Tag: Sirilanka

မေ ၂၅၊ ၂၀၁၇
M-Media

– သီရိလင်္ကာနိုင်ငံရှိ ဗုဒ္ဓဘာသာ အစွန်းရောက်အဖွဲ့ဖြစ်သော BBS အဖွဲ့၏ အတွင်းရေးမှူး Galagoda Atte Gnanasara ကို ဖမ်းဆီးရန်အတွက် ၎င်းပုန်းအောင်းရာ နေအိမ်တစ်ဝိုက်ကို ရဲတပ်ဖွဲ့က တပ်ဖြန့်ချထားလိုက်သည်ဟု သိရသည်။

အဆိုပါဘုန်းကြီးမှာ ဘာသာရေးသဟဇာတဖြစ်မှု ပျက်ပြားစေရန် လှုံ့ဆော်မှုအပါအ၀င် စွဲချက်များစွာဖြင့် တရားစွဲဆိုခံထားရပြီး၊ တရားရုံးတစ်ခုကလည်း ၎င်းအား နိုင်ငံအတွင်းမှ ထွက်ခွာမှုကို တားဆီးသည့် အမိန့်ကို ထုတ်ပြန်ထားသည်။

Galagoda Atte Gnanasara မှာ ညွန့်ပေါင်းအစိုးရအဖွဲ့မှ ၀န်ကြီးတစ်ဦး၏ နေအိမ်တွင် ပုန်းအောင်းနေသည်ဟု သတင်းများ ထွက်ပေါ်လာပြီးနောက် ရဲတပ်ဖွဲ့က ထိုနေအိမ်တစ်ဝိုက်တွင် တပ်ဖြန့်ချထားခဲ့ခြင်းဖြစ်သည်။

BBS အဖွဲ့ဝင် Dilanthe Withanage က Gnanasara ကို လုပ်ကြံရန် ပူးပေါင်းကြံစည်မှုတစ်ခု ရှိနေပြီး လတ်တလောဖြစ်ပွားခဲ့သည့် ဗလီများ၊ မွတ်စလင်များ၏ နေအိမ်များ၊ ပိုင်ဆိုင်မှုများကို အကြမ်းဖက်တိုက်ခိုက်မှုမှာလည်း နိုင်ငံတကာက ထောက်ပံ့သည့် အစွန်းရောက် အဖွဲ့များ၊ အစိုးရနှင့် အတိုက်အခံအဖွဲ့များက ပြုလုပ်သော ပူးပေါင်းကြံစည်မှုကြီးတစ်ခု၏ အစိတ်အပိုင်းဖြစ်သည်ဟု ပြောကြားခဲ့သည်။

Ref: Colombo Telegraph

ဖေဖော်ဝါရီ ၂၁၊ ၂၀၁၇
M-Media

– ယခင်အစိုးရဟောင်းလက်ထက်တွင် အာဏာရှင်စနစ်ကိုဆန့်ကျင်သည့် နာမည်ကျော် အယ်ဒီတာတစ်ဦးအား သတ်ဖြတ်မှု၊ ဂျာနယ်လစ်များနှင့် သဘောထားကွဲလွဲသူများအား တိုက်ခိုက်မှုများတွင် ပါဝင်သည်ဆိုသော သံသယဖြင့် စစ်ထောက်လှမ်းရေးအရာရှိများကို သီရိလင်္ကာရဲတပ်ဖွဲ့က ဖမ်းဆီးလိုက်သည်ဟု သိရသည်။

သမ္မတဟောင်း မာဟင်ဒါ ရာဂျာပက်ဆီကို ပြင်းပြင်းထန်ထန်ဝေဖန်သူ လာဆန်သာ ၀စ်ကရီမာတွန်ဂီမှာ Sunday Leader သတင်းစာ၏ အယ်ဒီတာတစ်ဦးဖြစ်ပြီး ၂၀၀၉ ခုနှစ် ဇန်န၀ါရီလက မြို့တော်ကိုလံဘိုတွင် အလုပ်ကို ကားဖြင့်အသွား အမည်မသိ သေနတ်သမားများ၏ ပစ်ခတ်လုပ်ကြံမှုကို ခံခဲ့ရခြင်း ဖြစ်သည်။

၎င်းသေဆုံးမှုအတွက် နိုင်ငံတကာမှ ပြင်းပြင်းထန်ထန် ဝေဖန်ခဲ့ကြပြီး သီရိလင်္ကာတွင် စာနယ်ဇင်းသမားများအပေါ် အကြမ်းဖက်မှုနှင့်ပတ်သက်၍ မီးမောင်းထိုးပြခဲ့ခြင်းလည်း ဖြစ်သည်။

စုံစမ်းစစ်ဆေးမှုများအရ ယမန်နေ့တွင် စစ်ထောက်လှမ်းရေး ၅ ဦးကို ဖမ်းဆီးခဲ့ပြီး စစ်ခေါင်းဆောင်များကို ဝေဖန်ခဲ့သည့် ဂျာနယ်လစ် ကိသ် နိုယာရ်အား ၂၀၀၈ ခုနှစ်တွင် ပြန်ပေးဆွဲမှုနှင့် ပတ်သက်သည့်အတွက်ကြောင့်ဟု စုံစမ်းစစ်ဆေးမှုနှင့် နီးစပ်သည့် ရင်းမြစ်တစ်ခုက ပြောကြားခဲ့သည်။

“နိုယာရ်ကို ပြန်ပေးဆွဲတဲ့အုပ်စုဟာ Sunday Leader အယ်ဒီတာ လာဆန်သာ ၀စ်ကရီမာတွန်ဂီကို လုပ်ကြံမှုနဲ့ အခြားတိုက်ခိုက်မှုများစွာမှာ ပါဝင်နေတယ်ဆိုတာ စုံထောက်တွေက တွေ့ခဲ့ရပါတယ်” ဟု အမည်မဖော်လိုသူတစ်ဦးက AFP သတင်းဌာနသို့ ပြောကြားခဲ့သည်။

စုံထောက်များက အဆိုပါဖမ်းဆီးထားသူ ၅ ဦးမှာ ထိပ်တန်း အရာရှိတစ်ဦး ဦးဆောင်သော ချေမှုန်းရေးအဖွဲ့တွင် ပါဝင်ခဲ့သည်ဟု တရားသူကြီးအား ပြောကြားခဲ့ပြီး၊ ခေါင်းဆောင်၏အမည်ကို ပြောကြားခဲ့ခြင်း မရှိချေ။ လာမည့်လများတွင် ရာထူးပိုမြင့်သူများကို ဖမ်းဆီးရန်ရှိနေသည်ဟု အဆိုပါရင်းမြစ်က ပြောကြားခဲ့သည်။

သီရိလင်္ကာရှိ ဗုဒ္ဓဘာသာ အစွန်းရောက်အဖွဲ့ BBS ကို အားပေးထောက်ခံသည့် သမ္မတဟောင်း ရာဂျာပက်ဆီနှင့် ၎င်း၏ မိသားစုဝင် အများအပြား ရာဂျာပက်ဆီ၏ သမ္မတသက်တမ်း ၁၀ နှစ်တာကာလအတွင်း ငွေကြေးလိမ်လည်မှုများ၊ သတ်ဖြတ်မှုများဖြင့် ရဲတပ်ဖွဲ့၏ စုံစမ်းစစ်ဆေးမှုများကို ခံနေရသည်။ အဆိုပါ ၁၀ နှစ်တာကာလအတွင်း အစိုးရကို ဝေဖန်သူ ဂျာနယ်လစ်နှင့် မီဒီယာဝန်ထမ်း ၁၇ ဦး အသတ်ခံခဲ့ရသည်။

Ref: Aljazeera

ဒီဇင်ဘာ ၁၈၊ ၂၀၁၆
M-Media

– တစ်ချိန်က အိမ်အကူလုပ်ခဲ့တဲ့ အမျိုးသမီးတစ်ဦးဟာ အောင်မြင်တဲ့ စီးပွားရေးလုပ်ငန်းရှင် ဖြစ်လာတယ်ဆိုရင် ယုံနိုင်ပါ့မလား။

ဟုတ်ပါတယ်။ သီရိလင်္ကာကာ နီလူရှီကာ ဂျာယာဝီရာဆိုတဲ့ အမျိုးသမီးကတော့ စင်ကာပူမှာ အိမ်အကူလုပ်ရတဲ့ ဘ၀ကနေ အခုအချိန်မှာတော့ ပြည်ပကို လက်ဖက်ခြောက်ပို့တဲ့ လုပ်ငန်းရှင်ကြီးတစ်ဦး ဖြစ်လို့နေပါပြီ။

အသက် ၃၆ နှစ်အရွယ်ရှိပြီဖြစ်တဲ့ နီလူရှီကာ အသက်ငယ်ငယ်လေးနဲ့ မိဘတွေကို ဆုံးရှုံးခဲ့ရပြီး မိဘမဲ့ဂေဟာမှာ ကြီးပြင်းခဲ့ရပါတယ်။ နောက်ပိုင်းမှာတော့ သူ့အောက်က မောင်နှမလေးယောက်ကို ထောက်ပံ့ဖို့အတွက် စင်ကာပူမှာ အိမ်ဖော်အဖြစ် အလုပ်လုပ်ရပါတော့တယ်။

“အဲဒီတုန်းက ကျွန်မမှာ ဘာရည်မှန်းချက်မှ မရှိပါဘူး။ ကံတရားပြုသမျှ နုရသူပါ” လို့ အောက်တိုဘာ ၂၉ ရက်နေ့က စင်ကာပူနိုင်ငံမှာပြုလုပ်တဲ့ TEDxSingapore အခမ်းအနားမှာ ပြောကြားခဲ့ပါတယ်။ အဲဒီ အခမ်းအနားတက်ဖို့အတွက် နီလူရှီကာတစ်ယောက် ဖိတ်ကြားခံခဲ့ရတာ ဖြစ်ပြီး ဘီလ်ဂိတ်၊ အမေရိကန်သမ္မတဟောင်း အလ်ဂိုးနဲ့ သုတေသနပညာရှင် ဂျိန်း ဂွဒ်အောလ်တို့အပါအ၀င် အခြေားသော နာမ
ည်ကြီးတွေနဲ့အတူ လက်ချာပေးခွင့် ရခဲ့ပါတယ်။

စင်ကာပူက အစိုးရမဟုတ်တဲ့ အဖွဲ့ဖြစ်ပြီး အိမ်အကူအမျိုးသမီးတွေကို ငွေကြေး စီမံခန့်ခွဲနည်းနဲ့ စီးပွားရေးစတင်နည်းတွေကို သင်ကြားပေးတဲ့ Aidha အဖွဲ့က သူမရဲ့ဘ၀ကို ပြောင်းလဲပေးခဲ့တယ်လို့လည်း သူမက ဖွင့်ဟခဲ့ပါတယ်။

စင်ကာပူမှာ ကျင်လည်ခဲ့ရတဲ့အချိန်ဟာ သူမအတွက် စီးပွားရေးကျွမ်းကျင်မှုတွေ ရရှိစေရုံသာမကဘဲ ဇာတိမြေ သီရိလင်္ကာက အမျိုးသမီးတွေကို စွမ်းဆောင်ရည်မြှင့်တင်ပေးရေး နည်းလမ်းကိုလည်း တတ်မြောက်စေခဲ့ပါတယ်။

အိမ်ဖော်လုပ်နေရတဲ့အချိန် ၂၀၁၁ ခုနှစ်က သူမမှာ မိသားစုပြဿနာတွေ ကြုံတွေ့ခဲ့ရတာကြောင့် အကူအညီဖြစ်လိုဖြစ်ငြား အိရှင်က စင်ကာပူဒေါ်လာ ၄၀၀ သွင်းပြီး Aidha မှာ စနေ၊ တနင်္ဂနွေသင်တန်းကို တက်ခိုင်းခဲ့တာပါ။ နီလူရှီကာကတော့ အဲဒီသင်တန်းမှာ ငွေကြေးပညာရပ်၊ စီးပွားရေးနဲ့ ခေါင်းဆောင်မှုဆိုင်ရာတွေကို သင်ကြားခဲ့ပါတယ်။

အဲဒီကျွမ်းကျင်မှုတွေနဲ့ပဲ သီရိလင်္ကာမှာ ကျန်ရစ်ခဲ့တဲ့ ခင်ပွန်းဖြစ်သူကို အွန်လိုင်း လက်ဖက်ခြောက်လုပ်ငန်းစတင်ဖို့ ကူညီပေးနိုင်ခဲ့ပါတယ်။

လက်ရှိမှာ နီလူရှီကာဟာ သီရိလင်္ကာက လက်ဖက်ခြောက်တွေကို နိုင်ငံတကာက ဖောက်သည် ၅၀၀ ဆီ တင်ပို့ရောင်းချရတဲ့အထိ အောင်မြင်နေပြီး ပြီးခဲ့တဲ့ လအနည်းကပဲ အန်ဂျီအိုတစ်ခုကို တည်ထောင်နိုင်ခဲ့ပါတယ်။ သူမရဲ့ရွာမှာလည်း ၀က်မွေးမြူရေးနဲ့ အပ်ချုပ်ဆိုင်ဖွင့်တာတို့လို စီးပွားရေးအသေးလေးတွေ ဘယ်လိုစရမလဲဆိုတာကို သင်ပေးနေပါတယ်။

နောက်ပြီး သူမရဲ့ ၀င်ငွေတစ်ချို့တစ်ဝက်ကိုလည်း ကျောင်းစာအုပ်ဝယ်ပေးတာလို ကလေးငယ်တွေရဲ့ ပညာရေးကုန်ကျမှုအတွက် သုံးစွဲနေပါတယ်။

နီလူရှီကာဟာ ၂၀၀၆ ခုနှစ် Aidha အဖွဲ့ စင်ကာပူမှာ စတင်ခဲ့ကတည်းက သင်တန်းတစ်ယောက်ခဲ့တဲ့ အိမ်ကူလုပ်သားပေါင်း ၃၃၅၀ ထဲက တစ်ယောက်ဖြစ်ပါတယ်။ စင်ကာပူမှာ အိမ်အကူလုပ်သားပေါင်းဟာ အခုနှစ် ဇွန်လအထိ ၂၃၇၁၀၀ ရှိနေပါတယ်။

Ref : Straitstimes

အောက်တိုဘာ ၂၊ ၂၀၁၆
M-Media

– ကမ္ဘာ့မွတ်စလင်လိဂ် (MWL) ၏ အဖွဲ့ခွဲတစ်ခုဖြစ်သည့် နိုင်ငံတကာအစ္စလာမ့် ကယ်ဆယ်ရေးအဖွဲ့ (IIRO) မှာ သီရိလင်္ကာနိုင်ငံတွင် အမျိုးသားနှင့် အမျိုးသမီးအများအပြားကို မျက်လုံးအတွင်းမှ တိမ်ဖယ်ရှားခြင်းနှင့် မျက်လုံးမှန်ဘီလူးအစားထိုးခွဲစိတ်မှုပေါင်း ၁၂၀၀ ခန့် ဆောင်ရွက်ပေးခဲ့သည်ဟု သိရသည်။

အဆိုပါခွဲစိတ်မှုသည် IIRO ၏ ဆေးဘက်ဆိုင်ရာ ကူညီဆောင်ရွက်မှုများအနက်မှ တစ်ခုဖြစ်ပြီး ဆင်းရဲသောနိုင်ငံများတွင် အဖြစ်များကာ မျက်စိကွယ်ခြင်းအထိ ဖြစ်စေနိုင်သည့် အဆိုပါရောဂါများကို တိုက်ဖျက်ရန် ကူညီဆောင်ရွက်ပေးနေခြင်း ဖြစ်သည်။

အဖွဲ့၏ အထွေထွေအတွင်းရေးမှူးဖြစ်သူ အဟ်ဆန် ဘင် ဆွာလေ တွိုင်ယစ်ဘ်က သီရိလင်္ကာသို့သွားရောက်သည့် IIRO ဆေးအဖွဲ့၌ မျက်စိနယ်ပယ်တွင် ကျွမ်းကျင်သည့် ဆော်ဒီနိုင်ငံသား စေတနာ့ဝန်ထမ်းများနှင့်အတူ အကြံပေးပုဂ္ဂိုလ်များလည်း ပါဝင်သည်ဟု ဆိုသည်။

Ref : IINA

စက်တင်ဘာ ၁၈၊ ၂၀၁၆
M-Media

– သီရိလင်္ကာနိုင်ငံတောင်ပိုင်းရှိ ဘုရားကျောင်းတစ်ခုတွင်ရှိသော ဆင်များ ခိုက်ရန်ဖြစ်ရာမှ လူအုပ်ကြီး တိုးဝှေ့မှု ဖြစ်ပွားခဲ့သောကြောင့် အမျိုးသမီးတစ်ဦး သေဆုံးပြီး လူတစ်ဒါဇင် ဒဏ်ရာရှိခဲ့သည်ဟု ရဲတပ်ဖွဲ့က ယမန်နေ့တွင် ပြောကြားခဲ့သည်။

ကိုလံဘိုတောင်ဘက်မှ မိုင် ၆၀ အကွာ ရတနာပူရမြို့ရှိ ဟိန္ဒူဘုရားကျောင်းတွင် ပြုလုပ်ခဲ့သော ဘုရားပွဲ၌ ဖြစ်ပွားခဲ့ခြင်းဖြစ်ပြီး ဆင်ထိန်းသမားတစ်ဦးက အဆိုပါ ဆင်နှစ်ကောင်ကို ချွန်းဖြင့်ပေါက်၍ တစ်နေရာစီခွဲရာ နာကျင်စွာဖြင့် ထွက်ပြေးခဲ့ရာမှ လူအုပ်ကြီးက ကြောက်လန့်ခဲ့ခြင်းဖြစ်သည်။

“ဆင်က ဘယ်သူ့ကိုမှ မတိုက်ခိုက်ပါဘူး၊ သူ့ဘာသာ ဆင်ထိန်းလက်ကနေ ထွက်ပြေးဖို့ကြိုးစားရင်း လူတွေက လန့်ပြီး ထွက်ပြေးကြတာပါ” ဟု ဒေသတွင်း ရဲအရာရှိတစ်ဦးက ပြောကြားခဲ့သည်။

ယင်း မတော်တဆမှုကြောင့် အသက် ၆၀ အရွယ်ရှိ အမျိုးသမီးတစ်ဦး နှလုံးရောဂါဖြင့် သေဆုံးခဲ့ပြီး အခြားလူတစ်ဒါဇင်ခန့်မှာလည်းပြေးလွှားရာ၍ ဒဏ်ရာအချို့ ရရှိခဲ့သဖြင့် ဆေးရုံတင်ခဲ့ရသည်။

တာဝန်ရှိသူများမှာ နောက်ပိုင်းတွင် အခြေအနေကို အလျင်အမြန် ထိန်းသိမ်းနိုင်ခဲ့သည်။ သီရိလင်္ကာတွင် ဆင်ကို မြင့်မြတ်သည့် တိရစ္ဆာန်အဖြစ် မှတ်ယူပြီး ဗုဒ္ဓဘာသာနှင့် ဟိန္ဒူဘာသာတို့၏ ပွဲတော်များတွင် ဆင်များဖြင့် လှည့်လည်မှုများ ပြုလုပ်လေ့ရှိသည်။

နိုင်ငံအတွင်းရှိ ဆင်ကောင်ရေမှာလည်း လွန်ခဲ့သည့် ၅ နှစ်က ၇၃၇၉ ကောင် ရှိရာမှ ယခုတွင် ၆၀၀၀ အထိ ကျဆင်းသွားခဲ့ပြီး လယ်သမားများက တောများကို ခုတ်ထွင် ရှင်းလင်းခြင်းကြောင့် ဖြစ်သည်။

Ref : Channelnewsasia