Tag: Rohingya

ဇူလိုင် ၄၊ ၂၀၁၇
M-Media

– ဘင်္ဂလားဒေ့ရ်ှမှာရောက်နေတဲ့ မြန်မာနိုင်ငံသားတွေ အိမ်ပြန်နိုင်ရေး နှစ်နိုင်ငံ ဆွေးနွေးမှုတွေ စတင်ဖို့ အရေးကြီးတယ်ဆိုတာကို မြန်မာနိုင်ငံရဲ့ အမျိုးသားလုံခြုံရေးအကြံပေးက ဘင်္ဂလားဒေ့ရ်ှနိုင်ငံခြားရေးဝန်ကြီး မိုဟာမက် အလီနဲ့ တွေ့ဆုံစဉ်မှာ သဘောတူခဲ့တယ်လို့ ဘင်္ဂလားဒေ့ရ်ှသတင်းဌာနတစ်ခုဖြစ်တဲ့ bdnews24 က မနေ့မှာ ဖော်ပြခဲ့ပါတယ်။

လက်ရှိ ဦးသောင်းထွန်းဟာ ရိုဟင်ဂျာပြဿနာအပါအ၀င် နှစ်နိုင်ငံကိစ္စတွေကို ဆွေးနွေးဖို့ ဒါကာမြို့ကို ရောက်ရှိနေတာပါ။

မနေ့က တွေ့ဆုံမှုမှာ အလီက မြန်မာဒုက္ခသည်တွေ ရခိုင်ကို ပြန်ပို့ရေး အရင်ကလည်း နှစ်နိုင်ငံ ဆောင်ရွက်မှုတွေရှိခဲ့ကြောင်း ပြောကြားခဲ့တယ်လို့ ဆိုပါတယ်။

အကြမ်းဖက်မှုတွေကြောင့် ထွက်ပြေးလာရပြီး ဆယ်စုနှစ်များစွာ ဘင်္ဂလားဒေ့ရ်ှမှာ ခိုလှုံနေရတဲ့ ရိုဟင်ဂျာတွေကိစ္စဟာ နှစ်နိုင်ငံ ဆက်ဆံရေးမှာ လိပ်ခဲတည်းလည်းဖြစ်နေတဲ့ ပြဿနာ ဖြစ်ပါတယ်။

ဝန်ကြီးအလီ နိုင်ငံခြားရေးဌာနမှာ အရာရှိအဖြစ် တာဝန်ထမ်းဆောင်နေတဲ့အချိန် ၁၉၉၀ ပြည့်နှစ်တွေမှာ ဘင်္ဂလာဒေ့ရ်ှဟာ ထောင်နှင့်ချီတဲ့ ရိုဟင်ဂျာတွေကို ပြန်ပို့ခဲ့တယ်လို့ bdnews24 မှာ ထည့်သွင်းဖော်ပြထားပါတယ်။

နှစ်နိုင်ငံခေါင်းဆောင်တွေ တွေဆုံဆွေးနွေးမှုအတွင်း အမျိုးသားလုံခြုံရေးအကြံပေး ဦးသောင်းထွန်းက ဘင်္ဂလားဒေ့ရ်ှနဲ့ နှစ်နိုင်ငံဆက်ဆံရေး ပိုမိုတိုးတက်အောင် မြန်မာအစိုးရမှာ ဆန္ဒရှိကြောင်း ပြောကြားခဲ့တယ်လို့ ဆိုပါတယ်။

နောက်ပြီး နှစ်နိုင်ငံအကြား ရှိနေတဲ့ ခြားနားချက်တွေကို နွေးနွေးညှိနှိုင်းမှုကနေ ဖြေရှင်းဖို့အတွက် မြန်မာနိုင်ငံကစိတ်ဝင်စားကြောင်း၊ လုံခြုံရေးဆိုင်ရာမှာ နှစ်နိုင်ငံ ပူးပေါင်းဆောင်ရွက်မှု တိုးမြှင့်ဖို့အတွက် လိုအပ်ချက်ကို အဓိကထားပြောသွားကြောင်း၊ ကာကွယ်ရေးနဲ့ နယ်စပ်လုံခြုံရေးဆိုင်ရာအဖွဲ့တွေနဲ့ လတ်တလောပြုလုပ်ခဲ့တဲ့ ဆွေးနွေးမှုတွေအတွက် အားရကြောင်း ဦးသောင်းထွန်းက ပြောကြားခဲ့တယ်လို့ ဘင်္ဂလားဒေ့ရ်ှနိုင်ငံခြားရေးဝန်ကြီးဌာနက ထုတ်ပြန်ပါတယ်။

စီးပွားရေး ဖွံ့ဖြိုးတိုးတက်မှုဟာ ရခိုင်ပြည်နယ်က လူ့အဖွဲ့အစည်းတွေအကြား တင်းမာမှုတွေ လျော့ကျရေး အထောက်အကူဖြစ်စေမှာဖြစ်ပြီး၊ ပြဿနာဖြေရှင်းရေး အကူအညီဖြစ်စေမယ်လို့လည်း မြန်မာအမျိုးသားလုံခြုံရေးအကြံပေးက ပြောကြားခဲ့ပါတယ်။

ဘင်္ဂလားဒေ့ရ်ှနိုင်ငံခြားရေးဝန်ကြီးက ယုံကြည်မှု၊ အပြန်အလှန်အကျိုးစီးပွားကို အခြေခံတဲ့ ဆက်ဆံမှုတိုးမြှင့်ရေး မိမိတို့နိုင်ငံက ဆန္ဒရှိကြောင်း၊ ဆွေးနွေးမှုတွေ မြန်မြန်ဆောင်ရွက်ဖို့ လိုအပ်ကြောင်း၊ မိမိတို့ရဲ့ အိမ်နီးချင်းတိုင်းပြည်အပေါ် ဘယ်လိုအဖွဲ့က ပစ်မှတ်ထားတာမျိုးကိုမဆို သည်းခံသွားမှာမဟုတ်ကြောင်း၊ မြန်မာနိုင်ငံရဲ့ အကျိုးစီးပွားကို ရန်ပြုဖို့အတွက် မိမိတို့ရဲ့ ပိုင်နက် အသုံးပြုတာမျိုးကို ဘယ်တော့မှ ခွင့်ပြုမှာ မဟုတ်ကြောင်း ပြောကြားခဲ့တယ်လို့ bdnews24 က ဖော်ပြထားပါတယ်။

ဦးသောင်းထွန်းနဲ့ မိုဟာမက်အလီတို့ဟာ နှစ်နိုင်ငံ စွမ်းအင်နဲ့ ပို့ဆောင်ရေးကဏ္ဍတွေမှာ ပူးပေါင်းဆောင်ရွက်ဖို့လည်း ဆွေးနွေးခဲ့ကြပါတယ်။

ဘင်္ဂလားဒေ့ရ်ှဝန်ကြီးချုပ်က အကူအညီပေးမယ်လို့ ကတိပြုထားသလို ရခိုင်ပြည်နယ်က ပြည်သူတွေအတွက် ဘင်္ဂလားဒေ့ရ်ှက ဆိုက်ကလုံးဒဏ်ခံ ယာယီတဲတွေ၊ လူနာတင်ယာဉ်တွေ ထောက်ပံ့ပေးအပ်မှုအတွက်လည်း နှစ်ဦးစလုံးက ၀မ်းသာကြောင်း ပြောကြားခဲ့ပါတယ်။

မြန်မာ အမျိုးသားလုံခြုံရေးအကြံပေးဟာ ဘင်္ဂလားဒေ့ရှ် ပြည်ထဲရေးဝန်ကြီး မိုဟာမက် အဆာဒူဇာမန်၊ ဘင်္ဂလာဒေ့ရ်ှဝန်ကြီးချုပ် ရှိခ် ဟာဆီနာတို့နဲ့လည်း တွေ့ဆုံဖို့ရှိနေပြီး ဇူလိုင်လ ၄ ရက်နေ့မှာ ဘင်္ဂလားဒေ့ရ်ှကနေ ပြန်လည်ထွက်ခွာမှာဖြစ်ပါတယ်။

Ref: bdnews24

ဇွန် ၃၀၊ ၂၀၁၇
M-Media

– ရခိုင်ပြည်နယ်ရှိ ရိုဟင်ဂျာများအပေါ် လုံခြုံရေးတပ်ဖွဲ့များက သတ်ဖြတ်သည်၊ အဓမ္မပြုကျင့်သည်၊ ညှင်းပမ်းနှိပ်စက်မှုများ ပြုလုပ်သည်ဆိုသော စွပ်စွဲချက်များနှင့် နိုင်ငံတစ်ဝှမ်း လူ့အခွင့်အရေးချိုးဖောက်မှုများအတွက် အချက်အလက်ကောက်ယူရန် လာရောက်မည့် ကုလအဖွဲ့ဝင်များကို ပြည်ဝင်ခွင့် ပေးမည်မဟုတ်ဟု မြန်မာအစိုးရ တာဝန်ရှိသူတစ်ဦးက ပြောကြားလိုက်သည်။

ကုလ လူ့အခွင့်အရေးကောင်စီက မတ်လအတွင်း ဆုံးဖြတ်ချက် ချမှတ်ခဲ့ပြီးနောက်ပိုင်း ဖွဲ့စည်းခဲ့သည့် အဆိုပါ အချက်အလက်ရှာဖွေရေးအဖွဲ့နှင့် ပူးပေါင်းဆောင်ရွက်မည်ဟုတ်ဟု နိုဘယ်ဆုရှင် ဒေါ်အောင်ဆန်းစုကြည်ဦးဆောင်သည့် မြန်မာအစိုးရက ပြောကြားထားပြီးဖြစ်သည်။

“အချက်အလက်ရှာဖွေရေးကိစ္စနဲ့ပတ်သက်ပြီး တစ်ယောက်ယောက်ကို လွှတ်မယ်ဆိုရင် သူတို့ကို ပြည်ဝင်ခွင့်ပြုစရာ အကြောင်းမရှိပါဘူး။ ကမ္ဘာတစ်ဝှမ်းက ကျွန်တော်တို့သံရုံးတွေကိုလည်း ဒါနဲ့ပတ်သက်ပြီး မှာကြားထားပြီးပါပြီ” ဟု နိုင်ငံခြားရေးဝန်ကြီးဌာနမှ အမြဲတမ်းအတွင်းဝင် ကျော်ဇေယျက ယနေ့တွင် ပြောကြားခဲ့ပြီး အချက်အလက်ရှာဖွေရေးအတွက် ခန့်အပ်ခံရသူများ သို့မဟုတ် ၀န်ထမ်းများကို မြန်မာနိုင်ငံသို့ ၀င်ရောက်ခွင့်ဗီဇာ ထုတ်ပေးမည်မဟုတ်ဟု ဆိုသည်။

နိုင်ငံတော်၏ အတိုင်ပင်ခံပုဂ္ဂိုလ်ဖြစ်ပြီး နိုင်ငံခြားရေးဝန်ကြီးလည်းဖြစ်သူ ဒေါ်အောင်ဆန်းစုကြည်က ကုလ၏ အချက်အလက်ရှာဖွေရေးအဖွဲ့မှာ ‘မတူညီသော လူ့အဖွဲ့အစည်းများအကြား ပိုမို ရန်လိုမှုကို ဖြစ်စေမည်’ ဟု ယခုလ ဆွီဒင်သို့ ရောက်ရှိချိန်၌ ပြောကြားခဲ့သည်။

အောက်တိုဘာလက နယ်ခြားစောင့်စခန်းများ တိုက်ခိုက်ခံရပြီးနောက်ပိုင်း ရခိုင်ပြည်နယ်မြောက်ပိုင်းတွင် ပြုလုပ်သည့် အစိုးရစစ်တပ်၏ စစ်ဆင်ရေးများကြောင့် ရိုဟင်ဂျာ ၇၅၀၀၀ ခန့်မှာ ဘင်္ဂလားဒေ့ရ်ှသို့ ထွက်ပြေးခဲ့ရသည်။

ရိုဟင်ဂျာ ဒုက္ခသည်များကို မေးမြန်းထားသည့် အချက်အလက်အလက်များအား အခြေခံ၍ ဖေဖော်ဝါရီလက ကုလမှ ထုတ်ပြန်သော အစီရင်ခံစာတွင် လုံခြုံရေးတပ်ဖွဲ့ဝင်များမှာ အစုလိုက်အပြုံလိုက် သတ်ဖြတ်ခြင်း၊ အုပ်စုဖွဲ့ အဓမ္မပြုကျင့်ခြင်းတို့ ရှိနေပြီး ထိုလုပ်ရပ်များမှာ လူသားထုအပေါ် ကျူးလွန်သည့် ရာဇ၀တ်မှု၊ လူမျိုးစုလိုက် သုတ်သင်မှု မြောက်နေပြီဟု ဖော်ပြခဲ့သည်။

မြန်မာအစိုးရနှင့် စစ်တပ်တို့က ထိုစွပ်စွဲချက်များကို ငြင်းဆိုခဲ့သည်။

နိုင်ငံခြားရေးဝန်ကြီးဌာန၏ ရပ်တည်ချက်ကို လွှတ်တော်အမြတ်များကလည်း ထောက်ခံခဲ့သည်။

“ဒီကိစ္စက ကျွန်တော်တို့တိုင်းပြည်ရဲ့ အချုပ်အခြာအာဏကို ထိခိုက်နိုင်တယ်။ အစိုးရအနေနဲ့ ဒါကိုကာကွယ်ဖို့ ထိရောက်တဲ့ဆောင်ရွက်မှုမျိုး လုပ်ရမယ်လို့ ကျွန်တော်ထင်ပါတယ်” ဟု လွှတ်တော်အမတ် ဦးလှဌေးဝင်းက ပြောကြားခဲ့သည်။

အခြား လွှတ်တော်အမတ်ဖြစ်သူ ဦးလှဆွေကလည်း အချက်အလက်ရှာဖွေရေးအဖွဲ့ကို စေလွှတ်ခြင်းမှာ မိမိတို့တိုင်းပြည်ကို ပမာမခန့်ပြုခြင်းဖြစ်ကြောင်း၊ ဒေါ်အောင်ဆန်းစုကြည်အနေနှင့် ထိုကိစ္စအတွက် မိမိတို့၏ သဘောထားကို ကြေငြာရမည်ဖြစ်ကြောင်း မှတ်ချက်ပြုခဲ့သည်။

Ref: RFA, The Guardian