မတ် ၁၈၊ ၂၀၁၈
M-Media
– ဆီးရီးယားနိုင်ငံ အနောက်မြောက်ပိုင်းရှိ အက်ဖရင်မြို့အား အပြည့်အ၀ သိမ်းပိုက်နိုင်ပြီဟု တူရကီစစ်တပ်နှင့် သမ္မတ အာဒိုဂန်တို့က ယနေ့တွင် ကြေငြာလိုက်သည်။
အက်ဖရင်ဒေသမှာ ယခင်က ကာ့ဒ်တပ်ဖွဲ့များ ထိန်းချုပ်ထားသည့် ဒေသဖြစ်ပြီး တူရကီက ကာ့ဒ်တပ်ဖွဲ့အား အကြမ်းဖက်အဖွဲ့ဟုဆိုကာ ဇန်န၀ါရီလမှ စတင်၍ ၀င်ရောက်ကျူးကျော် တိုက်ခိုက်ခဲ့ခြင်းဖြစ်သည်။
တူရကီစစ်တပ်က ယနေ့တွင် ထုတ်ပြန်သော ကြေငြာချက်၌ ၎င်းတို့တပ်ဖွဲ့နှင့် အာဆတ်အစိုးရအား ဆန့်ကျင်သော Free Syrian Army တပ်ဖွဲ့တို့မှာ အက်ဖရင်မြို့လယ်ကောင်ကို ထိန်းချုပ်နိုင်ခဲ့ကြောင်း၊ ကျွမ်းကျင်သူများမှာ မြေမြှုပ်မိုင်းနှင့် အခြား ပေါက်ကွဲစေတတ်သည့် ပစ္စည်းများကို ရှာဖွေနေကြောင်း ဖော်ပြထားသည်။
သမ္မတ အာဒိုဂန်ကလည်း စစ်ဆင်ရေးစတင်သည့်အချိန်မှစ၍ အကြမ်းဖက်သမား ၃၆၀၃ ဦးကို လက်နက်ဖြုတ်သိမ်းနိုင်ခဲ့သည်ဟု ပြောကြားခဲ့သည်။
အက်ဖရင်မြို့လယ်ကောင်တွင် တူရကီအလံ လွှင့်တင်ထားသော ဗီဒီယိုတစ်ခုကိုလည်း တူရကီစစ်တပ်က ဆိုရှယ်မီဒီယာတွင် မျှဝေခဲ့သည်။
ယူကေအခြေစိုက် ဆီးရီးယားလူ့အခွင့်အရေး စောင့်ကြည့်အဖွဲ့က အက်ဖရင်မြို့ တိုက်ပွဲများကြောင့် ဗုဒ္ဓဟူးနေ့မှစ၍ အနည်းဆုံး လူပေါင်း ၁၅၀၀၀၀ ခန့် ထွက်ပြေးခဲ့ရသည်ဟု ပြောကြားခဲ့သည်။
Ref: Aljazeera
