News @ M-Media

Tag: Rohingya

  • ရိုဟင်ဂျာများ ညှင်းပမ်းခံရမှုကို ပုပ်ရဟန်းမင်းကြီး ပြင်းပြင်းထန်ထန်ဝေဖန်

    ရိုဟင်ဂျာများ ညှင်းပမ်းခံရမှုကို ပုပ်ရဟန်းမင်းကြီး ပြင်းပြင်းထန်ထန်ဝေဖန်

    ဖေဖော်ဝါရီ ၈၊ ၂၀၁၇
    M-Media

    – ရခိုင်ပြည်နယ်ရှိ ရိုဟင်ဂျာမွတ်စလင်များအပေါ် ဖိနှိပ်ချုပ်ချယ်မှုများ ရှိသည်ဆိုသည့် သတင်းများအတွက် ပုပ်ရဟန်းမင်းကြီး ဖရန်စစ်က ပြင်းပြင်းထန်ထန် ဝေဖန်လိုက်ပြီး၊ ရိုဟင်ဂျာများ ၎င်းတို့၏ ယုံကြည်မှု၊ ယဉ်ကျေးမှုဖြင့် အသက်ရှင်နေထိုင်လိုခြင်းကြောင့် ညှင်းပမ်း၊ နှိပ်စက် သတ်ဖြတ်ခံနေရသည်ဟုလည်း ထည့်သွင်း ပြောဆိုခဲ့သည်။

    မြန်မာစစ်တပ်လက်အောက်တွင် ရိုဟင်ဂျာများမှာ ညှင်းပမ်းနှိပ်စက်ခံရခြင်း၊ အဓမ္မပြုကျင့်ခံရခြင်းနှင့် သတ်ဖြတ်ခံရခြင်းတို့ ရှိနေသည်ဆိုသည့် အသေးစိတ်အချက်အလက်များကို ကုလသမဂ္ဂက လူ့အခွင့်အရေးဆိုင်ရာ မဟာမင်းကြီးရုံး (OHCHR) က ပြီးခဲ့သည့်တစ်ပတ်တွင် အစီရင်ခံစာတစ်စောင် ထုတ်ပြန်ခဲ့ပြီး ပုပ်ရဟန်းမင်းကြီးမှာ အဆိုပါ အစီရင်ခံစာမှ အဖြစ်အပျက်များကို ရည်ညွှန်းဖွယ် ရှိနေသည်။

    “သူတို့တွေဟာ နှစ်ပေါင်းများစွာ ထိခိုက်ခံစားခဲ့ရတယ်။ သူတို့ရဲ့ ယဉ်ကျေးမှုအတိုင်း၊ ဘာသာရေးအတိုင်း အသက်ရှင်သန်လိုမှုကြောင့် ညှင်းပမ်းနှိပ်စက်ခံရတယ်၊ သတ်ဖြတ်ခံရပါတယ်။ မြန်မာနိုင်ငံကနေ နှင်ထုတ်ခံရပြီး၊ ဘယ်သူမှ သူတို့ကို မလိုချင်တာကြောင့် တစ်နေရာကနေ တစ်နေရာကို သွားနေရပါတယ်။ ဒါပေမယ့် သူတို့က လူကောင်းတွေပါ၊ ငြိမ်းချမ်းသူတွေပါ။ သူတို့ဟာ ခရစ်ယာန်တွေမဟုတ်ပါဘူး။ သူတို့ဟာ လူကောင်းတွေပါ။ ကျွန်တော်တို့ရဲ့ ညီအစ်ကို မောင်နှမတွေပါ” ဟု ပုပ်ရဟန်းမင်းကြီးက ယနေ့တွင်ပြုလုပ်သည့် ၀တ်ပြုဆုတောင်းမှု အခမ်းအနားတွင် ထည့်သွင်း မိန့်ကြားခဲ့သည်။

    ရိုဟင်ဂျာများမှာ ကမ္ဘာပေါ်တွင် ညှမ်းပတ်နှိပ်စက်မှု အခံရဆုံး လူမျိုးများဟု ကုလသမဂ္ဂက သတ်မှတ်ထားသည်။

    OHCHR ကမူ ၎င်းတို့၏ အစီရင်ခံစာမှာ အောက်တိုဘာလမှစ၍ ရခိုင်ပြည်နယ်မြောက်ပိုင်းတွင် စစ်တပ်ကပြုလုပ်ခဲ့သည့် စစ်ဆင်ရေးကြောင့် ဘင်္ဂလားဒေ့ရ်ှသို့ ထွက်ပြေးရသော ရိုဟင်ဂျာများကို မေးမြန်းကာ ရေးသားထားခြင်းဖြစ်သည်ဟုဆိုသည်။

    ပုပ်ရဟန်းမင်းကြီးကမူ လူ့အဖွဲ့အစည်းအကြား တံတိုင်းများ ခြားခြင်းထက် နားလည်မှုတံတားထိုးရန်လည်း ထပ်မံတိုက်တွန်းခဲ့သည်။

    OHCHR ၏ အစီရင်ခံစာအတွက် ရိုဟင်ဂျာများကို သွားရောက်တွေ့ဆုံခဲ့သည့် ကုလ၀န်ထမ်း ၄ ဦးအနက်မှ တစ်ဦးဖြစ်သော လင်နီယာ အာဗစ်ဆန်က မိမိအနေဖြင့် ရိုဟင်ဂျာများ၏ တုန်လှုပ်ဖွယ်အခြေအနေမျိုးကို ယခင်က မမြင်ဘူးခဲ့ဟု ပြောကြားခဲ့သည်။

    “ဒီလိုအခြေအနေမျိုး ကျွန်မ တစ်ခါမှ မမြင်ဘူးပါဘူး။ ၂၀၄ ယောက်ကို အင်တာဗျူးလုပ်ခဲ့ပြီး တစ်ယောက်ချင်းဆီတိုင်းမှာ စိတ်ထိခိုက်ဖွယ် ဇာတ်လမ်းတွေ ရှိကြပါတယ်။ အိမ်တွေမီးရှို့ခံရတာမျိုး၊ အဓမ္မကျင့်ခံရတာမျိုး၊ ဆွေးမျို တစ်ယောက်ယောက် အသတ်ခံရတာ၊ ဒါမှမဟုတ် အဖမ်းခံရတာမျိုးတွေပါ။ တော်တော်များများအခြေအနေတွေမှာ နီးစပ်တဲ့ မိသားစုတွေပြီးရင် ဒီအကြောင်းတွေကို သူတို့ ပြောပြဖြစ်တာ ကျွန်မတို့က ပထမဆုံးလူတွေပါ။ ပြောရင်းနဲ့ မခံစားနိုင်ကြတော့ဘူး။ အမျိုးသမီးတွေ၊ ယောက်ျားအရင့်မာကြီးတွေတောင်မှ ငိုချလိုက်ကြတယ်” ဟု အာဗစ်ဆန်က ပြောကြားခဲ့သည်။

    ထို့ပြင် အဓမ္မပြုကျင့်ခံရသည့် အမျိုးသမီးများ၊ မိမိ၏ရင်သွေးကို ရှေ့မှောက်တွင်ပင် သတ်ဖြတ်မှုကို မြင်ရသူများလည်း ရှိကြောင်း ၎င်းက ထည့်သွင်းပြောဆိုခဲ့သည်။

    “အကြမ်းဖက်မှု ဒီလောက် ကြီးကြီးမားမား ပြန့်နှံ့နေတာ တော်တော်လေး ဖြစ်ခဲပါတယ်။ အဲဒီဒေသကနေ ထွက်ပြေးလာရတဲ့ လူပေါင်း ၈၈၀၀၀ လောက်မှာ ၂၀၄ ယောက်လောက်ကို ကျွန်မတို့ အင်တာဗျူးတာဆိုတော့၊ စုစုပေါင်းဆို (ဒီလိုအကြမ်းဖက်ခံရသူတွေ) ဘယ်လောက်များမလဲဆိုတာ မတွေးရဲလောက်အောင်ပါပဲ”

    Ref: Independent, Reuters

  • ရိုဟင်ဂျာများအပေါ် ကျူးလွန်မှုအတွက် လုံခြုံရေးတပ်ဖွဲ့ အကြီးအကဲများကို အပြစ်ပေးသင့်ဟု HRW ပြော

    ရိုဟင်ဂျာများအပေါ် ကျူးလွန်မှုအတွက် လုံခြုံရေးတပ်ဖွဲ့ အကြီးအကဲများကို အပြစ်ပေးသင့်ဟု HRW ပြော

    ဖေဖော်ဝါရီ ၆၊ ၂၀၁၇
    M-Media

    – ရခိုင်ပြည်နယ်မှာရှိတဲ့ ရိုဟင်ဂျာမွတ်စလင်လူ့အဖွဲ့အစည်းက အမျိုးသမီးနဲ့ မိန်းကလေးငယ်တွေအပေါ် စစ်တပ်က အဓမ္မပြုကျင့်တာ၊ လိင်ပိုင်းဆိုင်ရာ စော်ကားတာတွေလုပ်ဖို့ အထက်လူကြီးတွေက ခွင့်ပြုထားတယ်ဆိုရင် စစ်တပ်နဲ့ ရဲတပ်ဖွဲ့ တပ်မှူးတွေကို အပြစ်ပေးဖို့ လူ့အခွင့်အရေးစောင့်ကြည်အဖွဲ့ Human Rights Watch က မြန်မာအစိုးရကို ဒီကနေ့မှာ တိုက်တွန်းလိုက်ပါတယ်။

    လွန်ခဲ့တဲ့ ၄ လ ရခိုင်မြောက်ပိုင်းက နယ်ခြားစောင့်စခန်းတွေ တိုက်ခိုက်ခံရပြီးနောက်ပိုင်း အစိုးရစစ်တပ်က ပြုလုပ်တဲ့ စစ်ဆင်ရေးကြောင့် ဘင်္ဂလားဒေ့ရ်ှကို ထွက်ပြေးလာရတဲ့ ရိုဟင်ဂျာ ၆၉၀၀၀ ထဲက အချို့ကို တွေ့ဆုံမေးမြန်းရာမှာ အသက် ၁၃ နှစ်အရွယ် အမျိုးသမီးငယ်တွေအပေါ်မှာတောင် အုပ်စုဖွဲ့ အဓမ္မပြုကျင့်တာ၊ အကြမ်းဖက်မှုတွေလုပ်တာမျိုး ရှိနေတယ်လို့ မှတ်တမ်းရထားကြောင်း Human Rights Watch (HRW) က ဆိုပါတယ်။

    “လိင်ပိုင်းဆိုင်ရာအကြမ်းဖက်မှုဟာ ဗြောက်သောက်လုပ်တာမျိုး၊ အခွင့်အရေးရတုန်း လုပ်တာမျိုးမဟုတ်ဘဲ၊ ရိုဟင်ဂျာတွေရဲ့ လူမျိုးဖြစ်တည်မှု၊ ဘာသာတရားကိုးကွယ်မှုတွေကြောင့် သေသေချာချာနဲ့ စနစ်တကျ တိုက်ခိုက်မှုရဲ့ အစိတ်အပိုင်း တစ်ခုပါပဲ” လို့ HRW ရဲ့ အစီရင်ခံစာမှာ ဖော်ပြထားပါတယ်။

    ဒီသတင်းနဲ့ပတ်သက်လို့ Reuter သတင်းဌာနက မြန်မာအစိုးရ တာဝန်ရှိသူတွေကို ဆက်သွယ်မေးမြန်းလို့ မရခဲ့ပါဘူး။

    အောက်တိုဘာ ၉ ရက်နေ့ နယ်ခြားစောင့်စခန်းတွေ တိုက်ခိုက်ခံရပြီးတဲ့နောက်ပိုင်းမှာ အစိုးရတပ်က စစ်ဆင်ရေးလုပ်နေတဲ့ ရခိုင်ပြည်နယ်မြောက်ပိုင်းကို လွတ်လပ်တဲ့ ဂျာနယ်လစ်တွေ၊ လေ့လာစောင့်ကြည့်သူတွေ ၀င်လို့ မရသေးပါဘူး။

    အစိုးရစစ်တပ်ဟာ တရားလက်လွတ်သတ်ဖြတ်မှု၊ ဖမ်းဆီးမှု၊ နေအိမ်တွေမီးရှို့မှု၊ အဓ္ဓမပြုကျင့်မှုတွေ ရှိနေတယ်လို့ သတင်းတွေ ထွက်ခဲ့ပြီး မြန်မာအစိုးရက ဒီသတင်းတွေကို ငြင်းဆိုထားပါတယ်။

    ကုလသမဂ္ဂ စုံစမ်းစစ်ဆေးသူတွေဟာ စစ်တပ်ဟာ လူသားထုအပေါ် ကျူးလွန်တဲ့ ရာဇ၀တ်မှုတွေ ဆောင်ရွက်နေတဲ့ပုံရှိတယ်လို့ ပြီးခဲ့တဲ့ရက်ပိုင်းက ပြောကြားခဲ့ပြီးနောက် HRW ရဲ့ ဒီထုတ်ပြန်ချက် ထွက်ပေါ်လာတာပါ။

    ကုလရဲ့ ဒုက္ခသည်များဆိုင်ရာ မဟာမင်းကြီး ဇိုက် ရာအဒ် အလ်-ဟူစိန်က သောကြာနေ့မှာ ဒေါ်အောင်ဆန်းစုကြည်နဲ့ ဖုန်းပြောခဲ့ပြီး ရခိုင်ကိစ္စအတွက် နိုင်ငံတကာ ရာဇ၀တ်ခုံရုံးကို တင်ဖို့ရှိကြောင်း ပြောကြားခဲ့ကာ၊ ဒေါ်အောင်ဆန်းစုကြည်ကတော့ သူ့အနေနဲ့ စွပ်စွဲမှုတွေအတွက် စုံစမ်းပေးမယ်လို့ ပြောကြားခဲ့ပါတယ်။

    HRW က သူတို့အနေနဲ့ ရခိုင်ပြည်နယ်မြောက်ပိုင်း နယ်မြေရှင်းလင်းရေးမှာ အစိုးရစစ်တပ်က သေနတ်နဲ့ချိန်ပြီး အုပ်စုဖွဲ့အဓမ္မပြုကျင့်ခံခဲ့ရတယ်ဆိုတဲ့ အမျိုးသမီး ၉ ဦးနဲ့ အင်တာဗျူးအပါအ၀င် လိင်ပိုင်းဆိုင်ရာစော်ကားမှု ၂၈ မှုအတွက် သီးခြားအထောက်အထားတွေ ရရှိထားကြောင်း ပြောကြားခဲ့ပါတယ်။

    အဲဒီအမျိုးသမီးတွေနဲ့ အခြား မျက်မြင်သက်သေတွေက ကျူးလွန်သူတွေဟာ စစ်သား၊ နယ်ခြားစောင့် ရဲတပ်ဖွဲ့တွေဖြစ်ပြီး သူတိုရဲ့ ယူနီဖောင်း၊ တံဆိပ်တွေကြောင့် ဒီလို သိရှိရတာဖြစ်ကြောင်း ထွက်ဆိုခဲ့တယ်လို့ ဆိုပါတယ်။

    “ရိုဟင်ဂျာအမျိုးသမီးတွေ၊ မိန်းကလေးငယ်တွေအပေါ် လုံခြုံရေးတပ်ဖွဲ့တွေက ဒီလို သွေးပျက်ဖွယ် တိုက်ခိုက်မှုဟာ အမျိုးသမီးတွေအပေါ်မှာ လိင်ပိုင်းဆိုင်ရာ အကြမ်းဖက်မှုတွေ ပြုလုပ်တဲ့ မြန်မာစစ်တပ်ရဲ့ နှလုံးနာဖွယ် သမိုင်းဆိုးမှာ စက်ဆုပ်စရာ ကဏ္ဍသစ်တစ်ခုကို ပေါင်းထည့်လိုက်တာလည်း ဖြစ်ပါတယ်။ အဲဒီကိစ္စမှာ ပါဝင်သူတွေကို တားဆီးဖို့ ဒါမှမဟုတ် အပြစ်ပေးဖို့ သူတို့ရဲ့ သြဇာနဲ့ ဘာမှမလုပ်ခဲ့ဘူးဆိုရင်တော့ စစ်တပ်က တပ်မှူးတွေ၊ ရဲတပ်ဖွဲ့က တပ်မှူးတွေဟာ ဒီရာဇ၀တ်မှုအတွက် တာဝန်ယူရမှာ ဖြစ်ပါတယ်” လို့ HRW က အရေးပေါ်ကိစ္စဆိုင်ရာ အကြီးတန်း သုတေသနပညာရှင် ပရီယန်ကာ မိုတာပါသီက ပြောကြားခဲ့ပါတယ်။

    Ref: CNA

  • မြန်မာနိုင်ငံသည် အလက်ပိုဖြစ်စဉ်နောက် လိုက်နင်းနေပြီလော ?

    မြန်မာနိုင်ငံသည် အလက်ပိုဖြစ်စဉ်နောက် လိုက်နင်းနေပြီလော ?

    ဖေဖော်ဝါရီ ၅၊ ၂၀၁၇

    M-Media

    ဘင်္ဂလားဒေ့ရ်ှရှိ Kutalong ရိုဟင်ဂျာဒုက္ခသည်စခန်းတွင် နေထိုင်လျက်ရှိသော ဂျမလီဒါး ဘီဂမ်းနှင့် သူမကလေးငယ်များ

    – စစ်တပ်က ကြောက်ခမန်းလိလိ ရှေ့ဆက်လွှမ်းမိုးထားသည့် မြန်မာနိုင်ငံအတွင်း၌ စစ်အုပ်ချုပ်ရေးမှ ဒီမိုကရေစီသို့ အသွင်ကူးပြောင်းရေးမှာ မသေမချာနှင့် အလှမ်းကွာနေဆဲ။ ရခိုင်ပြည်နယ်ရှိ ရိုဟင်ဂျာမွတ်စ်လင်မ်စစ်သွေးကြွများအပေါ် ပြုလုပ်လိုက်သော စစ်ဆင်ရေးသည် အရပ်သားပေါင်း ခြောက်သောင်းခွဲခန့်ကို ဘင်္ဂလားဒေ့ရ်ှနယ်စပ်သို့ အလွတ်ရုန်းထွက်ပြေးစေခဲ့သည်။ ထိုဖြစ်စဉ်ဝယ် အုပ်စုဖွဲ့မုဒိမ်းကျင့်မှု၊ နှိပ်စက်ညှင်းပန်းမှု၊ အပြစ်မဲ့အရပ်သားများအပေါ် သတ်ဖြတ်မှု သတင်းများလည်း ဖြစ်ပေါ်နေသည်။ လူ ၉၀ ၀န်းကျင် သေဆုံးရသည်။ ဤသည်မှာ တိုင်းပြည်ကို ပဲ့ထိန်းမောင်းနှင်နေသူ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်အတွက်သာမက မြန်မာ၏ ပြည်ပမိတ်ဖက်များအတွက်လည်း စိန်ခေါ်ချက်တစ်ရပ် ဖြစ်စေသည်။

    နှစ်ရှည်လများ ဒုက္ခခံစားနေရသော လူနည်းစုဝင်ရိုဟင်ဂျာများအပေါ် အားပေးစကား ထုတ်ဖော်ပြောဆိုရန် ကျွန်ုပ်တို့မှ ဒေါ်အောင်ဆန်းစုကြည်အား တိုက်တွန်းထားပါသည်။ ယခုအခါ သူမသည် အတိုက်အခံဘ၀မှ သူမတိုင်းပြည်၏ နိုင်ငံရေးခေါင်းဆောင်အဖြစ်သို့ ဖြတ်ကျော်လာခဲ့ပြီးဖြစ်သည်။ သူမအနေနှင့် နိုဗဲလ်ဆုရှင်တစ်ဦး၏ စိတ်ဓာတ်နှင့် ခံယူချက်အတိုင်း ထိုက်သင့်သမျှ စွဲမြဲရပ်တည်လျက် ရှိနေသင့်သည်ဟု ကျွန်ုပ်တို့ ယူဆပါသည်။ ထို့ပြင် ပြစ်တင်ကဲ့ရဲ့မှုများ အဆုံးသတ်စေရန် ဒေသတွင်း သတင်းအချက်အလက်များ၊ စုံစမ်းစစ်ဆေးမှုများကို ပွင့်လင်းမြင်သာစေခြင်း အပါအ၀င် သူမ တတ်နိုင်သလောက် ဆောက်ရွက်သင့်သည်။ သို့သော် ရိုဟင်ဂျာများအပေါ် စစ်တပ်၏ရက်စက်စော်ကားမှုများ ဆက်လက်ဖြစ်ပေါ်နေခြင်းကြောင့် စစ်ဗိုလ်ချုပ်များအား ပထမဦးဆုံး အရေးယူရပါမည်။ အဆိုပါ စစ်ဗိုလ်ချုပ်များသည် ပါလီမန်နေရာ လေးပုံတစ်ပုံရယူထားခြင်းနှင့်အတူ ဗုဒ္ဓဘာသာဝင် လူများစုတိုင်းပြည်၏ အာဏာအဆောက်အဦအား လွှမ်းမိုးကြီးစိုးထားကြဆဲဖြစ်သည်။

    ရိုဟင်ဂျာသူပုန်အုပ်စုသစ်တစ်ခုသည် ရခိုင်ပြည်နယ်မြောက်ပိုင်း ဘင်္ဂလားဒေ့ရ်ှနယ်စပ်အနီးရှိ ကင်းစခန်းသုံးကို ၀င်ရောက်တိုက်ခိုက်ပြီး ရဲအရာရှိ ကိုးဦးကို သေဆုံးစေခဲ့သော အောက်တိုဘာ ၉ ရက်မှ စတင်၍ နောက်ဆုံး ပဋိပက္ခ စတင်လာသည်။ The International Crisis Group ၏အဆိုအရ ၎င်းအုပ်စုမှာ စနစ်တကျ ဖွဲ့စည်းလေ့ကျင့်ထားပြီး Harakah al-Yaqin ဟု ပညတ်ထားကြောင်း၊ ရိုဟင်ဂျာစစ်သွေးကြွများက ပြောက်ကျားစစ်ဆင်ရေးနည်းဗျူဟာသုံး၍ အကြမ်းဖက်တိုက်ခိုက်တတ်ကြောင်း သိရသည်။ ထိုအချိန်မှစပြီး စစ်တပ်ကလည်း ကျေးရွာများကို အကြီးအကျယ် ဖျက်ဆိးခြင်း၊ အရပ်သားများကို ရက်စက်ခြင်းတို့ဖြင့် ပြင်းထန်ကြမ်းတမ်းစွာ ပြန်လည်တုန့်ပြန်ခဲ့သည်။ ၎င်းစော်ကားချက်များအပေါ် စွပ်စွဲမှုများကို အစိုးရဖက်မှ ငြင်းဆိုထားသော်လည်း လူ့အခွင့်အရေးဆိုင်ရာ စုံစမ်းစစ်ဆေးကြသူများနှင့် ဂျာနယ်လစ်များအား အဆိုပါမြင်ကွင်းမှ တားမြစ်ကန့်သတ်လျက် ရှိနေပြန်သည်။

    ပြင်ပဖိအားများလည်း အတော်အတန် သက်ရောက်လာသဖြင့် ဤသည်မှာ အလွန်သိမ်မွေ့သည့် အချိန်အခါသို့ ဆိုက်ရောက်နေပြီဖြစ်သည်။ အိုဘားမားအစိုးရက မြန်မာနိုင်ငံ၏ဒီမိုကရေစီဖော်ဆောင်ရေးလမ်းစဉ်ကို ချီးကျူးဂုဏ်ပြုခဲ့သည်၊ ပိတ်ဆို့မှုများကို ဖယ်ရှားပေးခဲ့သည်၊ အထူးခရီးစဉ်ဖြင့်ပင် ရောက်လာပြီး အားပေးခဲ့သည်။ သမ္မတသစ် ဒေါ်နယ်ထရမ့်သည် ကြိတ်ဖတ် ကဲ့သို့ဖြစ်နေသည့် ဤလူသား၏ ဒုက္ခများအတွက် စာနာမှု မည်သို့ရှိမည်ကို ကျွန်ုပ်တို့ မသိနိုင်သေးပါ။ သူနှင့် သူ၏ခန့်အပ်ခံပုဂ္ဂိုလ်များက လူ့အခွင့်အရေးကိစ္စများအပေါ် စိတ်အားထက်သန်မှု မပြသသေးသလို သူကိုယ်တိုင်က ခေါင်းမာပြင်းထန်သူ ဖြစ်လို့နေသည်။ သို့ရာတွင် အမေရိကန်ပြည်ထောင်စုအနေနှင့် မြန်မာ့လူ့အဖွဲ့အစည်း၏ ဒီမိုကရေစီခရီးစဉ်အတွက် ကြီးမားစွာ ပေးကမ်းထားပြီးသည့်အပြင် ယိုင်နဲ့နေသော ဒေါ်အောင်ဆန်းစုကြည်၏အနေအထားကို မဖြိုလှဲဘဲ ထပ်မံပံ့ပိုးပေးရန်လည်း ရှိနေသည်။ ရခိုင်ပြည်နယ်ရှိ ပဋိပက္ခမှာ ကုလသမဂ္ဂအဖွဲ့အစည်းမှ ပြင်းထန်သော တုန့်ပြန်မှုတစ်ရပ် ဆောင်ရွက်သင့်ပေသည်။

    အနောက်တိုင်းနိုင်ငံများရှိ ရေဒါမျက်နှာပြင်ပေါ် ရောက်ရှိမလာသေးသော ရိုဟင်ဂျာလူထု၏ ပြင်းထန်ဆိုးဝါးသည့် ဒုက္ခဝေဒနာများလည်း ရှိနေဦးမည်။ ယင်းအကြမ်းဖက်မှုအတိုင်းအတာမှာ သေးငယ်လင့်ကစား “အာရှ၏အလက်ပို” ဖြစ်ရန် နီးစပ်လာနေပြီ။ လက်နက်ကိုင်သူပုန်တပ်ဖွဲ့တစ်ခု ထွက်ပေါ်ရန် တာစူနေပြီ၊ တအုံတကျင်းသော အပြစ်မဲ့ပြည်သူများ ကယ်ကူရာမဲ့ဘ၀သို့ ရောက်ရှိနေကြသည်၊ ဘာသာရေးကို ပစ်မှတ်ထားခံနေရသည်၊ အင်အားကြီးသည့် စစ်တပ်က ပြင်းထန်စွာ လိုက်လံချေမှုန်းနေသည်။ ဤသည်မှာ လူသားအားလုံးကို စိုးရိမ်သောက ရောက်စေသည့် ယမ်းအိုးတစ်လုံးပင် ဖြစ်ပါတော့သည်။

    ×××××××××××××××

    The Washington Post ၏ အယ်ဒီတာ့အာဘော် Asia’s version of Aleppo is happening in Burma ကို မြင့်မိုရ်မောင်မောင် မှ ဆီလျော်အောင် ပြန်ဆိုသည်။

  • ရခိုင်မှ လူအခွင့်အရေးချိုးဖောက်မှု နိုင်ငံတကာ ရာဇ၀တ်ခုံရုံးတင်ရန် ကုလ စဉ်းစားနေ

    ရခိုင်မှ လူအခွင့်အရေးချိုးဖောက်မှု နိုင်ငံတကာ ရာဇ၀တ်ခုံရုံးတင်ရန် ကုလ စဉ်းစားနေ

    ဖေဖော်ဝါရီ ၄၊ ၂၀၁၇
    M-Media

    ကုလသမဂ္ဂ လူ့အခွင့်အရေးဆိုင်ရာ မဟာမင်းကြီး ဇိုက် ဘင် အလ်-ဟူစိန်

    – ရခိုင်မြောက်ပိုင်းက အခြေအနေတွေနဲ့ပတ်သက်ပြီး ကုလသမဂ္ဂက မနေ့ကထုတ်ပြန်တဲ့ အစီရင်ခံစာအတွက် မိမိအနေနဲ့ စုံစမ်းစစ်ဆေးပေးမယ်လို့ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ကိပေးခဲ့ကြောင်း ကုလသမဂ္ဂ လူ့အခွင့်အရေးဆိုင်ရာ မဟာမင်းကြီး ဇိုက် ဘင် အလ်-ဟူစိန်က ဒီကနေ့မှာ ပြောကြားလိုက်ပါတယ်။

    အောက်တိုဘာလဆန်းပိုင်းက နယ်ခြားစောင့်စခန်းတွေ တိုက်ခိုက်ခံရပြီးတဲ့နောက်ပိုင်း မြန်မာစစ်တပ်က ပြုလုပ်ခဲ့တဲ့ စစ်ဆင်ရေးတွေမှာ ရခိုင်ပြည်နယ်မြောက်ပိုင်းက ဒေသခံရိုဟင်ဂျာတွေဟာ ပစ်မှတ်ထားတိုက်ခိုက်ခံနေရပြီး အစုလိုအပြုံလိုက် သတ်ဖြတ်မှုတွေ၊ အဓမ္မပြုကျင့်မှုတွေပါအ၀င် စစ်တပ်ဟာ ဆိုးရွားတဲ့ လူ့အခွင့်အရေး ချိုးဖောက်မှုတွေ ရှိနေတယ်လို့ ကုလအစီရင်ခံစာမှာ ဖော်ပြထားပါတယ်။

    ဘင်္ဂလားဒေ့ရ်ှဘက်ကို ထွက်ပြေးရတဲ့ ဒုက္ခသည်အရေအတွက်ဟာလည်း ၆၆၀၀၀ လောက်ရှိသွားခဲ့ပြီး အလ်-ဟူစိန်ကတော့ ကျူးလွန်ခံရသူတွေ၊ သက်သေတွေကို သူတို့အနေနဲ့ တွေ့ဆုံမေးမြန်းထားကာ နိုင်ငံတကာ စုံစမ်းစစ်ဆေးရေးအဖွဲ့လိုမျိုး လိုအပ်နေတယ်လို့ ပြောကြားခဲ့ပါတယ်။ နောက်ပြီး သူတို့အနေနဲ့ ဒီကိစ္စကို နိုင်ငံတကာ ရာဇ၀တ်ခုံရုံး (ICC) ကို တင်သွားဖို့အထိ စဉ်းစားနေတယ်လို့ ဆိုပါတယ်။

    ဒီနေ့မနက်ပိုင်း နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ ဖုန်းပြောခဲ့ရာမှာတော့ ဒီစစ်ဆင်ရေးကို အဆုံးသတ်ဖို့နဲ့ လုံခြုံရေးတပ်ဖွဲ့တွေအပေါ် ပြင်းပြင်းထန်ထန် ဖိအားပေးဖို့ တိုက်တွန်းခဲ့ကြောင်း ဒေါ်အောင်ဆန်းစုကြည်ကလည်း စုံစမ်းစစ်ဆေးမှုတွေ လုပ်ပေးမယ်လို့ ကတိပေးခဲ့ကြောင်း ဟူစိန်က ထည့်သွင်းပြောကြားခဲ့ပါတယ်။

    OHCHR က ထုတ်ပြန်တဲ့ အဲဒီအစီရင်ခံစာဟာ စစ်ဆင်ရေးကြောင့် ဘင်္ဂလားဒေ့ရ်ှကို ထွက်ပြေးလာရတဲ့ ရိုဟင်ဂျာတွေထဲက ၂၂၀ လောက်ကို တွေ့ဆုံမေးမြန်းထားတာပါ။

    အလ်-ဟူစိန်ကတော့ မိမိတို့အနေနဲ့ ဒီစစ်ဆင်ရေးတွေ ရပ်တန့်ဖို့ တိုက်တွန်းနေပြီး အကောင်ဆုံးနည်းလမ်းအတွက် တောင်းဆိုလာရင် လုံခြုံရေးကောင်စီ၊ အဖွဲ့ဝင်နိုင်ငံတွေနဲ့ ဆွေးနွေးသွားရမှာဖြစ်ကြောင်း ထည့်သွင်းပြောကြားခဲ့ပါတယ်။

    Ref: VOA, BBC

  • ရခိုင်အကူအညီပေးရေးသင်္ဘော မလေးရှားမှ ထွက်ခွာ

    ရခိုင်အကူအညီပေးရေးသင်္ဘော မလေးရှားမှ ထွက်ခွာ

    ဖေဖော်ဝါရီ ၄၊ ၂၀၁၇
    M-Media

    – ရခိုင်ပြည်နယ်မြောက်ပိုင်းရှိ ပြည်သူလူထုအတွက် လူသားချင်း စာနာထောက်ထားမှုဆိုင်ရာ အကူအညီများ တင်ဆောင်သွားသော သင်္ဘောမှာ ဖေဖော်ဝါရီ ၃ ရက်နေ့က မလေးရှားမှ ထွက်ခွားခဲ့ပြီး၊ ဘင်္ဂလားဒေ့ရ်ှကလည်း ၎င်းတို့ဘက်ခြမ်းရှိ ဆိပ်ကမ်းတွင် ဆိုက်ကပ်ရန် သဘောတူခဲ့သည်ဟု သိရသည်။

    ဆန်တန်ချိန် ၁၀၀၀၊ အသင့်စားခေါက်ဆွဲခြောက် ၁၂၀၀၊ တစ်ကိုယ်ရေသန့်ရှင်းရေး ပစ္စည်းများ၊ ဂျုံမှုန်များနှင့် အခြားထောက်ပံ့ရေးပစ္စည်း စုစုပေါင်း တန်ချိန် ၂၂၀၀ ခန့်ကို တင်ဆောင်သွားသည့် အဆိုပါသင်္ဘောမှာ ဖေဖော်ဝါရီ ၉ ရက်နေ့တွင် ရန်ကုန်ဆိပ်ကမ်း၌ ဆိုက်ကပ်မည်ဖြစ်ပြီး တန်ချိန် ၅၀၀ ခန့် ချမည်ဖြစ်သည်။

    ထို့နောက် နောက်ထပ် ၃ ရက်အတွင်း ဘင်္ဂလားဒေ့ရ်ှဘက်ခြမ်းရှိ တက်နက်ဖ်ဆိပ်ကမ်းသို့ သွားရောက်မည်ဖြစ်သည်။

    “‘ဒါဟာ သမိုင်းဝင် အချိန်တစ်ခုပါ။ မြန်မာနိုင်ငံကရိုဟင်ဂျာတွေရဲ့ ထိခိုက်ခံစားရမှုတွေကို လစ်လျူမရှုဘူးဆိုတဲ့ ကောင်းမွန်တဲ့ အားထုတ်မှုပါပဲ။ သူတို့ရဲ့ နာကျင်မှုတွေ၊ အဓမ္မပြုကျင့်ခံရမှုတွေ၊ အသတ်ခံရမှုတွေ၊ အရှင်လတ်လတ် မီးရှို့ခံရမှုတွေကို ကျွန်တော်တို့ ကြားပါတယ်” ဟု မလေးရှာဝန်ကြီးချုပ်နာဂျစ်က အကူအညီပေးရေးသင်္ဘော ထွက်ခွာရာ ကလန်းဆိပ်ကမ်းတွင် ယမန်နေ့က ပြောကြားခဲ့သည်။

    အဆိုပါ အကူအညီပေးရေးလှုပ်ရှားမှုကို မလေးရှားရှိ အသင်းအဖွဲ့များ၊ ဒေသတွင်းနှင့် နိုင်ငံရပ်ခြားမှ အကူအညီပေးရေး အသင်းအဖွဲ့များက ပူးပေါင်းဆောင်ရွက်ခြင်းဖြစ်သည်။

    စီစဉ်သူများကမူ မိမိတို့၏ အကူအညီပေးရေးအစီအစဉ်မှာ ရခိုင်မြောက်ပိုင်းရှိ လူ့အဖွဲ့အစည်း နှစ်ခုစလုံးအတွက်ဖြစ်ပြီး တူညီစွာ ထောက်ပံ့ပေးသွားမည်ဟု ပြောကြားခဲ့သည်။ ထို့ပြင် မြန်မာအစိုးရမှာ စစ်တွေမြို့ရှိ ဆိပ်ကမ်းတွင် ဆိုက်ကပ်ခွင့်မပေးဟုလည်း ပြောကြားခဲ့သည်။

    ထို့ကြောင့် အကူအညီပေးရေးအဖွဲ့များမှာ ဘင်္ဂလားဒေ့ရ်ှဘက်မှ တက်နက်ဖ် ဆိပ်ကမ်းတွင် ဆိုက်ကပ်ရန် ဘင်္ဂလားဒေ့ရ်ှနှင့် ဆွေးနွေးခဲ့ပြီးနောက် ခွင့်ပြုချက်ရခဲ့ပြီဟု ယနေ့မနက်တွင် မလေးရှားက ကြေငြာခဲ့သည်။

    အဆိုပါ အကူအညီပေးရေးသင်္ဘောတွင် ဆရာဝန်များ၊ ဆေးမှူးများ၊ မလေးရှားနိုင်ငံရေးသမားများ အပါအ၀င် စေတနာ့ဝန်ထမ်းပေါင်း ၂၅၀ ကျော် ပါဝင်မည်ဖြစ်သည်။

    Ref: CNA