News @ M-Media

Tag: politic

  • “အစိုးရဖွဲ့ရုံနဲ့ အုပ်ချုပ်ရေးအာဏာကို အပြည့်အဝရမလား”

    “အစိုးရဖွဲ့ရုံနဲ့ အုပ်ချုပ်ရေးအာဏာကို အပြည့်အဝရမလား”

    ဖြိုးသီဟချို / Myanmar Now

    KMMM
    အင်္ဂါနေ့က ရန်ကုန်တွင် တွေ့ရသော ဒေါ်ခင်မမမျိုး (ဓာတ်ပုံ – ဖြိုးသီဟချို/Myanmar Now)

    မြန်မာ့အရေးစောင့်ကြည့်အကဲခတ်သူ တစ်ဦးဖြစ်သည့် ဒေါ်ခင်မမမျိုးသည် လန်ဒန်တွင် ပညာသင်ယူခဲ့ပြီး ရန်ကုန်မြို့တွင် သူတည်ထောင်ထားသော မြန်မာ့နိုင်ငံရေးနှင့် မူဝါဒရေးရာ လေ့လာရေးဆိုင်ရာသိပ္ပံကို အာရှ၏ ထိပ်တန်းကျောင်းများတွင် ပါဝင်လာရေးအထိ ရည်ရွယ်ထားသူဖြစ်သည်။

    မြန်မာပြည်အနှံ့မှာ ငြိမ်းချမ်းရေးနှင့်နိုင်ငံရေး သင်တန်းများပေးခဲ့သော ဒေါ်ခင်မမမျိုးသည် လတ်တလောတွင် ရွေးကောက်ပွဲလေ့လာစောင့်ကြည့်ခြင်း၊ မဲဆွယ်ခြင်း၊ အမျိုးသမီးများ ရွေးကောက်ပွဲနှင့် နိုင်ငံရေးပါတီတွင် ပါဝင်မှုဆိုင်ရာ ဆွေးနွေးပွဲများကို ဦးဆောင်ပြုလုပ်လျက်ရှိသည်။

    သတင်းထောက် ဖြိုးသီဟချိုနှင့်  မကြာသေးခင်က တွေ့ဆုံစဉ် ဒေါ်ခင်မမမျိုးက အခြေခံဥပဒေပြင်ဆင်ရေး၊ အစိုးရအဖွဲ့ ဖွဲ့စည်းခြင်း၊ နိုင်ငံရေးတွင် လူထုပါဝင်မှု၊ တပ်မတော်က ဝန်ကြီးဌာန ၃ ခုကို အမြဲတမ်း ချုပ်ကိုင်ထားခြင်း စသည့် အကြောင်းအရာများကို ပြောပြခဲ့သည်။

    မေး – ကြားဖြတ်ရွေးကောက်ပွဲ မတိုင်ခင် ကျယ်ကျယ်လောင်လောင်ကြားခဲ့ရတဲ့ ၂၀၀၈ ဖွဲ့စည်းပုံ အခြေခံဥပဒေပြင်ဆင်ရေး ဆိုတာကို အခုတလော မဲဆွယ်ပွဲတွေမှာ သိပ်မကြားရတော့တာ ဘာကြောင့်လို့ ထင်ပါသလဲ။

    ဖြေ – အခြေခံဥပဒေပြင်ဆင်ရေးတို့၊ ငြိမ်းချမ်းရေးတို့ ဆိုတာက ရေရှည်သွားရမယ့်ဖြစ်စဉ်ပေါ့။ ပါတီများရဲ့ မဲဆွယ်စည်းရုံးမှုတွေ ဟာ နိုင်ငံရေး၊ စီးပွားရေး၊ လူမှုရေးတို့နဲ့ ပတ်သက်တဲ့ Structure ကြီးတွေပေါ်မှာ အခြေတည်တာထက် “လိုအပ်ချက်”ပေါ် အခြေတည်ပြီးတော့ မဲဆွယ်စည်းရုံးကြတယ်လို့ မြင်ပါတယ်။ အဲဒီတော့   ဆင်းရဲနွမ်းပါးမှု၊ ပညာရေး၊ ကျန်းမာရေး အစရှိတဲ့ လူထုရဲ့ လတ်တလောအဖြစ်အပျက်တွေ၊ လိုအပ်ချက်တွေပေါ်မှာ ပိုပြီးတော့ အာရုံစိုက်လာတယ်လို့ မြင်ပါတယ်။

    မေး – လူထုရဲ့ အခြေခံလိုအပ်ချက်တွေဖြစ်တဲ့ စားဝတ်နေရေးကို အာရုံစိုက်လာပြီး လူထုရဲ့ နိုင်ငံရေး မျှော်လင့်ချက်ဖြစ်တဲ့ ဒီမိုကရေစီရေးကို ပါတီတွေက မဖြည့်ဆည်းပေးနိုင်တော့ဘူးလို့ ဆိုလိုချင်တာလား။

    ဖြေ – တချို့ပါတီတွေက စားဝတ်နေရေး၊ ဖွံ့ဖြိုးတိုးတက်ရေးအပိုင်းကို နံပတ်တစ်ပြောပြီးတော့မှ နိုင်ငံရေးအယူအဆကို နောက်မှပြောမယ်ဆိုတဲ့ အတွေးအခေါ် အယူအဆက ပိုပြီးတော့ လွှမ်းမိုးလာတယ်လို့ ထင်ပါတယ်။ လူထုရဲ့ နိုင်ငံရေးရည်မှန်းချက်အပိုင်းကို ဂရုမစိုက်တာတော့ မဟုတ်ဘူးပေါ့။

    မေး – မကြာသေးခင်က ရွေးကောက်ပွဲကော်မရှင်က ပြောတယ် မဲစာရင်းကြည့်သူ ၃၀ရာခိုင်နှုံးပဲရှိတယ် တဲ့။ လူထုရဲ့ နိုင်ငံရေး အပေါ်စိတ်ဝင်စားမှု အခြေအနေကို ဘယ်လိုထင်ပါသလဲ။

    ဖြေ – ကျွန်မတို့ပြည်သူလူထုက နိုင်ငံရေးဖြစ်စဉ်တွေမှာ ပါဝင်ပတ်သက်မှုတွေရှိခဲ့ကြပါတယ်။ လက်ရှိအခြေအနေအရတော့ တချို့ကလည်း စိတ်ဓာတ်ကျပြီး မျှော်လင့်ချက် ပျောက်ဆုံးနေတယ်။ လူထုက ရှေ့ထွက်လိုက်၊ ဦးဆောင်လိုက်၊ နိုင်ငံရေးနဲ့ ပတ်သက်တဲ့အင်အားစုတွေ ပေါ်လာလိုက်၊ ပြီးတော့ အဲဒီနိုင်ငံရေးနဲ့ ပတ်သက်တဲ့ အင်အားစုတွေကို စစ်အာဏာရှင်တွေ က ပြန်ပြီးတော့ ချေမှုန်းလိုက်ပေါ့။ အဲဒီအပေါ်မှာ လူထုက ပြန်ပြီးတော့လိုက်ကြည့်နေရတဲ့အနေအထားပေါ့၊ ဥပမာ ၁၉၈၈မှာ တတိုင်းပြည်လုံး တက်တက်ကြွကြွနဲ့ ပါကြတယ်၊ မဲပေးတဲ့အခါကျတော့လည်း တက်တက်ကြွကြွနဲ့ မဲပေးကြတယ်၊ အနိုင်ရတဲ့ ပါတီကလည်း အစိုးရမဖြစ်ပြန်ဘူး၊ စစ်အာဏာရှင်တွေက အာဏာမလွှဲခဲ့ဘူး။ လူထုက အရင်လှုပ်ရှားတယ်။ ပြီးရင်နိုင်ငံရေးဦးဆောင်သူတွေ ပေါ်လာတယ်၊ လူထုထဲကပဲ ထွက်လာတယ်၊ အဲဒီနိုင်ငံရေးသမားတွေကို အစိုးရကချေမှုန်းတယ်။ လူထုက အဲဒီနိုင်ငံရေးသမားတွေ ပြန်ပြီးတော့လွတ်မြောက်ရေးအတွက် လုပ်ကြရတယ်၊ ထွက်လာပြီဆိုရင် အရမ်းပျော်ကြတယ်၊ (ထောင်ထဲ) ပြန်ဝင်သွားကြရပြီဆိုရင် အရမ်း စိုးရိမ်ကြတယ်။ ထွက်လာပြီးတဲ့အခါမှာလည်း ဒီအာဏာရှင် စနစ်ကြီးကို ပျောက်ဆုံးသွားအောင် လုပ်နိုင်လား ဆိုတော့လည်း မလုပ်နိုင်ဘူးပေါ့လေ။ အာဏာရှင်တွေရဲ့ အမြစ်တွယ်မှုကလည်း အရမ်းကိုများနေပြီးတော့ နိုင်ငံရေးသမားတွေအချင်းချင်း မညီညွတ်တာတွေ၊ တစ်ယောက်တစ်သံထွက်ကြတာတွေ၊ နိုင်ငံရေး လမ်းစဉ်တွေကို တစ်နေ့တစ်မျိုးပြောကြတာတွေလည်း ပါတာပေါ့လေ။ အဲဒီလို လည်နေတဲ့အပိုင်းတွေမှာ ပန်းတိုင်ပျောက်နေကြတယ်။ လူထုကို နိုင်ငံရေးလမ်းစဉ်တစ်ခုတွဲခေါ်ပြီးတော့ ချပြမသွားနိုင်ဘူး။ ဒီတော့ လူထုက မျှော်လင့်ချက်နည်းလာတဲ့ အခြေအနေမျိုးဖြစ်လာတယ်လို့ ထင်ပါတယ်။ ဒါကို ကျွန်မတို့နိုင်ငံရေးသမားတွေက ပြန်ပြီးတော့ ဒီတိုင်းပြည်ရဲ့ အပြောင်းအလဲကို ငါတို့လုပ်နိုင်တယ်ဆိုတဲ့ လူထုရဲ့ ယုံကြည်မှုပေါ့။ ငါတို့ပဲလုပ်ရမှာတော့ မဟုတ်ဘူးပေါ့။ အားလုံးအတူတကွ တွဲလုပ်ရမယ်ဆိုတဲ့သဘောမျိုးပေါ့။ အဲဒီလမ်းစဉ်ကိုချပြနိုင်မယ်ဆိုရင်လူထုရဲ့ နိုင်ငံရေးစိတ်ဝင်စားမှုက ပြန်ပြီးတော့မြင့်တက်လာမယ်လို့ ထင်ပါတယ်။ နိုင်ငံရေးသမားတော်တော်များများက အတိတ်တုန်းကဖြစ်စဉ်တွေကို ပြောကြတယ်။ ဒီဖြစ်စဉ်တွေက လူထုကလည်း သိပြီးသားပါ၊ ပါဝင်ပတ်သက်ပြီးသား။ နိုင်ငံရေးသမားထက် လူထုကပိုပြီးတော့တောင် ထိခိုက်ခံစားခဲ့ရသေးတယ်။ ဥပမာ နိုင်ငံရေးသမားက ငြိမ်းချမ်းရေးကိစ္စကို ပြောနေတဲ့အချိန်မှာ လူထုက သေနတ်သံအောက်မှာ ဖြတ်သန်းနေရတာ။ ငြိမ်းချမ်းရေးလိုအပ်ပါတယ်လို့ လူထုကိုပြောရုံနဲ့ မပြီးဘူး။ ဘယ်နိုင်ငံမှာတော့ ဘာတွေဖြစ်နေပြီ၊ ဘယ်လိုဖြစ်သင့်တယ်၊ အဲဒီဘာဖြစ်သင့်တယ်ဆိုတဲ့နေရာကို ခုရောက်နေတဲ့နေရာကနေ ဘယ်လိုသွားမှာလဲ ဆိုတဲ့ လမ်းစဉ်ကို နိုင်ငံရေးသမားတော်တော်များများက ချပြဖို့အတွက် အားနည်းတာကို တွေ့ရပါတယ်။

    မေး – အတိုက်အခံက ရွေးကောက်ပွဲကို အပြတ်အသတ် အနိုင်ပြီးတော့ အစိုးရ ဖွဲ့နိုင်ခဲ့ရင် အခြေခံဥပဒေပြင်ဆင်ရေးအပေါ် သက်ရောက်မှုရှိနိုင်မလား။

    ဖြေ – အစိုးရဖွဲ့နိုင်ခြင်းနဲ့ အခြေခံဥပဒေပြင်ဆင်နိုင်ခြင်းက ကျွန်မအမြင်မှာတော့ ဆက်စပ်မှုမရှိဘူးရှင့်။ အစိုးရဖွဲ့ရုံနဲ့ အုပ်ချုပ်ရေးအာဏာကို အပြည့်အဝရမလားဆိုတာ မေးစရာရှိပါတယ်။ ဘာကြောင့်လဲဆိုတော့ အစိုးရတစ်ခုဖွဲ့ပြီိဆိုရင် ဝန်ကြီးဌာနသုံးမျိုးသုံးစားကို ဖွဲ့စည်းရပါတယ်။ အာဏာရှိတဲ့ဝန်ကြီးဌာနတွေ၊ ဘဏ္ဍာငွေကြေးနဲ့ ဆိုင်တဲ့ ဝန်ကြီးဌာနတွေ၊ ဝန်ဆောင်မှုဝန်ကြီးဌာနတွေပါ။ အဲဒီလိုသုံးမျိုးသုံးစားရှိတဲ့အထဲမှာ (၂ဝဝ၈ အခြေခံဥပဒေအရ) အစိုးရအဖွဲ့တစ်ခုအနေနဲ့ ရရှိနိုင်တဲ့ အာဏာသည် ဝန်ဆောင်မှုဝန်ကြီးဌာနတွေပဲ ဖြစ်ပါတယ်။ အာဏာရှိတဲ့ဝန်ကြီးဌာနတွေသည် အဲဒီအစိုးရအဖွဲ့ရဲ့ စီမံခန့်ခွဲမှုဘောင်ထဲမှာ လုံးလုံး မရှိပါဘူး။

    မေး – အာဏာရှိတဲ့ဝန်ကြီးဌာနတွေအကြောင်း ရှင်းပြပေးပါဦး။

    ဖြေ – ကာကွယ်ရေး၊ နယ်စပ်ရေးရာနဲ့ ပြည်ထဲရေးတို့ဖြစ်ကြပါတယ်။ တိုင်းပြည်တစ်ခုရဲ့ အရေးအကြီးဆုံး အဓိကဝန်ကြီးဌာနတွေပေ့ါ။ ဒါတွေကို လုံးဝ စီမံခန့်ခွဲပိုင်ခွင့် အစိုးရအဖွဲ့ကိုမပေးထားဘူး။ တိုင်းပြည်တစ်ခုလုံးရဲ့ အုပ်ချုပ်ရေးကလည်း ပြန်ပြီးတော့ကြည့်မယ်ဆိုရင် အထွေထွေအုပ်ချုပ်ရေး ဦးစီးဌာနက ပြည်ထဲရေးဝန်ကြီးဌာနအောက်မှာ ရှိပါတယ်။ ဒါသည်လည်း အစိုးရအဖွဲ့ရဲ့ စီမံခန့်ခွဲမှုထဲမှာ မပါသေးဘူး။ နောက်တစ်ခုက အစိုးရတစ်ရပ်ဖွဲ့နိုင်ခြင်းသည် လွှတ်တော်မှာ ၇၅ ရာခိုင်နှုန်း (အုပ်)စီးနိုင်မလား။   မဖြစ်နိုင်ဘူး။ စီးနိုင်ခဲ့ရင်တောင်မှ ဖွဲ့စည်းပုံအခြေခံဥပဒေပြင်ဆင်ဖို့ကို ကျန်တဲ့ ၂၅ ရာခိုင်နှုန်းက တစ်စုံတရာ မဲမပေးဘဲနဲ့ ပြင်ဆင်ဖို့ ဘယ်လိုမှ မဖြစ်နိုင်ပါဘူး။

    မေး – အခြေခံဥပဒေကို လွှတ်တော်လမ်းကြောင်းကနေ ပြင်နိုင်မလား။

    ဖြေ – အခြေခံဥပဒေကို လွှတ်တော်တွင်းနိုင်ငံရေးနဲ့ပဲ ပြင်ဖို့ကြိုးစားတယ် ဆိုတဲ့ လမ်းကြောင်းက မှားတာ မဟုတ်ရင်တောင်မှ တော်တေ်ာလေးကို သံသရာရှည်မှာပါ။ ဘာကြောင့်လဲဆိုတော့ လွှတ်တော်တွင်းနိုင်ငံရေးထဲမှာ ၇၅ ရာခိုင်နှုန်းအထက်က လက်ခံအောင် လုပ်ပေးရဦးမယ်၊ ပြီးတော့ လူထုဆန္ဒခံယူပွဲမှာ မဲပေးသူရဲ့ ဘယ်လောက်ရာခိုင်နှုန်းက ထောက်ခံရမယ်ဆိုပြီး ဒုတိယအဆင့် ဖြတ်သန်းရဦးမယ်။ လွှတ်တော်က အရင်ရအောင်ပြင်မယ်၊ စမယ်၊ ပြီးရင် လူထုရဲ့ အားကို ယူရပါဦးမယ်။    ။

  • မွတ်စလင်တွေဟာ သူတို့ကို ခွဲခြားဆက်ဆံတဲ့သူကိုတော့ မဲပေးမှာ မဟုတ်ဘူး- ဦးကိုနီ (အမေးရှင်းရှင်း အဖြေဘွင်းဘွင်း) အပိုင်း(၁)

    မွတ်စလင်တွေဟာ သူတို့ကို ခွဲခြားဆက်ဆံတဲ့သူကိုတော့ မဲပေးမှာ မဟုတ်ဘူး- ဦးကိုနီ (အမေးရှင်းရှင်း အဖြေဘွင်းဘွင်း) အပိုင်း(၁)

    ပြည်သူခေတ် ဂျာနယ်မှ ကူးယူဖော်ပြသည်။

    ဦးကိုနီ Vs စည်သူအောင်မြင့် (အမေးရှင်းရှင်း အဖြေဘွင်းဘွင်း) အပိုင်း(၁)

    U Ko Ni
    .
    ပြည်သူ့ခေတ် – ပြည်ခိုင်ဖြိုးဘက်မှာ မွတ်ဆလင်အမတ်တွေ ထည့်ထားတာရှိလား။ NLD ဘက်မှာရော ဘယ်နှစ်ယောက်ပါလဲ။ အဲဒီလိုမျိုး အနေအထားအောက်မှာ ရွေးကောက်ပွဲနဲ့ ပတ်သက်ပြီး မွတ်ဆလင် အသိုင်းအ၀ိုင်းရဲ့ မျှော်လင့်ချက်ကရော ဘယ်လိုဖြစ်လာမလဲ။ အမတ်ထဲမှာ သူတို့တွေသာ မပါဘူးဆိုရင် လွှတ်တော်ထဲမှာ ဒီနည်းစု အခွင့်အရေး သွားပြောမယ့်သူရှိပါတော့မလား။
    .
    ဦးကိုနီ – စာရင်းအရရော ကျွန်တော်ကြားသိရတဲ့ သတင်းအရရော ပြည်ခိုင်ဖြိုးမှာ အစ္စလာမ်ဘာသာဝင် လွှတ်တော် ကိုယ်စားလှယ်လောင်း မပါဘူး။ အလားတူ NLD စာရင်းထဲမှာလည်း ကျွန်တော်သိသလောက် အစ္စလာမ်ဘာသာဝင် လွှတ်တော် အမတ်လောင်း မပါဘူး။ အောက်ခြေမှာ စာရင်းတင်တုန်းက ပါတယ်။ ဒီမိုကရေစီရေးကို တော်တော်လေး ပြင်းပြင်းထန်ထန်လုပ်နေတဲ့  အစ္စလာမ်ဘာသာဝင် ၁၀ယောက် ၀န်းကျင်လောက် တင်တဲ့ထဲမှာပါတယ်။ သို့သော် တကယ်ရွေးတဲ့ အခါမှာတော့ အစ္စလာမ်ဘာသာဝင်မပါဘူးလို့ ကျွန်တော်သိရတယ်။
    .
    အမတ်လောင်းစာရင်းတွေထဲမှာ အစ္စလာမ်ဘာသာဝင် အမတ်တွေ  မပါတဲ့အတွက်  လူတွေ အမြင်က ပြည်ခိုင်ဖြိုးကိုတော့ ရှင်းတယ်။ အစ္စလာမ်ဘာသာဝင် အများစု ပြည်ခိုင်ဖြိုးကို မဲပေးမှာ မဟုတ်ဘူးလို့ ကျွန်တော်ထင်တယ်။ စီးပွားရေးအရ ပတ်သက်နေတဲ့ ကိုယ်ကျိုးအတွက် ပတ်သက်နေတဲ့ နည်းနည်းပါးပါးကလွဲရင် အများစုကတော့ မပေးဘူးလို့ ခန့်မှန်းတယ်။ အများဆုံးခွဲခြား ဆက်ဆံခံခဲ့ရတဲ့ မွတ်ဆလင်တွေဟာ သူတို့ကို ခွဲခြားဆက်ဆံတဲ့သူကိုတော့ မဲပေးမှာ မဟုတ်ဘူးလို့ မြင်တယ်။
    .
    အများစုကတော့ NLD ကိုပဲ မဲပေးမှာပါ။ အစ္စလာမ်ဘာသာဝင် တော်တော်များများဟာNLD အဖွဲ့ဝင်အဖြစ်နဲ့ ရှိတယ်။ ကျွန်တော်ကိုယ်တိုင်လည်း NLD အဖွဲ့ဝင်ဖြစ်ပြီး အောင်နိုင်ရေး အတွက် ကြိုးပမ်းအားထုတ်နေတဲ့သူ ဖြစ်တယ်။ ဒါပေမယ့် တစ်ခုဖြစ်သွားတာက ပထမပိုင်းမှာ ကျွန်တော်တို့က အစ္စလာမ်ဘာသာဝင် သုံးလေးယောက်လောက်တော့ အမတ်လောင်းအဖြစ် ပါမှာပဲလို့ ထင်ခဲ့တယ်။ အစ္စလာမ်ဘာသာဝင် သိပ်များတဲ့ မဲဆန္ဒနယ်မြေတွေမှာ တစ်ဖက်က ပြည်ခိုင်ဖြိုး အမတ်တွေကို ယှဉ်နိုင်ဖို့ဆိုရင် အစ္စလာမ်ဘာသာ ကိုးကွယ်တဲ့ အမတ်လောင်းကိုထည့်ရင် တော်တော် သေချာတယ်။ NLD ဆိုတဲ့ အရိပ်အာဝါသရယ်၊ အစ္စလာမ်ဘာသာဆိုတဲ့ ဘာသာရေး အကြောင်းခံရယ် ဒီနှစ်ခုကြောင့် NLD က လွယ်လွယ်လေးကို အနိုင်ရနိုင်တယ်လို့ ကျွန်တော်တို့က မျှော်လင့်တယ်။
    .
    လက်တွေ့မှာ မပါလာတဲ့ အခါကျတော့ တော်တော်များများက NLD ဟာ အစ္စလာမ်ဘာသာဝင်တွေ အပေါ်မှာ ဂရုမစိုက်ဘူး။ အလေးမထားဘူးလို့ မြင်သွားတယ်။ ကျွန်တော်က NLD ထဲမှာရှိနေတော့ တော်တော်များများက ကျွန်တော့်ကိုပဲ မေးကြတယ်။ အမတ်လောင်းထဲမှာ မပါတာကတော့ တစ်ကိစ္စ။
    .
    ကျွန်တော်တို့ အစ္စလာမ်ဘာသာဝင်တွေဟာ နှစ်ပေါင်းများစွာ ခွဲခြားဆက်ဆံ ခံခဲ့ရတာပဲ။ လောလောဆယ် အမတ်လောင်းထဲမှာ မပါဘဲလဲ ကျွန်တော့်တို့အတွက် ရွေးစရာမရှိဘူး။ NLD ကို ထောက်ခံပေးမှသာ အပြောင်းအလဲကို မျှော်လင့်နိုင်မယ်။ ကျွန်တော်ကတော့ ကျွန်တော့်မူအတိုင်းပဲ ပြောတယ်။ ဒါပေမယ့် ပြဿနာက အစ္စလာမ်ဘာသာဝင် အချို့ဟာ တစ်သီးပုဂ္ဂလ အမတ်လောင်းအနေနဲ့ တချို့နေရာတွေမှာ ၀င်ပြိုင်မယ်လို့ ကြားလာရတယ်။ အဲဒါကို နားလည်ပေးပါလို့ ပြောတယ်။
    .
    သူတို့ဝင်ရတဲ့အကြောင်းက မွတ်ဆလင် အမတ်လောင်းမ၀င်ရင် မွတ်ဆလင် အမတ်မရှိ တော့ဘူးလို့ ပြောကြတယ်။ မရရင် တစ်ဖက်က တက်သွားမယ်။ အဲ့ဒီအကြောင်းကြောင့် NLD ကို တိုက်တဲ့အနေနဲ့ ၀င်တာ မဟုတ်ဘူး။ နိုင်ရင် NLD ကို ထောက်ခံမှာပဲ။ ကျွန်တော်ကလည်း မင်းတို့ မ၀င်နဲ့ကွာလို့ ပြောပိုင်ခွင့်မရှိဘူး။ သူတို့ တစ်သီးပုဂ္ဂလ၀င်တာ သူတို့အပိုင်း။
    .
    လက်ရှိမှာ အစ္စလာမ်ဘာသာဝင်တွေ တည်ထောင်ထားတဲ့ပါတီ သုံးခုလောက်ရှိတယ်လို့ ကျွန်တော်သိရတယ်။ နိုင်ငံရေးပါတီ မှတ်ပုံတင် ဥပဒေအရဆိုရင် ပါတီတစ်ခုဟာ အနည်းဆုံး သုံးယောက် အမတ်လောင်းအဖြစ် ၀င်ပြိုင်ရမယ်။ မပြိုင်ဘူးဆိုရင် ပါတီဖျက်သိမ်းခံရမယ်လို့  ၀န်ခံလက်မှတ် ထိုးထားပြီးသား။ ပါတီသုံးခုကလည်း အနည်းဆုံးကိုးယောက်တော့တင်ရမယ်။ အဲဒါ NLD ကို တိုက်ဖို့မဟုတ်ဘူး။ ပါတီ ရပ်တည်ဖို့။ သူတို့ကလည်း နိုင်ရင် NLD ကိုပဲ ထောက်ခံ သွားမယ်လို့ တစ်ဆင့်စကားနဲ့ ကျွန်တော် ကြားသိရတယ်။ ကျွန်တော်က နားထောင်မှတ်သားထားရုံပဲ ရှိပါတယ်။ ပြောပိုင်ခွင့်တော့ မရှိပါဘူး။
    .
    ပြည်သူ့ခေတ် – အဲဒီအနေအထားဆိုရင် မဲတွေ ပျံ့သွားတာမျိုး ဖြစ်နိုင်သလား။
    .
    ဦးကိုနီ – ဖြစ်နိုင်တယ်။ အစ္စလာမ်ဘာသာဝင်တွေ များတဲ့နေရာမှာ တော်တော်များများ အစ္စလာမ်ဘာသာဝင်တွေက ဘာသာရေးကို အကြောင်းခံပြီးတော့ အစ္စလာမ်ဘာသာ ကိုးကွယ်တဲ့ အမတ်လောင်းကို မဲပေးနိုင်တယ်။ အဲဒီလို NLD ကို မဲပေးမယ့် အုပ်စုရယ်၊ အစ္စလာမ်ဘာသာဝင် အမတ်ကို မဲပေးမယ့် သူတွေရယ်၊ ပြည်ခိုင်ဖြိုးကတော့ ပုံသေမဲနဲ့ လာမယ်။ သူက လူထုထောက်ခံမှု သိပ်ယူလို့မရဘူး။  အပိုင်တွက်ထားတဲ့ မဲနဲ့သွားမယ်။ ဒါဟာ ပြည်ခိုင်ဖြိုးအတွက် အခွင့်အလမ်း ဖြစ်သွားစေနိုင်တယ်။ မဲက ပျံ့မျာကိုး။ ပျံ့တဲ့အခါကျတော့ တကယ်လို့များ တစ်သီးပုဂ္ဂလ အမတ်လောင်း ၀င်မလာဘူးဆိုရင် NLD ပဲရမှာကိုး။ NLD အတွက် နစ်နာကောင်း နစ်နာနိုင်တယ်။ ဒါတော့ အစောကြီးကတည်းက စဉ်းစားရမယ့်ကိစ္စ။
    .
    မွတ်ဆလင် အများစုနေတဲ့ နေရာတွေကို သိထားရမယ်။ ဥပမာ – တိုင်းဒေသကြီးလွှတ်တော်၊ မင်္ဂလာတောင်ညွန့် – ၁ က မွတ်ဆလင် တော်တော်များများတယ်။ တာမွေအုပ်စုတို့ဆို တော်တော်များ တယ်။ ပန်းဘဲတန်းက ၁ ရော၊ ၂ ရော အစ္စလာမ်များတယ်။ ကျွန်တော် ထင်တယ် အဲဒီလို မွတ်ဆလင်များတဲ့ နေရာမှာ တစ်ယောက်စ နှစ်ယောက်စတော့ တက်လာနိုင်တယ်။ များများတော့ တက်မလာနိုင်ဘူး။ ပြည်သူ့လွှတ်တော်နဲ့ တိုင်းဒေသကြီးလွှတ်တော် အမတ်အဆင့်လောက်တော့ တက်လာနိုင်တယ်။
    အမျိုးသားလွှတ်တော်က သိပ်ကျယ်တယ်။ ဒီလိုနေရာမျိုးမှာ အစ္စလာမ်ဘာသာဝင်တွေ တက်မလာနိုင်ဘူး။ ရန်ကုန်တိုင်းအတွက်ဆို ပန်းဘဲတန်း လိုနေရာ ဖြစ်နိုင်တယ်။ တောင်ညွန့်ဖြစ်နိုင်တယ်။ သူတို့ကို ကျွန်တော်နိုင်စေချင်တယ်။ အစ္စလာမ်ဘာသာဝင်မို့ ပြောတာမဟုတ်ဘူး။
    .
    ပြည်သူ့ခေတ် – အခုဆို ရွေးကောက်ပွဲ အလွန်ကို အကြမ်းဖျင်း ခန့်မှန်းလို့ရနေပြီ။ လာမယ့်လွှတ်တော်မှာ  ခုနတုန်းကလို မွတ်ဆလင် လူနည်းစုတွေရဲ့အသံ သို့မဟုတ် သူတို့ အခွင့်အရေးကို ကာကွယ်ပေးနိုင်မယ့် အနေအထားက လက်ရှိအနေအထားထက် ပိုဖြစ်လာနိုင်စရာရှိလား။ ဘာမှ မထူးခြားဘဲ ဒီအတိုင်းပဲ ဖြစ်မှာလား။ ပိုဆိုးသွားနိုင်သေးသလား။
    .
    ဦးကိုနီ – ထူးခြားမယ်။ လက်ရှိ အနေအထားထက် အများကြီးကောင်းလာမယ်။ ဘာဖြစ်လို့တုန်းဆိုတော့ NLD က ၄၀ ရာခိုင်နှုန်းအောက် မရောက်နိုင်ဘူး။ တိုင်းရင်းသားတွေနဲ့ မဟာမိတ်ဖွဲ့နိုင်ရင် NLD လွှတ်တော်ကို စိုးမိုးနိုင်တဲ့ အနေအထားရှိတယ်။ NLD က လွှတ်တော်ကို စိုးမိုးနိုင်တယ်ဆိုရင် NLD ရဲ့မူက ရှင်းတယ်။ ဘာသာရေး လွတ်လပ်ခွင့်ကို အသိအမှတ်ပြုတယ်။ ဘာသာရေးအရ ပါတီရဲ့မူဝါဒထဲမှာ ခွဲခြားမှုမရှိဘူး။ သို့သော် တစ်ဦးချင်းအနေနဲ့ ရှိကောင်းရှိမယ်။
    .
    NLD နဲ့ မဟာမိတ်ပြုလာမယ့် တိုင်းရင်းသားတွေမှာလည်း ဘာသာရေးခွဲခြားမှု မရှိဘူး။ ဘာလို့လဲဆိုတော့ သူတို့ကိုယ်တိုင်က လူနည်းစု အနေနဲ့ ခံစားနေရတာတွေရှိတယ်။ လူနည်းစုအချင်းချင်း ခံရတဲ့သူအချင်းချင်း စာနာထောက်ထားမှု ရနိုင်တယ်။ ဒါကြောင့်မို့လို့ NLD နဲ့ တိုင်းရင်းသားတွေ လွှတ်တော်မှာ အသာစီးရနိုင်မယ်ဆိုရင်တော့ မွတ်ဆလင် လူနည်းစုတွေအတွက် ခုအခြေအနေထက် ပိုပြီးကောင်းလာလိမ့်လို့ ကျွန်တော်က သုံးသပ်ပါတယ်။
    .
    ပြည်သူ့ခေတ် – ကျေးဇူးတင်ပါတယ်ဆရာ။

    ဆက်လက်ဖော်ပြပါမည်။

  • ဦးရွှေမန်း၏ ပူးပေါင်းလိုသည့် စိတ်ဓာတ်ကို ဒေါ်စု ချီးကျူး

    ဦးရွှေမန်း၏ ပူးပေါင်းလိုသည့် စိတ်ဓာတ်ကို ဒေါ်စု ချီးကျူး

    မေ ၇၊ ၂၀၁၅
    M-Media

    aung-san-suu-kyi-1

    – နိုင်ငံရေးပြိုင်ဘက်ဖြစ်သော ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီဥက္ကဌ သူရဦးရွှေမန်း၏ ပူးပေါင်းဆောင်ရွက်လိုသည့် စိတ်ဓာတ်အား ချီးကျူးသည်ဟု အမျိုးသားဒီမိုကရေစီအဖွဲ့ချုပ်ဥက္ကဌ ဒေါ်အောင်ဆန်းစုကြည်က ယနေ့တွင် ပြောကြားလိုက်သည်။

    ဦးရွှေမန်းမှာ ပြီးခဲ့သည့်တစ်ပတ်က သွားရောက်ခဲ့သည့် အမေရိကန်ခရီးစဉ်တွင် အတိုက်အခံခေါင်းဆောင် ဒေါ်အောင်ဆန်းစုကြည်အပါအ၀င် မည်သူနှင့်မဆို တိုင်းပြည်အကျိုးအတွက် ပူးပေါင်းဆောင်ရွက်ရန် အသင့်ရှိနေသည်ဟု ပြောကြားခဲ့သည်။

    လာမည့် နိုဝင်ဘာရွေးကောက်ပွဲတွင် အမျိုးသားဒီမိုကရေစီအဖွဲ့ချုပ်ကို ဦးဆောင်ကာ ၀င်ရောက်ယှဉ်ပြိုင်မည့် ဒေါ်အောင်ဆန်းစုကြည်မှာ ဖွဲစည်းပုံ အခြေခံဥပဒေအရ သမ္မတအဖြစ် တာဝန်ထမ်းဆောင်ခွင့် မရှိပေ။

    ရွေးကောက်ပွဲအပြီး လွှတ်တော်မှ ရွေးချယ်မည့် သမ္မတနေရာအတွက် လက်ရှိအချိန်တွင် အတိုက်အခံဘက်မှ မည်သူမှ ပေါ်ထွက်လာခြင်း မရှိသေးဘဲ ဒေါ်အောင်ဆန်းစုကြည်အနေဖြင့် လွှတ်တော်ဥက္ကဌ ဦးရွှေမန်းနှင့် မဟာမိတ်ဖွဲ့မည်ဟုလည်း ကောလဟာလများ ထွက်ပေါ်နေသည်။

    မည်သူနှင့်မဆို မဟာမိတ်ဖွဲ့ရန် အဆင်သင့်ရှိသည်ဟူသော ဦးရွှေမန်း၏ စကားကို ဒေါ်အောင်ဆန်းစုကြည်က ချီးကျူးခဲ့သည်။

    “ဒီလို ပူးပေါင်းဆောင်ရွက်ချင်တဲ့ စိတ်ဓာတ်ဟာ သိပ်ကောင်းပါတယ်။ ကျွန်မတို့ ဒါကို ကြိုဆိုပါတယ်” ဟု အမျိုးသားဒီမိုကရေစီအဖွဲ့ချုပ် ရုံးချုပ်တွင် AFP သတင်းဌာနသို့ ဒေါ်အောင်ဆန်းစုကြည်က ပြောကြားခဲ့သည်။

    ယခုနှစ်ရွေးကောက်ပွဲမှာ စစ်တပ်အုပ်ချုပ်မှုမှ တိုက်ရိုက်ဖြစ်လာသည့် မြန်မာနိုင်ငံ၏ အသွင်ကူးပြောင်းရေအတွက် အဓိကစမ်းသပ်မှုအဖြစ် ရှုမြင်နေကြသည်။ ထို့ပြင် နိုင်ငံအား ဒီမိုကရေစီသို့ တစ်ဆင့်ပိုနီးလာစေရန်အတွက် ဆယ်စုနှစ်များတွင်း အကောင်းဆုံး အခွင့်အရေးလည်း ဖြစ်လာနိုင်သည်။

    ဦးရွှေမန်းက မဟာမိတ်အဖြစ် ပူးပေါင်းရန်အသင့်ဟု ပြောကြားခဲ့သော်လည်း ဒေါ်အောင်ဆန်းစုကြည်ကမူ လက်ရှိအချိန်တွင် မဟာမိတ်ဖွဲ့ရန် အစီအစဉ်မရှိသေးကြောင်း ပြောကြားခဲ့ပြီး၊ ရွေးကောက်ပွဲအား သပိတ်မှောက်ကောင်းမှောင်နိုင်မည်ဆိုသည်ကိုလည်း
    ငြင်းဆိုခဲ့ခြင်းမရှိချေ။

    Ref: Channelnewsasia

  • လွှတ်တော်များတွင် အမျိုးသမီးပါဝင်မှု နှစ် ၂၀ အတွင်း ၂ ဆ တိုး

    လွှတ်တော်များတွင် အမျိုးသမီးပါဝင်မှု နှစ် ၂၀ အတွင်း ၂ ဆ တိုး

    မတ် ၁၁၊ ၂၀၁၅
    M-Media

    EGYPT-POLITICS-PARLIAMENT

    – လွန်ခဲ့သည့် နှစ် ၂၀ အတွင်း ကမ္ဘာတစ်ဝှမ်းရှိ လွှတ်တော်များ၌ ပါဝင်လာသည့် အမျိုးသမီးအမတ် အရေအတွက်မှာ ၂ ဆ ဖြစ်လာခဲ့သော်လည်း လက်ရှိတိုးတက်မှုမှာ တန့်နေပုံရသည်ဟု နိုင်ငံတကာပါလီမန်များ သမဂ္ဂက IPU က ကြာသာပတေးနေ့တွင် ပြောကြားလိုက်သည်။

    စစ်တမ်းကောက်ယူမှုများအရ ကမ္ဘာတစ်ဝှမ်း လွှတ်တော်များတွင် အမျိုးသမီးများ ပါဝင်မှုမှာ ၁၉၉၅ ခုနှစ်တွင် ၁၁.၃ ရာခိုင်နှုန်းရှိခဲ့ပြီး ယခုအချိန်တွင် ၂၂.၁ ရာခိုင်နှုန်းရှိနေသည်။ ကမ္ဘာတစ်ဝှမ်း ဥပဒေပြုလွှတ်တော် ၁၁၆ ခု ပါဝင်ဖွဲ့စည်းထားသည့် ဂျီနီဗာအခြေစိုက် IPU ၏ အကြီးအကဲဖြစ်သူ မာတင် ချန်ဂွန်းကမူ ထိုရာခိုင်နှုန်းမှာ ကျေနပ်လောက်စရာ မဟုတ်ဟု သတိပေးခဲ့သည်။

    ၁၉၉၅ ခုနှစ်တွင် အမျိုးသမီးများ ပါဝင်မှုအများဆုံး ထိပ်တန်းလွှတ်တော် ၁၀ ခုတွင် ဥရောပနှင့် အထူးသဖြင့် နော်ဒစ်နိုင်ငံများ (ဥရောပမြောက်ပိုင်းနှင့် အတ္တလန်တိတ် မြောက်ပိုင်းနိုင်ငံများ) က လွှမ်းမိုးနိုင်ခဲ့သော်လည်း ယခုလက်ရှိတွင်မူ အာဖရိကရှိ ဆဟာရဒေသနိုင်ငံများက လွှမ်းမိုးထားသည်။

    ရ၀မ်ဒါနိုင်ငံကမူ လွှတ်တော်တွင် အမျိုးသမီးအမတ် ပါဝင်မှု ၆၃.၈ ရာခိုင်နှုန်းဖြင့် ထိပ်ဆုံးတွင်ရှိနေပြီး ဘိုလီဗီးယားနှင့် အန်ဒိုရာနိုင်ငံများက ဒုတိယနှင့် တတိယနေရာတွင် အသီးသီး ရှိနေကြသည်။

    လွှတ်တော်တွင် အမျိုးသမီးအမတ် ၄၀ ရာခိုင်နှုန်းကျော်ရှိသည့် ဆွီဒင်နိုင်ငံကမူ အဆင့် ၆ နေရာတွင်ရှိနေပြီး ၁၉၉၅ ခုနှစ်မှစ၍ နိုင်ငံအတွင်းရှိ လွှတ်တော်တိုင်းတွင် အမျိုးသမီးအမတ်များ အစဉ်တစိုက် ပါဝင်လာသည့် တစ်ခုတည်းသော နိုင်ငံလည်းဖြစ်သည်။

    သို့သော်လည်း ပါလီမန်တွင် အမျိုးသမီးပါဝင်မှုနှင့်ပတ်သက်၍ တိုးတက်မှုများမှာ ပြီးခဲ့သည့်နှစ်တွင် ရပ်တန့်သွားခဲ့ပြီး တမြန်နှစ်က ၁.၅ ရာခိုင်နှုန်းရှိရာမှာ ယမန်နှစ်တွင် ၀.၃ ရာခိုင်နှုန်းသာ ရှိတော့သည်။

    လွန်ခဲ့သည့် နှစ် ၂၀ အတွင်း လူ့အဖွဲ့အစည်း အများစုတွင် လူမှုရေး၊ စီးပွားရေးနှင့် နိုင်ငံရေး ပြုပြင်ပြောင်းလဲမှုများက အမျိုးသားများ ကြီးစိုးမှုကို တည်ဖြည်းဖြည်း လျော့ပါးလာခဲ့ပြီး အမျိုးသမီးများအား မတူညီသောကဏ္ဍများတွင် ပါဝင်မှုကို ဖြစ်စေခဲ့ခြင်းဖြစ်သည်ဟု IPU က ပြောကြားခဲ့သည်။

    နိုင်ငံရေးတွင် အမျိုးသမီးများ ကိုယ်စားပြုပါဝင်မှု တိုးတက်လာခြင်း၏ အဓိကမောင်းနှင်အားမှာ ခွဲတမ်းစနစ်များဖြစ်ပြီး ယခုလက်ရှိတွင် နိုင်ငံပေါင်း ၁၂၀ ကျော်၌ အသုံးပြုနေသည်။

    သို့သော်လည်း IPU ကမူ ခွဲတမ်းစနစ်ဖြင့် ပါဝင်စေခြင်းမှာ ယခုအချိန်တွင် အထွတ်အထိပ်သို့ ရောက်ရှိခဲ့ပြီဖြစ်ပြီး နိုင်ငံရေးတွင် အမျိုးသမီးများ ပိုမို ကျယ်ကျယ်ပြန့်ပြန့် ပါဝင်ခွင့်ရရေးအတွက် အခြားသော ဆောင်ရွက်မှုများ လိုအပ်နေသည်ဟု ထည့်သွင်းပြောကြားခဲ့သည်။

    အမျိုးသားများသော ပါဝင်သော လွှတ်တော်အရေအတွက်မှာ ယခုအချိန်တွင် ၁၀ ခုမှ ၅ သို့ လျော့ကျခဲ့သည်။

    Ref: aquila-style.com

  • ၂၀၁၅ အကြို အရွေ့များ

    ၂၀၁၅ အကြို အရွေ့များ

    နိုဝင်ဘာ ၆ ၊ ၂၀၁၄
    M-Media
    .ဆွေမွန် ရေးသည်။

    2015

    ပထမအရွေ့
    =======

    မြန်မာ့နိုင်ငံရေးဖြစ်စဉ်တွေကို သတိထားလေ့လာမိရင် သမ္မတမျှော်မှန်းသူတွေဟာ ရွေးကောက်ပွဲနှစ်မတိုင်ခင် တရုတ်ကို သွားကိုသွားရတဲ့ ဓလေ့ထုံးတမ်းရှိတယ်လို့ ဆိုနိုင်ပါတယ်။

    လွန်ခဲ့တဲ့ အနှစ်နှစ်ဆယ်ကျော်အတွင်း အတိုက်အခံနဲ့ ဆက်ဆံရေးထက်၊ အာဏာရအဖွဲ့နဲ့ ဆက်ဆံရေးကို ဦးစားပေးခဲ့တဲ့ တရုတ်အစိုးရက အခုနှစ်နှစ် သုံးနှစ်လောက်အတွင်း အတိုက်အခံတွေကို တခါပြန်ပြီး ချဉ်းကပ်ဆက်ဆံလာပါတယ်။ (RFA)

    ဒေါ်အောင်ဆန်းစုကြည်အနေနဲ့လည်း တရုတ်ရဲ့ ဖိတ်ကြားချက်နဲ့ အတိုက်အခံပါတီကိုယ်စားပြုကာ တရုတ်နိုင်ငံကို ဒီဇင်ဘာလမှာသွားမယ်လို့ သတင်းထုတ်ထားတာကြာပါပြီ။

    မနေ့က နိုဝင်ဘာ ၅ ရက်နေ့မှာတော့ ဦးသိန်းစိန်က ဒီလထဲမှာပဲ တရုတ်ကို သူ့ရဲ့ သမ္မတသက်တမ်းအတွင်း ၅ ကြိမ်မြောက်သွားဦးမယ်လို့ ကသုတ်ကရက် ကြေညာပြန်ပါတယ်။

    သမ္မတ ဦးသိန်းစိန်ကို တရုတ်ပြည်သူ့ သမ္မတနိုင်ငံမှာ ကျင်းပမယ့် ဒေသတွင်း ပေါင်းစည်း ဆက်နွယ်မှုဆိုင်ရာ မိတ်ဖက်ပြုမှု ခိုင်မာစေရေး ဆွေးနွေးပွဲသို့ တက်ရောက်ဖို့ တရုတ်ပြည်သူ့ သမ္မတနိုင်ငံ သမ္မတ မစ္စတာရှီကျင့်ဖျင်က ဖိတ်ကြားထားတာလို့ နိုင်ငံတော်သမ္မတရုံးနဲ့ နီးစပ်သူတစ်ဦးက ပြောကြား ချက်ဟာ ယမန်နေ့က ထွက်ပေါ်လာ ခဲ့တာဖြစ်ပါတယ်။

    တရုတ်ကို ဒေါ်အောင်ဆန်းစုကြည်ထက်အရင် စောပြီး သွားဖို့ ဘာကြောင့် လိုအပ်ရသလဲဆိုတဲ့မေးခွန်းထက် တရုတ်သြဇာကို မလွန်ဆန်တဲ့ မြန်မာ သမ္မတအနေနဲ့ တရုတ်ကအပြန်မှာ မြန်မာပြည်သူပြည်သားတွေ အတွက် ဘာအဖြေယူလာမလဲ ဆိုတာက ပိုပြီး စိတ်ဝင်စားဖို့ကောင်းပါတယ်။

    ဒေါ်အောင်ဆန်းစုကြည် ဖက်က အိုဘားမားအပါအ၀င် အနောက်အုပ်စုနဲ့ ပိုမိုရင်းနှီး ကျွမ်းဝင်သလို ဦးသိန်းစိန်ကလည်း တရုတ်ဖက်ကို သိသိသာသာယိမ်းပြခဲ့ပါတယ်။ အနောက်အုပ်စုနဲ့ ရင်းနှီးနွေးထွေးရုံ သာမက တရုတ်ရဲ့ တိုက်ရိုက်ထောက်ခံရင်းနှီးမှုကို ပြသနိုင်သူဟာ ၂၀၁၅ အတွက် အဖြေတစ်ခုဖြစ်လာစရာ အကြောင်းရင်းဖြစ် လာနိုင်တဲ့ နိုင်ငံရေး အရွေ့တစ်ခုဖြစ်ပါတယ်။

    ဒုတိယအရွေ့
    ========

    အောက်တိုဘာ ၃၁ တွေ့ဆုံပွဲဟာ ဘာအဖြေမှ မထွက်ခဲ့ပါဘူး။ မနေ့က နိုဝင်ဘာ ၅ ညနေပိုင်း ဒေါ်အောင်ဆန်းစုကြည်ရဲ့ သတင်းစာရှင်းလင်းပွဲအရ ဘာသဘော တူညီမှုမှ မရယူခဲ့ပါဘူး။ ဒေါ်အောင်ဆန်းစုကြည်က “ဘာသဘောတူညီချက်မှ မရခဲ့ပါဘူး။ ကိုယ့်ထင်မြင်ချက်ကို ကိုယ် ပြောကြတာပါပဲ။ အားလုံးကနေပြီးတော့ ကိုယ့်အလှည့်နဲ့ကိုယ် ပြောသွားကြတာပဲ။ အားလုံးကနေပြီးတော့ သဘောတူလား၊ သဘောမတူဘူးလား ဆိုပြီးတော့ ဘာမှ မပြောပါဘူး။ အားလုံးပြောပြီး သွားတဲ့အခါမှာ သမ္မတကြီးက အထွေထွေ ရှိပါသေးလားဆိုတော့ ဘယ်သူကလည်း ဘာမှမပြောတော့ ဒါနဲ့ပဲ ပြီးသွားပါတယ်။ သဘောတူညီချက် ယူခဲ့တယ်ဆိုတာ လုံးဝ မဟုတ်ပါဘူး” လို့ ပြောသွားခဲ့ပါတယ်။

    ဒါ့အပြင် ”တွေ့ ဆုံဆွေးနွေးပွဲက ဆွေးနွေးရတယ်ဆို တာမရှိဘူး။ သာမန်တွေ့ဆုံမှုသဘော ပဲ။ ဘာမှ အရာမရောက်ဘူး။ ဘာ အဓိပ္ပာယ်မှလည်းမရှိဘူး”လို့ ပွင့်ပွင့်ရှင်းရှင်းပြောခဲ့တာကို ကြည့်ရင် သိနိုင်ပါတယ်။ ကိုယ့်အမြင်ကို ၁၀ မိနစ်စီ လာပြောဖို့ နိုင်ငံရေးပါတီ ခေါင်းဆောင်တွေကို ဖိတ်ခေါ်ကာ နိုင်ငံတကာကို အမြင်ကောင်းရုံ “ဓာတ်ပုံနိုင်ငံရေး” လုပ်သွားတာလို့ပဲ မြင်နိုင်ပါတယ်။

    နိုင်ငံအုပ်ချုပ်နေတာ ၄ နှစ်ရှိနေပေမယ့် ဖြေရှင်းနိုင်မယ့်နည်းလမ်း မတွေ့သေးတဲ့ ဦးသိန်းစိန်ရှင်းပြတာကတော့ “ဒီဆွေးနွေးပွဲ ကျင်းပရတာနဲ့ ပတ်သက်ပြီးတော့ အမျိုးသားအင်အားစုများအားလုံး ကြုံတွေ့နေရတဲ့ နိုင်ငံရေးစိန်ခေါ်မှုတွေကို လက်တွဲဖြေရှင်းဖို့နဲ့ စုပေါင်းပြီး နည်းလမ်းများရှာဖွေဖို့ အဓိကရည်မှန်းချက်ထားပြီး ဖိတ်ခေါ်ကျင်းပခဲ့ရခြင်းဖြစ်ပါတယ်၊ နည်းလမ်းများ ရှာဖွေတဲ့အခါမှာလည်း နိုင်ငံရေးအင်အားစုအချင်းချင်း အပြန်အလှန်ဖယ်ထုတ်ဖို့ ကြိုးစားတဲ့ ထိပ်တိုက်ရင်ဆိုင်ခြင်း နည်းလမ်းတွေကနေ စားပွဲဝိုင်းမှာ စေ့စပ်ဆွေးနွေး အဖြေရှာရေးဆိုတဲ့ နိုင်ငံရေးယဉ်ကျေးမှုသစ်အရ ဆွေးနွေးအဖြေရှာကြဖို့ အစပြုကြိုးပမ်း အကောင်အထည်ဖော်ခြင်းပဲဖြစ်ပါတယ်” လို့ ပြောတဲ့အပြင်

    မနေ့က ရေဒီယိုမိန့်ခွန်းမှာတော့ တိုင်းရင်းသား လက်နက်ကိုင်အင်အားစုအားလုံးပါဝင်တဲ့ တစ်နိုင်ငံလုံး အပစ်ခတ်ရပ်စဲရေး သဘောတူညီချက် စာချုပ်ချုပ်ဆိုနိုင်ဖို့ ကြိုးစားနေကြောင်းနဲ့ ရခိုင်ပြည်နယ်မှာ နေထိုင်တဲ့ လူ့အဖွဲ့အစည်းနှစ်ခုအကြား ပဋိပက္ခတွေ ထပ်မံမဖြစ်ပွားအောင် ကြိုတင်ကာကွယ်မှုတွေ ဆောင်ရွက်ထားပြီး ဘယ်လူမျိုး၊ ဘယ်ဘာသာဝင်မဆို လူသားတစ်ဦးအနေနဲ့ ရသင့်ရထိုက်တဲ့ လူ့ဂုဏ်သိက္ခာနဲ့ လူ့အခွင့်အရေးကိုရရှိဖို့ အရေးကြီးတယ်လို့

    ပြောသွားခဲ့ပါတယ်။

    ဒီလိုမပြောစဖူး ပြောကြားလာတဲ့ နိုင်ငံရေးယဉ်ကျေးမှု၊ လူ့အခွင့်အရေးအကြောင်းတွေအပြင် ရခိုင်ပြည်နယ်ကိစ္စနဲ့ပတ်သက်ပြီး ရိုဟင်ဂျာတွေကို တတိယနိုင်ငံကို ပို့ရမယ်လို့ ကြိမ်းဝါးဖူးတဲ့အပြင် မွတ်ဆလင်တွေအပေါ်မှာ လူ့ဂုဏ်သိက္ခာမပေးဖူးတဲ့ ဦးသိန်းစိန်က ဒီနေ့မှာမှ ထူးထူးခြားခြားကြီးကို ဘယ်လူမျိုး ဘယ်ဘာသာ၊ လူ့ဂုဏ်သိက္ခာ စတဲ့စကားလုံးလှလှလေးတွေကို ဂရုတစိုက် ရွေးချယ်သုံးနှုန်းပြသွားတာကတော့ အိုဘားမားကိုယ်တိုင် ဒီမိုကရေစီဆေးကြီးကို မတိုက်ခင် ကာကွယ်ဆေးကို ကြိုတင်ထိုးထားတဲ့ သဘောလောက်ပဲဆိုတာကတော့ ထင်ရှားနေပါတယ်။

    ဒါ့ပြင် ဒေါ်အောင်ဆန်းစုကြည်နဲ့တွေ့တယ်ဆိုတဲ့ သတင်းဓာတ်ပုံလောက်ကိုပဲ နိုင်ငံတကာအမြင်ကောင်းအောင် လိုချင်တယ်၊ ကျန်တဲ့ ဘာအဖြေကိုမှ မလိုချင်ဘူးဆိုတဲ့ အချက်ကိုလည်း ဖုံးကွယ်မထားခဲ့ပါဘူး။ ဒါကြောင့် အောက်တိုဘာ ၃၁ ဆွေးနွေးပွဲဟာ အများပြည်သူကြားမှာ မျှော်လင့်စရာရောင်ခြည်ရိပ်သန်းခဲ့ပေမယ့် ဘယ်နေရာကိုမှ မရွေ့ခဲ့တဲ့ “ပြစားအရွေ့”တစ်ခုသာ ဖြစ်ခဲ့ပါတယ်။

    တတိယအရွေ့
    =========

    အိုဘားမား မလာခင်က တက်ကြွလှုပ်ရှားနေကြတဲ့ မျိုးစောင့်ဥပဒေပြဋ္ဌာန်းရေး တပ်သားတွေ ငြိမ်သွားပါပြီ။ အိုဘားမားမလာခင်လေးမှာပဲ အစိုးရကို မျိုးစောင့်ဥပဒေ ပြဋ္ဌာန်းမလား၊ မပြဋ္ဌာန်းဘူးလားဆိုတာကို တစ်လတိတိစောင့်ကြည့်မှာဖြစ်တယ်၊ ခုတော့ ခဏနားထားပါဦးမယ်လို့ ကြိမ်းမောင်းသယောင် ခြိမ်းခြောက်သယောင်နဲ့ အသာနောက်တစ်လှမ်းကို ဆုတ်ခိုင်းထားလိုက်ပါပြီ။

    အစိုးရရဲ့ ၀ှက်ဖဲဖြစ်တဲ့ မဘသ အမည်ခံ ဘာသာရေးကို နိုင်ငံရေးမှာ အသုံးချကာ မွတ်ဆလင်ဖက်ကို လက်ညှိုးထိုးပြပြီး ဒေါ်အောင်ဆန်းစုကြည်နဲ့ NLD ကို လူမျိုးရေးဓားနဲ့ ဘာသာရေးဓားနဲ့ နောက်ကျောကဗြောင်ထိုးနေတဲ့ ဒီအဖွဲ့အစည်းရဲ့ လှုပ်ရှားမှုတွေဟာ ခဏတာ အရှိန်လျော့သွားပေမယ့် ၂၀၁၄ အကုန် ၂၀၁၅ အဆန်းကနေ တရားပွဲအမည်ခံ နိုင်ငံရေးမဲဆွယ်ပွဲတွေ ခြိမ့်ခြိမ့်သဲသဲကျင်းပလာမှာကတော့ အမှန်ပဲမို့ ၂၀၁၅ထဲမှာပဲ အမုန်းတရား ဖန်တီးလှုံ့ဆော်မှုတွေ ပိုများလာနိုင်စရာအကြောင်း အများအပြားတွေ့နေရပါသေးတယ်။ ဒီအရွေ့ကြောင့် မြန်မာပြည်ဟာ နစ်မွန်းသည်ထက် နစ်မွန်းစရာတွေပဲ ရှိလာနိုင်ပါတယ်။

    စတုတ္ထအရွေ့
    ========

    ဒီအရွေ့ကြောင့် “ဒုတိယဖုန်းမော် အရေးအခင်း” အဖြစ်သို့ ပြောင်းလဲသွားနိုင်ပြီး တစ်ပြည်လုံးဆိုင်ရာ ပြည်သူ့မကျေနပ်ချက်တွေ ဖွင့်အံဖောက်ထွက်ရာ အထွေထွေဆန့်ကျင် ဆန္ဒပြတာတွေထိ ဖြစ်လာနိုင်ပါတယ်။ ကိုပါကြီးအရွေ့လို့တောင် ပြောနိုင်ပါမယ်။

    အလွတ်သတင်းထောက် ကိုပါကြီးဟာ သတင်းသွားယူရင်း အဖမ်းခံရရာကနေ ကျိုက်မရောမှာ သေဆုံးခဲ့ပြီ၊ ကိုပါကြီးဟာ ထွက်ပြေးဖို့ အစောင့်စစ်သားရဲ့ သေနတ်ကို လုယူတဲ့အတွက် ပစ်ခတ် ဖမ်းဆီးရင်း သေဆုံးရတာဖြစ်တယ်လို့ အစောပိုင်းကတည်းက ကျိုက်မရော မြို့နယ်ရှိ တပ်မ ၂၂ မှ တာဝန်ရှိသူတွေက အခိုင်အမာ ပြောဆို ခဲ့ကြပါတယ်။

    ကိုပါကြီးအသတ်ခံရတဲ့အပေါ် လူ့အခွင့်အရေးတက်ကြွလှုပ်ရှားသူတွေရဲ့ ကြီးထွားလာတဲ့ ဆန္ဒပြတောင်းဆိုမှုတွေကြောင့် မနေ့က နိုဝင်ဘာ ၅ မှာ မွန်ပြည်နယ် ကျိုက်မရောမြို့နယ် ရွှေဝါချောင်ရွာအနီး မြှုပ်နှံထားတဲ့ သတင်းထောက်ကိုပါကြီးရဲ့ အလောင်းကို ပြန်လည်တူးဖော်ခဲ့ကြပါတယ်။ အလောင်းဖော်ရာမှာပါဝင်ခဲ့တဲ့ ရှေ့နေကြီး ဦးရောဘတ်စန်းအောင်က
    “အလောင်းကို ပြန်ဖော်တဲ့ အခါမှာ ဦးခေါင်း ချိုင့်နေတာ တွေ့ရတယ်။ မေးရိုးတွေ ကျိုးပြီး ရွဲ့စောင်းနေတယ်။ ညာဘက် ဒူးခေါင်းနားမှာ အညိုအမည်းနဲ့ ခြေသလုံးရိုး ကျိုးနေတာ တွေ့ရတယ်။ ဆေးရုံက စစ်ပြီးလို့ အလောင်း ပြန်ပေးမလားတော့ မသိဘူး။ ကျနော်တို့က အလောင်းပြန်သယ်ယူခွင့်ရတာနဲ့ ရန်ကုန်ပြန်သယ်ဖို့ အဆင်သင့် ပြင်ထားတယ်” လို့ ပြောခဲ့သလို ဦးနေမျိုးဇင်ကလည်း ဒီဗီဘီ သတင်းဌာနကို ပြောဆိုရာမှာ “ဦးခေါင်းပိုင်း တခြမ်းလုံး နှာနုရိုးရဲ့ အပေါ်ပိုင်းတခြမ်းလုံးက ထုချေထားပြီးတော့ အထဲကို ခွက်ဝင်နေတာ တွေ့ရတယ်။ အောက်သွားတွေလည်း အကုန်လုံး ကျိုးကြေနေတယ်။ မေးရိုးလည်း သုံးပိုင်းလောက်ပိုင်းပြီး ကျိုးနေတာ တွေ့ရတယ်။ အောက်ပိုင်းတွေမှာတော့ ညာဘက်ခြေသလုံးက အထဲကို နည်းနည်းခွေဝင်နေတော့ ခြေဆစ်ကျိုးနေတယ်လို့ ခန်းမှန်းတယ်။ နောက်တခါ ညိုမဲစွဲနေတာ ပေါင်ရင်းမှာလည်း တွေ့တယ်။ နံရိုးတခုကလည်း ဖောင်းပြီးတက်နေတယ်ဆိုတာ့ နံရိုးကျိုးထားတဲ့ သဘောလည်းရှိတယ်။ သေနတ်ဒဏ်ရာတော့ ကျနော်မတွေ့ခဲ့ဘူးဗျာ။ ဒီဘော်ဒီမှာလေ” လို့ ပြောကြားပြန်ပါတယ်။

    မော်လမြိုင်ဆေးရုံကြီးကို သယ်သွားပြီး ဆေးစစ်ချက်တွေ ထွက်လာချိန်မှာ သေနတ်ဒဏ်ရာတွေ့ခဲ့ရင်တောင် မျက်နှာ တစ်ဝက်လောက် ကျိုးကြေနေတာတွေ၊ နံရိုးကျိုး၊ မေးရိုးကျိုး၊ သွားကျိုး၊ ခြေသလုံးရိုးကျိုးတာတွေအတွက် ကိုပါကြီးကို နှိပ်စက်ခဲ့ခြင်းမရှိပါဘူးလို့ စစ်တပ်ရဲ့အစောပိုင်း ပြောဆိုချက်တွေနဲ့ အလွဲကြီး လွဲချော်နေတဲ့အပေါ်မှာတော့ စစ်တပ်ရဲ့ အများပြည်သူကျေနပ်စေလောက်တဲ့ အဖြေတစ်ခုဟာ လိုအပ်လာတော့မှာပါ။ ဒီအဖြေဟာ အများပြည်သူကို မကျေအေးစေဘဲ ပိုမိုသွေးဆူစေခဲ့မယ်ဆိုရင် လမ်းပေါ်ကို လူတွေရောက်လာအောင် ဆွဲခေါ်မယ့် အဖွဲ့အစည်းတွေ အလိုအလျောက်ပေါ်လာနိုင်ပါတယ်။ ဒီအဖြေတစ်ခုကြောင့် တိုင်းပြည် အပြောင်းအလဲဖြစ်နိုင်စရာ အများကြီးရှိနေခဲ့ပါပြီ။

    ဒီအဖြစ်အပျက်တွေနဲ့ အပြိုင် အောက်တိုဘာ ၃၁ ဆွေးနွေးပွဲနေ့မှာပဲ ဦးအောင်သောင်းအပေါ် အမည်ပျက်စာရင်းသွင်းကာ အမေရိကန်ရဲ့ အထူးပိတ်ပင်လိုက်တဲ့ ကိစ္စတွေ၊ ဦးအောင်သောင်းရဲ့ သားဖြစ်သူ ဦးနေအောင် ပိုင်ဆိုင်တဲ့ UAB ယူနိုက်တက် အမရဘဏ်ပြသနာတွေ အပြင် ဒေါ်လာဈေးကို အစိုးရဗဟိုဘဏ် ကိုယ်တိုင်က ဈေးတင်ခဲ့တဲ့ အတွက် ငွေကြေးဈေးကွက် ကမောက်ကမဖြစ်ကာ မြန်မာ့ကျပ်ငွေ တန်ဖိုး စံချိန်တင်ထိုးကျနေတဲ့ဒဏ်ကို ပြည်သူတွေ စတင်ခံစားနေရတဲ့ အချိန်တွေနဲ့လည်း တိုက်ဆိုင်နေပြန်ပါတယ်။

    ဘယ်သူ့ဖက်ကို လှည့်ပြီး အဖြေထုတ်နိုင်မလဲ
    ===============

    နိုင်ငံရေးအကျပ်အတည်း၊ စီးပွားရေးအကျပ်အတည်းတွေ ပေါ်လာတိုင်း အစိုးရအဆက်ဆက်က အဖြေထုတ်ပေးတာက ဘာသာရေးအဓိကရုဏ်းတွေသာဖြစ်တဲ့အတွက် ၂၀၁၂ ကတည်းက မီးလောင်ပြင်တွေ၊ ဒုက္ခသည်စခန်းတွေ၊ လူသေတွေ၊ သွေးညှီနံ့တွေကို ငြီးငွေ့နေသူတွေအများအပြားရှိနေသလို သွေးဆာနေတဲ့ ဘယ်သူသေသေ ပျော်နေတဲ့ ငတေတွေကလည်း အများကြီး မာနေဆဲပါ။ အမုန်းတရားလောင်စာကိုလည်း အပြည့်ဖြန့်ခင်းထားသလို စတင်လောင်ကျွမ်းစေဖို့ မီးစတွေကိုလည်း အဆင်သင့်ကိုင်ဆောင်ထားသူတွေလည်း ရှိနေပါတယ်။

    သွေးထွက်သံယို မဖြစ်ဘဲ နိုင်ငံရေးအပြောင်းအလဲ မဖြစ်ဖူးသေးတဲ့ မြန်မာ့နိုင်ငံရေး ယဉ်ကျေးမှုမှာ ဒီတစ်ကြိမ်မှာတော့ အေးအေးချမ်းချမ်း အပြောင်းအလဲကို ရွေးကြ မလား၊ ထုံးစံအတိုင်း သွေးသံရဲရဲနဲ့ နိုင်ငံရေး အပြောင်းအလဲလမ်းကိုပဲ ရွေးချယ်ကြ မလားဆိုတာက စိတ်ဝင်စားစရာကောင်းလွန်းလှနေပါပြီ။

    ဆွေမွန်