Tag: somalia

ဇွန် ၂၅၊ ၂၀၁၆
M-Media

– ရေလွှမ်းမိုးမှုနဲ့ စစ်ပွဲဒဏ် အကြီးအကျယ်ခံစားနေရတဲ့ ဆိုမာလီယာနိုင်ငံ ဟီရန်ပြည်နယ်က ပြည်သူတွေအတွက် တူရကီနဲ့ကာတာတို့ ပူးပေါင်းကာ ကူညီကယ်ဆယ်ရေးအစီအစဉ်တွေ ပြုလုပ်သွားမယ်လို့ သိရပါတယ်။

ဆိုမာလီနိုင်ငံဆိုင်ရာ တူရကီသံအမတ်ကြီး အိုလ်ဂန်ဘီကာက အခုဆောင်ရွက်ပေးမယ့် လူသားချင်းစာနာထောက်ထားမှုဆိုင်ရာ အကူအညီဟာ ဟီရန်ပြည်နယ် တောင်ပိုင်းက ဘီလီဒွိုင်းမြို့မှာ ရေလွှမ်းမိုးမှုဒဏ်နဲ့ မျိုးနွယ်စုတိုက်ပွဲဒဏ်တွေ ခံစားနေရတဲ့သူတွေရဲ့ နာကျင်မှုတွေ လျော့ပါးစေဖို့ရည်ရွယ်တာဖြစ်တယ်လို့ ပြောကြားခဲ့ပါတယ်။

ကာတာသံအမတ်ကြီး ဟာဆန် ဘင် ဟမ်ဇာ အာဆက် မိုဟာမက်ကတော့ ဘီလီဒွိုင်းမြို့ခံ လူထုတွေအတွက် တစ်နှစ်ကြာမယ့်စီမံကိန်းနဲ့ ကူညီနိုင်ဖို့ ဒေါ်လာ ၂.၇၅ သန်း ရန်ပုံငွေ ကောက်ခံရရှိထားတယ်လို့ ဆိုပါတယ်။ တူရကီလခြမ်းနီအဖွဲ့နဲ့ ကာတာပရဟိတအသင်းတို့ကနေ ဒေသခံ ၃၀၀၀ အတွက် နွားနို့၊ သကြား၊ ဆန်နဲ့ သံလွင်ဆီစတဲ့ စားသောက်ကုန်တွေကို အဓိက ထောက်ပံ့ပေးသွားမှာ ဖြစ်ပါတယ်။

ဆိုမာလီအစိုးရအာဏာပိုင်တွေကလည်း ဘီလီဒွိုင်းမြို့မှာ လူသားချင်းစာနာထောက်ထားမှုဆိုင်ရာ အကူအညီတွေ ထောက်ပံ့ပေးအပ်ဖို့ နိုင်ငံတကာ ပရဟိတအဖွဲ့တွကို တောင်းဆိုထားပါတယ်။ ပြီးခဲ့တဲ့ လက တူရကီနိုင်ငံဟာ ဆိုမာလီနိုင်ငံကို အကူအညီ တန်ပေါင်း ၁၁၀၀၀ ပေးပို့ခဲ့ပါသေးတယ်။

လက်ရှိမှာ ဆိုမာလီပြည်သူ ၈၅၇၀၀၀ ခန့်ဟာ အကြပ်အတည်းတွေ့နေပြီး အရေးပေါ်အခြေအနေ ရောက်နေတဲ့အပြင် လူ ၂ သန်းနီးပါးကတော့ အစားအစာ မလောက်ငှမှုတွေနဲ့ရင်ဆိုင်နေရပါတယ်။ အိမ်နီးချင်းနိုင်ငံတွေမှာလည်း ဆိုမာလီ ဒုက္ခသည်တစ်သောင်းလောက် ရှိနေတယ်လို့ ကုလရဲ့ စာရင်းတွေအရ သိရပါတယ်။

Ref : IINA

နိုဝင်ဘာ ၁၊ ၂၀၁၅
M-Media

– ဆိုမာလီယာနိုင်ငံ မြို့တော် မိုဂါဒစ်ရှူးရှိ ဟိုတယ်တစ်ခုတွင် ယနေ့မနက်ပိုင်းက ကားဗုံးပေါက်ကွဲပြီး တိုက်ခိုက်ရေးသမားများက ၀င်ရောက်စီးနင်းတိုက်ခိုက်မှုကြောင့် အနည်းဆုံး လူ ၅ ဦး သေဆုံးခဲ့ကာ ဒါဇင်နှင့်ချီ၍ ဒဏ်ရာရရှိခဲ့သည်ဟု သိရသည်။

ဟိုတယ်၏ ဂိတ်ဝနားတွင် ကားဗုံးပေါက်ခဲ့ခြင်းဖြစ်ပြီး ထိုတိုက်ခိုက်မှုအတွက် အလ်ရှာဘတ်အဖွဲ့က တာဝန်ယူခဲ့သည်။ တိုက်ခိုက်ရေးသမားများ ဟိုတယ်ထဲသို့ ၀င်ရောက်ခဲ့ပြီးနောက် ၎င်းတို့ထဲမှ တစ်ဦးမှာ အသေခံ ဗုံးခွဲမှုတစ်ခုကိုလည်း ထပ်မံပြုလုပ်ခဲ့သည်။

“စက်သေနတ်တွေနဲ့ တိုက်ခိုက်ရေးသမားတွေက အမိုးပေါ်ကနေ ကျွန်တော်တို့ကို ပစ်ပါတယ်” ဟု ရဲတပ်ဖွဲ့မှ ဗိုလ်မှူး အွတ်စမန်အလီက ပြောကြားခဲ့သည်။ မိုဂါဒစ်ရှူးရှိ k-4 ဟုခေါ်သည့် ဒေသတွင် ရှိသော အဆိုပါဟိုတယ်မှာ ဆိုမာလီအစိုးရ အရာရှိများနှင့် လွှတ်တော်အမတ်များ မကြာခဏ အသုံးပြုသည့် ဟိုတယ်လည်းဖြစ်သည်။

Ref: Aljazeera

ဇူလိုင် ၂၂၊ ၂၀၁၅
M-Media

– ဆိုမာလီတောင်ပိုင်း မာကာမြို့တွင် လက်နက်ကိုင်ဆောင်ထားခြင်းမရှိသော ဒေသခံများအား အာဖရိကသမဂ္ဂတပ်များ၏ ပစ်ခတ်မှုအတွင်း အနည်းဆုံး အရပ်သား ၂၄ ဦး သေဆုံးခဲ့ပြီး ၂၂ ဦး ဒဏ်ရာရရှိခဲ့သည်ဟု ဒေသခံများနှင့် ကျန်းမာရေးလုပ်သားများက ပြောကြားခဲ့သည်။

အာဖရိကသမဂ္ဂ စစ်သားများမှာ စစ်ကားများဖြင့် မြို့တွင်းရှိ ဘောလုံးကွင်းထဲသို့ မောင်းဝင်လာကာ ဘောလုံးကစားနေသော လူငယ်များအား ပစ်ခတ်ခဲ့ပြီး ၉ ဦးသေဆုံးခဲ့ကာ ၈ ဦး ဒဏ်ရာရရှိခဲ့သည်ဟု ထိုအဖြစ်အပျက်ကို တွေ့မြင်ခဲ့ရသော ဟာဂျီ မူဆေ မဟ်မူဒ်က ပြောကြားခဲ့သည်။

“အဲဒီနောက် သူတို့ဟာ အနီးအနားကအိမ်တွေကို သွားခဲ့ပြီး လူတွေကို ဆွဲထုတ်ကာ ၁၇ ဦးကို ပစ်သတ်လိုက်ပါတယ်။ ပြီးတော့ ဒဏ်ရာရနေတဲ့ လူ ၁၄ ယောက်ကိုလည်း သူတို့ ထားခဲ့ပါတယ်” ဟု ၎င်းက ဆိုပြီး ဆိုမာလီယာရှိ အာဖရိကသမဂ္ဂတပ်ဖွဲ့ AMISOM မှ အစိတ်အပိုင်းဖြစ်သော အဆိုပါစစ်သားများမှာ အမျိုးသမီး ၂ ဦးကိုလည်း အဓမ္မပြုကျင့်ခဲ့ကြသည်ဟု ထပ်လောင်းပြောကြားခဲ့သည်။

ဒဏ်ရာရရှိသူများမှ အများစုကို မြို့တော် မိုဂါဒစ်ရှူးရှိ ဆေးရုံသို့ ယူဆောင်သွားခဲ့ကြသည်။

“ဒါဟာ အပြစ်မဲ့သူတွေကို အစုလိုက်အပြုံလိုက် သတ်ဖြတ်မှုပါပဲ။ ဒဏ်ရာသူတွေကို ကျွန်တော်တို့ဟာ ကျောက်သယ်တဲ့ လက်တွန်းလှည်းနဲ့ ဆေးရုံကို ခေါ်သွားရပါတယ်။ ဒါပေမယ့် တော်တော်များများကို ကျွန်တော်တို့ မကုသနိုင်တဲ့အတွက် မိုဂါဒစ်ရှူးကို ပို့လိုက်ရပါတယ်” ဟု မာကာမြို့မှ ကျန်းမာရေး လုပ်သားဖြစ်သူ မိုဟာမက် အလီက ပြောကြားခဲ့သည်။

“ဒီလူတွေက ဒါမျိုး အသတ်ခံရလောက်အောင် ဘာမှ မလုပ်ခဲ့ပါဘူး။ တကယ်လို့များ အာဖရိကသမဂ္ဂ တပ်တွေက အလ်-ရှာဘတ်ကို တိုက်ခိုက်ချင်တယ်ဆိုရင် သူတို့ဘယ်မှာလည်းဆိုတာကို သူတို့ သိပါတယ်။ အဲဒီကိုသွားပြီး တိုက်သင့်ပါတယ်။ အပြစ်မဲ့တဲ့သူတွေကိုတော့ မလုပ်သင့်ပါဘူး”

သို့သော်လည်း AMISOM ကမူ အရပ်သားများအား သတ်ဖြတ်သည်ဆိုခြင်းကို ငြင်းဆိုခဲ့ပြီး အလ်ရှာဘတ်အဖွဲ့နှင့် ပစ်ခတ်ခဲ့ခြင်းဖြစ်သည်ဟု ၎င်း၏ ၀ဘ်ဆိုက်တွင် လွှင့်တင်ထားသော ကြေညာချက်၌ ဖော်ပြထားသည်။

ဆိုမာလီယာရှိ အာဖရိက သမဂ္ဂတပ်များမှာ ယခင်ကလည်း ပြည်သူများအပေါ် လူ့အခွင့်အရေး ချိုးဖောက်မှုများကို ကျူးလွန်ခဲ့သည်ဟု စွပ်စွဲခံရမှုများရှိခဲ့သည်။

Ref: Aljazeera