Tag: Public Health

နိုဝင်ဘာ ၆၊ ၂၀၁၇
M-Media

– အပူလောင်သူတွေ၊ မီးလောင်သူတွေကို ကုသရမှာ ဗိုက်တာမင်ဒီ ဖြည့်စွက်ပေးခြင်းဟာ သူတို့ရဲ့ ဒဏ်ရာတွေကို ပျောက်ကင်းဖို့နဲ့ ကူးစက်ရောဖြစ်ပွားမှုကို တားဆီးဖို့ အထောက်အကူဖြစ်စေတယ်လို့ ယူကေ သုတေသနတစ်ခုမှာ တွေ့ခဲ့ရပါတယ်။

ဘာမင်ဂမ်က Institute of Inflammation and Aging အသင်းကနေ အဲဒီ သုတေသနကို ပြုလုပ်ခဲ့တာဖြစ်ပြီး ပွန်းပဲ့တာ၊ ဓာတ်ရောင်ခြည်ထိမိတာ၊ လျှပ်စစ်နဲ့ အပူလောင်တာ၊ ဓာတ်တုပစ္စည်းတွေနဲ့ ထိတွေတာတွေကြောင့် အရေပြား၊ အသား လောင်ကျွမ်းပျက်ဆီးမှုတွေကို ကုသရာမှာ ဗိုက်တာမင်ဒီက တော်တော်လေးကို အကူအညီအဖြစ်စေတယ်လို့ ဆိုပါတယ်။

အဲဒီလို အပူလောင်ကျွမ်းမှုကြောင့် နှစ်စဉ် လူပေါင်း တစ်သိန်းရှစ်သောင်းလောက် သေဆုံးနေကြပါတယ်။

အပူလောင်မှုကို ကုသရာမှာ ခေတ်မီနည်းလမ်းတွေ ရှိနေပေမယ့် ပုံမှန်အတိုင်း ပြန်မကောင်းတဲ့သူတွေလည်း ရှိနေပြီး အနာမကျက်တာ၊ အဲဒီအနာတွေကနေတစ်ဆင့် ရောဂါပိုးကူးစက်တာတွေမျိုးတွေလည်း ဖြစ်လေ့ရှိပါတယ်။

ဗိုက်တာမင်ဒီဟာ ဘက်တီးရီးယားတိုက်ဖျက်တဲ့ ပရိုတိန်းတွေရဲ့ လုပ်ဆောင်မှုကို မြင့်တက်စေပြီး၊ ဆဲလ်တော်တော်များများမှာ ဘက်တီးရီယားတွေ သေဆုံးနိုင်စွမ်းကို မြင့်တက်စေတာကြောင့် အပူလောင်သူတွေကို ဗိုက်တာမင်ဒီ ပိုမိုဖြည့်စွက်ပေးမယ်ဆိုရင် အနာအကျက်မြန်ပြီး၊ ရောဂါပိုးကူးစက်မှုကနေလည်း ကာကွယ်ပေးနု
ိင်ပါတယ်။

သုတေသနအတွင်းမှာ အလွန်အမင်း အပူလောင်ထားတဲ့ လူနာတွေကို ၁၂ လကြာ လေ့လာကာ ဗိုက်တာမင်ဒီ ပါဝင်မှုကို နှိုင်းယှဉ်ခဲ့ပြီး၊ ပါဝင်မှုများသူတွေက အနာအမြန်ကျက်တာ၊ အမာရွတ်ပါးသွားတာတွေကို တွေ့ခဲ့ရပါတယ်။

ဒီရလဒ်က အပူလောင်တဲ့သူတွေကို ဗိုက်တာမီဒီ မြန်နိုင်သမျှမြန်မြန် ဖြည့်စွက်ပေးခြင်းအားဖြင့် အနာကျက်မှုကို ပိုမို ပြန်ဆန်စေပြီး၊ ကူးစက်ရောဂါဝင်ရောက်မှုကို ကာကွယ်ပေးနိုင်တယ်လို့ သုတေသနပညာရှင်တွေက ဆိုပါတယ်။

အခုသုတေသနဟာ ကနဦး တွေ့ရှိမှုသာဖြစ်ပြီး အပူလောင်သူတွေမှာ ဗိုက်တာမင်ဒီ ဖြည့်စွက်ပေးမှုကို ကုသနည်းတစ်ခုအဖြစ် သတ်မှတ်နိုင်ဖို့ နောက်ထပ် သုတေသနေတွေ ဆက်လုပ်ဖို့ လိုအပ်နေပါသေးတယ်။

Ref: Medical News Today

အောက်တိုဘာ ၂၊ ၂၀၁၇
M-Media

– ကမ္ဘာ့ပထမဆုံးအနေဖြင့် လူ့သန္ဓေသားတွင် ရောဂါများ ဖယ်ရှားရန် ဓာတုခွဲစိပ်မှုကို အတိအကျ ပြုလုပ်နိုင်ပြီဖြစ်ကြောင်း တရုတ်သုတေသီများက ဘီဘီစီသတင်းဌာနသို့ ပြောကြားလိုက်သည်။

လူသားများ၏ မျိုးရိုးဗီဇ ကုဒ်ရှိ letter သန်းသုံးထောင်အနက်မှ အမှားတစ်ခုကို ပြန်လည်တည့်မတ်ရန် base editing ဟုခေါ်သည့် နည်းလမ်းကို အသုံးပြုခဲ့သည်ဟု ဆွန်ယက်ဆင်တက္ကသိုလ်ရှိ သုတေသနအဖွဲ့က ပြောကြားခဲ့သည်။

ယခုတွေ့ရှိချက်ကြောင့် တစ်ချိန်တွင် မျိုးရိုးလိုက်ရောဂါများကို အပြီးသတ်ဖယ်ရှားနိုင်တော့မည် ဖြစ်ကြောင်း ယင်းအဖွဲ့က ဆိုသည်။

base editing နည်းပညာဖြင့် DNA ၏ အခြေခံ Base လေးမျိုးဖြစ်သော adenine၊ cytosine၊ guanine နှင့် athymine တို့၏ အခြေခံတည်ဆောက်မှုကို ပြောင်းလဲနိုင်မည်ဖြစ်သည်။ လူသား၏ ခန္ဓာကိုယ် ဖြစ်တည်မှုမှာ အဆိုပါ Base လေးမျိုး ပေါင်းစပ်ခြင်းကြောင့်ဖြစ်သည်။

“ကျွန်တော်တုိ့ဟာ base editing နည်းပညာကို အသုံးပြုပြီး လူ့သန္ဓေသားမှာ မျိုးရိုးလိုက်ရောဂါတွေကို ကုသနိုင်ကြောင်း ပြသနိုင်တဲ့ ပထမဦးဆုံးအဖွဲ့ ဖြစ်လာမှာပါ” ဟု သုတေသီတစ်ဦးဖြစ်သူ ဂျွန်ဂျူးဟွမ်က ဘီဘီစီသတင်းဌာနသို့ ပြောသည်။

အဆိုပါစမ်းသပ်ချက်များကို သွေးလှည့်ပတ်မှု မမှန်သည့် ရောဂါရှိသူထံမှ အသားစယူ၍ ပုံတူမျိုးပွားလူ့သန္ဓေသားပြုလုပ်၍ စမ်းသပ်ခဲ့ခြင်း ဖြစ်သည်။

Ref: BBC

စက်တင်ဘာ ၂၇၊ ၂၀၁၇
M-Media

– သာမန်ငှက်ဖျားဆေးဝါးတွေကို ယဉ်ပါးနေတဲ့ ကြောက်စရာ ငှက်ဖျားရောဂါတစ်မျိုးဟာ အရှေ့တောင်အာရှမှာ အလျင်အမြန် ပြန့်နှံလာနေပြီး ကမ္ဘာတစ်ဝှမ်း ခြိမ်းခြောက်လာနိုင်တယ်လို့ သိပ္ပံပညာရှင်တွေက သတိပေးလိုက်ပါတယ်။

‘စူပါငှက်ဖျား’ လို့ တင်စားခေါ်ဝေါ်တဲ့ အဲဒီငှက်ဖျားရောဂါကို ကမ္ဘောဒီးယားမှာ စတင်တွေ့ခဲ့ရတာဖြစ်ပြီး လက်ရှိမှာတော့ ထိုင်း၊ လာအိုနဲ့ ဗီယက်နမ်တို့မှာပါ ဖြစ်ပွားနေပါတယ်။ ဒီ စူပါငှက်ဖျားကို သာမန် ငှက်ဖျားဆေးဝါးတွေနဲ့ ပျောက်ကင်းအောင်ကုသဖို့ ခက်ခဲပါတယ်။

ဘန်ကောက် ဆေးသုတေသန ဌာနတစ်ခုဖြစ်တဲ့ Mahidol-Oxford Tropical Medicine Research Unit က ပရော်ဖက်ဆာ အာဂျန် ဒွန်ဒေါ့ပ်က စူပါငှက်ဖျားဟာ အရှေ့တောင်အာရှ ဒေသတစ်ခုလုံးမှာ အလျင်အမြန် ပြန့်နှံ့နေပြီး အာဖရိကကို ရောက်သွားနိုင်တယ်ဆိုတဲ့ စိုးရိမ်စိတ်တွေ ရှိနေကြောင်း ပြောကြားခဲ့ပါတယ်။

လက်ရှိ ဒီစူပါငှက်ဖျားကို ဗီယက်နက်မှာ ၃ ပုံ ၂ ပုံလောက်သာ ကုသနိုင်ပြီး၊ ကမ္ဘောဒီးယားမှာဆိုရင် ၄၀ ရာခိုင်နှုန်းကိုသာ ပျောက်ကင်းအောင် ကုသပေးနိုင်ပါတယ်။

နှစ်စဉ် ကမ္ဘာတစ်ဝှမ်းလူပေါင်း ၂၁၂ သန်းဟာ ခြင်ကနေတစ်ဆင့် ကူးစက်တဲ့ ငှက်ဖျားရောဂါကို ခံစားရလေ့ ရှိပါတယ်။

ပရော်ဖက်ဆာ ဒွန်ဒေါ့ပ်က သေဆုံးသူတွေ များလာတာကို တွေ့နေရပြီး ဒီ စူပါငှက်ဖျားကို လုံးဝကုသလို့မရတဲ့ အနေအထားမျိုးမရောက်ခင် အမြစ်ဖြတ်ဖို့ လိုနေကာ သူ့အနေနဲ့ တော်တော်လေး စိုးရိမ်မိတယ်လို့ ပြောကြားခဲ့ပါတယ်။

Ref : BBC