Tag: Ukraine

မတ် ၁၂၊ ၂၀၁၄
M-Media

– ခရိုင်းမီယား ပါလီမန်မှ ရုရှားထောက်ခံသူများက ဆုံးဖြတ်သော ခရိုင်းမီယားဒေသ လွတ်လပ်ရေး ကြေညာချက်မှာ တရား ဥပဒေနှင့် ညီညွတ်သည်ဟု ရုရှားနိုင်ငံခြားရေး ၀န်ကြီးဌာနက ပြောကြားလိုက်သည်။

ယူကရိန်း၏ ရုရှားထောက်ခံသော သမ္မတ ယာနူကိုဗစ်ခ်ျ ပြုတ်ကျသွားပြီးနောက် ခရိုင်းမီးယားဒေသတွင် နိုင်ငံရေး မတည်ငြိမ်မှုများဖြစ်ပေါ်လာခဲ့သည်။ ထို့နောက် ဒေသအား ရုရှား ပိုင်နက်အတွင်းသို့ သွတ်သွင်းရန်အတွက် ခရိုင်းမီးယားပါလီမန်က ဆုံးဖြတ်ခဲ့ကာ ပြည်သူဆန္ဒခံယူပွဲကို လာမည့် တနင်္ဂနွေနေ့တွင် ပြုလုပ်ရန် စီစဉ်ထားသည်။

ယမန်နေ့နံနက်ပိုင်းတွင် “ကိုယ်ပိုင်အုပ်ချုပ်ခွင့်ရ ခရိုင်းမီးယားဒေသနှင့် စီဗက်စ်စတိုပိုလ် မြို့တော်၏ လွတ်လပ်ရေးကြေညာချက်” ကို ခရိုင်းမီယားပါလီမန်ရှိ ဥပဒေပြုအမတ် ၈၁ ဦးအနက် ၇၈ ဦးက ထောက်ခံခဲ့သည်။ ထိုအကြောင်းအရာနှင့်ပတ်သက်၍ ရုရှားနိုင်ငံခြားရေး ၀န်ကြီးဌာနက ယမန်နေ့တွင် ကြေညာချက်တစ်စောင် ထုတ်ပြန်ခဲ့ပြီး ထိုကြေညာချက်တွင်

“ခရိုင်းမီယားပါလီမန်က ဆုံးဖြတ်ချက်ဟာ ဥပဒေနဲ့ လုံးဝညီညွတ်တယ်လို့ ရုရှားနိုင်ငံခြားရေး ၀န်ကြီးဌာနက မှတ်ယူပါတယ်” ဟု ဖော်ပြထားသည်။

အဆိုပါ လွတ်လပ်ရေးကြေညာချက်အား တရားမ၀င်ဟု ယူကရိန်းအစိုးရသစ်က ပြောကြားခဲ့ပြီး ရုရှားနိုင်ငံသို့ ၀င်ရောက်ရန်အတွက် တမင်ဖန်တီးခြင်းသာဖြစ်သည်ဟုဆိုသည်။ အနောက်နိုင်ငံများလည်း ၁၆ ရက်နေ့တွင်ပြုလုပ်မည့် ပြည်သူ့ဆန္ဒခံယူပွဲအား တရားဝင်အဖြစ် သတ်မှတ်မည်မဟုတ်ဟု ပြောကြားခဲ့သည်။ ထုပ်ပယ်ခံခဲ့ရသည့် ရုရှားထောက်ခံသူသမ္မတဟောင်း ယာနူကိုဗစ်ကမူ ယူကရိန်းအစိုးရသစ်မှာ ပြည်တွင်းစစ်ဖြစ်အောင် ဖန်တီးနေသည်ဟု စွပ်စွဲခဲ့သည်။

ခရိုင်းမီယားဒေသအနေဖြင့် ရုရှားနိုင်ငံအတွင်းသို့ဝင်ရောက်ရန်အတွက် ထိုကဲ့သို့ မဲခွဲခြင်းမှာ ဆိုဗီယက်ယူနီယံ ပြိုကွဲပြီးနောက်ပိုင်း ပထမဆုံးပြုလုပ်ခြင်းလည်းဖြစ်သည်။

မတ် ၁၁ ၊ ၂၀၁၄
M-Media

– ရုရှားတပ်များက ခရိုင်းမီးယားဒေသအား သိမ်းပိုက်ထားသောကြောင့် အိမ်နီးချင်းနိုင်ငံဖြစ်သည့် ယူကရိန်းနိုင်ငံ၏ အခြေအနေများကို စောင့်ကြည့်ရန် အတွက် ပိုလန်နှင့် ရိုမေးနီယားနိုင်ငံများရှိ ဝေဟင်ပြင်တွင် နေတိုးမှ ကင်းထောက်လေယာဉ်များကို ပျံသန်းတော့မည်ဟု ပြောကြားခဲ့သည်။

လေကြောင်းသတိပေးမှုနှင့် ထိန်းချုပ်ရေးစနစ် AWACS မှ ပြုလုပ်မည့် အဆိုပါ ကင်းထောက်လေယာဉ် ပျံသန်းမှုများမှာ နေတိုးပိုင်နက်အတွင်းတွင် သာ ပြုလုပ်မည်ဖြစ်သည်ဟု ယမန်နေ့က နေတိုးမှ ပြောခဲ့ခြင်းဖြစ်သည်။ ယူကရိန်းနိုင်ငံမှာ နေတိုးအဖွဲ့ဝင်နိုင်ငံမဟုတ်သော်လည်း ခရိုင်းမီးယားဒေသအတွင်း ရုရှားမှ ကျူးကျော်ခြင်းက ယခုလက်ရှိ နေတိုးအဖွဲ့ဝင်ဖြစ်နေသည့် ယခင်ဆိုဗီယက်ပြည်ထောင်စုအတွင်းရှိ နိုင်ငံများအတွက် သတိပေးသကဲ့သို့ ဖြစ်နေသောကြောင့် ထိုကဲ့သို့ စောင့်ကြည့်ထောက်လှမ်းခြင်းဖြစ်သည်။

ထိုကြေညာချက်မှာ အမေရိကန်ပြည်ထောင်စုက ပိုလန်နိုင်ငံသို့ စစ်ရေးလေ့ကျင့်မှုအစီအစဉ်အတွက် F-16 တိုက်လေယာဉ် တစ်ဒါဇင်နှင့် စစ်သည် ၃၀၀တို့အား စေလွှတ်ပြီးနောက်ပိုင်း ထွက်ပေါ်လာခြင်းဖြစ်သည်။ ယူကရိန်းနိုင်ငံတွင်ဖြစ်ပွားနေသည့် ပဋိပက္ခနှင့် ပတ်သက်၍ ရုရှားနှင့် အမေရိကန်တို့၏ ရှုမြင်ပုံများမှာ ကွဲပြားနေသည်။

တနင်္ဂနွေနေ့က ယူကရိန်းထောက်ခံသူများနှင့် ရုရှားထောက်ခံသူများအကြား တိုက်ခိုက်မှုများဖြစ်ပွားခဲ့ကာ ရုရှားနိုင်ငံကမူ ထိုအဖြစ်အပျက်အတွက် ယူကရိန်းအစိုးရအား ပြစ်တင်ပြောဆိုခဲ့ပြီး ယူကရိန်းရှိ လက်ယာစွန်းရောက်များက ရုရှားမှာ ယူကရိန်းကို ကျူးကျော်မည်ဆိုသည့် ကြောက်ရွံ့မှုများကို ဖန်တီးနေသည်ဟု စွပ်စွဲပြောဆိုခဲ့သည်။ ယူကရိန်းအရေးအတွက် မော်စကိုတွင်ပြုလုပ်မည့်ဆွေးနွေးပွဲသို့ လာရောက်ရန် ရုရှားနိုင်ငံခြားရေးဝန်ကြီး လာဗရော့ဗ်က အမေရိကန်နိုင်ငံခြားရေးဝန်ကြီး ဂျွန်ကယ်ရီကို ဖိတ်ခေါ်ခဲ့သော်လည်း ဂျွန်ကယ်ရီက ယမန်နေ့တွင် ငြင်းဆိုခဲ့သည်။
Ref: Agencies

မတ် ၁၀၊ ၂၀၁၄
M-Media

– ခရိုင်းမီယားဒေသ ယူကရိန်းမှ ခွဲမထွက်ရေးအတွက် ယမန်နေ့က ပြုလုပ်ခဲ့သည့် နိုင်ငံတစ်ဝှမ်း ဆန္ဒပြမှုများအတွင်း ယူကရိန်းထောက်ခံသူများကို ရုရှားထောက်ခံသူများက တိုက်ခိုက်ခဲ့သည်ဟု သိရသည်။

ခရိုင်းမီးယားရှိ ဆီဗက်စ်စတိုပိုလ်မြို့တွင် ယူကရိန်းသူရဲကောင်း ကဗျာဆရာ တာရက်စ် ရှက်ဗ်ချန်ကို၏ နှစ် ၂၀၀ ပြည့်အထိမ်းအမှတ်အဖြစ် ပြုလုပ်သော အခမ်းအနားတွင် ယူကရိန်းထောက်ခံသူ လူနည်းစုအား ရုရှားထောက်ခံသူများက တိုက်ခိုက်ခဲ့ကြပြီး ရဲတပ်ဖွဲ့က ၀င်ရောက်ဖြန်ဖြေခဲ့ ရသည်အထိ ဖြစ်ခဲ့သည်ဟု Reuters သတင်းဌာနမှ ဖော်ပြခဲ့သည်။

ထိုအခမ်းအနားကို မှတ်တမ်းတင်ထားသည့် ဗီဒီယိုတွင် အုပ်စုတစ်စုမှာ မြေပြင်ပေါ်တွင် လဲကျနေသည့် ယူကရိန်းတစ်ဦးအား ပြင်းပြင်းထန်ထန် ကန်ကျောက်နေပြီး လူတစ်ဦးကလည်း အနက်ရောင် လယ်သာကြာပွတ်ဖြင့် ရိုက်နေကြာင်းတွေ့ခဲ့ရသည်။

ဆင်မ်ဖီရိုပိုလ်မြို့တွင်လည်း ရုရှားထောက်ခံသူများနှင့် ယူကရိန်းထောက်ခံသူများ ဆန္ဒပြမှုများဖြစ်ပွားခဲ့ပြီး၊ ရုရှားကို ဆန့်ကျင်သည့် ရာပေါင်းများစွာသော ပြည်သူများက ယူကရိန်းအလံမှ အရောင်များဖြစ်သည့် အပြာနှင့် အ၀ါရောင်ဘောလုံးများကို လွှတ်တင်ခဲ့ကြသည်။ ထို့ပြင် ယူကရိန်းနိုင်ငံတော်သီချင်းကိုလည်း နှစ်ကြိမ်တိုင်တိုင်ဆိုခဲ့ပြီး ခရစ်ယာန်အော်သိုဒေါ့စ် ဘုန်းတော်ကြီးတစ်ဦး ဦးဆောင်၍ ၀တ်ပြုမှု ဆုတောင်းမှုများ ပြုလုပ်ကာ၊ ဓမ္မတေးများကိုလည်း သီဆိုခဲ့ကြသည်။ ရုရှားထောက်ခံသည့် လူ ၂၀၀၀ ခန့်မှာလည်း ဆိုဗီယက်ခေါင်းဆောင် လီနင်အား ဂုဏ်ပြုထားသည့် လီနင် ရင်ပြင်တွင် စုရုံးခဲ့ကြပြီး၊ ဆိုဗီယက်ခေတ် သီချင်းများကို သီဆိုခဲ့ကြသည်။

ရုရှားသမ္မတ ပူတင်ကမူ ထိုကဲ့သို့ ယူကရိန်းထောက်ခံကြောင်း ဆန္ဒပြမှုများမှာ ရန်လိုသောလုပ်ရပ်များဖြစ်သည်ဟုဆိုပြီး ဂျာမနီဝန်ကြီးချုပ် အိန်ဂျလာမာကဲလ်နှင့် တယ်လီဖုန်းပြောဆိုမှုတွင် ယူကရိန်းခေါင်းဆောင်သစ်များက နိုင်ငံအတွင်းရှိ အမျိုးသားရေး အစွန်းရောက်ဝါဒီများအား ထိန်းသိမ်းနိုင်ခြင်းမရှိဟုထည့်သွင်းပြောကြားခဲ့သည်။

မာကဲလ်ကလည်း ခရိုင်းမီးယားဒေသ ရုရှားသို့ဝင်ရောက်ရေးအတွက်  မတ်လ ၁၆ ရက်နေ့တွင် စီစဉ်ထားသည့် ပြည်သူ့ဆန္ဒခံယူပွဲမှာ တရားမ၀င်ဟု ပူတင်အားသတိပေးခဲ့သည်။ ခရိုင်းမီးယားဒေသအတွင်း နိုင်ငံရေးတင်းမာမှုများမှာ ရုရှားလိုလားသော သမ္မတဟောင်း ယာနူကိုဗစ်ခ်ျကို ထုတ်ပယ်ခဲ့ပြီးနောက်ပိုင်းတွင် စတင်လာခဲ့ခြင်းဖြစ်ပြီး ဒေသတစ်ခုလုံးကိုလည်း မည်သူမည်ဝါမှန်း မသိသေးသည့် လက်နက်ကိုင်များက သိမ်းပိုက်ခဲ့ကြသည်။ ယူကရိန်းဝန်ကြီးချုပ် ယက်ဆန်ယွတ်ကမူ ယူကရိန်းနိုင်ငံအား ရုရှားမှ သိမ်းပိုက်ခြင်းကို ကာကွယ်ရန် သန္ဓိဌာန်ချထားသည်ဟု ယမန်နေ့တွင် ပြောကြားခဲ့သည်။

ယူကရိန်းအရေးနှင့် ပတ်သက်၍ ရုရှားနှင့် အနောက်နိုင်ငံများ၏ ဆက်ဆံရေးမှာ ကတောက်ကဆဖြစ်ခဲ့ပြီး၊ အမေရိကန်ကလည်း ရုရှားနှင့်ပြုလုပ်နေသည့် စစ်ရေးပူးပေါင်းဆောင်ရွက်မှုများကို ရပ်တန့်ခဲ့သည်။

Ref: Agencies