Tag: Ukraine

မတ် ၄၊ ၂၀၁၄
M-Media

– ခရိုင်းမီးယားဒေသသို့ ရုရှားတပ်များဝင်ရောက်ခဲ့ခြင်းမှာ ယူကရိန်းသမ္မတဟောင်း၏ တောင်းဆိုမှုကြောင့်ဖြစ်သည်ဟု ကုလသမဂ္ဂဆိုင်ရာ ရုရှားသံအမတ်က လုံခြုံရေးကောင်စီ အစည်းအဝေးတွင် ပြောကြားခဲ့သည်။

ယမန်နေ့က ကုလသမဂ္ဂ လုံခြုံရေးကောင်စီတွင် ပြုလုပ်ခဲ့သည့် ယူကရိန်းအရေး အရေးပေါ်အစည်းအဝေးတွင် ရုရှားသံအမတ် ဗီတလီ ချာကင်က ပြောကြားရာတွင် ယူကရိန်း၏ အထုတ်ပယ်ခံ သမ္မတဟောင်းက ယူကရိန်းနိုင်ငံ၏ အခြေအနေမှာ ပြည်တွင်းစစ်သို့ ဦးတည်နေသည့် အခြေအနေဖြစ်နေသောကြောင့် နိုင်ငံအတွင်း တရားဥပဒေစိုးမိုးရန်အတွက် ရုရှားမှ ၀င်ရောက်ဆောင်ရွက်ပေးရန် တောင်းဆိုခဲ့သည့်အတွက် ခရိုင်းမီးယားဒေသသို့ ရုရှားစစ်တပ်များ ၀င်ရောက်ခဲ့ရခြင်းဖြစ်သည်ဟု ပြောကြားခဲ့သည်။

ထို့ပြင် ပြည်သူများ၏လုံခြံရေးနှင့် အခွင့်အရေး အထူးသဖြင့် နိုင်ငံအရှေ့တောင်ပိုင်း ခရိုင်းမီးယားဒေသရှိ ပြည်သူများ၏ အခွင့်အရေးများမှာ ခြိမ်းခြောက်ခြင်းခံနေရပြီး၊ အကြမ်းဖက်တိုက်ခိုက်မှုများလည်း ဖြစ်ရန်ရှိနေသည်ဟု ယူနူကိုဗစ်ခ်ျ၏ ပြောကြားချက်ကို ကိုးကား၍ ချာကင်က ထပ်လောင်းပြောကြားခဲ့သည်။

အဆိုပါ အရေးပေါ်အစည်းအဝေးသို့ တင်ပြသော ယူကရိန်းနိုင်ငံ၏ အစီရင်ခံစာတွင် ခရိုင်းမီးယားဒေသ၌ ရုရှားတပ်သား ၁၆၀၀၀ ခန့် ၀င်ရောက် နေရာယူထားသည်ဟု ဖော်ပြထားပြီး၊ ထိုကိစ္စအတွက် နိုင်ငံတကာ၏ အကူအညီကိုလည်းတောင်းခံခဲ့သည်။

အမေရိကန်နိုင်ငံကမူ ယူကရိန်းအရေး ရုရှားမှ စစ်ရေးအရ ၀င်ရောက်ကျူးကျော်ခြင်းအတွင် အမေရိကန်-ရုရှား နှစ်နိုင်ငံ စစ်ရေးအရ ပူးပေါင်းဆောင်ရွက်မှုများကို ရပ်တန့်လိုက်ပြီဟု ကြေညာခဲ့ပြီး အမေရိကန်နိုင်ငံခြားရေးဝန်ကြီး ဂျွန်ကယ်ရီမှာလည်း ယူကရိန်းသို့ ယနေ့တွင် သွားရန်ရှိနေသည်။

ယူကရိန်းအရေးတွင် စစ်အားအားအသုံးပြုရန် ရုရှားသမ္မတပူတင်က အတည်ပြုခဲ့ပြီးနောက် ယူကရိန်းနိုင်ငံလည်း ၎င်း၏ စစ်တပ်ကို တပ်လှန့်ထားသည်။ ခရိုင်းမီးယားဒေသရှိ ယူကရိန်းစစ်စခန်းများကို ၀န်းရံထားသော ရုရှားစစ်တပ်များက ဂရင်းနစ်စံတော်ချိန် အင်္ဂါနေ့နံနက် ၃ နာရီ နောက်ဆုံးထား၍ လက်နက်ချရန် ယူကရိန်းရေတပ်အား ရာဇသံပေးထားကြောင်း ဆီဗက်စ်စတိုပိုလ်အခြေစိုက် ယူကရိန်းရေတပ် ဌာနချုပ်ကပြောကြားခဲ့သည်။
Ref: Al Jazeera and agencies

မတ် ၃၊ ၂၀၁၄
M-Media

– နိုင်ငံအတွင်းသို့ ရုရှားစစ်သားများ ၀င်ရောက်ခြင်းက ယူကရိန်းအား စစ်ကြေညာခြင်းသာ ဖြစ်သည်ဟု ယူကရိန်း ၀န်ကြီးချုပ် Arseniy Yatsenyuk  ကပြောဆို လိုက်ပြီး၊ နိုင်ငံမှာ အလွန် ဆိုးရွားသော အခြေအနေသို့ ရောက်တော့မည်ဟု ပြောကြားလိုက်သည်။

“ရင်းနှီးတဲ့ မိတ်ဘက်နိုင်ငံတွေဖြစ်ကြတဲ့ ယူကရိန်းနဲ့ ရုရှားတို့အကြား သမ္မတပူတင်က စစ်ဖြစ်စေချင်တယ်ဆိုရင်တော့၊ သူရဲ့ရည်ရွယ်ချက်ဟာ ပိုနီးလာပါပြီ။ ဆိုးရွားတဲ့ အခြေအနေကို ကျွန်တော်တို့ ရင်ဆိုင် ရတော့မှာပါ” ဟု သတင်းထောက်များအား အင်္ဂလိပ်ဘာသာဖြင့် Arseniy Yatsenyuk က ပြောကြားခဲ့သည်။ ယူကရိန်း အရေးတွင် စစ်အင်အား သုံးရန် ရုရှာပါလီမန်က အတည်ပြုပြီး တစ်ရက်အကြာ တနင်္ဂနွေနေ့ (ယမန်နေ့)တွင် ပြောကြားခဲ့ခြင်းလည်းဖြစ်သည်။

ခရိုင်းမီးယားဒေသတွင် ရုရှားစစ်တပ်များ ၀င်ရောက်လာပြီး အစိုးရ အဆောက်အဦးများနှင့် လေဆိပ်များအား ထိန်းချုပ်ထားသည်ဟု ယူကရိန်း အာဏာပိုင်များက စွပ်စွဲထားချိန်တွင် ယူကရိန်းရေတပ်မှ အရာရှိတစ်ဦးမှာ ၎င်းအနေဖြင့် ရုရှားထောက်ခံသူများ ဘက်သို့ ဘက်ပြောင်းသွားပြီဟု ယမန်နေ့က ပြောကြားခဲ့သည်။ ဆီဗက်စတိုပိုလ်မြို့ရှိ ရေတပ်အား တာဝန်ယူပြီး ၂ ရက်အကြာတွင်ပင် ဘက်ပြောင်းသွားခဲ့သည့် ဒန်းနစ် ဘီရီဇော့ဗ်စကီး အမည်ရ အဆိုပါ ရေတပ်အရာရှိအား နိုင်ငံတော် သစ္စာဖောက်မှုဖြင့် စွဲချက်တင်လိုက်ပြီဟု ယူကရိန်း အာဏာပိုင်များက ပြောကြားခဲ့သည်။

အမေရိကန် နိုင်ငံခြားရေး ၀န်ကြီး ဂျွန်ကယ်ရီကလည်း ရုရှား၏ ထိုလုပ်ရပ်အား ၁၉ ရာစုက လုပ်ရပ်ဖြစ်ပြီး ၂၁ ရာစုတွင် လုပ်၍ မရတော့ကြောင်း၊ ယူကရိန်း၏ အချုပ်အချာ အာဏာအား ဂရုမထားဘဲ ရုရှား၏ ထိုကဲ့သို့ ရန်စ ကျူးကျော်မှုမှာ နိုင်ငံတကာ ဥပဒေများကို ချိုးဖောက်ခြင်းဖြစ်ကြောင်း CBS သတင်းဌာနသို့ ယမန်နေ့က ပြောကြားခဲ့သည်။

နေတိုးအဖွဲ့၏ အထွေအထွေ အတွင်းမှူးကလည်း ရုရှား၏ လုပ်ရပ်များမှာ ဥရောပ၏ ငြိမ်းချမ်းရေးနှင့် လုံခြုံရေးအား ခြိမ်းခြောက်ခြင်းဖြစ်ကြောင်း သတိပေးပြောကြားခဲ့သည်။

Ref:  Al Jazeera and agencies

ဖေဖော်ဝါရီ ၂၈ ၊ ၂၀၁၄
M-Media

– ရုရှားထောက်ခံသည့် ယူကရိန်း သမ္မတ ယာနူကိုဗစ်ခ်ျ ဖြုတ်ချခံရပြီးနောက် ရုရှားထောက်ခံသူနှင့် ဆန့်ကျင်သူများအကြား တင်းမာမှုများဖြစ်ပွားနေသော ယူကရိန်း နိုင်ငံအရှေ့ပိုင်း  ခရိုင်းမီးယားဒေသ ဆင်ဖီရိုပိုလ်မြို့ရှိ အဓိကလေဆိပ်အား လက်နက်ကိုင်များက စီးနင်း သိမ်းပိုက်လိုက်သည် သိရသည်။

အစိမ်းရောက်ဝတ်စုံများဖြင့် ရုပ်ဖျက် ၀တ်စားထားပြီး အင်အား ၄၀ ခန့်ရှိသည့် ရုရှားထောက်ခံသူ အဆိုပါ လက်နက်ကိုင်များမှာ ယမန်နေ့က  အစိုးရအဆောက်အအုံများကို သိမ်းပိုက်ခဲ့ပြီး ယနေ့တွင် လက်နက်ကိုင် ၁၂ ယောက်ခန့်က လေဆိပ်အား စောင့်ကြပ်နေခြင်းဖြစ်သည်။ သို့သော်လည်း လေဆိပ်မှာ ပုံမှန်လည်ပတ်လျက်ရှိနေသည်။

ခရိုင်းမီးယားပါလီမန်၏ ရှေ့တွင်လည်း ရုရှား၏ သုံးရောင်ချယ်အလံများ ဝှေ့ယမ်းလျက်ရှိပြီး ရုရှားထောက်ခံသူ လူအုပ်စုကြီးမှာ ကိုယ်ပိုင်ကားများ၊ ဘတ်စ်ကားများဖြင့် မြို့တော်တစ်ဝှမ်း လှည့်လည်သွားလာလျက်ရှိနေသည်။

ကိုယ်ပိုင်အုပ်ချုပ်ခွင့်ရ အဆိုပါခရိုင်းမီးယားဒေသ၏ ၀န်ကြီးချုပ် Anatoliy Mohilyov က မူ လက်နက်များကိုင်ဆောင်ထားသည့် လူ ၅၀ ခန့်မှာ အစိုးရအဆောက်အအုံများကို သိမ်းပိုက်ထားပြီး အစိုးရ၀န်ထမ်းများအား ၀င်ရောက်ခွင့်မပေးဟု AFP သတင်းဌာနသို့ ပြောကြားခဲ့သည်။

သို့သော်လည်း ယခင်ဝန်ကြီးချုပ်ဟောင်း Sergiy Kunitsyn က အဆိုပါ လက်နက်ကိုများမှာ ကောင်းစွာလေ့ကျင့်ထားကြပြီး စနိုက်ပါ သေနတ်များ ကိုင်ဆောင်ထားပြီး အင်အား ၁၂၀ ခန့်ရှိကြောင်း၊ တစ်လခန့် အသုံးပြုနိုင်သည့် လက်နက်ခဲယမ်းများကို သယ်ဆောင်ကာ သွားလာကြကြောင်း ကိဗ်မြို့ရှိ ဥပဒေပြုအမတ်များအား ပြောကြားခဲ့သည်။

ရာထူးမှ ဖြုတ်ချခံခဲ့ရပြီးနောက်ပိုင်း ပျောက်ကွယ်နေသည့် ယူကရိန်းသမ္မတဟောင်း ယာနူကိုဗစ်ခ်ျမှာ မော်စကိုအနီးရှိ ကျန်းမာရေး အပန်းဖြေစခန်းတွင်ပုံးအောင်နေသည်ဟု ရုရှား ရုပ်သံမှ ဗုဒ္ဓဟူးနေ့တွင် ဖော်ပြခဲ့သည်။ ယာနူကိုဗစ်ခ်ျမှာ ယမန်နေ့က ထွက်ပေါ်လာခဲ့ပြီး ယနေ့တွင် ရုရှား၌ သတင်းစာရှင်းလင်းပွဲ လုပ်ရန်ရှိနေသည်။

ခရိုင်းမီးယားတွင် ဖြစ်ပွားနေသည့် မငြိမ်သက်မှုများကြောင့် ရုရှားက ယူကရိန်းနယ်စပ်ရှိ ၎င်း၏ စစ်တပ်အား တပ်လှန့်ထားပြီး၊ ယူကရိန်း၏ ကြားဖြတ် သမ္မတ တာချီနော့ဗ်ကမူ ခရိုင်းမီးယားအခြေစိုက် ပင်လယ်နက်ရှိ ရုရှားစစ်တပ်များ၏ လှုပ်ရှားမှုကို စစ်ရေးအရ ကျူးကျော်မှုဟု ယူဆကြောင်း ပြောကြားခဲ့သည်။
AFP/nd