ဇူလိုင် ၁၀ ၊ ၂၀၁၅
M-Media
လွန်ခဲ့တဲ့ ၁၄ နှစ်က ဂျော့ဂ်ျ ဘုရှ် စတင်လိုက်ပြီး အဆုံးမသတ်နိုင်တော့တဲ့ အကြမ်းဖက် ၀ါဒပေါ်စစ်ဆင်ရေး လှုပ်ရှားမှုက ရုပ်ပျက်ဆင်းပျက်ပြောင်းပြန်ရလဒ်အကြားမှာ သူ့ချည်ခင်နဲ့သူ ပြန်ရစ်ရှုပ်ထွေးနေလျက်ရှိပါတယ်။ ပြီးခဲ့တဲ့ တနင်္လာနေ့က ဆီးရီးယားမှာ အကြမ်းဖက်သူအဖြစ် စွပ်စွဲခံထားရတဲ့ ဆွီဒင်လူမျိုး Bherlin Gildo ကို လန်ဒန်တရားရုံးတင်စစ်ဆေးပါတယ်။ သူဟာ ဗြိတိသျှထောက်လှမ်းရေးအဖွဲ့က အဆိုပါသူပုန်အုပ်စုများကို လက်နက်တပ်ဆင်ပေးနေခဲ့ကြောင်း ပေါ်လွင်သွားလို့ တရားခံဖြစ်သူဟာ အားပေးကူညီသူအဖြစ် အရေးယူခံရပြီးတဲ့နောက် အဲ့ဒီအမှုကို လျှောချလိုက်ပါတယ်။
တရားလိုများဖက်က အမှုကို ပိတ်သိမ်းလိုက်ပါတယ်။ ဒါဟာ ထောက်လှမ်းရေးကိစ္စတွေနဲ့ ထိပ်တိုက် မတွေ့အောင် ရှောင်လိုက်ကြောင်း ထင်ရှားနေပါတယ်။ ဆီးရီးယား အတိုက်အခံ လက်နက်ကိုင် အုပ်စုကို ဗြိတိသျှ ကိုယ်တိုင်က မဟားဒယားထောက်ပံ့ကူညီခြင်း အထောက်အထား အပုံအပင် ရှိနေလျက် စစ်ဆေးခြင်းကို ရှေ့ဆက်မယ်ဆိုရင် တရားစီရင်ရေးအပေါ် အရိုအသေတန်မှု ဖြစ်သွားနိုင်ကြောင်း တရားခံများဖက်ကလည်း ဆိုခဲ့ကြတယ်။
သေကြေပျက်စီးစေနိုင်တဲ့ ထောက်ပံ့ကူညီမှုတွေ မပါဝင်ဘူးလို့ အစိုးရဖက်က လေလုံးထွား ခဲ့သော်လည်း လေ့ကျင့်ရေး၊ နည်းစံနစ် အကူအညီနဲ့ လက်နက် ပမာဏအများအပြား လျှို့ဝှက်ထောက်ပံ့မှုတွေ ပေး ခဲ့ကြပါတယ်။ လစ်ဗျားမှာ ကဒါဖီ အစိုးရပြုတ်ကျပြီးနောက်ပိုင်း ၂၀၁၂ ခုနှစ်မှာ ဆီးရီးယားသူပုန်တွေဆီ လစ်ဗျား ရိက္ခာပို့ယာဉ်များမှတဆင့် လက်နက် လွှဲပြောင်းခြင်းအမှုကို ဗြိတိသျှထောက်လှမ်းရေးအဖွဲ့ MI 6 က စီအိုင်အေနဲ့ ပူးတွဲလုပ်ဆောင်ခဲ့တယ်လို့ သတင်းများက ဖော်ပြနေပါတယ်။
ဝန်ကြီးများနဲ့ သူတို့ရဲ့လုံခြုံရေးအရာရှိများ အလိုကျအတွက် အလုပ်လုပ်ပေးတဲ့ တစ်စုံတစ်ဦးကို အကျဉ်းထောင်ထဲ ပို့ဆောင်တဲ့ အဖြစ်ဟာ ရှင်းရှင်းကြီးကို ရယ်ပွဲဖွဲ့စရာကောင်းနေပါတယ်။ ဒါပေမယ့် အဲ့ဒါက အလားတူ အမှုမျိုး တသီတသန်းရဲ့ နောက်ဆုံးသာ ဖြစ်ခဲ့ပါတယ်။ သူ့ထက် ကံဆိုးသွားသူကတော့ လန်ဒန် အငှားယာဉ်မောင်း Anis Sardar ဖြစ်ပါတယ်။ ၂၀၀၇ ခုနှစ် အမေရိကန်နဲ့ဗြိတိသျှ တပ်ဖွဲ့များက အီရတ်ကို သိမ်းပိုက်စီးနင်းမှုကို ခုခံခြင်းမှာ ပါဝင်ပတ်သက်ခဲ့ခြင်းကြောင့် လွန်ခဲ့တဲ့ ရက်သတ္တပတ် နှစ်ပတ် ကပင် သူ့ကို တစ်သက်တစ်ကျွန်းပြစ်ဒဏ်ပေးခဲ့ပါတယ်။ တရားမ၀င် ၀င်ရောက်စီးနင်းသိမ်းပိုက်မှုကို လက်နက်ကိုင်ဆန့်ကျင်ခြင်းက အကြမ်းဖက်ခြင်း သို့မဟုတ် လူသတ်ခြင်း အမှုမမြောက်ပါဘူးလို့ ဂျီနီဗာကွန်ဗင်းရှင်း အပါအ၀င် ဥပဒေ ဖွင့်ဆ်ိုချက်အများစုက ဖော်ပြထားပြီးဖြစ်တယ်။
သို့သော်လည်း ခုချိန်မှာ အကြမ်းဖက်ဝါဒဆိုတာ ကြည့်ရှုသူရဲ့အမြင်မှာ ဘောင်ခတ်ခံနေရတယ်။ အရှေ့အလယ်ပိုင်း ဒေသ အတွင်း ယနေ့ကာလရဲ့ အကြမ်းဖက်သမားများက မတရားမင်းနဲ့ အပေါင်းအပါများကို ဆန့်ကျင်သော နောက်တစ်နေ့ရဲ့တိုက်ခိုက်ရေးသမားတွေဟာ ရန်သူများဖြစ်ကြတယ် ဆိုတဲ့ အနောက်တိုင်းဝါဒ လမ်းကြောင်းသူတစ်ဦးရဲ့ညီလာခံဆင့်ဆိုချက်က တောင်စဉ်ရေမရ ဗလုံးဗထွေးအတွေးစိတ်ကူးဆိုတာ ယေဘူယျအားဖြင့် သိမြင်နိုင်ပါတယ်။
ISIS က အီရတ်နဲ့ ဆီးရီးယားပိုင်နက် အတော်များများကို ကျူးကျော်သိမ်းပိုက်ပြီး ကိုယ်ပိုင်ဟန် အစ္စလာမ့် ခလီဖဟ် လို့ ကြွေးကျော်လိုက်တဲ့နောက်ပိုင်း ယမန်နှစ်ကတည်းက အမေရိကန်၊ ဗြိတိန်နဲ့ အခြားအနောက်တိုင်း တပ်ဖွဲ့များဟာ အီရတ်ကို တစ်ကျော့ပြန်ရောက်လာခဲ့ကြတယ်။ (ယခင်က အီရတ်ရဲ့ အလ်ကိုင်ဒါအဖွဲ့ အဖြစ် သိကြတဲ့) တရားလွန် အစွန်းရောက် IS အကြမ်းဖက်အဖွဲ့ကို ဖြိုခွင်းရေးလို့ ဆိုကြတယ်။
ဒီတိုးထွက်လှုပ်ရှားမှုက ထင်သလောက် အလုပ်မဖြစ်လာပါဘူး။ ပြီးခဲ့တဲ့လက ISIS က အီရတ်ရဲ့ ရာမာဒီမြို့ထဲ အလုံးအရင်း ၀င်ရောက်နိုင်ခဲ့သလို အခြားတစ်ဖက်မှာလည်း ဆီးရီးယားနယ်စပ်ရဲ့ ပါလ်မီရာမြို့ကို သိမ်းပိုက်ခဲ့ကြတယ်။ အလ်ကိုင်ဒါရဲ့တရားဝင်အဖွဲ့ နုဆ်ွရာတပ်ဦးကလည်း ဆီးရီးယားနယ်ထဲမှာ တိုးပွားလာနေတယ်။
လက်ရှိဖြစ်နေသမျှအားလုံးဟာ အမေရိကန် လက်ထွက်များဖြစ်တယ်လို့ အီရတ်နိုင်ငံသားအချို့က ဆိုနေကြတယ်။ အမေရိကန်တွေကတော့ မိမိတို့ဟာ အရပ်သား ပျက်စီးမှုတွေကို ရှောင်ကြဉ်နိုင်အောင် ကြိုးစားနေတယ်လို့ ဆိုပြီး အရေးပါသောအောင်မြင်မှုတွေ ရရှိနေပြီလို့ ကြွေးကြော်ကြတယ်။ အရာရှိတွေ တိုးတိုးတိတ်တိတ် ဆိုကြတာကတော့ မိမိတို့ဟာ စွန္နီအမာခံနယ်မြေများကို လူမျိုးရေးစစ်ပွဲထဲ ချနင်းနေတာ၊ ပင်လယ်ကွေ့ဒေသထဲက မိမိတို့ရဲ့စွန္နီမဟာမိတ်တွေ ကမောက်ကမဖြစ်တာကို မမြင်လိုကြပါဘူးတဲ့။
၂၀၁၂ သြဂုတ်လအတွင်း ရေးခဲ့တဲ့ အမေရိကန်ထောက်လှမ်းရေး အထူးလျှို့ဝှက် အစီရင်ခံစာတစ်ရပ်ဟာ မကြားသေးမီက ပေါက်ကြားခဲ့တယ်။ အဲ့ဒီမှာ ဆီးရီးယားအရှေ့ပိုင်းထဲ စလဖီ စည်းမျဉ်းခံ စံနစ်ဖြစ်ထွန်းဖို့ အလားအလာ၊ ဆီးရီးယားနဲ့အီရတ်ထဲ အလ်ကိုင်ဒါထိန်းချုပ်ထားတဲ့ အစ္စလာမစ်နိုင်ငံ IS ကို ရှိကြောင်း၊ မယုံနိုင်စရာကောင်းလှစွာ ဟောကိန်းထုတ်ချက်တွေကို လိုလိုလားလား လက်ခံထားကြောင်း တွေ့လိုက် ရပါတယ်။ အဲ့ဒီကာလ အနောက်တိုင်းကျွေးကျော်ချက်များနဲ့ လုံးလုံးလျားလျား ဆန့်ကျင်လျက် တပ်မတော်ထောက်လှမ်းရေး အေဂျင်စီအထောက်အထားများက (ISIS ဖြစ်လာတဲ့) အီရတ်က အလ်ကိုင်ဒါအဖွဲ့(နဲ့) ဆီးရီးယားအတွင်း အနိဋ္ဌာရုံဖြစ်အောင် တွန်းအားပေး မောင်းနှင်ရာ အဓိက အင်အားစုဖြစ်တဲ့ စလဖီဝါဒီများနဲ့ ပါဝင်ပတ်သက်ခဲ့ပြီး၊ အနောက်နိုင်ငံများ ပင်လယ်ကွေ့တိုင်းပြည်များနဲ့ တူရကီနိုင်ငံတို့ဟာ ဆီးရီးယား အရှေ့ပိုင်း ထိန်းချုပ်ထားနိုင်အောင် အတိုက်အခံတို့ရဲ့အားထုတ်မှုကို အားပေးထောက်ခံနေကြောင်း ကြေငြာဖော်ပြခဲ့ပါတယ်။
ဖွင့်ဟကြေညာထားတဲ့ သို့မဟုတ် ဖွင့်ဟကြေညာမှုမဲ့ စည်းမျဉ်းခံ စလဖီဝါဒီ အင်အားစုတစ်ရပ် တည်ထောင်ခြင်း အလားအလာကို ပေါ်ပေါက်လာစေမှုနဲ့အတူ ပင်တဂွန်စစ်ဋ္ဌာနချုပ် အစီရင်ခံစာထဲမှာလည်း “ဆီးရီးယားအစိုးရ ထီးတည်းကျန်စေရေး အလို့ငှာ အတိုက်အခံအင်အားစုကို သြဇာအင်အားကြီးထွားအောင် အတိအကျပြုရမည်၊ (အီရန်နှင့်အီရတ်မှ) ရှီအာတို့၏ လက်တံရှည်လာခြင်းဆိုင်ရာ ဗျူဟာအတိမ်အနက် ထည့်တွက်သုံးသပ်မှုဖြစ်သည်” လို့ ရှေ့ဆက်ဆိုထားပါတယ်။
နောက် ၂ နှစ်ကြာတဲ့အခါ ရည်ရွယ်လမ်းကြောင်းချက်အတိုင်း အတိအကျ ဖြစ်ပျက်လာတော့တယ်။ ဆီးရီးယားထဲ အမေရိကန် တပ်များက သူပုန်တစ်စုကို ဗုံးကြဲရင်း နောက်ထပ်တစ်စုကို ကျားကန်ပေးခဲ့ကြတယ်။ ဒီအစီရင်ခံစာက မူဝါဒရေးရာ အထောက်အထားတော့ မဟုတ်ပါဘူး။ ဒါပေမယ့် သဘောတရား အရ နှစ်ဖက်ချွန်အကြံနဲ့ သွယ်ဝိုက်ကြိုးနီ ညွှန်ကြားချက်ဖြစ်ကြောင်း သိသာထင်ရှားနေပါတယ်။ ဆီးရီးယားပုန်ကန်မှု တစ်နှစ်တာအတွင်း အမေရိကန်နဲ့မဟာမိတ်များက အတိုက်အခံအုပ်စုကို ထောက်ခံကူညီ လက်နက်တပ်ဆင်ပေးနေမှုမျှသာ မဟုတ်ပါဘူး။ အစွန်းရောက် အုပ်စုကွဲတွေ လွှမ်းမိုးလာမယ်ဆိုတာ သိနေခဲ့တယ်။ အီရတ်ညီညွတ်ရေးအတွက် စိုးရိမ်ဖွယ် အန္တရာယ်ရှိနေငြားလည်း ဆီးရီးယားအင်အားချည့်နဲ့ဖို့ အဲ့ဒီအုပ်စုကွဲတွေကို စွန္နီကြားခံအုပ်စုအဖြစ် (ယခုလူသိများတဲ့) IS ဖန်တီးနိုင်အောင် လမ်းကြောင်းပေး စီစဉ်စေခဲ့ပါတယ်။
အမေရိကန်က IS ကို ဖန်တီး ထုတ်လုပ်လိုက်တယ်လို့ မဆိုနိုင်သော်လည်း အမေရိကန် ဒုသမ္မတ ဂျိုးဘိုင်ဒင်ရဲ့အသိအမှတ်ပြုခြင်းကိုကြည့်ရင် ပင်လယ်ကွေ့ဒေသက သူ့ရဲ့ မဟာမိတ်များဟာ အဓိကအခန်းကဏ္ဍထဲ ပါဝင်ခဲ့တာ အမှန်ပါပဲ။ ဒါပေမယ့် အမေရိကန်နဲ့ ဗြီတိန်တို့ ၀င်ရောက်စီးနင်းခဲ့မှု မတိုင်မီအချိန်အထိ အီရတ်မှာ အလ်ကိုင်ဒါဆိုလို့ မရှိခဲ့ပေဘူး။ ဒေသတွင်း အခြားသော အင်အားစုများကို ဆန့်ကျင်လာအောင် အမေရိကန်က IS ပေါ်ပေါက်လာခြင်းအပေါ် အသုံးချလိုက်တာဖြစ်ပါတယ်။ အနောက်တိုင်းရဲ့ထိန်းချုပ်မှုကို ထိန်းသိမ်းထားနိုင်ရေးအတွက် ကျယ်ပြန့်တဲ့မောင်းနှင်အားတစ်ရပ်လို့ ဆိုရပါလိမ့်မယ်။
IS က အနောက်တိုင်းသားတွေကို ခေါင်းဖြတ်သတ်ခြင်း စတင်ပြုမူပြီး အွန်လိုင်းပေါ် အဲ့ဒီကြမ်းကြုတ် ရက်စက်မှုများ တင်ပြလာချိန်မှာတော့ တွက်ကိန်းပြောင်းလဲ ကုန်ပါတယ်။ ပင်လယ်ကွေ့ဒေသနိုင်ငံများကလည်း ခုချိန်မှာ နုဆ်ွရာတပ်ဦးလို ဆီးရီးယားစစ်ပွဲက အခြားအုပ်စုများကို ကျားကန်ပေးလာကြတယ်။ ဂျိဟာ့ဒ်ဝါဒီ အုပ်စုများနဲ့ ဆော့ကစားတတ်တဲ့ ၀သီအတိုင်း အမေရိကန်နဲ့ ဥရောပသားတွေ အဖို့ ကိုယ်မွေးတဲ့မျောက် ကိုယ့်ပြန်ခြောက်ခံကြရပါတယ်။ ၁၉၈၀ နှစ်များက အာဖဂန်နစ္စတန်နိုင်ငံမှာ ဆိုဗီယက်ယူနီယံ ဆန့်ကျင်ရေးစစ်ပွဲကို ပြန်ကြည့်လိုက်ပါ။ မူလ အလ်ကိုင်ဒါအဖွဲ့က စီအိုင်အေရဲ့ မွေးစားတပည့်ဖြစ်နေကြောင်း တွေ့ရပါလိမ့်မယ်။
အီရတ်ကိုသိမ်းပိုက်စဉ် ကာလအတွင်း ဒီစံနှုန်းအတိုင်းဘဲ ဖြစ်ခဲ့တာပါ။ အီရတ်ခုခံမှုကို ချည့်နဲ့အောင် ဂိုဏ်းဂဏ မှိုင်းတိုက်သတ်ဖြတ်မှုသုံး အောက်တန်းကျစစ်ပွဲကို အမေရိကန်တပ်များက စီမံဆင်နွှဲခဲ့တယ်လေ။ ဒါ့အပြင် ပြီးခဲ့တဲ့သီတင်းပတ်က ဂဒါဖီရဲ့ဇာတိမြို့ Sirte ကို ISIS ထိန်းချုပ်လိုက်တဲ့ လစ်ဗျားမှာ နေတိုးဦးဆောင်တဲ့ ၂၀၁၁ ခုနှစ် ဇာတ်တိုက်စစ်ပွဲအတွင်း လက်တုံ့ပြန်မှု ခံခဲ့ရတယ်။
ယခုအရှေ့အလယ်ပိုင်း ခံစားနေရတဲ့ အမေရိကန်နဲ့ အနောက်တိုင်းရဲ့ မီးလောင်တိုက်သွင်းရေးမူဝါဒဆိုတာ ဘုရင်စနစ်သုံး ခွဲခြားအုပ်ချုပ်ရေး စည်းမျဉ်း ပုံစံခွက်ထဲကနေ ဖန်တီးဖော်ဆောင်နေခြင်းဖြစ်တယ်။ အမေရိကန်တပ်ဖွဲ့များက ဆီးရီးယားအတွင်း သူပုန်တစ်စုကို တစ်ဖက်မှာ ဗုံးကြဲတိုက်ခိုက်သလို အခြားအုပ်စုတစ်ရပ်ကိုလည်း တချိန်တည်း ကျောကန်ပေးကြတယ်။ အဲ့ဒီနောက် အီရတ်မှာရှိတဲ့ ISIS ကို စစ်ဆင်ဖို့ အီရန်နဲ့ ထဲထဲဝင်ဝင် ပူးပေါင်းတိုက်ခိုက်တဲ့ တစ်ချိန်တည်းမှာ ယီမင်နိုင်ငံထဲက အီရန် ကျားကန်ပေးထားတဲ့ Houthi တပ်ဖွဲ့တွေကို ဆော်ဒီအာရေဗျရဲ့စစ်ဆင်ရေးမှာ ကူညီပံ့ပိုးနေပါတယ်။ မည်သို့ပင်ဆိုစေ ဒီလိုချဉ်းကပ်မှုနည်းလမ်းမျိုးနဲ့ ချည့်နဲ့နေတဲ့အီရတ်နဲ့ဆီးရီးယားကို အမေရိကန်ရဲ့ရှုပ်ရှက်ခတ်ပေါ်လစီက အောင်မြင်စွာ ပိုင်းခြားဖို့ ဖြစ်သွားနိုင်ပါတယ်။
အရှင်းလင်းအထင်ရှားဆုံးကတော့ ISIS နဲ့ သူတို့ရဲ့စက်ဆုပ်ဖွယ်ရာများကိုဖြစ်စေ၊ နှစ်ပေါင်းများစွာကတည်းက ဖန်တီးခြင်းခံရတဲ့ ပြောင်ပြောင်တင်းတင်းတစ်မျိုး ခိုးကြောင်ခိုးဝှက်တစ်ဖုံ စစ်မက်ဖန်တီးခြင်းကိုဖြစ်စေ အီရတ်နဲ့ဆီးရီးယားက မူလဘူတ ပါဝါတူအင်အားစုတွေအဖို့ အနိုင်ယူနိုင်လိမ့်မှာ မဟုတ်ဘူး။ အရှေ့အလယ်ပိုင်းမှာ မဆုံးနိုင်တဲ့ အနောက်တိုင်း စစ်ရေးစွက်ဖက်မှုတွေက ပျက်စီးခြင်းနဲ့ကွဲပြားခြင်းကိုသာ သယ်ဆောင်လာခဲ့ကြတာ ဖြစ်တယ်။ ဒီရောဂါကို ကုစား ကင်းပျောက်စေနိုင်သူများကတော့ ဒေသတွင်း လူထုများသာ ဖြစ်ပါတယ်။ ဗိုင်းရပ်စ်ရောဂါပိုးကို မွေးမြူပေါက်ဖွားစေခဲ့သူများ မဟုတ်ကြပါ။
xxxxxxxxxxxxxxxxxxxxxxx
The Guardian တွင်ဖော်ပြထားသော Seumas Milne ၏ Now the truth emerges: how the US fuelled the rise of Isis in Syria and Iraq ဆောင်းပါးကို မင်းထွဋ်ခေါင် မှ ဆီလျော်အောင် ပြန်ဆိုချက် ဖြစ်သည်။
Seumas Milne သည် ဂါးဒီးယန်းသတင်းစာတိုက်၏ ပင်တိုင်ဆောင်းပါးရှင်နှင့် တွဲဖက်အယ်ဒီတာဖြစ်သည်။ အထွေထွေသတင်းထောက်နှင့် အလုပ်သင်အယ်ဒီတာအဖြစ် လုပ်ကိုင်ပြီးနောက် ၂၀၀၁ မှ ၂၀၀၇ ခုနှစ်အထိ အကြံပေးအယ်ဒီတာအဖြစ် ဆောင်ရွက်ခဲ့သည်။ ဂါးဒီးယန်းအတွက် အရှေ့အလယ်ပိုင်းဒေသ၊ ဥရောပအရှေ့ပိုင်း၊ ရုရှား၊ တောင်အာရှနှင့် လက်တင်အမေရိကမှ သတင်းရေးသားပေးပို့ခဲ့သည်။ ကနဦးပိုင်းက The Economist အတွက် လုပ်ကိုင်ပေးခဲ့ပြီး၊ The Enemy Within and The Revenge of History စာအုပ်ရေးသားသူ နှင့် Beyond the Casino Economy စာအုပ်တွဲဖက်ပြုစုသူလည်းဖြစ်သည်။
