Tag: ShortNews

အောက်တိုဘာ ၁၇၊ ပြည်တွင်းနှင့် နိုင်ငံတကာ သတင်းတို

အောက်တိုဘာ ၁၇၊ ၂၀၁၃
M-Media

လက်ပံတောင်းစီမံကိန်း မိုင်းဒဏ်ကြောင့် လယ်တီဆရာတော် သိမ်ပျက်ဆီးမည့် အခြေအနေနှင့်ကြုံတွေ့နေရ

လက်ပံတောင်း ကြေးနီစီမံကိန်း စုံစမ်းစစ်ဆေးရေးအစီရင်ခံစာတွင် သိမ်နှင့် သာသနိက အဆောက်အအုံများကို မပျက်စီးစေပဲ ရွှေ့ပြောင်းပြီးမှသာ စီမံကိန်းအား ဆက်လုပ်ရမည်ဟု ပါရှိသော်လည်း လိုက်နာမှုမရှိသည့်အတွက် ဒေသခံတို့၏ အသံများအား စုံစမ်းစစ်ဆေးရေးအဖွဲ့အနေဖြင့် နားထောင်သင့်ကြောင်းနှင့် စီမံကိန်းမှ
မိုင်းခွဲသည့်ဒဏ်ကြောင့် လယ်တီဆရာတော်ဘုရားကြီး သိမ်ပျက်စီးမည့် အခြေအနေနှင့် ကြုံတွေ့နေရကြောင်း မြန်မာ့ခေတ်သတင်းဌာနမှာ ဖော်ပြထားပါတယ်။
_______________________

မြန်မာ့တပ်မတော်အတွက် အမျိုးသမီးဗိုလ်လောင်းများ ခေါ်ယူမည်

မြန်မာ့တပ်မတော်တွင် တာဝန်ထမ်းဆောင်ရန် အမျိုးသမီးဗိုလ်လောင်းများ ခေါ်ယူမည်ဖြစ်ပြီး တက္ကသိုလ်တစ်ခုခုမှ ဘွဲ့ရပြီးသူများ၊ မဟာဘွဲ့ရပြီးသူများ၊ ပါရဂူဘွဲ့ ရပြီးသူများ အနေဖြင့် ဗိုလ်လောင်းလျှောက်ထားနိုင်ကြောင်း၊ ယခုခေါ်ယူမှုသည် နှစ်ပေါင်း ၅၀-ကျော်အတွင်း ပထမဆုံးအကြိမ် ပြန်လည်ခေါ်ယူမှုဖြစ်ကြောင်း တပ်မတော် စစ်ရေးချုပ် ဒုတိယဗိုလ်ချုပ်ကြီးခင်ဇော်ဦးက ဧရာဝတီသို့ ပြောကြားခဲ့ကြောင်း သိရပါတယ်။

______________________

တိုက်ပွဲများကြောင့် အပစ်ရပ်ရေး ပျက်ပြယ်နိုင်ကြောင်း RCSS သတိပေး

ရှမ်းပြည်နယ် တောင်ပိုင်း ကွန်ဟိန်း မြို့နယ်တွင် ယခုလအတွင်း မြန်မာစစ်တပ်နှင့် ရှမ်းပြည် ပြန်လည် ထူထောင်ရေး ကောင်စီ၊ ရှမ်းပြည် တပ်မတော် တောင်ပိုင်း (RCSS/SSA) တို့အကြား တိုက်ပွဲများ ဖြစ်ပွား နေပြီး တိုက်ပွဲများကြောင့် အစိုးရ ဦးဆောင်ကျင်းပရန် စီစဉ်ထားသည့် တနိုင်ငံလုံး အပစ်အခတ်ရပ်စဲရေး ပျက်ပြယ် သွားနိုင်ကြောင်း RCSS/SSA၏ ပြောခွင့်ရပုဂ္ဂိုလ် ဗိုလ်မှူးစိုင်းလောဝ်ဆိုင်းက ပြောကြောင်းနှင့် ၂၀၁၃-ခု ဇန်န၀ါရီလ ၈-ရက်နေ့ ပြည်ထောင်စုအဆင့် အပစ်ရပ် လက်မှတ်ရေးထိုးပြီးနောက်ပိုင်း တိုက်ပွဲပေါင်း ၁၃၀ ကျော်ဖြစ်ပွားခဲ့ကြောင်း ဧရာဝတီသတင်းဌာနတွင် ဖော်ပြထားချက်မှ သိရှိရပါတယ်။
______________________

နိုင်ငံတော်သမ္မတ ဦးသိန်းစိန် Pew Charitable Trusts မှ Executive Vice President နှင့် အဖွဲ့အား လက်ခံတွေ့ဆုံ

ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးသိန်းစိန် သည် Pew Charitable Trusts မှ Executive Vice President ဖြစ်သူ Mr. Joshua Reichert နှင့်အဖွဲ့အား ယနေ့ နံနက် ၉ နာရီခွဲတွင် နိုင်ငံတော်သမ္မတအိမ်တော်ရှိ ဧည့်ခန်းမဆောင်၌ လက်ခံ တွေ့ဆုံရာတွင် ပတ်ဝန်းကျင်ထိန်းသိမ်းရေး လုပ်ငန်းများ လုပ်ဆောင်ရန် နည်းပညာများနှင့် ငွေကြေး လိုအပ်မှု၊ ထိုသို့ ဆောင်ရွက်ရာတွင် ပြည်သူများ အကျိုးရှိစေမည့် လုပ်ငန်းများကို အလေးထား ဆောင်ရွက်ရန် လိုအပ်မှု၊ ပြည်သူလူထု အကျိုးရှိစေရန် သယံဇာတများ ထုတ်လုပ်မှုကို ရေတို၊ ရေရှည် စီမံချက်များ ရေးဆွဲဆောင်ရွက်ရန် လိုအပ်မှု၊ အဆိုပါ အဖွဲ့အနေဖြင့် မြန်မာနိုင်ငံနှင့် ပူးပေါင်းဆောင်ရွက်ရန် လေ့လာမှုများ ဆက်လက် လုပ်ဆောင်ရွက်မည့် ကိစ္စရပ်များကို ဆွေးနွေးခဲ့ကြကြောင်းနှင့် တွေ့ဆုံပွဲသို့ ပြည်ထောင်စုဝန်ကြီး ဦးဝဏ္ဏမောင်လွင်၊ ဦးမြင့်လှိုင်၊ ဦးအုန်းမြင့်၊ ဦးဝင်းထွန်း၊ ဦးဇေယျာအောင်၊ ဒေါက်တာ ကိုကိုဦးနှင့် တာဝန်ရှိသူများ တက်ရောက်ကြကြောင်း သမ္မတရုံး၏ အင်တာနက် စာမျက်နှာတွင် ဖော်ပြထားပါတယ်။

______________________

ခေတ်သစ်ကျွန်စနစ်တွင် အသက်ရှင်နေရသူ သန်း-၃၀ ခန့်ရှိနေ

ကမ္ဘာ့တစ်ဝန်းရှိ လူပေါင်းသန်း ၃၀ မှာ ခေတ်သစ်ကျွန်စနစ်တွင် အသက်ရှင်နေရပြီး အများစုမှာ လူကုန်ကူးခံရသည့် လိင်အလုပ်သမများနှင့် မတရားခိုင်းစေခြင်းခံရသည့် လုပ်သားများဖြစ်သည်ဟု ကမ္ဘာ့လုံးဆိုင်ရာ ခေတ်သစ် ကျွန်စနစ်နှင့် ပက်သက်သည့် စစ်တမ်းများက ဖော်ပြသည်။

ထိုစစ်တမ်းအား ကျွန်စနစ်ကိုဆန့်ကျင်သည့် Walk Free ဖောင်ဒေးရှင်းမှ ခေတ်သစ်ကျွန်စနစ်တွင် နေထိုင် ရှင်သန် ရမှု၊ ကျွန်အဖြစ် ခိုင်းစေခံရနိုင်သည့်အန္တရာယ်နှင့် တရားမ၀င်လုပ်ငန်းဆောင်တာများအတွက် အစိုးရများ၏ တုံ့ပြန်မှုကို အခြေခံကာ နိုင်ငံပေါင်း ၁၆၂ နိုင်ငံတွင် လေ့လာကောက်ယူခဲ့ခြင်းဖြစ်ပြီး ရလဒ်အား ယမန်နေ့က ထုတ်ပြန်ခဲ့သည်။

အိန္ဒိယ၊ တရုတ်၊ ပါကစ္စတန်၊ နိုက်ဂျီးရီးယား၊ အီသီယိုးပီယား၊ ရုရှား၊ ထိုင်း၊ ကွန်ဂို၊ မြန်မာနှင့် ဘင်္ဂလားဒေရှ့်နိုင်ငံများရှိ ၂၉.၈ သန်းသော ပြည်သူများမှာ ခေတ်သစ်ကျွန်ဘ၀တွင် အသက်ရှင်နေထိုင်ရပြီး ကောက်ယူရရှိခဲ့သည့် လူဦးရေ၏ ၇၆ ရာခိုင်နှုန်းရှိသည်။

ခေတ်သစ်ကျွန်စနစ်တွင် လူကုန်ကူးခြင်း၊ မတရားခိုင်းစေခြင်း၊ အကြွေးဖြင့်သိမ်းခြင်း၊ အဓ္ဓမလက်ထက်ခြင်း၊ ကလေးငယ်များအား ရောင်းချခြင်းနှင့် ခိုင်းစေခြင်းတို့ပါဝင်သည်။
Ref : aljazeera

________________________

အစိုးရအဖွဲ့ ပြန်လည် လည်ပတ်ရန် မူကြမ်းတစ်ခုအား ကန်လွှတ်တော်တွင် အတည်ပြု

အမေရိကန်နိုင်ငံအား အခက်တွေ့စေပြီး ကမ္ဘာ့စီးပွားရေးအား ခြိမ်းခြောက်နေသည့် နိုင်ငံ၏ ဘဏ္ဍာရေးအကြပ်အတည်းကြာရှည်နေမှုကို အဆုံးသတ်ရန် ကြိုးပမ်းမှုတစ်ခုအဖြစ် အမေရိကန်အစိုးရအား ကြုံတွေ့နေရသည့် ဘဏ္ဍာရေးအကြပ်အတည်းအား ရှောင်ရှားနိုင်စေရန် ဥပဒေမူကြမ်းတစ်ခုကို အမေရိကန် အထက်လွှတ်တော်က အတည်ပြုလိုက်ပြီဟုသိရသည်။

ထောက်ခံမဲ ၈၁-မဲ၊ ကန့်ကွက်မဲ ၁၈-မဲနှင့် အတည်ပြုခဲ့သည့် အဆိုပါမူကြမ်းမှာ ယာယီဖြေရှင်းမှုသာဖြစ်ပြီး ဒီမိုကရက်တစ်နှင့် ရီပက်ပလစ်ကန်တို့ကြား သဘောထားကွဲလွဲလျက်ရှိသည့် သုံးငွေ၊ လိုငွေပြဿနာအား အခြေခံကျကျ ဖြေရှင်းနိုင်မည်မဟုတ်ပေ။

ထို့ပြင် ထိုမူကြမ်းအရ ဇန်န၀ါရီ ၁၅-ရက်နေ့အထိသာ အစိုးရအတွက် အသုံးစားရိတ်များကို ချပေးမည်ဖြစ်ပြီး၊ အနည်းဆုံး ဖေဖော်ဝါရီလ ၇-ရက်နေ့အထိ နိုင်ငံတကာကြွေးမြီများကို ပြန်လည်ပေးဆပ်ရန် အစိုးရ၏ ချေးငွေပမာဏကို တိုးမြှင့်ပေးမည်ဖြစ်သည်။
Ref : aljazeera

________________________

NSA နှင့်ပက်သက်၍ စနိုးဒင်၏ ဖော်ထုတ်မှုက ဗြိတိန်၏လုံခြုံရေးအား ထိခိုက်သည်ဟု ဒေးဗစ်ကင်မရွန်းဆို

အမေရိကန်ထောက်လှမ်းရေး အေဂျင်စီ NSA၏ လျို့ဝှက်ချက်များအား အေးဂျင့်ဟောင်း အက်ဒ၀ပ်စနိုးဒင်က Guardian သတင်းစာသို့ ဖွင့်ပြောခဲ့ ခြင်းမှာ ဗြိတိန်၏ အမျိုးသားလုံခြုံရေးကို ထိခိုက်ပျက်စီးစေသည်ဟု ဗြိတိန်ဝန်ကြီးချုပ် ဒေးဗစ်ကင်မရွန်းက ပြောကြားလိုက်သည်။

ယမန်နေ့က အောက်လွှတ်တော်တွင်ပြုလုပ်သည့် အမေးအဖြေကဏ္ဍတွင် ကင်မရွန်းက ပြောကြားလိုက်ခြင်းဖြစ်ပြီး သတင်းစာများအနေဖြင့် မီဒီယာဥပဒေချိုးဖောက်ကာ စနိုးဒင်၏ပြောကြားချက်များအား ဖော်ပြခြင်းရှိမရှိကို စုံစမ်းစစ်ဆေးမှုများပြုလုပ်ရန် ပါလီမန်အမတ်များကို တိုက်တွန်းပြောဆိုသွားခဲ့သည်။

အမေရိကန်ထောက်လှမ်းရေးဌာနနှစ်ခုဖြစ်သည့် NSA နှင့် FBI တို့မှာ တစ်ကမ္ဘာလုံးမှ လူသန်းပေါင်းများစွာတို့၏ ဖုန်းခေါ်ဆိုမှုများနှင့် Facebook, Yahoo, Google, Apple, and Microsoft စသည့် အင်တာနက်ကုမ္ပဏီကြီးများမှ အချက်အလက်များကို စောင့်ကြည့်နေသည်ဟု စီအိုင်အေ အေးဂျင့်ဟောင်းဖြစ်သူ အက်ဒ၀ပ်စနိုးဒင်က လူသိရှင်ကြား ဖော်ထုတ်ခဲ့သည်။
Ref : presstv
________________________

တိုင်ဖုန်းနရီကြောင့် ဗီယက်နမ်တွင် လူ ၉-ဦးသေဆုံး

တိုင်ဖုန်းမုန်တိုင်းများဒဏ်ကို ခံစားနေရသည့် ဗီယက်နမ်ကမ်းရိုးတန်းပြည်နယ်များတွင် ယမန်နေ့အထိ မုန်တိုင်းကြောင့် အနည်းဆုံး လူ ၉-ဦးသေဆုံးခဲ့ပြီး ၆-ဦး ပျောက်ဆုံး ကာ ၇၆-ဦးမှာဒဏ်ရာရရှိခဲ့သည်ဟု ရေကြီးမှုနှင့် မုန်တိုင်းကာကွယ် တားဆီးရေး ဗဟိုကော်မတီက ယနေ့တွင် သတင်းထုတ်ပြန်လိုက်သည်။

နရီအမည်ရသည့် အဆိုပါ တိုင်ဖုန်းမုန်တိုင်းဒဏ်ကို Thua Thien-Hue၊ Da Nang၊ Quang Namနှင့် Quang Ngai ပြည်နယ်များက အဓိကခံစားခဲ့ရပြီး လူနေအိမ်များ အပါအ၀င် အဆောက်ဦးပေါင်း ၁၂၅၀၀ ကျော်ပျက်ဆီးခဲ့ပြီး စပါးခင်း ၃၅၀-ဧကနှင့် အခြားကောက်ပဲသီးနှံစိုက်ခင်း ၃၂၈၄-ဧကတို့လည်း ပျက်စီးခဲ့သည်။ ထို့ပြင် မုန်တိုင်း ကြောင့် ငါးဖမ်းသင်္ဘော ၇၇-စီးနစ်မြုပ်ခဲ့ပြီး ဓာတ်အားလိုင်းများလည်းပျက်တောက်ခဲ့သည်။ မုန်တိုင်းကြောင့် ပျက်စီးမှုတန်ဖိုးမှာ ဗီယက်နမ်ဒေါင် ၁.၅-ထရီလီယံ (ကန်ဒေါ်လာ ၇၁-ဘီလီယံ) ရှိနေပြီဟု သိရသည်။
Ref : xinhua
________________________

နိုင်ငံ၏အတွင်းရှိ ထွက်ကုန် ၅၀၀ အတွက် စံညွှန်းအသစ်များ လာမည့်နှစ်တွင် အင်ဒို သတ်မှတ်မည်

ထွက်ကုန်များ ယှဉ်ပြိုင်ရမှုကို မြှင့်တင်ရန် ကြိုးပမ်းမှုအဖြစ် နိုင်ငံ၏ ထွက်ကုန် ၅၀၀ အတွက် စံချိန်စံညွှန်း အသစ်များကို လာမည့်နှစ်တွင် သတ်မှတ်ရန် စီစဉ်နေသည်ဟု အင်ဒိုနီးရှား စံချိန်စံညွှန်းအေဂျင်စီက သတင်းထုတ်ပြန်ခဲ့သည်။

အဆိုပါ စံညွှန်းသတ်မှတ်မှုတွင် စိုက်ပျိုးရေး၊ အစားအသောက်၊ လျှစ်စစ်၊ စက်ရုံအလုပ်ရုံနှင့် ဆောက်လုပ်ရေး လုပ်ငန်းများအပါဝင် နယ်ပယ်များစွာတို့မှ ထွက်ကုန်များ ပါဝင်မည်ဖြစ်သည်ဟု အမျိုးသား စံချိန်စံညွှန်းသတ်မှတ်ရေး အေဂျင်စီ၏ အကြီးအကဲဖြစ်သူ Bambang Prasetya က ပြောကြားခဲ့သည်။

အေဂျင်စီအနေဖြင့် ယခုအချိန်အထိ စံညွှန်း ၉၅၀၀ အားသတ်မှတ်ပေးထားကြောင်း၊ အချို့သော စံညွှန်းသတ်မှတ်မှုများမှာ နိုင်ငံတကာစံညွှန်းများဖြစ်ပြီး ထိုစံညွှန်းများကိုအတုယူကာ အင်ဒိုနီးရှား စံညွှန်းအဖြစ် သတ်မှတ်ရန်အတွက် အစိုးရအနေဖြင့် အလိုရှိနေကြောင်း၊ ထိုမှသာ နိုင်ငံအတွင်းရှိ စံညွှန်းသတ်မှတ်ချက်များမှာ နိုင်ငံတကာနှင့် တူညီနိုင်မည်ဖြစ်ကြောင်း Prasetya က ထပ်လောင်းပြောကြားခဲ့သည်။
Ref : xinhua
________________________

ကာရိုလိုင်းကနေဒီ သံအမတ်အဖြစ် ဂျပန်သို့သွားမည်

သံအမတ်အဖြစ် ဇူလိုင်လတွင် သမ္မအိုဘားမားက
အမည်စာရင်း တင်သွင်းထားသည့် ကာရိုလိုင်းကနေဒီမှာ ဂျပန်နိုင်ငံဆိုင်ရာ အမေရိကန်သံတမန်အဖြစ် သွားရောက်တော့မည်ဟု ယမန်နေ့ညပိုင်းက အတည်ပြုခဲ့သည်။

ကာရိုလိုင်းမှာ ယခင်သမ္မတဟောင်း ဂျွန်အက်ဖ်ကနေဒီ၏ မိသားစုထဲမှ အသက်ရှင်ကျန်ရစ်နေသည့် တစ်ဦးတည်းသော မိသားစုဝင်ဖြစ်ပြီး သံအမတ်ဟောင်း ဂျွန်ရုစ်၏နေရာအားအစားထိုး တာဝန်ထမ်းဆောင်သွားမည် ဖြစ်သည်။

ရုစ်မှာ ဟီရိုရှီးမားနှင့် နာဂါဆာကီမြို့သို့ အဏုမြူဗုံးကျရောက်သည့် နှစ်ပတ်လည်အခမ်းအနားကို တက်ရောက်ခဲ့သည့် ပထမဆုံး အမေရိကန် သံအမတ်ဖြစ်ပြီး ၂၀၀၉ ခုနှစ်တွင် တက်ရောက်ခဲ့ခြင်းဖြစ်သည်။

Harvard and Columbia တက္ကသိုလ်မှ ဘွဲ့ရခဲ့သည့် ကာရိုလိုင်းကနေဒီမှာ ဘွဲ့ရပြီးနောက်ပိုင်း လူထုအကျိုးဆောင် လုပ်ငန်းများတွင် နှစ်မြှုပ်လုပ်ကိုင် နေပြီး သံအမတ်တာဝန်ကို ထမ်းဆောင်ရန်အတွက် ထိုလုပ်ငန်းများအား စွန့်လွှန်တော့မည်ဟု ပြောကြားခဲ့သည်။
Ref : cnn
________________________

ပါရာဂွေးဇနီးမောင်နှံနှစ်ဦး နှစ်ပေါင်း ၈၀-ကျော်ပေါင်းသင်းခဲ့ပြီးမှ ဘာသာရေးအခမ်းအနားဖြင့် ဘုရားကျောင်းတွင်လက်ထပ်

ပါရာဂွေးနိုင်ငံရှိ သက်ကြီးဇနီးမောင်နှံနှစ်ဦးမှာ နှစ်ပေါင်း ၈၀-ကျော် အတူ နေထိုင်ခဲ့ပြီးမှ ဘာသာရေးအခမ်းအနားဖြင့် လက်ထပ်ခဲ့ကြောင်း သိရသည်။

ထိုဇနီးမောင်နှံနှစ်ဦးမှာ အသက် ၁၀၃ နှစ်အရွယ်ရှိ အဘိုးအို ဂျိုဆေး မန်နျူယဲလ် ရီလာနှင့် အသက် ၉၉ နှစ်အရွယ် အဘွားအို မာတီနာ လိုပက်ဇ် တို့ဖြစ်ကြသည်။ ၎င်းတို့နှစ်ဦး၏ လက်ထပ်ပွဲကို ၎င်းတို့၏ အိမ်ရှိပန်းခြံတွင် ပြုလုပ်ခဲ့ပြီး သားသမီး ၈-ယောက်၊ မြေး အယောက်-၅၀၊ မြစ် ၃၅-ယောက်နှင့် တီ အယောက်-၂၀ တို့ တက်ရောက်ခဲ့ကြသည်ဟု သိရသည်။

၎င်းတို့နှစ်ဦးမှာ လွန်ခဲ့သော ၄၉-နှစ်က လူမှုရေးအရ လက်ထပ်ပွဲ ပြုလုပ်ခဲ့ သော်လည်း ဘာသာရေးအရ လက်ထပ်ခဲ့ခြင်းမရှိပေ။ သတို့သမီးဖြစ်သူ အဘွားလိုပက်ဇ်က ဘုန်းတော်ကြီး၏ဆုတောင်းပေးမှုကိုခံရချိန်တွင် အလွန်ပင်စိတ်လှုပ်ရှားမိကြောင်းပြောကြားခဲ့ပြီး၊ ခရစ်ယာန် ဘုန်းတော်ကြီး ကိုယ်တိုင် ကလည်း ၎င်းတို့ဇနီးမောင်နှံနှစ်ဦးမှာ မြင်ဖူးသမျှထဲတွင် အသက်အကြီးဆုံး သတို့သားနှင့် သတို့သမီးဖြစ်သည်ဟု ပြောကြားခဲ့သည်။
Ref : bbc
________________________

October 17, 2013
အောက်တိုဘာ-၁၆ နိုင်ငံတကာသတင်းတို

အောက်တိုဘာ-၁၆

M-Media

အိန္ဒိယ တံငါသည်းများအား သီရိလင်္ကာဖမ်းဆီး

မိမိတို့၏ရေပိုက်နက်ထဲသို့ တရားမ၀င် ၀င်ရောက်လာသည့် အိန္ဒိယငါးဖမ်းသမား ၃၇ ဦးအား ဖမ်းဆီးလိုက်သည်ဟု သီရိလင်္ကာရေတပ်မှ ယမန်နေ့တွင်ပြောကြားခဲ့သည်။
မြောက်ဘက်ပင်လယ်ပြင်ရှိ နိုင်ငံတကာရေပိုင်နက်အားကျော်လွန်၍ ၀င်ရောက်လာခြင်းကြောင့် ဖမ်းဆီးခဲ့ခြင်းဖြစ်ပြီး Thalaimannar ဒေသတွင် ၂၂ ဦးနှင့် Delft ကျွန်းစုတွင် ၁၅ ဦး စုစုပေါင်း ၃၇ ဦးဖြစ်သည်ဟု သီရိလင်္ကာရေတပ်မှ ပြောရေးဆိုခွင့်ရှိသူ ကိုဆာလာဝါနကူလာဆူရီယာက ပြောကြားခဲ့သည်။

ထို့ပြင် ထိုတံငါသည်များအား စုံစမ်းစစ်ဆေးမှုများပြုလုပ်ရန်အတွက် ကမ်းခြေရှိ တာဝန်ရှိသူများထံသို့ အပ်နှံသွားမည်ဟု ဆူရီယာက ထပ်လောင်းပြောကြားခဲ့သည်။

တရားမ၀င်ရေပိုင်နက်ဖြတ်ကျော်မှုမှာ အိန္ဒိယနှင့် သီရိလင်္ကာနှစ်နိုင်ငံအခြား မကြာခဏဖြစ်ပွားလေ့ရှိသည့် ပြဿနာတစ်ခုဖြစ်သည်။
(ဆင်ဟွာ)
……………………………………
တောင်ကိုရီးယားတွင် ကုန်တင်သင်္ဘောတစ်စင်းနစ်မြုပ် လူ ၉ ဦးသေဆုံး

တောင်ကိုရီးယားနိုင်ငံအရှေ့တောင်ဘက်တွင် ပနားမားနိုင်ငံဖြင့် မှတ်ပုံတင်ထားသည့် ကုန်တင်သင်္ဘောတစ်စင်း ယမန်နေ့က တိမ်းမှောက်မှုဖြစ်ပွားခဲ့ပြီး အနည်းဆုံး လူ ၉ ဦးသေဆုံးခဲ့ကာ ၂ ဦးမှာပျောက်ဆုံးနေသည်ဟုသိရသည်။

သင်္ဘောသား ၁၉ ဦးတင်ဆောင်လာသည့် အဆိုပါသင်္ဘောမှာ ဒေသစံတော်ချိန် ည ၉နာရီ ၂၁ မိနစ်တွင် နိုင်ငံအရှေ့တောင်ဘက်ရှိ ပိုဟန်းဆိပ်ကမ်းမြို့သို့ ဆိုက်ကပ်ရန် ကြိုစားနေစဉ် မုန်တိုင်းမိခဲ့သောကြောင့် နစ်မြုပ်ခဲ့ခြင်းဖြစ်သည်။ သင်္ဘောပေါ်တွင်လိုက်ပါသွားသည့် သင်္ဘောသားများမှာ တရုတ်နိုင်ငံမှ ၁၈ ဦးနှင့် ဗီယက်နမ်နိုင်ငံမှ ၁ ဦးတို့ဖြစ်ကြသည်။ အခြား ၈ ဦးအား ကယ်ဆယ်နိုင်ခဲ့ပြီး ၂ ဦးမှာပျောက်ဆုံးနေသည်ဟုသိရသည်။

ထိုသင်္ဘောမှာ CHENGLU15 အမည်ရပြီး နိုင်ငံအနောက်ဘက် ပြုံတက်ဆိပ်ကမ်းမှ အရှေ့တောင်ဘက် ပိုဟန်းဆိပ်ကမ်းသို့ ကုန်များ ချရန် မောင်းနှင်လာခဲ့ခြင်းဖြစ်ပြီး ဒေသ စံတော်ချိန် ၃ နာရီ ၄၀ က သင်္ဘော၏ကျောက်ဆူးမှာ ပြဿနာအနည်းငယ်ရှိခဲ့ပြီး နောက်ထပ် ၆ နာရီအကြာတွင် မုန်တိုင်းကြောင့် နစ်မြုပ်ခဲ့ခြင်းဖြစ်သည်ဟု တောင်ကိုရီးယား ကမ်းခြေစောင့်တပ်ဖွဲ့က သတင်းထုတ်ပြန်ခဲ့သည်။
(ဆင်ဟွာ)
…………………………….
တိုင်းဖုန်းမုန်တိုင်းကြောင့် ဂျပန်တွင် လူ ၁၄ ဦးသေ

ဂျပန်နိုင်ငံအလယ်ပိုင်းနှင့် အရှေ့မြောက်ဘက်တို့တွင် အင်အားပြင်းထန်သော တိုင်ဖုန်းမုန်တိုင်းတစ်ခု ၀င်ရောက်ခဲ့ပြီး လေပြင်းမုန်တိုင်းများ တိုက်ခတ်ခဲ့ကာ မိုးများသည်းထန်စွာ ရွာသွန်းခဲ့သောကြောင့် အနည်းဆုံး လူ ၁၇ ဦးသေဆုံးခဲ့ပြီး အများအပြားပျောက်ဆုံးနေသည်ဟု သိရသည်။

တိုကျိုမြို့တောင်ဘက် ကီလိုမီတာ ၁၂၀ ကွာဝေးသော Izu Oshima ကျွန်းတွင် လေပြင်းများတိုက်ခတ်ခဲ့ကာ မြေပြိုမှုများဖြစ်ပွားခဲ့ပြီး လူ ၁၃ ယောက်သေဆုံးခဲ့ကာ အိမ်အလုံး ၃၀ ၀န်းကျင် ပျက်စီးခဲ့သည်။ ထို့ပြင် တစ်နာရီ ၁၂၂.၅ မီလီမီတာဖြင့် စံချိန်တင်မိုးရွာခဲ့ပြီး ရဲတပ်ဖွဲ့ဝင်များနှင့် မီးသတ်တပ်ဖွဲ့ဝင်များမှာ ကယ်ဆယ်ရေးလုပ်ငန်းများကို အပြင်းအထန်လုပ်ဆောင်နေသည်ဟု သိရသည်။

ထို့ပြင်အခြားသေ Kanto၊ Ninomiyaနှင့် Kanagawa ဒေသများတွင် လူအသေပျောက်ရှိသည်ဟု ရဲတပ်ဖွဲ့ကပြောကြားခဲ့သည်။ မုန်တိုင်းကြောင့် အမြန်ရထားခရီးစဉ်များစွာကိုလည်းဖျက်သိမ်းခဲ့ရပြီး၊ နိုင်ငံတကာ လေယာဉ်ခရီးစဉ် ၁၉၃ ခုနှင့် ပြည်တွင်း ခရီးစဉ် ၂၁၁ ခုတို့ကိုလည်း ဖျက်သိမ်းခဲ့ရသည်ဟု သိရသည်။

……………………………………
လိမ်လည်မှုဖြင့် တရားစွဲဆိုခံရသည့် နယူးဇီလန် နိုင်ငံရေးပါတီခေါင်းဆောင် တစ်ဦး ရာထူးမှနှုတ်ထွက်

အစိုးရနေရာအများစုတွင်အနိုင်ရရှိထားသည့် နယူးဇီလန်နိုင်ငံရေးပါတီငယ် တစ်ခုမှ ခေါင်းဆောင်ဖြစ်သူမှာ ရွေးကောက်ပွဲတွင်လိမ်လည်ခဲ့သည်ဟုသော စွပ်စွဲချက်ဖြင့် တရားစွဲဆိုခံရပြီးနောက် ၎င်းတာဝန်ယူထားသည့် ၀န်ကြီးရာထူးမှ နှုတ်ထွက်သွားခဲ့သည်ဟုသိရသည်။

ဂျွန်ဘန့်က်ဟုအမည်ရသည့် အဆိုပါပုဂ္ဂိုလ်မှာ ACT Party ၏ ခေါင်းဆောင်တစ်ဦးဖြစ်ပြီး နိုင်ငံရှိ အင်တာနက်လုပ်ငန်းသူဌေး ကင်မ် ဒေါ့ကမ်နှင့် Sky City ကာစီနိုလုပ်ငန်းတို့မှ ရွေးကောက်ပွဲရန်ပုံငွေအဖြစ် ပုံဖျက်ကာ ငွေကြေးအမြောက်အများအား တရားမ၀င်ရယူခဲ့သည်ဟူသော စွပ်စွဲချက်ဖြင့် ယနေ့တွင် တရားစွဲဆိုခြင်းခံရပြီးနောက် ရာထူးမှ နှုတ်ထွက်သွားခြင်းဖြစ်သည်။ သို့သော်လည်း ၎င်းမှာ ပါလီမန်တွင်ဆက်လက်ရှိနေမည်ဖြစ်သည်။

ထိုကိစ္စမှာ ဘန့်က်၏ ၂၀၁၀ ခုနှစ် အောက့်လန်မြို့တော်ဝန်ရာထူးအား ၀င်ရောက်အရွေးခံရာတွင် ရှုံးနိမ့်ခဲ့မှုနှင့် ဆက်စပ်နေသည်။ နယူးဇီလန် ၀န်ကြီးချုပ် ဂျွန်ကီးက ဘန့်က်၏ နှုတ်ထွက်မှုအား လက်ခံခဲ့ပြီး ပြဿနာများ ဖြေရှင်းပြီးသွားသည်အထိ စောင့်ကြည့်မည်ဟု ပြောကြားခဲ့သည်။
Ref: Press TV
……………………………………..
ဆန်ဒီယေဂို မြို့တော်ဝန်ဟောင်း လိင်ပိုင်းဆိုင်ရာစော်ကားမှုအတွက် အပြစ်ရှိကြောင်းထွက်ဆိုခဲ့

အမေရိကန်နိုင်ငံ၏ အဌမမြောက် အကြီးဆုံးမြို့တော်ဖြစ်သည့် ဆန်ဒီယေဂိုမြို့ မြို့တော်ဝန်ဟောင်း ဘော့ဘ်ဖီလ်နာမှာ နိုင်ငံရေးအခမ်းနားများတွင် အမျိုးသမီးများအား ပြည့်တန်ဆာများကဲ့သို့ လိင်ပိုင်းဆိုင်ရာစော်ကားခဲ့ကြောင်း တရားရုံးတွင် ထွက်ဆိုခဲ့သည်ဟု သိရသည်။

မြို့တော်ဝန်အဖြစ် ၈ လကျော်တာဝန်ထမ်းဆောင်ပြီးချိန်တွင် အမျိုးသမီးတစ်စုက ဖီလ်နာမှာ ၎င်းတို့အား လိင်ပိုင်းဆိုင်ရာ အရှက်ရစေရန်ပြုလုပ်ခဲ့ကြောင်း ဖော်ထုတ်ပြောဆိုလာသည့်အတွက် သြဂုတ်လ ၃၀ ရက်နေ့တွင် ရာထူးမှ နှုတ်ထွက်ခဲ့သည်။

အသက် ၇၁ နှစ်အရွယ်ရှိပြီဖြစ်သည့် ဖီလ်နာမှာ အမျိုးသမီးတစ်ဦးအား သူမ၏ဆန္ဒမပါဘဲ နမ်းခြင်းနှင့် အခြားအမျိုးသမီးတစ်ဦး၏ တင်ပါးအားကိုင်တွယ်ခြင်း စသည့် လိင်ပိုင်းဆိုင်ရာစော်ကားမှုအချို့အတွက် တရားစွဲဆိုခံရခြင်းဖြစ်သည်။
Ref: Press TV

October 16, 2013
အောက်တိုဘာ၁၄၊ ပြည်တွင်းနှင့် နိုင်ငံတကာ သတင်းတို

အောက်တိုဘာ ၁၄၊ ၂၀၁၃
M-Media

ရန်ကုန်-မန္တလေး ဗုံးတွေ့ရှိ၊ အချိန်မီတားဆီး

ယနေ့ အောက်တိုဘာ ၁၄-ရက်နေ့တွင် ရန်ကုန်နှင့် မန္တလေးမြို့ရှိ လူသွားလူလာများသည့်နေရာများတွင် မိုင်းနှင့် ချိန်ကိုက်ဗုံးထောင်မှုများဖြစ်ပွားခဲ့ရာ တပ်မတော်နှင့် ရဲမှ အချိန်မီ တားဆီးနိုင်ခဲ့ပြီး ရန်ကုန်မြို့တွင် အလုံမြို့နယ်ရှိ Western Park Ruby စားသောက်ဆိုင်တွင် တွေ့ရှိခဲ့ပြီး မန္တလေးမြို့တွင် လမ်း၈၀x၁၆လမ်းထောင့် အနီးတွင် ချိန်ကိုက်ဗုံးတစ်လုံး တွေ့ရှိကာ စနက်တံဖြုတ်ရန် ခက်ခဲသောကြောင့် စနစ်တကျ ဖောက်ခွဲဖျက်ဆီးလိုက်ကြောင်းနှင့် ၆၂လမ်း၊ ၂၉-၃၀လမ်းကြား အနီးတွင် မသင်္ကာဖွယ်ရာ အထုတ်တထုတ်တွေ့ရှိတာကြောင့် ဗုံးဟုတ် မဟုတ် စစ်ဆေးနေကြောင်း၊ မနေ့ကလည်း ရန်ကုန်မြို့ အင်းစိန်စော်ဘွားကြီးကုန်း ကားမှတ်တိုင်နှင့် သာကေတမြို့နယ် အခွန်လွတ်စေးအနီးတွင်လည်း ဗုံးများတွေ့ရှိခဲ့ရကြောင်း၊ ချိန်ကိုက်ဗုံးနှင့် မိုင်းများ မတွေ့ရှိမီ အောက်တိုဘာလ ၁၁ ရက်နေ့မှ ၁၃ ရက်နေ့အထိ ၃ ရက်အတွင်း ရန်ကုန်မြို့နှင့် ပဲခူးတိုင်းအတွင်း ဗုံးပေါက်ကွဲမှု ၃ ခုဖြစ်ပွားခဲ့ပြီး လူ ၂ ဦးသေဆုံး၍ ၃ ဦးဒဏ်ရာရရှိခဲ့ကြောင်း သက်ဆိုင်ရာ၏ သတင်းထုတ်ပြန်ချက်အရ သိရှိရကြောင်း ဧရာဝတီသတင်းတွင် ဖော်ပြထားပါသည်။
_______________________

လက်ပံတောင်းမှာ ခြံစည်းရိုး ဆက်လက်ကာရံနေတဲ့အတွက် အခြေအနေတင်းမာဆဲ

ဝမ်ပေါင်ကုမ္ပဏီရဲ့ လက်ပံတောင်းတောင်ဒေသမှာ ကြေးနီစီမံကိန်းဝင်းကို ခြံစည်းရိုးကာရံမှုအား ဒေသခံများက ဆန့်ကျင်ကန့်ကွက်သော်လည်း ဆက်လက်လုပ်ဆောင် နေပြီး ရာနှင့်ချီတဲ့ လုံထိန်းတပ်ဖွဲ့များက ဒေသခံများ အနားမကပ်နိုင်စေရန် ကာကွယ်ပေးထားပြီး နှမ်းခင်းများကို စက်များဖြင့်ဖျက်ပြီး ခြံစည်းရိုးကာရံနေတာဖြစ်ပြီး
စုံစမ်းစစ်ဆေးရေး ကော်မရှင်၏ အစီရင်ခံစာအတိုင်း လုပ်ဆောင်တာ မဟုတ်ကြောင်း၊ ဒေသခံ ၂၀၀ ၀န်းကျင်လောက်က ၀မ်ပေါင်ကုမ္ပဏီကို သွားရောက် ဆန္ဒပြခဲ့ ကြောင်း နှင့် စုံစမ်းစစ်ဆေးရေး ကော်မရှင်ရဲ့ အစီရင်ခံစာအတိုင်း ဆောင်ရွက်ရန် တောင်းဆိုမှုများ ပြုလုပ်သွားမယ်လို့ RFA သတင်းမှာ ဖော်ပြထားပါတယ်။
______________________

ဆီးဂိမ်းဖွင့်ပွဲ လက်မှတ်အရေအတွက် ရောင်းချမှု နည်းမည်

ဒီဇင်ဘာ ၁၁-ရက်နေ့ နေပြည်တော်တွင် ပြုလုပ်မည့် ၂၇-ကြိမ်မြောက် အရှေ့တောင် အာရှအားကစားပြိုင်ပွဲ ဆီးဂိမ်းဖွင့်ပွဲတွင် တာဝန်ရှိသူများ၊ ဖိတ်ကြားထားသော
ဧည့်သည်များ၊ အထူးဧည့်သည်များ များပြားမှုကြောင့် ရောင်းချမည့် လက်မှတ်အရေအတွက် နည်းပါးမည်ဟု အားကစားဝန်ကြီးဋ္ဌာန ဒုတိယ ညွှန်ကြားရေးမှူးချုပ်
ဦးအုန်းမြင့်ဦးက ပြောကြောင်း မဇ္ဈိမသတင်းမှာ ဖော်ပြထားပါတယ်။
______________________

မြန်မာနိုင်ငံရှိ ဘဘာဝဓာတ်ငွေ့လုပ်ကွက်နှစ်ခုအား အိန္ဒိယကုမ္ပဏီတစ်ခု ရရှိ

အိန္ဒိယအစိုးရပိုင် ရေနံနှင့် သဘာဝဓာတ်ငွေ့ကုမ္ပဏီတစ်ခုဖြစ်သည့် ONGC Videsh Ltd(OVL) ကုမ္ပဏီမှာ မြန်မာနိုင်ငံရှိ ဘာဝဓာတ်ငွေ့လုပ်ကွက် နှစ်ခုအား
လုပ်ကိုင်ခွင့်ရရှိခဲ့သည်ဟု သိရသည်။

မြန်မာနိုင်ငံ ကုန်းတွင်းသဘာဝဓာတ်ငွေ့လုပ်ကွက်အတွက် ၂၀၁၃ ခုနှစ်နှစ်ဒုတိယအကြိမ်မြောက် တင်ဒါခေါ်ယူမှုတွင် OVL က တင်ဒါ အောင်မြင်ခဲ့ခြင်း ဖြစ်ပြီး ဇေဗျူတောင်-နန်းတော်လုပ်ကွက်နှင့် သဲကုန်း-ရွှေဂူလုပ်ကွက် တို့ကိုရရှိခဲ့သည်။

မြန်မာ့စွမ်းအင်ဝန်ကြီးဌာနမှ ရေနံနှင့် သဘာဝဓာတ်ငွေ့ရှာဖွေထုတ်လုပ်ရေး လုပ်ငန်းလုပ်ကိုင်ရန် လုပ်ကွက် ၁၃ ခုကို ချပေးခဲ့ပြီး အိန္ဒိယမှ OVL၊ အီတလီမှ Eni၊ ပါကစ္စတန်မှ PVTနှင့် ကနေဒါမှ Pacific Hunt Energy Corp ကုမ္ပဏီတို့မှာ လုပ်ကွက်နှစ်ကွက်စီ အသီးသီးရရှိခဲ့ကာ၊ မလေးရှားမှ Petronas၊ ဘရူနိုင်းမှ National Petroleum ၊ လူဇင်ဘတ်မှ CAOG၊ ရုရှားမှ Bashneftနှင့် ထိုင်းနိုင်ငံမှ PTT ကုမ္ပဏီတိုမှ လုပ်ကွက်တစ်ကွက်စီ ရရှိခဲ့ကြသည်။ စွမ်းအင်ဝန်ကြီးဌာနမှ ပြီးခဲ့သည့် ဇန်န၀ါရီလ ကလည်း လုပ်ကွက် ၁၈-ခုချပေးခဲ့သေးသည်။
Ref : thehindu

________________________

အပူပိုင်းမုန်တိုင်းကြောင့် အိန္ဒိယတွင် ၂၃ ဦးသေဆုံး

ပြီးခဲ့သည့် စနေနေ့ညက အိန္ဒိယနိုင်ငံ အရှေ့ပိုင်း အိုဒစ်ရှာပြည်နယ်နှင့် တောင်ပိုင်း အန်ဒရာ ပရာဒရ်ှပြည်နယ်တို့တွင်တိုက်ခတ်ခဲ့သော အပူပိုင်း ဆိုင်ကလုန်း မုန်တိုင်း ကြောင့် မိုးသည်းထန်စွာရွာသွန်းခြင်း ရေကြီးခြင်းတို့ ဖြစ်ပွားခဲ့သောကြောင့် အနည်းဆုံး လူ ၂၃ ဦး သေဆုံးခဲ့သည်ဟုသိရသည်။

ဖိုင်လင်အမည်ရသည့် အဆိုပါဆိုကလုန်းမုန်းတိုင်းဒဏ်အား ပြင်းထန်စွာ ခံစားခဲ့ရသည့် အိုဒစ်ရှာပြည်နယ်တွင် စနေနေ့ည ၉ နာရီခွဲဝန်းကျင်က မြေပြိုမှုများ ဖြစ်ပွားခဲ့ပြီး ဓာတ်အားလိုင်းများ၊ ဆက်သွယ်ရေးလိုင်းများပြတ်တောက်ခြင်း၊ သစ်ပင်များအမြစ်မှ ကျွတ်ထွက်ခြင်း၊ အဆောက်အအုံများ၊ ကောက်ပဲသီးနှံများ ပျက်ဆီးခြင်းကြောင့် ရူပီသန်းထောင်ပေါင်းများစွာ ဆုံးရှုံးခဲ့ရသည်။

သေဆုံးခဲ့သူများမှာလည်း ထိုပြည်နယ်မှပင်ဖြစ်သည်။ အိုဒစ်ရှာပြည်နယ်မှာ ၁၉၉၉ ခုနှစ်ကလည်း ဆိုင်ကလုန်းမုန်ဒိုင်းဒဏ်ကို ပြင်းထန်စွာခံစားခဲ့ရပြီး လူ ၁၀၀၀၀ ကျော် သေဆုံးခဲ့သည်။

အပူပိုင်းမုန်တိုင်းဖိုင်လင်ကြောင့် လူပေါင်း ၅ သိန်းကျော်ကို ဘေးလွတ်ရာနေရာသို့ပြောင်းရွှေ့ပေးခဲ့ရသည်ဟု တာဝန်ရှိသူများက ပြောကြားခဲ့သည်။
Ref : xinhua
________________________
သမိုင်းဝင်နေရာ ၅၀ ခန့်အား အီတလီရောင်းချတော့မည်

စီးပွားရေးကျဆင်းမှုနှင့်ရင်ဆိုင်နေရသော အီတလီနိုင်ငံမှာ တင်ရှိနေသော အကြွေးများအား ပေးဆပ်ရန်အတွက် ၁၈ ရာစုနှစ်ကတည်ဆောက်ထားသည့် နန်းတော် အပါအ၀င် သမိုင်းဝင်နေရာ ၅၀ ခန့်အား ရောင်းချတော့မည်ဟု သိရသည်။

ဂျီဒီပီ ၃ ရာခိုင်နှုန်းအောက်ရောက်နေသော တိုင်းပြည်၏ လိုငွေပြမှုများ ရပ်တန့်စေရန် ရည်ရွယ်၍ အီတလီနိုင်ငံ၏ ရတာနာဟုခေါ်ဆိုနိုင်သည့် ထိုနေရာများအား ရောင်းချရန်စီစဉ်ရခြင်းဖြစ်သည်။

ုရောင်းချမည့်စာရင်းတွင် ပါဝင်သည့် အဆောက်အအုံများမှာ မီလန်မြို့အနီးတွင်ရှိသည့် ၁၈ ရာစုက တည်ဆောက်ထားသော Villa Mirabello နန်းတော် ရောမ မြို့မှ ၂၇-မိုင်ကွာဝေးသည့် ဘရာစီယာနိုင်မြို့တွင်ရှိသည့် Orsini Odescalchi ရဲတိုက် စသည့်တို့ ပါဝင်ကြသည်ဟု သတင်းများက ဖော်ပြကြသည်။

အီတလီနိုင်ငံမှာ ၂၀၁၁ ခုနှစ် တတိယ သုံးလပတ်တွင် စီးပွားရေးကျုံ့ဝင်မှု ၀.၂ ရာခိုင်နှုန်းနှင့် စတုတ္ထ သုံးလပတ်တွင် ၀.၇ ရာခိုင်နှုန်းရှိပြီးချိန်မှစ၍ စီးပွားရေးကျဆင်းမှု နှင့် ကြုံတွေ့ခဲ့ရခြင်းဖြစ်သည်။
Ref : presstv
________________________

အိန္ဒိယနှင့် ရုရှားတို့ ပူးပေါင်းစစ်ရေးလေ့ကျင့်မည်

လာမည့်အောက်တိုဘာ ၁၈ ရက်နေ့တွင် အိန္ဒိယပြည်နယ်တစ်ခု၌ အိန္ဒိယနှင့် ရုရှားတို့ ပူးပေါင်းကာ စစ်ရေးလေ့ကျင့်မည်ဟု သတင်းများက ဒီကနေ့တွင် ရေးသားဖော်ပြ ကြသည်။

၁၀-ရက်တာကြာမြင့်မည့် အဆိုပါ စစ်ရေးလေ့ကျင့်မှုကို နိုင်ငံအနောက်ပိုင်း ရာဂျက်စ်သန်ပြည်နယ်ရှိ မဟာဂျန်ကွင်းပြင်တွင် ပြုလုပ်မည်ဖြစ်ပြီး မြေပြင်တိုက်ခိုက်ရေး လေ့ကျင့်ခန်းများ ပါဝင်မည်ဖြစ်သည်။

အိန္ဒိယနိုင်ငံမှာ ထိုကဲ့သို့မြေပြင်တိုက်ခိုင်ရေးကို ယခင်ကလည်း အမေရိကန်၊ ဗြိတိန်၊ ပြင်သစ်၊ တိုင်း၊ ကာဇက်စတန်တို့နှင့်ပူးပေါင်းကာ လေ့ကျင့်မှုများ ပြုလုပ်ခဲ့ဖူးသည်။
Ref : xinhua
________________________

ကိုလံဘီယာတွင် ရထားတစ်စီးအား သူပုန်များဗုံးခွဲတိုက်ခိုက်

ကိုလံဘီယာလွတ်မြောက်ရေးတပ်(FARC) မှကျောက်မီးသွေးများတင်ဆောင်ထားသည့် ရထားတွဲကို ဗုံးခွဲတိုက်ခိုက်မှုတစ်ခု ယမန်နေ့က ဖြစ်ပွားခဲ့သည်ဟု သိရသည်။

ကိုလံဘီယာမြောက်ပိုင်း ဗင်နီဇွဲလားနယ်စပ်ရှိ လာဂူဂျီရာပြည်နယ်တွင် ဖြစ်ပွားခဲ့ခြင်းဖြစ်ပြီး ကျောက်မီးသွေးများ နိုင်ငံခြားသို့တင်ပို့ရန် Cerrejon မိုင်းတွင်းမှ
Puerto Bolivar သို့ ခုတ်မောင်းနေသည့် Cerrejon ကုမ္ပဏီပိုင် ကျောက်မီးသွေးတင်ရထားအား တိုက်ခိုက်ခဲ့ခြင်းဖြစ်ကာ ရထားတွဲ ၄၃-တွဲ တိမ်းမှောက်ခဲ့ သည်။ ထိုပြင့် ထိုတိုက်ခိုက်မှုကြောင့် ဓာတ်အားပေးတာဝါတိုင် သုံးခုမှာလည်း ပျက်ဆီးခဲ့ရသည်။

မူးယစ်ဆေးဝါးများလုပ်ငန်းများနှင့် ဆက်စပ်နေသည့် အကြမ်းဖက်များက တိုက်ခိုက်ခဲ့ခြင်းဖြစ်ပြီး နိုင်ငံပိုင်ပစ္စည်းများအားတိုက်ခိုက်မှုများနှင့် ပြည်သူများအား ကာကွယ်ရန် ထိုဒေသတစ်ဝိုက်တွင် တိုက်လေယာဉ်များကို ကင်းလှည့်နေစေသည်ဟု ကိုလံဘီယာ လေတပ်က ထုတ်ဖေါ် ပြောကြားခဲ့သည်။
Ref : xinhua

________________________
ဆီနီဂေါတွင် ကုလငြိမ်းချမ်းရေးတပ်ဖွဲ့ဝင်များတိုက်ခိုက်ခံရ

အငြင်းပွားဖွယ်ပြဿနာများဖြစ်ပွားနေသည့် ဆူဒန်နိုင်ငံ ဒါဖာဒေသတွင် ယမန်နေ့ကတိုက်ခိုက်မှုတစ်ခုဖြစ်ပွားခဲ့ပြီး ကုလသမဂ္ဂငြိမ်းချမ်းရေး တပ်ဖွဲ့ဝင်သုံးဦး သေဆုံးခဲ့ သည်ဟု သိရသည်။

ဒါဖာရှိ အာဖရိကယူနီယံနှင့် ကုလသမဂ္ဂတပ်ဖွဲ့ (UNAMID) မှ တနင်္ဂနွေနေ့ကထုတ်ပြန်သော ကြေညာချက်တွင် အလ်ဂီအီနာမြို့မှ ဒါဖာအနောက်ဘက်ရှိ ကုလသမဂ္ဂ ရုံးချုပ်သို့ သွားရောက်သည့်အဖွဲ့အား လုံးခြုံရေးပေးကာ လိုက်ပါသွားစဉ် တိုက်ခိုက်ခံခဲ့ရခြင်းဖြစ်ပြီး သေဆုံးသွားသူများမှာ ဆီနီဂေါ စစ်သားများ ဖြစ်ကြကာ၊ အခြား ဆီနီဂေါ စစ်သားလေးဦးမှာလည်း ဒဏ်ရာရရှိခဲ့သည်ဟု ရေးသားဖော်ပြထားသည်။

အဆိုပါတိုက်ခိုက်မှုမှာ ဒုတိယမြောက်တိုက်ခိုက်မှုဖြစ်ပြီး လွန်ခဲ့သည့် သုံးရက်ကလည်း ကုလငြိမ်းချမ်းရေးတပ်သားများကို ဦးတည်သည့် တိုက်ခိုက်မှုတစ်ခု ဖြစ်ပွား ခဲ့သည်။
Ref : presstv

_______________________
အလ်ဆာဗေးဒိုးတွင် ဘတ်စ်ကားတစ်စီး ချောက်ထဲပြုတ်ကျ ဘောလုံးပရိတ်သတ် ၆-ဦးသေဆုံး

အမေရိကတိုက် အလယ်ပိုင်းရှိ လူဦးရေအသိပ်သည်းဆုံး နိုင်ငံတစ်ခုဖြစ်သည့် အလ်ဆာဗေဒိုးနိုင်ငံအနောက်ပိုင်းတွင် ဘောလုံးသမားများကို တင်ဆောင်လာသည့် ဘတ်စ်ကားတစ်စီ ချောက်ထဲသို့ ထိုးကြခဲ့ပြီး ၆ ဦးသေဆုံးခဲ့သည်ဟုသိရသည်။

ယမန်နေ့နေ့လယ်ပိုင်းက ဖြစ်ပွားခဲ့ခြင်းဖြစ်ပြီး ပြည်တွင်းကလပ်အသင်းတစ်ခု ဖြစ်သည့် Sonsonate အသင်း၏ ပရိတ်သတ်များတင်ဆောင်လာသည့် အဆိုပါ ဘတ်စ်ကားမှာ ၁၀မီတာ(၃၂ ပေ)အမြင့်ရှိ တောင်ကမ်းပါးယံမှာ ပြုကျခဲ့ခြင်းဖြစ်သည်ဟု မီးသတ်တပ်ဖွဲ့က ပြောကြားခဲ့သည်။

စက်ပိုင်းဆိုင်ရွာချို့ယွင်းမှုကြောင့်ဖြစ်ပွားခဲ့ရသည့် အဆိုပါတိမ်းမှောက်မှုတွင် ၅ ဦးမှာ နေရာတွင်ပင်သေဆုံးခဲ့ပြီး၊ ၁ ဦးမှာ ဆေးရုံရောက်မှ သေဆုံးခဲ့ခြင်းဖြစ်ကာ အခြားပရိတ်သတ် ၄၈ ဦးမှာ ဒဏ်ရာရရှိခဲ့သည်ဟု သိရသည်။
Ref : edition
________________________

October 14, 2013
အောက်တိုဘာ ၁၂၊ ပြည်တွင်းနှင့် နိုင်ငံတကာ သတင်းတို

အောက်တိုဘာ ၁၂၊ ၂၀၁၃
M-Media

ဝန်ကြီးဦးခင်ရီမှ သန်းခေါင်စာရင်းကောက်ယူမှု လားရှိုးတွင် ဆွေးနွေး

၂၀၁၄-ခုနှစ် မတ်လ ၃၀-ရက်နေ့မှ ဧပြီ ၁၀-ရက်နေ့အတွင်း ကောက်ယူမည့် တစ်နိုင်ငံလုံးအတိုင်းအတာဖြင့် အိမ်တိုင်ရာရောက် သန်းခေါင်စာရင်းကောက်ယူရာတွင် မေးခွန်းများကို မှန်ကန်စွာဖြေဆိုခြင်းဖြင့် စာသင်ကျောင်းများ၊ ဆေးရုံဆေးခန်းများ၊ ရေပေးဝေမှု၊ လျှပ်စစ်ဓါတ်အား ဖြန့်ဝေမည့် ပမာဏ၊ အလုပ်အကိုင် အခွင့်အလမ်းများ ဖန်တီးပေးမည့်အခြေအနေ၊ နယ်မြေကာကွယ်ရေးလိုအပ်ချက်၊ မသန်စွမ်းသူများ၊ ဘိုးဘွားများ၊ အမျိုးသမီးနှင့် ကလေးသူငယ်စောင့်ရှောက်မှုကို ဆောင်ရွက်ရန် ရည်ရွယ်ကြောင်း လားရှိုးမြို့တွင် မနေ့ကပြုလုပ်သည့် သန်းခေါင်စာရင်းဆိုင်ရာ ဆွေးနွေးပွဲတွင် ပြည်ထောင်စုဝန်ကြီး ဦးခင်ရီက ပြောကြားခဲ့ကြောင်း မြန်မာ့ခေတ်သတင်းတွင် ဖော်ပြထားပါတယ်။
_______________________

သံတွဲမြို့ အကြမ်းဖက်မှုအား ဖမ်းဆီးရာတွင် ဥပဒေနှင့်အညီဖြစ်စေရန် သံဃာအဖွဲ့မှ တောင်းဆို

ရခိုင်ပြည်နယ် သံတွဲမြို့မှာ စက်တင်ဘာ ၂၉-ရက်နေ့က စတင်ဖြစ်ပွားခဲ့တဲ့ အကြမ်းဖက်မှုတွင် ဖမ်းဆီးသူများအား သံသယနှင့် မဖမ်းပဲ ဖမ်းထားသူတွေအား မြန်မြန် စစ်ဆေးပြီး အပြစ်မရှိသူတွေကို လွှတ်ပေးရန်၊ ဖမ်းဆီးထားသူများတွင် အပြစ်မရှိသူများပါဝင်နေပြီး၊ ရခိုင်တိုင်းရှုးသားများ တိုးတက်ရေးပါတီ ဥက္ကဌအပါအ၀င်
၁၇-ယောက်အား သံတွဲမှ ကျောက်ဖြူ အကျဉ်းထောင်သို့ ပြောင်းသည့်ကိစ္စကို လူထုမှ မကျေနပ်၍ ဘုန်းကြီးများမှ လူထုကျေနပ်အောင် ဆောင်ရွက်ပေးခြင်းဖြစ်ကြောင်း
ဒီနေ့နေ့လည်ပိုင်းက ဒုတိယဗိုလ်ချုပ်ကြီး လှမင်းနဲ့ တွေ့ဆုံစဉ်မှာ အမျိုးဘာသာ သာသနာ ထိန်းသိမ်းစောင့်ရှောက်ရေး ရဟန်းတော်များအဖွဲ့ဝင် သံတွဲမြို့
ပုလဲရတနာကျောင်းတိုက်မှ အရှင်ဣန္ဒာစာရက RFA ကို ပြောကြားကြောင်း သိရပါတယ်။
______________________

ဖွဲ့စည်းပုံဥပဒေ ပြင်ဆင်ရေး အကြံပြုနိုင်ရန် လူထုအခြေပြုအဖွဲ့များပါဝင်တဲ့ ကွန်ရက် ဆွေးနွေး

၂၀၀၈-ခုနှစ် ဖွဲ့စည်းပုံအခြေခံဥပဒေ ပြုပြင်ပြောင်းလဲရေးနဲ့ ပတ်သက်ပြီး လေ့လာသုံးသပ်ရေးကော်မတီကို လာမယ့် နိုဝင်ဘာ ၁၅-ရက်နေ့မတိုင်ခင် အကြံပေးနိုင်ရန် အတွက် လူထုအခြေပြုအဖွဲ့အစည်းများပါဝင်သည့် ကွန်ရက် ဒီနေ့မှာ ဆွေးနွေးခဲ့ကြကြောင်း၊ ယခု ဆွေးနွေးမှုသည် ပမာဏ ဆွေးနွေးမှုကို စတင်တာဖြစ်ပြီး၊ ကျန်သည့် အဖွဲ့အစည်းများနှင့် အများပြည်သူ ပါဝင်လာနိုင်ရေးအတွက် မကြာခင်မှာလည်း ဆွေးနွေးပွဲတစ်ခု ပြုလုပ်သွားမည်ဖြစ်ကြောင်း ကမာရွတ် ရုပ်သံမီဒီယာမှတဆင့် သိရှိရပါတယ်။
______________________

ပါကစ္စတန်တွင်လှုပ်ရှားနေသည့် တာလီဘန်ခေါင်းဆောင်အား အမေရိကန် ဖမ်းဆီး

ပါကစ္စတန်တွင်ပြုလုပ်ခဲ့သည့် အကြမ်းဖက်တိုက်ခိုက်မှုများအတွက် အလိုရှိနေသည့် တာလီဘန်ခေါင်းဆောင်တစ်ဦးဖြစ်သူ လာတီဖူလ်လာ မဲဟ်ဆူဒ်အား အာဖဂန်ရှိ အမေရိကန် စစ်တပ်မှ ဖမ်းဆီးရမိခဲ့သည်ဟု သိရသည်။ မဟ်ဆူဒ်အား ဖမ်းဆီးရမိကြောင်း အမေရိကန်အစိုးရက ကြေညာခဲ့ပြီး မည်သည့်ကိစ္စရပ်များဖြစ်ပွားခဲ့သည်ကို မှတ်ချက်ပေးရန် ငြင်းဆိုခဲ့သည်။

အမေရိကန်အစိုးရ၏ ပြောရေးဆိုခွင့်ရှိသူ မရီဟာ့ဖ်က ဖမ်းဆီးရမိခဲ့သူမှာ ပါကစ္စတန်အခြေစိုက် တာရစ် အီ တာလီဘန်အဖွဲ့၏ အကြီးတန်းခေါင်းဆောင် တစ်ဦး ဖြစ်သည်ဟု ယမန်နေ့က ပြောဆိုခဲ့သည်။

အာဖဂန်တွင်ပြုလုပ်သည့် အမေရိကန်စစ်တပ်၏ စစ်ဆင်ရေးတစ်ခုတွင် ဖမ်းဆီးရမိခဲ့ခြင်းဖြစ်သည်ဟု ပင်တဂွန်ကပြောဆိုခဲ့သော်လည်း ငြိမ်ချမ်းရေးကိစ္စ ဆွေးနွေးရန် သီတင်းပတ်အနည်းငယ်အရင်က အာဖဂန်စိုးရမှ မဲဟ်ဆူဒ်အား လိုဂါပြည်နယ်တွင် ထိန်းသိမ်းထားခဲ့ခြင်းဖြစ်ပြီး အမေရိကန်က အာဖဂန်အစိုး၏လက်မှ အဓမ္မဖမ်းဆီး ခဲ့ခြင်း ဖြစ်သည်ဟု ၀ါရှင်တန်ပို့စ်သတင်းစာက ရေးသားဖော်ပြခဲ့သည်။

ပါကစ္စတန်အခြေစိုက် တာလီဘန်အဖွဲ့ကလည်း မဲဟ်ဆူဒ်အဖမ်းခံရကြောင်း အတည်ပြုပြောကြားခဲ့ပြီး မဲဟ်ဆူဒ်အား ခို့စ်ပြည်နယ် ဂူလမ်ခန်းနယ်ခြားဒေသတွင်
အာဖဂန်စစ်တပ်မှ အောက်တိုဘာ ၅ ရက်နေ့တွင် ဖမ်းဆီးခဲ့ခြင်းဖြစ်ကြောင်း ထည့်သွင်းပြောကြားခဲ့သည်။
Ref : aljazeera
_______________________
တောင်ကိုရီးယားနှင့် အင်ဒိုနီးရှားနှစ်နိုင်ငံ ပူးပေါင်းဆောင်ရွက်ရေးနှင့် ရင်းနှီးမြှုပ်နှံမှုလုပ်ငန်းများ တိုးမြှင့်လုပ်ဆောင်မည်

ကုန်သွယ်မှုနှင့် ရင်းနှီးမြှုပ်နှံမှုလုပ်ငန်များတွင် လွန်ခဲ့သည့် နှစ်-၄၀ အတွင်း သိသိသာသာတိုးတက်လာခဲ့သည့် အင်ဒိုနီးရှားနှင့် တောင်ကိုရီးယားတို့မှာ နှစ်နိုင်ငံ
စီးပွားရေးအား ယခုထက်ပိုမိုတိုးတက်အောင်လုပ်ဆောင်ရန် သဘောတူညီခဲ့ကြသည်ဟု သိရသည်။

နှစ်နိုင်ငံစလုံးတွင် စီးပွားရေးအခွင့်အလမ်းများ ပိုမိုဖန်တီးရန် ရည်ရွယ်သည့် ထိုသဘောတူညီချက်မှာ ယမန်နေ့ညနေက အင်ဒိုနီနိုင်ငံ ဂျကာတာမြို့ရှိ ဟိုတယ်တစ်ခု တွင် အင်ဒိုနီးရှားဝန်ကြီးများက ကျင်းပပြုလုပ်ခဲ့သည့် စီးပွားရေးဆိုင်ရာ အဆင့်မြင့် ဖိုရမ်တွင်သဘောတူညီခဲ့ခြင်းဖြစ်သည်ဟု အင်ဒိုနီးရှားအစိုးရက ကြေညာခဲ့သည်။ အဆိုပါဖိုရမ်အား အင်ဒိုနီးရှားနိုင်ငံသို့ အလည်အပတ်ရောက်ရှိနေသည့် တောင်ကိုရီးသားသမ္မတ ပက်ဂျုံဟေးနှင့် အဖွဲ့လည်းတက်ရောက်ခဲ့ကြသည်။
Ref : xinhuanet
_______________________
အမေရိကန်ပိုင် သင်္ဘောတစ်စီးအား ဗင်နီဇွဲလားဖမ်းဆီး

မိမိတို့၏ ပိုင်နက်အတွင်းသို့ ခွင့်ပြုချက်မရဘဲ ၀င်ရောက်လာသောကြောင့်ဆိုကာ အမေရိကန်ကုမ္ပဏီတစ်ခုအောက်တွင် အလုပ်လုပ်နေသည့် သင်္ဘောတစ်စီး အား ဗင်နီဇွဲလားရေတပ်က ဖမ်းဆီးလိုက်သည်ဟု တောင်အမေရိကမှ နိုင်ငံငယ်လေးဖြစ်သည့် ဂူယာနာနိုင်ငံ၏ အစိုးရက ယမန်နေ့က ကြေညာလိုက်သည်။

မနားမားအလံလွှင့်ထူထားပြီး စင်ကာပူရေကြောင်းဆိုင်ရာ ကုမ္ပဏီတစ်ခုမှ ပိုင်ဆိုသည့် Teknik Perdana ဟုအမည်ရသည့် အဆိုပါသင်္ဘောမှာ တက္ကဆက်ပြည်နယ်ရှိ Anadarko Petroleum Corp ကုမ္ပဏီလက်အောက်တွင်ရှိနေပြီး ဗင်နီဇွဲလားရေပိုင်နက်တွင် ခွင့်ပြုချက်ဖြင့် တရာဝင်ရေနံရှာဖွေနေသည့် သင်္ဘောဖြစ်သည်။

ထိုသင်္ဘောတွင် အမေရိကန်နိုင်ငံသား ၅ ဦးပါဝင်နေပြီး ဂူယာနာနှင့် ဗင်နီဇွဲလားတို့ နှစ်နိုင်ငံအငြင်းပွားနေသည့် ရေပိုင်နက်တွင်ဖမ်ဆီးခဲ့ခြင်းဖြစ်သည်။ ဗင်နီဇွဲလား ရေတပ်မှ ထိုသင်္ဘောအား ရပ်တန့်ခိုင်းခဲ့ပြီး အစောင့်အရှောက်ဖြင့် Margarita ကျွန်းသို့ခေါ်ဆောင်သွားခဲ့သည်ဟု ဂူယာနာ နိုင်ငံခြားရေး ၀န်ကြီးဌာနမှ ထုတ်ပြန်ခဲ့သော ကြေညာချက်တွင် ရေးသားဖော်ပြခဲ့သည်။

“အဲဒီသင်္ဘောနဲ့ သင်္ဘောသားတွေကို ဂူယာနာရေပိုင်နက်ထဲကနေ အစောင့်အရှောက်နဲ့ ခေါ်သွားယုံတင်မဟုတ်ပါဘူး။ ဖမ်းဆီသွားတာပဲဖြစ်ပါတယ်။ ဗင်နီဇွဲလားရေတပ် က လုပ်ခဲ့တဲ့ ဒီလိုလုပ်ရပ်မျိုးဟာ ဗင်နီဇွဲလားနဲ့ ဂူယာနာ နှစ်နိုင်ငံဆက်ဆံရေးမှာ မကြုံစဖူးဖြစ်ပွားခဲ့တာပါပဲ” ဟု ထိုအစီရင်ခံစာတွင် ထည့်သွင်းရေးသားခဲ့သည်။
Ref : presstv
_______________________
ခန္ဓာကိုယ်အစိတ်အပိုင်းများအား တရားမ၀င်ရောင်းချသူ လေးဦးအား ကော်စတာရီကာ ရဲတပ်ဖွဲ့ဖမ်းဆီး

နိုင်ငံခြားသားများထံသို့ လူ့ခန္ဓာကိုယ်အစိတ်အပိုင်းများအား တရားမ၀င်ရောင်းချသည်ဟု သံသယရှိသည့် ဂိုဏ်းတစ်ခုမှ လူလေးဦးအား ကော်စတာရီကာ ရဲတပ်ဖွဲ့က ဖမ်းဆီးလိုက်သည်ဟု နိုင်ငံ၏ ရှေ့နေချုပ်ကပြောကြားခဲ့သည်။

ဖမ်းဆီးမှုကို ကြာသာပတေးနေ့က ပြုလုပ်ခဲ့ခြင်းဖြစ်ပြီး မြို့တော် ဆန်ဂျို့စ်ရှိ Calderon Guardia ဆေးရုံတွင် အလုပ်လုပ်ကိုင်နေသည့် ဆရာဝန်သုံးဦးနှင့် လူများအား ၎င်းတို့၏ ကျောက်ကပ်များကို လှူဒါန်းရန်ဆွဲဆောင်တိုက်တွန်းသည့် ဂရိနိုင်ငံသားတစ်ဦးပါဝင်သည်ဟု ရှေ့နေချုပ် ကာလို့စ်ဂျီမီနက်ဇ်က ပြောကြားခဲ့သည်။

ဖမ်းဆီးရမိခဲ့သည့် ဆရာဝန်များမှာ ကျောက်ကပ်အစားထိုးခွဲစိပ်မှုကို ဆောင်ရွက်ရသူများဖြစ်ပြီး ကျောက်ကပ်လှူဒါန်းသူများမှာ ၎င်းတို့၏ ကျောပ်ကပ်အတွက်
ကန်ဒေါ်လာ ၈၀၀၀၀ မှ ၁၀၀၀၀၀ အထိ ရရှိကြသည်ဟု တာဝန်ရှိသူများက ပြောကြားခဲ့သည်။

ယခုကဲ့သို့ ဖမ်းဆီးမှုမှာ ဒုတိယအကြိမ်မြောက်ဖမ်းဆီးမှုဖြစ်ပြီး ပြီးခဲ့သည့် ဇွန်လကလည်း ခန္ဓာကိုယ်အစိတ်အပိုင်းများကို တရားမ၀င်ရောင်းချသည့် ဂိုဏ်းခေါင်းဆောင် ဖရန်စစ္စကို မိုရာ ပါလ်မာအပါအ၀င် အစိုးရတာဝန်ရှိသူ တစ်ဦးအား ဖမ်ဆီးခဲ့သေးသည်။
Ref : presstv
_______________________
အမေရိကန် လေတပ်ဗိုလ်ချုပ်တစ်ဦး ရာထူးမှ ထုတ်ပယ်ခံရ

တာဝေးပစ် နျူးကလီးယားဒုံးကျည်များအား တာဝန်ယူထိန်းသိမ်းရသည့် လေတပ်ဗိုလ်ချုပ်ကြီးတစ်ဦးအား ဆိုးရွားသောအပြုအမူများကြောင့် ရာထူးမှ ထုတ်ပယ်လိုက် ကြောင်း အမေရိကန်လေတပ်မှ ကြေညာခဲ့သည်။

အမှတ် ၂၀ လေတပ်မှ ဗိုလ်ချုပ်ကြီး မိုက်ကယ် ကာရေးဖြစ်ပြီး တာဝန်ထမ်းဆောင်ချိန်အတွင်း ပြုမူခဲ့သည့်အပြုအမူများနှင့်ပက်သက်ပြီး တပ်မှ ၎င်းအား ယုံကြည်မှု မရှိတော့သောကြောင့် ထုတ်ပယ်လိုက်ခြင်းဖြစ်သည်ဟု လေတပ်မှပြောဆိုခဲ့သည်။

အမှတ် ၂၀ လေတပ်မှာ နျူးကလီးယားထိပ်ဖူးများ တပ်ဆင်ထားသည့် 450 တာဝေးပစ်ဒုံးကျည်များကို တာဝန်ယူထိန်းသိမ်းရသည့် တပ်တစ်ခုဖြစ်သည်။

ဗိုလ်ချုပ်ကြီးမိုက်ကယ်ကာရေးအား ထုတ်ပယ်ခဲ့ခြင်းမှာ နျူးကလီယားဒုံးကျည်များ၊ ဗိုလ်ချုပ်ကြီး၏ လိင်ပိုင်းဆိုင်ရာ အပြုအမူများနှင့် ဆက်စပ်ခြင်းမရှိဟု အမေရိကန် လေတပ်မှ ပြောရေးဆိုခွင့်ရှိသူ ဘရီဂါဒီယာ လက်စ် ကော့ဒလစ်က ပြောကြားခဲ့သည်။ သို့သော်လည်း အမည်မဖော်လိုသည့် တာဝန်ရှိသူတစ်ယောက်ကမူ ထိုကဲ့သို့ ထုတ်ပယ်ခဲ့ခြင်းမှာ အရက်သေစာသောက်စားမှုနှင့် ဆက်စပ်မှုရှိသည်ဟု အေပီ သတင်းဌာနသို့ပြောကြားခဲ့သည်။

အမေရိကန်စစ်တပ်မှ ဗိုလ်ချုပ်ကြီးများအား ထုတ်ပယ်ကြောင်း လူထုအားအသိပေးခြင်းမှာ ဖြစ်ခဲလှပြီး မကြာသေးမီကလည်း ရေတပ်ဗိုလ်ချုပ်ကြီး တီမော်သီ ဂီယာဒ့်ဒီနာ အား အမေရိကန်ရေတပ်က ရာထူးမှ ထုတ်ပယ်ခဲ့သေးသည်။
Ref : aljazeera
_______________________
အမေရိကန်ရှိ ပန်းခြံများနှင့် အထိမ်းအမှတ်အဆောက်အုံများ ပြန်ဖွင့်

အမေရိကန်တွင်ကြုံတွေ့နေရသော ဘဏ္ဍာရေးအကျပ်အတည်းကြောင့် ပိတ်ထားခဲ့ရသည့် ပန်ခြံများနှင့် အထိမ်းအမှတ်အဆောက်အအုံအချို့ကို ပြန်လည် ဖွင့်လှစ် လိုက်ပြီဟု သိရသည်။ ဗဟိုအစိုးရက ယာယီရံပုံငွေထုတ်ပေးခဲ့ပြီးနောက် ပြန်လည်ဖွင့်လှစ်ခဲ့ခြင်းဖြစ်ပြီး လေဘာတီရုပ်ထု၊ Grand Canyon အမျိုးသားပန်းခြံ အပါအ၀င် ပန်းခြံအချို့နှင့် အထိမ်းအမှတ်အဆောက်အအုံ အချို့တို့ ပါဝင်သည်။

ဘဏ္ဍာရေး အကြပ်အတည်းကြောင့် အောက်တိုဘာ ၁ ရက်နေ့ကတည်းက ပိတ်ထားခဲ့ရသည့် နယူးယောက်၊ အရီဇိုးနား၊ ကိုလိုရာဒိုနှင့် ယူတာ ပြည်နယ်များရှိ ခရီးသွား ဧည့်သည်များ စိတ်ဝင်စားသည့် နေရာများအား ပြန်လည်ဖွင့်လှစ်လိုက်သည်ဟု နိုင်ငံတော်ပန်းဥယာဉ်ထိန်းသိန်းရေးဌာနမှ ကြေညာခဲ့သည်။
Ref : channelnewsasia
_______________________
နာဇီစစ်ရာဇ၀တ်မှုကျူးလွန်သူတစ်ဦး သေဆုံး

၁၉၄၄-ခုနှစ် အီတလီနိုင်ငံ Ardeatine Caves တွင်ဖြစ်ပွားခဲ့သည့် အစုလိုက်ပြုံလိုက်သတ်ဖြတ်မှုတွင် ပါဝင်မှုကြောင့် တစ်သက်တစ်ကျွန်း ပြစ်ဒဏ်ကျခံနေရသည့် နာဇီရာဇ၀တ်မှုကျူးလွန်သူ Priebke မှာ ယမန်နေ့က ကွယ်လွန်သွားခဲ့သည်ဟု သိရသည်။

အသက် ၁၀၀ ရှိပြီဖြစ်သည့် Priebke မှာ ပြီးခဲ့သည့်နှစ်က ထောင်မှ နေအိမ်အကျယ်ချုပ်သို့ပြောင်းရွှေ့ကျခံနေရသူဖြစ်သည်။ ဂျာမနီစစ်တပ်အား တိုက်ခိုက်ခဲ့မှု ကြောင့် လက်တုန့်ပြန်သည့် အနေဖြင့် ၁၉၄၄ ခု မတ်လ ၂၄ ရက်နေ့တွင် အီတလီအမျိုးသား ၃၃၅ ဦးအား ဂျာမန်စစ်သားများက သတ်ဖြတ်ခဲ့သည့် အမှုတွင် ပါဝင်ခဲ့ကြောင်း တွေ့ရှိရ၍ ၁၉၉၈ ခုနှစ်က အီတလီသံရုံးမှ Priebke အား ထောင်ဒဏ် တစ်သက်တစ်ကျွန်း ချမှတ်ခဲ့ခြင်းဖြစ်သည်။

၎င်းတို့သတ်ဖြတ်ခဲ့သူများထဲတွင် အီတလီတော်လှန်ရေးတပ်ဖွဲ့မှတပ်သားများ၊ တော်လှန်ရေးအား ထောက်ခံအားပေးသူများနှင့် ဂျူးလူမျိုးများပါဝင်သည်။ စစ်ကြီး ပြီးနောက် Priebke မှာ အာဂျင်တီးနားသို့ ထွက်ပြေးခဲ့ပြီး နှစ်ပေါင်း ၅၀ နီးပါး လွတ်လပ်စွာနေထိုင်ခဲ့ပြီးမှ ၎င်းပြစ်မှုကျူးလွန်ခဲ့သည့် အီတလီနိုင်ငံ တရားရေးဌာနသို့ လွှဲအပ်ခြင်းခံခဲ့ရသည်။
Ref : cnn
_______________________

October 12, 2013
အောက်တိုဘာ ၁၁၊ ပြည်တွင်းနှင့် နိုင်ငံတကာ သတင်းတို

အောက်တိုဘာ ၁၁၊ ၂၀၁၃
M-Media

သံတွဲအကြမ်းဖက်မှု ဖမ်းဆီးထားသူများအား ကျောက်ဖြူထောင်သို့ပို့

ပြီးခဲ့သည့် စက်တင်ဘာ ၂၉-ရက်နေ့က စတင်ဖြစ်ပွားခဲ့သော အကြမ်းဖက်မှုများတွင် အကြမ်းဖက်မှုဖြစ်စေရန် ဦးဆောင်လှုံ့ဆော်သူများအား ဖမ်းဆီးပြီး သံတွဲထောင်တွင် ထားရှိရာမှ ကျောက်ဖြူထောင်သို့ ပို့ဆောင်လိုက်ပြီး ထိုသို့ ပို့ဆောင်ရခြင်းမှာ အောက်တိုဘာ ၁၇-ရက်နေ့တွင် တရားရုံးထုတ်ရ် သတ်မှတ်ထားသည့်အတွက် ဒေသခံများ ဆူပူမှုဖြစ်လာမည်ကို စိုးရိမ်သည့်အတွက်ဖြစ်ကြောင်း ဧရာဝတီကို ကိုးကား၍ ဖော်ပြလိုက်ပါတယ်။
_______________________

လိုင်ဇာမှာ တိုင်းရင်းသားလက်နက်ကိုင်အဖွဲ့ခေါင်းဆောင်တွေ ဆွေးနွေးကြမည်

အပစ်အခတ်ရပ်ဆဲရေး လက်မှတ်ထိုးမည့်အစီအစဉ်အတွက် အောက်တိုဘာလ ၂၈-၃၀ အတွင်း ကချင်ပြည်နယ် လိုင်ဇာမြို့မှာ တိုင်းရင်းသားလက်နက်ကိုင် အဖွဲ့အသီးသီးရဲ့ ခေါင်းဆောင်တွေ တွေ့ဆုံဆွေးနွေးမယ်လို့ RFA သတင်းမှာ ဖော်ပြထားပါတယ်။
______________________

ရခိုင်ဒေသမှကလေးငယ်များ ပဋိပက္ခဖြစ်ကတည်းက ကျန်းမာရေး စောင့်ရှောက်မှုမရဟု ယူနီဆက်မှပြော

ရခိုင်ပြည်နယ်က အိုးအိမ်မဲ့ ဒုက္ခသည် တစ်သိန်းလေးသောင်းကျော်ထဲမှာ ရှစ်သောင်းဟာ ကလေးသူငယ်တွေဖြစ်နေပြီး ပဋိပက္ခတွေ စတင်တဲ့အချိန်ကစလို့ ကျန်းမာရေး စောင့်ရှောက်မှုတွေ မရခဲ့ဘူးလို့ အောက်တိုဘာ ၁၁ရက်နေ့မှာ ကျင်းပတဲ့ အလုပ်ရုံဆွေးနွေးပွဲမှာ ယူနီဆက်ဖ်ကပြောဆိုလိုက်ကြောင်း ကမာရွတ်ရုပ်သံ သတင်းမှာ ဖော်ပြထားပါတယ်။
______________________

ယခင်ပါကစ္စတန်သမ္မဟောင်း ပြန်လည်အဖမ်းခံရ

၂၀၀၇ ခုနှစ်က ဗလီတစ်ခုအတွင်းသို့ ကွန်မန်ဒိုများဝင်ရောက်စီးနင်းခဲ့မှုတွင် တာဝန်ရှိသည်ဟုယူဆရသောကြောင့် ပါကစ္စတန် သမ္မတဟောင်း ပါဗက်ဇ် မူရှာရက်ဖ်အား ပါကစ္စတန်ရဲတပ်ဖွဲ့က ပြန်လည်ဖမ်းဆီးလိုက်သည်ဟု သိရသည်။

မြို့တော် အစ္စလာမ်မာဘတ်ရှိ အနီရောင်ဗလီဝတ်ကျောင်းတော်သို့ ကွန်မန်ဒိုများစီးနင်းဝင်ရောက်တိုက်ခိုက်မှုတွင် လူတစ်ရာကျော်သေဆုံးခဲ့ပြီး ထိုတိုက်ခိုက်မှုအတွက် မူရှာရက်ဖ်မှာတာဝန်ရှိသည်ဟု စွပ်စွဲခံထားရပြီး လွန်ခဲ့သည့် သီတင်းနှစ်ပတ်ကတည်းက တရားသူကြီးတစ်ဦးမှ ဆုံးဖြတ်ခဲ့ခြင်းဖြစ်သည်။

မူရှာရက်ဖ်မှာ ယခင်ဝန်ကြီးချုပ်ဟောင်း ဘင်ဇနာဘူတိုအား လုပ်ကြံသတ်ဖြတ်ခဲ့သည့်အမှုအပါအ၀င် အခြားအမှုသုံးခုဖြင့်ရင်ဆိုင်နေခဲ့ရပြီး ခံဝန်ဖြင့် ပြန်လည် လွတ်မြောက်လာကာ နေအိမ်အကျယ်ချုပ်ဖြင့် နေနေရပြီးနောက် ယခုကဲ့သို့ ပြန်လည်ဖမ်းဆီးခံခဲ့ရခြင်းဖြစ်သည်။

မူရှာရက်ကမူ ၎င်းအား ထိုကဲ့သို့စွပ်စွဲခြင်းမှာ နိုင်ငံရေးရည်ရွယ်ချက်ဖြင့် ပြုလုပ်ခြင်းဖြစ်သည်ဟု တုံ့ပြန်ပြောဆိုခဲ့သည်။
Ref : aljazeera

________________________
သားဖြစ်သူအား တွေ့ရန် စနိုးဒင်ဖခင် ရုရှားသို့ရောက်ရှိ

အမေရိကန် အမျိုးသားထောက်လှမ်းရေအေဂျင်စီ၏ လျို့ဝှက်ချက်များကို ဖော်ထုတ်ခဲ့ပြီး ယခုလက်ရှိ ရုရှားနိုင်ငံတွင် ခိုလှုံနေရသူ အက်ဒ၀ပ် စနိုးဒင်၏ ဖခင် လန်စနိုးဒင် မှာ သားဖြစ်သူအား တွေ့ဆုံရန်အတွက် မော်စကိုလေဆိပ်သို့ ယမန်နေ့က ဆိုက်ရောက်လာသည်ဟု သိရသည်။

ုယမန်နေ့ နံနက်ပိုင်းက မော်စကိုရှိ Sheremetyevo အပြည်ပြည်ဆိုင်ရာလေဆိပ်သို့ ရောက်ရှိလာခြင်းဖြစ်သည်။ ထိုလေဆိပ်မှာ အက်ဒ၀ပ် စနိုးဒင်ကိုယ်တိုင် ရုရှားမှ နိုင်ငံရေးခိုလှုံခွင့်မပေးမီ တစ်လခန့် သောင်တင်နေခဲ့သောနေရာလည်းဖြစ်သည်။

လေဆိပ်သို့ဆိုက်ရောက်လျှင်ရောက်ခြင်း လန်က ၎င်း၏သားမှာ ရုရှားနိုင်ငံတွင် လွတ်လပ်လုံခြုံစွာ နေထိုင်ခွင့်ရသည့်အတွက် စိတ်ချမ်းသာရကြောင်း ပြောကြား ခဲ့သည်။ ထို့ပြင် ရုရှားမ္မတ ဗလာဒီမာ ပူတင်အပါအ၀င် အက်ဒ၀ပ်အား ခိုလှုံခွင့်ခွင့်ရရန်ကူညီပေးခဲ့သူများကိုလည်း အလွန်ကျေးဇူးတင်ရှိပါကြောင်းနှင့် အက်ဒ၀ပ် စနိုးဒင်အနေဖြင့် အမေရိကန်သို့ ပြန်မည်မပြန်မည်ဆိုသည်မှာ မသေချာကြောင်း ထည့်သွင်းပြောကြားခဲ့ပြီး သားအဖနှစ်ဦးတွေ့ဆုံမည့် နေရာကိုမူ ပြောဆိုသွားခဲ့ခြင်း မရှိပေ။
Ref : xinhuanet

________________________
ဂျပန်နိုင်ငံရှိ ဆေးရုံတစ်ခုမီးလောင် လူ ၁၀ ဦးသေဆုံး

ဂျပန်နိုင်ငံအနောက်တောင်ပိုင်း ဖူကူအိုကာမြို့ရှိ ဆေးရုံတစ်ခုတွင် မီးလောင်ကျွမ်းမှုတစ်ခုဖြစ်ပွားခဲ့ပြီး လူ ၁၀ ဦးသေဆုံးခဲ့ကာ ၅ ဦး ဒဏ်ရာရရှိခဲ့သည်ဟု သိရသည်။

ထိုဆေးရုံမှာလေးထပ်အဆောက်အဦးဖြစ်ပြီး ယနေ့နံနက် ဒေသစံတော်ချိန် ၂ နာရီ မိနစ် ၂၀ တွင် စတင်လောင်ကျွမ်းခဲ့ခြင်းဖြစ်ပြီး လောင်ကျွမ်းချိန် ၂ နာရီခန့် ကြာမြင့် ခဲ့သည်ဟု သိရသည်။

သေဆုံးသွားခဲ့ကြသူများမှာ အသက် ၇၀ မှ ၈၉ နှစ်အတွင်းရှိ သက်ကြီးရွယ်အိုများဖြစ်ကြပြီး မီးလောင်မှုကြောင့် ဒဏ်ရာရရှိသွားသူများထဲမှ လေးဦးမှာ စိုးရိမ်ဖွယ်ရာ အခြေအနေတွင်ရှိနေသည်ဟု ဂျပန်မီးသတ်တပ်ဖွဲ့မှပြောကြားခဲ့သည်။

“၁၀ ဦးသေတာဆိုတာမှန်ပါတယ်။ လူနာရှစ်ယောက်နဲ့ ဆေးရုံဝန်ထမ်း ၂ ယောက်ပါ။ မီးငြိမ်းသတ်ဖို့နဲ့ အသက်တွေကိုကယ်တင်ဖို့ ကျွန်တော်တို့ အစွမ်းကုန် ကြိုးစားခဲ့ ပါတယ်။ ဒါပေမယ့် အခြေအနေဟာ တော်တော်လေး ခက်ခဲ့ပါတယ်” ဟု သတင်းစာရှင်းလင်းပွဲတွင် မီးသတ်တပ်ဖွဲ့ တာဝန်ရှိသူများက ပြောကြားခဲ့သည်။
Ref : presstv

________________________
ဥရောပတွင် လူသန်းနှင့်ချီ၍ အစားအသောက်မလောက်ငှမှုနှင့် ကြုံတွေ့နေရ

ဥရောပတစ်ဝှမ်းတွင် ရိုက်ခတ်လျက်ရှိသည့် ဘဏ္ဍာရေးအကြပ်အတည်းများကြောင့် ဥရောပနိုင်ငံများ၏ ၄၃ သန်းသော နိုင်ငံသားများမှာ အစားအစာမလောက်ငှမှုနှင့် ကြုံတွေ့နေရပြီး ရာစုနှစ်ဝက် အတွင်းအဆိုးဝါးဆုံးသော လူသားချင်းဆိုင်ရာ ပြဿနာကြီးဖြစ်သည်ဟု နိုင်ငံတကာ ကြက်ခြေနီကော်မတီက ပြောကြားခဲ့သည်။

နိုင်ငံတကာကြက်ခြေနီနှင့်လခြမ်နီအဖွဲ့ချုပ်၏ အထွေထွေအတွင်းရေးမှူး ဘီကီလီဂီလီတာက ဥရောပတွင်ဖြစ်ပွားလျက်ရှိသည့် စီးပွားရေး ပြသနာများ၏ အကျိုး သက်ရောက်မှုများကို ရေးသားထားသည့် အစီရင်ခံစာတစ်စောင်ကို ကုလသမဂ္ဂသို့ ယမန်နေ့က တင်ပြခဲ့သည်။

ထိုအစီရင်ခံစာတွင် ဥရောပရှိလူသန်းပေါင်း ၁၂၀ခန့်မှာ ဆင်းရဲမွဲတေမှုပြဿနာနှင့် ကြုံတွေ့နေရပြီး ထိုသူများထဲတွင် ဘဏ္ဍာရေးအကျပ်အတည်းများကို ရင်ဆိုင်နေရ သည့် နိုင်ငံများမှ လူအများစုပါဝင်သည်ဟု ရေးသားဖော်ပြထားသည်။
Ref : presstv

________________________
နိုင်ငံ၏ ငွေကြေးသုံးစွဲမှု ၁ ဘီလီယံကျော် အီတလီဖြတ်တောက်မည်

၂၀၁၃ ခုနှစ်တွင် ဂျီဒီပီ ၃ ရာခိုင်နှုန်းအောက်သို့ရောက်နေပြီး တိုင်းပြည်၏ လိုငွေပြမှုကို ထိန်းသိမ်းရန် ကြိုးပမ်းမှုတစ်ခုအဖြစ် နိုင်ငံ၏ သုံးငွေ ယူရို ၁.၁ ဘီလီယံအား ဖြတ်တောက်သွားမည်ဟု အီတလီအစိုးရက အတည်ပြုခဲ့သည်။

အီတလီဝန်ကြီးချုပ် ဆာကိုမန်နီက ထိုကဲ့သို့ဖြတ်တောက်မှုမှာ စီးပွားရေးကျဆင်းနေသော အီတလီနိုင်ငံရှိ ၀န်ကြီးဌာနအများအပြားကို သက်ရောက်စေလိမ့်မည်ဟု ဗုဒ္ဓဟူးနေ့က ထုတ်ပြန်ခဲ့သောအစီရင်ခံစာတွင် ရေးသားဖော်ပြခဲ့သည်။

ဥရောပသမဂ္ဂ၏ ကြေညာချက်အရ ဥရောပနိုင်ငံများ၏ ဘဏ္ဍာရေးလိုငွေပြမှုမှာ သုံးရာခိုင်နှုန်းထက် ကျော်လွန်၍ မရဟု သိရသည်။ အီတလီနိုင်ငံမှာ စီးပွားရေး ကျဆင်းမှု ပြဿနာကို နိုင်ငံစီးပွားရေး ကျုံ့ဝင်သွားသည့်အချိန် ၂၀၁၁ ခုနှစ်ကတည်းက စတင်ကြုံတွေ့ခဲ့ပြီး ၂၀၁၁ ခုနှစ် တတိယသုံးလပတ်တွင် ၀.၂ ရာခိုင်နှုန်းနှင့် စတုတ္ထ သုံးလပတ် တွင် ၀.၇ ရာခိုင်နှုန်းအထိ ကျဆင်းခဲ့သည်။
Ref : presstv

________________________
ဖော်မြူလာဝမ်းကာမောင်းသမားတစ်ဦး ဟိုတယ်အတွင်းတွင် သေဆုံးနေကြောင်းတွေ့ရ

ဖော်မြူလာဝမ်း အရန်အသင်း၏ ပြိုင်ကားမောင်သမားတစ်ဦးဖြစ်သူ မာရီယာ ဒီ ဗီလိုတာအား စပိန်နိုင်ငံ ဆီးဗီလ်းမြို့ရှိ ဟိုတယ်တစ်ခုတွင် သေဆုံးလျက်တွေ့ရှိရသည် ဟု သိရသည်။

အသက် ၃၃ နှစ်အရွယ်ရှိပြီဖြစ်သည့် အဆိုပါအမျိုးသမီးမှာ ပြီးခဲ့သည့်ဇူလိုင်လက Marussia ကားမောင်းအသင်းနှင့် စမ်းသပ်မောင်းနှင်နေစဉ် ကားတိုက်မှုတစ်ခု ဖြစ်ပွားခဲ့ပြီး ညာဘက်မျက်လုံး ဆုံးရှုံးခဲ့ရသူဖြစ်သည်။ လော်ရီကားတစ်စီးအား တိုက်မိခဲ့ခြင်းဖြစ်ပြီး ဦးခေါင်းနှင့် မျက်နှာတွင် ပြင်းထန်စွာထိခိုက်ဒဏ်ရာရရှိခဲ့သည်။

သူမသေဆုံးမှုအား မည်သည့်အကြောင်းကြောင့် သေဆုံးခဲ့ရသည်ကို စုံစမ်းစစ်ဆေးဆဲဖြစ်ကြောင်း ရဲတပ်ဖွဲ့ထုတ်ပြန်ပြောကြားခဲ့သည်။
Ref : bbc

________________________

October 11, 2013