Tag: Rakhine State

မေ ၁၆၊ ၂၀၁၇
M-Media

– မြန်မာနိုင်ငံအနေနဲ့ ရိုဟင်ဂျာမွတ်စလင်ကို သူတို့ရဲ့ အရင်နေအိမ်တွေမှာ ပြန်လည်နေထိုင်ခွင့်ပေးတာမျိုး၊ ဒုက္ခသည်စခန်းတွေကို လုံးဝ ပိတ်ပစ်တာမျိုးကို အလျင်အမြန် ဆောင်ရွက်သင့်တယ်လို့ ကုလအတွင်းရေးမှူးချုပ်ဟောင်း ကိုဖီအန်နန်ဦးဆောင်တဲ့ စုံစမ်းစစ်ဆေးကော်မရှင်က ယနေ့မှာ ပြောကြားလိုက်ပြီး မြန်မာအစိုးရက အများစုကို အကောင်အထည်ဖော်သွားမယ်လို့ သတင်းထုတ်ပြန်ခဲ့ပါတယ်။

ရခိုင်ပြည်နယ်အရေး ကြားဖြတ်အစီရင်ခံစာ ထုတ်ပြန်မှုအတွက် ပြုလုပ်တဲ့ သတင်းစာရှင်းလင်းပွဲမှာ ဒီလိုပြောကြားလိုက်တာဖြစ်ပြီး၊ ထိခိုက်ခံစားရသူတွေကို လူသားချင်းစာနာထောက်ထားမှုဆိုင်ရာ အကူအညီပေးရေး၊ သတင်းမီဒီယာတွေကို ပဋိပက္ခဖြစ်တဲ့နေရာတွေမှာ လွပ်လပ်စွာ ၀င်ခွင့်ပေးရေး၊ လုံခြုံရေးတပ်ဖွဲ့ဝင်တွေကို သင်တန်းပေးရေး၊ လူ့အခွင့်အရေးချိုးဖောက်သူတွေကို အရေးယူရေး စတာတွေကိုလည်း ကော်မရှင်က အကြံပြုခဲ့ပါတယ်။

“ယာယီဒုက္ခသည်စခန်းတွေဟာ အမြဲတမ်းရှိနေရမယ့် အခြေအနေမျိုးလို့ ကျွန်တော်တို့မထင်ပါဘူး” လို့ ကော်မရှင်အဖွဲ့ဝင် ဂါဆန် ဆာလာမီက သတင်းထောက်တွေကို ပြောကြားခဲ့ပါတယ်။

၂၀၁၂ ခုနှစ်မှာ ဖြစ်ပွားခဲ့တဲ့ အကြမ်းဖက်တိုက်ခိုက်မှုကြောင့် လက်ရှိမှာ ရိုဟင်ဂျာမွတ်စလင်အများစုပါဝင်တဲ့ လူပေါင်း ၁၂၀,၀၀၀ လောက်ဟာ ယာယီဒုက္ခသည်စခန်းတွေမှာ နေထိုင်နေရပါတယ်။ တစ်ချို့တွေကတော့ သူတို့တွေဟာ နေအိမ်ကနေ အတင်းမောင်းထုတ်ခံရတယ်လို့ ဆိုပါတယ်။

ဒုက္ခသည်တွေထဲက လုံလုံခြုံခြုံနဲ့ အိမ်ပြန်လို့ရမယ့်သူတွေကို ‘ပထမဆုံးခြေလှမ်းအဖြစ်၊ စိုးရိမ်မှုလျော့ပါးစေတဲ့ လက္ခဏာအဖြစ် ‘ ချက်ချင်း အိမ်ပြန်ပို့ပေးသင့်တယ်လို့လည်း ကော်မရှင်က ပြောကြားခဲ့ပါတယ်။

ဒီနေ့ပြုလုပ်တဲ့ သတင်းစာရှင်းလင်းပွဲမှာ အဖွဲ့ခေါင်းဆောင် ကိုဖီအန်နန်က လာရောက်နိုင်ခြင်းမရှိဘဲ ဗီဒီယိုကနေသာ စကားအနည်းအကျဉ်း ပြောခဲ့ပါတယ်။

နိုင်ငံသားဖြစ်ခွင့်ရှိတဲ့ ရိုဟင်ဂျာတွေကို နိုင်ငံသားပေးပြီး ရိုဟင်ဂျာတွေရော၊ ရခိုင်တိုင်းရင်းသားတွေကိုပါ သွားလာခွင့်ကန့်သတ်ထားမှုကို ဖယ်ရှားပေးဖို့ အာနန်ကော်မရှင်က တိုက်တွန်းခဲ့ပါတယ်။

ရခိုင်ပြည်နယ်မှာ နေထိုင်သူတွေဟာ ပြည်နယ်ရဲ့ အစိတ်အပိုင်းတော်တော်များများမှာ စစ်ဆေးရေးဂိတ်တွေရှိနေတာ၊ တားဆီးစစ်ဆေးမှုတွင်း တာဝန်ရှိသူတွေက အကျပ်ကိုင်တာတွေ လုပ်ဆောင်တာကိုလည်း ကော်မရှင်အဖွဲ့ဝင်တွေကို ပြောပြခဲ့ပါတယ်။

ရခိုင်ပြည်နယ်မြောက်ပိုင်းမှာ လုံခြုံရေးတပ်ဖွဲ့ဝင်တွေ ပြုလုပ်တဲ့ စစ်ဆင်ရေးမှာ ကျူးလွန်မှုတွေအတွက် ‘ လွတ်လပ်ပြီး တရားမျှတမှုရှိတဲ့’ စုံစမ်းစစ်ဆေးရေးတစ်ခု ပြုလုပ်ဖို့လည်း ကော်မရှင်က ဆော်သြခဲ့ကာ၊ ရိုဟင်ဂျာကလေးတွေအတွက် မွေးစာရင်းထုတ်ပေးမှု ၂၀၁၂ ခုနှစ်ကတည်းက ရပ်တန့်ထားတာကိုလည်း ပြန်လည်စတင်ဖို့ ပြောကြားခဲ့ပါတယ်။

“မွေးလာတဲ့ကလေးတွေမှာ မွေးစာရင်းမရှိဘူးဆိုတာ ကမ္ဘာ့ဘယ်နိုင်ငံမှာမှ မရှိတဲ့ ကိစ္စမျိုးပါ” လို့ ဆာလာမီက ထည့်သွင်းပြောကြားခဲ့ပါတယ်။

နိုင်ငံတော်အတိုင်ပင်ခံရုံးကတော့ အာနန်ကော်မရှင်ရဲ့ ဒီကြားဖြတ်အစီရင်ခံစာကို ကြိုဆိုကြောင်း၊ အစီရင်ခံစာမှာပါဝင်တဲ့ အကြံပြုချက်တွေကို မိမိတို့ သဘောတူပြီး အမျိုးသား ရင်ကြားစေ့ရေးနှင့် ဖွံ့ဖြိုးတိုးတက်ရေးလုပ်ငန်းအတွက် အပြုသဘောဆောင်တဲ့ အကျိုးသက်ရောက်မှုတွေ ရှိမှာဖြစ်ကြောင်း၊ အကြံပြုချက်အများစုကိုလည်း အထိရောက်ဆုံးဖြစ်အောင် အမြန်ဆုံး အကောင်အထည်ဖော်သွားမှာဖြစ်ကြောင်း သတင်းထုတ်ပြန်ခဲ့ပါတယ်။

Ref: Reuters

မတ် ၁၁၊ ၂၀၁၇
M-Media

– မြန်မာ အစိုးရစ်တပ်နှင့် ရဲတပ်ဖွဲ့မှာ ရိုဟင်ဂျာများနှင့်ပတ်သက်၍ လူထားထုအပေါ် ကျူးလွန်သည့် ရာဇ၀တ်မှုများကို ပြုလုပ်နေသည်ဟု မြန်မာနိုင်ငံ၏ လူ့အခွင့်အရေးဆိုင်ရာ ကုလသမဂ္ဂ အထူးကိုယ်စားလှယ် ယန်ဟီးလီက BBC သို့ ပြောကြားလိုက်သည်။

“လူသားထုအပေါ် ကျူးလွန်တဲ့ ရာဇ၀တ်မှုလို့ ပြောရပါလိမ့်မယ်။ မြန်မာစစ်တပ်၊ နယ်ခြားစောင့်တပ် ဒါမှမဟုတ် ရဲတပ်ဖွဲ့၊ လုံခြုံရေးတပ်ဖွဲ့တွေကလုပ်တဲ့ လူသားထုအပေါ် ကျူးလွန်တဲ့ ရာဇ၀တ်မှုဆိုတာ အသေအချာပါပဲ” ဟု ယန်ဟီးလီက ဆိုသည်။

ထို့ပြင် ထိုပြဿနာမှာ လုံခြုံရေးတပ်ဖွဲ့များက စနစ်တကျ ကျူးလွန်မှုမျိုးဖြစ်သော်လည်း ဒေါ်အောင်ဆန်းစုကြည်ခေါင်းဆောင်သည့် အစိုးရက တာဝန်ယူမှုအချို့ ပြုလုပ်ရမည်ဟု ထည့်သွင်းပြောဆိုခဲ့သည်။

“အဆုံးတစ်နေ့မှာတော့ ဒီလို ကြီးမားတဲ့ ကြောက်စရာ ညှင်းပမ်းမှုမျိုး၊ သူတို့ရဲ့ နိုင်ငံသားတွေအပေါ် သူတို့ကိုယ်တိုင်ကျူးလွန်တဲ့ လူမဆန်တဲ့ ရာဇ၀တ်မှုတွေအတွက် အဖြေပေးရမှာ၊ တုန့်ပြန်ရမှာက အစိုးရ- အရပ်သားအစိုးရပါပဲ”

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကမူ အင်တာဗျူးရန် ငြင်းဆိုခဲ့သည်။ သူမ၏ ပါတီမှ ပြောရေးဆိုခွင့်ရှိသူ ဦ၀င်းထိန်က ထိုကဲ့သို့ စွပ်စွဲမှုများမှာ ချဲ့ကားပြောဆိုရာ ရောက်နေကြောင်း၊ ယခုပြဿနာမှာ ပြည်တွင်းပြဿနာဖြစ်ပြီး နိုင်ငံတကာ ပြဿနာမဟုတ်ကြောင်း ပြောကြားခဲ့သည်။

ပြီးခဲ့သည့်နှစ် အောက်တိုဘာလအတွင်းက နယ်ခြားစောင့်စခန်းများကို တိုက်ခိုက်မှုပြီးနောက် အစိုးရလုံခြုံရေးတပ်ဖွဲ့များက ပြုလုပ်သော စစ်ဆင်ရေးကြောင့် ရိုဟင်ဂျာ ၇၀၀၀၀ ကျော် ဘင်္ဂလားဒေ့ရ်ှဘက်သို့ ထွက်ပြေးခဲ့ရသည်။

၎င်းတို့ကို BBC မှ မေးမြန်းမှုများအရ အစိုးရ လုံခြုံရေးတပ်ဖွဲ့များမှာ အရပ်သားများကို ပစ်သတ်ခြင်း၊ ပြန်ပေးဆွဲခြင်း၊ နေအိမ်မီးရှို့ခြင်း၊ အမျိုးသမီးငယ်များကို အဓမ္မပြုကျင့်ခြင်းတို့ ရှိခဲ့သည်ဟု ပြောကြားခဲ့သည်။ ဂြိုဟ်တုမှရရှိသည့် ဓာတ်ပုံများ၊ မြေပြင်ဗီဒီယိုများကလည်း ၎င်းတို့၏ ပြောကြားမှုများကို ထောက်ခံနေသည်။

ဦ၀င်းထိန်က လက်ရှိ ဖွဲ့စည်းပုံအခြေခံဥပဒေအောက်တွင် ဒေါ်အောင်ဆန်းစုကြည်မှာ စစ်တပ်အား ဟန့်တားနိုင်သည့် ပါဝါမရှိကြောင်း၊ ယန်ဟီးလီ၏ ပြောကြားမှုများမှာ ချဲ့ကားပြောဆိုမှုများဖြစ်ပြီး တစ်ခါတစ်ရံတွင် ကုလမှာလည်း မှားယွင်းကြောင်း BBC သို့ ပြောကြားခဲ့သည်။

“အစိုးရသစ်အနေနဲ့ ကျွန်တော်တို့ဟာ ခေတ်သစ်နိုင်ငံတစ်ခုအဖြစ် အောင်မြင်ဖို့ ကြိုးစားနေရပါတယ်။ ကျွန်တော်တို့မှာ ပြဿနာတွေထောင်ချီရှိတယ်။ ကျွန်တော်တို့ကတော့ လူသားထုအပေါ် ကျူးလွန်တဲ့ ရာဇ၀တ်မှုလို့ မယုံကြည်ပါဘူး။ ဒါဟာ ပြည်တွင်းရေးဖြစ်ပြီး နိုင်ငံတကာအရေး မဟုတ်ပါဘူး” ဟု ဦးဝင်ထိန်က ဆိုသည်။

ရိုဟင်ဂျာကိစ္စနှင့်ပတ်သက်၍ နိုင်ငံတကာမှ စွပ်စွဲပြောဆိုမှုများအတွက် မြန်မာအစိုးရကလည်း ကိုယ်တိုင် စုံစမ်းစစ်ဆေးမှုများ ပြုလုပ်နေသည်။

ယန်းဟီလီမှာ တနင်္လာနေ့တွင် ဂျီနီဗာရှိ ကုလမဂ္ဂ လူ့အခွင့်အရေးကောင်စီတွင် ၎င်း၏ နောက်ဆုံး တွေ့ရှိချက်များကို တင်ပြသွားမည်ဖြစ်ပြီး မြောက်ကိုရီးယားနှင့် ဆီးရီးယားမှ ကိစ္စရပ်များကို စုံစမ်စစ်ဆေးသကဲ့သို့ နိုင်ငံတကာ စုံစမ်းစစ်ဆေးရေးကော်မရှင် ဖွဲ့စည်းရန် တိုက်တွန်းသွားမည်ဖြစ်သည်။

BBC နှင့် ဆက်သွယ်မှုတွင် UK နှင့် အီးယူတို့က အဆိုပါကော်မရှင်အား ထောက်ခံမည်လားဆိုသည်ကို ပြောကြားရန် ငြင်းဆိုခဲ့သည်။

Ref: BBC

မတ် ၈၊ ၂၀၁၇
M-Media

– မြန်မာနိုင်ငံက ရိုဟင်ဂျာမွတ်စလင်တွေအပေါ် ကျူးလွန်မှုတွေ ဆိုးဆိုးဝါးဝါးရှိနေတယ်ဆိုတဲ့ သတင်းတွေဟာ နိုင်ငံတကာ ရာဇ၀တ်ခုံရုံး ICC ရဲ့ အာရုံစိုက်မှုကို လိုအပ်နေပြီလို့ ကုလသမဂ္ဂ လူ့အခွင့်အရေးဆိုင်ရာ မဟာမင်းကြီး ဇိုက် ရာအဒ် အလ် ဟူစိန်က ဒီနေ့မှာ ပြောကြားလိုက်ပါတယ်။

ဂျီနီဗာက လူ့အခွင့်အရေးကောင်စီမှာ ဒီလိုပြောကြားလိုက်တာဖြစ်ပြီး ကာလရှည် ဆိုးဆိုးဝါးဝါး ညှင်းပမ်းနှိပ်စက်မှုမျိုးဟာ လူသားထုအပေါ် ကျူးလွန်တဲ့ ရာဇ၀တ်မှု မြောက်နေပြီလို့လည်း ဆိုပါတယ်။ အလ် ဟူစိန်ဟာ နိုင်ငံပေါင်း ၄၀ ကျော်က လူ့အခွင့်အရေးဆိုင်ရာ ပြဿနာတွေကို ဒီကောင်စီမှာ တင်ပြခဲ့တာဖြစ်ပါတယ်။

ရိုဟင်ဂျာတွေအပေါ် ကျူးလွန်တဲ့ အကြမ်းဖက်မှု – အထူးသဖြင့် အောက်တိုဘာ ၉ ရက် မောင်တောခရိုင်က နယ်ခြားစောင့်စခန်းတွေ တိုက်ခိုက်ခံရပြီးတဲ့နောက်ပိုင်း အစိုးရ လုံခြုံရေးတပ်ဖွဲ့တွေက ပြုလုပ်တဲ့ စစ်ဆင်ရေးမှာ ကျူးလွန်မှုတွေအတွက် အနည်းဆုံး ကော်မရှင်ဖွဲ့ စုံစမ်းဖို့လည်း လူ့အခွင့်အရေးကောင်စီကို အလ်-ဟူစိန်က တိုက်တွန်းခဲ့ပါတယ်။

နယ်ခြားစောင့်စခန်းတွေ တိုက်ခိုက်မှုမှာ အစိုးရလုံခြုံရေးတပ်ဖွဲ့ဝင် ၁၀ ဦး ကျဆုံးခဲ့ပါတယ်။

စစ်တပ်ကလုပ်တဲ့ စစ်ဆင်ရေးအတွင်းမှာ အဓမ္မပြုကျင့်တာတွေ၊ တရားလက်လွတ် သတ်ဖြတ်တာတွေ၊ နေအိမ်မီးရှို့တာတွေရှိတယ်လို့ သတင်းတွေ ထွက်ပေါ်ခဲ့ပေမယ့် မြန်မာအစိုးရနဲ့ ရဲတပ်ဖွဲ့ကတော့ ဒီသတင်းတွေကို ငြင်းဆိုခဲ့ပါတယ်။

စစ်ဆင်ရေးကြောင့် ရိုဟင်ဂျာ ၇၄၀၀၀ လောက် ဘင်္ဂလားဒေ့ရ်ှကို ထွက်ပြေးခဲ့ရသလို၊ ၂၀၀၀၀ ကျော်လောက်ဟာလည်း ပြည်နယ်အတွင်း အိုးအိမ်စွန့်ခွာ ထွက်ပြေးနေရပါတယ်။

Ref : CNA

မတ် ၄၊ ၂၀၁၇
M-Media

– ရခိုင်ပြည်နယ်က ရိုဟင်ဂျာမွတ်စလင်တွေအပေါ် အကြမ်းဖက်မှုတွေ ရပ်တန့်ရေးအတွက် မြန်မာနိုင်ငံက ဗုဒ္ဓဘာသာဝင်တွေကို ကမ္ဘာ့ဘာသာရေးခေါင်းဆောင်တွေက တိုက်တွန်းမှုမှာ တီဘက်ဘုန်းတော်ကြီး ဒလိုင်းလားမားလည်း ပါဝင်လာပါတယ်။

ရိုဟင်ဂျာပြည်သူတွေအပေါ် အစိုးရ လုံခြုံရေးတပ်ဖွဲ့တွေက အဓမ္မပြုကျင့်မှုတွေ၊ သတ်ဖြတ်မှုတွေ၊ ရိုက်နှက်မှုတွေ၊ အိမ်တွင်းမှာ သော့ခတ်ပြီး အရှင်လတ်လတ်မီးရှို့မှုတွေရှိနေပြီး ဒီလိုလုပ်ရပ်တွေက လူသားထုအပေါ်ကျူးလွန်တဲ့ ရာဇ၀တ်မှုတွေအဖြစ် သတ်မှတ်လို့ရနေပြီလို့ ကုလရဲ့ အစီရင်ခံစာ ထွက်လာပြီးနောက်ပိုင်းမှာ ပုပ်ရဟန်းမင်းကြီး ဖရန်စစ်က ဒီလိုလုပ်ရပ်တွေအတွက် ဖေဖော်ဝါရီလက ရှုတ်ချခဲ့ပါတယ်။

ဘုန်းတော်ကြီး ဒလိုင်းလားမာကတော့ သူ့အနေနဲ့ ဒေါ်အောင်ဆန်းစုကြည်နဲ့ သီးသန့် စကားပြောဆိုခဲ့ပြီး ‘ဒီပြဿနာမှာ ငြိမ်းချမ်းတဲ့ အဖြေတစ်ခု ပေါ်ထွက်လာဖို့အတွက် သူမရဲ့ လွှမ်းမိုးမှုကို အသုံးချဖို့’ ပြောကြားခဲ့တယ်လို့ ဆိုပါတယ်။

ရိုဟင်ဂျာပြဿနာနဲ့ပတ်သက်ပြီး ‘မြန်မာနိုင်ငံဆိုင်ရာ အမြဲတမ်း ပြည်သူ့ခုံသမာဓိရုံး’ ရဲ့ ပထမဆုံး ကြားနာမှုကို မတ်လ ၆ ရက်နဲ့ ၇ ရက်နေ့တွေမှာ လန်ဒန်က Queen Mary တက္ကသိုလ်မှာ ပြုလုပ်မှာဖြစ်ပြီး ဒီကြားနာမှုအတွင်း ဒလိုင်းလားမား ပေးပို့တဲ့ မေတ္တာရပ်ခံချက်ကို ဖတ်ကြားမှာဖြစ်ပါတယ်။

“ကမ္ဘာ့အဓိက ဘာသာတရားအားလုံးက ငြိမ်းချမ်းရေးနဲ့ ချစ်ခြင်းမေတ္တာ သတင်းစကားကိုသာ ဖြန့်ချီကြတာပါ။ မြန်မာနိုင်ငံက မွတ်စလင်လူ့အဖွဲ့အစည်းနဲ့ပတ်သက်ပြီး အလွန်အကြောင်းမလှတဲ့ ဖြစ်ရပ်တွေလို ကိစ္စမျိုးမှာ ဘာသာတရားရဲ့ အမည်ကိုသုံးပြီး အကြမ်းဖက်နေတာကို ကြားနေရတာ အလွန်ဝမ်းနည်းကြေကွဲစရာပါပဲ” လို့ ရခိုင်ပြည်နယ်မှာ နေထိုင်တဲ့ ၁ သန်းသော ရိုဟင်ဂျာမွတ်စလင်တွေရဲ့ ဒုက္ခသုက္ခကို ရည်ညွှန်ပြီး ဒလိုင်းလားမားက အဲဒီ မေတ္တာရပ်ခံချက်မှာ ဖော်ပြထားပါတယ်။

ရောမအခြေပြု ‘အမြဲတမ်း ပြည်သူ့ခုံသမာဓိရုံး’ ဟာ အစိုးရက ကျောထောက်နောက်ခံပြုတဲ့ ရာဇ၀တ်မှုတွေကို ခံစားခဲ့ရတဲ့ လူ့အဖွဲ့အစည်းတွေအတွက် ဆုံးဖြတ်ချက်ပေါင်း ၄၃ ခုကို ချမှတ်ခဲ့ပြီးပါပြီ။

အခု မြန်မာနိုင်ငံဆိုင်ရာ ခုံရုံးကတော့ လန်ဒန်၊ နယူးယောက်နဲ့ ကွာလာလမ်ပူတို့မှာ ပြုလုပ်သွားမှာဖြစ်ပြီး မြန်မာအစိုးရစစ်တပ်ရဲ့ ကျူးလွန်မှုတွေကို ခံစားနေရပါတယ်လို့ ပြောကြားထားတဲ့ ရိုဟင်ဂျာနဲ့ ကချင်လူမျိုးတွေရဲ့ တောင်းဆိုချက်ကြောင့် ပြုလုပ်တာ ဖြစ်ပါတယ်။

ထိခိုက်ခံစားရသူတွေ၊ လူမျိုးတုန်းသတ်ဖြတ်မှုဆိုင်ရာ ပညာရှင်တွေရဲ့ ထွက်ဆိုချက်တွေကို ဒီကြားနာမှုမှာ တွေ့မြင်ရမှာဖြစ်ပြီး ဆုံးဖြတ်ချက်ကိုတော့ ဒီနှစ်နှောင်းပိုင်းမှာ ချမှတ်ဖို့ ရှိနေပါတယ်။

ဟာရာကာ အလ်-ယကင်လို့ခေါ်တဲ့ ရိုဟင်ဂျာ အဖွဲ့တစ်ခုက ပြီးခဲ့တဲ့နှစ် အောက်တိုဘာလမှာ ရခိုင်ပြည်နယ်က နယ်ခြားစောင့်စခန်းတွေကို တိုက်ခိုက်ခဲ့ပြီးနောက်ပိုင်း မြန်မာအစိုးရတပ်က ပြုလုပ်ခဲ့တဲ့ စစ်ဆင်ရေးအတွင်းမှာ ရိုဟင်ဂျာ အရပ်သားတွ အဓမ္မပြုကျင့်ခံရမှု၊ အစုလိုက်အပြုံလိုက် သတ်ဖြတ်ခံရမှု၊ နေအိမ်မီးရှို့ခံရမှုတွေ ရှိနေတယ်လို့ သတင်းတွေ ထွက်ပေါ်နေပြီး မြန်မာအစိုးရနဲ့ စစ်တပ်ကတော့ ဒီသတင်းတွေကို ငြင်းဆိုထားပါတယ်။

Ref: Tribunalonmyanmar.org