News @ M-Media

Tag: Rohingya

  • ရခိုင်ရှိ လူ့အဖွဲ့အစည်းနှစ်ခုအကြား လူသိနည်းသည့် လူသားဆန်သော ဆက်ဆံမှုများ

    ရခိုင်ရှိ လူ့အဖွဲ့အစည်းနှစ်ခုအကြား လူသိနည်းသည့် လူသားဆန်သော ဆက်ဆံမှုများ

    ဖေဖော်ဝါရီ ၁၊ ၂၀၁၇
    M-Media

    မွတ်စလင်အများစုရှိရာဒေသမှ အထက်တန်းကျောင်း၏ ကျောင်းအုပ်အဖြစ် တာဝန်ယူထားသည့် ရခိုင်တိုင်းရင်းသား ဦးမောင်သန်းရွှေ

    – ၂၀၁၂ ခုနှစ် လူ့အဖွဲ့အစည်းနှစ်ခုအကြား တိုက်ခိုက်မှုများ ဖြစ်ပွားခဲ့ပြီးကတည်းက ရခိုင်ပြည်နယ်မြို့တော် စစ်တွေရှိ ဗုဒ္ဓဘာသာဝင်နှင့် မွတ်စလင်လူ့အဖွဲ့အစည်းနှစ်ခုအကြား ဆက်ဆံမှုမှာ မဆိုစလောက်သာ ရှိသည်။

    ထိုကဲ့သို့ ဆက်ဆံရေးနည်းပါးမှု အကြောင်းအရင်းက မွတ်စလင်များမှာ အခြားသော လူ့အဖွဲ့အစည်းမှ သီးသန့် ခွဲထုတ်ခံထားရပြီး အောင်မင်္ဂလာရပ်ကွက်အပါအ၀င် မြို့တစ်ဝိုက်ရှိ ဒုက္ခည်စခန်းများတွင် ပိတ်မိ နေထိုင်နေရသောကြောင့် ဖြစ်လေသည်။ တိုက်ခိုက်မှုကြောင့် အိုးအိမ်ပျက်ဆီးဆုံးရှုံးခဲ့ရသော ရခိုင်တိုင်းရင်းသားမှာလည်း အချို့ ဒုက္ခသည်စခန်းများတွင် နေထိုင်နေရသည်။ သို့သော် ၎င်းတို့မှာ လွတ်လပ်စွာ လှုပ်ရှားသွားလာနိုင်ပြီး မြို့ရှိ မွတ်စလင်အများစုကတော့ ထိုအခွင့်အရေးကို မခံစားရ။

    မွတ်စလင်ဒုက္ခသည်စခန်းများကို ရခိုင်တိုင်းရင်းသားများက ၀င်ရောက်မှုမျိုး မရှိသလို၊ မွတ်စလင်များကလည်း ၎င်းတို့၏ စခန်းများမှ အပြင်ထွက်ရန် မလွယ်ကူ။ စစ်တွေမြို့တွင် သွားရောက်လည်ပတ်ရန် ခွင့်ပြုထားသည့် တစ်ခုတည်းသော နေရာဖြစ်သော အောင်မင်္ဂလာရပ်ကွက်သို့ မွတ်စလင်များ သွားရောက်သည့်အခါမျိုးတွင် လက်နက်ကိုင် အစောင့်အရှောက် လိုအပ်လေသည်။

    ယနေ့အချိန်အထိ မွတ်စလင်များမှာ စစ်တွေမြို့အတွင်း လွတ်လပ်စွာ သွားလာနိုင်ခြင်းမရှိ။ ရခိုင်များမှာလည်း ဒုက္ခသည်စခန်းများ၊ အောင်မင်္ဂလာရပ်ကွက်သို့သွားရောက်ရန်မှာ စွန့်စားရသည့် ကိစ္စဖြစ်နေသည်။ လူ့အဖွဲ့အစည်းနှစ်ခုအကြား ကာလရှည် ရှိနေခဲ့သည့် တင်းမာမှုများကြောင့်လည်း ဖြစ်သည်။

    သို့သော် မွတ်စလင်များ နေထိုင်ရာနေရာသို့ ပုံမှန် သွားရောက်လည်ပတ်သည့် ရခိုင်ဗုဒ္ဓဘာသာဝင်မှာ အနည်းဆုံး ၁ ဦးတော့ ရှိနေသည်။ အသက် ၄၆ နှစ်အရွယ်ရှိ ဦးမောင်သန်းရွှေမှာ စစ်တွေမြို့လယ်ကောင်မှ ဆိုင်ကယ်ဖြင့် မိနစ် ၂၀ ခန့် သွားရသည့် သက်ကယ်ပြင်ရွာမှ အခြေခံပညာ အထက်တန်းကျောင်း၏ ကျောင်းအုပ်တစ်ဦးဖြစ်သည်။ သက်ကယ်ပြင်ရွာနားမှ ဒုက္ခသည်စခန်းတစ်ခုကတော့ ပြည်နယ်အတွင်း အကြီးဆုံးဖြစ်ပြီး ရခိုင်ပြည်နယ်တစ်ဝှမ်းမှ မွတ်စလင်ဒုက္ခသည်များ နေထိုင်ကြသည်။

    သက်ကယ်ပြင် အထက်တန်းကျောင်းတွင် စေတနာ့ဝန်ထမ်း တာဝန်ထမ်းဆောင်နေသော မွတ်စလင်ဆရာများ

    အထက်တန်းကျောင်းတွင် ကျောင်းသား၊ ကျောင်းသူ ၃၉၀၀ ၀န်းကျင်ရှိနေပြီး ၁၀၀၀ ခန့်မှာ သက်ကယ်ပြင်မှ မွတ်စလင်များဖြစ်သည်။ မွတ်စလင်များကိုသာ ဦးစားပေး ကူညီနေသည်ဟု စွပ်စွဲကာ ရခိုင်လူအုပ်ကြီးက နိုင်ငံတကာ အကူအညီပေးရေးအဖွဲ့များ၏ ရုံးခန်းများနှင့် ဂိုထောင်များကို ဖျက်ဆီးလုယက်သည့် ၂၀၁၄ ခုနှစ်
    တင်းမာမှုများ ထပ်ဖြစ်ချိန်ကတည်းက ဦးမောင်သန်းရွှေမှာ ထိုကျောင်းတွင် ကျောင်းအုပ်ကြီးအဖြစ် ဆောင်ရွက်ခဲ့သည်။

    ၂၀၁၂ ခုနှစ် ပဋိပက္ခ ဖြစ်ပွားပြီးနနောက်ပိုင်းတွင် အဆိုပါ အထက်တန်းကျောင်းမှ ကျောင်းအုပ်ဆရာများမှာ ကျောင်းကို စီမံခန့်ခွဲမှု မပြုနိုင်ကြ။ သမ္မတရုံးမှ တာဝန်ရှိသူများ ၂၀၁၄ ခုနှစ်တွင် လာရောက်ကြည့်ရှုကာ ကျောင်း၏ အခက်အခဲကို သိရှိခဲ့ပြီးနောက် ပညာရေးဝန်ကြီးဌာနက ဦးမောင်သန်းရွှေအားခေါ်ယူကာ ကျောင်းအုပ်ဆရာအလုပ်အတွက် စိတ်ဝင်စားခြင်း ရှိ၊ မရှိ မေးမြန်းခဲ့သည်။

    “သူတို့လည်း ကျွန်တော်တို့လို လူသားပဲဗျ။ ကလေးတွေရဲ့ ပညာရေးအတွက် မှန်ကန်တဲ့အရာကိုလုပ်ဖို့ ကျွန်တော် ဒီရောက်လာခဲ့တာပါ” ဟု ဦးမောင်သန်းရွှေက ပြောကြားခဲ့သည်။

    အလုပ်အင်တာဗျူးအတွက် သွားရောက်ရာတွင် စစ်တွေမြို့လယ်ကောင်ရှိ ဆိုင်ကယ်တက္ကစီများက မွတ်စလင်အများစုရှိရာနေရာသို့ သွားရောက်ရန် တွန့်ဆုတ်နေသောကြောင့် ခက်ခက်ခဲခဲ ညှိနှိုင်းခဲ့ရသည်။

    ရခိုင်တိုင်းရင်သား ဦးမောင်သန်းရွှေမှာ စစ်တွေမြို့ ဓည၀တီရပ်ကွက်ရှိ ၎င်းနေထိုင်ရာ နှစ်ထပ်အိမ်မှ နေ့စဉ် ဆိုင်ကယ်ဖြင့် ကျောင်းသို့သွားသည်။ ထိုအိမ်တွင် ၎င်းမှာ ဇနီးသည် သားသမီး ၃ ဦးတို့နှင့် နေထိုင်သည်။ အငယ်ဆုံးမှာ မတ်တတ်သွားအရွယ်ရှိပြီး အကြီးဆုံးက ၈ တန်းတက်နေသည်။

    “ဘောပင်တစ်လျောင်းကလွဲလို့ ကျွန်တော့်မှာ ကာကွယ်ဖို့ ဘာမှမရှိတဲ့အတွက် တစ်ခါတစ်လေမှာ ကျွန်တော် ကြောက်ရွံ့မိတယ်ဗျ။ ဒါပေမယ့် တစ်ခြားသူတွေအတွက် ခက်ခဲတဲ့အလုပ်ကို လုပ်ချင်တဲ့ စိတ်ဓာတ်မျိုး ကျွန်တော့်ဘ၀မှာ ပါလာတယ်။ ဒီစိတ်ကြောင့်ပဲ အစကတည်းက ဒီအလုပ်ကိုလုပ်ဖို့ လက်ခံခဲ့တာပါ” ဟု ဦးမောင်သန်းရွှေက ပြောကြားခဲ့သည်။

    အထက်တန်းကျောင်းမှ ဆရာ၊ ဆရာမများအားလုံးမှာ မွတ်စလင်လူ့အဖွဲ့အစည်းမှ စေတနာ့ဝန်ထမ်းအဖြစ် လာရောက်လုပ်ကိုင်နေကြခြင်းဖြစ်သည်။ ကြက်ရိုးပြင် အခြေခံပညာအထက်တန်းကျောင်းမှ ၀န်ထမ်းများစာရင်းတွင် အစိုးရက ခန့်အပ်ပေးထားသော ဆရာ၊ ဆရာမများ၏ အမည်များကို ရေးသားထားသော်လည်း ၎င်းတို့က အခြားကျောင်းများတွင် သွားရောက် သင်ကြားနေသည်။

    လက်ထောက်ကျောင်းအုပ်ကြီးဖြစ်သည့် အသက် ၅၇ နှစ်အရွယ် ဦးခင်မောင်မှာ အိုးအိမ်စွန့်ခွာ ထွက်ပြေးရသည့် မွတ်စလင်အမျိုးသားတစ်ဦးဖြစ်သည်။ ၂၀၁၂ ခုနှစ်တွင် ၎င်းမှာ ပေါက်တောမြို့နယ်ရှိ အထက်တန်းကျောင်းတွင် တာဝန်ထမ်းဆောင်းခဲ့ပြီး အကြမ်းဖက်တိုက်ခိုက်မှုကြောင့် ၎င်း၏ အိမ်နှင့် အလုပ်အကိုင်တို့ကို ဆုံးရှုံးခဲ့ရသည်။ ထိုအချိန်မှစ၍ ဦးခင်မောင်မှာ ၎င်း၏ မိသားစုနှင့်အတူ ကြက်ရိုးဒုက္ခသည်စခန်းတွင် နေထိုင်ခဲ့ရသည်။

    ဦးမောင်သန်းရွှေမှာ ကျောင်းအုပ်တစ်ဦး၏ တာဝန်များကို ကျေပွန်ရုံသာမက၊ စာသင်ကျောင်းနှင့် ပြင်ပကမ္ဘာအကြား ဆက်ဆံရေးတစ်ခု ထူထောင်ပေးသူအဖြစ်လည်း ဆောင်ရွက်နေသည်ဟု ဦးခင်မောင်က ဆိုသည်။ ဥပမာအားဖြင့် ကြက်ရိုးပြင်ရွာအပြင်ဖက်ကို ထွက်၍မရသည့် စေတနာ့ဝန်ထမ်း ဆရာများကိုယ်စား တစ်ခါတစ်ရံတွင် သတင်းစကား ပါးပေးခြင်းဖြစ်သည်။

    သက်ကယ်ပြင် အထက်တန်းကျောင်း သန့်ရှင်းရေး ဆောင်ရွက်နေကြစဉ်

    ကျောင်အုပ်ကြီး ဦးမောင်သန်းရွှေအား လုပ်ဖော်ကိုင်ဖက်များက အလွန်လေးစားကြသည်ကို စာသင်ကျောင်းသို့ ရောက်ရှိသူတိုင်း သတိပြုမိကြသည်။ ဦးခင်မောင်အပါအ၀င် စေတနာ့ဝန်ထမ်း ဆရာ၊ ဆရာမများက ဦးမောင်သန်းရွှေအား ‘ဆရာကြီး’ ဟု တလေးတစား ခေါ်ဆိုကြသည်။

    မွတ်စလင်များကို ‘ကုလား’ ဟု မခေါ်ဝေါ်သည့်အတွက်လည်း ဦးမောင်သန်းရွှေမှာ ပိုမိုလေးစားခံရသည်ဟု ဦးခင်မောင်ကဆိုသည်။ အဆိုပါ စကားလုံးက နိုင်ငံခြားသားများကို နှိမ့်ချခေါ်ဝေါ်သည့် စကားလုံးဖြစ်ပြီး မြန်မာနိုင်ငံတွင် အိန္ဒိယတိုက်ငယ်နွယ်ဖွားများအား ရည်ညွှန်းခေါ်ဆိုကြသည်။ ရခိုင်ပြည်နယ်တွင် ‘ရိုဟင်ဂျာ’ နှင့် ‘ဘင်္ဂါလီ’ ဆိုသည့် စကားလုံးမှာ ဆတ်ဆတ်ထိမခံသည့် စကားလုံးဖြစ်သည်။

    “သူတို့မကြိုက်ဘူးဆိုတာကို သိလို့ ကျွန်တော် ဘယ်တော့မှ သူတို့ကို ‘ကုလား’ လို့ မခေါ်ပါဘူး” ဟု ဦးမောင်သန်းရွှေကဆိုပြီး ၎င်း၏နှင့် လူမျိုးတူ ရခိုင်အသိုင်းအ၀ိုင်းတွင် ဒေါသမဖြစ်စေရန် ရိုဟင်ဂျာဆိုသည့် အသုံးအနှုန်းကိုလည်း မသုံးမိအောင် ဂရုစိုက်သည်။

    “သူတို့ကို မွတ်စလင်လို့ပဲ ကျွန်တော် ခေါ်ပါတယ်”

    လူ့အဖွဲ့အစည်းနှစ်ခုအတွင်း ပြဿနာများကို ရှောင်ရှားရန် အဖြေမှာ ဘာသာရေးကိစ္စကို ဘေးဖယ်ထားခြင်းဖြစ်သည်ဟု ဦးမောင်သန်းရွှေကဆိုသည်။

    “ကျောင်းသားက မွတ်စလင်ဖြစ်ဖြစ်၊ ဗုဒ္ဓဘာသာဖြစ်ဖြစ်၊ ကျောင်းသားလို့ပဲ သတ်မှတ်ရင် ပြဿနာငြိမ်းတယ်။ သူတို့နဲ့ ထိထိရောက်ရောက် ဆက်သွယ်ဆောင်ရွက်နိုင်တဲ့ အဓိကသော့ချက်က ဒါပါပဲ” ဟု ၎င်းက ပြောကြားခဲ့သည်။

    ဦးမောင်သန်းရွှေမှာ မွတ်စလင်ဒေသတွင် အလုပ်လုပ်သည်မှာ ယခုအကြိမ်သည် ပထမဆုံးမဟုတ်၊ ယခင်ကလည်း ရခိုင်ပြည်နယ်မြောက်ပိုင်း မွတ်စလင်အများစုတည်ရှိရာ မောင်းတောမြို့ရှိ စာသင်ကျောင်းတစ်ခုတွင် တစ်နှစ်နှင့် ၆ လ တာဝန်ထမ်းဆောင်ဖူးသည်။

    သက်ကယ်ပြင်ရှိ မွတ်စလင်လူ့အဖွဲ့အစည်း၏ လေးစားမှုကို ရရှိထားသော်လည်း ပြီးခဲ့သည့်နှစ်ကုန်ပိုင်းတွင် မောင်တောမြို့ရှိ စစ်သွေးကြွများ၏ တိုက်ခိုက်မှုနောက်ပိုင်း မြင့်တက်လာသော လူ့အဖွဲ့အစည်းကြား တင်းမာမှုကြောင့် တစ်ပတ်ခန့် ကျောင်းသို့ မသွားခဲ့။

    သက်ကယ်ပြင်ကျောင်းသို့ ပထမဆုံး ပြောင်းရွှေ့စဉ်က ကျောင်းဆရာတစ်ယောက်အနေဖြင့် ရောက်ရှိခဲ့ခြင်းဖြစ်သော်လည်း ကျောင်းတွင် ကျောင်းအုပ်ကြီးအဖြစ် တာဝန်ထမ်းဆောင်ရပြီး တစ်နှစ်အကြာတွင် တရားဝင် ကျောင်းအုပ်ကြီးအဖြစ် ခန့်အပ်ခံခဲ့သည်။ ၎င်း၏ ကြီးကြပ်မှုအောက်တွင် ထိုကျောင်းမှာ အလယ်တန်းကျောင်းမှ တွဲဖက်အထက်တန်းကျောင်းအဖြစ်လည်းကောင်း၊ ထိုမှ အထက်တန်းကျောင်းအဖြစ်လည်းကောင်း ၂ ဆင့် တက်လာခဲ့သည်။ ဦးမောင်သန်းရွှေ ကျောင်းအုပ်ကြီးဖြစ်ပြီးကတည်းက တက္ကသိုလ်ဝင်တန်းစာမေးပွဲကို အောင်မြင်ခဲ့သူ ကျောင်းသား ၂၁ ယောက်ရှိပြီး ဂုဏ်ထူးရသူ ၅ ဦး ပါဝင်ခဲ့သည်။

    သိပ်မကြာခင်ကာလအတွက် ၎င်း၏ စီမံကိန်းတွင် ကျောင်း၌ စေတနာ့ဝန်ထမ်းအဖြစ် တာဝန်ထမ်းဆောင်နေကြသော ကျောင်းဆရာများကို နိုင်ငံတော်က လခပေးရန်နှင့် များပြာနေသော ကျောင်းသာများအတွက် နောက်ထပ် ကျောင်းဆောင် ၂ ခု ဆောက်လုပ်ပေးရန်ဖြစ်သည်။ ဦးမောင်သန်းရွှေကတော့ သက်ကယ်ပြင် အထက်တန်းကျောင်းတွင် နောက်ထပ် ၂ နှစ်ခန့် ကျောင်းဆရာအဖြစ် ဆက်ရှိနေရန် မျှော်လင့်နေသည်။

    “ကျွန်တော်ရရှိခဲ့တဲ့ အောင်မြင်မှုအတွက် ဂုဏ်ယူပါတယ်။ ကျွန်တော့်ရဲ့ ဆောင်ရွက်မှုတွေအတွက် ရာထူးတက်ဖို့လည်း မျှော်လင့်ပါတယ်”

    Ref: Frontier Myanmar

  • သစ္စာတရား၊ မုသာဝါဒ နှင့် ဒေါ်အောင်ဆန်းစုကြည်

    သစ္စာတရား၊ မုသာဝါဒ နှင့် ဒေါ်အောင်ဆန်းစုကြည်

    ဇန်န၀ါရီ ၂၉၊ ၂၀၁၇
    M-Media

    -မြန်မာနိုင်ငံမှ လူနည်းစုဝင်ရိုဟင်ဂျာများကို ရက်စက်စွာပြုမူဆက်ဆံမှုများရှိမရှိနှင့်ပတ်သက်သော အဆုံးသတ်အစီရင်ခံစာအတွက် မြန်မာအစိုးရက ဖွဲ့စည်းခန့်အပ်သည့် စုံစမ်းစစ်ဆေးရေးအဖွဲ့မှ ပြင်ဆင်နေပြီဖြစ်သည်။

    ရခိုင်ပြည်နယ်မြောက်ပိုင်းတွင် ဂျာနယ်လစ်များကို တားမြစ်ပိတ်ပင်ခြင်းနှင့်အတူ မြန်မာအစိုးရသည် အရပ်သားများအပေါ် စစ်တပ်မှကျူးလွန်သော မုဒိန်းမှုနှင့်သတ်ဖြတ်မှုများဆိုင်ရာ စွပ်စွဲချက်များအား တန်ပြန်ချေပလျက်ရှိ၏။

    ရခိုင်ပြည်နယ်၊ ထိုဒေသရှိ အရပ်သားတို့ မည်သို့ဖြစ်ပျက်နေရကြောင်းနှင့်ပတ်သက်ပြီး ပိုမို သိရှိလိုကြကြောင်း စာဖတ်ပရိသတ်များက ကျွန်ုပ်တို့ကို ပြောဆိုလာကြသည်။

    ကျွန်ုပ်တို့အား ပိုမို တင်ပြရန် မြန်မာနိုင်ငံရှိ သတင်းထောက် ဂျိုနာဖစ်ရှာအား ကျွန်ုပ်တို့က မေးမြန်းတောင်းဆိုခဲ့သည်။

    ဒေါ်နယ်ထရမ့်နှင့် ဒေါ်အောင်ဆန်းစုကြည်တို့နှစ်ဦးသည် ကျွန်ုပ်တို့ ထင်မြင်ထားသည်ထက်ပင် ပိုမိုနီးစပ်တူညီနေသည်။

    အမေရိကန်နှင့်မြန်မာနိုင်ငံခေါင်းဆောင် နှစ်ဦးစလုံးမှာ အသက် ၇၀ ကျော် ဆံဖြူနေသည့် သက်ကြားအိုများဖြစ်သည့်အပြင် စာနယ်ဇင်းသမားတို့အား မုန်းတီးနေမှုကလည်း တူညီကြသည်။

    မစ္စတာထရမ့်နှင့် မီဒီယာတို့၏ ဆက်ဆံရေးမှာ အလွန်ကမောက်ကမနိုင်ခဲ့ကြောင်း အထူးလျှို့ဝှက်ထားကြသည်။ ဒေါ်အောင်ဆန်းစုကြည်၏ ဆောင်ရွက်နေမှုများကလည်း အံ့အားသင့်စရာများ ဖြစ်လာနိုင်ပေသည်။

    “The Lady” ဟု လူသိများကြသော ဒေါ်အောင်ဆန်းစုကြည်သည် ၁၉၉၀ ခုနှစ်များအတွင်း လူ့အခွင့်အရေးနှင့် ဒီမိုကရေစီပြယုဂ်အဖြစ် ကျော်ကြားခဲ့သည်။ ရန်ကုန်မြို့၌ စစ်တပ်မှ အဓမ္မ နေအိမ်အကျယ်ချုပ်ထားခဲ့စဉ်က သတင်းများသည် သူမနှင့် စကားပြောဆိုနိုင်ရန်၊ သူမ၏ ရဲရဲတောက်အာခံမှုဖြစ်စဉ်များကို နားဆင်ရန် အန္တရာယ်တောထဲ တိုးဝင်စွန့်စားခဲ့ကြရသည်။

    ယခုသော် ဒေါ်အောင်ဆန်းစုကြည် အာဏာရလာခဲ့ပြီ။ အခြေအနေ ပြောင်းလဲသွားခဲ့ပြီဖြစ်သည်။

    သမ္မတ၏အထက်တွင်ရှိသော “နိုင်ငံတော်အတိုင်ပင်ခံ” ဟူသည့် ရာထူးကို ရယူဖန်တီးထားနိုင်ခဲ့ပြီးလည်းဖြစ်၏။ ထိုရာထူးအတွက် လက်တွေ့ဆောင်ရွက်ရမည်မှာ လူထုရေးရာများကို အဓိကထား စောင့်ကြည့်လေ့လာရေးဟု ဆိုရပါမည်။ သို့ဆိုလျှင် မြန်မာနိုင်ငံမှ ရိုဟင်ဂျာများကို မည်သူက အကူအညီပေးမည်နည်း ? မြန်မာနိုင်ငံ၏ ပုံရိပ်ကို မည်သို့ ဖော်ဆောင်မည်နည်း ? အသင်တို့သည် မည်သည့်ဖြစ်ရပ်များကို BBC မှ ကွင်းဆင်းစုံစမ်းစေလိုပါသနည်း ?

    ယခုအခါ ဒေါ်အောင်ဆန်းစုကြည်သည် မြန်မာသတင်းစာတိုက်များနှင့် အင်တာဗျူးကို အလျဉ်း မပြုလုပ်၊ နိုင်ငံတကာမီဒီယာများနှင့် မဆုံမိစေရန်လည်း အထူးပင် သိုသိပ်လျက်ရှိ၏။ လွှတ်တော်အမတ်များအား ပုံမှန်မေးမြန်းမှုခြင်း မရှိသလို လွန်ခဲ့သော ၁၄ လ ရွေးကောက်ပွဲမတိုင်မီကစ၍ ပီပြင်ကျနသည့် သတင်းစာရှင်းလင်းပွဲလည်း ပြုလုပ်ခြင်းကိုလည်း မတွေ့ရတော့ချေ။

    ၎င်းနောက် မြန်မာနိုင်ငံ၏အမိုက်ခေတ်ကာလအတွင်းက ဆင်ဆာစနစ်နှင့် စစ်အုပ်ချုပ်ရေးကို ပြန်လည်အသက်ဝင်စေမည့် အစီအမံများ ဖြစ်ပေါ်လာသည်။

    နေ့စဉ်ထုတ် နိုင်ငံပိုင်သတင်းစာများက မြန်မာနိုင်ငံရိုဟင်ဂျာလူနည်းစုတို့၏ အနိဌာရုံအပေါ် မီးမောင်းထိုးပြနေသည့် နိုင်ငံတကာမီဒီယာများကို ရှုတ်ချစွပ်စွဲသော ဆောင်းပါးများ ပုံနှိပ်ဖော်ပြလာပြန်သည်။

    မြန်မာနိုင်ငံ၌ မှီတင်းနေထိုင်လျက်ရှိသော ရိုဟင်ဂျာလူမျိုး တစ်သန်းခန့်ရှိနေသည်။ သူတို့သည် ဆယ်စုနှစ်ပေါင်းများစွာ ခွဲခြားဆက်ဆံခံလာခဲ့ရသည်။ လွန်ခဲ့သော သုံးလခွဲအချိန်ကစပြီး ရခိုင်ပြည်နယ်မြောက်ပိုင်းတွင် နေထိုင်ကြသူများမှာ စစ်တပ်၏ ရက်စက်ကြမ်းကြုတ်စွာ ဖြိုခွင်းမှုကို ခံစားနေကြရသည်။

    ထိုနယ်ထဲသို့ အစိုးရဖက်က မည်သူ့ကိုမျှ လွတ်လပ်စွာ သွားလာခွင့် မပြုတော့သဖြင့် အမှန်တကယ် မည်သို့ဖြစ်ပျက်နေသည်ကို မည်သူမျှ ရေရေရာရာ မသိရှိနိုင်ကြတော့ပေ။

    ဗမာစစ်တပ်သည် မျိုးဖြုတ်ရှင်းလင်းရေးပြုလုပ်ကျူးလွန်နေကြသည်ဟု အချို့က ဆိုသည်။ သို့သော် ဗမာစစ်တပ်နှင့် ဒေါ်အောင်ဆန်းစုကြည်တို့က ၎င်းသတင်းကို ပယ်ချကာ၊ ရဲကင်းစခန်းများကို တိုက်ခိုက်၍ ပြဿနာရှာခဲ့ကြသည့် ရိုဟင်ဂျာစစ်သွေးကြွများကို ဖမ်းဆီးနိုင်ရေးအတွက် တန်ပြန်အကြမ်းဖက်စစ်ဆင်ရေးတစ်ရပ်သာဖြစ်သည်ဟု ဆိုကြသည်။

    သို့နှင့် ပြီးခဲ့သည့်ရက်သတ္တပတ်တွင် အံ့အားသင့်စရာ ဖြစ်လာသည်။ BBC သတင်းဋ္ဌာနသည် ပဋိပက္ခဒေသသို့ သွားရောက်ခွင့်ကို ရခိုင်ပြည်နယ်အစိုးရထံမှ ခွင့်ပြုချက်ရခဲ့သည်။ ကျွန်ုပ်တို့သည် မြို့တော် စစ်တွေသို့ ချက်ခြင်း သွားခဲ့ပြီး လှေတစ်စီးငှားရမ်းလျက် ဘင်္ဂလားဒေ့ရ်ှနယ်စပ်အနီး မေယုမြစ်မြောက်ပိုင်းသို့ ဆန်တက်ခဲ့ကြသည်။

    မြန်မာရုပ်ရှင် အများအပြားပြီးဆုံး၍ လေးနာရီခန့်ကြာသော် ပဋိပက္ခဒေသနှင့် ၄၅ မိနစ်ခရီးမျှသာ ကွာဝေးသော ဘူးသီးတောင်သို့ ရောက်ရှိသည်။

    ကံမကောင်းအကြောင်းမလှစွာဖြင့် ထိုနေရာတွင် အာဏာပိုင်များလည်း ရောက်ရှိနေကြသည်။ ရဲတပ်ဖွဲ့ဝင်နှင့် လုံခြုံရေးအရာရှိများပါဝင်သည့် ကြိုဆိုရေးအဖွဲ့က ကျွန်ုပ်တို့၏ ခရီးလမ်းကြောင်းကို ပိတ်ဆို့ကာ မြို့နယ်အုပ်ချုပ်ရေးရုံးသို့ ခေါ်ဆောင်သွားပါသည်။

    ထိုနေရာသို့ရောက်လျှင် ကျွန်ုပ်တို့၏ ခွင့်ပြုချက်ရ ခရီးစဉ်ကို လက်လျှော့လိုက်ရန်အတွက် ယဉ်ကျေးသိမ်မွေ့စွာဖြင့် အသိပေးကြသည်။ နေပြည်တော်ရှိ ဒေါ်အောင်ဆန်းစုကြည်အစိုးရထံသို့ သတင်းပို့ကြသည်။ ကျွန်ုပ်တို့အား တားဆိးရန် အမိန့်ထွက်လာခဲ့သည်။

    လှေငယ်ဖြင့် ပြန်လည်မထွက်ခွာမီ ဒေသအုပ်ချုပ်ရေးမှူးက ကင်မရာမှတ်တမ်းတင် အင်တာဗျူးတစ်ခုပြုလုပ်ရန် ခွင့်ပြုပေးခဲ့သည်။

    ဤသည်ကပင် မဆိုစလောက်သော အောင်မြင်မှု ဖြစ်ခဲ့သည်။ အောက်တိုဘာလအစောပိုင်း နောက်ဆုံးပြဿနာဖြစ်စဉ်ကတည်းက ဒေါ်အောင်ဆန်းစုကြည်နှင့် သူမ၏ပြောခွင့်ရသူသည် ကျွန်ုပ်တို့၏ ရခိုင်ပြည်နယ်အကြောင်း မေးမြန်းပြောဆိုမည့် ကြိုးပမ်းချက်မှန်သမျှအား ပယ်ချထားခဲ့ခြင်းကြောင့်ဖြစ်သည်။

    ရခိုင်ပြည်နယ်မြောက်ပိုင်းတွင် လွန်ခဲ့သည့် ၁၀ နှစ်ကတည်းက နေထိုင်လာသူ ဗုဒ္ဓဘာသာဝင် ဗမာလူမျိုး ဒေါက်တာ သန်းထွဋ်ကျော်နှင့် စကားစမြည်ပြောဆိုခွင့်ရသည်။ သူသည်လည်း ရိုဟင်ရျာများအပေါ် ရက်စက်စွာ ပြုမူဆက်ဆံကြသည့် သတင်းများမှ အတုအယောင်သာဖြစ်ပါသည်ဟု အခြားဗမာလူမျိုးများကဲ့သို့ပင် ယုံကြည်နေကြောင်း သိရှိလာရသည်။

    “ကျွန်တော်တို့ ဘာမှ ဖုံးကွယ်ထားစရာ မရှိပါဘူး။ ဒီအခြေအနေနဲ့ပတ်သက်ပြီး နိုင်ငံတော်အစိုးရက အချက်အလက် အမှန်တွေကို ထုတ်ပြန်ပေးနေပါတယ်။ ဗမာဗုဒ္ဓဘာသာဝင်တွေရဲ့သွန်သင်ချက်ထဲမှာ မုဒိမ်းကျင့်ခြင်းကို ခွင့်မပြုထားပါဘူး။ ဒါတွေအားလုံးက ကောလဟလတွေပါဗျာ” ဟု သူက ဆိုသည်။

    ဒေါ်အောင်ဆန်းစုကြည်နှင့်ပတ်သက်လျှင်ကား ကောလဟလ သက်သက် မဟုတ်ပါလေ။ စာနယ်ဇင်းသမားများ၊ ထောက်ပံ့ရေးလုပ်သားများ သွားရောက်ထိတွေ့ခွင့် မရခြင်းကြောင့် ရိုဟင်ဂျာတို့၏ ကိုယ်တိုင်ကိုယ်ကျ သတင်းပေးမှုများသာ ရှိနေကြသည်။ စမတ်ဖုန်း၌ ကိုယ်တိုင်ပြောဆိုဝန်ခံချက်များကို ရိုက်ကူးပြီး နိုင်ငံပြင်ပသို့ သတင်းစကားများ အကြောင်းကြားပေးပို့နေရသည်။

    လွန်ခဲ့သောလအနည်းငယ်တစ်လျှောက် ထိတ်လန့်စရာ ဗီဒီယိုများကို ကျွန်ုပ် အဆက်မပြတ် ကြည့်ရှုခဲ့ရသည်။ ၎င်းထဲတွင် မုဒိမ်းကျင့်ခံရကြောင်း မျက်နှာပေါ် ရိုက်နှက်ခံထားရသော အမျိုးသမီးများကိုယ်တိုင် ထွက်ဆိုပြောပြထားသည်။ မြေပြင်ပေါ်ပြန့်ကြဲနေသည့် ကလေးငယ်တို့၏ရုပ်အလောင်းများ၊ ပြာပုံတွင်းမှ လောင်ကျွမ်းကျန်ရစ်နေသည့် ဦးခေါင်းခွံများကို တွေ့ရ၏။

    ထိုအရာများကို အတည်ပြုနိုင်ရန် မလွယ်ကူသည် မှန်သော်ငြား မဖြစ်နိုင်စရာလည်း အကြောင်းမရှိပါ။ ထိုနေရာတစ်ခုတည်းမှ ထွက်ပေါ်လာသည့် သတင်းအရင်းအမြစ်များက အမျိုးမျိုး ဖြစ်နေသည်။ ထို့ပြင် မြေပြင်အခြေအနေ၌ ပြည်သူလူထုနှင့် သိုသိပ်စွာ ဆက်သွယ်ဆောင်ရွက်ကြသည့် အဖွဲ့အစည်းအချို့လည်း ရှိနေကြ၏။ မြန်မာနိုင်ငံပိုင်မီဒီယာများကမူ ဖြစ်စဉ်များကို မိမိတို့ သဘောကျအတိုင်းသာ ထုတ်ပြန်နေတတ်ကြပြန်၏။

    တိကျသော အရေအတွက်ကိုလည်း အတည်ပြုရန် မလွယ်ကူပြန်။ လူတို့မှာ အမြဲမပြတ် အသက်လုပြေးနေရပြီး အားလုံးကို ခြုံငုံမိစေသော အမြင်ရှုထောင့်များ ရှိမနေကြပါ။ သို့သော် ထိုဗီဒီယိုများမှာ ကြောက်မက်ဖွယ်တစ်စုံတ်ရာ ဖြစ်ပျက်နေဆဲဖြစ်ကြောင်း သံသယ၀င်ရန်မရှိသော အလွန်အရေးပါသည့် လျှပ်တပြက်မှတ်တမ်းများ ဖြစ်ပါသည်။

    ဒေါ်အောင်ဆန်းစုကြည်နှင့် သူမ၏ ရုံးအဖွဲ့သားများက မစ္စတာထရမ့်၏ လမ်းကြောင်းအတိုင်း တစ်ထပ်တည်း လျှောက်လှမ်းလျက်ရှိသည်။

    ပထမဆုံး သူတို့သည် သတင်းကျယ်ပြန့်လာသော ရိုဟင်ဂျာများဆိုင်ရာ အထောက်အထားများကို “မီဒီယာများကလည်း မှားယွင်းစွာဖော်ပြတတ်ခြင်း” ဟူသော စကားဖြင့် မှေးမှိန်အောင် ပြုလုပ်ဖို့ ကြိုးပမ်းခဲ့သည်။

    ဥပမာ Mail Online ပေါ်ရှိ သတင်းတစ်ပုဒ်တွင် ကမ္ဘောဒီးယားကလေးငယ်တစ်ဦးကို နှိပ်စက်ခံနေရသည့် ရိုဟင်ဂျာကလေးအဖြစ် မှားယွင်းစွာ ဖော်ပြထားကြောင်း နိုင်ငံပိုင်သတင်းစာ၏ မျက်နှာစာသတင်း ပြုလုပ်လိုက်သည်။

    ဇန်န၀ါရီလဆန်းတွင် နိုင်ငံတော်အတိုင်ပင်ခံရုံးက ဟောလိဝုဒ်သရုပ်ဆောင် ဆိုင်လ်ဗာစတာ စတောလုန်း၏ ရုပ်ရှင်ကားမှ ရမ်ဘိုဇာတ်ကောင်၏တောတွင်းတိုက်ခိုက်ရေးမြင်ကွင်းတစ်ခုကို တင်ပြခဲ့သည်။ ရိုဟင်ဂျာတို့သည် ၎င်းတို့၏ လုပ်ကြံဇာတ်လမ်းများကို ထောက်ခံချက်ရရေးအတွက် အလားတူ ဓာတ်ပုံများ၊ ရိုက်ချက်များအား အသုံးပြုနေကြသည်ဟူ၍ ဥပမာပြုထားခဲ့သည်။

    ဤမျှအထိ အသိဥာဏ်ကင်းမဲ့လှသည့်ပုံဟန်ကို မည်သူက တင်ဆက်လိုက်မှန်း အသေအချာ မသိရသော်လည်း ထိုသူကား ဖေ့စ်ဘွတ်သာ အသုံးပြုတတ်သူသာ ဖြစ်တန်ရာ၏။ သို့သော် ကရုတစိုက်လေ့လာကြည့်ပါက အဆိုပါ နည်းဗျူဟာတစ်ရပ်ကို ၀ါရှင်တန်၌လည်း တွေ့မြင်ခဲ့ရသည်။ လူတစ်ဦး၏ အမှားအယွင်းကို အသုံးချပြီး တစ်ပါးသူတို့၏ အများသိအထောက်အထားများကို အာရုံပြောင်းခြင်း သို့မဟုတ် လမ်းကြောင်းလွှဲလိုက်ခြင်းဖြစ်သည်။

    ဘင်္ဂလားဒေ့ရ်ှနိုင်ငံထဲ အသက်လုပြေးခဲ့ရသော ရိုဟင်ဂျာများထံမှ အနုစိပ်ဖြစ်စဉ်များကို CNN နှင့် The Guardian သတင်းစာမှ ဦးဦးဖျားဖျား အရှိအတိုင်း တင်ဆက်ထားပြီးလည်း ဖြစ်သည်။ ထို့ကြောင့် ဤသည်မှာ စနစ်တကျ ပြင်ဆင်ထားသော ပုံသေနည်းတစ်ခုအား အသုံးပြုနေခြင်းဟု ဆိုရပေမည်။

    ယင်းသို့ဖော်ပြခံရသော ရိုဟင်ဂျာတို့၏ အခြေစိုက်ကျေးရွာနှင့် ၎င်းတို့၏မိသားစုများ၊ နီးစပ်သူများထံ လုံခြုံရေးအရာရှိများစေလွှတ်၍ အဆိုပါဖြစ်စဉ်များအပေါ် သံသယ၀င်သွားစေမည့် ဖော်ပြ/ထုတ်ပြန်ချက်များတွင် အဓမ္မ ၀ိုင်းရံ လက်မှတ်ရေးထိုးစေလျက်ရှိနေသည်။

    နိုင်ငံများစွာအနက် ဗြိတိန်နိုင်ငံက ဒေါ်အောင်ဆန်းစုကြည်အား သံသယအကျိုးခံစားခွင့်ကို ပေးလျက်ရှိပါသည်။ မြန်မာနိုင်ငံ၏အာဏာရှင်စနစ်ကို ဖယ်ထုတ်နိုင်ရေးအရွေ့တစ်ခုအပေါ် အပြုသဘောဆောင်ပေးနိုင်ရန်ဖြစ်သည်။

    ချုပ်၍ဆိုရလျှင် ဒေါ်အောင်ဆန်းစုကြည်သည် နိုင်ငံတော်တာဝန်များကို ရယူထားကာစ အခြေအနေဖြစ်နေသေးသည်သာမက စစ်တပ်ကိုသော်လည်းကောင်း ရဲကိုသော်လည်းကောင်း အခြေခံဥပဒေနှင့်အညီ မထိန်းချုပ်နိုင်သေးပေ။

    ရခိုင်ပြည်နယ်တွင်း စစ်တပ်၏စစ်ဆင်ရေးကို ရပ်တန့်အောင် သူမ စွမ်းဆောင်နိုင်ဖွယ် မရှိ။ သူမထံ ချို့ယွင်းချက် မည်သို့ရှိသည်ဖြစ်စေ အကယ်၍ သူမအနေနှင့် ကြိုးစားကြည့်ပါက သူမသည် လက်ရှိမြန်မာနိုင်ငံ၏ အကောင်းဆုံးသော မျှော်လင့်ချက်ဖြစ်လာမည်ဟု အားလုံးက ထောက်ခံကြမည်မှာ အမှန်ပင်။

    ဒေါ်အောင်ဆန်းစုကြည်မှ တို့မီးရှို့မီးမိုင်းတိုက်နေမှုများအား ရပ်တန့်အာင် မပြုလုပ်နိုင်ခြင်းသည်လည်း ပြဿနာတစ်ခု ဖြစ်နေ၏။

    သူမ ကိုင်တွယ်ထားသည့် ၀န်ကြီးများ၊ သူမမှ တိုက်ရိုက်ခန့်အပ်ထားသည့် အာဏာပိုင်အရာရှိများမှာ မျှော်လင့်ချက်မဲ့ပြည်သူတို့၏ အရေးအရာများကို အလေးမထားကြသည့်အပြင် ဗမာစစ်တပ်၏ငြင်းဆိုချက်များအပေါ်သာ ထပ်ဖန်တလဲလဲ အတည်ပြုပေးနေကြပေသည်။ ထိုစစ်တပ်သည် မြန်မာနိုင်ငံ၏ လူနည်းစုဝင်တိုင်းရင်းသားအုပ်စုများစွာမှ အမျိုးသမီးတို့ကို မုဒိမ်းမှုကျူးလွန်ခဲ့ကြသော၊ တိုင်းရင်းသားကျေးရွာများကို အစဉ်တစိုက် မီးရှို့မြေချခဲ့သော ကြောက်စရာမှတ်တမ်းများ ရှိနေပါသည်။

    နိုင်ငံတကာဖိအားများကြောင့် ဒေါ်အောင်ဆန်းစုကြည်သည် စုံစမ်းရေးကော်မရှင်တစ်ရပ်ကို ဖွဲ့စည်းခဲ့သည်။ ထိုကော်မရှင်၏ အစီရင်ခံစာမှာ မကြာမီရက်အနည်းငယ်အတွင်း ထွက်ရှိလာရပေတော့မည်။ သို့ရာတွင် ၎င်းအဖွဲ့အား ဒုတိယသမ္မတ ဦးမြင့်ဆွေက ဦးဆောင်ထား၏။ သူသည်ကား ဗိုလ်ချုပ်ဟောင်းတစ်ဦးဖြစ်ပြီး အမှန်တရားကို ဖုံးကွယ်၍ ဗလောင်းဗလဲ ပြုလုပ်တတ်သူ ဖြစ်နေပေသည်။

    သို့ဖြစ်၍ ရခိုင်ပြည်နယ်မြောက်ပိုင်း ဖြစ်ပျက်ခဲ့မှု၏ အမှန်တရားမှာ အဖြစ်မှန်အတိုင်း ပေါ်ပေါက်သိမြင်ရန် အဘယ်ကဲ့သို့ ဖြစ်နိုင်ပါတော့မည်နည်း။

    (မြန်မာနိုင်ငံဆိုင်ရာ BBC သတင်းထောက် Jonah Fisher ရေးသားသော Myanmar’s Rohingya: Truth, lies and Aung San Suu Kyi ဝေဖန်ချက်သတင်းဆောင်းပါးကို မြင့်မိုရ်မောင်မောင် မှ ဆီလျော်အောင် ပြန်ဆိုရေးသားသည်။)

  • သူမနှင့် တွေ့ဆုံသူများ လက်တုန့်ပြန်ခံရမည့်အရေး စိုးရိမ်မိသည်ဟု ယန်ဟီးလီပြော

    သူမနှင့် တွေ့ဆုံသူများ လက်တုန့်ပြန်ခံရမည့်အရေး စိုးရိမ်မိသည်ဟု ယန်ဟီးလီပြော

    ဇန်န၀ါရီ ၂၅၊ ၂၀၁၇
    M-Media

    – မြန်မာနိုင်ငံသို့ ဇန်န၀ါရီ ၉ ရက်နေ့မှ ၂၁ ရက်နေ့အထိ လာရောက်မှုအတွင်း တွေ့ဆုံခဲ့သူများအပေါ် ဖြစ်လာနိုင်သည့် ပြန်လည်လက်တုန့်ပြန်မှုများအတွက် စိုးရိမ်မိသည်ဟု မြန်မာနိုင်ငံ၏ လူ့အခွင့်အရေးဆိုင်ရာ အထူးကိုယ်စားလှယ် ယန်ဟီးလီက ယနေ့တွင် ပြောကြားလိုက်သည်။

    “လာရောက်လည်ပတ်စဉ်အတွင်းမှာ ကျွန်မစိတ်ထဲ စွဲနေတဲ့ စကားလုံးတစ်လုံး ရှိပါတယ်။ ဒါက ‘လက်တုန့်ပြန်မှု’ ဆိုတာပါပဲ။ ကျွန်မနဲ့တွေ့ပြီး စကားပြောခဲ့တဲ့သူတွေ၊ အစိုးရကို ဝေဖန်ခဲ့တဲ့သူတွေ၊ အခြားသူတွေရဲ့ အခွင့်အရေးတွေအတွက် ကာကွယ်ပေးသူတွေ၊ လုပ်ပေးနေသူတွေ၊ အာဏာပါဝါရှိသူတွေရဲ့ ပြောဆိုမှုတွေနဲ့ တစ်ခြားစီဖြစ်နေတဲ့ ယူဆချက်တွေ၊ ခံစားချက်တွေကို ပြောပြတဲ့သူတွေနဲ့ပတ်သက်ပြီး ကျွန်မ အလွန်အမင်း စိုးရိမ်မိပါတယ်” ဟု ယန်ဟီးလီက ပြောကြားခဲ့သည်။

    ထို့ပြင် ရခိုင်ပြည်နယ်မြောက်ပိုင်း မောင်တောမြို့နယ်ရှိ ရွာများတွင် လုံခြုံရေးတပ်ဖွဲ့များက ပြုလုပ်နေသည့် အကြမ်းဖက်တိုက်ဖျက်မှု စစ်ဆင်ရေးတွင် အနည်းငယ် ငြိမ်သက်သွားပြီးနောက်ပိုင်း မိမိ သွားရောက်လည်ပတ်ခဲ့သည့် နေရာအနီး အပါအ၀င် ကျေးရွာအများအပြားတွင် စီးနင်းဖမ်းဆီးမှုများ ပြုလုပ်နေသည်ဆိုသည့် သတင်းများကို ကြားရခြင်းမှာ စိုးရိမ်စရာဖြစ်ကြောင်း အထူးကိုယ်စားလှယ်က ပြောကြားခဲ့သည်။

    ယခုနောက်ဆုံး ထွက်ပေါ်လာသည့် အဆိုပါ စီးနင်းမှုများတွင် တရားလက်လွတ်ဖမ်းဆီးခြင်း၊ ထိန်းသိမ်းခြင်းတို့ ရှိသည်ဟု သတင်းများ ထွက်ပေါ်ခဲ့သည်။

    ၁၂ ရက်ကြာ မြန်မာနိုင်ငံခရီးစဉ်အတွင်း ကုလအထူးကိုယ်စားလှယ်မှာ ရခိုင်ပြည်နယ်တွင် အောက်တိုဘာ ၉ ရက်နေ့က နယ်ခြားစောင့်စခန်းများ အကြမ်းဖက်တိုက်ခိုက်ခံရသည့် ဒေသ၊ ကချင်ပြည်နယ်တွင် မြစ်ကြီးနားမြို့၊ မွန်ပြည်နယ်တွင် အလုပ်ကြမ်းစခန်းတို့ကို သွားရောက်ခဲ့သည်။ ကချင်ပြည်နယ်ရှိ လိုင်ဇာနှင့် ဖားကန့်ဒေသများသို့ သွားရောက်ရန် တောင်းဆိုမှုအား မြန်မာအစိုးက လုံခြုံရေးအကြောင်းပြချက်ဖြင့် ခွင့်မပြုခဲ့ပေ။

    ခရီးစဉ်ပြီးဆုံးပြီးနောက် သတင်းစာရှင်းလင်းပွဲတွင် ယန်ဟီးလီမှာ ကချင်ပြည်နယ်နှင့် ရခိုင်ပြည်နယ်တွင် အစိုးရစစ်တပ်၏ လွန်လွန်ကျူးကျူးတုန့်ပြန်မှုများအတွက် ရှုတ်ချခဲ့သည်။

    ယခုခရီးစဉ်နှင့်ပတ်သက်သည့် အစီရင်ခံစာကို ကုလသမဂ္ဂ လူ့အခွင့်အရေးကောင်စီသို့ ၂၀၁၇ ခုနှစ် မတ်လတွင်တင်သွင်းမည် ဖြစ်သည်။

    Ref: OHCHR.org

  • မလေးရှား အကူအညီပေးရေး သင်္ဘောအုပ်စု ရန်ကုန်တွင် ဆိုက်ကပ်မည်

    မလေးရှား အကူအညီပေးရေး သင်္ဘောအုပ်စု ရန်ကုန်တွင် ဆိုက်ကပ်မည်

    ဇန်န၀ါရီ ၂၅၊ ၂၀၁၇
    M-Media

    – ရခိုင်ပြည်နယ်တွင် လူသားချင်းစာနာထောက်ထားမှုဆိုင်ရာ အကူအညီများ ပေးရန် လာရောက်မည့် မလေးရှားမှ သင်္ဘောများမှာ မြန်မာအစိုးရ၏ ညွှန်ကြားချက်အတိုင်း ရန်ကုန်တွင် ဆိုက်ကပ်သွားမည်ဟု သိရသည်။

    Food Flotilla သင်္ဘောအုပ်စုမှာ ယခင်က စစ်တွေမြို့တွင် ဆိုက်ကပ်ချင်သော်လည်း မြန်မာအစိုးရက ခွင့်မပြုဘဲ ရန်ကုန်တွင်သာ ဆိုက်ကပ်ရန် ပြောကြားခဲ့သည်။

    အဆိုပါ အကူအညီပေးရေး အစီအစဉ်ကို မလေးရှား အစ္စလာမ်အသင်းအဖွဲ့များဆိုင်ရာ အကြံပေးကောင်စီ (Mapim)၊ Kelab Putra 1Malaysia (KP1M)၊ Turkey Diyanet Vakfi (TDV) နှင့် အာဆီယံဒေသတွင်းမှ အန်ဂျီအို ညွန့်ပေါင်းအဖွဲ့တို့က စီစဉ်ခြင်းဖြစ်သည်။

    “ကျွန်တော်တို့ကို ရန်ကုန်မှာ ဆိုက်ကပ်ခွင့်ပေးတယ်။ ရည်ရွယ်ထားတဲ့ ဦးတည်အုပ်စုတွေကို အကူအညီတွေ ဘယ်လိုပေးပို့မလဲဆိုတာကို သေသေချာချာ ဆွေးနွေးရမှာပါ။ မြန်မာအစိုးရကတော့ သူတို့ ဝေပေးမယ်လို့ ပြောပါတယ်။ ဒါပေမယ့် ကျွန်တော်တို့ ဒါကို သိပ်မကြိုက်ပါဘူး။ အဓိကအချက်က သူတို့ရဲ့ ရေပိုင်နက်ကို ၀င်ရောက်ခွင့်ပေးလိုက်တာပါ။ ဒါ့ကြောင့် ရန်ကုန်ရောက်မှ ကျွန်တော်တို့ စကားပြောမှာပါ” ဟု Mapim မှ ဥက္ကဌ မိုဟာမက် အဇ်မီ အဘ်ဒူလ် ဟာမစ်က ပြောကြားခဲ့သည်။

    ထို့ပြင် မြန်မာနိုင်ငံ၏ ဆုံးဖြတ်ချက်ကို လေးစားသည့်အနေဖြင့် ရန်ကုန်တွင်သာ သင်္ဘောများ ဆိုက်ကပ်သွားမည်ဟု ၎င်းက ဆိုသည်။

    မြန်မာအစိုးရမှာ အကူအညီများကို ကုန်းကြောင်းမှတစ်ဆင့် ပေးပို့ချင်နေသည်။

    “ဒုက္ခသည်စခန်းတွေကို အကူအညီ ဖြန့်ဖြူးပေးတာမှာ ကျွန်တော်တို့ ကြည့်လို့ရဖို့ တောင်းဆိုထားပါတယ်။ ဒီကိစ္စက ဆွေးနွေးညှိနှိုင်းနေတုန်းပါပဲ”

    ထို့ပြင် မြန်မာအစိုးရမှာ ထိခိုက်ခံစားရသည့် အခြားလူ့အဖွဲ့အစည်းများကိုလည်း ပေးအပ်ရန် တောင်းဆိုခဲ့သည်ဟု ဆိုသည်။

    “ဒါက ကိစ္စမရှိဘူးဗျ။ ကျွန်တော်တို့က ထိခိုက်ခံစားရတဲ့သူအားလုံးကို အကူအညီ ပေးချင်တာပါ”

    အဆိုပါ အကူအညီပေးရေး သင်္ဘောအုပ်စုမှာ ရန်ကုန်မြို့တွင် ဆိုက်ကပ်ပြီးနောက် မြန်မာနယ်စပ်တွင်ရှိသည့် ဘင်္ဂလားဒေ့ရ်ှမြို့ တက်နဖ်သို့ သွားရောက်မည်ဟုလည်း မိုဟာမက် အဇ်မီက ပြောကြားခဲ့သည်။

    သင်္ဘောများတွင် ဆန်၊ ဆေးဝါးနှင့် ဒုက္ခသည်များအတွက် အရေးပါသည့် အခြေားပစ္စည်း စုစုပေါင်း တန် ၁၀၀၀ ကျော်ကို တင်ဆောင်လာမည်ဖြစ်ပြီး ဖေဖော်ဝါရီ ၃ ရက်နေ့တွင် ကလန်းဆိပ်ကမ်းမှ ထွက်ခွာမည်ဖြစ်သည်။

    Ref: The Star

  • မြန်မာနိုင်ငံတစ်ဝှမ်း အစိုးရစစ်တပ်၏ လုပ်ရပ်များကို ကုလအထူးကိုယ်စားလှယ် ရှုတ်ချ

    မြန်မာနိုင်ငံတစ်ဝှမ်း အစိုးရစစ်တပ်၏ လုပ်ရပ်များကို ကုလအထူးကိုယ်စားလှယ် ရှုတ်ချ

    ဇန်န၀ါရီ ၂၁၊ ၂၀၁၇
    M-Media

    – နိုင်ငံမြောက်ပိုင်းရှိ ကချင်ပြည်နယ်တွင် တိုက်ခိုက်နေမှုများ၊ နိုင်ငံမြောက်ပိုင်းမှ ရိုဟင်ဂျာမွတ်စလင်များအပေါ် ညှင်းပမ်းမှုများ အပါအ၀င် နိုင်ငံ၏ ပြဿနာများတွင် အစိုးရက လွန်လွန်ကျူးကျူးတုန့်ပြန်မှုများအတွက် မြန်မာနိုင်ငံ၏ လူ့အခွင့်အရေးဆိုင်ရာ ကုလသမဂ္ဂ အထူးကိုယ်စားလှယ် ယန်ဟီးလီက ရှုတ်ချလိုက်သည်။

    “ဒီပြဿနာအားလုံးကို အစိုးရရဲ့ လက်ရှိတုန့်ပြန်မှုက ကာကွယ်မယ်၊ ပယ်ချမယ်၊ ခံငြင်းမယ် ဆိုတဲ့ ပုံစံပါပဲ။ ဒီလို တုန့်ပြန်မှုဟာ ဆန့်ကျင်ဖက်ရလဒ် ထွက်စေတာသာမက မြန်မာနိုင်ငံက ရရှိထားတဲ့ မျှော်လင့်ချက်ကိုလည်း ပျောက်ကွယ်သွားစေမှာပါ” ဟု ယန်ဟီးလီက ပြောကြားခဲ့ပြီး အဆိုပါလားရာကို ပြန်လည်တည့်မတ်ရန် အလွန်နောက်မကျသေးဟုလည်း ဆိုသည်။

    ယန်းဟီးလီ၏ ၁၂ ရက်ကြာ မြန်မာနိုင်ငံခရီးစဉ်မှာ သောကြာနေ့က အဆုံးသတ်ခဲ့ပြီး ထိုခရီးစဉ်အတွင်း ရခိုင်ပြည်နယ်သို့ သွားရောက်ခဲ့သော်လည်း တိုက်ပွဲများဖြစ်ပွားရာ ကချင်ပြည်နယ်သို့ သွားရောက်ခွင့် မရခဲ့ပေ။ လီကမူ ကချင်ပြည်နယ်တွင် အခြေအနေ ဆိုးရွားလာသည်ကို ထင်ထင်ရှားရှား မြင်နေရပြီး ထိုဒေသတွင် နေထိုင်သည့် ပြည်သူများကလည်း အခြေအနေမှာ ပြီးခဲ့သည့်နှစ်များကထက် ပိုမိုဆိုးရွားလာခဲ့ကြောင်း ပြောကြားမှုရှိခဲ့သည်ဟု ဆိုသည်။

    သူမမှာ ရခိုင်ပြည်နယ်တွင် အစိုးရစစ်တပ်၏ လုပ်ရပ်များကိုလည်း ဝေဖန်ခဲ့ပြီး၊ စစ်တပ်က ဆောင်ရွက်နေသည့် စစ်ဆင်ရေးများတွင် ရိုဟင်ဂျာများ၏ အခွင့်အရေးများနှင့် ဂုဏ်သိက္ခာတို့ကို အလေးထားပုံမရဟုလည်း ပြောကြားခဲ့သည်။ ရခိုင်မြောက်ပိုင်းတွင် အစိုးရစစ်တပ်က ပြုလုပ်နေသော စစ်ဆင်ရေးများကြောင့် ရိုဟင်ဂျာပြည်သူ ၆၅၀၀၀ ခန့်မှာ ဘင်္ဂလားဒေ့ရ်ှနိုင်ငံသို့ ဖြတ်ကျော်ထွက်ပြေးရသည်ဟု သတင်းများက ဖော်ပြကြသည်။

    လူ့အခွင့်အရေးအဖွဲ့များနှင့် ရိုဟင်ဂျာအရေး တက်ကြွလှုပ်ရှားသူများက ရိုဟင်ဂျာများ၏ နေအိမ်ပေါင်း ၁၀၀၀ ကျော်မှာ မီးရှို့ ဖျက်ဆီးခြင်း ခံခဲ့ရသည်ဟု စွပ်စွဲပြောကြားထားသည်။ ထိုကဲ့သို့ မီးလောင်မှုမှာ ယိုင်နဲ့နဲ့အိမ်များနေရာတွင် ပိုမိုကောင်းမွန်သည့်အိမ်များ ဆောက်လုပ်ရန် နိုင်ငံတကာ၏ အကူအညီကို မျှော်ကိုး၍ ရိုဟင်ဂျာဒေသခံများမှာ ၎င်းတို့၏ အိမ်ကို ၎င်းတို့ကိုယ်တိုင် မီးရှို့ခြင်းဖြစ်သည်ဟု အစိုးရက မိမိကို ပြောကြားခဲ့ကြောင်း လီက ဖွင့်ဟခဲ့သည်။

    “ဒီပြောကြားမှုအတွက် အာဏာပိုင်တွေက အထောက်အထား ဘာမှ မပေးပါဘူး။ ဒီစောဒကဟာ ယုံကြည်လောက်စရာ မရှိဘူးဆိုတာကို ကျွန်မ တွေ့ခဲ့ရပါတယ်” ဟု ကုလအထူးကိုယ်စားလှယ်က ပြောကြားခဲ့သည်။

    အစိုးရအနေဖြင့် ရခိုင်ပြည်နယ်အတွင်းရှိ လုံခြုံရေးတပ်ဖွဲ့များအား တိုက်ခိုက်မှုများကို အကြောင်းပြ၍မရဘဲ ထိုတိုက်ခိုက်မှုများမှာ ‘ရိုဟင်ဂျာလူ့အဖွဲ့အစည်းအပေါ် ဆယ်စုနှစ်များစွာ စနစ်ကျနှင့် အခြေခံကျကျ ခွဲခြားဆက်ဆံမှု အကြောင်းအရင်းကြောင့် ဖြစ်ပေါ်လာခြင်းဖြစ်ကြောင်း၊ မျှော်လင့်ချက်ကင်းမဲ့နေသူများအနေဖြင့် မျှော်လင့်ချက်မဲ့သော အလုပ်များကို လုပ်ခြင်းဖြစ်ကြောင်း’ လီက ထပ်လောင်း ပြောကြားခဲ့သည်။

    ယန်းဟီးလီမှာ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ အခြားသော ၀န်ကြီးများနှင့် တွေ့ဆုံခဲ့ပြီး၊ ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်က တွေ့ဆုံရန် ငြင်းဆန်ခဲ့သည်။

    ၎င်းနှင့် စကားပြောခဲ့သူ၊ ပြောချင်သူ အရပ်သားများ လက်တုန့်ပြန်ခြင်းခံရနိုင်သည်ဆိုသည့် စိုးရိမ်မှုများ မိမိတွင်ရှိနေပြီး၊ ရိုးရိုးသားသား၊ မှန်မှန်ကန်ကန် ပြောခဲ့သူများ လက်တုန့်ပြန်မခံရစေရန် ဆောင်ရွက်ရေး အာဏာပိုင်းများအား တိုက်တွန်းခဲ့သည်ဟု ကုလအထူးကိုယ်စားလှယ်က ပြောကြားခဲ့သည်။

    “စိတ်ပူတာက ‘ဒီတွေ့ဆုံမှုပြီးရင် ကျွန်တော် ဘာဖြစ်မလဲမသိဘူး’ လို့ ကျွန်မနဲ့ တွေ့တဲ့သူတွေ တော်တော်များများက ပြောကြတာပါ။ တစ်ကြိမ်မှာ လူတစ်ယောက်က ဒီစကားပြောဆိုမှုပြီးရင် သူတို့ အဖမ်းခံရမယ်လို့ထင်တယ်လို့ ကျွန်မကို ဒဲ့ပဲပြောပါတယ်။ လူ့အဖွဲ့အစည်းနှစ်ခု တစ်ဖက်စီ သီးခြားနေထိုင်တဲ့ နောက်တစ်ရွာမှာဆိုရင် ကျွန်မက ကျွန်မနဲ့စကားပြောတဲ့သူတွေအဆင်ပြေပါ့မလားလို့ မေးခဲ့ပါတယ်။ အဲဒီအချိန်မှာ ‘ကျွန်တော်ကြောက်တယ်။ အမှန်ပြောလို့ရမှာမဟုတ်ဘူး’ လို့ ပြန်ဖြေတာ ကြားခဲ့ရပါတယ်”

    Ref: New York Times