နိုဝင်ဘာ ၂၄၊ ၂၀၁၈
M-Media
အာဖဂန်တပ်ရင်းတစ်ခုရှိ ဗလီတစ်လုံး သောကြာနေ့ ၀တ်ပြုနေစဉ် ဗုံးခွဲခံရ
====================
အာဖဂန်နစ္စတန်နိုင်ငံအရှေ့ပိုင်း ခို့စ်ပြည်နယ်အခြေစိုက် တပ်ရင်းတစ်ခုက ဗလီထဲမှာ မနေ့က သောကြာနေ့ ၀တ်ပြုဆုတောင်းနေစဉ်အတွင်း ဗုံးခွဲမှုဖြစ်တာကြောင့် စစ်သား ၂၇ ဦးသေဆုံးခဲ့ပြီး ၅၇ ဦး ဒဏ်ရာရရှိခဲ့တယ်လို့ အာဖဂန်စစ်တပ်က ပြောကြားခဲ့ပါတယ်။ အသေခံဗုံးခွဲတာလား အဝေထိန်းဗုံးခွဲတာလားဆိုတာနဲ့ ဘယ်အဖွဲ့အစည်းကလုပ်တယ်ဆိုတာကို သိရှိရခြင်း မရှိသေးပါဘူး။ အာဖဂန်မှာ ပြီးခဲ့တဲ့သီတင်းပတ်တွေအတွင်း IS အကြမ်းဖက်အဖွဲ့နဲ့ တာလီဘန်တို့ဟာ တိုက်ခိုက်မှုတွေကို နေရာအနှံ့ ပြုလုပ်လာခဲ့ပါတယ်။ အခုသီတင်းပတ်အစောပိုင်းကလည်း မြို့တော်ကဘူလ်းမှာပြုလုပ်တဲ့ တမန်တော်နေ့အခမ်းအနားမှာ အသေခံဗုံးခွဲမှုတစ်ခု ဖြစ်ပွားခဲ့ပြီး အစ္စလာမ်ဘာသာရေးပညာရှင်တွေအပါအ၀င် လူ ၅၅ ဦး သေဆုံးကာ ၉၄ ဦး ဒဏ်ရာရခဲ့ပါတယ်။
ထရမ့်နှင့် ဆော်ဒီအစိုးရတို့ ပုဂ္ဂိုလ်ရေးပတ်သက်မှု ရှိ၊ မရှိ ကန်အောက်လွှတ်တော် စုံစမ်းမည်
================
ဆော်ဒီဂျာနယ်လစ် ကာရှိုဂျီ အသတ်ခံရတဲ့ကိစ္စမှာ သမ္မတ ဒေါ်နယ်ထရမ့်ရဲ့ ဝေဖန်ခံနေရတဲ့ တုန့်ပြန်မှုနဲ့ပတ်သက်ပြီး စုံစမ်းစစ်ဆေး သွားမယ်လို့ အောက်လွှတ်တော် ထောက်လှမ်းရေးကော်မတီရဲ့ အကြီးအကဲဖြစ်လာတော့မယ့် သြဇာရှိ ဒီမိုကရက်တစ်အမတ် အဒမ် ရှစ်ဖ်က မနေ့မှာ ပြောကြားလိုက်ပါတယ်။ အောက်တိုဘာ ၂ ရက်နေ့ အစ္စတန်ဘူလ်က ဆော်ဒီကောင်စစ်ဝန်ရုံးမှာ ကာရှိုဂျီအသတ်ခံရမှုကို ဆော်ဒီအိမ်ရှေ့မင်းသားက အမိန့်ပေးတာဖြစ်တယ်လို့ စီအိုင်ကေက ကောက်ချက်ချထားပေမယ့် ထရမ့်က ဒါကို လက်မခံဘူးလို့ ဆိုပါတယ်။ ရှစ်ဖ်က သူတို့ကော်မတီဟာ ထရမ့်နဲ့ ဆော်ဒီအစိုးရတို့အကြား ပုဂ္ဂိုလ်ရေးဆက်သွယ်မှု ရှိလားဆိုတဲ့ ကိစ္စအပြင် ယီမင်စစ်ပွဲ၊ ဆော်ဒီက ဝေဖန်သူတွေ၊ စာနယ်ဇင်းတွေကို ဖိနှိပ်တဲ့ ကိစ္စတွေကိုလည်း စုံစမ်းစစ်ဆေးသွားမှာ ဖြစ်ပါတယ်။ အခုလအစောပိုင်း လွှတ်တော်အမတ်ရွေးကောက်ပွဲမှာ အောက်လွှတ်တော်ကို ဒီမိုကရက်တွေက အုပ်စီးထားနိုင်တဲ့အတွက် ထရမ့်ရဲ့လုပ်ရပ်တွေကို အောက်လွှတ်တော်က ပိုပြီးတော့ စောင့်ကြည့်ထိန်းချုပ်လာမှာ ဖြစ်ပါတယ်။
အစ္စရေးမှာ ဒေသအတွက် ကင်ဆာအကြိတ်ဟု အီရန်သမ္မတပြော
================
အစ္စရေးဟာ အရှေ့အလယ်ပိုင်းရဲ့ ကင်ဆာအကြိတ်ဖြစ်ပြီး အနောက်နိုင်ငံတွေက သူတို့အကျိုးစီးပွားအတွက် အစ္စရေးကို ဖန်တီးပေးထားတာ ဖြစ်တယ်လို့ အီရန်သမ္မတ ဟာဆန်ရူဟာနီက ဒီကနေ့မှာ ပြောကြားလိုက်ပါတယ်။ အီရန်နဲ့ အစ္စရေးတို့ဟာ အပြန်အလှန် ပြစ်တင်ဝေဖန်မှုတွေ ပြုလုပ်လေ့ရှိပြီး လက်ဘနွန်က ဟစ်ဇ်ဘိုလာနဲ့ ပါလက်စတိုင်းက ဟားမက်စ်အဖွဲ့တွေကို အီရန်က ထောက်ပံ့ပေးနေတယ်လို့ အစ္စရေးက စွပ်စွဲထားပါတယ်။ ရူဟာနီက ဒုတိယကမ္ဘာစစ်ရဲ့ ဆိုးကျိုးတွေထဲကတစ်ခုဟာ အရှေ့အလယ်ပိုင်းမှာ အစ္စရေးနိုင်ငံ ပေါ်ထွက်လာတာဖြစ်ကြောင်း၊ အမေရိကန်ဟာ မွတ်စလင်တွေနိုင်ငံတွေကို အသုံးချပြီး အစ္စရေးကို ကာကွယ်ပေးဖို့ ဆောင်ရွက်နေကြောင်း ထည့်သွင်းပြောဆိုခဲ့ပါတယ်။
အီရတ်က တိုင်းပြည်ပြန်လည်ထူထောင်ရေး ဆောင်ရွက်မည်
==================
စစ်ပွဲတွေကြောင့် ချုံးချုံးကျနေတဲ့နိုင်ငံကို ပြန်လည်ထူထောင်ရေးအတွက် ကော်မတီတစ်ရပ် ဖွဲ့စည်းသွားမယ်လို့ အီရတ်သမ္မတ ဘာရ်ဟမ် ဆာလီဟ်က ပြောကြားလိုက်ပါတယ်။ ၂၀၀၃ ခုနှစ် အမေရိကန်ရဲ့ ကျူးကျော်စစ်နောက်ပိုင်း ၂၀၁၄ ခုနှစ်မှာ IS အကြမ်းဖက်အဖွဲ့က နိုင်ငံရဲ့ ၃ ပုံ ၁ ပုံကို သိမ်းပိုက်ခဲ့ပြီး အီရတ်နိုင်ငံရဲ့ စစ်မီးဟာ ပိုမိုတောက်လောင်ခဲ့ပါတယ်။ ၂၀၁၇ ခုနှစ် ဒီဇင်ဘာအရောက်မှာ အီရတ်စစ်တပ်က IS သိမ်းထားတဲ့ နယ်မြေတွေကို ပြန်လည် ရယူနိုင်ခဲ့ပါတယ်။ ဆာလီဟ်က အခုဖွဲ့စည်းမယ့် ကော်မတီဟာ နိုင်ငံအတွင်း လမ်းပန်းဆက်သွယ်ရေးနဲ့ ဖွံ့ဖြိုးရေးစီမံကိန်းတွေကို ဆောင်ရွက်သွားမှာဖြစ်ပြီး နိုင်ငံခြားရင်းနှီးမြှုပ်နှံသူတွေ၊ အလှူရှင်တွေ လာရောက်ဖို့လည်း ဖိတ်ခေါ်ခဲ့ပါတယ်။
Ref: Aljazeera, Arab News
