ သံယဇာတ ပိုမိုခွဲဝေပေးရေး ရည်ရွယ်တဲ့ အစိုးရရဲ့ ဥပဒေကို ဒီကနေ့မှာ ဒေသခံ မိုရိုလူမျိုးစုတွေက ပြည်သူ့ဆန္ဒခံယူမှာဖြစ်ပြီး ဒေသငြိမ်းချမ်းရေးအတွက် ပထမဆုံးခြေလှမ်း ဖြစ်လာမှာ ဖြစ်ပါတယ်။

Bangsamoro Organic Law လို့ အမည်ပေးထားတဲ့ ဥပဒေသစ်ဟာ ဖိလစ်ပိုင် ဗဟိုအစိုးရနဲ့ တောင်ပိုင်း မင်ဒါနာအို အခြေစိုက် မိုရို အစ္စလာမ့်မစ် လွတ်မြောက်ရေးတပ်ဦး (MILF) တို့အကြား ဆယ်စုနှစ်ချီ ဖြစ်ပွားတဲ့ ပဋိပက္ခတွေကိုလည်း အဆုံးသတ်စေမှာ ဖြစ်ပါတယ်။

ဥပေဒသစ်မှာ မိုရိုလူမျိုးစုတွေရဲ့ ဒေသအတွင်း ကိုယ်ပိုင်လွှတ်တော် ဖွဲ့စည်းခွင့်၊ အရင်က ဗဟိုအစိုးရ ချုပ်ကိုင်ထားတဲ့ အထူးအာဏာအချို့ကို ခွဲဝေခံစားခွင့်၊ ဒေသကထွက်တဲ့ သယံဇာတတွေရဲ့ အကျိုးအမြတ်အများအပြားကို ခံစားခွင့်တွေ ပေးထားပြီး အပြန်အလှန်အားဖြင့် အင်အား သုံးသောင်းခွဲလောက်ရှိတဲ့ MILF ဟာ လက်နက်ဖြုတ်သိမ်းပေးရမှာ ဖြစ်ပါတယ်။ MILF အဖွဲ့ ခေါင်းဆောင်တွေက ပြည်နယ်အစိုးရသစ်မှာ တာဝန်ယူရမှာပါ။

ပြီးခဲ့တဲ့နှစ် ဇွန်လမှာ Bangsamoro Organic Law ကို ဖိလစ်ပိုင်လွှတ်တော်က အတည်ပြုခဲ့တာဖြစ်ပြီး ဒါဟာ ‘မိုရိုလူမျိုးတွေအပေါ် သမိုင်းနဲ့ချီရှိခဲ့တဲ့ မတရားမှုတွေကို ကုစားကာ မင်ဒါနာအိုဒေသ ငြိမ်းချမ်းရေးအတွက် သမိုင်းဝင် ဆောင်ရွက်မှု’ ဖြစ်တယ်လို့ ဖိလစ်ပိုင်သမ္မတ ရော်ဒရီဂို ဒူတာတေးက ပြောကြားခဲ့ပါတယ်။

မိုရိုလွတ်မြောက်ရေး လှုပ်ရှားမှု

ဖိလစ်ပိုင်နိုင်ငံ တောင်ပိုင်းက တိုင်းရင်းသားမျိုးနွယ်စုတွေထဲမှာပါဝင်ပြီး လူဦးရေ ၆ သန်းလောက်ရှိတဲ့ မိုရိုတွေဟာ ၁၉၆၉ ခုနှစ်ကနေစတင်ကာ လွတ်မြောက်ရေး လှုပ်ရှားခဲ့ကြပါတယ်။ တောင်ပိုင်းဒေသဟာ နိုင်ငံရဲ့ ဆင်းရဲမွဲတွေမှုအမြင့်ဆုံး ဒေသတွေထဲက တစ်ခုလည်း ဖြစ်ပါတယ်။

တက္ကသိုလ်ကျောင်းဆရာ နူရ် မီဆူဝါရီ ဦဆောင်တဲ့ မိုရိုအမျိုးသားလွတ်မြောက်ရေးတပ်ဦး (MNLF) နဲ့ ဗဟိုအစိုးရတို့အကြား တိုက်ပွဲတွေဖြစ်ပွားခဲ့ကြပြီး ၁၉၇၆ ခုနှစ်မှာ ငြိမ်းချမ်းရေး သဘောတူညီချက် ရရှိခဲ့ပါတယ်။ ဒါပေမယ့် နောက်တစ်နှစ်မှာပဲ MNLF က အဖွဲ့ဝင်တစ်ချို့ ခွဲထွက်ကာ MILF အဖွဲ့ကို တည်ထောင်ခဲ့ပါတယ်။

သမ္မတ ကိုရာဇွန် အကွီနိုလက်ထက် ၁၉၈၉ ခုနှစ်မှာ တောင်ပိုင်းဒေသကို ကိုယ်ပိုင်အုပ်ချုပ်ခွင့်ပေးမယ့် ဥပဒေ ARMM ကို ရေးဆွဲ ပြဌာန်းပေးခဲ့ပေမယ့် ဒါဟာ အမည်ခံသက်သက်သာဖြစ်တယ်လို့ယူဆကာ MILF နဲ့ အခြား မိုရိုလက်နက်ကိုင်အဖွဲ့တွေဟာ ဗဟိုအစိုးရက ဆက်လက် ပုန်ကန်ခဲ့ကြပါတယ်။

ဒီလက်နက်ကိုင်ပဋိပက္ခကို အဆုံးသတ်ရေးအတွက် ၂၀၁၄ ခုနှစ်မှာ အစိုးနဲ့ MILF အကြား အခြေခံ သဘောတူညီချက်တွေ ရရှိခဲ့ပြီး ၂၀၁၈ ခုနှစ် ဇူလိုင်လမှာတော့ Bangsamoro Organic Law ဆိုတဲ့ ဥပဒေတစ်ရပ် ပေါ်ထွက်လာခဲ့ပါတယ်။

ဒီဥပဒေသစ်ဟာ အရင်ကရှိခဲ့တဲ့ ARMM ထက် ပိုမိုအသေးစိတ်ပြီး မိုရိုလူမျိုးစုတွေရဲ့ အခွင့်ရေးကိုလည်း ပိုမိုအာမခံပေးထားတယ်လို့ ကျွမ်းကျင်သူတွေက သုံးသပ်ကြပါတယ်။

၂၀၁၇ ခုနှစ်အတွင်း မင်ဒါနာအိုက မာရာဝီမြို့ကို IS အကြမ်းဖက်အဖွဲ့က သိမ်းပိုက်မှုအတွင်း MILF အဖွဲ့ဟာ ဖိလစ်ပိုင် အစိုးရတပ်နဲ့ ပူးပေါင်းကာ အကြမ်းဖက်သမားတွေကို အောင်မြင်စွာ တိုက်ထုတ်နိုင်ခဲ့ပါတယ်။

Bangsamoro Organic Law အတွက် ဒီကနေ့ ပြည်သူ့ဆန္ဒခံယူပွဲမှာ မိုရိုလူမျိုး ၃ သန်းလောက် မဲပေးကြမှာဖြစ်ပြီး မင်ဒါနာအို ပြည်နယ်အတွင်း လုံခြုံရေးကိုလည်း ထူထပ်စွာ ချထားပါတယ်။

Ref: Aljazeera

ဒီဇင်ဘာ ၃၀၊ ၂၀၁၈
M-Media

– ဆယ်ကျော်သက်ဘ၀တုန်းက အိမ်မှာခိုင်းတဲ့ အိမ်အကူရဲ့ အောက်ပိုင်းကို သွားကိုင်ခဲ့တယ်လို့ ဖိလစ်ပိုင်သမ္မတ ရော်ဒရီဂို ဒူတာတေးရဲ့ ပြောကြားမှုကို ပြည်သူတွေနဲ့ အမျိုးသမီးအခွင့်အရေး တက်ကြွလှုပ်ရှားသူတွေက ဝေဖန်ရှုတ်ချလိုက်ပါတယ်။

ဒူတာတေးဟာ အမျိုးသမီးတွေကို အဓမ္မကျင့်ဖို၊ မယားငယ်ယူဖို့ အပါအ၀င် အမျိုးသမီးတွေအပေါ် နှိမ့်ချတဲ့စကားတွေ၊ ပြက်လုံးတွေကို မကြာခဏ ပြောကြားလေ့ ရှိသူပါ။

မနေ့ကပြုလုပ်တဲ့ အခမ်းအနားတစ်ခုမှာတော့ အထက်တန်းကျောင်းသားဘ၀က အိမ်အကူရဲ့အခန်းထဲကိုဝင်ကာ အောက်ပိုင်းသွားကိုင်ခဲ့မှုကို ထုတ်ဖော်ပြာဆိုခဲ့ပါတယ်။

“ကျွန်တော် စောင်ကိုမလိုက်ပြီး အတွင်းခံဘောင်းဘီထဲလက်နှိုက်ကာ ကိုင်ဖို့ကြိုးစားခဲ့ပါတယ်။ ကျွန်တော် ကိုင်နေတဲ့အချိန် သူနိုးလာတဲ့အတွက် အခန်းထဲက လစ်ထွက်လာခဲ့တယ်”

ဒီအဖြစ်အပျက်ကို သူတက်တဲ့ သက်သလစ် သာသနာပြုကျောင်းက ခရစ်ယာန်ဘုန်းကြီးကို သွားပြောပြခဲ့တယ်လို့လည်း ဒူတာတေးက ထည့်သွင်း ပြောဆိုခဲ့ပါတယ်။

အမျိုးသမီးအခွင့်အရေး ပါတီတစ်ခုဖြစ်တဲ့ Gabriela က ဒူတာတေးရဲ့ ဒီမှတ်ချက်ကို ရှုတ်ချခဲ့ပါတယ်။

“ငယ်ပါကိုထည့်လိုက်မှ အဓမ္မမှုမြောက်တာ မဟုတ်ပါဘူး။ လက်နဲ့ ဒါမှမဟုတ် အရာဝတ္ထုတစ်ခုခုနဲ့ ပြုလုပ်တာလည်း အဓမ္မမှုပါပဲ” လို့ ပါတီရဲ့ အထွေထွေအတွင်းရေးမှူး ဂျွမ်စ် ဆာလ်ဗေဒေါက ပြောကြားခဲ့ပါတယ်။

ခရစ်ယာန်ကက်သလစ်အသင်းတော်က ဘုန်းကြီးတွေဟာ ကလေးငယ်တွေအပေါ် လိင်ပိုင်းဆိုင်ရာ စော်ကားမှုတွေ ရှိတယ်ဆိုတဲ့ ကိစ္စအတွက်လည်း ဒူတာတေးက မနေ့မှာ ဝေဖန်ရှုတ်ချခဲ့ပြီး ကက်သလစ်အသင်းတော်ဟာ ကြောင်သူတော် အသင်းအဖွဲ့ကြီးဖြစ်ကြောင်း၊ ငယ်ငယ်တုန်းက သူနဲ့ သူ့အတန်းဖော်တွေဟာ အာပတ်ဖြေတဲ့အခါ ဘုန်းကြီးတွေရဲ့ လိင်စော်ကားမှုကို ခံခဲ့ရကြောင်း ထည့်သွင်းပြောဆိုခဲ့ပါတယ်။

Ref: CNA