News @ M-Media

Tag: Taiwan

  • တရုတ်ဒရုန်းရန်ကို ထိုင်၀မ်က လေဆာလက်နက်ဖြင့် တုန့်ပြန်မည်

    တရုတ်ဒရုန်းရန်ကို ထိုင်၀မ်က လေဆာလက်နက်ဖြင့် တုန့်ပြန်မည်

    မတ် ၉၊ ၂၀၂၄

    M-Media 


    -တရုတ်ရဲ့ ဒရုန်းတွေနဲ့ လေပိုင်နက် ကျူးကျော်မှုကို ဟန့်တားနိုင်ဖို့အတွက် ထိုင်၀မ်ဟာ လေဆာလက်နက်တစ်မျိုးကို ဖန်တီးနေပါတယ်။ 

    ၅၀ ကီလို၀ပ်ရှိမယ့် အဲဒီလေဆာလက်နက်ဟာ စစ်သုံးယာဥ်တွေမှာ တပ်ဆင်အသုံးပြုနိုင်မှာပါ။ CM-32 Clouded Leopard စစ်သုံးကားတွေမှာ ဒီနှစ်အကုန် တပ်ဆင်အသုံးပြုသွားဖို့ ရည်ရွယ်ထားပါတယ်။ 

    လက်ရှိ တီထွင်ဖန်တီးမှုကို ထိုင်၀မ်နည်းပညာတက္ကသိုလ် NCSIST က ဦးဆောင်ပြုလုပ်နေတာ ဖြစ်ပါတယ်။ 

    တရုတ်က ဒရုန်းတွေနဲ့ လေပိုင်နက်ကျူးကျော်မှုကို တုန့်ပြန်ဖို့အတွက် ထိုင်၀မ်ဟာ နိုင်ငံရဲ့ ဒရုန်းကာကွယ်ရေးစနစ်ကို အဆင်မြှင့်တင်နေတာပါ။ 

    ကန်ဒေါ်လာ ၁၄၃ သန်း တန်ဖိုးရှိတဲ့ ဒရုန်းကာကွယ်ရေးစနစ်ကို NCSIST က ၂၀၂၂ ခုနှစ်မှာ ဖန်တီးနိုင်ခဲ့ပြီး နောက်ထပ် ၄ နှစ်အတွင်း ထိုင်၀မ်ကျွန်းမကြီးနဲ့ ကျွန်းငယ်တွေအားလုံးမှာ ဖြန့်ကျက်နိုင်အောင် ဆောင်ရွက်နေပါတယ်။ 

    အခုစမ်းသပ်နေတဲ့ လေဆာလက်နက်ဟာ ရှိပြီးသား ဒရုန်း ကာကွယ်ရေးစနစ်ကို ပိုမိုအားကောင်းစေမှာ ဖြစ်ပါတယ်။ 

    တရုတ်က ထိုင်၀မ်ကို သိမ်းပိုက်ရေးမှာ စစ်ရေးအသုံးပြုဖို့ အသားပေး စဥ်းစားလာပြီး ၂၀၃၅ ခုနှစ်မှာ အိမ်နီးချင်းနိုင်ငံတစ်ခုနဲ့ အသေးစား စစ်ရေးပဋိပက္ခ ဖြစ်လာဖို့ စီစဥ်နေတယ်လို့ ဖေဖော်၀ါရီလမှာ သတင်းပေါက်ကြားလာပါတယ်။ 

    ထိုင်၀မ်ကျွန်းကိစ္စနဲ့ပတ်သက်လို့ အမေရိကန်နဲ့ ထိပ်တိုက်တွေ့ဆုံရရင် လူမဲ့ လေပေါ်၊ ရေအောက်ဒရုန်းတွေ အသုံးပြုနိုင်အောင် တရုတ်က ဗျူဟာ ချမှတ်ထားပါတယ်။ 

    Ref: Asia Times 

  • တရုတ်က ကျူးကျော်လာနိုင်ခြေရှိ၍ ကယ်ဆယ်ရေးစီမံကိန်းကို ထိုင်၀မ်ပြင်ဆင်

    တရုတ်က ကျူးကျော်လာနိုင်ခြေရှိ၍ ကယ်ဆယ်ရေးစီမံကိန်းကို ထိုင်၀မ်ပြင်ဆင်

    ဧပြီ ၁၄၊ ၂၀၂၃

    M-Media 


    -ထိုင်၀မ်မှာ ကြာသာပတေးနေ့က စစ်ပွဲနဲ့ ဘေးအန္တရာယ် ကယ်ဆယ်ရေးဆိုင်ရာ လေ့ကျင့်ခန်းတစ်ခုကို ပြုလုပ်ခဲ့ပါတယ်။ 

    ထိုင်၀မ်ပစ်မှတ်တွေကို တိုက်ခိုက်သိမ်းပိုက်တဲ့ စစ်ရေးလေ့ကျင့်မှု တရုတ်က ရုတ်တရက်ပြုလုပ်ခဲ့ပြီး ၃ ရက်အကြာမှာပဲ ထိုင်၀မ်က ကယ်ဆယ်ရေး လေ့ကျင့်မှု လုပ်တာပါ။ 

    တိုက်ချွန်မြို့မှာလုပ်တဲ့ ဒီလေ့ကျင့်ခန်းအတွင်း ကယ်ဆယ်ရေးလုပ်သားတွေအပါအ၀င် လူပေါင်း တစ်ထောင်ကျော် ပါ၀င်ခဲ့ပါတယ်။ 

    ဒုံးကျည်၊ ဓာတုလက်နက်တွေနဲ့ တိုက်ခိုက်ခံရတာ၊ အများပြည်သူသုံး သယ်ယူပို့ဆောင်ရေးနေရာတွေ တိုက်ခိုက်ခံရတာမျိုး ပုံစံတူ ဖန်တီး လေ့ကျင့်ခဲ့ကြတာ ဖြစ်ပါတယ်။ 

    ထိုင်၀မ်ကျွန်းရဲ့ လေကြောင်းကာကွယ်ရေးဇုန်အတွင်း တရုတ်တိုက်လေယာဥ်တွေ မကြာခဏ ၀င်ရောက်ပျံသန်းလေ့ရှိပြီး ဒီအတွက် ထိုင်၀မ်ကလည်း အမြင့်ဆုံးအဆင့် တပ်လှန့်ထားပါတယ်။ 

    Ref: CNA 

  • ထိုင်၀မ်ကို တရုတ်က ကျူးကျော်တိုက်ခိုက်တော့မှာလား

    ထိုင်၀မ်ကို တရုတ်က ကျူးကျော်တိုက်ခိုက်တော့မှာလား

    မတ် ၆၊ ၂၀၂၃

    M-Media 


    -အခုနှစ်အတွင်း တရုတ်ဟာ မိမိတို့ကို ကျူးကျော်တိုက်ခိုက်လာနိုင်ချေ ရှိနေတယ်လို့ ထိုင်၀မ် ကာကွယ်ရေး၀န်ကြီးက ပြောကြားလိုက်ပါတယ်။ 

    ပြီးခဲ့တဲ့ နှစ်အနည်းငယ်ကစလို့ ထိုင်၀မ်ကျွန်းတစ်၀ိုက်မှာ တရုတ်က စစ်ရေးလှုပ်ရှားမှုတွေ အရှိန်မြှင့်လာခဲ့ပြီး၊ ထိုင်၀မ်ရဲ့ ပင်လယ်ဘက်က လေကြောင်းကာကွယ်ရေး သတ်မှန်ဇုန်ကိုလည်း တရုတ်စစ်လေယာဥ်တွေ နေ့စဥ်နီးပါး ကျူးကျော်၀င်ရောက်နေကြတာပါ။ 

    ပြီးခဲ့တဲ့နှစ်တုန်းကလည်း တရုတ်ထောက်လှမ်းရေးဒရုန်းတစ်စီးကို ထိုင်၀မ်က ပစ်ချခဲ့ပါတယ်။ 

    မနေ့က လွှတ်တော်အမတ်တွေရဲ့ မေးမြန်းမှုအတွင်း ကာကွယ်ရေး၀န်ကြီး Chiu Kuo-cheng တရုတ်စစ်တပ်ဟာ ထိုင်၀မ်လေပိုင်နက်နဲ့ ရေပိုင်နက်ကို အကြောင်းရှာ ၀င်ရောက်နိုင်ချေရှိပြီး၊ နယ်မြေကိုလည်း ရုတ်တရက်၀င်သိမ်းနိုင်ချေရှိတယ်လို့ ဖြေကြားခဲ့ပါတယ်။ 

    “ကျွန်တော် ဒီနှစ်မှာ ဒီလိုစကားမျိုးပြောတာဟာ၊ သူတို့ ဒီလို ပြင်ဆင်နေတယ်ဆိုတာကို သတိပေးတာဖြစ်ပါတယ်။ နောက်ပိုင်းကျရင် သူတို့ အင်အား သုံးကိုသုံးမှာပါ”

    တရုတ်က ၀င်ရောက်ကျူးကျော်ရင် ခုံခံကာကွယ်သွားမှာဖြစ်သလို၊ တန်ပြန်ထိုးစစ်ကိုလည်း အသုံးပြုသွားမယ်လို့ ထိုင်၀မ် ကာကွယ်ရေး၀န်ကြီးက ထည့်သွင်းပြောဆိုခဲ့ပါတယ်။ 

    တရုတ်နိုင်ငံခြားရေး၀န်ကြီးဌာန ပြောရေးဆိုခွင့်ရှိသူက အချုပ်အခြာအာဏာကို ပြတ်ပြတ်သားသား ကာကွယ်သွားမယ်လို့ ထိုင်၀မ်ရဲ့မှတ်ချက်ကို တုန့်ပြန်ပြောကြားခဲ့ပါတယ်။ 

    Ref: Reuters 

  • တရုတ်က ထိုင်၀မ်ကို လတ်တလော ကျူးကျော်သိမ်းပိုက်ရန် မရှိသေး

    တရုတ်က ထိုင်၀မ်ကို လတ်တလော ကျူးကျော်သိမ်းပိုက်ရန် မရှိသေး

    အောက်တိုဘာ ၃၊ ၂၀၂၂
    M-Media

    -တရုတ်ဟာ လတ်တလော ထိုင်၀မ်ကို ကျူးကျော်သိမ်းပိုက်ဖို့ အစီအစဥ် မရှိသေးဘူးလို့ ရှုမြင်ကြောင်း အမေရိကန် ကာကွယ်ရေး၀န်ကြီး လွိုက်အော်စတင်က ပြောပါတယ်။

    သြဂုတ်လအစောပိုင်း အမေရိကန် လွှတ်တော်ဥက္ကဌ ထိုင်၀မ်ကို သွားရောက်လည်ပတ်မှုကြောင့် တရုတ်ဖက်က အကြီးအကျယ် ဒေါသထွက်ခဲ့ပြီး ထိုင်၀မ်ကျွန်းတစ်၀ိုက်မှာ စစ်ရေးလေ့ကျင့်မှု အများအပြား ပြုလုပ်ခဲ့ပါတယ်။

    အော်စတင်က တရုတ်ဟာ စစ်ရေးဆိုင်ရာ လှုပ်ရှားမှုတွေနဲ့ ထိုင်၀မ်ကျွန်းတစ်၀ိုက် အနေအထားသစ်တစ်ခုကို ဖန်တီးဖို့ ကြိုးစားနေတယ်လို့ သုံးသပ်ပါတယ်။

    “ကျူးကျော်သိမ်းပိုက်မယ့် အခြေအနေမျိုး လောလောဆယ် မမြင်မိပါဘူး။ တရုတ်က အနေအထားသစ်တစ်ခု ဖန်တီးနေတာမျိုးကို ကျွန်တော်တို့ တွေ့တယ်။ ထိုမ်၀မ်ရေလက်ကြားမှာ ပိုက်နက်ဖြတ်ကျော် လေယာပျံသန်းမှု ပိုလုပ်လာတာရှိတယ်။ ထို၀မ်တစ်၀ိုက်မှာ တရုတ်ရေတပ်က လှုပ်ရှားလာတာတွေကိုလည်း ကျွန်တော်တို့ တွေ့ပါတယ်”

    အင်ဒို-ပစိဖိတ်ရေလမ်းကြောင်း လွတ်လပ်ပြီး ပွင့်လင်းမြင်သာမှု ရှိရေးအတွက် မဟာမိတ်တွေနဲ့ ဆက်လက်ပူးပေါင်း လုပ်ဆောင်သွားမယ်လို့လည်း အမေရိကန် ကာကွယ်ရေး၀န်ကြီးက ထည့်သွင်းပြောဆိုခဲ့ပါတယ်။

    ထိုင်၀မ်က သူတို့ဟာ လွတ်လပ်တဲ့ ဒီမိုကရက်တစ် နိုင်ငံတစ်ခုဖြစ်တယ်လို့ ပြောကြားထားပြီး တရုတ်က ထိုင်၀မ်ဟာ သူတို့ပိုင်နက်ဖြစ်ကာ စစ်အင်အားသုံး သိမ်းပိုက်ဖို့ ၀န်လေးနေမှာမဟုတ်ဘူးလို့ ခြိမ်းခြောက် ပြောဆိုထားပါတယ်။

    Ref: CNA

  • တရုတ်ရန်မှ ထိုင်၀မ်ကို စစ်ရေးဖြင့် ကာကွယ်ပေးမည်ဟု ဂျိုးဘိုင်ဒန် ပြော

    တရုတ်ရန်မှ ထိုင်၀မ်ကို စစ်ရေးဖြင့် ကာကွယ်ပေးမည်ဟု ဂျိုးဘိုင်ဒန် ပြော

    စက်တင်ဘာ ၁၉၊ ၂၀၂၂
    M-Media

    -တရုတ်က ထိုင်၀မ်ကို ကျူးကျော်လာရင် အမေရိကန်တပ်တွေက ထိုင်၀မ်ကို ကာကွယ်ပေးမယ်လို့ သမ္မတဂျိုးဘိုင်ဒန်က ပြောကြားလိုက်ပါတယ်။

    ထိုင်၀မ်ကိစ္စမှာ စစ်ရေးအရ ပါ၀င်ဖို့ အမေရိကန်က ပထမဆုံးအကြိမ် လူသိရှင်ကြား ပြောကြားလိုက်တာဖြစ်ပါတယ်။

    တရုတ်က ထိုင်၀မ်ဟာ သူတို့ပိုင်တဲ့ ဒေသဖြစ်ပြီး လိုအပ်ရင် စစ်အင်အားသုံး သိမ်းပိုက်သွားမယ်လို့ ကြေငြာထားတာပါ။

    ဒီကိစ္စမှာ စစ်ရေးအရ ပါ၀င်ပတ်သက်မှာလားဆိုတာကို အမေရိကန်တာ၀န်ရှိသူတွေ အရင်တုန်းက တိတိကျကျ မပြောခဲ့ပါဘူး။

    CBS 60 သတင်းဌာနနဲ့ မနေ့က အင်တာဗျူးမှာ အမေရိကန်သမ္မတ ဂျိုးဘိုင်ဒန်က ထိုင်၀မ်ကို တရုတ်က ရုတ်တရက် တိုက်ခိုက်လာရင် အမေရိကန်က ကာကွယ်ပေးသွားမယ်လို့ ဖြေကြားခဲ့ပါတယ်။

    ယူကရိန်းမှာလို လက်နက်ထောက်ပံ့တာမျိုး မဟုတ်ဘဲ အမေရိကန် စစ်သားတွေကိုယ်တိုင် ၀င်တိုက်ပေးမှာလို့လည်း ထည့်သွင်း ပြောဆိုခဲ့ပါတယ်။

    အိမ်ဖြူတော် ပြောရေးဆိုခွင့်ရှိသူက ထိုင်၀မ်နဲ့ပတ်သက်ပြီး အမေရိကန်ဟာ စစ်ရေးအရ ပါ၀င်တိုက်ခိုက်မလားဆိုတာ တိတိကျကျ မဆုံးဖြတ်ထားတဲ့ ‘strategic ambiguity’ မူ၀ါဒအတိုင်းပဲ ဆက်ရှိသွားမယ်လို့ မှတ်ချက်ပေးပါတယ်။

    ဘိုင်ဒန်ရဲ့ ဒီလိုပြောကြားမှုအတွက် ကျေးဇူးတင်ရှိပြီး၊ ကာကွယ်ရေးအင်အားကို ပိုမိုအားကောင်းအောင် လုပ်ဆောင်သွားမယ်လို့ ထိုင်၀မ်နိုင်ငံခြားရေး၀န်ကြီးက ပြောကြားခဲ့ပါတယ်။

    Ref: Reuters