ဇွန် ၂၈၊ ၂၀၁၇
M-Media
– ဆော်ဒီဦးဆောင်သည့် အာရပ်နိုင်ငံများက ကာတာအခြေစိုက် အလ်ဂျာဇီးရား သတင်းဌာနအား ပိတ်ပစ်ရန် တောင်းဆိုမှုကို ကုလသမဂ္ဂ မီဒီယာအခွင့်အရေးဆိုင်ရာ အကြီးအကဲက ပယ်ချလိုက်ပြီး ‘မီဒီယာ ဗဟုဝါဒအတွက် အဓိက ထိုးနှက်မှုတစ်ခု’ ဖြစ်သည်ဟု ပြောကြားလိုက်သည်။
ကာတာမှာ အကြမ်းဖက်အဖွဲ့များကို ထောက်ပံ့အားပေးသည်ဆိုသည့် စွဲချက်ဖြင့် ဆော်ဒီ၊ ယူအေအီး၊ ဘာရိန်းနှင့် အီဂျစ်နိုင်ငံတို့မှာ ယခုလအစောပိုင်းက ကာတာအား သံတမန်ရေးအပါအ၀င် အဆက်အသွယ်အားလုံးကို ဖြတ်တောက်ခဲ့ပြီး ပြီးခဲ့သည့်တစ်ပတ်တွင် တောင်းဆိုချက် ၁၃ ချက် ပေးပို့ခဲ့သည်။
အီရန်နှင့် အဆက်အသွယ်ဖြတ်ရန်၊ ကာတာတွင် အခြေစိုက်ထားသည့် တူရကီစစ်စခန်းများကို ပိတ်သိမ်းရန်တို့ အပါအ၀င် ထိုတောင်းဆိုချက်များတွင် အလ်ဂျာဇီးရား သတင်းဌာနနှင့်အတူ ကာတာက ထောက်ပံ့သည်ဟု ဆိုသည့် Arabi21၊ Rassd၊ Al Araby Al Jadeed၊ Mekameleen နှင့် Middle East Eye သတင်းဌာနများအား ပိတ်သိမ်းရန် ပါဝင်သည်။
လွတ်လပ်စွာ ထုတ်ဖော်ပြောဆိုခွင့်ဆိုင်ရာ ကုလအထူးကိုယ်စားလှယ် ဒေးဗစ်ကာယီက ကြေငြာချက်တွင် “ထိုနိုင်ငံများအနေဖြင့် သံတမန်ရေးပြဿနာ ခေါင်းစဉ်အောက်တွင် အလ်ဂျာဇီရားသတင်းဌာနအား ဖြိုဖျက်ရန် ဖိအားပေးမှုမှာ မီဒီယာလွတ်လပ်ခွင့်ကို ဆိုးဆိုးဝါးဝါး ခြိမ်းခြောက်မှု ဖြစ်သည်” ဟု ပြောကြားခဲ့သည်။
ထို့ပြင် အဆိုပါနိုင်ငံများက ကာတာအပေါ် ယခုကဲ့သို့ တောင်းဆိုမှုမျိုး မလုပ်ရန် နိုင်ငံတကာ အသိုင်းအ၀ိုင်းက တိုက်တွန်းသင့်ကြောင်း၊ ၎င်းတို့၏ နိုင်ငံနှင့် ဒေသအတွင်း မီဒီယာဆိုင်ရာ တားမြစ်ပိတ်ပင်မှုများ မလုပ်ရန်၊ အရှေ့အလယ်ပိုင်းဒေသတွင် လွတ်လပ်သော မီဒီယာပေါ်ထွက်လာရေး အားပေးထောက်ခံရန် တိုက်တွန်းသင့်ကြောင်း ဒေးဗစ်ကာယီက ထည့်သွင်း ပြောဆိုခဲ့သည်။
အလ်ဂျာဇီးရားသတင်းဌာနကမူ ဆော်ဒီဦးဆောင်သော နိုင်ငံများ၏ တောင်းဆိုမှုများမှာ ဒေသတွင်း မီဒီယာ လွတ်လပ်ခွင့် ဆိတ်သုဉ်းစေရေးနှင့် ပြည်သူများမှာ သတင်းမှန်ရရှိခွင့်ကို ဖိနှိပ်ရေး ကြိုးပမ်းမှုတစ်ခုဖြစ်ကြောင်း တုန့်ပြန်ခဲ့သည်။
အဆိုပါ တောင်းဆိုချက် ၁၃ ခုကို အကြောင်းပြန်ရန်အတွက် ထို ၄ နိုင်ငံက ကာတာအား ၁၀ ရက် အချိန်ပေးထားသည်။
ထိုတောင်းဆိုချက်များ ပေါ်ထွက်လာပြီးနောက် ကမ္ဘာတစ်ဝှမ်းမှ မီဒီယာလွတ်လပ်ခွင့်အတွက် လှုပ်ရှားနေသူများ၊ မီဒီယာအသင်းအဖွဲ့များ၊ မီဒီယာလုပ်ငန်းများက အလ်ဂျာဇီးရား သတင်းဌာနဘက်မှ ရပ်တည်ကြောင်း ပြောကြားခဲ့ကြသည်။
Ref: Aljazeera
