Tag: SaudiArabia

စက်တင်ဘာ ၁၀၊ ၂၀၁၉
M-Media

-အစ္စတန်ဘူလ်က ဆော်ဒီကောင်စစ်ဝန်ရုံးမှာ ဆော်ဒီဂျာနယ်လစ် ဂျမားလ် ကာရှိုဂျီ အသတ်ခံရမှုအသံမှတ်တမ်းပါ ပြောစကားအပြည့်အစုံကို တူရကီသတင်းစာ Daily Sabah က မနေ့မှာ ရေးသားထုတ်ပြန်လိုက်ပါတယ်။

တူရကီ ထောက်လှမ်းရေးအဖွဲ့ထံကနေ ရရှိခဲ့တဲ့ အဲဒီအသံမှတ်တမ်းမှာ ၂၀၁၈ ခုနှစ် အောက်တိုဘာ ၂ ရက်နေ့က ကာရှိုဂျီ ကောင်စစ်ဝန်ရုံးထဲ ၀င်သွားတဲ့အချိန်ကနေ၊ အသတ်ခံရပြီး ခန္ဓာကိုယ်အစိတ်အပိုင်းတွေကို တစ်စစီ ဖြတ်တောက်ကာ အလောင်းဖျောက်တဲ့အချိန်အထိ အသံမှတ်တမ်းတွေ ပါဝင်ပါတယ်။

ဝါရှင်တန်ပို့စ်သတင်းထောက်ဖြစ်တဲ့ ကာရှိုဂျီဟာ ဆော်ဒီအစိုးရနဲ့ တော်ဝင်မိသားစုကို ဝေဖန်ရေးသားလေ့ရှိသူ ဖြစ်ပါတယ်။ အသတ်ခံရမယ့်နေ့က ကာရှိုဂျီဟာ လက်ထပ်ဖို့ လိုအပ်တဲ့ အထောက်အထားတွေကို ကောင်စစ်ဝန်ရုံးမှာ သွားယူခဲ့တာပါ။

ရုံးထဲကိုဝင်ဝင်ခြင်း အရင်က သူနဲ့ရင်းနှီးနေတဲ့ လူတစ်ဦးက နှုတ်ဆက်ခဲ့ပြီး အခန်းတစ်ခုထဲ ဆွဲသွင်းခဲ့ပါတယ်။ အဲဒီနောက် ဆော်ဒီ အိမ်ရှေ့မင်းသား မိုဟာမက် ဘင် ဆလ်မန်ရဲ့ သက်တော်စောင့် ဆော်ဒီ ထောက်လှမ်းရေးတာဝန်ရှိသူ မာဟီရ် အဘ်ဒူလ် အဇစ် မူသ်ရဘ်က နိုင်ငံတကာ ရဲတပ်ဖွဲ့ အင်တာပိုက အမိန့်ထွက်ထားတာကြောင့် ဆော်ဒီကို ပြန်ခေါ်သွားရမယ်လို့ ကာရှိုဂျီကို ပြောခဲ့ပါတယ်။

ကာရှိုဂျီက ဒီပြောကြားမှုကိုလက်မခံဘဲ အပြန်အလှန် အချေအတင်ပြောဆိုခဲ့ကြပါတယ်။ မသတ်ခင် နောက်ဆုံး ၁၀ မိနစ်မှာ မူသ်ရဘ်က ဆက်သွယ်လို့မရရင် စိတ်မပူဖို့ပြောတဲ့ စာတိုတစ်စောင် သားဖြစ်သူထံ ပို့ဖို့ ကာရှုဂျီကို ပြောခဲ့ပြီး ကာရှိုဂျီက ဒီပြောကြားမှုကိုလည်း လက်မခံပါဘူး။

“မစ္စတာ ဂျမာလ်း – ရေးစမ်းပါ။ မြန်မြန်လုပ်။ ကျွန်တော်တို့ကို ခင်ဗျားကူညီမှ ကျွန်တော်တို့လည်း
ခင်ဗျားကို ကူညီနိုင်မှာ။ နောက်ဆုံးမှာ ခင်ဗျားကို ဆော်ဒီခေါ်သွားရမှာ။ ခင်ဗျားကျွန်တော်တို့ကို
မကူညီရင် အဆုံးသတ်မှာ ဘာဖြစ်မလဲဆိုတာ ခင်ဗျားလည်း သိမှာပါ” လို့ မူသ်ရဘ်က ခြိမ်းခြောက်ခဲ့ကြောင်း အသံမှတ်တမ်းမှာ ကြားရပါတယ်။

အဲဒီနောက် ကာရှိုဂျီရဲ့ ဦးခေါင်းကို ပလက်စတစ်အိတ်စွပ်ပြီး အသက်ရှုကြပ်အောင်လုပ်ကာ သတ်ဖြတ်ခဲ့ပါတယ်။

ကာရှိုဂျီရဲ့ နောက်ဆုံးစကားလုံးက “ငါ့မှာ ပန်းနာရင်ကြပ်ရှိတယ်။ မလုပ်ပါနဲ့။ မင်းတို့ ငါ့ကို အသက်ရှူကြပ်အောင် လုပ်နေတာ” ဖြစ်တယ်လို့လည်း Daily Sabah မှာ ရေးသားဖော်ပြထားပါတယ်။

သတ်ဖြတ်ပြီးတဲ့နောက် ခန္ဓာကိုယ်ကို အပိုင်းပိုင်းတစ်ခဲ့ပြီး အဲဒီအသံတွေကိုလည်း အသံမှတ်တမ်းမှာ ကြားခဲ့ရပါတယ်။

ကြိုတင်ကြံရွယ်သတ်ဖြတ်မှု

ကာရှိုဂျီပျောက်ဆုံးသွားတဲ့သတင်း ထွက်လာပြီးတဲ့နောက် တူရကီအစိုးရက ကာရှိုဂျီဟာ ကောင်စစ်ဝန်ရုံးထဲမှာပဲ အသတ်ခံလိုက်ရတယ်လို့ ပြောကြားခဲ့ပါတယ်။

ဆော်ဒီက ဒီပြောကြားမှုကို ပထမပိုင်းမှာငြင်းဆိုခဲ့ပြီး နောက်ပိုင်းမှာတော့ ၀န်ခံခဲ့ပါတယ်။ ၀န်ထမ်းတွေနဲ့စကားများရာကနေ လက်လွန်ပြီးသတ်ဖြတ်လိုက်တာလို့ ဆိုပါတယ်။

တူရကီက ဒီသတ်ဖြတ်မှုဟာ ဆော်ဒီအစိုးရက စီစဉ်ကျူးလွန်တဲ့ သတ်ဖြတ်မှု ဖြစ်တယ်လို့ ပြောကြားခဲ့ပြီး၊ အမေရိကန်ထောက်လှမ်းရေးအဖွဲ့ CIA ကလည်း အိမ်ရှေ့မင်းသား ဘင် ဆလ်မန်ကိုယ်တိုင် အမိန့်ပေးသတ်ခိုင်းတာလို့ ကောက်ချက်ချခဲ့ပါတယ်။ ဒီပြောကြားမှုတွေကို ဆော်ဒီဖက်က ငြင်းဆိုပါတယ်။

ကာရှိုဂျီရဲ့ အလောင်းကို အခုအချိန်အထိ မတွေ့သေးပါဘူး။ တူရကီထောက်လှမ်းရေးက အလောင်းကို အပိုင်းပိုင်းတစ်ပြီး ကောင်စစ်ဝန်ရုံးရဲ့နေအိမ်မှာ အက်စစ်ဖျော ဖျောက်ဖျက်လိုက်တယ်လို့ ထုတ်ပြန်ထားပါတယ်။

ကာရှိုဂျီသတ်ဖြတ်ခံရမှုအတွက် ၁၁ ဦးကို လူသတ်မှုနဲ့ တရားစွဲဆိုထားပြီး အဲဒီအထဲက ၅ ဦးဟာ သေဒဏ်ချမှတ်ခံရဖွယ်ရှိတယ်လို့ ဆော်ဒီအစိုးရက ဆိုပါတယ်။

Ref: Aljazeera

ဇူလိုင် ၂၊ ၂၀၁၉
M-Media

-အမျိုးသမီးတွေ နိုင်ငံရပ်ခြားကို ခရီးသွားရင် အမျိုးသားအုပ်ထိန်းသူ ပါဝင်မှ ခွင့်ပြုတဲ့စနစ်ကို
ဖျက်သိမ်းကြောင်း ဆော်ဒီအာရေဗျအစိုးရက မနေ့မှာ ကြေငြာလိုက်ပြီး ရှေးရိုးစွဲ ဆော်ဒီမှာ အမျိုးသမီးအခွင့်အရေးနဲ့ပတ်သက်တဲ့ နောက်ထပ် ပြုပြင်ပြောင်းလဲမှုတစ်ခု ဖြစ်ပါတယ်။

ဆော်ဒီဟာ အရင်က အမျိုးသမီးတွေကားမောင်းခွင့် ပိတ်ပင်တဲ့ ကမ္ဘ္ဘာ့တစ်ခုတည်းသောနိုင်ငံ ဖြစ်ခဲ့ပြီး ပြီးခဲ့တဲ့နှစ်မှာ ဒီပိတ်ပင်မှုကို ဖယ်ရှားပေးခဲ့ပါတယ်။

ခရီးသွားရင် အမျိုးသားအုပ်ထိန်းသူ ပါဝင်ရမယ်ဆိုတဲ့ ကန့်သတ်ချက် ဖယ်ရှားပေးမှုကို အမေရိကန်နိုင်ငံဆိုင်ရာ ဆော်ဒီသံအမတ် ရီမာ ဘန်ဒါ အလ်-ဆာအွဒ်ကလည်း အတည်ပြုခဲ့ပါတယ်။

“ဒါဟာ သမိုင်းသစ်ရေးရာမှာ ပါဝင်လာမယ့် စည်းမျဉ်းတွေ ဖြစ်ပါတယ်။ ကျွန်မတို့ လူ့အဖွဲ့အစည်းမှာ အမျိုးသားနဲ့ အမျိုးသမီးတွေအပေါ် တန်းတူဆက်ဆံဖို့ တိုက်တွန်းဆော်သြလေ့ရှိကြတယ်။ အချိန်အတော်ကြာခဲ့ပြီးတဲ့နောက် အခုလို ဖြစ်ပေါ်တိုးတက်မှုတွေ ရှိလာပါပြီ” လို့ ရီမာက သူမရဲ့ ဆိုရှယ်မီဒီယာမှာ ရေးသားခဲ့ပါတယ်။

ရီမာဟာ ဆော်ဒီရဲ့ ပထမဆုံး အမျိုးသမီး သံအမတ်လည်း ဖြစ်ပါတယ်။

အမျိုးသားအုပ်ထိန်းသူ လိုအပ်မှု ပယ်ဖျက်တဲ့အမိန့်ဟာ ဘယ်အချိန်မှာ အသက်ဝင်မလဲဆိုတာတိတိကျကျ မသိရသေးပါဘူး။

အရင်က ဆော်ဒီအမျိုးသမီးတွေဟာ ခရီးသွားရင် ဖခင်၊ ခင်ပွန်း၊ သား ဒါမှမဟုတ် ဆွေမျိုးနီးစပ်ထဲက အမျိုးသားတစ်ဦးဦး အဖော်ပါမှသာ သွားခွင့်ရတာဖြစ်ပြီး၊ အခု ပြုပြင်ပြောင်းလဲမှုက ဒီစနစ်ကို အဆုံးသတ်စေမှာ ဖြစ်ပါတယ်။

ဆော်ဒီအစိုးရသတင်းစာတွေကလည်း အသက် ၂၁ နှစ်ပြည့် နိုင်ငံကူးလက်မှတ် လျှောက်ထားတဲ့ အမျိုးသမီးတိုင်းကို ထုတ်ပေးသွားမှာဖြစ်ပြီး၊ ခရီးသွားရာမှာလည်း အမျိုးသား အုပ်ထိန်းသူ ပါစရာမလိုတော့ဘူးလို့ ရေးသား ဖော်ပြခဲ့ကြပါတယ်။

ဆော်ဒီနိုင်ငံသားတွေနဲ့ လူ့အခွင့်အရေး လှုပ်ရှားသူတွေကတော့ ဒီဥပဒေသစ်ကို ကြိုဆိုကြောင်း ဆိုရှယ်မီဒီယာတွေမှာ ရေးသားဖော်ပြနေကြပါတယ်။

Ref: Aljazeera