Tag: Rakhine State

သြဂုတ် ၁၀၊ ၂၀၁၇
M-Media

– မတည်မငြိမ်ဖြစ်ပွားနေတဲ့ ရခိုင်ပြည်နယ်က ရခိုင်ဗုဒ္ဓဘာသာ လူ့အဖွဲ့အစည်းကနေ ရန်လိုမှုတွေ၊ ဆန့်ကျင်ဆန္ဒပြဖို့ ကြိုးစားမှုတွေ ရှိနေတာကြောင့် လုပ်ငန်းတွေကို သတိထားပြီး ဆောင်ရွက်ကြဖို့ ကုလက အကူအညီပေးရေးအဖွဲ့တွေကို သတိပေးထားတယ်လို့ Reutres သတင်းဌာနက ဒီနေ့မှာ ဖော်ပြပါတယ်။

ကုလနဲ့ နိုင်ငံတကာ NGO အဖွဲ့တွေက ၀န်ထမ်း ၃၀၀ လောက်ကို မနေ့က ဖြန့်ဝေခဲ့တဲ့ ‘လုံခြုံရေးဆိုင်ရာ ကြိုတင်သတိပေးချက်’ ကို သူတို့ ရရှိခဲ့တယ်လို့လည်း သတင်းဌာနက ဆိုပါတယ်။

ရခိုင်ပြည်နယ်မှာ အကူအညီပေးရေးလုပ်ငန်းတွေကို ဆောင်ရွက်နေတဲ့ ကုလနဲ့ အခြား အကူအညီပေးရေး အဖွဲ့တွေဟာ ရိုဟင်ဂျာမွတ်စလင်တွေကိုသာ ကူညီနေတယ်လို့ ရခိုင်ဗုဒ္ဓဘာသာ လူ့အဖွဲ့အစည်းက ပြောကြားထားပါတယ်။

ကုလရဲ့ သတိပေးစာမှာတော့ ပြည်နယ်အတွင်း ‘မတည်ငြိမ်ဖြစ်မယ့်အလားအလာ မြင့်တက်လာကြောင်း၊ ဖြစ်နိုင်ဖွယ်ရှိနေတဲ့ ဆန္ဒပြမှုကနေ တိုက်ခိုက်မှုတွေ ဖြစ်လာနိုင်ကြောင်း ဖော်ပြထားပါတယ်။

မြန်မာနိုင်ငံဆိုင်ရာ ကုလသမ္မဂ ဌာနေကိုယ်စားလှယ်ရုံးကလည်း ဒီသတိပေးချက် ထုတ်ပြန်ထားတာကို အတည်ပြုခဲ့ပြီး ပုံမှန်ပြုလုပ်နေကျ ဘေးအန္တရာယ်ကင်းရှင်းရေးနဲ့ လုံခြုံရေးဆောင်ရွက်ချက် တစ်စိတ်တစ်ပိုင်းဖြစ်တယ်လို့ ဆိုပါတယ်။

ကုလအဖွဲ့တွေဟာ မွတ်စလင် စစ်သွေးကြွေတွေကို ထောက်ပံ့ပေးနေတယ်၊ မွတ်စလင်လူ့အဖွဲ့အစည်းတွေကိုသာ ကူညီပေးနေတယ်ဆိုတဲ့ သဘောထားဟာ ‘ဆိုရှယ်မီဒီယာက အကူအညီပေးရေးအဖွဲ့ ဆန့်ကျင်ရေး အယူအဆတွေ၊ သဘောထားတင်းမာတဲ့ အုပ်စုတော်တော်များများရဲ့ ရန်လိုတဲ့ မှတ်ချက်တွေကို မီးထိုးပေးနေတယ်’ လို့လည်း အဲဒီ သတိပေးချက်မှာ ထည့်သွင်းဖော်ပြထားပါတယ်။

“ကုလနဲ့ INGO ဆန့်ကျင်ရေးစကားတွေနဲ့ ရန်လိုမှုတွေကို မီးထိုးဖို့၊ စိုးရိမ်မှုတွေ မြင့်တက်လာစေဖို့အတွက် ကောလဟာလတွေ၊ မှားယွင်းတဲ့အချက်အလက်တွေကို ဆက်လက်အသုံးပြုပါလိမ့်မယ်။ သတိဝိရိယရှိနေဖို့၊ လုံခြုံရေးနဲ့ သက်ဆိုင်တဲ့ အချက်အလက်တွေကို ချက်ခြင်းတင်ပြဖို့ အကြံပြုပါတယ်” လို့ ကုလက အကူအညီပေးရေး ၀န်ထမ်းတွေကို တိုက်တွန်းထားပါတယ်။

ရခိုင်ဗုဒ္ဓဘာသာခေါင်းဆောင်တွေဟာ နိုင်ငံရပ်ခြား အကူအညီပေးရေးအဖွဲ့တွေ တည်ရှိတာကို မလိုလားတာ အချိန်အတော်ကြာနေပြီဖြစ်ပြီး ရိုဟင်ဂျာတွေကိုသာ ကူညီနေတယ်လို့ သူတို့က စွပ်စွဲထားတာပါ။ ၂၀၁၄ ခုနှစ်ကလည်း ပြည်နယ်မြို့တော် စစ်တွေက အကူအညီပေးရေးရုံးတွေဟာ ဖျက်ဆီးလုယက်ခံခဲ့ရပါတယ်။

ဇူလိုင် ၃၀ ရက်နေ့က ရှာဖွေတွေ့ရှိခဲ့တဲ့ စစ်သွေးကြွစခန်းတစ်ခုမှာ WFP တံဆိပ်နဲ့ ဘီစကစ်တွေကို တွေ့ရှိခဲ့တာက ရခိုင်လူမျိုးတွေကို ပိုပြီး ဒေါသထွက်စေခဲ့တယ်လို့ စစ်တွေက ရခိုင်လူ့အဖွဲ့အစည်းခေါင်းဆောင်တစ်ဦးဖြစ်တဲ့ ဦးသန်းထွန်းက ပြောဆိုခဲ့ပါတယ်။

ရခိုင်ဘုန်းတော်ကြီးတွေနဲ့ လူ့အဖွဲ့အစည်းခေါင်းဆောင်တွဟာ တနင်္ဂနွေနေ့က စစ်တွေမှာ တွေ့ဆုံခဲ့ပြီး ပြည်နယ်မြောက်ပိုင်း ရိုဟင်ဂျာအများစုရှိရာဒေသက မွတ်စလင်မဟုတ်တဲ့ နိုင်ငံသားတွေရဲ့ လုံခြုံရေးကို ဆောင်ရွက်ပေးဖို့ အစိုးရကို တောင်းဆိုခဲ့ပါတယ်။

နိုင်ငံရပ်ခြားအကူအညီပေးရေးအဖွဲ့တွေ ချက်ခြင်းထွက်သွားပေးဖို့၊ ပြည်နယ်အတွင်းက မွတ်စလင်တွေအတွက် နိုင်ငံသားစီစစ်ရေးလုပ်ငန်းတွေ အလျင်အမြန်လုပ်ဖို့အတွက် ပြည်နယ်တစ်ခုလုံး ဆန္ဒပြပွဲ စီစဉ်နေတယ်လို့လည်း ဦးသန်းထွန်းက ပြောကြားခဲ့ပါတယ်။

“အရင်ကလို အကြမ်းဖက်မှုမျိုး မဖြစ်ဘူးလို့ ကျွန်တော်တို့ အာမမခံနိုင်ဘူးဗျ။ ကုလနဲ့ INGO ၀န်ထမ်းတွေက သူတို့ ဘယ်လို လုပ်ကိုင်၊ နေထိုင်နေလဲဆိုတာ သတိထားသင့်တယ်။ မြို့ထဲမှာ သူတို့ အရင်က ပုံစံအတိုင်း လှုပ်ရှားသွားလာနေမယ်၊ ဒါမှမဟုတ် မွတ်စလင်ရွာတွေကို သွားနေမယ်ဆိုရင် ရခိုင်တွေက သူတို့ကို မုန်းသွားမှာပါ။ အားလုံးက သူတို့အပေါ်မှာ မူတည်နေပါတယ်”

ရခိုင်ပြည်နယ်အစိုးရက ပြောရေးဆိုခွင့်ရှိသူ ဦးမင်းအောင်က ဒေသခံတွေဟာ ယခင်အမှားတွေကနေ သင်ခန်းစာရသွားပြီး အကူအညီပေးရေးအေဂျင်စီတွေကို အကြမ်းဖက်မှု ထပ်လုပ်မှာမဟုတ်ဘူးလို့ ဆိုပါတယ်။

ပြီးခဲ့တဲ့ ရက်ပိုင်းအတွင်းမှာ လူသားချင်းစာနာထောက်ထားမှုဆိုင်ရာ အကူအညီပေးရေး ၀န်ထမ်း အနည်းဆုံး ၄ ဦးဟာ ရခိုင်လူမျိုးတွေရဲ့ မောင်းထုတ်မှုကို ခံခဲ့ရတယ်လို့ ကုလကို သတင်းပေးပို့ခဲ့ပြီး INGO ၀န်ထမ်းနှစ်ဦးကလည်း Reuters သတင်းဌာနကို ပြောကြားခဲ့ပါတယ်။

မြန်မာနိုင်ငံဆိုင်ရာ ကုလလုံခြုံရေးအကြံပေးက မနေ့မှာ ထုတ်ပြန်ခဲ့တဲ့ ဒီသတိပေးချက်မှာ ဆန္ဒပြမှုတွေဟာ ငြိမ်းချမ်းမယ်လို့ မျှော်လင့်ရပေမယ့်၊ ကြီးထွားလာနိုင်ပြီး အကူအညီပေးရေးအဖွဲ့ ရုံးတွေကို နောက်ဆုံးမှာ ပစ်မှတ်ထားလာနိုင်တယ်လို့လည်း ဖော်ပြထားပါတယ်။

Ref: Reuters

သြဂုတ် ၆၊ ၂၀၁၇
M-Media

– ကုလရဲ့ အစီရင်ခံစာထဲမှာဖော်ပြထားသလို ရခိုင်မြောက်ပိုင်းမှာ လုံခြုံရေးတပ်ဖွဲ့တွေက ရိုဟင်ဂျာတွေကို စနစ်တကျ သတ်ဖြတ်တာ၊ အဓမ္မကျင့်တာ၊ မီးရှို့ဖျက်ဆီးတာမျိုးတွေ မရှိဘူးလို့ ဒုတိယသမ္မတ ဦးမြင့်ဆွေ ဦးဆောင်တဲ့ မြန်မာအစိုးရရဲ့ စုံစမ်းစစ်ဆေးရေးကော်မရှင်က ဒီနေ့မှာ ပြောကြားလိုက်ပါတယ်။

ပြီးခဲ့တဲ့နှစ် အောက်တိုဘာလမှာ ရိုဟင်ဂျာစစ်သွေးကြွတွေက နယ်ခြားစောင့်စခန်းတွေကို စီးနင်းတိုက်ခိုက်ခဲ့ပြီးနောက်ပိုင်း အစိုးရစစ်တပ်က ပြုလုပ်တဲ့ စစ်ဆင်ရေးမှာ ဒီလိုကျူးလွန်မှုတွေရှိတယ်ဆိုတဲ့ နိုင်ငံတကာရဲ့ စွပ်စွဲချက်တွေကို စုံစမ်းဖို့အတွက် မောင်တောဒေသ စုံစမ်းစစ်ဆေးရေး ကော်မရှင်ကို အစိုးရက ဖွဲ့စည်းခဲ့တာပါ။

ကော်မရှင်ရဲ့ ဒီနေ့ပြုလုပ်တဲ့ ရှင်းလင်းပွဲမှာ လုံခြုံရေးတပ်ဖွဲ့တွေအနေနဲ့ အဓမ္မကျင့်တာ၊ သတ်ဖြတ်တာ၊ မီးရှို့ဖျက်ဆီးတာတွေကို စနစ်တကျလုပ်နေတဲ့ အထောက်အထားတွေကို မတွေ့ရပေမယ့် အောက်ခြေက တပ်ဖွဲ့ဝင်တစ်ချို့ဟာ အင်အားအလွန်အကျွံသုံးတာမျိုး ရှိနိုင်တယ်လို့ ဆိုပါတယ်။

“(ကျူးလွန်မှုတွေရှိတယ်ဆိုတဲ့) တစ်ချို့အဖြစ်အပျက်တွေဟာ ချဲ့ကားပြောဆိုတာဖြစ်ပြီး၊ တစ်ချို့ဟာတွေက အထောက်အထား မရှိသလောက်ပါပဲ” လို့ ကော်မရှင်က ပြောကြားခဲ့ပါတယ်။

ရခိုင်မြောက်ပိုင်းမှာ စစ်ဆင်ရေးတွေပြုလုပ်မှုကြောင့် ဘင်္ဂလားဒေ့ရ်ှကို ထွက်ပြေးသွားရတဲ့ ရိုဟင်ဂျာတွေထဲက မျက်မြင်သက်သေ ၂၀၄ ဦးရဲ့ ပြောကြားမှုကို အခြေခံပြီး ဖေဖော်ဝါရီလက ကုလကနေ ထုတ်ပြန်တဲ့ အစီရင်ခံစာမှာ လုံခြုံရေးတပ်ဖွဲ့တွေဟာ အမျိုးသမီးတွေကို အုပ်စုဖွဲ့ အဓမ္မကျင့်တာ၊ ကလေးတွေကို သတ်ဖြတ်တာ၊ အမျိုးသားတွေကို နှိပ်စက်တာမျိုးတွေ ရှိပြီး ဒါတွေဟာ လူသားထုအပေါ်ကျူးလွန်တဲ့ ရာဇ၀တ်မှု မြောက်နေကြောင်း ဖော်ပြခဲ့ပါတယ်။

ဒါပေမယ့် ဒုတိယသမ္မတ ဦးမြင့်ဆွေဦးဆောင်တဲ့ စုံစမ်းရေးကော်မရှင်က “ဒီလိုလုပ်ရပ်မျိုးတွေ” မတွေ့ရကြောင်း၊ ကုလရဲ့ တွေ့ရှိချက်တွေဟာ မမျှတဘဲ၊ ရိုဟင်ဂျာစစ်သွေးကြွတွေရဲ့ ဆိုးဆိုးရွားရွား တိုက်ခိုက်မှုတွေကို ဂရုမစိုက်ကြောင်း ပြောကြားခဲ့ပါတယ်။

ရခိုင်ပြည်နယ်က ကိစ္စတွေအပါအ၀င် မြန်မာနိုင်ငံတစ်ဝှမ်းက လူ့အခွင့်အရေး ချိုးဖောက်ခံရမှုတွေအတွက် အဖွဲ့ဝင် ၃ ဦးပါ အချက်အလက်ရှာဖွေရေး အဖွဲ့တစ်ခုကို စေလွှတ်ဖို့ ကုလက စီစဉ်ထားပေမယ့် မြန်မာနိုင်ငံဘက်ကတော့ ပြည်ဝင်ခွင့်ပေးမှာ မဟုတ်ဘူးလို့ ပြောကြားထားပါတယ်။

မှားယွင်းတဲ့ စွပ်စွဲချက်တွေကို ချေဖျက်ဖို့အတွက် ပြဿနာဖြစ်နေစဉ်အတွင်း အဲဒီဒေသမှာ နိုင်ငံခြားမီဒီယာတွေ၊ NGO အဖွဲ့တွေကို ၀င်ခွင့်ပေးသင့်ကြောင်း မောင်တောဒေသ စုံစမ်းစစ်ဆေးရေးကော်မရှင်က ပြောကြားခဲ့ပြီး၊ အောက်ခြေက လုံခြုံရေးတပ်ဖွဲ့ဝင်တွေကို လူ့အခွင့်အရေးဆိုင်ရာ လေ့ကျင့်သင်ကြားပေးဖို့၊ ဒေသတွင်း တာဝန်ရှိသူတွေရဲ့ ခြစားမှုကို တိုက်ဖျက်ဖို့၊ စစ်သွေးကြွသံသယရှိသူတွေကို မြန်ဆန်ပြီး မျှတတဲ့ ကြားနာမှုတွေ လုပ်ဖို့လည်း တိုက်တွန်းခဲ့ပါတယ်။

Ref: Straits Times