Tag: Ukraine

ယူကရိန်း ရွေးကောက်ပွဲအား နှောက်ယှက်ရန် ရုရှား ကြိုးစားနေဟု ဗြိတိန် နိုင်ငံခြားရေးဝန်ကြီးဆို

မေ ၇ ၊ ၂၀၁၄
M-Media

– သမ္မတ ရွေးကောက်ပွဲကျင်းပရန် ယူကရိန်း၏ အစီစဉ်အား ရုရှားမှ နှောက်ယှက်ရန် ကြိုစားနေသည်ဟု ဗြိတိန် နိုင်ငံခြားရေးဝန်ကြီး ၀ီလီယံ ဟေ့ဂ်က ယနေ့ပြုလုပ်သည့် ဥရောပကောင်စီ အစည်းဝေးတွင် ပြောကြားလိုက်သည်။

ယူကရိန်းသမ္မတ ရွေးကောက်ပွဲအား မေလ ၂၅ ရက်နေ့တွင် ပြုလုပ်ရန် ရက်သတ်မှတ်ထားသော်လည်း ရုရှားကမူ ထိုရွေးကောက်ပွဲမှာ ကျိုးကြောင်း ဆီလျော်ခြင်းမရှိဟု စွပ်စွဲခဲ့သည်။ ယူရိန်းအရှေ့ပိုင်းရှိ ခွဲထွက်ရေးသမားများကလည်း ယခုလာမည့် တနင်္ဂနွေနေ့တွင် အရှေပိုင်းဒေသအချို့အား လွတ်လပ်သော နိုင်ငံအဖြစ်ထူထောင်ရန် ပြည်သူ့ဆန္ဒ ခံယူမည်ဖြစ်သည်။

ထို့ကြောင့် ဗီယင်နာတွင်ပြုလုပ်သည့် ဥရောပကောင်စီအစည်းအဝေးတွင် ဟေ့ဂ်က

“(ယူကရိန်းရဲ့) ဒီရွေးကောက်ပွဲတွေကို တားမြစ်တာတွေ၊ နှောက်ယှက်တာတွေလုပ်ဖို့ ရုရှားက ရည်ရွယ်နေပါတယ်။ ဒါဟာ မှားပါတယ်။ ယူကရိန်းရွေးကောက်ပွဲ ရှေ့ဆက် လုပ်ဆောင်ဖို့ ခွင့်ပြုရမယ်ဆိုတဲ့ ထောက်ခံစကားဟာ ဒီကိုရောက်လာတဲ့ နိုင်ငံတွေမှာ ရှိမယ်လို့ ကျွန်တော်ထင်ပါတယ်” ဟု သတင်းထောက်များအား ပြောကြားခဲ့သည်။

ဟေ့ဂ်၏ ပြောကြားချက်အား အစည်းအဝေးသို့ တက်ရောက်လာသည့် ရုရှားနိုင်ငံခြားရေး ၀န်ကြီး လာဗရော့ဗ်က မည်သည့် မှတ်ချက်မှ မပေးခဲ့ဘဲ၊ ယူကရိန်းနိုင်ငံခြားရေး ၀န်ကြီးကမူ ကျင်းပရန်ရှိနေသည့် ရွေးကောက်ပွဲ အတွက် ဥရောပကောင်စီမှ ထောက်ခံမှု လိုချင်ကြောင်း ပြောကြားခဲ့သည်။

ခွဲထွက်ရေးသမားများကြီးစိုးရာ ယူကရိန်းအရှေ့ပိုင်း Slovyansk မြို့တွင် တိုက်ခိုက်မှုများ ဆက်လက်ဖြစ်ပွားနေပြီး သေဆုံးမှုများလည်း ရှိနေသည်။

AFP/nd

May 6, 2014
ဖမ်းဆီးထားသည့် လက်နက်စစ်ဆေးရေးမှူများအား ယူကရိန်း ခွဲထွက်ရေးသမားများ လွှတ်ပေး၊ တိုက်ပွဲများ ဆက်ဖြစ်

မေ ၃၊ ၂၀၁၄
M-Media

– ယူကရိန်းအရှေ့ပိုင်းတွင် ပြီးခဲ့သည့် သီတင်းပတ်က ဖမ်းဆီးခဲ့သည့် ဥရောပ စစ်လက်နက်ဆိုင်ရာ စစ်ဆေးရေးမှူးများကို ခွဲထွက်ရေးသမားများက ယနေ့တွင် ပြန်လွှတ်ပေးခဲ့သည်။

ဥရောပဆိုင်ရာ လုံခြုံရေးနှင့် ပူးပေါင်းဆောင်ရွက်ရေးအဖွဲ့ OSCE မှ စစ်ဆေးရေးမှူး ၇ ဦးနှင့် ယူကရိန်းနိုင်ငံသား လက်ထောက် ၅ ဦး စုစုပေါင်း ၁၂ ဦးတို့ကို Slovyansk မြို့တွင် ချွင်းချက်မရှိ လွှတ်ပေးခဲ့ကြောင်း ထိုမြို့၏ အုပ်ချုပ်ရေးမှူးဟု ကြေညာထားသည့် ခွဲထွက်ရေးသမား ပိုနိုမာယွဗ်က ပြောကြားခဲ့သည်။ အဆိုပါအဖွဲ့ခေါင်းဆောင်ကလည်း ၎င်းတို့ လွတ်မြောက်လာကြောင်း အတည်ပြုခဲ့သည်။

ထိုကဲ့သို့ လွှတ်ပေးခဲ့ခြင်းမှာ ရဲရင့်၍ လူသားဆန်သော လုပ်ရပ်ဖြစ်သည်ဟု ရုရှားက ချီးကျူးခဲ့သည်။

ခွဲထွက်ရေးသမားများ ကြီးစိုးရာ အဆိုပါ Slovyansk မြို့တွင် တိုက်ပွဲများ ပြင်းပြင်းထန်ထန် ဆက်လက်ဖြစ်ပွားနေသည်ဟု ယူကရိန်း အကြမ်းဖက်ဆန့်ကျင်ရေး အကြီးအကဲက ယနေ့တွင် ပြောကြားခဲ့သည်။

အခြားမြို့တစ်မြို့ဖြစ်သည့် Odessa တွင် ယူကရိန်းထောက်ခံသူများနှင့် ရုရှားထောက်ခံသူများအကြား ယမန်နေ့က တိုက်ခိုက်မှုများ ဖြစ်ပွားခဲ့ပြီး လူ ၄၀ ကျော် သေဆုံးခဲ့ရကာ၊ အဆောက်အဦးများလည်း မီးတင်ရှို့ခြင်း ခံခဲ့ရသည်။
Live.aljazeera

May 3, 2014
ဘဏ္ဍာရေး အခက်အခဲ ပြေလည်စေရန် ယူကရိန်းကို IMF မှ ဒေါ်လာ ၁၇ ဘီလီယံ ချေးမည်

မေ ၂ ၊ ၂၀၁၄
M-Media

– တိုင်းပြည်အတွင်း မငြိမ်သက်မှုများဖြစ်နေပြီး ဘဏ္ဍာရေးဆိုင်ရာ အခက်အခဲများနှင့် ရင်ဆိုင်နေရသည့် ယူကရိန်းနိုင်ငံကို ကန်ဒေါ်လာ ၁၇ ဘီလီယံ ချေးရန် နိုင်ငံတကာ ငွေကြေးရန်ပုံငွေအဖွဲ့ IMF မှ အတည်ပြုခဲ့သည်ဟု သိရသည်။

ရုရှားနှင့် အမေရိကန်တို့အပါအ၀င် အဖွဲ့ဝင် ၂၄ နိုင်ငံပါဝင်သည့် IMF ဘုတ်အဖွဲ့က ယမန်နေ့တွင် အတညပြုခဲ့ခြင်းဖြစ်ပြီး အဆိုပါ ဆိုငွေကြေးပမာဏာအား ၂ နှစ်အတွင်း အပြီးသတ် ထုတ်ချေးသွားမည်ဖြစ်ကာ လောလောဆယ်တွင် ၃.၂ ဘီလီယံကို ပေးသွားမည်ဖြစ်သည်။

ငွေထုတ်ချေးသည့်အတွက် အပြန်အလှန်အားဖြင့် လောင်စာအတွက် အမတော်ကြေးကို ဖြတ်တောက်ရန်၊ နိုင်ငံ၏ လိုငွေ လျော့ချရန်၊ စားရိတ်ကြီးမြင့်မှု ထိန်းချုပ်ရန်၊ ချစားမှုတိုက်ဖျက်ရန်နှင့် ဘဏ်စနစ်အား ပြုပြင်ပြောင်းလဲရန် IMF က ယူကရိန်းကို တောင်းဆိုထားသည်။

ယူကရိန်းအနေဖြင့် ၂ နှစ်ကြာမြင့်မည့် အဆိုပါချေးငွေ ရရှိသော်လည်း ယခုနှစ် စီးပွားရေးမှာ ၅ ရာခိုင်နှုန်းခန့် ကျဆင်းမည်ဟု IMF က သတိပေးခဲ့သည်။

မိမိတို့အပေါ် တင်ရှိနေသည့် ဓာတ်ငွေ့ဖိုးအကြွေးအား မပေးနိုင်ပါက ဓာတ်ငွေ့ပို့လွှတ်မှု ဖြတ်ပစ်မည်ဟု ရုရှားက ခြိမ်းခြောက်ထားသောကြောင့် ယူကရိန်းမှာ လတ်တလောရရှိမည့် ချေးငွေထဲမှာ ၂.၂ ဘီလီယံအား ရုရှားကို အကြွေးဆပ်ရန် ရှိနေသည်။ ယူကရိန်းမှာ IMF အပေါ် ယခင်ကလည်း ပေးဆပ်ရန် အကြွေးများရှိနေပြီး ယခု ချေးငွေသစ်က ယခင်အကြွေးအား ပေးဆပ်ရာတွင် အသုံးပြုနိုင်မည် မဟုတ်ချေ။

Agencies

May 2, 2014
ယူကရိန်း ဒုတိယမြို့တော် အုပ်ချုပ်ရေးမှူး တစ်ဦး သေနတ်ဖြင့် ပစ်ခံရ

ဧပြီ ၂၈ ၊ ၂၀၁၄
M-Media

– မတည်မငြိမ်ဖြစ်နေသည့် ယူကရိန်းနိုင်ငံ၏ ဒုတိယ အကြီးဆုံးမြို့မှ အုပ်ချုပ်ရေးမှူးအား သေနတ်သမားများက ပစ်ခတ်သွားခဲ့သည်ဟု သိရသည်။

Kharkiv မြို့၏ အုပ်ချုပ်ရေးမှူး ဟန်နာဒီ ကာနက်စ်၏မှာ ယနေ့နံနက်ပိုင်းတွင် သေနတ်ဖြင့် ပစ်ခတ်ခံခဲ့ရခြင်းဖြစ်ပြီး နောက်ကျောအား ထိမှန်ခဲ့သည်။ ယခုလက်ရှိတွင် ကာနက်စ်မှာ ဆေးရုံ၌ ခွဲစိတ် ကုသမှုခံနေရပြီး အသက်အန္တရာယ် စိုးရိမ်ရသည့် အနေအထားတွင်ရှိနေသည်ဟု မြို့တော်အုပ်ချုပ်ရေး တာဝန်ရှိသူများက ပြောကြား ခဲ့သည်။

ထိုဖြစ်ရပ်နှင့် ပတ်သက်၍ ယူကရိန်း အာဏာပိုင်များက မည်သည့်မှတ်ချက်မှ မပေးသေးဘဲ ပစ်ခတ်မှု၏နောက်ကွယ်တွင် မည်သူ ရှိနေသည်ဆိုသည်ကိုလည်း ရှင်းရှင်းလင်းလင်း မသိရသေးပေ။

ကာနက်စ်မှာ ယူကရိန်းတွင်ဖြစ်ပွားခဲ့သည့် နောက်အုပ်စု လိုလားသော ဆန္ဒပြပွဲများကို ဆန့်ကျင်သူ တစ်ဦးဖြစ်ပြီး၊ ထိုဆန္ဒပြသူများအား အရှက်ရစေရန်အတွက် ယူကရိန်းအရှေ့ပိုင်းမှ လူများလွှတ်ကာ ဆောက်ရွက်ခဲ့သူအဖြစ် လူသိများသည်။

သို့သော်လည်း ယူကရိန်းအစိုးရသစ် တက်လာပြီးနောက် ကာနက်စ်မှာ သဘောထားပျော့ပြောင်းခဲ့ပြီး ခွဲထွက်ရေးသမားများအား ထောက်ခံအားပေးမည် မဟုတ်ဘဲ၊ ရုရှား၏ မည်သည့် ကျူးကျော်မှုမျိုးကိုမဆို လက်ခံမည်မဟုတ်ဟု အခိုင်အမာပြောဆိုထားသူဖြစ်သည်။

ယူကရိန်းအရှေ့ပိုင်းတွင် ခွဲထွက်ရေးသမားများမှာ အစိုးရအဆောက်အဦးများကို သိမ်းပိုက်ထားပြီး လွတ်လပ်သော သမ္မတနိုင်ငံအဖြစ် ကြေညာကာ လာမည့် မေလတွင် ပြည်သူ့ဆန္ဒခံယူပွဲပြုလုပ်ရန် စီစဉ်ထားသည်။

Agencies

April 28, 2014
ယူကရိန်းက ဓာတ်ငွေ့ဖိုး အကြွေးမပေးပါက ဥရောပ ဓာတ်ငွေ့ပိုက်လိုင်းအား ပိတ်ပစ်မည်ဟု ရုရှားသတိပေး

ဧပြီ ၂၇ ၊ ၂၀၁၄
M-Media

– ယူကရိန်းက ပေးချေရန်ရှိနေသည့် ဓာတ်ငွေ့ဖိုးအကြွေးအား မပေးနိုင်ပါက ဥရောပသို့ပို့လွှတ်နေသည့် ဓာတ်ငွေ့ပိုက်လိုင်းအား ပိတ်ပစ်မည်ဟု ရုရှား စွမ်းအင်ဝန်ကြီးက ပြောကြားလိုက်သည်။

ယမန်နေ့တွင် စွမ်းအင်ဝန်ကြီး အလက်ဇန်းဒါး နိုဗက်က ပြောကြားခဲ့ခြင်းဖြစ်ပြီး၊ လက်ရှိအချိန်တွင် ယူကိရိန်းမှ ရုရှားအပေါ်ပေးရမည့် ဓာတ်ငွေ့ဖိုးမှာ ၂.၂၃၀ ထရီလီယံရှိသည်ဟုဆိုသည်။ ထိုအကြွေးပမာဏမှာ ဧပြီလအတွက် ကုန်ကျမည့် ၁.၃ ဘီလံအား ထည့်တွက်ထားခြင်းမရှိဘဲ၊ အကြွေးမှာ ထပ်မံမြင့်တက်ရန်ရှိနေသည်။

ထိုအကြွေးမဆပ်နိုင်ခြင်းက ယူကရိန်းတွင်ရှိနေသည့် မြေအောက်ဓာတ်ငွေ့သိုလှောင်ရုံသို့ ဓာတ်ငွေ့များ လုံလောက်အောင် ထည့်မပေးသည့်အခြေအနေအထိ ဦးတည်သွားနိုင်ပြီး ဥရောပအရှေ့တောင်ပိုင်း ဒေသများ ဓာတ်ငွေ့ပြတ်လတ်မှုနှင့် ကြုံ့တွေ့ရနိုင်သည်ဟု နိုဗက်က ထည့်သွင်း ပြောကြားခဲ့သည်။

ယူကရိန်းနိုင်ငံအတွင်းလိုအပ်နေသည့် ဓာတ်ငွေ့ပမာဏ ထက်ဝက်ခန့်နှင့် ဥရောပတိုက်၏ ဓာတ်ငွေ့လိုအပ်ချက် ၃၀ ရာခိုင်နှုန်းကို ယူကရိန်းပိုင်နက်အတွင်းရှိ ဓာတ်ငွေ့ပိုက်လိုင်းမှ တစ်ဆင့် ရုရှားက ဖြည့်ဆည်းပေးနေရသည်။

ရုရှား ဂက်စ်ကုမ္ပဏီ Gazprom မှာ ဥရောပအဖွဲ့ဝင်နိုင်ငံများဖြစ်သည့် ဘူလ်ဂေးရီးယား၊ ခရိုအေးရှား၊ ဂရိ၊ ဟန်ဂေရီနှင့် ဆာဘီးယားနိုင်ငံတို့အား ပင်လယ်နက်မှဖြတ်၍ ဓာတ်ငွေ့ပို့လွှတ်ရန်အတွက် ကန်ဒေါ်လာ ၄၅ ဘီလီယံတန် ပိုက်လိုင်းတစ်ခုကို ဆောင်လုပ်ရန် စီစဉ်နေသည်။

အဆိုပါ တောက်ဘက်ပိုက်လိုင်းမှာ ၂၀၁၅ ခုနှစ်တွင် ဖွင့်လှစ်မည်ဖြစ်ပြီး ဂက်စ်ပမာဏ ၆၄ ဘီလီယံ ကျုဗစ်မီတာ ပို့လွှတ်နိုင်မည်ဖြစ်ဖြစ်သည်။ ထိုပမာဏမှာ ဥရာပ၏ ဓာတ်ငွေ့လိုအပ်ချက် ၁၅ ရာခိုင်နှုန်းဖြစ်သည်။

Press TV

April 27, 2014