Tag: Sirilanka

မေ ၂၁၊ ၂၀၁၅
M-Media

– အသက် ၁၇ နှစ်အရွယ် သီရိလင်္ကာ ကျောင်းသူတစ်ဦး အုပ်စုဖွဲ့ မုဒိမ်းကျင့်အသတ်ခံရမှုအား မကျေနပ်သောကြောင့် ပြည်သူများ၏ ဆန္ဒပြမှုအတွင်း ရဲတပ်ဖွဲ့နှင့် ပဋိပက္ခများ ဖြစ်ပွားခဲ့ပြီး လူ ၁၀၀ ကျော် အဖမ်းခံခဲ့ရသည်ဟု သိရသည်။

နိုင်ငံမြောက်ပိုင်းမြို့တော် ဂျက်ဖ်နာတွင် ယမန်နေ့က ဆန္ဒပြခဲ့ကြခြင်းဖြစ်ပြီး ရဲတပ်ဖွဲ့ကလည်း မျက်ရည်ယိုဗုံးများဖြင့် ဖြိုခွဲခဲ့ကြသည်။

ဗဒ်ယာဟု အမည်ရသည့် ကျောင်းသူမှာ ပြီးခဲ့သည့် သီတင်းပတ် ဗုဒ္ဓဟူးနေ့က ကျောင်းမှအပြန် အိမ်သို့ ရောက်ရှိလာခြင်းမရှိဘဲ ပျောက်ဆုံးသွားခဲ့ပြီးနောက် လိုက်လံရှာဖွေရာ အလောင်းအား ကြာသာပတေးနေ့တွင် ပြန်တွေ့ခဲ့သည်။

ထိုမိန်းကလေးငယ်မှာ လက်နှင့် ခြေထောက်များကို ကြိုးတုပ်ခံထားရပြီး မသေဆုံးမီ အ၀တ်စုတ်ကိုလည်း ပါးစပ်တွင် ဆို့ထားခံခဲ့ရသည်ဟု သတင်းများက ဖော်ပြကြသည်။

ထိုကိစ္စနှင့်ပတ်သက်၍ ဒေသခံများက ဒေါသထွက်ခဲ့ကြကာ ယမန်နေ့က ဂျက်ဖ်နာမြို့ တရားရုံးရှေ့တွင် ထောင်ပေါင်းများစွာသော လူအုပ်စုကြီးက ဆန္ဒပြခဲ့ကြပြီး အုပ်စုဖွဲ့ မုဒိမ်းမှုအတွက် ဖမ်းဆီးခံထားရကာ တရားစွဲဆိုမှု ခံရတော့မည့် လူ ၉ ဦးကို ထုတ်ပေးရန် တောင်းဆိုခဲ့ကြသည်။

ထို့နောက် ရဲတပ်ဖွဲ့က မျက်ရည်ယိုဗုံးများသုံးကာ လူစုခွဲခဲ့ပြီး ဆန္ဒပြသူများကလည်း ခဲများဖြင့် တရားရုံးအား ပစ်ပေါက်ခြင်း၊ အနီးအနားရှိယာဉ်များအား ဖျက်ဆီးခြင်းတို့ကို ပြုလုပ်ခဲ့ကြကာ ဆန္ဒပြသူ ၁၀၀ ကျော်ခန့် ဖမ်းဆီးခံခဲ့ရသည်။

ရဲတပ်ဖွဲ့ကမူ ဖမ်းဆီးထားသူများအား တရားမ၀င် ဆန္ဒပြမှုနှင့် ပြည်သူပိုင်ပစ္စည်းများ ဖျက်ဆီးမှုတို့ဖြင့် တရားစွဲဆိုသွားမည်ဟု ပြောကြားခဲ့သည်။

Ref: Aljazeera

မတ် ၂၈၊ ၂၀၁၅
M-Media

– သီရိလင်္ကာသမ္မတ မိုင်သရီပါလာ ဆရီစီနာ၏ ညီအငယ်ဆုံး ဖြစ်သူမှာ ပုဆိန်ဖြင့် ခုတ်ခံရသည့် ဒဏ်ရာကြောင့် ယနေ့တွင် မြို့တော်ကိုလံဘိုရှိ ဆေးရုံ၌ ကွယ်လွန်သွားခဲ့ပြီဟု သိရသည်။

သားသမီး ၃ ယောက်၏ ဖခင်ဖြစ်သူ ပရီယန်သာ ဆီရီစီနာမှာ ၎င်း၏ ဇာတိမြို့ ပိုလွန်နာရူဝါတွင် ပြီးခဲ့သည့် ၂ ရက်အရင်က ပုဆိန်ဖြင့် အခုတ်ခံခဲ့ရခြင်းဖြစ်ပြီး ဦးခေါင်း၌ ပြင်းထန်စွာ ဒဏ်ရာရရှိခဲ့ပြီးနောက် ဆေးကုသမှု ခံယူနေစဉ် သေဆုံးခဲ့ခြင်းဖြစ်သည်။

ရဲတပ်ဖွဲ့ကမူ အဆိုပါတိုက်ခိုက်မှုနှင့် ဆက်နွယ်နေသည့် လူတစ်ဦးကို ဖမ်းဆီးထားပြီး စုံစမ်းစစ်ဆေးမှုများကို ဆက်လက် လုပ်ဆောင်နေသည်ဟု ပြောကြားခဲ့သည်။ အစိုးရမှ ထုတ်ပြန်သော ကြေညာချက်တွင် စီးပွားရေးသမားတစ်ဦးဖြစ်သူ ပရီယန်သာမှာ ကြာသာပတေးနေ့ ညနေပိုင်းတွင် သူငယ်ချင်းတစ်ဦးနှင့် အငြင်းအခုံဖြစ်ပြီးနောက် ယခုကဲ့သို့ တိုက်ခိုက်ခံခဲ့ရခြင်းဖြစ်ပြီး အရေးပေါ် ကုသမှုများ ပြုလုပ်ခဲ့သော်လည်း သတိပြန်လည်လာခြင်းမရှိတော့ဟု ဖော်ပြခဲ့သည်။ တရားဝင်အထောက်အထားများအရ ပရီယန်သာမှာ သားသမီး ၁၂ ယောက်တွင် အငယ်ဆုံးဖြစ်သည်။

သမ္မတ မိုင်သရီပါလာမှာ ယခုအချိန်တွင် တရုတ်နိုင်ငံသို့ အလည်အပတ်ခရီး ရောက်ရှိနေသည်။ ၎င်းမှာ ဇန်န၀ါရီရွေးကောက်ပွဲတွင် ခက်ခက်ခဲခဲအနိုင်ရရှိခဲ့ပြီး ယခင် သီရိလင်္ကာ သမ္မတများကဲ့သို့ ညီအစ်ကိုမောင်နှမများအတွက် လုံခြုံရေးများ ထားခြင်းမရှိဘဲ၊ ၎င်း၏ လုံခြုံရေးတပ်ဖွဲ့ကိုလည်း သိသိသာသာ လျှော့ချခဲ့သည်။

Ref: channelnewsasia

ဇန်န၀ါရီ ၃၁၊ ၂၀၁၅
M-Media

– ယခုလစောပိုင်းတွင် အာဏာရရှိခဲ့သည့် သီရိလင်္ကာသမ္မတသစ် မိုင်သရီပါလာ ဆရီစီနာက နိုင်ငံ၏ တရားရေးအကြီးအကဲအဖြစ် လူနည်းစုတမီလ်လူမျိုးထဲမှ တရားသူကြီတစ်ဦးကို ခန့်အပ်ခဲ့သည်ဟု သိရသည်။

တရားရေးအကြီးအကဲအဖြစ် ခန့်အပ်ခြင်းခံရသူမှာ အသက် ၆၂ နှစ်အရွယ် တမီလ်လူမျိုး ကာနာဂါဆာဘာပက်သီ ဆရီပါဝမ်ဖြစ်ပြီး ယမန်နေ့တွင် ကျမ်းသစ္စာကျိန်ဆိုခဲ့သည်။ ဆရီပါဝမ်မှာ နှစ်ပေါင်း ၂၀ ကျော်အတွင်း နိုင်ငံ၏ ထိုကဲ့သို့ အမြင့်ဆုံးရာထူး၌ တာဝန်ထမ်းဆောင်သည့် ပထမဆုံး တမီလ်လူမျိုးလည်း ဖြစ်လာမည်ဖြစ်သည်။

`တရားရေးအကြီးအကဲ ဆရီပါဝမ်ဟာ သမ္မတ ဆရီစီနာရဲ့ အရှေ့မှာ ကျမ်းသစ္စာ ကျိန်ဆိုခဲ့ပြီးပါပြီ´ ဟု သမ္မတရုံးအတွင်းဝန်၏ ကြေညာချက်တွင် ဖော်ပြထားသည်။

တရားရေးအကြီးအကဲအဖြစ် တမီလ်လူမျိုးအား ခန့်အပ်ခဲ့ခြင်းမှာ ၃၇ နှစ်ကြာ စစ်ပွဲပြီးနောက် နိုင်ငံ၏ အကြီးဆုံး လူနည်းစုဖြစ်သည့် တမီလ်လူမျိုးများနှင့် ဆက်ဆံရေးပြန်လည်ကောင်းမွန်ရန် သီရိလင်္ကာခေါင်းဆောင်ပိုင်း၏ ကြိုးပမ်းမှုလည်းဖြစ်သည်။

တရားရေးဌာန အကြီးအကဲဟောင်းမှာ ဘန်ဒရာနာယက်ဖြစ်ပြီး ၎င်းအား ချစားမှုစွဲချက်ဖြင့် ယခင်သမ္မတဟောင်း ရာဂျာပက်ဆာက ရာထူးမှ ထုတ်ပယ်ထားခြင်းဖြစ်သည်။ သူမမှာ သမ္မတသစ်လက်ထက်တွင် ပြန်လည်တာဝန်ထမ်းဆောင်ခဲ့ပြီး ဗုဒ္ဓဟူးနေ့က တရားဝင်ရာထူး ရယူခဲ့သော်လည်း တစ်ရက်သာခံခဲ့ပြီး ကြာသာပတေးနေ့တွင် ရာထူးမှ ဆင်းပေးခဲ့ရသည်။

လူများစု ဆင်ဟာလီများကြီးစိုးသည့် ဆရီစီနာ အစိုးရမှာ နိုင်ငံအတွင်းရှိ တမီလ်လူနည်းစုများနှင့် ပြန်လည်ရင်ကြားစေ့ရေး လုပ်ငန်းများကို လုပ်ဆောင်မည်ဟု ကတိပြုထားသည်။ တမီလ်လူမျိုးများမှာ ၁၉၇၂ ခုနှစ်မှစ၍ လက်နက်ကိုင်ကာ ခွဲထွက်ရေးအတွက် ဆောင်ရွက်ခဲ့ပြီး ၂၀၀၉ ခုနှစ်တွင် အစိုးရတပ်များက အမြစ်ဖြတ်ချေမှုန်းနိုင်ခဲ့သည်။ ၃၇ နှစ်တာကြာမြင့်ခဲ့သည့် ထိုကာလအတွင်း အနည်းဆုံး လူပေါင်း ၁ သိန်းခန့် အသက်ဆုံးရှုံးခဲ့ရသည်။

သီရိလင်္ကာ တရားရေးအကြီးအကဲအဖြစ် နောက်ဆုံး တာဝန်ထမ်းဆောင်ခဲ့သူ တမီလ်လူမျိုးမှာ ဟာရ်ဘတ် သမ်ဘီယာဖြစ်ပြီး ၁၉၉၁ ခုနှစ်အထိ တာဝန်ထမ်းဆောင်ခဲ့သည်။

Ref: aljazeera