Tag: South Korea

ဒီဇင်ဘာ ၁၉၊ ၂၀၁၅
M-Media

– တောင်ကိုရီးယား၏ နောက်ထပ်သမ္မတဖြစ်မည်ဟု ရေပန်းစားနေသည့် ကင်မ်မူဆန်က အာဖရိက ကျောင်းသားတစ်ဦးအား အသားအရောင်အရ လှောင်ပြောင်ပြောဆိုခဲ့မှုအတွက် ပြန်လည်တောင်းပန်ခဲ့သည်ဟု သိရသည်။

ကင်မ်မူဆန်မှာ အာဏာရ ကွန်ဆာဗေးတစ်ပါတီ Saenuri ၏ ခေါင်းဆောင်တစ်ဦးလည်း ဖြစ်ပြီး ၂၀၁၇ ခုနှစ် ဒီဇင်ဘာရွေးကောက်ပွဲတွင် အနိုင်ရမည်ဟု ရေပန်းစားနေသူလည်း ဖြစ်သည်။ ၎င်းမှာ သောကြာနေ့မနက်ပိုင်းက ဆိုးလ်မြို့ရှိ ချို့တဲ့သူများအား ကူညီသည့် အခမ်းနားတစ်ခုတွင် အာဖရိကကျောင်းသားတစ်ဦး၏ အသားအား မီးသွေးနှင့်တူသည်ဟု အရွှန်းဖောက်ပြောဆိုခဲ့ခြင်းဖြစ်သည်။

ထိုသို့ပြောကြားမှုကြောင့် ကင်မ်မူဆန်မှာ ကျယ်ကျယ်ပြန့်ပြန့် ဝေဖန်ရှုတ်ချခြင်း ခံခဲ့ရပြီးနောက် ယခုကဲ့သို့ ပြန်လည်တောင်းပန်ခဲ့ခြင်းဖြစ်သည်။

“ဒီလိုနည်းလမ်းမျိုးနဲ့ ရင်းနှီးမှုကို ပြသတာဟာ တစ်ဦးတစ်ယောက်ကို နာကျင်ခံစားရလိမ့်မယ်လို့ ကျွန်တော် မထင်ခဲ့ပါဘူး။ ကျွန်တော် အနူးအညွတ်တောင်းပန်ပြီး အဲဒီအတွက်လည်း ဆင်ခြေမပေးချင်ပါဘူး။ ကျွန်တော် ကျွန်တော် စိတ်ရောကိုယ်ပါ တောင်းပန်ပါတယ်” ဟု ယမန်နေ့က ၎င်း၏ Facebook စာမျက်နှာတွင် ရေးသားတောင်းပန်ခဲ့သည်။

အဆိုပါ အကူအညီပေးရေး အခမ်းအနားတွင် နိုင်ငံပေါင်း ၂၇ နိုင်ငံမှ ကျောင်းသား ၄၀ ခန့်နှင့် Saenuri ပါတီမှ လူငယ်အဖွဲ့ဝင် ၅၀ လည်း တက်ရောက်ခဲ့သည်။

“မင်းရဲ့မျက်နှာက မီးသွေးခဲနဲ့တူတယ်” ဟု အသက် ၆၄ နှစ်ရှိ ကင်မ်မူဆန်က နိုက်ဂျီရီးယား ကျောင်းသား ဘာဘာလိုလာ ဂျိုရှူဝါ အဒီကူနီအား ရယ်မော၍ ပြောဆိုခဲ့သည်။ အဒီကူနီကမူ ထိုကိစ္စအတွက် အပြစ်မတင်ဟု ဆိုသည်။

“ဒါကို ကျွန်တော်က တစ်ခြားအဓိပ္ပါယ် မကောက်ပါဘူး။ သူက နောက်တာပါ။ ရယ်ရယ်မောမောနဲ့ ပြောဆိုခဲ့တာပါ။ ကျွန်တော်က လူမည်းပဲ။ ဒါက ရှက်စရာမှမဟုတ်တာ” ဟု Focus News သို့ အဒီကူနီက ပြောကြားခဲ့သည်။

ကင်မ်က ၎င်းအား တောင်းပန်သင့်လားဟု မေးမြန်းရာတွင် ၎င်းက “ကိစ္စမရှိပါဘူး” ဟု ကိုရီးယားဘာသာစကားဖြင့် ပြန်လည်ဖြေကြားခဲ့သည်။ ၎င်းမှာ တောင်ကိုရီးယားအစိုးရ၏ ပညာသင်ဆု အစီအစဉ်ဖြင့် ဆိုးလ်ရှိ တက္ကသိုလ်တစ်ခုတွင် ပညာသင်ကြားနေသူဖြစ်သည်။

Ref: Aljazeera

ဒီဇင်ဘာ ၄၊ ၂၀၁၅
M-Media

– လွန်ခဲ့သော ၁၀နှစ်မှစ၍ လူဦးရေတိုးပွားစေရန် နည်းလမ်းအမျိုးမျိုးကို အသုံးပြုခဲ့သည့် တောင်ကိုးရီးယားမှာ ငယ်ရွယ်သူများအတွက် အစိုးရက ထောက်ပံ့ပေးသော ဖူးစာဖက်ရှာဖွေရေး ၀န်ဆောင်မှုလုပ်ငန်းကို စတင်နေသည်ဟု သိရသည်။

မေလကတည်းက အဆိုပါဝန်ဆောင်မှုကုမ္ပဏီများသည် လူငယ်များ စုစည်းစေမည့် ပါတီများပေးခြင်းဖြင့် စည်းရုံးရေးလုပ်ငန်းများ ပြုလုပ်လာခဲ့သည်။ ယနေ့တွင် အရွယ်ရောက်ပြီးသော တောင်ကိုးရီးယားလူငယ် ၁၀ ဦးတွင် လေးဦးသည် လက်ထပ်ခြင်းမရှိပေ။

“ပွင့်ပွင့်လင်းလင်း ပြောရမယ်ဆိုရင် ကိုးရီးယားလူမျိုးတွေဟာ အိမ်ထောင်ပြုသားမွေးဖို့တော်တော်စဉ်းစားလာကြပါပြီ။ ဘာကြောင့်လဲဆိုရင် အနာဂတ်အတွက် စိုးရိမ်ကြောင့်ကြမှုတွေရှိနေလို့ပါပဲ” ဟု လက်ထပ်ပွဲမန်နေဂျာ ဟွန်ယူဂျင်းကပြောသည်။

မကြာသေးမီကလေ့လာချက်များအရ အမျိုးသမီးများ အိမ်ထောင်ပြုကြသည့် အသက်အရွယ်သည် တဖြည်းဖြည်း ကြီးမြင့်လာခဲ့သည်။ ၁၉၉၀ နှစ်များတွင် တောင်ကိုရီးယား အမျိုးသမီးများက အသက် ၂၅ လောက်တွင် အိမ်ထောင်ပြုလေ့ရှိကြပြီး ယခုတွင် အသက် ၃၅ နှစ်လောက်မှ အိမ်ထောင်ပြုကြတော့သည်။

ထိုကိစ္စမှာ သတင်းကောင်းတစ်ခုမဟုတ်။ ငယ်ရွယ်သည့် အမျိုးသမီးများမှာ အသက်ကြီးသူများထက် ကလေးရနိုင်ချေ ပိုများသည်။ တောင်ကိုးရီးယားမှာ ဆယ်စုနှစ်တစ်ခုကြာ ကလေးမွေးဖွားနှုန်းမြင့်တက်ရန်အတွက် ကန်ဒေါ်လာ ၇၀ ဘီလီယံ အသုံးပြုခဲ့ပြီးဖြစ်သည်။

အစိုးရသည် လူငယ်စုံတွဲများ၏ ကလေးမွေးနှုန်းမြှင့်တင်ရေး ကုသမှုများအတွက် ငွေကြေးသုံးစွဲလျက်ရှိပြီး ၎င်းတို့ကို လူနေအိမ်ယာများတွင် ဦးစားပေး နေထိုင်စေခြင်းများ ပြုလုပ်ခဲ့သည်။ သို့သော် အိမ်ထောင်သည်များသည် ကလေးမလိုချင်ကြဘဲ၊ ကလေးစောင့်ရှောက်ရေးဌာနများ မရှိသောကြောင့်ဖြစ်သည်။

‘ငွေကြေးထောက်ပံ့ပေးတာကလည်း အရေးပါပါတယ်၊ ဒါပေမဲ့ မိဘနှစ်ပါးလုံး အပြင်ထွက်အလုပ်လုပ်ရင် ကလေးကိုစောင့်ရှောက်မယ့်သူ လိုတယ်လေ။ တကယ်လို့ ကလေးစောင့်ရှောက်ရေးဂေဟာတွေသာရှိရင် ကျွန်မတို့ကလေးတွေအတွက် အားကိုးအားထားပြုနိုင်မှာ ဖြစ်ပါတယ်၊ ဒီလိုဆိုရင် ကလေးမွေးနှုန်းလည်း များပြားလာမယ်လို့ ထင်တယ်” ဟု မိခင်တစ်ဦးကပြောသည်။

လွန်ခဲ့သောနှစ်နှစ်က ကောက်ယူခဲ့သော စစ်တမ်းတစ်ခုတွင် ကမ္ဘာ့ဘဏ်က တောင်ကိုးရီးယား၏ မွေးဖွားနှုန်းသည် ဟောင်ကောင်နှင့် မကာအိုပြီးလျှင် တတိယ အနည်းဆုံးနိုင်ငံဖြစ်သည်ကို တွေ့ခဲ့ရသည်။

Ref: Channelnewsasia