Tag: Rakhine State

သြဂုတ် ၂၅၊ ၂၀၁၇
M-Media

– မနနေ့ကညပိုင်းမှာ ရိုဟင်ဂျာသူပုန်တွေဟာ ရခိုင်ပြည်နယ်က ရဲစခန်းနဲ့ ရဲကင်း ၂၄ ခုကို တစ်ပြိုင်နက်တည်းတိုက်ခိုက်ပြီး စစ်စခန်းတစ်ခုကို ၀င်ရောက်ဖို့ ကြိုးစားမှုအတွင်း အနည်းဆုံး ရဲတပ်ဖွဲ့ ၅ ဦးနဲ့ သူပုန် ၇ ဦး သေဆုံးခဲ့တယ်လို့ မြန်မာအစိုးရက ဒီနေ့မနက်မှာ သတင်းထုတ်ပြန်ပါတယ်။

“လက်ရှိအချိန်အထိ ရဲတပ်ဖွဲ့ဝင် ၅ ဦး ကျဆုံးခဲ့ရပြီး သေနတ် ၂ လက်ပါသွားခဲ့ရကာ၊ အစွန်းရောက် ဘင်္ဂလီ အကြမ်းဖက်သမား ၇ ဦး အလောင်းများ ရရှိထားကြောင်း ကနဦးသတင်းများအရ သိရှိရသည်” လို့ နိုင်ငံတော်အတိုင်ပင်ခံရုံး ပြန်ကြားရေးကော်မတီရဲ့ Facebook စာမျက်နှာမှာ ဖော်ပြထားပါတယ်။

“အစွန်းရောက် ဘင်္ဂလီ အကြမ်းဖက်သမားများသည် ည ၁ နာရီမှ စတင်၍ နတ်ချောင်း၊ တမန်းသား၊ ကွမ်းသီးပင်ချောင်းဝ၊ နံ့သာတောင်၊ နံ့သာတောင်ချောင်းဝ၊ မီးတိုက်ချောင်းဝ၊ ကျီးကျွန်း၊ ဇီးပင်ချောင်းဝ၊ လောင်းဒုံ၊ သီဟိုဠ်ကျွန်း၊ ဇင်ပိုင်ညာ၊ သရေကုန်းဘောင်၊ ပညောင်ပင်ကြီး၊ ရွှေရင်အေး၊ မြင်းလွတ်၊ အလယ်သံကျော်၊ ဥဒေါင်း(နတလ)၊ သင်္ဘောကွေ့၊ ချိန်ခါလီ၊ ကိုးတန်ကောက်၊ သဝန်ချောင်း၊ တောင်ဘဇာ၊ ဖောင်တောပြင်၊ မောင်တော (နတလ) စသည်တို့ရှိ ရဲကင်းများ၊ ရဲစခန်းများကို တိုက်ခိုက်ခဲ့ရာ ရဲတပ်ဖွဲ့ဝင်များက ပြန်လည်တိုက်ခိုက်ခဲ့ပြီး ရဲတပ်ဖွဲ့ဝင်အချို့ ကျဆုံးမှု၊ ထိခိုက်ဒဏ်ရာ ရရှိမှုများ ရှိခဲ့သည်”

“အလားတူ ယနေ့ နံနက် ၃ နာရီခန့်တွင် အစွန်းရောက် ဘင်္ဂလီ အကြမ်းဖက်သမား ၁၅၀ ခန့်သည် ခမရ(၅၅၂) ဂိတ်သို့ နှစ်ဖွဲ့ခွဲ၍ ဝင်ရောက်နိုင်ရန် ကြိုးပမ်းခဲ့ရာ တပ်မတော်သားများက ပြန်လည်တိုက်ခိုက်ခဲ့သည်” လို့လည်း ကော်မတီက သတင်းထုတ်ပြန်ထားပါတယ်။

ဒီတိုက်ခိုက်မှုဟာ ရခိုပြည်နယ်အတွင်း ငြိမ်းချမ်းရေးနဲ့ တည်ငြိမ်အေးချမ်းရေးအတွက် အကြံပြုနိုင်ဖို့ ဖွဲ့စည်းထားတဲ့ ကုလအတွင်းရေးမှူးချုပ်ဟောင်း ကိုဖီအန်နန်ရဲ့ အပြီးသတ်အစီရင်ခံစာ ထွက်လာပြီး တစ်ရက်အကြာမှာ ဖြစ်ပွားခဲ့တာ ဖြစ်ပါတယ်။

အစီရင်ခံစာမှာ ရခိုင်ပြည်နယ်က ကိစ္စတွေကို အလျင်အမြန်ဖြေရှင်းမှု မရှိဘူးဆိုရင် အဲဒီက လူ့အဖွဲ့အစည်းတွေ အစွန်းရောက်နိုင်တဲ့ အန္တရာယ်မျိုး ရှိနေတယ်လို့ သတိပေးခဲ့ပါတယ်။

ပြီးခဲ့တဲ့နှစ် အောက်တိုဘာလမှာ ရခိုင်ပြည်နယ်က နယ်ခြားစောင့်စခန်းတစ်ချို့ဟာ ဒီလို တိုက်ခိုက်ခံခဲ့ရပြီး ရဲတပ်ဖွဲ့ဝင် ၉ ဦး ကျဆုံးခဲ့ပါတယ်။

နောက်ပိုင်း စစ်တပ်က ပြုလုပ်တဲ့ နယ်မြေရှင်းလင်းရေးလုပ်ငန်းမှာ တရားလက်လွတ်သတ်ဖြတ်မှုတွေ၊ အုပ်စုဖွဲ့ အဓမ္မကျင့်မှုတွေ၊ နေအိမ် မီးရှို့ဖျက်ဆီးမှုတွေ ရှိတယ်လို့ သတင်းတွေထွက်ခဲ့ပြီး စစ်တပ်နဲ့ အစိုးရကတော့ ငြင်းဆိုခဲ့ပါတယ်။

အဲဒီစစ်ဆင်ရေးကြောင့် ရိုဟင်ဂျာ ၈၇၀၀၀ လောက်ဟာ ဘင်္ဂလားဒေ့ရ်ှကို ထွက်ပြေးခဲ့ရပါတယ်။

Ref: Reuters, State Counsellor Office Information Committee

သြဂုတ် ၂၄၊ ၂၀၁၇

M-Media

– (ရန်ကုန်၊ ၂၀၁၇ ခုနှစ်၊ သြဂုတ်လ ၂၄ ရက်-) မြန်မာအစိုးရ အနေနဲ့ ရခိုင်ပြည်နယ်နဲ့ ပတ်သတ်တဲ့ အကြံပေး ကော်မရှင် ကနေ ပေးပို့တဲ့ ကဏ္ဍစုံ အကြံပြုချက်တွေကို အမြန်ဆုံး လိုက်နာဆောင်ရွက်သင့်တဲ့အကြောင်း လူ့အခွင့်ရေးအဖွဲ့  Fortify Rights  က ပြောကြားလိုက်ပါတယ်။

ကုလသမဂ္ဂ အထွေထွေအတွင်းရေးမှူးချုပ်ဟောင်း ကိုဖီအာနန်ဦးဆောင်တဲ့ ကော်မရှင်က ရန်ကုန်မြို့မှာ ဒီကနေ့ပဲ အပြီးသတ်အစီရင်ခံစာ ထုတ်ပြန်လိုက်ပါတယ်။

ရခိုင် ဗုဒ္ဓဘာသာဝင်တွေနဲ့ ရိုဟင်ဂျာမွတ်စလင်တွေအကြား အတင်းအကြပ်ပြုလုပ်ထားတဲ့ ခွဲခြားမှုတွေကို အဆုံးသတ်ဖို့၊ တစ်နိုင်ငံလုံးအတိုင်းအတာနဲ့ လူသားချင်းစာနာတဲ့ အကူအညီတွေကို အပြည့်အ၀နဲ့ အနှောင်အဖွဲ့မရှိ လွတ်လွတ်လပ်လပ် ကူညီခွင့်ပေးဖို့၊ နိုင်ငံမဲ့ဖြစ်နေတဲ့ ရိုဟင်ဂျာတွေကို ကိုင်တွယ်ဖြေရှင်းဖို့နဲ့ ၁၉၈၂- ခုနှစ် နိုင်ငံသား ဥပဒေကို ပြင်ဆင်ပေးဖို့ အကြံပြုစာမှာ ထောက်ပြထားပါတယ်။ ဒါ့အပြင် လူ့အခွင့်ရေးချိုးဖောက်မှု့နဲ့ ပြစ်မှု့ကျူးလွန်တဲ့သူတွေကိုလည်း အရေးယူ ဆောင်ရွက်ပေးဖို့နဲ့ လွတ်လွတ်လပ်လပ် သွားလာခွင့်တွေကို ကန့်သတ်ချုပ်ခြယ်ထားတဲ့ တားမြစ်ချက်တွေကို ရပ်ဆိုင်းဖို့ကိုလည်း အခြားသောအကြံပြုချက်တွေနဲ့အတူ ဒီအစီရင်ခံစာမှာ ရေးသားဖော်ပြထားပါတယ်။

“ဆက်လက်ငြှင်းပမ်းနှိပ်စက်နေတာတွေကို အစိုးရက ကိုင်တွယ်ဖြေရှင်းပေးရမယ့်အစား၊ အကြံပေးကော်မရှင်ရဲ့ လေ့လာ တွေ့ရှိချက်တွေကို ဖုံးကွယ်ပစ်ဖို့သာ ကြိုးစားနေတယ်” လို့ Fortify Rights အကြီးအကဲဖြစ်သူ မက်သယူးစမစ်က ပြောပါတယ်။

“ကော်မရှင်က အကြမ်းဖက်မှု့တွေကို အဆုံးသတ်သွားဖို့ ခိုင်လုံတိကျတဲ့ အကြံပြုချက်တွေကို ထုတ်ပြန်လိုက်တယ်။ ဒါကို အစိုးရတစ်ရပ်အနေနဲ့ အချိန်မဆိုင်းပဲ အဲဒီအကြံပြုချက်တွေအတိုင်း လိုက်နာဆောင်ရွက်သွားဖို့ လိုပါတယ်။ မြန်မာအစိုးရအနေနဲ့ ပကတိအခြေနေမှန်တွေကို အမြန်ဆုံးထုတ်ပြန်ပြောကြားဖို့ လိုပါလိမ့်မယ်။”

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က “ရခိုင်ပြည်နယ်၏ လူသားချင်းဆိုင်ရာ စာနာထောက်ထားမှု့နှင့် ဖွံ့ဖြိုးတိုးတက်ရေး ကိစ္စရပ်များ၊ အခြေခံ ၀န်ဆောင်မှုများ ရောက်ရှိရေး၊ အခြေခံလူ့အခွင့်ရေး အာမခံချက်များနှင့် ရခိုင်ပြည်နယ်ရှိ လူသားအားလုံး၏ လုံခြုံရေးကိစ္စရပ်များကို အကြံပြုရန်” အဖွဲ့ဝင် ကိုးဦးပါ ရခိုင်ပြည်နယ် အကြံ ပေးကော်မရှင်တစ်ရပ်ကို သြဂုတ်လ ၂၃၊ ၂၀၁၆-ခုနှစ်မှာ ဖွဲ့စည်းခဲ့ပါတယ်။

အဲဒီ အဖွဲ့မှာ မြန်မာနိုင်ငံက ၆ ဦးနဲ့ မစ္စတာအာနန် အပါအ၀င် နိုင်ငံခြားသား သုံးဦး ပါဝင်ပါတယ်။ အစိုးရကတော့ ကော်မရှင်ရဲ့ အကြံပြုလေ့လာတွေ့ရှိချက်တွေအပေါ်မှာ အပြည့်အ၀အကောင်ထည်ဖော်သွားမယ်လို့ ယခင်တုန်းက ပြောကြားခဲ့ပါတယ်။

အစိုးရက ကော်မရှင်ကို ဖွဲ့စည်းပေးခဲ့ပြီး တစ်လကျော် အကြာမှာ၊ ရခိုင်ပြည်နယ် မြောက်ပိုင်းမှာရှိတဲ့ နယ်ခြားစောင့် ရဲစခန်း သုံးခုကို အောက်တိုဘာလ ၉- ရက်နေ့၊ ၂၀၁၆ ခုနှစ်မှာ ရိုဟင်ဂျာ စစ်သွေးကြွပူးပေါင်းအဖွဲ့က ၀င်စီးခဲ့ပြီး ရဲအရာရှိ ကိုး ယောက်ကို သတ်ဖြတ်ခဲ့ပါတယ်။ မြန်မာစစ်တပ်က ကြမ်းကြမ်းတမ်းတမ်း လက်တုန့်ပြန်တိုက်ခိုက်ခဲ့ပါတယ်။ အစိုးရ စစ်သားတွေက အရပ်သားတွေကို သတ်ဖြတ်၊ အမျိုးသမီးတွေနဲ့ မိန်းကလေးတွေကို အဓမ္မကျင့်ခဲ့ပြီး ရွာလုံးကျွတ်မီးရှို့ခဲ့လို့ အရပ်သားပေါင်း ကိုးသောင်းကျော်ထက်မနည်းဟာ အိုးပစ်အိမ်ပစ် စွန့်ခွာထွက်ပြေးခဲ့ကြရပါတယ်လို့ Fortify Rights နဲ့ အခြားသော လူ့အခွင့်ရေးအဖွဲ့တွေက ပြောကြားထားပါတယ်။

ကုလသမဂ္ဂ လူ့အခွင့်ရေးဆိုင်ရာမဟာမင်းကြီးရုံးကနေ ဖေဖော်ဝါရီလမှာ ထုတ်ပြန်တဲ့ အစီရင်ခံစာမှာ အောက်တိုဘာလကတည်းက ရိုဟင်ဂျာတွေအပေါ်မှာ ချိုးဖောက်မှု့တွေဟာ လူသားထုအပေါ် ကျူးလွန်တဲ့ ရာဇ၀တ်မှု မြောက်နေတယ်လို့ စွပ်စွဲပြောကြားခဲ့ပါတယ်။ မြန်မာအစိုးရကတော့ အဲဒီစွပ်စွဲချက်တွေကို ငြင်းဆန်ခဲ့ပါတယ်။

“နိုင်ငံတကာ အဖွဲ့စည်းတွေက ဘယ်လိုပဲ စွပ်စွဲစွပ်စွဲ၊ ကျွန်တော်တို့ အစိုးရကတော့ ကိုဖီအာနန် ကော်မရှင်ရဲ့ အကြံပြု ချက်အတိုင်း အရေးယူဆောင်ရွက်မှု့တွေ လုပ်ဆောင်နေပါတယ်” လို့ မြန်မာအစိုးရ ပြောရေးဆိုခွင့်ရှိသူ ဦးဇော်ဌေးက ဧရာဝတီ သတင်းဌာနကို ဇူလိုင် ၁၀ ရက်နေ့မှာ ပြောကြားခဲ့ပါတယ်။

“ကိုဖီအာနန် ကော်မရှင်ဟာ ကျွန်တော်တို့အတွက်တော့ တံတိုင်းတစ်ခု သဖွယ်ပါပဲ” လို့ သူက ဆိုပါတယ်။

အကြံပေးကော်မရှင်ကို အစိုးရက လူ့အခွင့်ရေးချိုးဖောက်မှု့တွေအတွက် စုံစမ်းစစ်ဆေးဖို့နဲ့ အစီရင်ခံစာတင်သွင်းဖို့ လုပ်ပိုင် ခွင့်မပေးထားပါဘူး။ ဒါပေမဲ့ ကော်မရှင်အနေနဲ့ ရခိုင်ပြည်နယ်မှာ လူ့အခွင့်ရေးချိုးဖောက်မှု့ ဖြစ်စဉ်တွေကို ထုတ်ဖော်ပြော ကြားဖို့ အရေးတကြီး တာဝန်ရှိတယ်လို့ ခံယူထားတာကြောင့်၊ ကော်မရှင်က အပြင်းအထန် လူ့အခွင့်ရေး ချိုးဖောက်ခဲ့တဲ့ အပြစ်ကျူးလွန်ခဲ့သူတွေကို အရေးယူဖို့ ယနေ့မှာ အကြံပြု တိုက်တွန်းခဲ့ပါတယ်။

ဒါ့အပြင် အကြံပေးကော်မရှင်က အစိုးရကို ရခိုင်ပြည်နယ်မှာ မှီတင်းနေထိုင်ကြတဲ့ နိုင်ငံသားအားလုံးကို လွတ်လွတ် လပ်လပ် သွားလာခွင့်ပေးဖို့ကိုလည်း အကြံပြုထားပါသေးတယ်။

၂၀၁၄ ခုနှစ်မှာ က ရခိုင်ပြည်နယ်မှာ ရှိတဲ့ ရိုဟင်ဂျာ မွတ်စလင်ဦးရေ တစ်သန်းနဲ့အထက်ကို လွတ်လပ်စွာသွားလာခွင့်၊ ကလေးမီးဖွားခွင့်နဲ့ အခြားသော နိစ္စဓူဝကိစ္စရပ်တွေအပေါ်မှာ ပြင်းထန်တဲ့ ကန့်သတ်တားမြစ်ချက်တွေ ပြုလုပ်ထားတာကို ထုတ်ဖော်ထားတဲ့ ဒေသန္တရအမိန့်တွေနဲ့ သက်ဆိုင်ရာ ပြည်နယ်အစိုးရရဲ့ အထောက်ထား စာရွက်စာတမ်းတွေကို Fortify Rights ဖွင့်ချခဲ့ပါတယ်။

၂၀၁၂-ခုနှစ် ပဋိပက္ခ ဖြစ်ကတည်းက အသက်မသေပဲကျန်ရစ်သူ ရိုဟင်ဂျာအများစုအပါအ၀င် လူပေါင်း တစ်သိန်း နှစ်သောင်းကျော်ကို ရခိုင်ပြည်နယ်၊ မြို့နယ်ရှစ်ခုက ဒုက္ခသည်စခန်းပေါင်း ၃၈-ခုမှာ ယခုထက်တိုင် အစိုးရက ပိတ်လှောင်ထားဆဲ ဖြစ်ပါတယ်။ ဒေသန္တရအမိန့်တွေနဲ့ ပြဌာန်းချက်တွေက ရိုဟင်ဂျာတွေကို တစ်ရွာနဲ့တစ်ရွာ၊ တစ်မြို့ နယ်နဲ့တစ်မြို့နယ် ကိုယ်နေတဲ့ ဒေသကျော်လွန်ပြီး လွတ်လွတ်လပ်လပ် ခရီးသွားလာခွင့်ကို တားမြစ်ထားပါတယ်။

ခရီးသွားလာခွင့် တားမြစ်ချက်တွေကို ချိုးဖောက်တဲ့ ရိုဟင်ဂျာတွေဟာ မြန်မာအစိုးရ လုံခြုံရေးတပ်သားတွေရဲ့ ရာဇ၀တ်မှု့နဲ့ ဖမ်းဆီးတာ၊ ခြိမ်းခြောက် ငွေညှစ်တာ၊ ဒါမှမဟုတ် ကြမ်းတမ်းတဲ့ တုန့်ပြန်မှု့တွေနဲ့ ရင်ဆိုင်ခဲ့ရပါတယ်။

“လွတ်လွတ်လပ်လပ် သွားလာခွင့်တွေကို ကန့်သတ်ချုပ်ခြယ်ထားတာဟာ ဥပဒေနဲ့ ဆန့်ကျင်နေယုံသာမက၊ စီးပွားရေး ဆိုးကျိုးသက်ရောက်မှုတွေနဲ့ လူသေဆုံးနိုင်တဲ့ လုံခြုံရေး ခြိမ်းခြောက်မှု့ အန္တရာယ်တွေလည်း ရှိနေပါတယ်” လို့ မက်သယူး စမစ်က ပြောကြားခဲ့ပါတယ်။

“ဒီလို ကန့်သတ်ချုပ်ခြယ်တာတွေလို လူမျိုးရေးခွဲခြားမှုစနစ်ဟာ လူ့အသိုင်းဝိုင်းတွေရဲ့ လုံခြုံရေးစနစ်ကို ပျက်ဆီး ယိုယွင်းသွားစေပြီး လူ အစုလိုက်အပြုံလိုက်သေစေနိုင်တဲ့ အန္တရာယ်တွေကိုလည်း မြင့်တက်စေပါတယ်။ ဒါဟာ မီးပွား တစ်ခုပါပဲ။”

အောက်တိုဘာလအတွင်း ရခိုင်ပြည်နယ် မြောက်ပိုင်းမှာ မြန်မာစစ်တပ်က ဖြိုခွင်းလို့အပြီးမှာ၊ ရခိုင်ပြည်နယ်အပါအ၀င် မြန်မာ နိုင်ငံမှာရှိတဲ့ လူ့အခွင့်ရေးချိုးဖောက်မှု့တွေနဲ့ နှိပ်စက်ညင်းပန်းမှု့တွေကို စုံစမ်းစစ်ဆေးဖို့ ရည်ရွယ်တဲ့ လွတ်လပ်တဲ့ အပြည်အပြည်ဆိုင်ရာ အချက်အလက်ရှာဖွေရေးအဖွဲ့ကို စေလွှတ်ဖို့ ကုလသမဂ္ဂ လုံခြုံရေး ကောင်စီကနေ သမိုင်းဝင် ဆုံးဖြတ်ချက်တစ်ခုကို မတ်လ ၂၄ ရက်နေ့မှာ ချမှတ်ခဲ့ပါတယ်။ လူ့အခွင့်ရေး ကောင်စီဥက္ကဌက ဒီ ကော်မရှင်ကို ဦးဆောင်ဖို့ ကျွမ်းကျင်သူ သုံးယောက်ကို တာဝန်ပေးအပ်ခဲ့ပါတယ်။

အချက်အလက်ရှာဖွေရေး မစ်ရှင်ဟာ ရခိုင်ပြည်နယ်၊ ကချင်ပြည်နယ်နဲ့ ရှမ်းပြည်နယ်တို့မှာရှိတဲ့ အစိုးရနဲ့ အစိုးရမဟုတ် တဲ့ အဖွဲ့စည်းတွေကနေ ကျူးလွန်တဲ့ လူ့အခွင့်ရေးချိုးဖောက်မှု့တွေကို အဓိကထား အာရုံစိုက်ဖို့ Fortify Rights အဖွဲ့ကြီးက အကြံပေးခဲ့ပါတယ်။
မြန်မာအစိုးရကတော့ ကုလသမဂ္ဂဆုံးဖြတ်ချက်အတွက် ပူးပေါင်းပါဝင်ဆောင်ရွက်ဖို့ ငြင်းဆိုခဲ့ပါတယ်။ ဒေါ် အောင်ဆန်းစုကြည်ကလည်း သူမအစိုးရဟာ အဲဒီ အချက်အလက်ရှာဖွေရေးအဖွဲ့နဲ့ ပူးပေါင်းဆောင်ရွက်မှာ မဟုတ်ကြောင်း ပြောကြားခဲ့ပါတယ်။ အချက်အလက်ရှာဖွေရေး မစ်ရှင်ဟာလည်း မြန်မာနိုင်ငံထဲကို စောလျင်စွာ ၀င်ရောက်နိုင်အောင် နည်းလမ်းတကျ မေတ္တာရပ်ခံထားပြီး လက်ခံဖို့ မျှော်လင့်ထားပါတယ်။

မြန်မာစစ်တပ်နဲ့ ဒေါ်အောင်ဆန်းစုကြည်ရဲ့ အစိုးရဌာနများကတော့ ၂၀၁၆-ခုနှစ်၊ အောက်တိုဘာလကတည်းက ရခိုင်ပြည် နယ်က အဆက်မပြတ်လူ့အခွင့်ရေးချိုးဖောက်မှု့တွေအတွက် စွပ်စွဲချက်တွေကို အမြဲတမ်းလိုလို ငြင်းဆန်နေခဲ့ပါတယ်။ သြ ဂုတ်လ ၆ ရက်နေ့မှာ၊ ဒေါ်အောင်ဆန်းစုကြည်က ဖွဲ့စည်းပေးထားတဲ့ ဒုသမ္မတဦးမြင့်ဆွေ ဦးဆောင်တဲ့ နောက်ထပ် စုံစမ်းရေး ကော်မရှင်တစ်ရပ်ကလည်း အောက်တိုဘာလကတည်းက မောင်တောမြို့နယ်မှာ ဖြစ်ပွားခဲ့တဲ့ လူ့အခွင့်ရေးချိုးဖောက် မှု့ တသီတတန်းကြီး ရှိခဲ့တယ်ဆိုတဲ့ စွပ်စွဲချက်တွေကို ပယ်ချခဲ့ပြန်ပါတယ်။

လူသားမျိုးနွယ်အပေါ်မှာကျူးလွန်တဲ့ ရာဇ၀တ်မှုမှု မရှိဘူး၊ ကုလသမဂ္ဂက စွပ်စွဲသလို လူမျိုးတုန်းသုတ်သင်မှု အထောက်အထားလည်း မတွေ့ခဲ့ရဘူးလို့ ဒု-သမ္မတ ဦးမြင့်ဆွေက သတင်းထောက်တွေကို ပြောကြားခဲ့ပါတယ်။

ဦးမြင့်ဆွေကော်မရှင်ရဲ့ စုံစမ်းတဲ့နည်းပညာနဲ့ လက်တွေ့လေ့လာမှု့တွေဟာ “အတော်လေးကို ပျော့ကွက်ဟာကွက်တွေ” ရှိနေပြီး သူတို့ရဲ့လေ့လာတွေ့ရှိချက်တွေဟာ ယုံကြည်မှု အသွင်သဏ္ဍာန်ကင်းမဲ့နေတယ်လို့ Fortify Rights က ပြောကြား ခဲ့ပါတယ်။

“စစ်မှန်တဲ့ တိုးတက်မှုကိုဆောင်ရွက်ဖို့၊ ရက်စက်ကြမ်းကြုတ်မှုတွေကို ကုစားဖို့အတွက် အာနန်ကော်မရှင်ရယ်၊ ကုလရဲ့ အချက်အလက်ရှာဖွေရေးအဖွဲ့နဲ့ မြန်မာ့လူ့အဖွဲ့အစည်းအကြားမှာ အစိုးအနေနဲ့ အခွင့်အအလမ်းတစ်ရပ် ရှိနေပါတယ်” လို့ မတ်သယူးစမစ်က ပြောကြားခဲ့ပါတယ်။

“တစ်ချို့ အာဏာပိုင်တွေ ရခိုက်ပြည်နယ်ကိစ္စကို ရင်ဆိုင်မဖြေရှင်းဘဲ ရှောင်ပုန်းဖို့ ကြိုးစားနေကြပါတယ်။ အချက်အလက်တွေကို ရှာဖွေဖို့၊ ကျူးလွန်သူတွေကို အရေးယူဖို့အတွက် နိုင်ငံတကာရဲ့ ကြိုးပမ်းမှုတွေမှာ စစ်တပ်နဲ့ အရပ်သားအာဏာပိုင်တွက ပူးပေါင်းဆောင်ရွက်သင့်ပါတယ်။ ဒီ့အပြင် အခြားနည်းလမ်း မရှိပါဘူး”

 

(Myanmar: Implement Recommendations of Kofi Annan-led Commission ကို ရဲသူရိန်မှ ဘာသာပြန်ဆိုထားပါသည်။)

သြဂုတ် ၂၄၊ ၂၀၁၇
M-Media

– လက်ရှိ ရှိနေတဲ့ လူမျိုးရေးတင်းမာမှုတွေကို မဖြေရှင်းဘူးဆိုရင် ရခိုင်ပြည်နယ်က လူ့အဖွဲ့အစည်းတွေဟာ အစွန်းရောက်သွားမယ့် အန္တရာယ်မျိုးကို ကြုံတွေ့ရနိုင်တယ်လို့ ကုလအတွင်းရေးမှူးဟောင်း မစ္စတာ ကိုဖီအန်နန် ဦးဆောင်တဲ့ ကော်မရှင်က ပြောကြားလိုက်ပါတယ်။

တစ်နှစ်ကြာ လေ့လာသုတေသနတွေ ပြုလုပ်ခဲ့ပြီးတဲ့နောက် ဒီနေ့မှာပြုလုပ်တဲ့ နောက်ဆုံးအစီရင်ခံစာ ထုတ်ပြန်မှုမှာ ပြောကြားလိုက်ာတာဖြစ်ပြီး အကြမ်းဖက်မှုတွေ ဆက်လက် မဖြစ်ပွားဖို့အတွက် နိုင်ငံရေး၊ လုံခြုံရေးနဲ့ ဖွံ့ဖြိုးရေးဆိုင်ရာ ဆောင်ရွက်မှုတွေကို တစ်ပါတည်း လုပ်ဆောင်ဖို့ လိုအပ်တယ်လို့လည်း ကော်မရှင်က ပြောပါတယ်။

ရိုဟင်ဂျာမွတ်စလင် လူနည်းစုတွေကို ကန့်သတ်မှုတွေ ဖြေလျော့ပေးဖို့လည်း တိုက်တွန်းခဲ့ပါတယ်။

မစ္စတာ ကိုဖီအန်နန် ဦးဆောင်တဲ့ အဲဒီကော်မရှင်ကို နိုင်ငံတော်အတိုင်ပင်ပုဂ္ဂိုလ်ရဲ့ မေတ္တာရပ်ခံမှုနဲ့ ပြီးခဲ့တဲ့နှစ်မှာ ဖွဲ့စည်းခဲ့တာဖြစ်ပြီး ရခိုင်ပြည်နယ်က လူမျိုးစုတွေကြား ရင်ကြားစေ့ရေ၊ ပြည်နယ်သာယာဝပြောရေးအတွက် လုပ်ဆောင်ရမယ့် ကိစ္စတွေကို ဖော်ထုတ်ဖို့ ရည်ရွယ်တာဖြစ်ပါတယ်။

ဒီနေ့မှာထုတ်ပြန်တဲ့ အပြီးသတ်အစီရင်ခံစာမှာ ကော်မရှင်က ရခိုင်ပြည်နယ်မှာရှိတဲ့ လူ့အဖွဲ့အစည်းတွေဟာ တစ်ခုနဲ့တစ်ခု ကြောက်ရွံ့နေကြပြီး၊ အကြမ်းဖက်မှုတွေကြောင့် လူ့အဖွဲ့အစည်းတွေ သီးခြားဖြစ်နေတာက အခြေအနေကို ပိုဆိုးစေတယ်လို့ ဆိုပါတယ်။

“လက်ရှိကြုံတွေ့နေရတဲ့ စိန်ခေါ်မှုတွေကို လျင်လျင်မြန်မြန် မဖြေရှင်းဘူးဆိုရင် လူ့အဖွဲ့အစည်းနှစ်ခုအတွင်း အစွန်းရောက်မှုတွေ ဖြစ်လာနိုင်တဲ့ အန္တရာယ် ရှိနေပါတယ်။ လိုအပ်နေတာက အကြမ်းဖက်မှုတွေ မြင့်တက်မလာအောင်၊ လူမျိုးစုချင်း ပဋိပက္ခတွေကို ထိန်းချုပ်နိုင်အောင် နိုင်ငံရေး၊ ဖွံ့ဖြိုးရေး၊ လုံခြုံရေး၊ လူ့အခွင့်အရေး ဆောင်ရွက်မှုတွေ ပေါင်းစပ်ထားတဲ့ ချဉ်းကပ်မှုတစ်ခု ဖြစ်ပါတယ်” လို့ အစီရင်ခံစာကဆိုပြီး အင်အား အလွန်အကျွံ မသုံးဖို့လည်း သတိပေးခဲ့ပါတယ်။

ဆင်းရဲမွဲတွေမှု လျှော့ချဖို့အတွက် ရခိုင်ပြည်နယ်မှာ ရင်းနှီးမြှုပ်နှံမှု တိုးမြှင့်လုပ်ဆောင်ဖို့ ကော်မရှင်က တိုက်တွန်းခဲ့ပြီး လွတ်လပ်စွာ လှုပ်ရှားသွားလာမှု ကန့်သတ်တာကို ဖယ်ရှားပေးဖို့လည်း အကြံပြုခဲ့ပါတယ်။

အငြင်းပွားဖွယ် ၁၉၈၂ ခုနှစ် နိုင်ငံသားဥပဒေကို ပြန်လည်သုံးသပ်ဖို့ အစီရင်ခံစာမှာ တိုက်တွန်းထားပါတယ်။

လုံခြုံရေးတပ်ဖွဲ့တွေက ကျူးလွန်မှုတွေရှိတယ်ဆိုတာနဲ့ပတ်သက်ပြီး သူတို့ကော်မရှင်ဟာ လူ့အခွင့်အရေး ချိုးဖောက်မှုတွေကို စုံစမ်းဖို့ တာဝန်မရှိကြောင်း ပြောကြားခဲ့ကာ၊ ဒီကိစ္စတွေကို စုံစမ်းစစ်ဆေးဖို့နဲ့ ကျူးလွန်သူတွေကို အရေးယူဖို့အတွက် တိုက်တွန်းခဲ့ပါတယ်။

“မြန်မာနိုင်ငံဟာ ကိုယ့်ရဲ့ ပိုင်နက်ကို ကာကွယ်ပိုင်ခွင့် ရှိနေပေမယ့် စစ်အင်အား အလုံးအရင်းနဲ့ တုန့်ပြန်ဆောင်ရွက်မှုဟာ ဒေသတွင်း ငြိမ်းချမ်းမှုကို ဆောင်ကျဉ်းနိုင်မှာ မဟုတ်ပါဘူး။ ဘာပဲလုပ်လုပ် ပြည်သူလူထု မခံစားရစေဖို့၊ သူတို့လိုအပ်နေတဲ့ ထောက်ပံ့မှု၊ လူသားချင်းစာနာထောက်ထားမှုဆိုင်ရာ အကူအညီတွေ ရရှိစေဖို့ လုပ်ပေးရပါမယ်” လို့ အဖွဲ့ဝင် ၉ ဦးပါတဲ့ ဒီကော်မရှင်ရဲ့ အပြီးသတ်အစီရင်ခံစာမှာ ဖော်ပြထားပါတယ်။

ကော်မရှင်ပါ အကြံပြုချက်တွေကို အကောင်အထည်ဖော်တဲ့ကိစ္စကို ကြီးကြပ်ဖို့အတွက် ၀န်ကြီးအဆင့် ရာထူးတစ်ခုကို ခန့်အပ်ဖို့လည်း အကြံပြုခဲ့ပါတယ်။

“အချိန်ဖြုန်းလို့ မရတော့ပါဘူး။ ရခိုင်ပြည်နယ်က အခြေအနေဟာ စိတ်မချရတဲ့ အနေအထားမျိုး ဖြစ်လာပါတယ်” လို့ ကိုဖီအန်နန်က ပြောကြားခဲ့ပါတယ်။

Ref: BBC, Reuters

သြဂုတ် ၂၄၊ ၂၀၁၇
M-Media

– မတည်မငြိမ်ဖြစ်နေတဲ့ ရခိုင်ပြည်နယ်မှာ အစိုးရတပ်တွေ အင်အားဖြည့်တင်းမှု ပြုလုပ်လာတဲ့အတွက် လုံခြုံရေး စိုးရိမ်ရတာကြောင့် ထောင်နဲ့ချီတဲ့ ရိုဟင်ဂျာတွေဟာ ဘင်္ဂလာဒေ့ရှက်ဘက်ကို ထပ်မံထွက်ပြေးခဲ့တယ်လို့ သိရပါတယ်။

ဘင်္ဂလားဒေ့ရ်ှမှာရှိတဲ့ ရိုဟင်ဂျာခေါင်းဆောင်တွေက ပြီးခဲ့တဲ့ သီတင်းပတ်တွေအတွင်းမှာ အနည်းဆုံး ရိုဟင်ဂျာ ၃၅၀၀ လောက် ရောက်လာကြတယ်လို့ AFP သတင်းဌာနကို ပြောကြားခဲ့တာပါ။

ဘင်္ဂလားဒေ့ရှ် နယ်ခြားစောင့်တပ်တွေ၊ ကမ်းခြေစောင့်တပ်တွေ နယ်စပ်မှာ အားဖြည့်ထားတဲ့ကြားကနေ ရိုဟင်ဂျာတွေဟာ ဘင်္ဂလားဒေ့ရ်ှဘက်ကို ရောက်ရှိလာခဲ့ကြတာ ဖြစ်ပါတယ်။

ဘင်္ဂလားဒေ့ရှ် နယ်ခြာစောင့်တပ်ဖွဲ့ကတော့ သူတို့ဟာ ကလေးငယ်တွေ အပါအ၀င် ရိုဟင်ဂျာ ၃၁ ယောက်ပါဝင်တဲ့ လှေတစ်စီးကို မြန်မာဘက် ပြန်ပို့လိုက်တယ်လို့ ဒီတစ်ပတ်ထဲမှာ ပြောကြားထားပါတယ်။

“ဘာလူခါလီ စခန်းတစ်ခုတည်းမှာပဲ ရခိုင်ပြည်နယ်က ရွာတွေကကနေ ရိုဟင်ဂျာ ၃၀၀၀ လောက် ရောက်လာကြပါတယ်” လို့ အဘ်ဒူလ် ခါလစ်ဆိုသူက ပြောကြားခဲ့ပါတယ်။

ဘာလူခါလီဒုက္ခသည်စခန်းဟာ နတ်မြစ်ဘေးနားမှာရှိပြီး ရခိုင်ပြည်နယ်က ရောက်ရှိလာသူတွေ ပထမဆုံးနေထိုင်တဲ့ စခန်းဖြစ်ပါတယ်။

အခြားစခန်းတစ်ခုက ရိုဟင်ဂျာခေါင်းဆောင်တစ်ယောက်ဖြစ်တဲ့ ကမာလ် ဟူစိန်က ပြီးခဲ့တဲ့ ၁၁ ရက်အတွင်းမှာ ရိုဟင်ဂျာမိသားစု ၇၀၀ နီးပါး ရောက်လာကြကြောင်း၊ စခန်းမှာ နေရာမရှိတဲ့အတွက် တော်တော်များများဟာ ဟင်းလင်းပြင်မှာ အိပ်စက်ရကြောင်း ပြောကြားခဲ့ပါတယ်။

ပြီးခဲ့တဲ့လအတွင်း မြိုတိုင်းရင်းသားတစ်ချို့ ရက်ရက်စက်စက် သတ်ဖြတ်ခံရပြီးတဲ့နောက်ပိုင်း မြန်မာစစ်တပ်က ရခိုင်ပြည်နယ်မှာ တပ်တွေကို တိုးမြှင့်ချထားခဲ့ပြီး အကြမ်းဖက်သမားတွေကို နှိမ်နှင်းရေး ဆောင်ရွက်ဖို့ဖြစ်တယ်လို့ ပြောကြားထားပါတယ်။

ဒီသတ်ဖြတ်မှုကို ဘယ်သူဘယ်ဝါက လုပ်တယ်ဆိုတာ အစိုးရက တရားဝင် သတင်းထုတ်ပြန်တာမျိုး မရှိပေမယ့် ရခိုင် နိုင်ငံရေးအသိုင်းအ၀ိုင်းက လူတစ်ချို့နဲ့ မီဒီယာတစ်ချို့ကတော့ ဘင်္ဂါလီအကြမ်းဖက်သမားတွေရဲ့ လက်ချက်ဖြစ်တယ်လို့ အခိုင်အမာ ဖော်ပြကြပါတယ်။

ပြီးခဲ့တဲ့နှစ် အောက်တိုဘာလက နယ်ခြားစောင့်စခန်းတွေ အကြမ်းဖက်တိုက်ခိုက်ခံရပြီးတဲ့နောက် စစ်တပ်က ပြုလုပ်တဲ့ စစ်ဆင်ရေးအတွင်းမှာ ရိုဟင်ဂျာတွေကို တရားလက်လွတ် သတ်ဖြတ်မှုတွေ၊ အုပ်စုဖွဲ့အဓမ္မကျင့်မှုတွေရှိခဲ့တယ်လို့ ဘင်္ဂလားဒေ့ရ်ှကို ထွက်ပြေးသွားကြတဲ့ ရိုဟင်ဂျာတွေရဲ့ ပြောကြားမှုကို ကိုးကားပြီး ကုလကအခုနှစ်စောပိုင်းက ထုတ်ပြန်တဲ့ အစီရင်ခံစာမှာ ဖော်ပြထားပါတယ်။

မြန်မာအစိုးရနဲ့ စစ်တပ်ကတော့ ဒီကိစ္စတွေကို ငြင်းဆိုခဲ့ပြီး ချဲ့ကားပြောဆိုတာ ဖြစ်တယ်လို့ တုန့်ပြန်ခဲ့ပါတယ်။

Ref: Aljazeera