ဇွန် ၁၂၊ ၂၀၁၆
M-Media
– အမေရိကန်ပြည်ထောင်စု ဖလော်ရီဒါပြည်နယ် အော်လန်ဒိုမြို့ရှိ လိင်တူချစ်သများစုဝေးရာ နိုက်ကလပ်တစ်ခုတွင် ယနေ့မနက်အစောပိုင်းက သေနတ်ပစ်ခတ်မှုတစ်ခု ဖြစ်ပွားခဲ့ပြီး လူ ၂၀ ၀န်းကျင်ခန့် သေဆုံးခဲ့သည်ဟု ရဲတပ်ဖွဲ့က ပြောကြားလိုက်သည်။
သေနတ်သမားမှာ ချေမှုန်းရေးရိုင်ဖယ်၊ ပစ္စတိုနှင့် အခြေား တိုက်ခိုက်ရေးပစ္စည်းများကို ယူဆောင်ကာ ပစ်ခတ်တိုက်ခိုက်ခဲ့ခြင်းဖြစ်ပြီး ရဲတပ်ဖွဲ့နှင့် အပြန်အလှန်ပစ်ခတ်မှုအတွင်း အဆိုပါ သေနတ်သမား သေဆုံးခဲ့သည်။ ထိုအဖြစ်အပျက်အတွင်း ဒဏ်ရာရသူ ၄၂ ဦးရှိခဲ့ကာ အနီးအနားရှိ ဆေးရုံသို့ ပို့ဆောင်ပေးထားပြီး သေဆုံးသူနှင့် ဒဏ်ရာရရှိသူအရေအတွက် အတိအကျကို အတည်မပြုနိုင်သေးပေ။
ဖလော်ရီဒါ အာဏာပိုင်များကမူ အဆိုပါတိုက်ခိုက်မှုကို ပြည်တွင်းအကြမ်းဖက်မှု သို့မဟုတ် နိုင်ငံတကာ အကြမ်းဖက်မှုအဖြစ် သတ်မှတ်ကာ ချဉ်းကပ်လှုပ်ရှားနေသည်ဟု ဆိုသည်။
“ကျွန်တော်တို့ဟာ ဒါကို အကြမ်းဖက်မှုလုပ်ရပ်အဖြစ် ရှုထောင့်ပေါင်းစုံကနေ စုံစမ်းစစ်ဆေးမှုတွေ ပြုလုပ်နေပါတယ်။ ပြည်တွင်းအကြမ်းဖက်မှုပဲဖြစ်ဖြစ်၊ နိုင်ငံတကာ အကြမ်းဖက်မှုပဲဖြစ်ဖြစ် ရေဆုံးမြေဆုံးလိုက်သွားမှာပါ” ဟု ဖလော်ရီဒါ ဥပဒေ စိုးမိုးရေးဌာနကို တာဝန်ယူထားသည့် အထူးအေးဂျင့်ဖြစ်သူ ဒန်နီ ဘန့်က ပြောကြားခဲ့သည်။
ပြီးခဲ့သည့်ရက်ပိုင်းကလည်း အော်လန်ဒိုမြို့ရှိ ဂီတဖျော်ဖြေပွဲတစ်ခုတွင် နာမည်ကြီးအဆိုတော် ခရစ္စတီးနယား ဂရင်မီမှာ အနီးကပ် ပစ်သတ်ခြင်းခံခဲ့ရသည်။
Ref: Aljazeera
