ဇူလိုင် ၄၊ ၂၀၁၉
M-Media
-ဇွန်လ ဒုတိယပတ်ကနေ ဇူလိုင် ၃ ရက်နေ့အထိ နိုင်ငံတစ်ဝှမ်း ရာသီတုပ်ကွေး H1N1 ကူးစက်မှုကြောင့် သေဆုံးသူ အရေအတွက်ဟာ ၂၆ ဦး ရှိလာပြီလို့ ကျန်းမာရေးနဲ့ အားကစားဝန်ကြီးဌာနက ထုတ်ပြန်ပါတယ်။
ရောဂါ ကူးစက်နေတယ်လို့ သံသယရှိသူ ၃၈၅ ဦးကို စစ်ဆေးရာမှာ ၁၁၄ ဦး ရောဂါကူးစက်နေတာကို တွေ့ခဲ့ရတယ်လို့ ဆိုပါတယ်။ H1N1 ကြောင့် သေဆုံးမှု အများဆုံးက ရန်ကုန်တိုင်းဒေသကြီးမှာဖြစ်ပြီး ၂၂ ဦးအထိ ရှိနေပါတယ်။
ကျန်းမာရေးဝန်ကြီးဌာနရဲ့ လက်ထောက် ညွှန်ကြားရေးမှူး ဒေါက်တာ ဒေါ်ခင်ခင်ကြီးက သေဆုံးသူအများစုဟာ နာတာရှည်ရောဂါအခံ ရှိတာကြောင့် ဖြစ်တယ်လို့ ပြောကြားခဲ့ပါတယ်။
“သေဆုံးသွားသူတွေရဲ့ ၃ ပုံ ၂ ပုံလောက်မှာ နာတာရှည် ကျန်းမာရေး ပြဿနာတွေ ရှိနေတာပါ။ သူတို့ရဲ့ ကိုယ်ခံစွမ်းအားဟာ အားနည်းလွန်းတာကြောင့် လွယ်လွယ်ကူကူနဲ့ ရောဂါ ကူးစက်တာပါ။ ဆီးချို၊ သွေးတိုး၊ နှလုံးနဲ့ အသက်ရှုလမ်းကြောင်း ဆိုင်ရာ ရောဂါ ရှိတဲ့သူတွေဟာ (H1N1 ကူးစက်ပြီးတဲ့နောက်) အသက်ဆုံးရှုံးဖို့အန္တရာယ် ပိုမို မြင့်မားပါတယ်”
၂၀၁၇ ခုနှစ်အတွင်း H1N1 သံသယရှိသူ ၁၁၆၅ ဦးကို စစ်ဆေးရာမှာ ၄၀၆ ဦး ကူးစက်နေတာကို တွေ့ခဲ့ရပြီး လူ ၃၀ သေဆုံးခဲ့ပါတယ်။ ပြီးခဲ့တဲ့နှစ်မှာ ရောဂါကူးစက်နေသူ ၁၃ ဦးရှိခဲ့ပြီး သေဆုံးမှု မရှိဘူးလို့ ပြည်သူ့ကျန်းမာရေး ဦးစီးဌာန မှတ်တမ်းမှာ ဖော်ပြထားပါတယ်။
Ref: Irrawaddy
(ဧရာဝတီသတင်းဌာန အင်္ဂလိပ်ပိုင်းမှ သတင်းကို ကောက်နှုတ် ဘာသာပြန်ဆိုပါသည်)
