မတ် ၄၊ ၂၀၁၉
M-Media
– မြန်မာနိုင်ငံက ပြည်သူ့ကျန်းမာရေး ကဏ္ဍနဲ့ အထွေထွေကျန်းမာရေးစနစ် တိုးတက်စေဖို့ ရည်ရွယ်လုပ်ဆောင်မယ့် ၅ နှစ်တာ မဟာဗျူဟာစီမံကိန်းတစ်ခုကို မြန်မာနိုင်ငံကျန်းမာရေးမှူးအသင်း MHAA က တနင်္ဂနွေနေ့မှာ စတင်မိတ်ဆက်လိုက်ပါတယ်။
စီမံကိန်းအရ အသင်းရဲ့ အဖွဲ့ဝင် ၄၇၈ ဦးဟာ ကချင်ပြည်နယ်၊ ကရင်ပြည်နယ်၊ ရခိုင်ပြည်နယ်၊ ချင်းပြည်နယ်၊ စစ်ကိုင်းတိုင်းဒေသကြီး၊ မန္တလေးတိုင်းဒေသကြီး၊ မကွေးတိုင်းဒေသကြီးနဲ့ ရန်ကုန်တိုင်းဒေသကြီးတို့က မြို့နယ်ပေါင်း ၇၆ မြို့နယ်မှာ စိမံကိန်းပေါင်း ၁၂ ခု ဆောင်ရွက်သွားမှာ ဖြစ်ပါတယ်။
ရောဂါထိန်းချုပ်ရေး၊ မျိုးဆက်ပွားကျန်းမာရေး၊ ကိုယ်ဝန်ဆောင်ကျန်းမာရေး၊ မွေးကင်းစကလေးငယ်များ ကျန်းမာရေး၊ ကလေးငယ်နဲ့ အရွယ်ရောက်ပြီးသူများ ကျန်းမာရေး၊ အဟာရပြည့်ဝရေး စတဲ့ကဏ္ဍတွေ ပါဝင်မှာပါ။
အသင်းရဲ့ အမှုဆောင်တွေက ပြည်သူ့ကျန်းမာရေးကို မြှင့်တင်ရေးဆိုတဲ့ အဖွဲ့ရဲ့ အခန်းကဏ္ဍနဲ့အညီ ဒီ ၅ နှစ်စီမံကိန်းကို ဆောင်ရွက်တာဖြစ်ပြီး နိုင်ငံရဲ့ ဖွံ့ဖြိုးတိုးတက်မှုကို မြင့်တက်စေကာ၊ အဆင့်မြင့် အလုပ်အကိုင်အခွင့်အလမ်းတွေ ပိုမိုရရှိစေလိမ့်မယ်လို့ ပြောကြားခဲ့ပါတယ်။
“အများပြည်သူကျန်းမာရေးစနစ် အားကောင်းလာမယ်ဆိုရင် ဆေးရုံဆေးခန်းသွားသူတွေ ပိုမိုနည်းလာမှာပါ။ ဒါ့ကြောင့် ဒီ မဟာဗျူဟာ စီမံကိန်းဟာ ပြည်သူ့ကျန်းမာရေးကဏ္ဍအတွက် တော်တော်လေး အရေးကြီးပါတယ်” လို့ ကျန်းမာရေးနှင့် အားကစားဝန်ကြီး ဦးမြင့်ထွေးက ပြောကြားခဲ့ပါတယ်။
စီမံကိန်းဟာ အထောက်အထားအခြေပြု အသိပညာပေးတဲ့ ကျန်းမာရေးစနစ်၊ လူထုအခြေပြု ကျန်းမာရေးဝန်ဆောင်မှုစနစ် ဖြစ်လာရေး အဓိကထား ဆောင်ရွက်သွားမှာဖြစ်သလို၊ အသင်းနဲ့ အသင်းဝင်တွေ တစ်ဦးချင်း၊ အဖွဲ့အစည်းအလိုက် ပူးပေါင်းဆောင်ရွက်မှု အားကောင်းရေး၊ ကွန်ယက်ချိတ်ဆက် ဆောင်ရွက်ရေး၊ အစိုးရနဲ့ အစိုးရမဟုတ်တဲ့ အဖွဲ့အစည်းတွေနဲ့ ပူးပေါင်းဆောင်ရွက်ရေး၊ လုပ်ဆောင်နိုင်စွမ်း တိုးတက်ရေးအတွက် ဘက်စုံ ချဉ်းကပ်ဆောင်ရွက်ရေး တို့လည်း ပါဝင်မှာ ဖြစ်ပါတယ်။
မြန်မာနိုင်ငံ ကျန်းမာရေးမှူးအသင်းဟာ သွားလာဖို့ ခက်ခဲတဲ့ ဒေသတွေ၊ ပဋိပက္ခဖြစ်ရာ ဒေသတွေ၊ ဆင်းရဲသားရပ်ကွက်တွေ၊ နယ်စပ်ဒေသတွေမှာ ကျန်းမာရေးစနစ်နဲ့ အရေးပေါ်စနစ်တွေ ပိုမိုကောင်းမွန်ရေးအတွက်လည်း ဆောင်ရွက်သွားဖို့ ရှိနေပါတယ်။ အသင်းကို ၁၉၅၃ ခုနှစ်မှာ ဖွဲ့စည်းခဲ့တာဖြစ်ပြီး နိုင်ငံခြားနွယ်ဖွား ဆရာဝန်တွေ တိုင်းပြည်က ထွက်ခွာပြီးနောက်ပိုင်း ဆရာဝန် ရှားပါးမှုကို ပြေလည်စေဖို့၊ ကျေးလက်ဒေသ ကျန်းမာရေးစောင့်ရှောက်မှုစနစ် တိုးတက်ကောင်းမွန်စေဖို့ ရည်ရွယ်တာ ဖြစ်ပါတယ်။
၂၀၁၉ ခုနှစ်မှာ နိုင်ငံတစ်ဝှမ်း မြို့နယ်ပေါင်း ၃၀၇ မြို့နယ်မှာ အဖွဲ့ခွဲပေါင်း ၃၀၇ ခုနဲ့ အဖွဲ့ဝင် ၅၃၆၅ ဦး ရှိလာမှာ ဖြစ်ပါတယ်။
Ref: mmtimes