News @ M-Media

Tag: Sirilanka

  • သီရိလင်္ကာ ရေဘေးအတွက် ယူအေအီး ကူညီမည်

    သီရိလင်္ကာ ရေဘေးအတွက် ယူအေအီး ကူညီမည်

    ဇွန် ၁၊ ၂၀၁၆
    M-Media

    siri

    – သီရိလင်္ကာနိုင်ငံမှာ မကြာသေးမီက ဖြစ်ပွားခဲ့တဲ့ ရေကြီးမှုနဲ့ မြေပြိုမှုဒဏ် ခံစားခဲ့ရသူတွေအတွက် လူသားချင်းစာနာမှု အကူအညီတွေ ပေးအပ်သွားမယ်လို့ ယူအေအီးလခြမ်းနီအဖွဲ့ ERC က ပြောကြားလိုက်ပါတယ်။

    အခြေခံစားသောက်ကုန်တွေ၊ အမိုးအကာတွေနဲ့ အခြားသော အထောက်အပံ့တွေ ပေးပို့လှူဒါန်းသွားမှာဖြစ်ပြီး သီရိလင်္ကာပြည်သူတွေ ရင်ဆိုင်နေရတဲ့ ဘေးဒုက္ခတွေ သက်သာရေး ရည်ရွယ်တဲ့ အဲဒီအစီအစဉ်ကို စတင်အကောင်အထည်ဖော်နေပြီ ဖြစ်ပါတယ်။

    ဒီအစဉ်အစဉ်ကို ကိုလံဘိုမှာရှိတဲ့ ယူအေအီးသံရုံးနဲ့ သီရီလင်္ကာကြက်ခြေနီအသင်းတို့ ပူးပေါင်းဆောင်ရွက်သွားမှာဖြစ်ပြီး ERC အဖွဲ့ကတော့ သူတို့ဟာ သီရိလင်္ကာမှာ လူသားချင်းစာနာမှုအခြေအနေတွေ တိုးတက်လာဖို့နဲ့ ခံစားရတဲ့ ဒုက္ခသုက္ခတွေ သက်သာစေဖို့ အကောင်းဆုံးဝန်ဆောင်မှုတွေ ပေးသွားမှာဖြစ်တယ်လို့ ပြောကြားခဲ့ပါတယ်။

    Ref: IINA

  • သီရိလင်္ကာမြေပြိုမှု မိသားစု ၂၀၀ ကျော် ပျောက်ဆုံးနေ

    သီရိလင်္ကာမြေပြိုမှု မိသားစု ၂၀၀ ကျော် ပျောက်ဆုံးနေ

    မေ ၁၈၊ ၂၀၁၆
    M-Media

    siri

    – သီရိလင်္ကာနိုင်ငံတွင် ယမန်နေ့ညနှောင်းပိုင်းက မိုးသည်းထန်စွာရွာသွန်းပြီး မြေပြိုမှုများ ဖြစ်ပွားခဲ့သောကြောင့် ရွာ ၃ ရွာမှ မိသားစုပေါင်း ၂၀၀ ကျော် ပျောက်ဆုံးနေသည်ဟု သိရသည်။

    နိုင်ငံအလယ်ပိုင်းရှိ ကုန်းမြင့်ဒေသတွင် ဖြစ်ပွားခဲ့ခြင်းဖြစ်ပြီး လက်ရှိအချိန်၌ သေဆုံးသူ အရေအတွက်မှာ ၃၅ ဦး ရှိသည်ဟု အာဏာပိုင်များက ထုတ်ဖော်ပြောကြားထားသော်လည်း ရွှံ့များနှင့် အပျက်အဆီးများအောက်တွင် ပိတ်မိနေသူ အများအပြား ရှိနေသောကြောင့် သေဆုံးသူအရေအတွက်မှာ တိုးလာနိုင်ဖွယ် ရှိနေသည်။

    သီရိလင်္ကာ ကြက်ခြေနီအဖွဲ့က ထုတ်ပြန်သော ကြေငြာချက်တွင် မြေပြိုမှုကြောင့် ရွာသုံးရွာမှ မိသားစုပေါင်း ၂၂၀ ခန့်ပျောက်ဆုံးနေသည်ဟု ဖော်ပြထားသည်။ ရွာများရှိ နေထိုင်သူအရေအတွက်ကို အတိအကျ မပြောနိုင်သော်လည်း တစ်ရွာတွင် အနည်းဆုံး လူ ၁၀၀၀ မှ ၁၅၀၀ ခန့်အထိ ရှိနိုင်သည်ဟု ခန့်မှန်းထားသည်။

    ဘေးလွတ်ရာသို့ ရွှေ့ပြောင်းပေးထားရသူ အရေအတွက်မှာ ၁၀၀၀ ကျော်ရှိနေပြီး စာသင်ကျောင်းများ၊ ဘုန်းကြီးကျောင်းများတွင် ယာယီစခန်းချ၍ နေရာပေးထားရသည်ဟု အစိုးရက သတင်းထုတ်ပြန်ခဲ့သည်။ လက်ရှိအချိန်တွင် စစ်တပ်မှာ လှေများ၊ ရဟတ်ယာဉ်များ အသုံးပြု၍ ပျောက်ဆုံးနေသူများကို ရှာဖွေလျက်ရှိနေသည်။

    Ref: Aljazeera

  • သီရိလင်္ကာ မြေမြှုပ်မိုင်းရှင်းလင်းရေးလုပ်သားထက်ဝက်ကျော်မှာ စစ်ဒဏ်ခံအမျိုးသမီးများဖြစ်နေ

    သီရိလင်္ကာ မြေမြှုပ်မိုင်းရှင်းလင်းရေးလုပ်သားထက်ဝက်ကျော်မှာ စစ်ဒဏ်ခံအမျိုးသမီးများဖြစ်နေ

    ဖေဖော်ဝါရီ ၁၁၊ ၂၀၁၆

    M-Media
    thiri
    သီရိလင်္ကာ၏ အကြီးဆုံးမြေမြှုပ်မိုင်းကွင်းပြင်ကြီးတွင် နေပူကျဲတဲအောက် မိုင်းရှင်းလုပ်ငန်းလုပ်ဆောင်နေသူတစ်ဦး

    – တမီလ်လွတ်မြောက်ရေးကျားတပ်ဖွဲ့ LTTE – Liberation Tigers of Tamil Eelam နှင့် သီရိလင်္ကာတပ်မတော် SLA – Sri Lankan Army တို့အကြား ဖြစ်ပွားသော သီရိလင်္ကာနိုင်ငံ၏ ၂၆ နှစ်ကြာ ပြည်တွင်းစစ်ပွဲကြောင့် လူပေါင်းသိန်းချီ အိုးအိမ်နေရပ်စွန့်ခဲ့ကြရသည်။

    သီရိလင်္ကာ၏လူများစုသည် ဆင်ဟာလီ ဗုဒ္ဓဘာသာဝင်များဖြစ်သည်။ တမီလ်ကျားသူပုန်အဖွဲ့မှာ လူနည်းစုဝင် ဟိန္ဒူတမီလ်များအတွက် ကိုယ်ပိုင်နယ်မြေ ခွဲထွက်တည်ထောင်ရန် ကြိုးစားရာမှ အကြမ်းဖက်အဖွဲ့အစည်းတစ်ရပ် ဖြစ်လာခဲ့သည်။ ထိုအဖွဲ့သည် အသေခံဗုံးခွဲသည့်လုပ်ရပ်ဖြင့် ပထမဦးဆုံး ကျော်ကြားပြီး၊ တမီလ်နှင့်ဟိန္ဒူ နှစ်ဖက်လုံးမှ ထင်ရှားသောခေါင်းဆောင်များကို လုပ်ကြံခဲ့သည့်အပြင် ကလေးစစ်သားအများအပြားကို မွေးထုတ်ပေးခဲ့ကြသည်။

    ကိုယ်ပိုင်လေယာဉ်များပိုင်ဆိုင်ခြင်း၊ ရေငုပ်သင်္ဘောများတည်ဆောက်ခြင်း၊ စက်ရုံတည်၍စစ်လက်နက်များထုတ်လုပ်ခြင်းတို့ဖြင့် ခေတ်သစ်ကမ္ဘာတွင် အင်အားအကောင်းဆုံးနှင့် စည်းကမ်းအတင်းကြပ်ဆုံးအဖွဲ့အစည်းဖြစ်ခဲ့ကြောင်း HALO Trust အပြည်ပြည်ဆိုင်ရာ မိုင်းများ ရှင်းလင်းရေးအေဂျင်စီ၏ ပရိုဂရမ်မန်နေဂျာ Damian O’Brien က ဆိုသည်။

    ၎င်းကျားသူပုန်တို့က နိုင်ငံ၏ မြောက်ပိုင်း Kilinochchi ခရိုင်ရှိ Muhamalai ဒေသတွင် ကိုယ်ပိုင်ကာကွယ်ရေးအတွက် ၁၂ စတုရန်းကီလိုမီတာအထိ ကျယ်ပြန့်သော မြေမြှုပ်မိုင်းကွင်းကို ပြုလုပ်ခဲ့ကြသည်။ ယင်းဒေသနှင့် Nagar Kovil ဒေသနှစ်ခု၌ ၂၀၀၀-၂၀၀၉ ခုနှစ်ကာလအတွင်း စစ်ပွဲတစ်လျှောက် အပြင်းထန်ဆုံးတိုက်ပွဲများဖြစ်ပွားခဲ့ကြသည်။ စစ်တပ်နှစ်ဖက်စလုံးက ယင်းနေရာများကို ရှေ့တန်းကာကွယ်ရေးစည်းအဖြစ် သတ်မှတ်ကြ၍ ဖြစ်သည်။ မြေမြှုပ်မိုင်းကြောမှာ Muhamalai နယ်အတွင်းမှ Jaffna isthmus နယ်ဖျားနှင့် Nagar Kovil တံငါရွာဟောင်းကို ဖြတ်သန်းပြီး နိုင်ငံအရှေ့ဖက် အိန္ဒိယသမုဒ္ဒရာကမ်းခြေရောက်သည်အထိ ရှည်လျားလှသည်။ ၎င်းဒေသများရှိ တောတောင်၊ ကျောက်ဆောင်၊ ရေပြင်မြေပြင်အနှံ့ ယနေ့ထက်တိုင် မပေါက်ကွဲသေးသော မိုင်းများ၊ ဗုံးများ ဖုံးကွယ်တည်ရှိနေဆဲဖြစ်သည်။ HALO အဖွဲ့၏ အကြီးတန်းကွင်းဆင်းအရာရှိက မိုင်းရှင်းလင်းရေးအတွက် နေ့စဉ် ၁၀ ကြိမ်ခန့် မိမိထံ ဆက်သွယ်အကူအညီတောင်းဆိုလျက်ရှိကြောင်း ပြောပြသည်။

    အစိုးရအဖွဲ့၏ National Min Action Centre – NMAC မှစာရင်းဇယားများအရ မိုင်းများ၊ ပေါက်ကွဲနိုင်သည့်ဗုံးလက်နက်များ အစရှိသည်တို့မှာ နိုင်ငံအနှံ့တွင် ၁.၃ မှ ၁.၅ သန်းအထိ အရေအတွက်အားဖြင့် ရှိနိုင်ကြောင်း ခန့်မှန်းထားပြီး၊ ၎င်းတို့အနက် မိုင်းပမာဏ ၆ သိန်းကျော်ကို ပြန်လည်ရှာဖွေရှင်းလင်းခဲ့ပြီးဖြစ်ကြောင်း DASH မိုင်းရှင်းလင်းရေးအေဂျင်စီထံမှ သိရှိရ၏။ မြေမြှုပ်မိုင်းနှင့် ထပ်ဆင့်ပေါက်ကွဲပစ္စည်းများစောင့်ကြည့်ရေးအဖွဲ့၏အဆိုအရ မိုင်းရှင်းလင်းရေး၌ ထိခိုက်ဒဏ်ရာရသူများမှာ ၂၀၁၃ ခုနှစ်နှစ်ကုန်ပိုင်းအထိ SLA နှင့် LTTE တပ်ဖွဲ့ဝင်ဟောင်းများ၊ အရပ်သားများအပါအ၀င် လူပေါင်း ၂၂၁၅၀ ဦး ရှိခဲ့ပြီဖြစ်သည်။ ၂၀၁၃ ခုနှစ်တွင် မိုင်းဒဏ်သင့်၍ နောက်ထပ်အသက်ဆုံးရှုံးရသူ ၂၂ ဦး၊ ၂၀၁၄ ခုနှစ်တွင် ၁၆ ဦး၊ ၂၀၁၅ ခုနှစ်တွင် ၆ ဦး ရှိခဲ့သည်ဟု UNICEF ၏ နောက်ဆုံးစာရင်းဇယားက ဖော်ပြထားသည်။

    ပြည်မခရိုင်ရှိ Kandy နှင့် မြောက်ပိုင်းရှိ Jaffna အား Muhamalai ကို ဖြတ်သန်းဆက်သွယ်ထားသော ရထားလမ်းကြောကို တစ်ဖက်တစ်ချက် မီတာ ၃၀၀ အကျယ်အ၀န်းအထိ HALO Trust မှ မိုင်းရှင်းလင်းဖယ်ရှားပြီးသည့်နောက် ၂၀၁၃ ခုနှစ်တွင် ပြန်လည်ဖွင့်လှစ်နိုင်ခဲ့သည်။ အဆိုပါ မိုင်းကွင်းကြီး၏ ငါးရာခိုင်နှုန်းမျှသာရှိသော ယင်းလမ်းပိုင်းမှာပင် မိုင်းဗုံးများ ၈၀၀၀ အထိ တွေ့ရှိခဲ့ရသည်။

    စစ်ပွဲကာလအတွင်း စစ်တပ်အသုံးပြုသည့်မိုင်းများမှာ ပါကစ္စတန်၊ တရုတ် စသည့် ပြည်ပနိုင်ငံများမှ တင်သွင်းခြင်းဖြစ်သည်။ တမီလ်ကျားအဖွဲ့၏မိုင်းများမှာ ကိုယ်တိုင်တီထွင်မှုများဖြစ်သော်လည်း ရံဖန်ရံခါ နည်းပညာမြင့်မားသော ထုတ်ကုန်များဖြစ်နေသည်ကို တွေ့ကြရ၏။ မိုင်းဗုံးအရေအတွက် မည်မျှအထိ ဆင်ယင်အသုံးပြုခဲ့ကြသည့်အပေါ် မည်သူမျှ တိတိကျကျ မပြောနိုင်ကြ။ LTTE အဖွဲ့သည် ဝေဟင်ဗုံးများကဲ့သို့ နည်းပညာမြင့်လက်နက်များအထိ ထုတ်နိုင်အောင် ကြိုးစားမှုရှိခဲ့ကြောင်း O’Brien က ပြောကြားသည်။ ထို့အဖွဲ့က မိုင်းရှင်းလင်းရေးအေဂျင်စီများကို မည်သည့်မှတ်တမ်းမျှ မပေးခဲ့ကြောင်း၊ ပေးရန်မှတ်တမ်း မရှိ၍လည်းဖြစ်နိုင်ကြောင်း Chandrasiri ကဆိုသည်။

    NMAC ပြုစုရေးသားချက်မှတဆင့် DASH ၏မှတ်တမ်းများ၌ အန္တရာယ်ဖြစ်စေနိုင်သော မိုင်းများ ခန့်မှန်းခြေ ၁၅၆ သန်း ရှိသည့်အနက် ၈၈ သန်းခန့် ရှင်းလင်းနိုင်ခဲ့ပြီး ၆၄ သန်းကျော် ကျန်ရှိနေသေးသည်ဟု ဖွင့်ချဖော်ပြထားသည်။

    မိုင်းရှင်းလုပ်သားများသည် သီရိလင်္ကာမြောက်ပိုင်း အပူချိန် ၂၈ ဒီဂရီဆဲလ်ဆီးယပ်စ်အောက်တွင် ထူထဲသောဘောင်းဘီ၊ ရှပ်လက်ရှည်၊ လက်အိပ်၊ ဘွတ်ဖိနပ်ရှည်၊ သတ်မှတ်ယူနီဖောင်းအကာအကွယ်ဝတ်စုံတို့ဖြင့် ချွေးသံရွှဲနစ်နေသည်အထိ ရှင်းလင်းရေးလုပ်ငန်းများကို မငြီးမငြူ ဆောင်ရွက်နေကြသည်။ လစဉ်လတိုင်း အနည်းဆုံးနှစ်ဦးမျှ မြွေ၊ ကင်း ကိုက်သည့်ဒဏ်ရာဖြင့် ဆေးခန်းသို့ ပို့နေကြရ၏။ “ဒါဟာ ကျွန်မတို့လုပ်ပေးနိုင်တဲ့ အားလုံးအတွက် ကာကွယ်ရေးပါ” ဟု မိုင်းရှင်းလင်းရေးဝန်ထမ်းတစ်ဦးဖြစ်သူ ဂုဏမာလာ က ဆိုပါသည်။ ကလေးငယ်သုံးဦးမိခင် ဂုဏမာလာ၏ခင်ပွန်းမှာ ၁၃ နှစ်ကြာအိပ်ယာထဲလှဲနေရသည့် နာတာရှည်အသည်းရောဂါဝေဒနာရှင်ဖြစ်သည်။

    LTTE သည် အမျိုးသမီးစစ်သည်မွေးခြင်း၌ ကျော်ကြားခဲ့၏။ ယခုသော် ၎င်း၏ အမျိုးသား၊ အမျိုးသမီးတပ်ဖွဲ့ဟောင်းတို့မှာ မိုင်းရှင်းလင်းရေးအေဂျင်စီများ၏ အဖွဲ့အသီးသီး၌ တာဝန်ထမ်းဆောင်နေကြလေပြီ။ မိုင်းရှင်းလင်းရေးအမျိုးသမီးဝန်ထမ်းတို့၏ဘ၀မှာ ရပ်တည်မှုအရရော လုံခြုံမှုအရပါ ခက်ခဲကြမ်းတမ်းလှသည်။ ဂုဏမာလာက သူမသည် နေ့စဉ် နံနက် ၂ နာရီကတည်းက အိပ်ရာထ၍ ချက်ပြုတ်ခြင်းနှင့် အိမ်သန့်ရှင်းများ ပြုလုပ်ပြီး အလုပ်ထွက်လုပ်ကာ နေ့လည်ခင်းတွင်လည်း ပြန်လာ၍ ယင်းသို့ပြုလုပ်ရကြောင်း၊ ကြပ်တည်းဆင်းရဲသော်လည်း ၎င်းဝင်ငွေကိုပင် မှီခိုနေရကြောင်း၊ ယခင်မျိုးဆက်အမျိုးသမီးများမှာ အိမ်တွင်းမှုနှင့် ကလေးပြုစုပျိုးထောင်ရေးကိုသာ ပြုလုပ်ရသော်လည်း ယခုခေတ်အမျိုးသမီးများမှာမူ အရာရာတိုင်းကို တာဝန်ယူရဖွယ်ရှိနေကြောင်း ပြောပြသည်။

    ပြည်တွင်းစစ်မီးပြီးဆုံး၍ အဆိုပါဒေသများသို့ ပြန်လည်ရောက်ရှိလာသည့် ဒေသခံအများစုသည် မိရိုးဖလာ အုန်းခြံလုပ်ငန်းများကိုသာ ပြန်လည်လုပ်ကိုင်လိုကြ၏။ ထိုလုပ်ငန်းသည် ရင်းနှီးမြှုပ်နှံပြီး နှစ်ပေါင်းများစွာကြာမှ အကျိုးအမြတ်ခံစားရသည်။ လတ်တလောတွင် ကြက်ဘဲမွေးမြူရေးခြံလုပ်ငန်းအတွက် စီစဉ်နေသူတစ်ဦးက အစိုးရ၏အကူအညီ ရရှိမည်ဟု မျှော်လင့်ကြောင်း ဆိုသည်။ သို့သော် အာဏာပိုင်များကမူ အခြားဦးစားပေးလုပ်ငန်းများကိုသာ အလေးထားနေကြ၏။ စစ်ဒဏ်ခံမိုင်းရှင်းလုပ်သားတို့မှာ ၎င်းတို့၏ဆောင်ရွက်ချက်များအတွက် လုံလောက်သော အသိအမှတ်ပြုမှု မခံရကြောင်း သီရိလင်္ကာမိုင်းရှင်းလင်းရေးလုပ်ငန်းကို အဓိကဦးဆောင်သည့်အဖွဲ့ HALO Trust ၏ ပရိုဂရမ်မန်နေဂျာ အင်္ဂလိပ်လူမျိုး O’Brien က ပြောပြသည်။ HALO သည် ခေတ်မီရှာဖွေရေးကိရိယာများကို အသုံးချနေပြီး သီရိလင်္ကာမိုင်းရှင်းလင်းရေးလုပ်ငန်းစဉ်အား ၄၀ ရာခိုင်နှုန်းအထက် တိုးမြှင့်နိုင်ခဲ့သည်။ Google မှ NGO အဖွဲ့အစည်းများသို့ အခမဲ့ကူညီထားသော Skybox ဂြိုဟ်တုပုံရိပ်လုပ်ဆောင်ချက်ဖြင့်လည်း စတင်ဆောင်ရွက်နေပြီဖြစ်သည်။

    သီရိလင်္ကာတွင် မိုင်းရှာဖွေရှင်းလင်းရေးအေဂျင်စီအများအပြားရှိနေသော်လည်း လုပ်ငန်းစဉ်အား ချောမွေ့လွယ်ကူအောင် ရှေ့တိုးဆောင်ရွက်ရန် မလွယ်လှချေ။ ယခင်သမ္မတဟောင်း Mahida Rajapakse ၏အစိုးရလက်ထက်တွင် NG0 အဖွဲ့များအပေါ် သံသယ၀င်အငြိုးထားပြီး နိုင်ငံတကာလုပ်သားများအားလုံး နိုင်ငံတွင်းမှထွက်ခွာသွားကြဖို့ စေခိုင်းခံရသည်။ သီရိလင်္ကာမိုင်းရှင်းလင်းရေးလုပ်ငန်းများကို ဥရောပသမဂ္ဂ၊ ဂျပန်၊ သြစတေးလျ၊ အမေရိကန်နှင့် ဗြိတိန်တို့မှ အစဉ်တစိုက် ထောက်ပံ့ကူညီနေကြခြင်းဖြစ်သည်။ အခြားသောအေဂျင်စီများ လုပ်ငန်းပိတ်သိမ်းလိုက်ကြသော်လည်း အလှူရှင်များက HALO အား လူ ၇၀၀ ကိုသာလျှော့ချစေခဲ့သည်။

    သို့သော်၂၀၁၅ ခုနှစ်တွင် သမ္မတ Maithripala Sirisena ဦးဆောင်သောအစိုးရသစ် အာဏာရလာပြီး အဆိုပါဟန့်တားချက်များကို ရုပ်သိမ်း၍ သီရိလင်္ကာသည် ၂၀၂၀ မတိုင်မီ မိုင်းကင်းစင်ရေးနိုင်ငံဖြစ်ရမည်ဟု ဦးတည်ချက်ထားခဲ့သည်။ သို့တိုင် အစိုးရ၏ရည်မှန်းချက်အပေါ် မယုံစားရဲသေးသဖြင့် DASH ကမူ လုပ်ငန်းရပ်နားထားဆဲဖြစ်၏။ အမှန်တကယ် ကျန်ရှိနေသေးသော မိုင်းရှင်းရမည့်ဧရိယာသည် စာရင်းပြထားသည်ထက် လျော့နည်းနိုင်ဖွယ် ရှိပေမည်။

    ပြီးခဲ့သည့်ဒီဇင်ဘာလ နိုင်ငံတော်အဆင့် အပြည်ပြည်ဆိုင်ရာ မိုင်းတားဆီးရေးပဋိညာဉ်အစည်းအဝေး၌ ပြန်လည်နေရာချထားရေးအတွင်းဝန် MM Nayeemudeen က မိုင်းရှင်းလင်းရေးလုပ်ငန်းစဉ် အထိုက်အလျောက် အရှိန်မြှင့်တင်နိုင်ရန်နှင့် ရံပုံငွေရရှိရေး ပိုမိုလမ်းပွင့်စေရန် သီရိလင်္ကာကို လက်မှတ်ထိုးနိုင်ငံဖြစ်လာစေဖို့ အပြင်းအထန်စဉ်းစားနေပါသည်ဟု ကြေငြာပြောဆိုသွားသည်။

    “မြေကြီးထဲက မိုင်းတွေ တစ်ခုမကျန် ထုတ်ယူနိုင်ဖို့ဆိုတာ မဖြစ်နိုင်လောက်ပါဘူး၊ လူတွေ သူတို့ဘ၀ရှေ့ဆက်နိုင်ဖို့သာလျှင် အရေးကြီးတဲ့အချက်ဖြစ်ပါတယ်။ သူတို့တစ်တွေ အကြောက်အလန့်ကင်းစင်ဖို့တော့ လိုအပ်ပါလိမ့်မယ်”

    Ref : Al Jazeera

  • အိန္ဒိယနှင့် သီရိလင်္ကာတွင် ရေကြီး၍ လူ ၇၀ ကျော် သေဆုံး

    အိန္ဒိယနှင့် သီရိလင်္ကာတွင် ရေကြီး၍ လူ ၇၀ ကျော် သေဆုံး

    နိုဝင်ဘာ ၁၇၊ ၂၀၁၅
    M-Media

    india

    – အိန္ဒိယတောင်ပိုင်းနှင့် သီရိလင်္ကာတို့တွင် မိုးသည်းထန်စွာ ရွာသွန်းပြီး ရေကြီးရေလျှံမှုများ ဖြစ်ပွားခဲ့သောကြောင့် လူ ၇၀ ကျော်ေ\ သေဆုံးခဲ့ကာ နေအိမ်များ၊ လယ်ယာမြေများ၊ အဝေးပြေးလမ်းများ ရေလွှမ်းကာ ကျောင်းများကိုလည်း ပိတ်ထားရသည်ဟု သိရသည်။

    လွန်ခဲ့သည့် ၇ ရက်မှစ၍ မိုးများ အဆက်မပြတ် ရွာသွန်းမှုကြောင့် ထိုကဲ့သို့ ရေကြီးရေလျှံခဲ့ခြင်း ဖြစ်ပြီး အိန္ဒိယတွင်တမီလ်နာဒူ ပြည်နယ်၌ သေဆုံးမှု၊ ပျက်ဆီးဆုံးရှုံးမှု အများဆုံး ဖြစ်ခဲ့သည်။ ထို့ပြင် ကာရ်နာတာကာ၊ အန်ဒရာပရာဒက်ရ်ှနှင့် အိမ်နီးချင်း သီရိလင်္ကာနိုင်ငံများတွင်လည်း ပျက်ဆီးဆုံးရှုံးမှုများ ရှိခဲ့သည။

    အိန္ဒိယစစ်တပ်မှာ ကယ်ဆယ်ရေးလုပ်ငန်များကို ဆောင်ရွက်နေသော်လည်း ဒေသခံများကမူ မိမိတို့မှာ လုံလောက်သည် အကူအညီကို ရရှိခြင်းမရှိဟု စောဒက တက်ခဲ့ကြသည်။ သိရီလင်္ကာမြောက်ပိုင်းတွင်မူ အဆိုပါ ရေကြီးရေလျှံမှုမှာ လူပေါင်း ၅၈၀၀၀ ကို ထိခိုက်ခဲ့သည်။

    Ref: Aljazeera

  • သီရိလင်္ကာသမ္မတဟောင်း ပါလီမန်သို့ရောက်ရှိရေး ကြိုးပမ်းမှု အဆုံးသတ်

    သီရိလင်္ကာသမ္မတဟောင်း ပါလီမန်သို့ရောက်ရှိရေး ကြိုးပမ်းမှု အဆုံးသတ်

    သြဂုတ် ၁၈၊ ၂၀၁၅
    M-Media

    siri

    – သီရိလင်္ကာ ပါလီမန်ရွေးကောက်ပွဲတွင် လက်ရှိဝန်ကြီးချုပ်က အနိုင်ရရှိခဲ့ပြီး အစွန်းရောက် BBS အုပ်စုကို ထောက်ခံအားပေးမှုဖြင့် နာမည်ပျက်ခဲ့သည့် သမ္မတဟောင်း မာဟင်ဒါ ရာဂျာပက်ဆာ၏ ပါလီမန်အတွင်း ၀င်ရောက်ရန် ကြိုးစားမှုမှာ အဆုံးသတ်ခဲ့ပြီဖြစ်သည်။

    “ပြည်သူတွေ အနိုင်ရဖို့အတွက် သေချာအောင် ရွေးကောက်ပွဲအတွင်းမှာ မမောနိုင်မပမ်းနိုင် အလုပ်လုပ်ခဲ့ကြတဲ့ ပါတီအားလုံးနဲ့ လူပုဂ္ဂိုလ်အာလုံးကို ကျွန်တော် ကျေဇူးတင်ကြောင်း ပြောပါရစေ။ ယဉ်ကျေးတဲ့ လူ့အဖွဲ့အစည်းကို ကျွန်တော်တို့ အတူတကွ တည်ဆောက်ကြပါစို့။ ပြည်သူတွေအားလုံး လက်ခံတဲ့ အစိုးရကို တည်ဆောက်ပြီး တိုင်းသစ်ပြည်သစ်ကို ဖန်တီးကြပါစို့” ဟု ယနေ့တွင် ထုတ်ပြန်သော ကြေညာချက်၌ ၀က်စကရီမက်ဆင်ဟီက ပြောကြားခဲ့သည်။

    အဆိုပါရလဒ်မှာ ဇန်န၀ါရီ သမ္မတရွေးကောက်ပွဲက ရာဂျာပက်ဆာကို ဖြုတ်ချနိုင်ခဲ့သည့် သမ္မတ မိုင်သရီပါလာ ဆရီဆီနာအတွက် အောင်မြင်မှု ဖြစ်လာမည်ဖြစ်သည်။ ဆရီဆီနာမှာ ပြုပြင်ပြောင်းလဲရေးအတွက် ပိုမိုအားကောင်းသည့် လုပ်ပိုင်ခွင့် သေချာစေရန် ပါလီမန်ရွေးကောက်ပွဲကို စောစီးစွာ ပြုလုပ်ခြင်းလည်း ဖြစ်သည်။

    ဆရီဆီနာအား မထင်မှတ်ဘဲ ရှုံးနိမ့်သွားခဲ့သည့် ရာဂျာပက်ဆာမှာ ပါလီမန်သို့ ပြန်လည်ရောက်ရှိရေးအတွက် ထိုရွေးကောက်ပွဲတွင် ၀င်ရောက်ယှဉ်ပြိုင်ခဲ့သော်လည်း အောင်မြင်မှုမရခဲ့ပေ။

    ရာဂျာပက်ဆာ ရှုံးနိမ့်သွားသောကြောင့် သီရိလင်္ကာမှာ အင်အားကြီးနိုင်ငံများကို မှီခိုခြင်းမရှိဘဲ သီးခြားရပ်တည်သည့် နိုင်ငံအဖြစ် ဆက်လက်ရှိသွားမည်ဖြစ်ပြီး ရာဂျာပက်ဆာသမ္မတဖြစ်စဉ်က အိန္ဒိယသမုဒ္ဒရာအတွင်းရှိ ကျွန်းကို ရေတပ်စခန်းအဖြစ် ပြောင်းလဲရန် ဒေါ်လာဘီလီယံပေါင်းများစွာ ရယူထားသည့် တရုတ်နှင့်ဆက်ဆံရေးလည်း လျော့ပါးသွားမည်ဖြစ်သည်။

    သီရိလင်္ကာ ရွေးကောက်ပွဲကော်မရှင်ဥက္ကဌ မာဟင်ဒါ ဒက်စ်ဟာပရီယာကမူ တနင်္လာနေ့က ပြုလုပ်ခဲ့သည့် အဆိုပါ ပါလီမန်ရွေးကောက်ပွဲမှာ နိုင်ငံသမိုင်းတွင် အငြိမ်းချမ်းဆုံးသော ရွေးကောက်ပွဲများထဲမှ တစ်ခုဖြစ်ပြီး မဲပေးပိုင်ခွင့်ရှိသူ ၁၅ သန်းမှ ၇၀ ရာခိုင်နှုန်း မဲပေးခဲ့ကြသည်ဟု ပြောကြားခဲ့သည်။

    Ref: Aljazeera