Tag: UN

ကုလအတွင်းရေးမှူးချုပ်သစ်အဖြစ် ပေါ်တူဂီဝန်ကြီးချုပ်ဟောင်းကို ရွေးချယ်

အောကတိုဘာ ၆၊ ၂၀၁၆
M-Media

– ကုလသမဂ္ဂ အထွေထွေအတွင်းရေးမှူးချုပ် ဘန်ကီမွန်၏နေရာကို ဆက်ခံရန်အတွက် ပေါ်တူဂီဝန်ကြီးချုပ် အန်တိုနီယို ဂူတာရက်စ်အား ကုလသမဂ္ဂက ရွေးချယ်လိုက်သည်ဟု သိရသည်။

ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံးတွင် ၁၀ နှစ်ကြာ တာဝန်ထမ်းဆောင်ခဲ့သည့် အသက် ၇၆ နှစ်အရွယ် ဂူတာရက်ဇ်မှာ ကုလအတွင်းရေးမှူးချုပ်သစ် ဖြစ်မည်ဟု ပြီးခဲ့သည့်လများအတွင်း တစ်ပြေးနေခဲ့ခြင်းဖြစ်ပြီး ယမန်နေ့က လုံခြုံရေးကောင်စီတွင် အများသဘောတူညီချက်ဖြင့် ရွေးချယ်ခံခဲ့ရခြင်းဖြစ်သည်။

အဆိုပါ ရာထူးအတွက် အမည်စာရင်းတင်သွင်းခံရသူများမှာ အမျိုးသမီ ၇ ဦးအပါအ၀င် ၁၃ ဦးရှိပြီး နောက်ပိုင်းတွင် ၂ ဦးကို ပြန်လည် ဖယ်ရှားခဲ့သည်။

“ကျွန်တော်တို့အားလုံး သဘောတူတဲ့သူ ရှိပါတယ်။ သူကတော့ အန်တိုနီယို ဂူတာရက်ဇ် ဖြစ်ပါတယ်” ဟု ကုလသမဂ္ဂဆိုင်ရာ ရုရှား သံအမတ်ဖြစ်ပြီး ယခုလ လုံခြုံရေးကောင်စီ၏ ဥက္ကဌဖြစ်သူ ဗီတာလီ အိုင် ချာကင်က ပြောကြားခဲ့သည်။

မစ္စတာ ဂူတာရက်ဇ်မှာ နယူးယောက်စံတော်ချိန် ကြာသာပတေးနေ့မနက်တွင် လုံခြုံရေးကောင်စီ၏ တရားဝင် လက်ခံအတည်ပြုမှုကို ရရှိမည်ဖြစ်ပြီး လာမည့်တစ်ပတ်တွင် ကျင်းပဖွယ်ရှိနေသည့် ကုလ၏ အထွေထွေညီလာခံတွင် အတည်ပြုရေး အမည်စာရင်း တင်သွင်းခံရမည်ဖြစ်သည်။

အထွေထွေညီလာခံမှ အတည်ပြုပြီးပါက ဂူတာရက်ဇ်မှာ ယခုနှစ်ကုန်တွင် သက်တမ်းကုန်ဆုံးမည့် ဘန်ကီမွန်၏ နေရာတွင် ဆက်ခံရမည်ဖြစ်သည်။

Ref : nytimes

October 6, 2016
ရခိုင်ပြည်နယ်က မူဆလင် လို့ခေါ်ဖို့ ကုလမှာတင်ပြ

ဇူလိုင် ၁၈ ၊ ၂၀၁၆
သမ္မတဟောင်း ဦးသိန်းစိန်အစိုးရလက်ထက် ဘင်္ဂလီလို့ခေါ်ပြီး သူတို့ကိုယ်သူတို့ ရိုဟင်ဂျာလို့ ခေါ်နေကြသူတွေနဲ့ပတ်သက်ပြီးတော့ “ရခိုင်ပြည်နယ်က မူဆလင်” လို့ သုံးနှုန်းပြောဆိုကြဖို့ မြန်မာအစိုးရက ကုလသမဂ္ဂမှာ မနေ့ သောကြာနေ့က ပထမဆုံးအကြိမ် တရားဝင် ပြောကြားလိုက်ပါတယ်။ မြန်မာနိုင်ငံက ရိုဟင်ဂျာတွေ အပေါ် ညှင်းပမ်းနှိပ်စက်မှုတွေ အဓိကဖြစ်ပေါ်စေတာဟာ ဘာသာရေး အခြေခံဝါဒီကြောင့်ဖြစ်တယ်လို့ ကုလသမဂ္ဂအထူးကိုယ်စားလှယ် Maina Kiai က သုံးနှုံးပြောဆိုခဲ့တဲ့အပေါ်မှာ တုန့်ပြန်ပြောကြားလိုက်တာဖြစ်ပါတယ်။ မအင်ကြင်းနိုင်က အပြည့်အစုံကိုတင်ပြမှာပါ။
.
ရခိုင်ပြည်နယ်မှာ ပဋိပက္ခဖြစ်နေတဲ့ လူမှုအသိုင်းအ၀ိုင်းနှစ်ဘက်ကြား နာမည် အသုံးအနှုန်းကြောင့် အခြေအနေတွေပိုပြီး ဆိုးရွားမသွားရအောင် NLD အစိုးရ အနေနဲ့ ကြိုးစားကိုင်တွယ် သွားမှာဖြစ်တယ်လို့ နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်က ပြီးခဲ့တဲ့လက ပြောဆိုခဲ့ပြီးနောက်ပိုင်း ပထမဆုံးအကြိမ် အဖြစ် ကမ္ဘာ့အသိုင်းအ၀ိုင်းတခုလုံးကို ရခိုင်ပြည်နယ် အရေးနဲ့ ပတ်သက်လို့ ဘယ်လို အမည်နဲ့ သုံးနှုန်းခေါ်ဆိုရမလဲ ဆိုတာ မြန်မာအစိုးရဘက်က ကုလသမဂ္ဂမှာ မနေ့က တရားဝင်ပြောဆိုလိုက်တာဖြစ်ပါတယ်။
.
ဒါနဲ့ပတ်သက်လို့ ဂျနီဗာမှာကျင်းပနေတဲ့ ၃၂ကြိမ်မြောက် လူ့အခွင့်အရေးကောင်စီ ညီလာခံမှာ မြန်မာအစိုးရကိုယ်စားလှယ် ဒေါ်သက်သင်ဇာထွန်းက အခုလိုပြောဆိုသွားတာပါ။
.
“လူမှု အသိုင်းအ၀ိုင်းနှစ်ဘက်ကြားမှာ အဆင်ပြေပြီး အပြန်အလှန် ယုံကြည်မှုရဖို့ အတွက် “ရခိုင်ပြည်နယ်က မူဆလင်အသိုင်းအ၀ိုင်း”လို့ သုံးနှုန်းပြောဆိုဖို့ မြန်မာ အစိုးရအနေနဲ့ အားလုံးကို အကြံပြုတင်ပြချင်ပါတယ်။”
.
မနေ့က လူ့အခွင့်အရေးကောင်စီညီလာခံမှာ နိုင်ငံတကာမှာ ငြိမ်းချမ်းစွာ စုဝေး ဆန္ဒပြခွင့်နဲ့ပတ်သက်လို့ ကုလသမဂ္ဂအထူးကိုယ်စားလှယ် Maina Kiai ရဲ့ အစီရင်ခံစာ အပေါ် မြန်မာအပါအ၀င် အဖွဲ့ဝင်နိုင်ငံတွေက တုန့်ပြန်ဆွေးနွေး ခဲ့ကြတာပါ။ ဒီအစီရင်ခံစာမှာ ဘာသာ၊ အယူအဆ တင်းကျပ်တဲ့ အခြေခံဝါဒီတွေကြောင့် အကြမ်းဖက်မှုတွေဖြစ်ပေါ်စေ တဲ့နိုင်ငံတွေထဲ မှာ မြန်မာနိုင်ငံလည်း ပါဝင်နေ ကြောင်း ကုလသမဂ္ဂ အထူးကိုယ်စားလှယ် Mr. Kiai က ပြောဆိုခဲ့တာပါ။
.
“မြန်မာနိုင်ငံမှာ ရိုဟင်ဂျာတွေအပေါ် ညှင်းပမ်းနှိပ်စက်မှုအများအပြားကို အဓိကဖြစ်ပေါ်စေတာဟာ ဗုဒ္ဓဘာသာ အခြေခံဝါဒီကြောင့်ဖြစ်ပါတယ်။”
.
အခုလို ကုလသမဂ္ဂအထူးကိုယ်စားလှယ်အနေနဲ့ မမှန်ကန်တဲ့ နာမည်တွေပေးပြီး သုံးနှုန်းပြောဆို သွားတာကို မြန်မာအစိုးရက ထောက်ခံမှာ မဟုတ်ကြောင်းနဲ့ အဲဒီလို မှန်ကန်မှုမရှိတဲ့အမည်တွေသုံးခြင်းအားဖြင့် အခြေအနေတွေကို ပိုပြီး ဆိုးရွားစေကြောင်း မြန်မာအစိုးရကိုယ်စားလှယ် ဒေါ်သက်သင်ဇာထွန်းက တုန့်ပြန်ပြောဆိုခဲ့ပါတယ်။ ဒါအပြင် မြန်မာနိုင်ငံမှာ Buddhist Fundamentalist လို့ခေါ်တဲ့ ဗုဒ္ဓဘာသာအခြေခံဝါဒီ ဆိုတာမျိုးမရှိကြောင်းအခုလို ငြင်းဆိုသွားပါတယ်။
.
“မြန်မာနိုင်ငံမှာ ဗုဒ္ဓဘာသာအခြေခံဝါဒီဆိုတာလို့ မရှိပါဘူး။ စေတနာ၊ မေတ္တာနဲ့ သည်းခံဖို့ စတာတွေကိုပဲ ဗုဒ္ဓက အဓိကပြောကြားခဲ့တာပါ။ ဒေါသ၊ အမုန်းနဲ့ သည်းခံတဲ့ တရားမရှိတာမျိုးကို ဗုဒ္ဓက သင်ကြားမပေးခဲ့ပါဘူး။ ကျမတို့မြေပေါ်မှာ ဘာသာ၊ အယူအဆ တင်းကျပ်တဲ့ ဘယ်အခြေခံဝါဒီမဆို ကျမတို့အသိုင်းအ၀ိုင်း အများစုက လက်မခံကြပါဘူး။”
.
ဆွစ်ဇာလန်နိုင်ငံ ဂျနီဗာမှာ ဇွန်လ (၁၃)ရက်နေ့ကနေ ဇူလိုင် (၁)ရက်နေ့အထိ ကျင်းပနေတဲ့ လူ့အခွင့်အရေးကောင်စီညီလာခံမှာ ငြိမ်းချမ်းစွာစုဝေးဆန္ဒပြခွင့်ဆိုင်ရာ ကုလသမဂ္ဂအထူးကိုယ်စားလှယ် Maina Kiai ကမနေ့ကတင်သွင်းတဲ့ အစီရင်ခံစာမှာ ဘာသာ၊ အယူအဆတင်းကျပ်တဲ့အခြေခံဝါဒီတွေဟာ တကမ္ဘာလုံးမှာ ကြီးထွားလာနေပြီး ငြိမ်းချမ်းစွာစုဝေးဆန္ဒပြခွင့်ကို စိုးရိမ်စရာကောင်းလောက်အောင် ခြိမ်းခြောက်နေကြောင်း သတိပေးပြောကြားခဲ့ပါတယ်။

VOA မြန်မာပိုင်းမှ ကူးယူဖော်ပြခြင်းဖြစ်ပါသည်။
http://burmese.voanews.com/a/rakhine-issue-on-un-geneva/3381410.html

June 18, 2016
ရခိုင်ပြဿနာ ကိုင်တွယ်ပုံ ကုလမှာတင်ပြ

ဇွန် ၁၇ ၊ ၂၀၁၆
ရခိုင်ပြည်နယ်အရေး ဖြေရှင်းဆောင်ရွက်ဖို့ ဖွံဖြိုးမှုကို အခြေခံတဲ့ ရေတိုရေရှည် နည်းလမ်းတွေကို NLD အစိုးရသစ်အနေနဲ့ ကျင့်သုံးသွားမှာဖြစ်တယ်လို့ ကုလသမဂ္ဂဆိုင်ရာ မြန်မာသံအမတ်ကြီးက ဂျီနီဗာမှာကျင်းပနေတဲ့ ၃၂ ကြိမ်မြောက် ကုလသမဂ္ဂ လူ့အခွင့်အရေးကောင်စီ ညီလာခံမှာပြောဆိုခဲ့ပါတယ်။
.
ဒီအတောအတွင်းမှာပဲ ရခိုင်ပြည်နယ်က မူဆလင်လူနည်းစုခေါင်းဆောင်တွေက ဘိုးဘွား ဘီဘင်လက်ထက်ကတည်းကနေထိုင်လာတဲ့ မူဆလင်တွေကို ဥပဒေနဲ့အညီ နိုင်ငံသားဖြစ်ခွင့်ပေးဖို့ ရခိုင်ပြည်နယ်ဝန်ကြီးချုပ်နဲ့တွေ့ဆုံရာမှာ တင်ပြခဲ့ကြပါတယ်။ မအင်ကြင်းနိုင်က အပြည့်အစုံကိုတင်ဆက်မှာပါ။
.
ဆွစ်ဇာလန်နိုင်ငံ ဂျီနီဗာမှာ ဇွန်လ ၁၃ ရက်နေ့ကနေ ဇူလိုင်လ ၁ ရက်နေ့အထိ ကျင်းပနေတဲ့ ကုလသမဂ္ဂလူ့အခွင့်အရေးကောင်စီညီလာခံမှာ ရခိုင်ပြည်နယ်အရေး အပါအ၀င် မြန်မာနိုင်ငံကလူ့အခွင့်အရေးအခြေအနေနဲ့ပတ်သက်လို့ ကုလသမဂ္ဂနဲ့ အခြားနိုင်ငံတကာအဖွဲ့အစည်းများဆိုင်ရာ သံအမတ်ကြီးဦးမောင်ဝေက အင်္ဂါနေ့က အခုလိုပြောကြားခဲ့ပါတယ်။
.
“ဒီကနေ့မြန်မာအစိုးရဟာ ၁၉၆၂ခုနှစ်နောက်ပိုင်း ဒီမိုကရေစီနည်း အရ ရွေးကောက်တင်မြှောက်ခံရတဲ့ ပထမဆုံးအစိုးရဖြစ်ပါတယ်။ အစိုးရအနေနဲ့ လုပ်ဆောင်ပေးပါမယ် ဆိုတဲ့ ကတိတွေအများအပြားပေးမှာမဟုတ်ပေမဲ့ လက်တွေ့ဆောင်ရွက်ရမှာ ပိုပြီးထိရောက်အောင်လုပ်ပြဖို့ ကြိုးစား သွားမှာဖြစ်ပါတယ်။ ယေဘုယျအားဖြင့်တော့ လူ့အခွင့်အရေးကိစ္စတွေ ကိုင်တွယ်ဆောင်ရွက်ရမှာ အရင်နဲ့မတူအောင် နည်းလမ်းတွေချမှတ် အကောင်အထည်ဖေါ်မှာဖြစ်ပါတယ်။ အစိုးရသစ်လက်ထက်မှာ ဖွံဖြိုးမှုကိုအခြေခံပြီး ဘက်စုံကတိုးတက်နိုင်ရေးအတွက် ရခိုင်ပြည်နယ်မှာ ရေတို နဲ့ရေရှည်အဖြေရှာမယ့် နည်းလမ်းတွေကို ကျင့်သုံးသွားမှာဖြစ်ပါတယ်။”
.
ရခိုင်ပြည်နယ်အရေးအတွက် နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကိုယ်တိုင်ဦးဆောင်ကိုင်တွယ်နေတာပါ။ ဒါနဲ့ပတ်သက်လို့ မူဆလင်လူနည်းစုတွေရဲ့ အမြင်ကို ဒုက္ခသည်စခန်းမှာနေထိုင်နေတဲ့နိုင်ငံရေး အကျဉ်းသားဟောင်း လည်းဖြစ်၊ ရှေ့နေတဦးလည်းဖြစ်တဲ့ ဦးကျော်လှအောင်က အခုလိုပြောပါတယ်။
.
” အဲ့တာတွေတော့ ကောင်းတာပေါ့။ ဒါပေမဲ့ သူက ဒီက အခြေအနေကို ဃဃဏဏ သိဖို့လိုတယ်။ ဒီကလူတွေက နိုင်ငံခြားက ဝင်လာတဲ့ပုဂ္ဂိုလ်တွေမဟုတ်ဘူး။ အဲ့တာတွေကို ၁၉၄၈ ကစပြီးတော့ မဲထည့်လာတဲ့ စာရင်းကိုသွားကြည့်ရင် အစိုးရဆီမှာ ရှိမှာပါ။ ဒါတွေက ဥပဒေနဲ့ဆိုင်တယ်လေ။ ဥပဒေမှာ က မြေစာရင်းမှာလည်း ဒါတွေ ရှိ်မှာပဲ။ အရင်က ယူအန်က လူကြီး တယောက်တောင်မှ ကျနော့်ကိုပြောခဲ့တယ်။ ကျနော်တို့ မြေစာရင်းတွေ အားလုံးမှာ ရှိတာပဲ။ အဲ့တာတွေကို ဥပဒေအတိုင်း ကိုင်မယ်ဆိုရင် အားလုံးပြေလည်သွားမှာပဲ။ အဓိက က ဥပဒေစိုးမိုးမှုက သိပ်အရေးကြီးတယ်။ သူတို့က ဘာသာနဲ့လူမျိုးကို မခွဲခြားပဲနဲ့ အဲ့လိုသာ သွားမယ်ဆို အဆင်ပြေသွားမယ်လို့ ကျနော်တို့ ယူဆတယ်။။”
.
ရခိုင်ပြည်နယ်အတွင်း နိုင်ငံသားစိစစ်ရေးစာရင်းတွေစတင်ကောက်ယူနေတာနဲ့ပတ်သက်လို့ ပြည်နယ်ဝန်ကြီးချုပ် ဦးညီပုနဲ့ မူဆလင် လူနည်းစုခေါင်းဆောင် တချို့ နဲ့တွေ့ဆုံပြီး ရှင်းလင်းပြောဆိုရာမှာ သူတို့ရင်ဆိုင်နေရတဲ့ အခြေအနေတွေကို လည်း တင်ပြခဲ့ကြောင်း ဦးကျော်လှအောင်က ပြောပါတယ်။
.
“ပုံစံ ၄နဲ့သွားရမယ်ဆိုပြီး လုပ်ပစ်လိုက်တော့ လူတွေမှာ အများကြီး အခက်အခဲဖြစ်နေ တယ်။ အခု တက္ကသိုလ် ဝင်တန်းအောင်ပြီးတော့ တက္ကသိုလ်ကို တက်ဖို့ဟာ လည်း မရဘူး။ ဘာဖြစ်လို့ဆိုတော့ နိုင်ငံသား မဖြစ်လို့။ တက်ခွင့်မပေးဘူးဆိုပြီး အဲ့လိုပဲ ဖြေကြတယ်။ သူတို့က။ ဒီတခါ မိုးသက်လေပြင်းမှာ အဆောင်တွေ တော်တော်ပျက်စီးသွားတယ်။ အဲ့တာတွေကို သူတို့ လာကြည့်ဖို့ကောင်းတယ်။ အဲ့တာတွေကို ပြင်ပေးဖို့ကောင်း တယ်။ နောက် ကျောင်းတွေ ဘာတွေ မလုံလောက်ဘူး။ ”
.
ကုလသမဂ္ဂ လူ့အခွင့်အရေး မဟာမင်းကြီး Zeid Ra’ad al-Hussein ကလည်း သူရဲ့ မြန်မာနိုင်ငံခရီးစဉ်အတွင်း ရခိုင်ပြည်နယ်အရေး အပါအ၀င် မြန်မာနိုင်ငံက လူ့အခွင့်အရေးအခြေအနေ၊ အမျိုးသားပြန်လည် သင့်မြတ်ရေးတို့ နဲ့ပတ်သက်ပြီး မြန်မာသမ္မတ ဦးထင်ကျော်နဲ့ နိုင်ငံတော်အတိုင်ပင်ခံ ပုဂ္ဂိုလ်ဒေါ်အောင်ဆန်းစုကြည်တို့နဲ့ တွေ့ဆုံဆွေးနွေးခဲ့ကြောင်း က တနင်္လာနေ့ အဖွင့်မိန့်ခွန်းမှာ ထည့်သွင်းပြောဆိုခဲ့ပါတယ်။
.
ဒါအပြင်ရိုဟင်ဂျာ မူဆလင်တွေနဲ့ တခြား တိုင်းရင်းသား လူနဲစုတွေအပေါ် ကျူးလွန်နေတဲ့ လူ့အခွင့်အရေး ချိုးဖောက်မှုတွေနဲ့ ဆိုင်တဲ့ အစီရင်ခံစာကို ဇွန်လ (၂၉)ရက်နေ့မှာ သူကိုယ်တိုင် တင်သွင်းဖို့ရှိတယ်လို့လည်း လူ့အခွင့်အရေး မဟာမင်းကြီးက ပြောကြားခဲ့ပါတယ်။
.
VOA မြန်မာပိုင်းမှ ကူးယူဖော်ပြခြင်းဖြစ်ပါသည်။
http://burmese.voanews.com/a/rakhine-issue-at-un-geneva/3380250.html

June 17, 2016
အကြမ်းဖက်မှုဒဏ်ကို အဓိကခံစားနေရသူများမှာ မွတ်စလင်များသာဖြစ်သည်ဟု ကုလပြော

ဧပြီ ၁၂၊ ၂၀၁၆
M-Media

– ကမ္ဘာတစ်ဝှမ်းက အကြမ်းဖက်ဝါဒရဲ့ အဓိကပစ်မှတ်ထားတိုက်ခိုက်ခံနေရတဲ့ သားကောင်တွေဟာ မွတ်စလင်တွေသာ ဖြစ်တယ်လို့ ကုလသမဂ္ဂ အတွင်းရေးမှူးချုပ် ဘန်ကီမွန်းက ပြောကြားလိုက်ပြီး အစွန်းရောက်တွေရဲ့ ရည်ရွယ်ချက်ဟာ မိမိတို့လူ့အဖွဲ့အစည်းအကြားမှာ စည်းလုံးညီညွတ်မှု ပျက်ပြားရေးသာ ဖြစ်တယ်လို့ ဆိုပါတယ်။

The Way Forward ဆိုတဲ့ ခေါင်းစဉ်နဲ့ ဂျီနီဗာမှာပြုလုပ်တဲ့ ညီလာခံမှာ ဘန်က အခုလို ပြောကြားလိုက်တာဖြစ်ပြီး IS သို့မဟုတ် ဘိုကိုဟရမ် စတဲ့ အကြမ်းဖက်သမားတွေရဲ့ အန္တရာယ်ကို ရှောင်လွှဲလို့မရပေမဲ့ “အကြမ်းဖက်တိုက်ခိုက်ကြတဲ့ အဖြစ်အပျက်တွေဟာ မည်သည့် ဘာသာတရား၊ နိုင်ငံသား သို့မဟုတ် မျိုးနွယ်စုတစ်ခုခုမှာ အမြစ်တွယ်နေတာမဟုတ်သလို၊ အဲဒီလိုလည်း သတ်မှတ်လို့မရဘူး” လို့ ဘန်က ထည့်သွင်းပြောကြားခဲ့ပါတယ်။

“ကမ္ဘာတစ်ဝှမ်း အကြမ်းဖက်သမားတွေရဲ့ အဓိကသားကောင်တွေဟာ မွတ်စလင်တွေဖြစ်နေတယ်ဆိုတာကို ဒီနေ့မှာ ကွယ်မ၀ှက်တမ်း လက်ခံကြပါစို့”

အကြမ်းဖက်သမားတွေဟာ ဂိုဏ်းဂဏတွေ ပြိုကွဲအောင်ပြုလုပ်ပြီး အကြောက်တရားစိုးမိုးအောင် ရည်ရွယ်ပြုလုပ်နေတာဖြစ်တယ်လို့လည်း ၎င်းက ထပ်လောင်းပြောကြားခဲ့ပါတယ်။

“အဲ့ဒီလို အစိတ်စိတ်အမွှာမွှာကွဲပြီးပြိုလဲစေတဲ့ နည်းဗျူဟာကို အပြတ်သတ် နှိမ်နင်းနိုင်ဖို့ ဒီညီလာခံကနေ ကျွန်တော်တို့အားလုံး စည်းလုံးကြပါစို့”

Ref : ArabNews

April 12, 2016
ဆီးရီးယားအား ကူညီရန်အတွက် နိုင်ငံတကာအသိုင်းအ၀ိုင်းက ကန်ဒေါ်လာ ၁၀ ဘီလီယံ ကတိပြု

ဖေဖော်ဝါရီ ၆၊ ၂၀၁၆
M-Media

– လန်ဒန်မြို့တွင် ပြုလုပ်ခဲ့သည့် ဆီးရီးယားနှင့် အရှေ့အလယ်ပိုင်းဒေသအား ထောက်ပံ့ကူညီရေး ညီလာခံတွင် ကမ္ဘာ့နိုင်ငံများက စစ်မက်ဖြစ်ပွားနေသော ဆီးရီးယားနိုင်ငံအား ကန်ဒေါ်လာ ၁၀ ဘီလီယံ ကူညီရန် ကတိပြုခဲ့သည်ဟု သိရသည်။

“ပြဿနာတစ်ခုအတွက် တစ်ရက်အတွင်းမှာ နိုင်ငံတကာအသိုင်းအ၀ိုင်းကနေ ထောက်ပံ့မှု ဒီလောက်များများ မရရှိခဲ့ဖူးပါဘူး” ဟု ကုလအတွင်းရေးမှူးချုပ် ဘန်ကီမွန်က ဖေဖော်ဝါရီ ၄ ရက်နေ့တွင် ပြုလုပ်ခဲ့သည့် အဆိုပါညီလာခံတွင် ပြောကြားခဲ့သည်။

Supporting Syria & The Region အမည်ဖြင့် တစ်ရက်တာကြာမြင့်သည့် အဆိုပါညီလာခံကို ကုလနှင့် ယူကေ၊ ကူဝိတ်၊ ဂျာမနီ၊ နော်ဝေနိုင်ငံတို့မှ အစိုးရများ ပူးပေါင်းကာ ကျင်းပခဲ့ခြင်းဖြစ်သည်။ ကတိပြုခဲ့ကြသည့် ထောက်ပံ့ငွေများမှ ထက်ဝက်ကျော်မှာ ယခုနှစ်အတွင်း လိုအပ်ချက်များကို ဖြည့်ဆည်းပေးရန်ဖြစ်သည်။

၅ နှစ်ကျော်ကြာမြင့်နေပြီဖြစ်သည့် ဆီးရီးယားစစ်ပွဲကြောင့် ပြည်သူ ၂ သိန်း ၅ သောင်းကျော် သေဆုံးခဲ့ပြီး လူပေါင်း ၄ သန်းကျော်မှာ နိုင်ငံရပ်ခြားသို့ ထွက်ပြေးခဲ့ရသည်။ ပြည်တွင်းဒုက္ခသည်အရေအတွက်မှာ ၆.၅ သန်းခန့် ရှိနေသည်။

“ဒီနေ့ ကတိပြုမှုဟာ လူသားချင်း စာနာထောက်ထားမှုဆိုင်ရာ လုပ်သားတွေအနေနဲ့ သန်းပေါင်းများစွာသော ပြည်သူတွေထံကို အသက်ဆက်ဖို့အကူအညီ ဆက်လက်ပေးအပ်နိုင်စေမှာ ဖြစ်ပါတယ်” ဟု ဘန်က ထပ်လောင်းပြောကြားခဲ့သည်။

အဆိုပါညီလာခံတွင် ဆီးရီးယားဒုက္ခသည်များကို လက်ခံထားသည့် နိုင်ငံများက ဒုက္ခသည်များအတွက် အလုပ်အကိုင်ပေးအပ်ရန်လည်း ကတိပြုခဲ့ပြီး ဂျော်ဒန်၊ လက်ဘနွန်နှင့် တူရကီတို့က ၎င်းတို့နိုင်ငံအတွင်းရှိ ဆီးရီးယားဒုက္ခသည်ကလေးငယ်များ ကျောင်းတက်ခွင့်ရရေးအတွက် ဆောင်ရွက်ပေးမည်ဟုလည်း ပြောကြားခဲ့သည်။

Ref: un.org

February 6, 2016