Tag: Ukraine

ဖေဖော်ဝါရီ ၂၁၊ ၂၀၁၄
M-Media

– အတိုက်အခံများနှင့် ငြိမ်းချမ်းရေးဆွေးနွေးမှုများ ပြုလုပ်မည်ဟု သမ္မတ ယာနူကိုဗစ်ခ်ျက ဗုဒ္ဓဟူးနေ့တွင် ပြောကြား ခဲ့သော်လည်း ယူကရိန်းနိုင်ငံ မြို့တော်ကိဗ်တွင် ဆန္ဒပြသူများနှင့် ရဲတပ်ဖွဲ့ဝင်များအကြား ထိပ်တိုက် တိုက်ခိုက်မှုများ ဆက်လက် ဖြစ်ပွားခဲ့ပြီး အနည်းဆုံး လူ ၆၀ ကျော် သေဆုံးခဲ့သည်ဟု သိရသည်။ ထို့ပြင် ရဲတပ်သား ၆၇ ဦးအား ဆန္ဒပြသူများက ဖမ်းဆီးခဲ့သည်ဟု ယူကရိန်း ပြည်ထဲရေး ၀န်ကြီးဌာနက သတင်းထုတ်ပြန်ခဲ့သည်။

ယမန်နေ့က ဖြစ်ပွားခဲ့သည့် ထိပ်တိုပ်တွေ့ဆုံမှုအတွင်း ရဲတပ်ဖွဲ့က စနိုက်ပါများဖြင့် ပစ်ခတ်ခဲ့သောကြောင့် ဆန္ဒပြသူများ သေဆုံးရခြင်းဖြစ်သည်ဟု အတိုက်အခံ ဆေးအဖွဲ့က ပြောကြားခဲ့သည်။ ထို့ကြောင့် အင်္ဂါနေ့က စတင်ခဲ့သော ထိပ်တိုက် တွေ့ဆုံမှုအတွင်း အရပ်သားသေဆုံးမှုမှာ ၇၀ ကျော်လာပြီဖြစ်သည်။

သို့သော်လည်း ပြည်ထဲရေးဝန်ကြီးဌာနကမူ ရဲတပ်ဖွဲ့ဝင် ၆၇ ဦးအား ဆန္ဒပြသူများက ဖမ်းဆီးထားပြီး၊ ၎င်းတို့ လွတ်မြောက်ရေးအတွက် လက်နက်အင်အား အသုံးပြုရန် အခွင့်ရှိနေသည်ဟု ကြေညာခဲ့သည်။

“အစွန်းရောက်တွေက ပြည်ထဲရေးဝန်ထမ်း ၆၇ ဦးကို ဖမ်းဆီးထားပါတယ်။ (အဖမ်းခံရသူတွေ လွတ်မြောက်ဖို့) ဥပဒေထိန်းသိမ်းရေး ၀န်ထမ်းတွေဟာ လက်နက် အသုံးပြုမှုအပါအ၀င် တရားဝင်နည်းလမ်း အားလုံးကို ကျင့်သုံးနိုင်ပါတယ်” ဟု ပြည်ထဲရေးမှ ယမန်နေ့က ထုတ်ပြန်သော ကြေညာချက်တွင် ဖော်ပြထားသည်။

ထိုအခြေအနေကို ထိန်းသိမ်းရန်အတွက် အကြမ်းဖက်နှိမ်နှင်းရေးကို ရပ်တန့်မည့် မူကြမ်းတစ်ခုကို ယူကရိန်းပါလီမန်မှ ယမန်နေ့ညပိုင်းတွင် အတည်ပြုခဲ့သည်။ လုံခြုံရေး တပ်ဖွဲ့ဝင်များအနေဖြင့် ၎င်းတို့၏ စခန်းကိုပြန်ရမည်ဟု ထိုမူကြမ်းတွင် ရေးသားထားသော်လည်း ဥပဒေကြောင်းအရ မည်ကဲ့သို့ ဆောင်ရွက်မည်ကို ရှင်းလင်းစွာ ဖော်ပြထားခြင်းမရှိချေ။

တိုင်းပြည်အတွင်း ဖြစ်ပွားနေသော သွေးထွက်သံယိုမှုများကို ဆန့်ကျင်သည့်အနေဖြင့် ကိဗ်မြို့၏ မြို့တော်ဝန်မှာ ယာနူကိုဗစ်ခ်ျ၏ အာဏာရပါတီ Regions Party မှ နှုတ်ထွက်ခဲ့ပြီး၊ ဥရောပနိုင်ငံများနှင့် အမေရိကန်ကလည်း ယူကရိန်းအစိုးရအပေါ် ပိတ်ဆို့မှုများပြုလုပ်ရန် စီစဉ်နေသည်။ သို့သော် ရုရှားကမူ ကိဗ်တွင်ဖြစ်ပွားနေသည့် ဆန္ဒပြမှုများအတွက် ဥရောပသမဂ္ဂအား ပြစ်တင်ပြောဆိုထားသည်။

Ref: Agencies

ဖေဖော်ဝါရိ ၂၀ ၊ ၂၀၁၄
M-Media

အတိုက်အခံများနှင့် တွေ့ဆုံဆွေးနွေးမှုများပြုလုပ်မည်ဟု ယူကရိန်း သမ္မတ ကြေညာ၊ ပိတ်ဆို့မှုများပြုလုပ်သွားမည်ဟု အီးယူ၏ ခြိမ်းခြောက်မှုနောက်ပိုင်း ထွက်ပေါ်လာခြင်းလည်းဖြစ်

– လူ ၂၀ ကျော်သေဆုံးပြီး ရာနှင့်ချီ ဒဏ်ရာရခဲ့သည့် ဆန္ဒပြမှုတစ်ခု မြို့တော်ကိဗ်တွင် ယခုသီတင်းပတ် အတွင်း ဖြစ်ပွားခဲ့ပြီးနောက် ယူကရိန်း သမ္မတက ငြိမ်းချမ်းရေးနှင့် တွေ့ဆုံဆွေးနွေးမှုများ ပြုလုပ်ရန် အတွက် အတိုက်အခံများအား ကမ်းလှမ်းခဲ့ပြီး စစ်တပ် အကြီးအကဲကိုလည်း ထုတ်ပယ်လိုက်သည်ဟု သိရသည်။

နိုင်ငံအတွင်းဖြစ်ပွားနေသည့် အကြမ်းဖက်မှု အတွက် ပိတ်ဆို့မှုများ ပြုလုပ်မည်ဟု ခြိမ်းခြောက်ထားသည့် ဥရောပ နိုင်ငံခြားရေးဝန်ကြီးများနှင့် မတွေ့ဆုံမီအလျင် သမ္မတ ဗစ်တာယာနူကိုဗစ်ခ်ျက ယမန်နေ့တွင် ကြေညာခဲ့ခြင်းဖြစ်သည်။

သမ္မတရုံး ၀ဘ်ဆိုဒ်မှ ထုတ်ပြန်သော အဆိုပါ ကြေညာချက်တွင် နိုင်ငံအတွင်းဖြစ်ပွားနေသည့် သွေးထွက်သံယိုမှုများ ရပ်တန့်ရန်၊ လူ့အဖွဲ့အစည်း ငြိမ်းချမ်းရေးအကျိုးငှာ နိုင်ငံ၏ အခြေအနေအား တည်ငြိမ်စေရန် ရည်ရွယ်၍ ညှိနှိုင်းဆွေးနွေးမှုများကို စတင်ပြုလုပ်ရန် သဘောတူညီချက် တစ်ခုကို ထည့်သွင်းဖော်ပြထားသည်။

အီးယူနှင့် ကုန်သွယ်ရေး သဘောတူညီချက်ကို အစိုးရက လက်မှတ် မထိုးသည့်အတွက် နိုင်ငံအတွင်း ဆန္ဒပြမှုများဖြစ်ပွားနေသည်မှာ ၃ လ နီးပါးကြာနေပြီဖြစ်ပြီး ယခုတစ်ပတ် အင်္ဂါနေ့ကဖြစ်ပွားခဲ့သော ဆန္ဒပြမှု အတွင်း ရဲတပ်ဖွဲ့နှင့် ဆန္ဒပြသူများအကြား ထိပ်တိုက်တွေ့ဆုံမှုများဖြစ်ပွားခဲ့ကာ အနည်းဆုံး ၂၆ ဦးသေဆုံးခဲ့ပြီး လူ ၂၀၀ ခန့်ဒဏ်ရာရခဲ့သည်။

ထိုအကြမ်းဖက်မှုများအား တုန့်ပြန်သော အနေဖြင့် ပိတ်ဆို့မှုများ ချမှတ်သင့် မသင့်ကို ဆုံးဖြတ်ရန် အတွက် ဥရောပ ၂၈ နိုင်ငံ၏ နိုင်ငံခြားရေး ၀န်ကြီးများက ဆွေးနွေးရန်ရှိနေပြီး ထိုအစည်းအဝေး မတိုင်မီ ပြင်သစ်၊ ဂျာမနီနှင့် ပိုလန်နိုင်ငံတို့မှ နိုင်ငံခြားရေးဝန်ကြီးများမှာ သမ္မတ ယာနူကိုဗစ်ခ်ျနှင့် တွေ့ဆုံမည်ဖြစ်သည်။
Ref: aljazeera