သြဂုတ် ၃၁၊ ၂၀၁၈
M-Media
– အမျိုးသမီးတွေ အဓမ္မကျင့်ခံရမှု အဖြစ်အပျက်တွေကို လှောင်ပြောင်တဲ့ ဖိလစ်ပိုင်သမ္မတ ဒူတာတေးကို လူ့အခွင့်အရေးအဖွဲ့တွေက ဝေဖန်ရှုတ်ချလိုက်ပါတယ်။
နိုင်ငံတောင်ပိုင်း သူ့ရဲ့ဇာတိမြို့ဖြစ်တဲ့ ဒါဗာအိုမြို့မှာ မနေ့ကပြုလုပ်တဲ့ အခမ်းအနားတစ်ခုမှာ ဒူတာတေးက ဒါဗာအိုမှာ မုဒိမ်းမှုတွေ မြင့်တက်နေတာဟာ အမျိုးသမီးတွေ ချောလှတာကြောင့်ဖြစ်တယ်လို့ အရွှန်းဖောက်ပြောကြားခဲ့ပါတယ်။
“ဒါဗာအိုမှာ မုဒိမ်းမှုတွေ တော်တော်များများဖြစ်တယ်လို့ ပြောကြတယ်။ ချောချောလှလှ အမျိုးသမီးတွေ ရှိနေသမျှတော့ မုဒိမ်းမှုတွေလည်း ဖြစ်နေမှာပါ”
ဖိလစ်ပိုင် အမျိုးသမီးအခွင့်အရေးလှုပ်ရှားသူ အလိဇဘက် အန်စီယိုကိုက ဒူတာတေးရဲ့ ဒီမှတ်ချက်ဟာ မုဒိမ်းမှုတွေကျူးလွန်ဖို့ တွန်းအားပေးသလိုဖြစ်နေပြီး၊ နိုင်ငံအတွင်းက အမျိုးသမီးတွေရဲ့ အခြေအနေကို ခြိမ်းခြောက်နေတာဖြစ်တယ်လို့ ဝေဖန်ခဲ့ပါတယ်။
“မုဒိမ်းမှုကို ထမင်းစားရေသောက်ကိစ္စတစ်ခုဖြစ်အောင် လုပ်လိုက်တဲ့ ဒီမှတ်ချက်ကြောင့် ဒူတာတေးဟာ အမျိုးသမီးတွေကို တော်တော်လေး မုန်းတယ်ဆိုတာ ပေါ်လွင်နေပါတယ်။ ဒါဟာ လက်မခံနိုင်စရာ ကိစ္စပါ။ ဘယ်သူပြောပြော၊ အထူးသဖြင့် တိုင်းပြည်ရဲ့ အမြင့်ဆုံးအာဏာပိုင်ထံကနေ ထွက်လာတာမျိုးက ပိုပြီး လက်မခံနိုင်စရာပါ”
ဒူတာတေးရဲ့ ဒီမှတ်ချက်ဟာ ချောလှတဲ့မိန်းကလေးတွေ မုဒိမ်းကျင့်ခံရမယ်လို့ ဆိုလိုရာရောက်နေတာသာမက၊ သူတို့ကို မုဒိမ်းကျင့်လို့ရတယ်လို့ အမျိုးသားတွေဖက်က ထင်သွားနိုင်တယ်လို့လည်း အန်စီယိုကိုက ထည့်သွင်း ပြောဆိုခဲ့ပါတယ်။
“အမျိုးသမီးတွေရဲ့ အခွင့်အရေးကို အလေးထားဖို့၊ ဥပဒေမှာ ထည့်သွင်း အသိအမှတ်ပြုဖို့အတွက် ဖိလစ်ပိုင်က အမျိုးသမီးအရေး လှုပ်ရှားသူတွေဟာ ဆယ်စုနှစ်ပေါင်းများစွာ လုပ်ဆောင်လာခဲ့တာပါ။ ကျွန်မတို့ အောင်မြင်တစ်ချို့ ရခဲ့ပြီး အမျိုးသမီးတွေကို အသားပေးတဲ့ ဥပဒေတွေလည်း ပေါ်ထွက်လာခဲ့ပါတယ်။ ဒူတာတေးဟာ ကျွန်မတို့ရဲ့ ဒီအောင်မြင်မှုတွေ အားလုံးကို ဖျက်ဆီးနေပြီး အမှောင်ခေတ်ထဲ ပြန်ခေါ်သွားနေတာပါ”
ဒူတာတေးဟာ သမ္မတတာဝန် ထမ်းဆောင်ပြီးနောက်ပိုင်း အမျိုးသမီးတွေကို စော်ကားတဲ့ မှတ်ချက်တွေကို အကြိမ်ပေါင်းများစွာ ပြောဆိုခဲ့ပြီး ဝေဖန်မှုတွေကိုလည်း ခံခဲ့ရပါတယ်။
၂၀၁၇ ခုနှစ် ဇူလိုင်လမှာ ဒူတာတေးက မယ်စကြာဝဠာဘွဲ့ရသူကို အဓမ္မကျင့်နိုင်သူကို ဂုဏ်ပြုမယ်လို့ ပြောကြားခဲ့ပါတယ်။
အခုနှစ် အစောပိုင်းက စစ်သားတစ်ချို့ကို ပြောကြားတဲ့ မိန့်ခွန်းမှာလည်း ဒူတာတေးက စစ်သားတွေအနေနဲ့ အမျိုးသမီး ၃ ဦးအထိကို အဓမ္မကျင့်နိုင်ပြီး အရေးမယူဘူးလို့ ပြောကြားခဲ့ပါတယ်။
ဖိလစ်ပိုင် အမျိုးသမီးအခွင့်အရေးကွန်ယက် Gabriela က ဒီကနေ့မှာ ကြေငြာချက်တစ်စောင် ထုတ်ပြန်ခဲ့ပြီး အဓမ္မကျင့်မငဟာ ဖိလစ်ပိုင်ဥပဒေအရ အပြစ်ပေးနိုင်တဲ့ ရာဇ၀တ်မှုဖြစ်တယ်လို့ ပြောကြားခဲ့ပါတယ်။
“အမျိုးသမီးတွေရဲ့ အလှဟာ အဓမ္မကျင့်မှုအတွက် အဓိကအကြောင်းအရင်း ဖြစ်တယ်ဆိုတဲ့ အင်မတန်အန္တရာယ်ရှိတဲ့စကားကို သမ္မတဒူတာတေးက ထပ်ပြောခဲ့ပါတယ်။ သူဟာ ဒါဗာအိုရဲ့ ဂုဏ်သိက္ခာကို ထိခိုက်စေပြီး၊ သူ့ရဲ့ဇာတိမြို့ ဒါဗာအိုက အမျိုးသမီးတွေဟာ နိုင်ငံအတွင်း မုဒိမ်းမှုအဖြစ်အများဆုံးဒဏ်ကို ခံစားနေရတယ်ဆိုတဲ့ အရေးပါတဲ့အချက်ကို ပျောက်ကွယ်သွားစေပါတယ်”
Ref: Aljazeera
