Tag: Refugee Crisis

အောက်တိုဘာ ၁၁၊ ၂၀၁၅
M-Media

– သန်းပေါင်းများစွာသော ဒုက္ခသည်များအရေး ကိုင်တွယ်ဆောင်ရွက်ရန်နှင့် ပဋိပက္ခများအပြီး တိုင်းပြည်အား ပြန်လည်ထူထောင်ရန်အတွက် အရှေ့အလယ်ပိုင်းနှင့် မြောက်အာဖရိကနိုင်ငံများသို့ ဘဏ္ဍာရေးထောက်ပံ့မှုများ တိုးမြှင့်ပေးသွားမည်ဟု ကုလသမဂ္ဂနှင့် ကမ္ဘာ့ဘဏ်တို့က ယမန်နေ့တွင် ကြေငြာလိုက်သည်။

“ဒီနေ့ခတ်ကမ္ဘာကြီးမှာ ဒုတိယကမ္ဘာစစ်နောက်ပိုင်း အမြင့်ဆုံး အိုးအိမ်စွန့်ခွာ ထွက်ပြေးရမှုတွေ ဖြစ်ပွားနေတယ်ဆိုတာ မျက်မြင်လက်တွေ့ပါပဲ။ ပဋိပက္ခရဲ့ အခြေအနေ၊ သဘာဝတွေကို ဖြေရှင်းဖို့အတွက် ကျွန်တော်တို့ဟာ ချဉ်းကပ်မှုအသစ်တွေ လိုအပ်ပါတယ်။ ကုလရဲ့ အနီးကပ် မိတ်ဖက်ဖြစ်တဲ့ ကမ္ဘာ့ဘဏ်နဲ့ အခြားသော နိုင်ငံတကာ ဘဏ္ဍာရေးအဖွဲ့အစည်းတွေဟာ ပဋိပက္ခတွေဖြစ်ပွားနေတဲ့ ဒေသတွေမှာ အဓိကထားပြီး တက်တက်ကြွကြွ ရင်းနှီးမြှုပ်နှံဖို့ အရေးကြီးပါတယ်” ဟု ကုလသမဂ္ဂ ထွေထွေအတွင်းရေးမှူး ဘန်ကီမွန်က ပြောကြားခဲ့သည်။

ထိုထောက်ပံ့မှုများကို ပုံစံနှစ်မျိုးဖြင့် ပေးအပ်သွားမည်ဖြစ်ပြီး၊ အစီအစဉ်အတွက် အစ္စလာမ့်ဖွံ့ဖြိုးရေးဘဏ်နှင့်လည်း ပူးပေါင်းဆောင်ရွက်သွားမည်ဟု ဆိုသည်။

ပုံစံတစ်မျိုးမှာ အလှူရှင်နိုင်ငံများထံမှ ရရှိသည့် ငွေများ အတိုးမယူဘဲ အစ္စလာမ့်နည်းကျ ငွေချေးသည့် sukuk ငွေချေးစနစ်အပါအ၀င် အထူးငွေချေးစနစ်များဖြင့် ထုတ်ပေးသွားမည်ဖြစ်သည်။ ဒုတိယနည်းလမ်းတွင် ပြီးခဲ့သည့် လေးနှစ်အတွင်း ဒေသတွင်း ပဋိပက္ခများကြောင့် ထွက်ပြေးခဲ့ရသော ဒုက္ခသည် ၁၅ သန်းခန့်ကို လက်ခံထားရသည့် နိုင်ငံများအား အတိုးနည်းနည်းဖြင့် ကာလရှည် ငွေချေးမည့် ပုံစံဖြစ်သည်။

“ဆိုးဆိုးဝါးဝါး ထိခိုက်နေတဲ့ ဒီနိုင်ငံတွေက လိုအပ်နေမှုပမာဏကို ပြည့်မီစေဖို့အတွက် ခိုင်မာတဲ့ ပူးပေါင်းဆောင်ရွက်မှုနဲ့ ဆန်းသစ်တဲ့ ဘဏ္ဍာရေးထောက်ပံ့မှုတွေ လိုအပ်ပါတယ်။ ဒီလို ခက်ခဲကျပ်တည်းနေတဲ့ အချိန်မျိုးမှာ အရှေ့အလယ်ပိုင်းနဲ့ မြောက်အာဖရိက နိုင်ငံတွေကိုထောက်ပံ့ကူညီဖို့ဆိုတာ ကျွန်တော်တို့အားလုံးရဲ့ တာဝန်ဝတ္တရားဖြစ်ပြီး၊ နိုင်ငံတစ်ခု အဖွဲ့အစည်းတစ်ခုက ထောက်ပံ့နိုင်တာထက်ကိုပိုတဲ့ ထိရောက်တဲ့ရင်းမြစ်တွေလည်း လိုအပ်ပါတယ်” ဟု ကမ္ဘာ့ဘဏ် ဥက္ကဌ ဂျင် ယုံ ကင်က ပြောကြားခဲ့သည်။

ပီရူးနိုင်ငံ လီမာမြို့၌ ယခုတစ်ပတ်အတွင်း ပြုလုပ်ခဲ့သည့် ကမ္ဘာ့ဘဏ်နှင့် နိုင်ငံတကာ ငွေကြေးရန်ပုံငွေအဖွဲ့ IMF တို့၏ နှစ်ပတ်လည်အစည်းအဝေးတွင် အဖွဲ့များက သီးခြား ဆွေးနွေးပြီးနောက် ထိုကဲ့သို့ ကူညီထောက်ပံ့မှုများ တိုးမြှင့်ပေးရန်အတွက် သဘောတူညီခဲ့ခြင်းဖြစ်သည်။

Ref: Channelnewsasia

အောက်တိုဘာ ၇၊ ၂၀၁၅
M-Media

– မြေထဲပင်လယ်အတွင်းရှိ နိုင်ငံတကာရေပိုင်နက်တွင် လူကုန်ကူးသူများအား ရှာဖွေဖမ်းဆီးရန်အတွက် ဥရောပနိုင်ငံ ၆ နိုင်ငံမှ စစ်တပ်များက စစ်ဆေးရေးတစ်ခုကို ယနေ့တွင် စတင်လိုက်ပြီး ကင်းလှည့်စောင့်ကြပ်မှုများ ပြုလုပ်နေသည်။

ဥရောပသို့ ဒုက္ခသည်များဝင်ရောက်ရာ လမ်းကြောင်းဖြစ်သည့် လစ်ဗျားကမ်းရိုတမ်းမှ စတင်ခြင်းဖြစ်ပြီး လူကုန်ကူးသူများအား နှိမ်နှင်းရေး ဒုတိယအဆင့်ကို ဆောင်ရွက်ခြင်းလည်းဖြစ်သည်။ ပထမအဆင့်မှာ အချက်အလက်များကို ရှာဖွေစုဆောင်းခြင်ဖြစ်ပြီး ယခုစစ်ဆင်ရေးတွင် လူကုန်ကူးသူများကို လိုက်လံဖမ်းဆီးခြင်း၊ ၎င်းတို့၏ သင်္ဘောများအား သိမ်းဆည်းခြင်းတို့ကို ပြုလုပ်မည်ဖြစ်သည်။

စစ်ဆင်ရေးတွင် အီတလီ လေယာဉ်တင်သင်္ဘောတစ်စင်း၊ ပြင်သစ် ဖရီးဂိတ် စစ်ရေယာဉ်တစ်စင်း၊ ဗြိတိန်၊ စပိန်တို့မှ ရေယာဉ်တစ်စင်းစီနှင့် ဂျာမနီနိုင်ငံက ၂ စင်း ပါဝင်မည်ဖြစ်သည်။ လူကုန်ကူးမှု ဗဟိုချက်ဖြစ်သော လစ်ဗျားရေပိုင်နက်ထဲသို့ ၀င်ရောက်ရန်အတွက်မူ ကုလသမဂ္ဂ လုံခြုံရေးကောင်စီနှင့် လစ်ဗျားအာဏာပိုင်တို့၏ ခွင့်ပြုချက် လိုအပ်မည်ဖြစ်သည်။

Ref: Aljazeera