Tag: Rohingya

အောက်တိုဘာ ၂၇၊ ၂၀၁၇
M-Media

အောက်တိုဘာ ၂၆၊ ၂၀၁၇
M-Media

– ရခိုင်ပြည်နယ်က ရိုဟင်ဂျာတွေ ခံစားနေရတဲ့ လူသားချင်း စာနာထောက်ထားမှုဆိုင်ရာ ပြဿနာဟာ မကြုံစဖူး ဖြစ်လာနေပြီး ကမ္ဘာကြီးအနေနဲ့ ထိထိရောက်ရောက် မတုန့်ပြန်နိုင်ဘူးလို့ နိုင်ငံတကာ ကြက်ခြေနီနဲ့ လခြမ်းနီအဖွဲ့ အကြီးအကဲ အလ်ဟဂ်ျ အက်ဆီက ပြောကြားလိုက်ပါတယ်။

အက်ဆီဟာ ဘင်္ဂလားဒေ့ရ်ှနယ်စပ် ကော့ဇ်ဘဇားက ရိုဟင်ဂျာဒုက္ခသည်စခန်းကို သွားရောက်ကြည့်ရှုပြီးတဲ့နောက် ဒီလိုပြောကြားလိုက်တာဖြစ်ပြီး ဒီပြဿနာကို နိုင်ငံရေးနည်းလမ်းနဲ့ ဖြေရှင်းမှာဖြစ်တယ်လို့လည်း ဆိုပါတယ်။ သက်ဆိုင်ရာခေါင်းဆောင်တွေအနေနဲ့ ခြွင်းချက်မရှိ ဒီအခြေအနေကို တုန့်ပြန်ဖို့လည်း သူက တို
က်တွန်းခဲ့ပါတယ်။

ရခိုင်ပြည်နယ်မှာ အိုးအိမ်စွန့်ခွာထွက်ပြေးရသူတွေအတွက် အကူအညီပေးနေတဲ့ ကုလအပါအ၀င် နိုင်ငံတကာအဖွဲ့အစည်း တော်တော်များများကို မြန်မာအစိုးရက ၀င်ရောက်ခွင့်မပေးပါဘူး။

နိုင်ငံတကာ ကြက်ခြေနီနဲ့ လခြမ်းနီအဖွဲ့ IFRC ဟာ လတ်တလောမတည်ငြိမ်မှုတွေ အစပြုခဲ့တဲ့ သြဂုတ်လ ၂၅ရက်နေ့ နောက်ပုိုင်းမှာ ရခိုင်ပြည်နယ်အတွင်းက အိုးအိမ်စွန့်ခွာ ထွက်ပြေးရသူတွေကို ကူညီထောက်ပံ့ခွင့် ရရှိခဲ့ပါတယ်။

မြန်မာနဲ့ ဘင်္ဂလားဒေ့ရ်ှနိုင်ငံတို့က အိုးအိမ်စွန့်ခွာ ထွက်ပြေးရသူတွေကို ကူညီဖို့အတွက် ရန်ပုံငွေ ကန်ဒေါ်လာ ၃၃ သန်း လိုအပ်တယ်လို့ IFRC က ပြောကြားထားပါတယ်။

“ကျွန်တော်တို့ ရင်ဆိုင်နေရတဲ့ ပြဿနာဟာ ပမာဏအရသာမကဘဲ လူတွေရဲ့ ဘက်ပေါင်းစုံ ထိခိုက်ခံစားရမှု အတိမ်အနက်မှာပါ တော်တော်လေးမကြုံစဖူး အနေအထားပါ။ ကြက်ခြေနီအဖွဲ့အနေနဲ့ အခြားအဖွဲ့တွေထက်ပိုပြီး ၀င်ရောက်ခွင့်ရပေမယ့် အခြေအနေတစ်ခုလုံးကို ကြက်ခြေနီအဖွဲ့ ပုခုံးပေါ်ပဲ တင်ထားလို့ မရပါဘူး။ ကျွန်တော်တို့ ဆောင်ရွက်နေရတာတွေအတွက် ဂုဏ်ယူပေမယ့် ပြဿနာကို အတိုင်းအတာအရရော၊ ပမာဏအရပါ ကာမိစေတာ မဟုတ်ပါဘူး” လို့ အက်ဆီက ပြောကြားခဲ့ပါတယ်။

သြဂုတ်လနှောင်းပိုင်းကစပြီး ဘင်္ဂလားဒေ့ရ်ှဖက်ကို ထွက်ပြေးသွားခဲ့ရတဲ့ ရိုဟင်ဂျာအရေအတွက်ဟာ ၆ သိန်းနီးပါးလောက်ရှိတယ်လို့ ကုလက ပြောကြားထားပါတယ်။

IFRC အကြီးအကဲကတော့ ဒုက္ခရောက်နေတဲ့ ကလေးငယ်တွေ ဒီလောက်များတာမျိုး အရင်က မမြင်ဖူးကြောင်း၊ ကလေးငယ်တွေ မတွေ့ကြုံသင့်တဲ့ကိစ္စမျိုးတွေကို သူတိုလေးတွေ ကြုံတွေ့နေရကြောင်း၊ ကလေးငယ်တွေဟာ သူတို့ရဲ့ ကလေးဘ၀ကို ဆုံးရှုံးနေကြောင်း၊ ဘင်္ဂလားဒေ့ရ်ှကိုရောက်ဖို့အတွက် ရက်ပေါင်းများစွာ လမ်းလျှောက်ခဲ့ရတယ်ဆိုတဲ့သတင်းတွေကို ကြားရတဲ့အတွက် တုန်လှုပ်ဝမ်းနည်းမိကြောင်း အက်ဆီက ထည့်သွင်း ပြောဆိုခဲ့ပါတယ်။

Ref: The Guardian

အောက်တိုဘာ ၂၅၊ ၂၀၁၇
M-Media

– ဘင်္ဂလားဒေ့ရ်ှကို ရောက်နေတဲ့ ရိုဟင်ဂျာ ဒုက္ခသည်တွေကို နေရပ်ပြန်ပို့ရေး ပူးပေါင်းဆောင်ရွက်ဖို့နဲ့ နယ်စပ်ဒေသလုံခြုံရေး တိုးမြှင့်ဆောင်ရွက်ဖို့အတွက် မြန်မာနဲ့ ဘင်္ဂလားဒေ့ရ်ှတို့ဟာ ယမန်နေ့က သဘောတူလက်မှတ်ရေးထိုးခဲ့ကြတယ်လို့ သိရပါတယ်။

မြန်မာနိုင်ငံကို ရောက်နေတဲ့ ဘင်္ဂလားဒေ့ရှ် ပြည်ထဲရေ၀န်ကြီး အဆာဒူဇာမန်ခန်း ဦးဆောင်တဲ့ ကိုယ်စားလှယ်အဖွဲ့နဲ့ မြန်မာပြည်ထဲရေးဝန်ကြီး ဒုတိယဗိုလ်ချုပ်ကြီး ကျော်ဆွေဦးဆောင်တဲ့အဖွဲ့တို့ မနေ့က နေပြည်တော်မှာတွ့ဆုံစဉ် သဘောတူစာချုပ်နှစ်ခုကို လက်မှတ်ရေးထိုးခဲ့ပါတယ်။

စာချုပ်တွေမှာ ‘မြန်မာနိုင်ငံမှာနေထိုင်သူတွေ ဘင်္ဂလားဒေ့ရ်ှဖက်ကို အစုလိုက်ဝင်ရောက်လာမှု ရပ်တန့်ရေး’၊ ‘နှစ်နိုင်ငံ ပူးတွဲလုပ်ငန်းအဖွဲ့ဖွဲ့စည်းရေး’ တွေကို နှစ်နိုင်ငံစလုံးက သဘောတူခဲ့ကြတယ်လို့ ပြည်ထဲရေးဝန်ကြီးဌာနရဲ့ အမြဲတန်းအတွင်းဝန် ဦးတင်မြင့်က ပြောကြားခဲ့ပါတယ်။

“ပူးတွဲလုပ်ငန်းအဖွဲ့၊ စီစစ်ရေးလုပ်ငန်း ပြီးတဲ့နောက်မှာ ဒီလူတွေ သူတို့ရဲ့ ဇာတိမြေကို ဘေးအန္တရာယ်ကင်းကင်း၊ သိက္ခာရှိရှိနဲ့ လုံလုံခြုံခြုံ ပြန်လာနိုင်ရေး အခြားကိစ္စရပ်တွေကို စီစဉ်ဖို့အတွက် နှစ်နိုင်ငံစလုံးက သဘောတူခဲ့ကြပါတယ်” လို့ ဘင်္ဂလားဒေ့ရှ် ပြည်ထဲရေးဝန်ကြီးဌာနရဲ့ အတွင်းဝန် မိုစတာဖာ ကမာလ် အူဒင်က ဆိုပါတယ်။

ဒါပေမယ့် ရိုဟင်ဂျာဒုက္ခသည်တွေကို နေရပ်ပြန်လည်ပို့ဆောင်ရေး အသေးစိတ်အချက်အလက်တွေကိုတော့ တာဝန်ရှိသူတွေက မပြောခဲ့ပါဘူး။

အစည်းအဝေးမှာ နယ်စပ်ဒေသလုံခြုံရေးအတွက် ရေရှည်ပူးပေါင်းဆောင်ရွက်ရေး သဘောတူညီချက်တွေအကြောင်းလည်း ဆွေးနွေးခဲ့ကြပါတယ်။

ဦးတင်မြင့်က ‘ဘင်္ဂလားဒေ့ရ်ှဖက်ကို ထွက်ပြေးသွားရတဲ့ မြန်မာနိုင်ငံမှာနေထိုင်သူတွေ အမြန်ဆုံး ပြန်လာနိုင်ရေးအတွက် ရခိုင်ပြည်နယ်မှာ အခြေအနေတွေ ပုံမှန်ပြန်ဖြစ်အောင် လုပ်ဆောင်ရေး’ နှစ်နိုင်ငံစလုံးက သဘောတူခဲ့ကြကြောင်း၊ ဘင်္ဂလားဒေ့ရ်ှဖက်ကို ထွက်ပြေးသွားတဲ့ သံသယရှိသူတွေစာရင်းကို မြန်မာဖက်က ပေးခဲ့ပြီး စုံစမ်းစစ်ဆေးကာ မြန်မာနိုင်ငံဖက်ကို ပြန်လည်လွှဲပြောင်းပေးဖို့ ဘင်္ဂလားဒေ့ရ်ှအာဏာပိုင်တွေကို တောင်းဆိုခဲ့ကြောင်း ပြောကြားခဲ့ပါတယ်။

သြဂုတ်လနှောင်းပိုင်း ရခိုင်ပြည်နယ်မှာ ဖြစ်ပွားခဲ့တဲ့ မတည်ငြိမ်မှုတွေကြောင့် ဘင်္ဂလားဒေ့ရ်ှဖက်ကို ထွက်ပြေးခဲ့ရတဲ့ ရိုဟင်ဂျာအရေအတွက်ဟာ ၆ သိန်းလောက်ရှိတယ်လို့ ကုလက ထုတ်ပြန်ထားပါတယ်။

Ref: Reuters

အောက်တိုဘာ ၂၅၊ ၂၀၁၇
M-Media

– ရခိုင်ပြည်နယ်အလယ်ပိုင်းက မွတ်စလင်ဒုက္ခသည်စခန်းကို အစားအသောက်တွေ သွားပေးမယ့် အကူအညီပေးရေးအဖွဲ့ကို ဒီကနေ့မှာ ရခိုင်ဗုဒ္ဓဘာသာလူအုပ်က တားဆီးဟန့်တားခဲ့တယ်လို့ သိရပါတယ်။

မြေပုံမြို့မှာ ဖြစ်ပွားခဲ့တာဖြစ်ပြီး အမေရိကန်နဲ့ ဗြိတိန်အခြေစိုက် Relief International (R.I.) အကူအညီပေးရေးအဖွဲ့က မြန်မာနိုင်ငံသား ၀န်ထမ်း ၁၀ ဦးကို ဒေသခံ ရခိုင်တွေက ဆန္ဒပြခဲ့တာကြောင့် ပြန်လှည့်သွားခဲ့ရတယ်လို့ မြို့နယ်အုပ်ချုပ်ရေးမှူးနဲ့ တက်ကြွလှုပ်ရှားသူတစ်ဦးက Reuters သတင်းဌာနကို ပြောကြားခဲ့ပါတယ်။

အဲဒီမြို့က လူတစ်ချို့ဟာ ဗုဒ္ဓဘာသာဝင်တွေနဲ့ မွတ်စလင်တွေအကြား ခွဲခြားဖို့အတွက် တိုးမြှင်လုပ်ဆာင်လာကြပြီး စစ်သွေးကြွမှာကို စိုးရိမ်တဲ့အတွက် မွတ်စလင်တွေနဲ့ ကုန်သွယ်မှုမလုပ်ဖို့လည်း ရခိုင်တွေကို ညွှန်ကြားထားတယ်လို့ Reuters သတင်းဌာနက အခုလအတွင်းမှာ ဖော်ပြခဲ့ပါတယ်။

ဒီလို ဆန္ဒပြမှုကြောင့် မြေပုံက မွတ်စလင်ဒုက္ခသည်တွေအတွက် အစားအသောက်တွေ ပေးပို့ရေး နှောင့်နှေးခဲ့ရပြီး ရခိုင်လူ့အဖွဲ့အစည်းက စစ်ဆေးပြီးမှ ပို့ခွင့်ပေးမယ်လို့ ဆိုပါတယ်။

“R.I အဖွဲ့ဟာ ဒုက္ခသည်စခန်းကိုသွားဖို့ ကြိုးစားခဲ့ပြီး ဒေသခံတွေက ပိတ်ဆို့ခဲ့ပါတယ်” လို့ မြို့နယ်အုပ်ချုပ်ရေးမှူး ဦးတင့်ဆွေက ဆိုပြီး အကူအညီပေးရေးအဖွဲ့တွေဟာ သူတို့ရဲ့ ရုံးခန်းကို ပြန်သွားကြတယ်လို့ ပြောကြားခဲ့ပါတယ်။

ဒီကိစ္စနဲ့ပတ်သက်ပြီး မြန်မာနိုင်ငံ Relief International က ဒါရိုက်တာ ဆာမီရ် မာလေဟ်က မှတ်ချက်ပးဖို့ ငြင်းဆိုပါတယ်။

ရခိုင်ဗုဒ္ဓဘာသာလူ့အဖွဲ့အစည်းက ခေါင်းဆောင်တွေဟာ နိုင်ငံတကာ အကူအညီပေးရေးအဖွဲ့တွေ၊ NGO တွေကို အမြင်ကြည်တာ ကြာမြင့်နေပြီဖြစ်ပြီး မွတ်စလင်တွေကိုသာ အသားပေးကူညီနေတယ်လို့ စွပ်စွဲပြောဆိုထားပါတယ်။

အကူအညီပေးရေးလုပ်သားတွေနဲ့ ကုလက ဒီလို ခွဲခြားဖယ်ကျဉ်မှုမျိုးဟာ ရခိုင်ပြည်နယ်အတွင်းမှာ အိုးအိမ်စွန့်ခွာ ထွက်ပြေးရမှုတွေ နောက်ထပ် ဖြစ်လာနိုင်တယ်လို့ သတိပေးထားပါတယ်။

အကြိမ်ကြိမ်ဖြစ်နေ

ကုလ လူသားချင်းစာနာထောက်ထားမှုရေးရာ ညှိနှိုင်းဆောင်ရွက်ရေးအဖွဲ့ OCHA က ပြောရေးဆိုခွင့်ရှိသူ ပီယာရီ ပီရွန်က ရခိုင်ပြည်နယ်အတွင်း အကူအညီပေးရေးအဖွဲ့တွေဟာ အရင်လည်း အကြိမ်များစွာ နှောက်ယှက်ခံရတယ်လို့ ပြောပါတယ်။

“ဘယ်လိုအဖွဲ့မျိုးမဆို သူတို့ရဲ့ လွတ်လပ်စွာပြောဆိုပိုင်ခွင့်နဲ့ ငြိမ်းချမ်းစွာ စုဝေးခွင့်ကို ကျွန်တော်တို့ လေးစားပါတယ်။ ဒါပေမယ့် ဒီမှာဖြစ်နေတဲ့ကိစ္စက ကလေးတွေနဲ့ သက်ကြီးရွယ်အိုတွေ အပါအ၀င် အကူအညီတွေ အလွန်အမင်းလိုအပ်နေတဲ့ အားအင်ချိနဲ့သူတွေ အသက်ဆက်နိုင်ဖို့ ပေးပို့မယ့် အကူအညီတွေကို တားဆီးဟန်
့တားခံနေရတာပါ”

၂၀၁၂ ခုနှစ် အကြမ်းဖက်တိုက်ခိုက်မှုကြောင့် မြေပုံမြို့မှာ ရိုဟင်ဂျာတွေနဲ့ နိုင်ငံသားဖြစ်ပြီးသူတွေအပါအ၀င် မွတ်စလင်ပေါင်း ၃၀၀၀ လောက်ဟာ ဒုက္ခသည်စခန်းမှာ ပိတ်မိနေပါတယ်။

မွတ်စလင်တွေကို လိင်အခြေပြုအကြမ်းဖက်မှု၊ တစ်ကိုယ်ရည်သန့်ရှင်းမှုနဲ့ ပတ်ဝန်းကျင်သန့်ရှင်းရေးအကြောင်း NGO တစ်ခုက အသိပညာပေးမှု ပြုလုပ်မယ်လို့ အာဏာပိုင်တွေက ရခိုင်လူ့အဖွဲ့အစည်းကို အသိပေးခဲ့ပြီးတဲ့နောက် ဒီ ဆန့်ကျင်ဆန္ဒပြမှုမှာ ပါဝင်ခဲ့တယ်လို့ ရခိုင်အမျိုးသမီးကွန်ယက်ခေါင်းဆောင် ဒေါ်ခင်သိန်းက ပြောကြားခဲ့ပါတယ်။

“သူတို့မှာ စားစရာလည်းရှိတယ်။ နေစရာလည်းရှိတယ်။ သူတို့အတွက် ဒီလို အပိုလုပ်ပေးတာမျိုး ကျွန်မတို့ လက်မခံနိုင်ပါဘူး။ သူတို့ကို ကျွန်မတို့ မြို့ထဲကို ဖြတ်သွားခွင့်မပြုနိုင်ဘူး။ အရင်ကလည်း အကြိမ်များစွာ ဆန္ဒပြခဲ့တယ်။ သူတို့ကို ကျွန်မတို့ သံသယရှိပါတယ်။ နိုင်ငံခြားသားတွေ၊ နိုင်ငံတကာကလူတွေကို ကျွန်မတို့ မယုံပါဘူး” လို့ Reuters သတင်းဌာနကို ပြောကြားခဲ့ပါတယ်။

Ref : Reuters