News @ M-Media

Tag: Pyi

  • ပြည်မြို့ ဆေးရုံကြီးအတွက် သိန်း(၁၂၀၀) တန်ဖိုးရှိ ကျောက်ကပ်ဆေးစက် (၅) လုံး လှူဒါန်း

    ပြည်မြို့ ဆေးရုံကြီးအတွက် သိန်း(၁၂၀၀) တန်ဖိုးရှိ ကျောက်ကပ်ဆေးစက် (၅) လုံး လှူဒါန်း

    စက်တင်ဘာ ၂၈၊ ၂၀၁၇
    M-Media
    သတင်း- မိုးစက်

    ပြည်။ ။ ပဲခူးတိုင်းဒေသကြီး အနောက်ပိုင်း ပြည်မြိှု့ရှိ ခုတင်(၅၀၀) အထွေထွေရောဂါကု ဆေးရုံကြီးတွင် ကျောက်ကပ်စက်များ တပ်ဆင်ပြီးပြီဖြစ်၍ ကျောက်ကပ်ရောဂါဝေဒနာရှင်များ ကျောက်ကပ်ဆေးနိုင်တော့ မည်ဖြစ်ကြောင်း သိရပါတယ်။

    အဆိုပါ ကျောက်ကပ်စက်များ လှူဒါန်းသည့် အခမ်းအနားတရပ်ကို ၂၀၁၇ ခုနှစ် စက်တင်ဘာ ၂၁ ရက်နေ့က ကျင်းပပြုလုပ်ခဲ့ပြီး ပြည်မြို့မှ မြို့မိမြို့ဖ အလှူရှင်များနှင့် ဒေသခံပြည်သူ (၁၅၀)ခန့်က ဝိုင်းဝန်းလှူဒါန်းခဲ့ကြပါတယ်။

    ပင်မ အလှူရှင်များ ကတော့
    – ဦးမျိုးနိုင်+ဒေါ်စန်းစန်းဦး ရွှေသင်း- စိန်ရွှေရတနာဆိုင် က ငွေကျပ် (၃၄၀) သိန်း တန်ဖိုးရှိသည့် စက် (၂) လုံး ၊
    – ဟာဂျီ ဦးခင်မောင်၊ ဟာဂျီ ဦးဝင်းမောင် တို့က ငွေကျပ် (၁၇၀) သိန်း တန်ဖိုးရှိသည့် စက်(၁) လုံး၊
    – ဦးစိန်ဝင်း+ဒေါ်သင်းသင်း စိန်သရဖူ-ရတနာရွှေဆိုင် က ငွေကျပ် သိန်း (၁၇၀) သိန်း စက်(၁) လုံး၊
    – ဦးတင်ဝမ်း+ဒေါ်ခင်သန်းဦး နေလ-ကုန်စုံဆိုင် (၃၅)သိန်းကျော် တန်ဘိုးရှိ စက်ရေတွင်းနှင့် စတီးရေကန် တို့ကို လည်းကောင်း လူမျိုး/ဘာသာ ပေါင်းစုံမှ မြို့မိမြို့ဖများက စုပေါင်းလှူဒါန်းခဲ့ပါတယ်။

    ယခင်က ပြည်မြို့ အထွေထွေရောဂါကု ဆေးရုံမှာကျောက်ကပ်ရောဂါဝေဒနာရှင်များ အတွက် လိုအပ်သည့် ဆေးဝါးကိရိယာ မစုံမလင်ဖြစ်နေတဲ့အတွက် ချက်ချင်းကုသ၍ မရနိုင်ဘဲ တခြားမြို့တွေကို လွှဲပြောင်းပေးရကြောင်း၊ ယခုကဲ့သို့ စက်ပစ္စည်းများ စုံလင်စွာရှိလာတဲ့အတွက် လူနာများ စရိတ်သက်သာစွာဖြင့် အချိန်မှီကုသနိုင်တော့မှာ ဖြစ်တဲ့အတွက် အလှူရှင်တွေကိုလည်း ကျေးဇူးတင်ပြီး အဆင်ပြေပြေဖြစ်သွားတယ်လို့ ဒေသခံတစ်ဦးက ဆိုပါတယ်။

    အထွေထွေရောဂါကုဆေးရုံကြီးသို့ ကျောက်ကပ်လာရောက် ဆေး သည့် လူနာတစ်ဦးက ရန်ကုန်၌ ကျောက်ကပ် တစ်ခါသွားဆေးလျှင် ခရီးစရိတ်၊ တည်းခိုစရိတ်မပါဘဲ ငွေကျပ် ၆ဝဝဝဝ၊ ၇ဝဝဝဝ ခန့်ကုန်ကျကြောင်း၊ ယခု ဒီမှာဆေး၍ရနေပြီဖြစ်သည့်အတွက် အဆင်ပြေကြောင်း ပြောပါတယ်။

    အဆိုပါ ကျောက်ကပ်ဆေးစက် (၅) လုံး အတွက် အလှူရှင်များ၏ စုစုပေါင်း လှူဒါန်းမှုမှာ ငွေကျပ်သိန်း၁၂ဝဝ ခန့်ရှိ ကြောင်း သိရပါတယ်။

    Photo Credit- ပြည့်သဲမောင်(ပြည်)
    ref: မြဝတီ၊ ပြည်သတင်း

  • ပြည်မြို့ရှိ တမန်တော်နေ့ပွဲ ကန့်ကွက်ခဲ့သူများကို ဝတ္တရားနှောက်ယှက်မှုဖြင့် တရားစွဲမည်

    ပြည်မြို့ရှိ တမန်တော်နေ့ပွဲ ကန့်ကွက်ခဲ့သူများကို ဝတ္တရားနှောက်ယှက်မှုဖြင့် တရားစွဲမည်

    ဇန်နဝါရီ ၁၇ ၊ ၂၀၁၇
    ကောင်းမြတ်မင်း / ဧရာဝတီ

    ပြည်မြို့ ရွာဘဲနယ်မြေ စည်တော်မင်္ဂလာရပ်ကွက်ရှိ ဗလီတွင် ၁၄၉၁ နှစ်မြောက် တမန်တော်မွေးနေ့ကျင်းပမည့်ကိစ္စကို ကန့်ကွက်ခဲ့ရာတွင် ပါဝင်ခဲ့သည့် အမျိုးသား ညွှန့်ပေါင်း အဖွဲ့မှ ဦးဆောင်သူ ဦးလှသိန်းမောင် အပါအဝင် ၁၂ ဦး ကို ဝတ္တရား နှောက်ယှက်မှုဖြင့် တရားစွဲမည်ဖြစ်ကြောင်း ပြည်မြို့နယ် ရဲတပ်ဖွဲ့ထံက သိရသည်။

    ထို့အပြင် သံဃာ ၃ ပါးကို ရန်ကုန်တိုင်း သံဃမဟာ နာယကမှ ခေါ်ယူဆုံးမကာ သြဝါဒပေးမည်ဖြစ်ကြောင်း သိရသည်။

    ရန်ကုန်တိုင်းဒေသကြီးအခြေစိုက် အမျိုးသားရေးညွန်ပေါင်း အဖွဲ့မှ ပွဲမကျင်းပနိုင်ရန် ကန့်ကွက်စောင့်ကြည့်မှုများပြုလုပ်ခဲ့ရာ ပွဲဖျက်သိမ်းလိုက်ရသည့် အတွက် ကန့်ကွက်သူများအား အရေးယူဆောင်ရွက်ရန် သာသနာရေးနှင့် ယဉ်ကျေးမှုဝန်ကြီးဋ္ဌာန ပြည်ထောင်စုဝန်ကြီး သူရဦးအောင်ကိုက ညွန်ကြားခဲ့ပြီး စောင့်ကြည့်ကန့်ကွက်ရာတွင် ပါဝင် ပတ်သက်ခဲ့သူများကို စိစစ် နေကာ အခြား ပုဒ်များဖြင့်ပါ အရေးယူနိုင်ရန် ဥပဒေ အကြံပေးများဖြင့် တိုင်ပင်နေကြောင်း သိရသည်။

    “ ၁၅ ရက်နေ့က ဖြစ်ခဲ့တဲ့ကိစ္စနဲ့ ပတ်သက်ပြီး သံဃာကိစ္စကို မြို့နယ်သံဃ နာယကအဖွဲ့က ဆောင်ရွက်ပါလိမ့်မယ်။ ပါဝင်ပတ်သက်တဲ့ လူပုဂ္ဂိုလ်တွေကိုတော့ အုပ်ချုပ်ရေးမှူးတွေက ဥပဒေ လုပ်ထုံးလုပ်နည်းတွေနဲ့ ဆောင်ရွက်သွား လိမ့်မယ်ဆိုတဲ့ အကြောင်း အစည်းအဝေး လုပ်ခဲ့တာပါ” ဟု ပဲခူးတိုင်းဒေသကြီး မဲဆန္ဒနယ် အမှတ် ၈ အမျိုးသားလွှတ်တော် ကိုယ်စားလှယ် ဒေါက်တာဝင်းမြင့်ချစ်က ပြောသည်။

    တမန်တော်မွေးနေ့အား ကန့်ကွက်ခဲ့သည့် အမျိုးသားရေး ညွန့်ပေါင်းအဖွဲ့အား ဘာသာရေး အဓိကရုဏ်းဖြစ်ရန် သွေးထိုး လှုံ့ဆော်မှုများ ပြုလုပ်ခဲ့ရာ အရေးယူဆောင်ရွက်ပေးရန်၊ အလားတူပြဿနာမျိုး ထပ်မံ မဖြစ်ပွားစေရေး တာဝန်ရှိသူများမှ ကြိုတင်ကာကွယ်မှုများ ပြုလုပ်နိုင်ရန် ပြည်မြို့ပေါ်ရှိ အရပ်ဘက်အဖွဲ့အစည်း ၂၇ ဖွဲ့ ပူးပေါင်းကာ ယနေ့နေ့လည်ပိုင်းက ကြေညာချက်တစောင် ထုတ်ပြန်ခဲ့သည်။

    “အထူးသဖြင့် အရေးယူတဲ့အပိုင်းကို ကျနော်တို့ ပိုမိုလုပ်ဆောင်စေချင်လို့ပါ။ ပြည်သူလူထုကလည်း အမြဲတမ်း နိုးနိုးကြားကြားရှိနေစေဖို့ ဒါမျိုးဖြစ်လာရင် နားမယောင်ဖို့ပါ” ဟု ပြည်မြို့ အခြေစိုက် မိုးမေတ္တာပရဟိတအသင်း အထွေထွေအတွင်းရေးမှူး ကိုညီညီအောင်က ပြောသည်။

    ပြည်မြို့တွင် ကျင်းပပြုလုပ်မည့် တမန်တော်မွေးနေ့အား ကန့်ကွက်ခဲ့သည့် အမျိုးသားရေးညွန်ပေါင်းအဖွဲ့တွင် ရန်ကုန်တိုင်းဒေသကြီး အခြေစိုက် အဖွဲ့အစည်း ၁၇ ဖွဲ့ပါရှိကာ ယင်းအဖွဲ့မှ ဇန်နဝါရီလ ၁၅ ရက်နေ့ နံနက်ပိုင်းက ပြည်မြို့စည်တော်မင်္ဂလာရပ်ကွက် ဗလီရှေ့တွင် ကား ၈ စီးခန့် တန်းစီးရပ်ထားပြီး တမန်တော်နေ့အခမ်းအနား ထပ်မံမကျင်းပနိုင်ရန် စောင့်ကြည့်မှုများပြုလုပ်ကာ ကန့်ကွက်ကြောင်းကြေညာချက် စာရွက်များ လိုက်လံ ဝေပေးခဲ့ခြင်းကြောင့် ပွဲဖျက်သိမ်းခဲ့ခြင်း ဖြစ်ကြောင်း သိရသည်။

    ဧရာဝတီမှ ကူးယူဖော်ပြပါသည်။

  • ပြည်မြို့မှာ ကျင်းပမည့် တမန်တော်နေ့ပွဲ အပိတ်ခံရ

    ပြည်မြို့မှာ ကျင်းပမည့် တမန်တော်နေ့ပွဲ အပိတ်ခံရ

    ဇန်နဝါရီ ၁၅ ၊ ၂၀၁၇
    ဧရာဝတီမှ ကူးယူဖော်ပြသည်။

    ပြည်မြို့မှာပြုလုပ်မယ့် တမန်တော်နေ့အခမ်းအနား / ကောင်းမြတ်မင်း / ဧရာဝတီ

    ပြည်မြို့၌ ယနေ့ပြုလုပ်မည့် အစ္စလာမ်ဘာသာဝင်တို့၏ “၁၉၄၁ ကြိမ်မြောက် တမန်တော်နေ့”အား ရန်ကုန်အခြေစိုက် မျိုးချစ်ပရဟိတအဖွဲ့မှ လာရောက် ကန့်ကွက်သည့်အတွက် ပွဲဖျက်သိမ်းလိုက်ရသည်။

    ယမန့်နေ့ နေ့လည်ပိုင်းက ပွဲဖျက်သိမ်းရန် အကြောင်းကြားလာ၍ ပြည်မြို့နယ်အုပ်ချုပ်ရေးမှူးရုံးတွင် မြို့နယ် အုပ်ချုပ်ရေး မှူး၊ မြို့နယ်ရဲမှူး၊ တိုင်းသာသနာရေးဦးစီးမှူး၊ ဘာသာရေးအဓိကရုဏ်းကွန်ရက်(ပြည်ခရိုင်) နှင့် တမန်တော်နေ့ ကျင်းပရေး ကော်မတီအဖွဲ့ဝင်များ တွေ့ဆုံဆွေးနွေးရာ မိနစ် ၃၀ခန့် ပွဲကျင်းပခွင့်ပေးခဲ့သော်လည်း မျိုးချစ်ပရဟိတအဖွဲ့မှ လုံးဝဖျက် သိမ်းရန်တောင်းဆိုခဲ့သည့်အတွက် ဖျက်သိမ်းလိုက်ရကြောင်း ဘာသာရေးအဓိကရုဏ်း ကွန်ရက်အဖွဲ့ ဝင်(ပြည်ခရိုင်) ကိုသန်းထိုက်က ဧရာဝတီကိုပြောသည်။

    “ မနေ့က နေ့လည် ၂ နာရီကနေ ညနေ ၄ နာရီအထိ အစည်းအဝေးမှာ နာရီဝက်နဲ့အပြီးပွဲလုပ်ပါလို့ ညှိတာ မွတ်ဆလင် တွေဘက်က အဆင်ပြေလက်ခံတယ်။ အဲဒါကို မျိုးချစ်ပရဟိတအဖွဲ့က လုံးဝဖျက်သိမ်းရမယ်ပြောတော့ ညပိုင်းမှာ ဇောတိကရုံ ဘုန်းကြီးကျောင်းမှာ ထပ်ညှိတာ ဘယ်လိုမှအဆင်မပြေဘူး။ ကန့်ကွက်ချင်ရင် အစောကြီးကတည်းက ကန့်ကွက်သင့်တယ်။ ပွဲလုပ်ခါနီးမှကပ်ပြီး ပွဲဖျက်တာတော့ မလုပ်သင့်ဘူး။ အခုအားလုံးဖိတ်ထားတဲ့ လူတွေလာနေတာ ပြန်လွှတ်နေရတယ်” ဟု ကိုသန်းထိုက်ကဆက်ပြောသည်။

    ပြည်မြို့တွင် တမန်တော်နေ့အခမ်းအနားကျင်းပပြုလုပ်ခဲ့သည့်အကြိမ်တိုင်း ငြိမ်းငြိမ်းချမ်းချမ်းနှင့် ပွဲကျင်းပပြုလုပ်ခဲ့သော် လည်း ယခုနှစ်ပြုလုပ်မှသာ ပွဲဖျက်သိမ်းပေးရခြင်းဖြစ်ကြောင်းနှင့် အစ္စလမ်ဘာသာဝင်များအနေနှင့် အကြမ်းဖက်သည့် ဘာသာမဟုတ်ကြောင်း သက်သေပြသည့်အနေနှင့် အေးချမ်းစွာ ပွဲဖျက်သိမ်းပေးလိုက်ခြင်းဖြစ်ကြောင်း တမန်တော်နေ့ အခမ်းအနားပြင်ဆင်သူ ကိုကျော်နိုင်ကဆိုသည်။

    “ နှစ်စဉ်နှစ်တိုင်း အေးအေးချမ်းချမ်းကျင်းပပြုလုပ်တဲ့ အလှူအတန်းပွဲတခုဖြစ်တယ်။ အဲဒါကို လူအုပ်စုတစုက ကန့်ကွက် လာတဲ့အပေါ်မှာ ကျနော်တို့ အစ္စလာမ်ဘာသာဟာ ငြိမ်းချမ်းတဲ့ဘာသာဖြစ်တယ်ဆိုတာ မြန်မာနိုင်ငံသူ နိုင်ငံသားတွေရော ကမ္ဘာသူကမ္ဘာသားတွေရောသိစေချင်လို့ ရပ်လိုက်တာဖြစ်ပါတယ်။ ပထမအနေနဲ့ နိုင်ငံတော်အကြီးအကဲတွေရဲ့ ခွင့်ပြုမိန့် ကျလာလို့ ဒါကိုလုပ်ရတာပါ။ အခုတော့ ကျနော်တို့ ချက်ပြုတ်ထားတာတွေတောင် လှူခွင့်မရတော့ပါဘူး” ဟု ကိုကျော်နိုင် က ဆက်ပြောသည်။

    တမန်တော်နေ့ကျင်းပရာ ပြည်မြို့ ရွာဘဲနယ်မြေ စည်တော်မင်္ဂလာရပ်ကွက်ရှိ ဗလီရှေ့တွင် ဗုဒ္ဓဘာသာသာသနာ့အလံ ထောင်၍ သံဃာတော်များတင်ဆောင်ထားသည့် Light Truck  ကားအပါအဝင် ကား ၈ စီးခန့်ရပ်ထားရာ၊ အဆိုပါအဖွဲ့ အား မည်သည့်အဖွဲ့ဖြစ်ကြောင်းနှင့် ကန့်ကွက်ရခြင်းအကြောင်းကို ဧရာဝတီမှ သွားရောက်မေးမြန်းရာ မဖြေကြား နိုင်ကြောင်း ပြောကြားခဲ့သည်။

    စည်တော်မင်္ဂလာရပ်ကွက်ရှိ ဗလီအနီးတွင် ရဲတပ်ဖွဲ့ဝင် ၂၀ ခန့် လုံခြုံရေးယူထားပြီး ဗလီအတွင်း မဏ္ဍပ်များဖျက်သိမ်းနေ ကြောင်းတွေ့ရသည်။

    မူရင်းလင့်ခ်

  • ပြည်ခရိုင်တွင် အဓိကရုဏ်းများ ဆန့်ကျင်ရေးနှင့် တားဆီးရေး ကွန်ရက် ပြန်လည်ဖွဲ့စည်း

    ပြည်ခရိုင်တွင် အဓိကရုဏ်းများ ဆန့်ကျင်ရေးနှင့် တားဆီးရေး ကွန်ရက် ပြန်လည်ဖွဲ့စည်း

    ဇွန်၂၇၊ ၂၀၁၆
    M-Media
    မိုးစက်
    Pyi
    ပြည်။    ။ ဘာသာရေး အဓိကရုဏ်း များကို ကာကွယ်နိုင်ပြီး ၂၁ ပင်လုံညီလာခံကို နှောင့်ယှက်ဖျက်ဆီးခြင်းမှ ကင်းဝေးရန်အတွက် ဘာသာရေး အဓိကရုဏ်းများ ဆန့်ကျင်ရေးနှင့် တားဆီးရေး ကွန်ရက် (ပြည်ခရိုင်) ကို ဇွန်လ ၂၆ ရက်နေ့က ပြန်လည်ဖွဲ့စည်း ခဲ့ပါတယ်။

    ယခုအချိန်သည် ၂၁ ရာစုညီလာခံအတွက် တိုင်းရင်းသားတွေ လက်နက်ကိုင်အဖွဲ့အစည်းတွေက စည်းလုံးမှုရရန်အတွက် ကြိုးစားနေချိန်ဖြစ်ပြီး အဆိုပါ ကြိုးစားမှုများကို မလိုလားသူများက ဘာသာရေးမှိုင်းတိုက်ပြီး ဆူပှုမှုများဖြစ်အောင် ကြိုးပမ်းနေကြတဲ့အတွက် ယခုလို အဖွဲ့ကို ပြန်လည်ဖွဲ့စည်းလိုက်ခြင်းလည်း ဖြစ်ပါတယ်။

    “ကျွန်တော်တို့အဖွဲ့က ပြည်ခရိုင်မှာ တစ်ခုခု ပြစ်မှုကျူးလွန်တာနဲ့ အဲ့လူကို ချက်ချင်းဖမ်းဆီးဖို့ အရေးယူဖို့ ရဲတွေနဲ့ သက်ဆိုင်ရာတွေကို တောင်းဆိုမယ်၊ မလိုလားအပ်တဲ့ ပြသာနာတွေမရှိလာအောင် ပြည်ခရိုင်မှာ တာဝန်ရှိ အစိုးရအဖွဲ့နဲ့ ပူးပေါင်းလုပ်ဆောင်သွားဖို့တွေ ရှိပါတယ်” လို့  အဓိကရုဏ်းများ  ဆန့်ကျင်ရေးနှင့် တားဆီးရေး ကွန်ရက်က တာဝန်ရှိသူတစ်ဦးက ကွန်ယက်ပြန်လည်ဖွဲ့စည်းရခြင်းနှင့် ပတ်သတ်ပြီး ပြောဆိုပါတယ်။

    ဘာသာရေးအဓိကရုဏ်း  တွေဖြစ်မှ ပင်လုံညီလာခံပျက်သွားမယ်ဆိုတဲ့ အကြံအစည်နဲ့ လုပ်နေကြတာကြောင့် အမျိုးသားရင်ကြားစေ့ရေး၊ တိုင်းရင်းသား စည်းလုံးညီညွတ်ရေးတို့ကို ထိခိုက်အောင် လုပ်နေသူများကို ဖွဲ့စည်းပုံ အခြေခံဥပဒေများအတိုင်း အရေးယူနိုင်အောင် လွှတ်တော် ကိုယ်စားလှယ်များ၊ မြန်မာနိုိင်ငံရဲ့တပ်ဖွဲ့တို့နှင့် ပူးပေါင်းဖော်ထုတ်သွားမယ်လို့  ဇွန်လ (၂၆) ရက်နေ့က အဓိကရုန်းများ ဆန့်ကျင်ရေးနှင့် တားဆီးရေးကွန်ရက်က ထုတ်ပြန်သော ကြေငြာချက်မှာ ပါရှိပါတယ်။

    လွန်ခဲ့သော ရက်ပိုင်းများအတွင်းက အစ္စလာမ်ဘာသာဝင်တစ်ဦး၏ အိမ်ရှေ့တွင် မီးလောင်မှု တခု ဖြစ်ပွားခဲ့ပါသေးတယ်။ အဆိုပါည ညဥ့်နက်အချိန်တွင် ဆိုက်ကယ်များစီးပြီး လူတစ်စုက ရှို့မီးဖြင့် မီးရှို့ခဲ့တာလို့ သတင်းတွေထွက်ပေါ်ခဲ့ပါတယ်။။ တရားခံများကို ရဲမှ အမှုဖွင့်ထားပြီး ယနေ့တိုင် တရားခံတစ်စုံတစ်ယောက်မှ မိခြင်း မရှိသေးကြောင်းပါ။

  • ကလေးခိုးသည်ဟု ဦးဝီရသူ သွေးထိုးလှုံ့ဆော်မှု ပြုလုပ်နေသည့် ကိစ္စ သတင်းအမှန်

    ကလေးခိုးသည်ဟု ဦးဝီရသူ သွေးထိုးလှုံ့ဆော်မှု ပြုလုပ်နေသည့် ကိစ္စ သတင်းအမှန်

    အောက်တိုဘာ ၃ ၊ ၂၀၁၄
    M-Media
    သတင်း- ချမ်းငြိမ်းအေး
    Wira_Thu_News_-_Wira_Thu_News_shared_

    ၂၀၁၄-ခု ဇူလိုင်လဆန်းက မန္တလေးမှာ ဖြစ်ပွားခဲ့သည့် အကြမ်းဖက်မှုဟာလည်း ဘာသာတရားကို အကြောင်းပြပြီး အကြမ်းဖက်မှုဖြစ်လာစေရန် ဦးဝီရသူမှ လပေါင်းများစွာ လှုံ့ဆော်မှုခဲ့ပြီး အကွက်ချစီစဉ်ခဲ့သည့် လုပ်ကြံ မုဒိန်းမှုအား သစ်ထူးလွင်နှင့် ဦးဝီရသူတို့မှ အွန်လိုင်း စာမျက်နှာမှာ လှုံဆော်ရာမှ စတင်ခဲ့သလို လွန်ခဲ့သော ရက်ပိုင်းများက စတင်ပြီး ပြည်မြို့မှာလည်း ဘာသာမတူတဲ့ မိသားစုအတွင်းဖြစ်ပွားသည့် အရေးကိစ္စ ပြဿနာကို အကြမ်းဖက်မှုဖြစ်ပေါ်လာစေရန် ဖန်တီး လှုံ့ဆော်မှုများ ရှိခဲ့ပါတယ်။

    ပြည်မြို့ရှိ ဘာသာမတူသူက ကလေးခိုးမှုဟုဆိုကာ မဟုတ်မမှန် လုပ်ကြံကာ သာသနာ့ဝန်ထမ်း ဦးဝီရသူရဲ့ အင်တာနက် စာမျက်နှာမှာ လွန်ခဲ့တဲ့ စက်တင်ဘာလကစပြီး အကြမ်းဖက်မှု ဖြစ်ပေါ်လာစေရန် စတင်ပြီး လုပ်ကြံသတင်း ဖြန့်ဖြူးခဲ့ပါတယ်။

    အကြမ်းဖက်မှုကို မလိုလားသည့် ငြိမ်းချမ်းစွာ နေထိုင်လိုသူများက ၎င်းဖြစ်စဉ်အမှန်အား M-Media ကို ပြောပြခဲ့ပါတယ်။

    “ပြည်မြို့ ဒေါင်းမင်းဆိုင်က သားအလတ် ဦးမင်းလွင်က သူ့ဇနီး ဒေါ်ဝါ၀ါလွင်နဲ့ရတဲ့ ကလေးနှစ်ယောက်ရှိတယ်။ ဦးမင်းလွင်မိန်းမ ဒေါ်ဝါ၀ါလွင်က ဗုဒ္ဓဘာသာပေါ့။ သူနဲ့ ရတော့ မွတ်စလင်လိုနေတယ်။

    လွန်ခဲ့တဲ့ ၅ နှစ်လောက်က လင်မယား ကွဲသွားတယ်။ အဲတော့ မိန်းမက ကလေးနှစ်ယောက်ကို ရှင်ပြုပေး ခဲ့တယ်။ နောက်ပြီး ရွှေတောင်နားက ဘုန်းကြီးကျောင်း တစ်ခုမှာ သူနောက်ယောင်္ကျားယူမှာမို့လို့ ကလေးတွေကို အပ်ထားပါရစေဆိုပြီး ဘုန်းကြီးဆီမှာ တောင်းဆို ခဲ့တယ်။

    ကလေးတွေက အဲဒီမှာမနေချင်တာကြောင့် သားအကြီး မောင်ချစ်မင်းနိုင်က သူ့အဒေါ် (ဒေါ်ဝါ၀ါလွင်ရဲ့ အစ်မဖြစ်သူ ဒေါ်စောမာလာ)ရဲ့ ဖုန်းနံပါတ်တစ်ခုပဲမှတ်မိတယ်။ အဲဒါကြောင့် သူ့အဒေါ်ဆီကို ဖုန်းဆက်ပြီး သူတို့ကိုလာခေါ်ခိုင်းတော့ အဒေါ်ကသွားခေါ်တယ်။ အဲဒါနဲ့ပဲ သူ့အိမ်မှာ အဲ့ကလေးနှစ်ယောက်ကို ကျွေးမွေးထားတယ်။

    ဒေါ်စောမာလာက လမ်းရှည်လမ်းမှာ သစ်ရိပ်သာဆိုတဲ့ အအေးဆိုင်ဖွင့်ထားတယ်။ သူ့မှာလည်း သားတစ်ယောက်ရှိတယ်။ အဲ့သားက သူ့တူလေးနဲ့ရွယ်တူပဲ။ ငယ်ငယ်တုန်းကတော့ ကလေးတွေကိုတန်းတူထားပေမဲ့ နည်းနည်းအရွယ်ရောက် လာတော့ သူ့သားကိုသိပ်မခိုင်းဘဲ လမ်းရှည်လမ်းမှာပဲ အအေးခွက်ရောင်းတဲ့ဆိုင်မှာ သူ့သားကို ဆိုင်ခိုင်းထားပြီး တူအကြီးကခိုင်းလို့ရတဲ့ အရွယ်လည်းရောက်နေတော့ သူ့ရဲ့အအေးဆိုင်မှာ တောက်တိုမယ်ရ ခိုင်းတယ်။ ခိုင်းတာကိုလုပ်တာလွဲရင် ကလေးကို ဆိုင်က၀ယ်သူတွေရှေ့မှာ လွန်လွန်ကျူးကျူးပြောဆိုတယ်။

    နောက်တော့ သူသားကိုရော အဲ့ကလေးကိူရော ကျောင်းထုတ်လိုက်တယ်။ ဒါနဲ့ပဲကလေးက မခံနိုင်တာနဲ့ပဲ ဒေါင်းမင်းဆိုင်က သူ့ဦးလေးအိမ်ကို ထွက်ပြေးသွားတယ်။ ဒေါ်စောမာလာက လူပျောက်တိုင်တယ်။ ကလေးဦးလေးက ရ.၀.တ နဲ့သွားရှင်းပြီး ကလေးကိုယ်တိုင်ကလည်း အဒေါ်အိမ်မှာ မနေနိုင်ဘူးဆိုပြီး ပြောလို့ ဦးလေးကပဲ ကလေးကိုခေါ်သွားတယ်။

    ဒေါ်စောမာလာကမကျေနပ်လို့ တရားရုံးမှာတိုင်ကြားထားတယ်။ အခုတော့ အုပ်ချုပ်ရေးမှုးက ကလေးကို တာဝန်ယူနိုင်မယ့်သူ ကလေးကို ဘော်ဒါမှာကျောင်း ထားလိုက်ပါ ပြည်မှာ မထားနဲ့တော့ ဆိုလို့ အခုကလေးကို ဘော်ဒါထားတယ်လို့ သိရပါတယ်။

    ဒါကို မကျေနပ်တဲ့ ဒေါ်စောမာလာက ဦးမင်းလွင်နဲ့ ဒေါ်ဝါ၀ါလွင်ရဲ့သား အငယ်ကို မန္တလေးမှာ ဘုန်းကြီးဝတ်ပေးလိုက်ပြီး ပြည်တရားရုံးမှာ အမှုဖွင့် ခဲ့ပါတယ်။ တရားရုံးကလည်း တရားလိုတွေရဲ့ ထွက်ဆိုချက်တွေ အရ ဖခင်ဦးမင်းလွင်ကို အမှုအနိုင်ရစေခဲ့ပါတယ်။”

    လို့ ပြည်မြို့ခံတွေက ပြောခဲ့ပါတယ်။

    ၎င်းဖြစ်စဉ်က ဦးဝီရသူထံ ရောက်သွားပြီးတဲ့နောက်မှာတော့ ဘာသာရေးကို အကြောင်းပြုပြီး အကြမ်းဖက်မှုတွေ ပေါ်ပေါက်လာအောင် အွန်လိုင်းမှာ ၀ါဒဖြန့်လှုံ့ဆော်မှုတွေ သူစတင်ပြီး လုပ်ဆောင်ပါတော့တယ်။

    “ကျွန်တော်တို့ ပြည်မြို့က လူအများစုကလည်း ဒီအကြောင်းအရာ အဖြစ်အပျက်တွေကို သိနေကြပါတယ်။ ပြီးတော့ ကျွန်တော်တို့ ပြည်မြို့ခံတွေအနေနဲ့ အကြမ်းဖက်မှုကို မဖြစ်ပွားစေဖို့အတွက် ဘာသာ လူမျိုးစုံ လက်တွဲဆောင်ရွက်နေကြပါတယ်။ အကြမ်းဖက်မှုတွေကို နားမယောင်ကြစေဖို့လည်း လက်လှမ်းမီသလောက် တိုက်တွန်းမှုတွေ လုပ်ပါတယ်။ အခုဆို သီတင်းကျွတ်ပွဲတော် အလှူခံရာမှာ ဘာသာပေါင်းစုံက ပါဝင်ပြီး ဆောင်ရွက်နေကြတယ်။ ဒီလို အေးချမ်းနေတဲ့ပြည်မြို့ကို အခုလို မီးလောင်တိုက်သွင်းဖို့ ကြိုးစားနေတာ ကျွန်တော်တို့တော့ လက်မခံဘူး”လို့ ဘာသာပေါင်းစုံငြိမ်းချမ်းရေး လုပ်ဆောင်နေသူတစ်ဦးကလည်း ဆိုပါတယ်။

    ပြည်မြို့တွင်နေထိုင်သည့် အမျိုးသမီး တစ်ဦးကလည်း သူမရဲ့ ဖေ့ဘွတ်စာမျက်နှာမှာ မနေ့က အခုလို ရေးသားထားတာကို တွေ့ရပါတယ်။

    “ဒေါင်းမင်းမိသားစုရဲ့ အမှု့ကို ဒီနေ့ အမိန့်ချမယ်လို့ မဘသ ပေ့ဂ်ျတွေမှာ ရေးထားတာတွေ့ရတယ်။ ဒါကို လူတွေက သို့လော သို့လောနဲ့ စုရုံးပီး ရုတ်ရုတ်သည်းသည်း မဖြစ်ဖို့ပဲ လိုတယ်။ တကယ်တော့ ဒါကသာမန် မိသားစုပြသနာ တခုပါပဲ။ တရားရုံးကတော့ သူ့ လုပ်ရိုးလုပ်နည်းအတိုင်း စီရင်ချက်ချပီးသွားပါပီ။ ကလေးရဲ့ ဆန္ဒအတိုင်း ဖခင်နဲ့ပဲနေခွင့်ပေးလိုက်ပါတယ်။

    ဒါပေမယ့် ဒါကိုမကျေနပ်တဲ့ ပြသနာ အတိမ်အနက်ကို ဘာမှ ရေရေရာရာ မသိတဲ့ သူတွေကြောင့် ပြသနာမီးပွားစမှာ စိုးရိမ်နေကြပါတယ်။

    စိုးရိမ်မယ်ဆိုလည်း စိုးရိမ်စရာပါပဲ။ ဦးဝီရသူ မွှေးသမျှမီးတွေဟာ မလောင်ဘူးဆိုတာမှ မရှိခဲ့တာပဲလေ။ ၁၈+ တွေပဲ တင်လေ့ရှိတဲ့ ဘုန်းကြီးပေ့ဂ်ျက လှုံ့ဆော်မှု့တွေကို နားယောင်ပြီး မျက်ကန်းမျိုးချစ်တွေရဲ့ အသိဥာဏ်မဲ့ လုပ်ရပ်တွေနဲ့ ပြည်မြို့ကို အကျည်းတန်စေမှာကိုတော့ ပြည်မြို့သူမြို့သားတွေနဲ့ ထပ်တူစိုးရိမ်မိပါတယ်။ လင်မယားနှစ်ယောက် စိတ်သဘောထား မတိုက်ဆိုင်လို့ လမ်းခွဲခဲ့ကြပီး ဖြစ်လာတဲ့ နောက်ဆက်တွဲပြသနာကို ဘာမဆိုင် ညာမဆိုင် ဘုန်းကြီးက အမှု့စစ်တယ်ဆိုတာ ကတော့ ရာဇဝင်ရိုင်းလွန်းပါတယ်။

    ကျမတယောက်ထဲရဲ့ အမြင်သုံးသပ်ချက်ကို ပြောရမယ်ဆိုရင်တော့ ဥပဒေဘောင်အတွင်းကနေ တရားရေးအရ အမှု့စီရင်ပိုင်ခွင့်ရှိတဲ့ တရားသူကြီးရဲ့ ဆုံးဖြတ်ချက်က လွဲလို့ တရားရေးအကြောင်း ဥပဒေအကြောင်းေ-ာက်မှန်း ကန်းမှန်း နားမလည်တဲ့  ဝါဒမှိုင်းတိုက်မှု့တွေနဲ့ လူ့အသက်ပေါင်းများစွာကို သတ်ခဲ့တဲ့ အပြစ်မယ့်လူပေါင်း များစွာရဲ့ ဘဝတွေကို ရိုက်ချိုးဖျက်စီးခဲ့တဲ့  သင်္ကန်းအရေခြုံ လူသတ်သမားခေါင်းဆောင်ရဲ့  ဆုံးဖြတ်ချက် စီရင်ချက်ဆိုတာတွေကို လုံးဝကန့်ကွက်ပါတယ်။ ရှုံ့ချပါတယ်။ သူ့မှာ ဆုံးဖြတ်ခွင့် မရှိသလို စီရင်ခွင့်လည်းမရှိပါဘူး။

    ဒီလို ဝါဒမှိုင်းတိုက်မှု့တွေနဲ့ ပြသနာမီးစများစွာကို မွှေးနေသူ သင်္ကန်းအရေခြုံ အာဏာရှင်လက်ကိုင်ဒုတ် ဦးဝီရသူအား ပြတ်ပြတ်သားသား ကန့်ကွက်ကြဖို့ တိုက်တွန်းလိုပါတယ်။ အသိဥာဏ်တွေ အမှောင်ချပီး အသုံးချခံနေရသူများအားလုံး စစ်မှန်တဲ့ အလင်းရောင်အောက်မှာ အမှန်တရားကို မြင်နိုင် ခံစားနိုင်ကြပါစေ…။ ပြည်မြို့နှင့်အတူ မြန်မာပြည် တပြည်လုံး ငြိမ်းချမ်းပါစေရှင်…။”

    ပြည်မြို့က မြို့ခံတစ်ဦးရဲ့ ရင့်ဖွင့်ရေးသားချက်ပါ။

    ယခုအခါ အေးဆေးတည်ငြိမ်နေသည့် ပြည်မြို့မှာ မည်သည့်အကြမ်းဖက် လှုံ့ဆော်မှုကိုမှ မြို့ခံများက မလိုလားသလို အကြမ်းဖက်မှုလှုံ့ဆော်ဖန်တီးမှုများကိုလည်း နားမယောင်ပဲ ငြိမ်းချမ်းမှုကိုပဲ ဦးတည်စေလိုကြောင်း သိရပါတယ်။

    မြန်မာနိုင်ငံမှာ ၂၀၁၂-ခု ဇွန်လဆန်းက စတင်ပြီး အမုန်းတရားများ စတင်ဖြန့်ဖြူးရာမှ ဘာသာရေး အသွင်ဆောင်သည့် အစ္စလာမ်ဘာသာဝင်များအပေါ် အကြမ်းဖက်မှုများ လုပ်ဆောင်လာခဲ့ရာ ယခု ၂၀၁၄-ခု အောက်တိုဘာ လရောက်သည့်တိုင် အဆိုပါ လုပ်ရပ်များမှာ ရပ်တန့်သွားခြင်း မရှိဘဲ ဆက်လက်ဖြစ်ပွားနေဆဲ ဖြစ်ပါတယ်။

    မတူညီတဲ့ ဘာသာဝင်များ အချင်းချင်း မုန်းတီးမှုများ ဖြစ်ပွားစေမည့် ရေးသားလှုံဆော်မှုများကို ဦးဝီရသူ ဦးဆောင်တဲ့ ၉၆၉(မ.ဘ.သ)အဖွဲ့ အမည်ဖြင့် ဆိုရှယ်မီဒီယာတွင် အကောင့်ပေါင်းများစွာနှင့် နေ့စဉ် လှုံဆော် ရေးသား လုပ်ဆောင်နေမှုများကို သက်ဆိုင်ရာ အာဏာပိုင်များမှာ အရေးယူမှု တစုံတရာ မပြုလုပ်သေးတာကိုလည်း တွေ့ရှိရပါတယ်။

    ဦးဝီရသူနှင့် မ.ဘ.သ အကောင့်များဖြင့် လှုံဆော်ရေးသားထားမှုများ
    http://www.virathu.com/2014/09/blog-post_46.html
    https://www.facebook.com/permalink.php?story_fbid=273022642908151&id=222883264588756