စက်တင်ဘာ ၂၃ ၊ ၂၀၁၅
M-Media
လေးမောင်တင်ဆက်သည်။
– ပြည်တွင်းစစ်ဖြစ်နေတဲ့ အမိမြေ ဆီးရီးယားကို စွန့်ခွာပြီး ရေကြည်ရာမြက်နုရာ ဥရောပကိုထွက်လာတဲ့အချိန် ဟန်ဂေရီမှာနယ်စပ်မှာ ရဲတပ်ဖွဲ့နဲ့ တိုးတာကြောင့် လက်တစ်ဖက်က အထုပ်ကိုဆွဲ တစ်ဖက်က သားကိုပိုက်လို့ ထွက်အပြေး ဗီဒီယိုရိုက်ကူးနေတဲ့ အမျိုးသမီးတစ်ယောက်က ခြေထိုးခံလိုက်လို့ ရုပ်ပျက်ဆင်းပျက် လဲကြသွားတဲ့ ဆီးရီးယားက ဒုက္ခသည် သားအဖနှစ်ဦးကို လူတိုင်း သိကြပါလိမ့်မယ်။
ရို့စ်ဇ်ကီရွာလေးမှာ ပြီးခဲ့တဲ့လက ဖြစ်ပျက်ခဲ့တဲ့ အဲဒီအဖြစ်အပျက်ကို မှတ်တမ်းတင်ထားတဲ့ ဗီဒီယိုဟာ ဟန်ဂေရီ မီဒီယာတွေနဲ့ အင်တာနက် စာမျက်နှာမှာ အလျင်အမြန်ပဲ ပြန့်နှံသွားပြီး ကမ္ဘာတစ်ဝှမ်းက ကြည့်ရှုသူတိုင်းဟာ အဲဒီသားအဖနှစ်ဦးကို ဂရုဏာသက်ကာ စုပ်တစ်သပ်သပ် ဖြစ်ခဲ့ပါတယ်။ အဲဒီသားအဖနှစ်ဦးမှာ ဖခင်ရဲ့အမည်က အိုစာမာ အဘ်ဒူလ် မိုဟ်ဆန်ဖြစ်ပြီး သားဖြစ်သူက ဇိုက်ဖြစ်ပါတယ်။
မိုဟ်ဆန်တို့ သားအဖဟာ နောက်ဆုံးမှာ ဂျာမနီနိုင်ငံကိုရောက်ခဲ့ပြီး သူဟာ ဆီရီးယားက ပထမတန်း ကလပ် အလ်-ဖိုတူဝါအသင်းက နည်းပြဖြစ်တယ်လို့ ဂျာမန်မီဒီယာတွေက ဖော်ပြခဲ့ပြီးတဲ့နောက်မှာတော့ စပိန်နိုင်ငံ ဂီတာဖေးမြို့ ဆင်ခြေဖုံးမှာ နည်းပြတွေကိုလေ့ကျင့်ပေးတဲ့ CENAFE သင်တန်းကျောင်းက သူ့ကို အလုပ်ပေးဖို့ ကမ်းလှမ်းခဲ့ပါတယ်။
“ကျွန်တော်တို့ဟာ နိုင်ငံအဆင့် နည်းပြသင်တန်းကျောင်းဖြစ်ပြီး အဲဒီနည်းပြ (မိုဟ်ဆန်) ကို ကူညီဖို့ ဆုံးဖြတ်ခဲ့ပါတယ်” လို့ အဲဒီ သင်တန်းကျောင်းရဲ့ ဒါရိုက်တာဖြစ်သူ မီဂွဲလ် ဂါလန်က ပြောကြားခဲ့ပါတယ်။
သင်တန်းကျောင်းက အာရဘီစကားပြော အဖွဲ့ဝင်တစ်ဦးဟာ မိုဟ်ဆန်နဲ့ သားနှစ်ဦးကို ဂျာမနီအထိ သွားရောက်ခေါ်ယူခဲ့ပြီး ပြီးခဲ့တဲ့ဗုဒ္ဓဟူးနေ့က မက်ဒရစ်မြို့ကို ရောက်ရှိလာခဲ့ပါတယ်။
“သူတို့မိသားစုဟာ အရေးပါဆုံးအရာတွေဖြစ်တဲ့ အိမ်ယာ၊ အစားအသောက်၊ အ၀တ်အထည်တွေ ရမှာဖြစ်ပြီး နည်းပြအလုပ်ကိုလည်း သူ့ကို ကျွန်တော်တို့ ပေးမှာပါ” လို့ ဂါလန်က ထပ်လောင်းပြောကြားခဲ့သည်။
သူတို့ သားအဖနှစ်ယောက်ကို ခြေထိုးခဲ့တဲ့ အမျိုးသမီးကတော့ ဟန်ဂေရီ ရုပ်သံဌာနမှာ အလုပ်လုပ်နေတဲ့ ဗီဒီယိုရိုက်ကူးသူ ပက်ထရာ လက်ဇ်လိုဆိုသူဖြစ်ပြီး နောက်ပိုင်းမှာတော့ ဌာနက အဲဒီအဖြစ်အပျက်ကြောင့်ပဲ သူမကို အလုပ်ထုတ်ခဲ့ပါတယ်။
မိုဟ်ဆန်ဟာ ဆီးရီးယားမှာ ကျန်ခဲ့တဲ့ သူ့ရဲ့ ဇနီးနဲ့ အခြားကလေးနှစ်ယောက်ကိုလည်း နောက်ပိုင်းမှာ ခေါ်ယူသွားဖို့ အစီအစဉ်ရှိနေပါတယ်။ အာရဘီနဲ့ အင်္ဂလိပ်စကားအနည်းငယ်သာ ပြောတတ်တဲ့ မိုဟ်စင်ရဲ့ အဓိကပြဿနာ ဘာသာစကားဖြစ်ပြီး စပိန်ဘာသာစကားကို သင်ယူရမယ်လို့ နိုင်ငံအဆင့် ဒိုင်လူကြီးဟောင်း ပီဒရာဇာက ပြောခဲ့ပါတယ်။
စပိန်နိုင်ငံမှာ တရားဝင်နေထိုင်ခွင့်အတွက် အဲဒီနည်းပြသင်တန်းကျောင်းကပဲ ဆောင်ရွက်ပေးမှာ ဖြစ်ပါတယ်။ ဥရောပကော်မရှင်က သတ်မှတ်ထားတဲ့ အစီအစဉ်အောက်မှာ စပိန်နိုင်ငံဟာ ဆီးရီးယားနဲ့ အခြားနေရာတွေက ဒုက္ခသည် ၁၇၆၈၀ ကို ဒီနှစ်အတွင်းမှာ လက်ခံဖို့ ရှိနေပါတယ်။
သားဖြစ်သူ ဇိုက်ကတော့ စပိန်ထိပ်သီး ရီးယဲလ်မက်ဒရစ်ရဲ့ စနေနေ့က ကစားခဲ့တဲ့ လာလီဂါပွဲမှာ ကမ္ဘာကျော်တိုက်စစ်မှူး ရော်နယ်ဒိုနဲ့အတူ ကွင်းထဲကို ၀င်ရောက်ခွင့် ရခဲ့ပါတယ်။
“ဇိုက်ဟာ သူ့ရဲ့ ဟီးရိုး ရော်နယ်ဒိုနဲ့ ဘာနေဗျူးကွင်းထဲကို ၀င်ရောက်ခဲ့ပါတယ်” လို့ ရီးယဲလ်က သူတို့ရဲ့ Twitter စာမျက်နှာမှာ ဖော်ပြခဲ့ပါတယ်။
ကွင်းထဲကို ရော်နယ်ဒိုနဲ့အတူ ၀င်ရောက်လာတဲ့ ဇိုက်ကလေးကို ပရိတ်သတ်တွေက လက်ခုပ်သံတွေနဲ့ တစ်ခဲနက် ကြိုဆိုအားပေးခဲ့ကြပါတယ်။
မိုဟ်ဆန်၊ သားနှစ်ဦးဖြစ်သူ ဇိုက်နဲ့ မိုဟာမက်တို့ဟာ ရီးယဲလ်နဲ့ ဂရာနာဒါတို့ရဲ့ အဲဒီပွဲကို လာရောက်ကြည့်ရှုဖို့ ဖိတ်ခေါ်ခြင်းခံခဲ့ရပြီး ပွဲမတိုင်ခင်မှာလည်း နှစ်ဖက်ကစားသမားတွေဟာ ဆီးရီးယားစစ်ပွဲကြောင့် အိုးအိမ် စွန့်ခွာထွက်ပြေးကာ ဥရောပကို ၀င်ရောက်လာကြတဲ့ ဒုက္ခသည်တွေကို ထောက်ခံအားပေးတဲ့ စာတန်း ရေးသားထားတဲ့ တီရှပ်အင်္ကျီတွေ ၀တ်ဆင်ကာ ကွင်းထဲကို ၀င်ရောက်ခဲ့ကြပါတယ်။
မိုဟ်ဆန်တို့ သားအဖတွေဟာ သောကြာနေ့ကလည်း ရီးယဲလ်ရဲ့ လေ့ကျင့်ကွင်းကို သွားရောက်ကြည့်ရှုခွင့် ရခဲ့ပြီး ဇိုက်ကတော့ ရော်နယ်ဒို၊ ပီပီ၊ ကာဆီလာ၊ ချယ်ရီရှက်ဗ်၊ လူကာမိုဒရစ်၊ တိုနီကရုစ်နဲ့ ဗက်ကွက်ဇ်တို့နဲ့ ဓာတ်ပုံတွဲရိုက်ခဲ့ပါတယ်။
ref:aljazeera,independent
