ဇူလိုင် ၁၊ ၂၀၁၈
M-Media
– တရုတ်နိုင်ငံက သိမ်းထားတဲ့ ရေနက်ဆိပ်ကမ်းကို တောင်ပိုင်းရေတပ်ဌာနချုပ် ရွှေ့ပြောင်းသွားမယ်လို့ သီရိလင်္ကာကနိုင်ငံက မနေ့မှာ ကြေငြာလိုက်ပါတယ်။
နိုင်ငံတောင်ပိုင်းက ဟမ်ဘန်တိုတာ ဆိပ်ကမ်းဖြစ်ပြီး တရုတ်ဆီကယူထားတဲ့ နှစ်ရှည်ချေးငွေတွေကို ပြန်မဆပ်နိုင်တာကြောင့် သီရိလင်္ကာနိုင်ငံဟာ ပြီးခဲ့တဲ့နှစ်မှာ ဒီဆိပ်ကမ်းကို နှစ် ၁၀၀ နီးပါး ထိုးအပ်လိုက်ရတာ ဖြစ်ပါတယ်။
အိန္ဒိယသမုဒ္ဒရာပေါ်က ဒီဆိပ်ကမ်းဟာ အရှေ့-အနောက် ရေလမ်းကြောင်းမှာ အဓိကကျနေပြီး တရုတ်က စစ်ရေးအရ အသုံးပြုလာမှာကို အိန္ဒိယအပါအ၀င် အိမ်နီးချင်းနိုင်ငံတွေက စိုးရိမ်နေကြပါတယ်။
ဝန်ကြီးချုပ်ရုံးက ထုတ်ပြန်ရာမှာ သီရိလင်္ကာ ရေတပ်ရဲ့ တောင်ပိုင်းဌာနချုပ်ကို ဟမ်ဘန်တိုတာကို ပြောင်းရွှေ့သွားမှာဖြစ်ပြီး ဆိပ်ကမ်းလုံခြုံရေးကို ရေတပ်က တာဝန်ယူသွားမှာဖြစ်ကြောင်း၊ ဒီဆိပ်ကမ်းကို စစ်ရေးအတွက် အသုံးပြုလို့ မရဘူးဆိုတာကို တရုတ်နိုင်ငံကိုလည်း ပြောကြားထားကြောင်း ဖော်ပြထားပါတယ်။
သီရိလင်္ကာ သမ္မဟောင်း မာဟင်ဒါ ရာဂျာပက္ကဆီလက်ထက်မှာ နိုင်ငံအတွင်း အခြေခံအဆောက်အဦး စီမံကိန်းတွေအတွက် တရုတ်ဆီက ဒေါ်လာ ဘီလီယံချီ နှစ်ရှည်ချေးငွေ ရယူခဲ့ပြီး နောက်ပိုင်းမှာ ပြန်မဆပ်နိုင်တော့ပါဘူး။
တရုတ်ဟာ သူတို့ရဲ့ Belt and Road စီမံကိန်းအဖြစ် အာရှတစ်ဝှမ်းက နိုင်ငံတွေကို နှစ်ရှည်ချေးငွေတွေ ထုတ်ပေးကာ အခြေခံအဆောက်အဦးတွေ တည်ဆောက်စေပြီး ကျွမ်းကျင်သူတွေက ဒါဟာ တရုတ်ရဲ့ အကြွေးထောင်ချောက် ဒစ်ပလိုမေစီဖြစ်တယ်လို့ သုံးသပ်ကြပါတယ်။
Ref: CNA
