News @ M-Media

Tag: Sirilanka

  • မြန်မာနဲ့ ဇာတ်ညွှန်းတူ၊ ဒါရိုက်တာကွဲတဲ့ သီရိလင်္ကာက မွတ်စလင်ဆန့်ကျင်ရေး လုပ်ဇာတ်များ

    မြန်မာနဲ့ ဇာတ်ညွှန်းတူ၊ ဒါရိုက်တာကွဲတဲ့ သီရိလင်္ကာက မွတ်စလင်ဆန့်ကျင်ရေး လုပ်ဇာတ်များ

    မတ် ၁၁၊ ၂၀၁၈
    M-Media

    အကြမ်းဖက်တိုက်ခိုက်ခံရသည့် ဗလီဝတ်ကျောင်းတော်တစ်ခု

    – သီရိလင်္ကာနိုင်ငံအလယ်ပိုင်း တောင်ပေါ်မြို့လေးမှာ မွတ်စလင်ဆန့်ကျင်ရေးလူအုပ်ကြီးက တိုက်ခိုက်မှုတွေ မလုပ်ခင် တစ်ရပ်အလိုမှာ ဆင်ဟာလီအမျိုးသားရေးအုပ်စုရဲ့ ခေါင်းဆောင်တစ်ယောက်ဟာ မြို့လယ်ကောင်မှာ ခေါက်တုန့်ခေါက်ပြန်လျှောက်ပြီး လှုံ့ဆော်မှုတွေ လုပ်ခဲ့ပါတယ်။

    “ငါတို့ဟာ လက်ကမ်းစာစောင်တွေ ဝေနေတာပါ။ အခုဆိုရင် ဒီဂါနာကိုရောက်ပါပြီ။ ဒါပေမယ့် ပြဿနာက ငါတို့တွေ့တဲ့ ဆင်ဟာလီဆိုင်အရေအတွက်ဟာ ၂၀ တောင်မကျော်ပါဘူး” လို့ အေမစ် ၀ီရဆင်းဂီဟာ ဖုန်းကင်မရာနဲ့ သူ့ကိုယ်သူရိုက်ပြီး ပြောကြားခဲ့ပါတယ်။

    စိုးရိမ်စရာအသံနဲ့ သူက “ဒီမြို့ကို မွတ်စလင်တွေ ပိုင်သွားပါပြီ။ ဒီကိစ္စကို အရင်ကတည်းက ငါတို့ ဖြေရှင်းသင့်တာပါ။ ငါတို့ဆင်ဟာလီလူမျိုးတွေကိုပဲ အပြစ်တင်ရမယ်။ ဒီဂါနာနဲ့ အနီးတစ်ဝိုက်မှာ ဆင်ဟာလီတွေရှိရင် လာပူးပေါင်းပါ” လို့ ဆက်ပြောပါတယ်။

    Facebook၊ YouTube နဲ့ Twitter စာမျက်နှာတွေမှာ လွှင့်တင်ခဲ့တဲ့ အဲဒီဗီဒီယိုကို ကျယ်ကျယ်ပြန့်ပြန့် ပြန်လည်မျှဝေခဲ့ကြပါတယ်။

    ဒီဂါနာမြို့ရှိတဲ့ ကန်ဒီခရိုင်မှာ မွတ်စလင်တွေကို ပစ်မှတ်ထားတဲ့ တိုက်ခိုက်ဖျက်ဆီးမှုတွေ၊ မီးရှို့မှုတွေ မလုပ်ခင်အရင် ဒီဗီဒီယို ပြန့်နှံ့ခဲ့တာ ဖြစ်ပါတယ်။ တိုက်ခိုက်မှုတွေကြောင့် စစ်တပ်ကို ချထားခဲ့ရပြီး အရေးပေါ်အခြေအနေကြေငြာတာ၊ အင်တာနက် ပိတ်ပစ်တာတွေကိုလည်း အစိုးရက ဆောင်ရွက်ခဲ့ပါတယ်။

    ကားလမ်းကြောင်းကိစ္စ စကားများမှုအတွင်း ဆင်ဟာလီတစ်ယောက်ကို မွတ်စလင်အမျိုးသားတစ်စုက ရိုက်နှက်မှုကနေ ဒီအကြမ်းဖက်တိုက်ခိုက်မှု ဖြစ်ခဲ့တာဖြစ်ပြီး အနည်းဆုံး လူ ၂ ဦးသေဆုံးကာ၊ ဗလီဝတ်ကျောင်းတော်တွေ၊ နေအိမ်နဲ့ စီးပွားရေးလုပ်ငန်း ဒါဇင်နဲ့ချီ ဖျက်ဆီး၊ မီးရှို့ခံခဲ့ရပါတယ်။

    ဒီကိစ္စဟာ ဆယ်စုနှစ်နဲ့ချီ ပြည်တွင်းစစ်ဒဏ်ကို အလူးအလဲခံစားခဲ့ရတဲ့ သီရိလင်္ကာနိုင်ငံမှာ မတည်ငြိမ်မှု ထပ်ဖြစ်မလားဆိုတဲ့ စိုးရိမ်မှုတွေကို ဖြစ်စေခဲ့ပါတယ်။

    တမီလ်ခွဲထွက်ရေးသမားတွေနဲ့ ဖြစ်ပွားခဲ့တဲ့ စစ်ပွဲဟာ ၂၀၀၉ ခုနှစ်မှာ အဆုံးသတ်သွားပေမယ့် သီရိလင်္ကာမှာ နောက်ထပ်ပြဿနာတစ်ခု ထပ်ပေါ်လာပါတယ်။ ဒီတစ်ကြိမ်မှာတော့ တိုင်းပြည်ရဲ့ လူဦးရေ ၂၁ သန်းမှာ ၇၅ ရာခိုင်နှုန်းရှိတဲ့ ဆင်ဟာလီ ဗုဒ္ဓဘာသာဝင်တွေနဲ့ ၉ ရာခိုင်နှုန်းသာရှိတဲ့ မွတ်စလင်တွေအကြား ဘာသာရေးသွေးကွဲမှု ဖြစ်ပါတယ်။

    ခြိမ်းခြောက်နေတဲ့ လူနည်းစုတွေ

    ပြီးခဲ့သည့်ရက်ပိုင်းအတွင်း အကြမ်းဖက်တိုက်ခိုက်မှုဖြစ်ခဲ့သည့် ကန်ဒီမြို့

    တိုင်းပြည်သက်တမ်းတစ်လျှောက်လုံးနီးပါးမှာ ဒီလူ့အဖွဲ့အစည်းနှစ်ခုဟာ သဟဇာတဖြစ်စွာ နေထိုင်လာခဲ့တာပါ။ ဒါပေမယ့် မလုံခြုံဘူးဆိုတဲ့ ခံစားချက်က ဆင်ဟာလီလူ့အဖွဲ့အစည်းမှာ မြင့်တက်လာပါတယ်။ လူထုအတွင်း မကြာသေးခင်က ဖြစ်ခဲ့တဲ့ စီးပွားရေးနဲ့ လူမှုရေး အပြောင်းအလဲတွေကလည်း အမုန်းအခြေခံ ဆင်ဟာလီ ဗုဒ္ဓဘာသာ အမျိုးသားရေးဝါဒကို မြင့်တက်လာစေတယ်လို့ လေ့လာဆန်းစစ်သူတွေက ပြောပါတယ်။

    ကိုလံဘိုအခြေစိုက် အမျိုးသားငြိမ်းချမ်းရေးကောင်စီရဲ့ အမှုဆောင်ဒါရိုက်တာဖြစ်သူ ဂျီဟန် ပီရီရာက ‘မွတ်စလင်တွေဟာ ခြိမ်းခြောက်နေတဲ့ လူနည်းစုဆိုပြီး ဆင်ဟာလီတွေမှာ သမိုင်းနဲ့ချီ ကိန်းအောင်းခဲ့တဲ့ မလုံခြုံဘူးဆိုတဲ့ စိတ်တွေ’ နဲ့ မွတ်စလင်ဆန့်ကျင်ရေး သဘောထားတွေဟာ အများကြီး ဆက်စပ်ပတ်သက်နေတယ်လို့ ပြောကြားခဲ့ပါတယ်။

    တမီလ်ခွဲထွက်ရေးသမားတွေကို အိမ်နီးချင်း အိန္ဒိယက တမီလ်နာဒူးပြည်နုယ်နဲ့ သွားပေါင်းမယ့်သူတွေအဖြစ် မြင်ခဲ့ပြီး မွတ်စလင်တွေကိုတော့ ‘ကမ္ဘာ့ မွတ်စလင်လူ့အဖွဲ့အစည်းနဲ့ ပူးပေါင်းကာ တစ်နေ့ကျရင် သီရိလင်္ကာနိုင်ငံကို သိမ်းမယ်’ ဆိုပြီး ရှုမြင်နေကြတယ်လို့လည်း ပီရီရာက ပြောပါတယ်။

    မွတ်စလင်လူဦးရေတိုးလာမယ်၊ သန္ဓေတားဆေးကျွေးတာပါအ၀င် ဆင်ဟာလီတွေရဲ့မွေးနှုန်းလျော့အောင် မွတ်စလင်တွေက စီစဉ်တယ်ဆိုတဲ့ စွပ်စွဲပြောဆိုမှုတွေကလည်း အပေါ်ကစိုးရိမ်မှုတွေကို မြင့်တက်စေပါတယ်။

    အဲဒီ သွားပုပ်လေလွင့်ပြောကြားမှုကြောင့် ဖေဖော်ဝါရီလအတွင်းမှာ နိုင်ငံအရှေ့ပိုင်းက မွတ်စလင်လုပ်ငန်းတွေ မီးရှို့ဖျက်ဆီးခံခဲ့ရပါတယ်။ မွတ်စလင်စားဖိုမှူးက ဆင်ဟာလီတွေလာရင် အစားအစာတွေထဲမှာ ‘သန္ဓေတားဆေးတွေ’ ထည့်တယ်ဆိုတဲ့ စွပ်စွဲချက်ရဲ့ နောက်ဆက်တွဲပါ။

    “ဒါတွေက လုံးဝ လုပ်ကြံဖန်တီးထားတဲ့ ဇာတ်လမ်းတွေပါ” လို့ ပီရီရာက ပြောပါတယ်။

    မွတ်စလင်ဆန့်ကျင်ရေးသဘောထားကို လှုံ့ဆော်ပေးတဲ့ နောက်ထပ် အကြောင်းအရင်းတစ်ခုက မွတ်စလင်တွေဟာ စီးပွားရေးကို လက်ဝါးကြီးအုပ်သွားမယ်ဆိုတဲ့ မနာလိုဝန်တိုမှုဖြစ်တယ်လို့ သီရိလင်္ကာ မွတ်စလင်ကောင်စီဥက္ကဌ နီဇာမွတ်ဒင် မိုဟာမဒ် အေမင်က ပြောပါတယ်။

    “ဒါကလည်း လုပ်ကြံပြောဆိုမှုဗျ။ မြို့တော်တော်များများမှာ ဆိုင်သေးသေးလေးတွေကို မွတ်စလင်တွေက ပိုင်တယ်။ သူတိုတွေဟာ မျိုးနဲ့ရိုးနဲ့ စီးပွားရေးလုပ်လာတဲ့သူတွေ။ ဒါမေယ့် လုပ်ငန်းသေးသေးလေးတွေဖြစ်ပြီး နေ့စဉ်လိုအပ်တဲ့ပစ္စည်းတွေကို ရောင်းတာပါ”

    နောက်ထပ် ယုံကြည်မှုပျက်သုဉ်းရတဲ့ အကြောင်းအရင်းတွေထဲမှာ ပြီးခဲ့တဲ့နှစ်တွေအတွင်း သီရိလင်္ကာမွတ်စလင်တွေအပေါ် အာရပ်ယဉ်ကျေးမှု ပိုမိုလွှမ်းမိုးလာတယ်ဆိုတဲ့ အမြင်လည်း ပါဝင်တယ်လို့ အေမင်နဲ့ ပီရီရာတို့က ပြောကြားခဲ့ပါတယ်။

    နိုင်ငံခြား- အထူးသဖြင့် အရှေ့အလယ်ပိုင်းနိုင်ငံတွေကို – ထွက်ပြီး အလုပ်လုပ်တဲ့ သီရိလင်္ကာနိုင်ငံသား တစ်သန်းကျော်မှာ မွတ်စလင်အရေအတွက်ဟာ မပြောပလောက်တဲ့ အနေအထားပါ။ သူတို့ပြန်လာတဲ့အခါကျရင် ရှာထားဖွေထားတဲ့ ငွေတွေအပြင်၊ ထွက်သွားတုန်းကထက်ပိုတဲ့ အာရပ်အတွေးအခေါ်တွေ ယူဆောင်လာကြ တယ်’ လို့ ပီရီရာက ပြောပါတယ်။

    “တစ်ခုက အာရပ်နိုင်ငံတွေကငွတွေဟာ သီရိလင်္ကာထဲဝင်လာတယ်။ ဗလီတွေဆောက်ကြတယ်။ မွတ်စလင်အမျိုးသမီး တော်တော်များများကလည်း အရင်တုန်းကနဲ့မတူဘဲ နီကဘ်တွေဝတ်လာကြပါတယ်” လို့ မွတ်စလင်အမျိုးသမီးတွေ မျက်နှာအပါအ၀င် တစ်ကိုယ်လုံးဖုံးထားတဲ့ ၀တ်ရုံတွေကိုရည်ညွှန်းပြီး ပီရီရာက ထပ်လောင်းပြောကြားခဲ့ပါတယ်။

    အေမင်ကလည်း “ကျွန်တော်တို့အမေတွေလက်ထက်က ပုဝါဆောင်းတာလောက်ပဲရှိပြီး နီကဘ်မ၀တ်ပါဘူး။ အခုဆိုရင် မွတ်စလင်တွေရဲ့ အ၀တ်အစားတွေဟာ ပြောင်းလဲသွားပြီး ဆင်ဟာလီတွေက မွတ်စလင်တွေဟာ ဆော်ဒီနဲ့ အခြားအာရပ်နိုင်ငံတွေရဲ့ ပုံစံကို လိုက်နေတယ်လို့ ထင်လာကြပါတယ်” လို့ ပြောကြားခဲ့ပါတယ်။

    အဖမ်းပြလိုက်၊ လွှတ်လိုက်

    ဒီလို အမြင်တွေ၊ သွားပုပ်လေလွင့်စကားတွေကို ဆိုရှယ်မီဒီယာမှာ ဖြတ်ညှပ်ကပ်ပုံတွေ၊ ဗီဒီယိုတွေနဲ့ ချဲ့ကားပြောဆိုလာကြပြီး အထူးသဖြင့် ဆင်ဟာလီ အမျိုးသားရေးအုပ်စုတွေကိုင်တဲ့ Facebook စာမျက်နှာတွေမှာဖြစ်တယ်လို့ လေ့လာသူတွေက ပြောကြားခဲ့ပါတယ်။

    အဲဒီထဲမှာ ၀ီရဆင်ဆင်းဟီ ဦးဆောင်တဲ့ Mahason Balakaya နဲ့ ဗုဒ္ဓဘာသာဘုန်းကြီး ဂါလာဂိုဒါ အတ္တီ ဂနာဆရ ဦးဆောင်တဲ့ Bodu Bala Sen (BBS) အဖွဲ့တို့က ထင်ရှားပါတယ်။ BBS ဟာ မြန်မာနိုင်ငံက သဘောထားတင်းမာတဲ့ ဗုဒ္ဓဘာသာအဖွဲ့ မဘသနဲ့ အချိတ်အဆက်ရှိပါတယ်။

    ပီရီရာက BBS နဲ့ Mahason Balakaya အဖွဲ့တို့ဟာ နိုင်ငံအတွင်းမှာ လူထုထောက်ခံမှု သိပ်မရပေမယ့် သူတို့ရဲ့ မွတ်စလင်ဆန့်ကျင်ရေး လှုံ့ဆော်မှုကိုတော့ လူများစုဆင်ဟာလီတွေက ဖြန့်ဝေကြတယ်လို့ ပြောပါတယ်။

    လှုံ့ဆော်မှုတွေ၊ အမုန်းစကားတွေ ပြောနေတာကို သမ္မတဟောင်း မိုင်သရီပါလာ ဆရီဆီနာ အစိုးရက ထိရောက်တဲ့ အရေးယူဆောင်ရွက်မှုတွေ မလုပ်တာကြောင့် ဒီအုပ်စုတွေဟာ အတင့်ရဲလာတယ်လို့ အခြား တက်ကြွလှုပ်ရှားသူတွေက ပြောပါတယ်။

    ဥပမာအားဖြင့် ၂၀၁၄ ခုနှစ် အလုသ်ဂမာမှာ လူ ၄ ဦးသေဆုံးပြီး အနည်းဆုံး ၈၀ လောက် ဒဏ်ရာရခဲ့တဲ့ မွတ်စလင်ဆန့်ကျင်ရေး တိုက်ခိုက်မှုဟာ ဂနာဆရရဲ့ လှုံ့ဆော်မှုကြောင့်ဖြစ်တယ်လို့ ကျယ်ကျယ်ပြန့်ပြန့် ပြောဆိုခဲ့ကြပေမယ့် အဲဒီတုန်းက ဖမ်းဆီးမှုတွေ မလုပ်ခဲ့ပါဘူး။

    အမုန်းစကားအတွက် တရားရုံးမှာ လာရောက်ဖြေကြားဖို့ ဆင့်ခေါ်မှုကို မလာရောက်တာကြောင့် ၂၀၁၇ ခုနှစ်နှောင်းပိုင်းမှာ ရဲတပ်ဖွဲ့က သူ့ကို ၀ရမ်းပြေးအဖြစ် ကြေငြာခဲ့ပါတယ်။

    နောက်ပိုင်း ဒီဘုန်းကြီးဟာ သူ့ဟာသူ လာအဖမ်းခံခဲ့ပေမယ့် အမာခံနဲ့ ပြန်လွတ်သွားပါတယ်။ အမှုက ဆက်သွားနေတုန်းပါ။

    ကန်ဒီက တိုက်ခိုက်မှုတွေမှာ သီရိလင်္ကာ အာဏာပိုင်တွေဟာ ၀ီရဆင်းဟီနဲ့ သူ့တပည့် ၉ ဦးကို ဖမ်းခဲ့ပေမယ့် ကျွမ်းကျင်သူတွေကတော့ ဒီအရေးယူမှုဟာ သိပ်မထိရောက်ဘဲ နောက်လည်းနောက်ကျတယ်လို့ ပြောကြားခဲ့ပါတယ်။

    သီရိလင်္ကာ လူ့အခွင့်အရေး တက်ကြွလှုပ်ရှားသူ သာဂျီ ရူဝမ်ပသီရာက ၀ီရဆင်းဟီကို ဖမ်းဆီးတာဟာ မလုံလောက်ဘူးလို့ ဆိုပါတယ်။

    အရင်ကတိုက်ခိုက်မှုတွေမှာ ဖမ်းဆီးတာတွေ လုပ်ခဲ့ပေမယ့် ပြစ်ဒဏ်ချတာမျိုး သိပ်မတွေ့တာကိုလည်း သူမက ထောက်ပြပါတယ်။

    “အစိုးရ၊ ဥပဒေစိုးမိုးရေး အာဏာပိုင်တွေအနေနဲ့ ဒီလို အဖမ်းပြလိုက် လွှတ်လိုက်နဲ့ သံသရာလည်နေတာကို အဆုံးသတ်တာ၊ တိုင်းရင်းသားနဲ့ ဘာသာရေးလူနည်းစုတွေအပေါ် အကြမ်းဖက်မှုကို ထိုင်ကြည့်နေတာတွေ မရှိခဲ့ဘူးဆိုရင် နောက်ကွယ်က လက်မဲတွေဟာ ဒီလောက်အတင့်ရဲမှာ မဟုတ်ပါဘူး”

    လူနည်းစုတွေအပေါ် အကြမ်းဖက်မှုကို သည်းခံမှာမဟုတ်ဘူး၊ တိုင်းပြည်အတွင်းမှာ ဘယ်လူမျိုး၊ ဘယ်ဘာသာကမှ တစ်ခြားလူတွေအပေါ် အနိုင်ကျင့်ဗိုလ်ကျလို့မရဘူးဆိုတာ လူထုသိအောင် ဘာသာရေးနဲ့ နိုင်ငံခေါင်းဆောင်တွေက မဖြစ်မနေ ချပြဖို့ လိုအပ်တယ်လို့လည်း ရူဝမ်ပသီရာက ပြောကြားခဲ့ပါတယ်။

    Ref: Aljazeera

    (Aljazeera သတင်းဌာနတွင် ဖော်ပြထားသည့် In Sri Lanka, hate speech and impunity fuel anti-Muslim violence ဆောင်းပါးကို လေးမောင်က ဆီလျော်အောင် ဘာသာပြန်ဆိုသည်)

  • မွတ်စလင်ဆန့်ကျင်ရေး တိုက်ခိုက်မှုများကို ရှုတ်ချသည့်အနေဖြင့် သီရိလင်္ကာ ရဟန်းတော်များ ချီတက်ဆန္ဒပြ

    မွတ်စလင်ဆန့်ကျင်ရေး တိုက်ခိုက်မှုများကို ရှုတ်ချသည့်အနေဖြင့် သီရိလင်္ကာ ရဟန်းတော်များ ချီတက်ဆန္ဒပြ

    မတ် ၁၀၊ ၂၀၁၈
    M-Media

    – နိုင်ငံအတွင်းမှာ လတ်တလော ဖြစ်ပွားခဲ့တဲ့ မွတ်စလင်ဆန့်ကျင်ရေး တိုက်ခိုက်မှုတွေကို ရှုတ်ချတဲ့အနေနဲ့ ရာနဲ့ချီတဲ့ ဘုန်းတော်ကြီးတွေ၊ တက်ကြွလှုပ်ရှားသူတွေဟာ မနေ့က မြို့တော်ကိုလံဘိုမှာ ချီတက် ဆန္ဒပြခဲ့ကြပါတယ်။

    ‘အမျိုးသားရဟန်းတော်များတပ်ဦး’ က ဦးဆောင်ကာ ဒီချီတက်ဆန္ဒပြမှုကို ပြုလုပ်ခဲ့တာဖြစ်ပြီး ‘နိုင်ငံသားတွေအချင်းချင်း တိုက်ခိုက်မှုဟာ တိုင်းပြည်ရဲ့ စည်းလုံးညီညွတ်မှုကို ထိခိုက်စေတယ်’ လို့လည်း ရဟန်းတော်များအဖွဲ့က ပြောကြားခဲ့ပါတယ်။

    နိုင်ငံအလယ်ပိုင်းကန်ဒီမြို့မှာ ပြီးခဲ့တဲ့ရက်ပိုင်းအတွင်း မွတ်စလင်ဆန့်ကျင်ရေး တိုက်ခိုက်မှုတွေ ဖြစ်ခဲ့တာကြောင့် အနည်းဆုံး လူ ၂ ဦးသေဆုံးပြီး မွတ်စလင်တွေရဲ့ ဆိုင်တွေ၊ နေအိမ်တွေ၊ ဗလီဝတ်ကျောင်းတော်တွေ တော်တော်များများ ဖျက်ဆီး၊ မီးရှို့ခံခဲ့ရပါတယ်။

    ဒီလုပ်ရပ်တွေကို နိုင်ငံအတွင်းက အလယ်အလတ် ဗုဒ္ဓဘာသာခေါင်းဆောင်တွေ၊ တက်ကြွလှုပ်ရှားသူတွေ၊ အားကစားသမားတွေက ရှုတ်ချခဲ့ကြပြီး မနေ့က မွတ်စလင်တွေရဲ့ သောကြာနေ့ ၀တ်ပြုဆုတောင်းမှုအတွင်း ဗလီတွေကို ရဟန်းတော်တွေ၊ ဗုဒ္ဓဘာသာဝင်တွေက သွားရောက်ကာ စည်းလုံးညီညွတ်မှုရှိကြောင်း ပြသခဲ့ပါတယ်။

    တိုက်ခိုက်မှုတွေဖြစ်ပွားခဲ့တဲ့ ကန်ဒီမြို့မှာတော့ မနေ့က အခြေအနေဟာ ငြိမ်သက်ခဲ့ပြီး သီရိလင်္ကာ စစ်တပ်ကလည်း တပ်ဖွဲ့ဝင်တွေတော်တော်များများ ချထားခဲ့ပါတယ်။

    သောကြာနေ့ မွတ်စလင်တွေရဲ့ ၀တ်ပြုဆုတောင်းမှုအတွင်းမှာလည်း နိုင်ငံတစ်ဝှမ်းက ဗလီဝတ်ကျောင်းတော်တွေမှာ သီရိလင်္ကာအစိုးရက လုံခြုံရေးကို ထူထပ်စွာ ချပေးခဲ့ပါတယ်။

    ရဲတပ်ဖွဲ့ကတော့ စုစုပေါင်း လူ ၁၄၅ ဦးနဲ့ ပြဿနာဖြစ်အောင် အဓိကလှုံ့ဆော်သူ မွတ်စလင်ဆန့်ကျင်ရေးသမား အေမစ် ၀ီရဆင်ဟီကို ဖမ်းဆီးထားတယ်လို့ ကြာသာပတေးနေ့မှာ ပြောကြားခဲ့ပါတယ်။

    သီရိလင်္ကာစစ်တပ်အကြီးအကဲ မာဟက်ရှ် ဆီနာနာယာကီက ရဲတပ်ဖွဲ့နဲ့ အထူးတပ်ဖွဲ့ဝင်တွေဟာ တိုက်ခိုက်မှုတွေကို ရပ်ကြည့်နေခဲ့တယ်လို့ တိုက်ခိုက်ခံရသူတွေက ပြောကြားကြောင်း ဖွင့်ဟခဲ့ပါတယ်။

    “ဒီအခြေအနေ မှန်တယ်ဆိုရင်တော့ ၀မ်းနည်းစရာပါ။ လမ်းတွေမှာ စစ်သားတွေ ပိုရှိဖို့အတွက် ကျွန်တော်တို့ လုပ်ဆောင်ထားပြီး၊ တပ်ကူတွေပို့ကာ လုံခြုံရေးကိုခိုင်မာအောင် ဆောင်ရွက်ထားပါတယ်”

    ကန်ဒီမှာ အင်တာနက်လိုင်း ဖြတ်တောက်မှုကို မနေ့မှာ ပြန်ဖွင့်ပေးခဲ့ပေမယ့် Facebook အသုံးပြုမှုကိုတော့ နိုင်ငံတစ်ဝှမ်းမှာ ပိတ်ပင်ထားဆဲ ဖြစ်ပါတယ်။

    Ref: Aljazeera

  • အကြမ်းဖက်မှုတွေကို စနစ်တကျလုပ်လာတဲ့ သီရိလင်္ကာက ဘာသာရေးအစွန်းရောက်များ

    အကြမ်းဖက်မှုတွေကို စနစ်တကျလုပ်လာတဲ့ သီရိလင်္ကာက ဘာသာရေးအစွန်းရောက်များ

    မတ် ၈၊ ၂၀၁၈
    M-Media

    သီရိကင်္လာက ဗုဒ္ဓဘာသာအစွန်းရောက်အဖွဲ့ BBS ဦးသျှောင်ဘုန်းကြီးများ

    – သီရိလင်္ကာနိုင်ငံ အလယ်ပိုင်းက တောင်ပေါ်မြို့ အမ်ဘာတီနာမှာ ဗုဒ္ဓဟူးနေ့က ရာနဲ့ချီတဲ့ ဆင်ဟာလီဗုဒ္ဓဘာသာဝင် လူအုပ်ဟာ တုတ်တွေ၊ ခဲတွေ၊ ဓာတ်ဆီဗုံးတွေ ကိုင်ဆောင်ကာ ညာသံပေးပြီး ဆင်းလာကြပါတယ်။

    ဒီလူအုပ်ဟာ မွတ်စလင်တွေရဲ့အိမ်တွေ၊ ဆိုင်တွေကို ဖျက်ဆီးမီးရှို့ခဲ့ကြပြီး ရဲနဲ့ စစ်သား ၂ ဒါဇင်လောက်ကတော့ ဒီအတိုင်း ရပ်ကြည့်နေခဲ့ကြတယ်လို့ ဒေသခံတွေက ပြောပါတယ်။

    “ကျွန်မတို့ အရမ်းလန့်နေတာ။ ဘယ်မှလည်း သွားစရာမရှိဘူး။ အိမ်က တံခါးတွေအားလုံးကို သူတို့ ရိုက်ချိုးဖျက်ဆီးပြီး အိမ်ကိုလည်း မီးရှို့လိုက်တယ်” လို့ ဖာသီမာ ဇာမီးရ်ကပြောပါတယ်။

    မွေးပြီး ၃ ပတ်သာရှိသေးတဲ့ ကလေးကို ရင်ဝယ်ပိုက်ထားတဲ့ ဇာမီးရ်က ဗုဒ္ဓဟူးနေ့မနက် သူမရဲ့ရပ်ကွက်ထဲမှာ ဖြစ်ခဲ့တဲ့ အကြမ်းဖက်မှုကို ပြန်ပြောင်းပြောပြတာပါ။

    ပြီးခဲ့တဲ့ စနေ၊ တနင်္ဂနွေက ကန်ဒီခရိုင်မှာ စတင်ခဲ့တဲ့ မွတ်စလင်ဆန့်ကျင်ရေး တိုက်ခိုက်မှုတွေကို တားဆီးဖို့တွက် အင်္ဂါနေ့က သမ္မတ မိုင်သရီပါလာ ဆရီဆီနာ ထုတ်ပြန်ခဲ့တဲ့ ညမထွက်ရအမိန့်၊ အရေးအပေါ်အခြေအနေကြေငြာမှုတွေကို လူ ၂၀၀ ကနေ ၅၀၀ လောက်ရှိတယ်လို့ မျက်မြင်သက်သေတွေကပြောတဲ့ အဲဒီလူအုပ်က အာခံပြီး ၀ီလီကာဒါရပ်ကွက်မှာ တိုက်ခိုက်မှုတွေ ပြုလုပ်ခဲ့တာ ဖြစ်ပါတယ်။

    ၀ီလီကာဒါမှာ သူတို့ဟာ မွတ်စလင်တွေရဲ့ အိမ်ယာ အနည်းဆုံး ၁၅ ခုလောက်နဲ့ ဗလီတစ်လုံးကို ဖျက်ဆီးခဲ့တယ်လို့ ဒေသခံတွေက ပြောပါတယ်။ အဆောက်အဦး ၄ ခုနဲ့ ကားတော်တော်များများလည်း မီးရှို့ဖျက်ဆီးခံခဲ့ရပါတယ်။

    တမီလ်ခွဲထွက်ရေးသမားတွေနဲ့ သွေးချောင်းစီးစစ်ပွဲကို ပြီးဆုံးတာ ၁၀ နှစ်တောင်မပြည့်သေးတဲ့ တောင်အာရှက ဒီနိုင်ငံမှာ ဒီလိုတိုက်ခိုက်မှုကြောင့် ပဋိပက္ခနဲ့ မတည်မငြိမ်မှုတွေ ပြန်ဖြစ်လာမလားဆိုတဲ့ စိုးရိမ်မှုတွေလည်း မြင့်တက်လာခဲ့ပါတယ်။

    အခုနောက်ဆုံး ပေါ်လာတဲ့ လူမျိုးရေးအကြမ်းဖက်မှုဟာ လက်ဖက်စိုက်ပျိုးမှု၊ ဗုဒ္ဓဘာသာဆိုင်ရာ သာသနိက အဆောက်အအုံတွေကြောင့် ကျော်ကြားတဲ့ ကန်ဒီခရိုင် တီလီဒီနီယာမြို့မှာ ယာဉ်တိုက်မှုတစ်ခုအတွင်း မွတ်စလင်အမျိုးသားတစ်အုပ်က ဆင်ဟာလီ အမျိုးသားတစ်ဦးကို တနင်္ဂနွေနေ့မှာ ရိုက်နှက်ခဲ့ပြီးတဲ့နောက် စတ
    င်ခဲ့တာဖြစ်ပါတယ်။ ရိုက်နှက်ခံရတဲ့ ဆင်ဟာလီအမျိုးသားဟာ နောက်ပိုင်းမှာ သေဆုံးသွားပါတယ်။

    အာဏာပိုင်တွေနဲ့ ဒေသခံတွေက မျက်နှာစိမ်းတွေလို့ပြောတဲ့ ရာနဲ့ချီတဲ့ ဆင်ဟာလီ ဗုဒ္ဓဘာသာဝင်လူအုပ်ဟာ နောက်တစ်နေ့မှာ ကန်ဒီမြို့ကို ရောက်လာပြီး မွတ်စလင်တွေရဲ့ အိမ်တွေ၊ ဆိုင်တွေနဲ့ ဗလီတွေကို တိုက်ခိုက်ကာ၊ မီးရှို့ဖျက်ဆီးခဲ့ပါတယ်။ အသက် ၂၃ နှစ်အရွယ် မွတ်စလင်အမျိုးသားတစ်ဦးရဲ့အလောင်းကို မီးလောင်သွားတဲ့ အဆောက်အဦးထဲမှာ တွေ့ခဲ့ရပြီး အကြမ်းဖက်မှုတွေ ထပ်ဖြစ်မှာကို စိုးရိမ်တဲ့အတွက် အစိုးရဟာ အရေးပေါ်အခြေအနေ ကြေငြာခဲ့ပါတယ်။ ဒေသတွင်း စစ်တပ်ကိုလည်း ချထားခဲ့ပြီး ကာဗျူးအမိန့်ကိုလည်း ထပ်တိုးခဲ့ပါတယ်။

    ဒါပေမယ့် အကြမ်းဖက်မှုတွေက ရပ်မသွားပါဘူး။ ဗုဒ္ဓဟူးနေ့မှာ မြို့ ၄ မြို့မှာ တိုက်ခိုက်မှုတွေ ဖြစ်ခဲ့တယ်လို့ ရဲတပ်ဖွဲ့ ပြောရေးဆိုခွင့်ရှိသူ ရူဝမ် ဂူနာဆီကာရာက ပြောကြားခဲ့ပါတယ်။

    မီနီခင်နာမြို့က တိုက်ခိုက်မှုအတွင်း ရဲတပ်ဖွဲ့ဝင် ၃ ဦး ဒဏ်ရာရခဲ့တယ်လို့ သူက ဆိုပါတယ်။ ဗုဒ္ဓဟူးနေ့နှောင်းပိုင်းက အမ်ဘာတန်နာမြို့မှာ တိုက်ခိုက်မှုဖြစ်ခဲ့ပြီး ယူလာတဲ့ လက်ပစ်ဗုံး ပေါက်ကွဲမှုကြောင့် ဆင်ဟာလီအမျိုးသားတစ်ဦး သေဆုံးခဲ့ပါတယ်။

    ပြဿနာတွေ စဖြစ်ကတည်းက လုံခြုံရေးတပ်ဖွဲ့တွေဟာ လူ ၃၅ ဦးကို ဖမ်းဆီးခဲ့တယ်လို့ ဂူနာဆီကာရာက ပြောပါတယ်။

    အစိုးရဟာ အင်တာနက်ကို ဖြတ်ချလိုက်ပြီး Facebook ကို ပိတ်ပစ်ခဲ့ကာ လှုံ့ဆော်ဝါဒဖြန့်မှုတွကို ရပ်တန့်ဖို့ ကြိုးစားမှုအဖြစ် Wahtsapp နဲ့ Viber တို့ အပါအ၀င် မက်ဆေ့ပေးပို့တဲ့ အက်ပလီကေးရှင်းတွေကိုလည်း ပိတ်ခဲ့ပါတယ်။

    အန္တရာယ်မကင်း

    ၀ီလီကာဒါမှာ အိပ်ခန်း ၄ ခန်းပါတဲ့အိမ် ဖျက်ဆီးခံလိုက်ရတဲ့ ရှူကရီ ကာစင်က သူ့အနေနဲ့ ခြောက်ခြားတယ်လို့ ပြောကြားခဲ့ပါတယ်။

    “လုံခြုံတယ်လို့ ကျွန်တော်တို့ မခံစားရတော့ဘူး။ ကျွန်တော်တို့ရဲ့ ကလေးတွေအားလုံး စိတ်ဒဏ်ရာ ရနေပြီ။ ဘယ်သွားရမလဲ၊ ဘယ်သူ့ကို ယုံကြည်ရမလဲဆိုတာကို ကျွန်တော်တို့ မသိတော့ဘူး။ ဘာ့ကြောင့် ဒါတွေဖြစ်တာလဲဆိုတာကိုလည်း ကျွန်တော်တို့မသိဘူး။ ဒီလူအုပ်ဟာ ကျွန်တော်တို့ဒေသက မဟုတ်ပါဘူး။ ကျွန်တော်တို့မသိတဲ့ လူစိမ်းတွေပါ။ သူတို့ဟာ မွတ်စလင်မဟုတ်သူတွေရဲ့အိမ်ကို ချန်ပြီး မွတ်စလင်အိမ်တွေကိုပဲ ပစ်မှတ်ထားခဲ့တာကြောင့် ဒေသခံတွေရဲ့ ကူညီမှုမပါဘဲ သူတို့ ဒီလိုမလုပ်နိုင်ပါဘူး”

    အသက် ၂၇ နှစ်အရွယ် စာရင်းကိုင် ကာစင်ဟာ ကားဂိုဒေါင်မှာ မီးလောင်ပျက်ဆီးသွားတဲ့ သူ့ရဲ့ ကားအရှေ့မှာ ပြောပြခဲ့တာ ဖြစ်ပါတယ်။

    ဒါပေမယ့် ဒီအကြမ်းဖက်မှုကို လူတစ်ချို့က လှုံ့ဆော်ခဲ့တာလို့လည်း သူက ပြောပါတယ်။

    ကန်ဒီခရိုင်မှာ မွတ်စလင်တွေနဲ့ ဗုဒ္ဓဘာသာဝင်တွေဟာ သမိုင်းနဲ့ချီ သဟဇာတဖြစ်စွာ နေထိုင်ခဲ့ကြတယ်လို့ ကာစင်က ဆိုပါတယ်။

    “ဘာသာရေးပွဲတော်တွေမှာ ကျွန်တော်တို့ အပြန်အလှန် မုန့်တွေပို့ကြတယ်။ အတူတူကစားတယ်။ တစ်ယောက်ဆိုင်ကနေ တစ်ယောက် ဈေးတွေ ၀ယ်ခဲ့ကြပါတယ်”

    နှစ်ပေါင်း ၃၀ လောက် ကြာမြင့်ခဲ့တဲ့ စစ်ပွဲနောက်ပိုင်း ဗုဒ္ဓဘာသာ အမျိုးသားရေး အုပ်စုတွေ ခေါင်းထောင်လာခဲ့တာကြောင့် လူ့အဖွဲ့အစည်းနှစ်ခုကြားမှာ တင်းမာမှုတွေ ဖြစ်လာခဲ့တာလို့ လေ့လာစောင့်ကြည့်သူတွေက ပြောပါတယ်။ အဲဒီ အုပ်စုတွေထဲမှာ မြန်မာနိုင်ငံက သဘောထားတင်းမာတဲ့ ဗုဒ္ဓဘာသာအဖွဲ့တွေနဲ့ အချိတ်အဆက်ရှိပြီး ဘုန်းကြီးတွေဦးဆောင်တဲ့အဖွဲ့ BBS အဖွဲ့လည်း ပါဝင်ပါတယ်။

    သမ္မတဟောင်း မာဟင်ဒါ ရာဂျာပက်ဆီက အားပေးတယ်လို့ တော်တော်များက ယူဆကြတဲ့ အဲဒီအဖွဲ့ဟာ ၂၁ သသန်းသော သီရိလင်္ကာပြည်သူတွေရဲ့ ၁၀ ရာခိုင်နှုန်းသာရှိတဲ့ မွတ်စလင်တွေက အစ္စလာမ်ဘာသာထဲကို အဓမ္မသွတ်သွင်းတယ်၊ ဗုဒ္ဓဘာသာဝင်တွေရဲ့ ဘုရားကျောင်းကန်တွေကို ဖျက်ဆီးတယ်လို့ စွပ်စွဲခဲ့ကြပါတယ်။ ကန်ဒီက တိုက်ခိုက်မှုတွေမဖြစ်ခင် ပြီးခဲ့တဲ့နှစ်အတွင်း ကြီးမားတဲ့ မွတ်စလင်ဆန့်ကျင်ရေး အကြမ်းဖက်တိုက်ခိုက်မှု နည်းဆုံး ၃ ခုလောက် ဖြစ်ခဲ့ပါတယ်။

    “သီရိလင်္ကာက ချောက်ထဲကျတော့မှာပါ။ ဒီတိုက်ခိုက်မှုတွေဟာ စနစ်တကျကို စီစဉ်ထားတာပါ။ မွတ်စလင်တွေ ကြွလာအောင် ဆွပေးပြီး ဒါကိုအရင်းတည်ကာ မွတ်စလင်တွေအပေါ် အကြမ်းဖက်မှုတွေ ပိုလုပ်ဖို့ သူတို့ ဖန်တီးထားတယ်ဆိုတာ ယုံကြည်ရလောက်တဲ့ အနေအထားတွေ ရှိပါတယ်” လို့ International Crisis Group က သုတေသနပညာရှင်တစ်ဦးဖြစ်သူ အလန် ကီနန်က ပြောပါတယ်။

    မွတ်စလင်လူ့အဖွဲ့အစည်းကတော့ သူတို့ဆင်ထားတဲ့အကွက်ထဲကနေ ‘ချီးကျူးစရာကောင်းလောက်အောင် ရှောင်နိုင်တယ်’ လို့ ကီနန်က ထည့်သွင်းပြောဆိုခဲ့ပါတယ်။

    “ဒါပေမယ့် မွတ်စလင်လူနည်းစုတွေအနေနဲ့ လက်တုန့်ပြန်မယ်ဆိုရင် ငြိမ်နေတဲ့ဆင်ဟာလီတွေကလည်း သူတို့ကို ခြိမ်းခြောက်တယ်လို့ခံစားရကာ အရင်က မရှိခဲ့တဲ့ အနေအထားမျိုးနဲ့ ပါဝင်လာကြမှာပါ”

    ရဲတပ်ဖွဲ့က ရပ်ကြည့်

    စစ်တပ်နဲ့ ရဲတပ်ဖွဲ့တို့က အခြေအနေကို ထိန်းချုပ်မှုမရှိတဲ့အတွက် စိုးရိမ်မိတယ်လို့ ကီနန်က ပြောပါတယ်။

    “(လုံခြုံရေးတပ်ဖွဲ့တွေ) လုံလုံလောက်လောက် မချထားလို့လားဆိုတဲ့ ရေရာတဲ့အကြောင်းပြချက်မျိုး မရှိပါဘူး။ ကျွန်တော်စိုးရိမ်တာက ရဲနဲ့ စစ်တပ်တို့ဟာ တိုခိုက်တဲ့သူတွေဘက်က ဖြစ်နေမလားဆိုတဲ့ အယူအဆမျိုးပါ။ ဒါပေမယ့် ဒါဟာလည်း အံ့သြစရာတော့ မဟုတ်ပါဘူး” လို့ ကီနန်က ပြောကြားခဲ့ပြီး ၂၀၁၄ ခုနှစ်က လူ ၄ ဦး သေဆုံးပြီး တော်တော်များများ ဒဏ်ရာရခဲ့တဲ့ မွတ်စလင်တွေနဲ့ ဗုဒ္ဓဘာသာဝင်တွေအကြား တိုက်ခိုက်မှုမှာ အစိုးရက ပါဝင်ကူညီခဲ့တယ်ဆိုတဲ့ သတင်းတွေကို ထောက်ပြခဲ့ပါတယ်။

    လုံခြုံရေးတပ်ဖွဲ့တွေ အရေးယူဖို့ တွန့်ဆုတ်နေတဲ့ နောက်ထပ် ဖြစ်နိုင်ချေအကြောင်းအရင်းတစ်ခုက ဖေဖော်ဝါရီ ဒေသန္တရရွေးကောက်ပွဲမှာ ဆရီဆီနာရဲ့ ညွန့်ပေါင်းအစိုးရဟာ ရာဂျာပက်ဆီရဲ့ ပါတီကို ရှက်ဖွယ်ရှုံးနိမ့်ခဲ့တဲ့အချက် ဖြစ်မယ်လို့ ကီနန်က ထပ်ပြောပါတယ်။

    အာဏာရှင်ဆန်တယ်၊ ခြစးတယ်၊ လူ့အခွင့်အရေးချိုးဖောက်မှုတွေရှိတယ်လို့ စွပ်စွဲခံရတဲ့ ရာဂျာပက်ဆီကို ၂၀၁၅ ခုနှစ်မှာ ဆရီဆီနာက အမျိုးသားပြန်လည်ရင်ကြားစေ့ရေး၊ ဖွဲ့စည်းပုံ ပြုပြင်ပြောင်းလဲရေး လုပ်ဆောင်မယ်ဆိုတဲ့ စကားတွေနဲ့ ဖြုတ်ချခဲ့ပါတယ်။ ဒါပေမယ့် ဆရီဆီနာကို အာဏာရစေခဲ့တဲ့ ညွန့်ပေါင်းအစိုးရအဖွဲ့ဟာ ဖေဖော်ဝါရီလ ရွေးကောက်ပွဲမတိုင်ခင်မှာ ခွာပြဲခဲ့ကြပါတယ်။

    ကီနန်က ရာဂျာပက်ဆီရဲ့ပါတီ အနိုင်ရမှုက ဆင်ဟာလီ ဗုဒ္ဓဘာသာ အစွန်းရောက်အုပ်စုတွေကို အတင့်ရဲစေပြီး ဒီထက်ပိုပြီး အဓိကျတာက ရဲတပ်ဖွဲ့နဲ့ အခြား အစိုးရတာဝန်ရှိသူတွေဟာ စွန့်စားဖို့အတွက် ချင့်ချိန်နေကြတာဖြစ်မယ်လို့ ကီနန်က ပြောပါတယ်။

    “တိုက်ခိုက်သူတွေရဲ့ နောက်ကွယ်ကလက်မဲကြီးကို ဖော်ထုတ်ရမလားဆိုတာ ရဲတပ်ဖွဲ့က တွေဝေနေတယ်။ ရာဂျာပက်ဆီနဲ့ သူ့လူတွေက ရဲတွေဟာ သူတို့ဖက်ပါတယ်ဆိုတာမျိုးလည်း ဖြစ်ချင်တယ်။ ရာဂျာပက်ဆီနဲ့ သူ့အုပ်စု မကြာခင် အာဏာရလာမယ်ဆိုရင် တာဝန်ကိုကျေပွန်ပြီး အကြမ်းဖက်မှုတွေကို ရပ်တန့်ခဲ့တဲ့ ရဲရင်တဲ့ ရဲတပ်သားတစ်ယောက်ဆိုတာမျိုး သူတို့ရှေ့မှာ ရဲတွေက အဖြစ်မခံချင်တာလည်း ပါမှာပါ။ ”

    ဘေးကျပ်နံကျပ်အစိုးရ

    ဒီလိုတိုက်ခိုက်မှုတွေ ဆက်ဖြစ်နေတယ်ဆိုရင် ဆရီဆီနာအစိုးရရဲ့ အနာဂတ်ဟာ ဘေးကျပ်နံကျပ် ဖြစ်လာမယ်လို့ ကိုလံဘိုအခြေစိုက် တတ်သိပညာရှင်များအဖွဲ့ Centre for Policy Alternatives က အမှုဆောင်ဒါရိုက်တာ ပိုင်ကီယာဆိုသီ ဆရာဝမ်အမူတူက ပြောပါတယ်။

    “လက်ရှိအစိုးရဟာ လုပ်နိုင်စွမ်းမရှိဘူးလို့ ထင်လာဖို့အတွက် တိုက်ခိုက်မှုဖြစ်အောင် လှုံ့ဆော်နေတာလို့ တစ်ချို့က ပြောပါတယ်။ အစိုးရအပြောင်းအလဲ မြန်မြန်ဖြစ်ဖို့အတွက် မတည်ငြိမ်အောင် လုပ်နေတာလို့လည်း တစ်ချို့တွေက ပြောပါတယ်”

    သမ္မတ ဆရီဆီနာ၊ ၀န်ကြီးချုပ် ရာနီလ် ၀စ်ကရီမာဆင်ဟီတို့အနေနဲ့ မြန်မြန်ဆန်ဆန်နဲ့ ပြတ်ပြတ်သားသား လုပ်ဆောင်ဖို့ ဆရာဝမ်အမူတူက တိုက်တွန်းခဲ့ပြီး၊ လုံခြုံရေးတပ်ဖွဲ့တွေအနေနဲ့ အကြမ်းဖက်မှုနောက်ကွယ်က ကြိုးကိုင်သူတွေကို ဖမ်းဆီးကာ တိုင်းပြည်ဟာ ဘာသာပေါင်းစုံ၊ လူမျိုးပေါင်းစုံရှိတဲ့ တိုင်းပြည်ဖြစ်ပြီး ဒီအတိုင်းပဲ ဆက်ရှိချင်တယ်ဆိုတာကို ပြည်သူကို ချပြရမှာဖြစ်ကြောင်း ပြောကြားခဲ့ပါတယ်။

    ဒီလို တိုက်ခိုက်မှုတွေဟာ ဆယ်စုနှစ်ချီ စစ်ပွဲတွေပြီးတဲ့နောက် ပြန်လည်ဦးမော့လာတဲ့ သီရိလင်္ကာရဲ့ စီးပွားရေးကို ထိခိုက်စေနိုင်တယ်လို့လည်း ဆရာဝမ်အမူတူက ဆိုပါတယ်။

    “တကယ်လို့ ကျွန်တော်တို့ဟာ အရေးပေါ်အခြေအနေနဲ့ သွားမယ်၊ ဆိုရှယ်မီဒီယာတွေကို ပိတ်ထားမယ်ဆိုရင် ခရီးသွားတွေ လာတော့မှာမဟုတ်သလို၊ ရင်းနှီးမြှုပ်နှံသူတွေကလည်း ပြန်စဉ်းစားတော့မှာပါ”

    ၀ါလီကာဒီက ဇာမီးရ်ကတော့ သူမအနေနဲ့ အကြမ်းဖက်ခံရမှုကြောင့် နာကျင်ကြေကွဲရတယ်လို့ ပြောကြားခဲ့ပါတယ်။

    “ကျွန်မတို့အနေနဲ့ လုံခြုံအေးချမ်းမှုကို လိုချင်ပါတယ်။ ဘယ်သူ့ကိုမှ ကျွန်မတို့လို မကြုံတွေ့စေချင်ပါဘူး”

    ကာစင်ကာလည်း ဒီလိုပဲ ပြောကြားခဲ့ပါတယ်။

    “စစ်ပွဲရဲ့ ခါးသီးမှုကို ကျွန်တော် ကြုံခဲ့ရပြီးပါပြီ။ ငြိမ်းချမ်းရေးကိုသာ ကျွန်တော် လိုလားပါတယ်”

    Ref: Aljazeera

    (အလ်ဂျာဇီးရားသတင်းဌာနတွင် ဖော်ပြထားသည့် Sri Lanka ‘on the brink’ amid fresh anti-Muslim violence ဆောင်းပါးကို လေးမောင်က ဆီလျော်အောင် ဘာသာပြန်ဆိုသည်။)

  • အရေးပေါ်အခြေအနေ ထုတ်ပြန်ထားသော်လည်း သီရိလင်္ကာတွင် အကြမ်းဖက်တိုက်ခိုက်မှု ဆက်ဖြစ်

    အရေးပေါ်အခြေအနေ ထုတ်ပြန်ထားသော်လည်း သီရိလင်္ကာတွင် အကြမ်းဖက်တိုက်ခိုက်မှု ဆက်ဖြစ်

    မတ် ၇၊ ၂၀၁၇
    M-Media

    အကြမ်းဖက်တိုက်ခိုက်ခံရပြီး မြင်ကွင်း

     

    – သီရိလင်္ကာနိုင်ငံအလယ်ပိုင်း ကန်ဒီမြို့တွင် အရေးပေါ်အခြေအနေ ကြေငြာထားသော်လည်း မွတ်စလင်များအပေါ် ဆင်ဟာလီအစွန်းရောက်များ၏ အကြမ်းဖက်တိုက်ခိုက်မှုများ ဆက်လက်ဖြစ်ပွားနေသည်ဟု သိရသည်။

    ပြီးခဲ့သည့်တစ်ပတ် နိုင်ငံအရှေ့ပိုင်းတွင် ဗုဒ္ဓဘာသာလူအုပ်က မွတ်စလင်များ၏ ဆိုင်များ၊ အိမ်များ၊ ဗလီဝတ်ကျောင်းတော်တို့ကို တိုက်ခိုက်ဖျက်ဆီးမှုမှ အစပြုခဲ့သည့် မတည်ငြိမ်မှုမှာ ယခုတစ်ပတ်တွင် ကန်ဒီမြို့အထိ ကူးစက်လာခဲ့ပြီး ယမန်နေ့က အရေးပေါ်အခြေအနေ ကြေငြာရသည်အထိ ဖြစ်ခဲ့သည်။

    သို့သော်လည်း ယမန်နေ့ညပိုင်းတွင် ကန်ဒီမြို့အနီးရှိ မာဒါဝါလာရွာတွင် အဆောက်အဦးများကို ဖျက်ဆီးမှုများ ရှိနေဆဲဖြစ်သည်ဟု မျက်မြင်သက်သေများက ပြောကြားခဲ့သည်။

    “အဆောက်အဦတစ်ခု မီးရှို့ခံရတဲ့အသံကို ကျွန်တော်ကြားတယ်။ အပြင်ထွက်ကြည့်တော့ မီးတော်တော်လောင်နေတာကို တွေ့ခဲ့ရပါတယ်” ဟု ရွာသား မိုဟာမက် မာနာဇီရ်က ပြောကြားခဲ့သည်။

    အဆိုပါဆိုင်မှာ မွတ်စလင်တစ်ဦးပိုင်ဆိုင်သော ကားပစ္စည်းအရောင်းဆိုင်ဖြစ်သည်ဟုလည်း ၎င်းက ဆိုသည်။

    ဗလီဝတ်ကျောင်းတော်တစ်ခု တိုက်ခိုက်ခံရမှု

    “လက်ရှိတော့ ဘာပြဿနာမှ မရှိတော့ပါဘူး။ ရဲနဲ့ စစ်တပ်က ဒီနေရာကို အပြည့်အ၀ ထိန်းချုပ်ထားပြီး၊ မီးသတ်ကလည်း မီးညှိမ်းပေးခဲ့ပါတယ်”

    ကိုလံဘိုအခြေစိုက် သတင်းဝဘ်ဆိုက်တစ်ခုဖြစ်သည့် Ground Views က ကန်ဒီမြို့ အရှေ့မြောက်ပိုင်းရှိ ၀ါတီဂါမာရွာတွင် ဗလီဝတ်ကျောင်းတော်တစ်လုံးကို လူအုပ်က တိုက်ခိုက်ဖျက်ဆီးခဲ့သည်ဟု ဖော်ပြခဲ့ပြီး ဖျက်ဆီးခံရသည့် ဓာတ်ပုံများကို လွှင့်တင်ခဲ့သည်။

    ပြီးခဲ့သည့်တစ်ပတ် ဆင်ဟာလီဗုဒ္ဓဘာသာဝင်များ၏ မွတ်စလင်ဆန့်ကျင်ရေး ဆန္ဒပြမှုအတွင်း မွတ်စလင်များနှင့် ထိပ်တိုက်တွေ့ဆုံမှုတွင် ဆင်ဟာလီတစ်ဦး သေဆုံးခဲ့ပြီးနောက် ကန်ဒီတွင် အကြမ်းဖက်တိုက်ခိုက်မှုများ မြင့်တက်လာခဲ့ခြင်းဖြစ်သည်။

    ၂၀၁၄ ခုနှစ်မှစ၍ သီရိလင်္ကာနိုင်ငံတစ်ဝှမ်းတွင် မွတ်စလင်များအပေါ် ပစ်မှတ်ထားသည့် အကြမ်းဖက်တိုက်ခိုက်မှုများ ခပ်စိပ်စိပ် ဖြစ်ပွားခဲ့ပြီး ဘုန်းကြီးများဦးဆောင်သည့် ဗုဒ္ဓဘာသာ အစွန်းရောက်အဖွဲ့ BBS က သွေးထိုးလှုံ့ဆော်မှုကြောင့်ဖြစ်သည်ဟု သုံးသပ်မှုများ ရှိနေသည်။

    နိုင်ငံလူဦးရေ၏ ၁၀ ရာခိုင်နှုန်းသာရှိသော မွတ်စလင်များမှာ ၎င်းတို့၏ ဘာသာအတွင်းသို့ အဓမ္မသိမ်းသွင်းကာ၊ ဗုဒ္ဓဘာသာ၏ သမိုင်းဝင်နေရာများကို ဖျက်ဆီးမှုများ ရှိသည်ဟု ဆင်ဟာလီအစွန်းရောက်များက စွပ်စွဲထားသည်။

    BBS အဖွဲ့၏ အစွန်းရောက်အယူအဆကြောင့် နိုင်ငံအတွင်းရှိ လူနည်းစု ခရစ်ယာန် ဘာသာဝင်များလည်း ပြီးခဲ့သည့်နှစ်များအတွင်း တိုက်ခိုက်ခံခဲ့ရသည်။

    Ref: Aljazeera

  • မွတ်စလင်များအပေါ် အကြမ်းဖက်မှု မြင့်တက်လာခြင်းကြောင့် သီရိလင်္ကာတွင် အရေးပေါ်အခြေအနေ ကြေငြာ

    မွတ်စလင်များအပေါ် အကြမ်းဖက်မှု မြင့်တက်လာခြင်းကြောင့် သီရိလင်္ကာတွင် အရေးပေါ်အခြေအနေ ကြေငြာ

    မတ် ၆၊ ၂၀၁၈
    M-Media

    တိုက်ခိုက်ဖျက်ဆီးပြီးနောက် တွေ့ရသည့် မြင်ကွင်း

    – နိုင်ငံတစ်ဝှမ်း မွတ်စလင်တွေကို ပစ်မှတ်ထားတဲ့ တိုက်ခိုက်မှုတွေ မြင့်တက်လာတာကြောင့် သီရိလင်္ကာနိုင်ငံမှာ အစိုးရက အရေးပေါ်အခြေအနေ ကြေငြာလိုက်ပါတယ်။

    ပြီးခဲ့တဲ့တစ်ပတ် တနင်္လာနေ့က နိုင်ငံအရှေ့ပိုင်းမှာ ဗုဒ္ဓဘာသာလူအုပ်က မွတ်စလင်တွေရဲ့ ဗလီဝတ်ကျောင်းတော်တွေ၊ နေအိမ်တွေ၊ ဆိုင်တွေကို ဖျက်ဆီးမှုကနေ အစပြုခဲ့တဲ့ မငြိမ်သက်မှုဟာ နိုင်ငံတစ်ဝှမ်း အလျင်အမြန် ပြန့်နှံ့ခဲ့ပြီး မနေ့က နိုင်ငံအလယ်ပိုင်း ကန်ဒီမြို့မှာ ညမထွက်ရအမိန့် ထုတ်ပြန်ခဲ့တဲ့အထိ ဖြစ်ခဲ့ပါတယ်။

    ဒီကနေ့မှာ သီရိလင်္ကာအစိုးရဟာ အရေးပေါ်အစည်းအဝေး ပြုလုပ်ခဲ့ပြီး ၁၀ ရက်တာ အရေးပေါ်အခြေအနေ ကြေငြာခဲ့ပါတယ်။ သမ္မတ မိုင်သရီပါလာ ဆရီဆီနာက ဒီလို ကြေငြာလိုက်ခြင်းကြောင့် တိုက်ခိုက်မှုတွေကို စစ်တပ်နဲ့ ရဲတပ်ဖွဲ့ဝင်တွေဟာ ပိုမိုအားထည့် ကိုင်တွယ်နိုင်စေလိမ့်မယ်လို့ ပြောကြားခဲ့ပါတယ်။

    ဒီလို လူမျိုးရေးတိုက်ခိုက်မှုတွေ ပြန့်နှံ့မှုကို တားဆီးဖို့အတွက် အထူးဆောင်ရွက်ချက်တွေ ပြုလုပ်သွားဖို့ ရှိနေပါတယ်။

    သီရိလင်္ကာအစိုးရရဲ့ ပြောရေးဆိုခွင့်ရှီသူ ဒါယာဆရီ ဂျာယာဆီကာရာက လူတစ်ချို့ဟာ Facebook စာမျက်နှာကနေ အကြမ်းဖက်ဖို့ လှုံ့ဆော်မှုတွေ ပြုလုပ်နေတဲ့အတွက် အရေးပေါ်ဆောင်ရွက်မှုတွေထဲမှာ ဆိုရှယ်မီဒီယာအသုံးပြုမှု ရပ်ဆိုင်းတာလည်း ပါဝင်မှာဖြစ်ကြောင်း၊ လှုံ့ဆော်သူတွေကို ပြင်းပြင်းထန်ထန် အရေးယူမြှာ
    ဖစ်ကြောင်း ပြောကြားခဲ့ပါတယ်။

    သီရိလင်္ကာ သမ္မတရုံးရဲ့ Twitter စာမျက်နှာမှာ “ဒီလို အရေးပေါ်အခြေအနေ ကြေငြာမှုက နိုင်ငံရဲ့ တစ်ချို့နေရာတွေမှာ လုံခြုံရေးဆိုင်ရာ အခြေအနေဆိုးတွေကို ဖြေရှင်းပေးမှာဖြစ်ပြီး၊ လူ့အဖွဲ့အစည်းအတွင်းက ရာဇ၀တ်မှုတွေကို ဖြေရှင်းဖို့၊ နဂိုအခြေအနေကို ပြန်လည်ထိန်းသိမ်းဖို့အတွက် လုံခြုံရေးတပ်ဖွဲ့ဝင်တွေကို သင့်တော်တဲ့ စွမ်းအားမြှင့်တင်မှုတွေ ပြုလုပ်ပေးထားကြောင်း” ရေးသားဖော်ပြခဲ့ပါတယ်။

    ၂၀၁၄ ခုနှစ်ကတည်းကစလို့ သီရိလင်္ကာနိုင်ငံမှာ မွတ်စလင်တွေအပေါ် ပစ်မှတ်ထားတဲ့ အကြမ်းဖက်တိုက်ခိုက်မှုတွေ ခပ်စိပ်စိပ် ဖြစ်ပေါ်ခဲ့ပြီး ဘုန်းကြီးတွေဦးဆောင်တဲ့ ဗုဒ္ဓဘာသာအစွန်းရောက်အဖွဲ့ BBS က ဖန်တီးနေတယ်လို့ ပြောဆိုမှုတွေ ရှိနေပါတယ်။

    BBS ရဲ့ လှုံ့ဆော်မှုတွေကြောင့် သီရိလင်္ကာနိုင်ငံအတွင်းက လူနည်းစုခရစ်ယာန်တွေလည်း ပြီးခဲ့တဲ့နှစ်တွေမှာ ပစ်မှတ်ထား တိုက်ခိုက်ခြင်း ခံခဲ့ရပါတယ်။

    တိုင်းပြည်လူဦးရေရဲ့ ၁၀ ရာခိုင်နှုန်းသာရှိတဲ့ မွတ်စလင်တွေဟာ အစ္စလာမ်ဘာသာထဲ အဓမ္မသိမ်းသွင်းနေတယ်၊ ဗုဒ္ဓဘာသာရဲ့ သမိုင်းဝင်နေရာတွေကို ဖျက်ဆီးနေတယ်လို့ ဆင်ဟာလီ အစွန်းရောက်တွေက စွပ်စွဲ ၀ါဒဖြန့်နေကြတာ ဖြစ်ပါတယ်။

    Ref: Independent